ලහිරු පෙරේරාගේ ක්‍රිකට් සිංදුව ජනාධිපති නිපන්දුවක් කරයි | Sri Lanka President calls cricket song no-ball

බංග්ලාදේශය
(2011 පෙබරවාරි 25, W3Lanka) පහත් රුචියක් මත පදනම් වූ, අපහාසාත්මක හා මුග්ධ ප්‍රකාශ සහිත වචන වගයක් (පදමාලාවක් යයි ද ඇතැම්හු කියති) සහිත ශ්‍රී ලංකා ක්‍රිකට් ආයතනයේ නිල ලෝක කුසලාන සිංදුව (ගීතය) තහනම් කිරීමට ජනාධිපති මහින්ද රාජපක්ෂ ගත් පියවර අපි අගය කරමු. 


ජනාධිපතිවරයා මේ සිංදුව තහනම් කිරීමට පියවර ගත්තේ සූරියවැව ක්‍රීඩාංගනය විවෘත කළ දා කැනඩාව හා ශ්‍රී ලංකාව අතර පැවති ලෝක කුසලාන ක්‍රිකට් තරග‍යේදී එය වාදනය කරනු අසා ඇති වූ ලජ්ජාව හා වෙනත් රටවල් ගැන කියන කතා නිසා ඇති වූ අපහසුතාව නිසා බව වාර්තා වේ. 


ලංකාවේ වැනි පාලනයන් සහිත රටවල කලා බිස්නස්කාරයන්ට පවා පාලකයා සතුටු කරන්නට බැරි වුණොත් සිදු වන්නේ ඇන ගන්නට බව මේ සිද්ධියෙන් පෙනේ. 


මේ සිංදුව කියන්නේ (ගායනා කරන බව සමහරු කියති) ලහිරු පෙරේරා නමැති ගීත ව්‍යාපාරිකයා ය. (ගායකයකු ලෙස ද හැඳින්වේ.) ඔහු මීට පෙර 'රතු රටකජු - සුදු රටකජු' යයි සිංදුවක් කියුවේ ය. එහි වචන ද ඔහු සහ ඔහුගේ නඩය විසින් අතනින්, මෙතනින් අහුලාගෙන මෙලෝ රහක් නැතිව එකට පටලවා ගත් ඒවා ය. 


එහෙත්, බාල බඩු වැඩි මිළට විකිණීමේ දක්ෂතාවකින් යුතු අලෙවිකරුවන් පිරිසක් එකතු වී මේ ගීතය හොඳට විකුණා ගත්තෝ ය. සමහරු හිතන්නේ ‍මේ ගීත හරි ජනප්‍රිය ය කියා ය. එහෙත්, ඇත්ත නම් මේ ගීත නිතර දෙවේලේ ඇසීම පිටුපස ඇත්තේ ගුවන් විදුලි, රූපවාහිනී සේවාවලට දුන් පගා වීමයි. මේ සිංදු ව්‍යාපාරිකයෝ සිංදු කියන්නේ දැන්වීම් ප්‍රචාරක ආයතන දෙස බලාගෙන මිස සිංදු අහන මිනිසුන්ට නො වේ. මොවුන් කෙතරම් බාල වෙළෙන්දෝ ද යත්, උන්ගේ සිංදු අස්සේ ද වෙළඳ දැන්වීම් කෑලි හොරෙන් ඔබා, ඒවා විකාශය කරන මාධ්‍ය ආයතනවලලට ද වංචා කරමින් විකුණන්නට පව ඔවුහු කටයුතු කරති. 


මොවුන් සමාන කළ හැක්කේ පොත් අස්සේ වැල පොත් හෙවත් කුණුහරුප පොත් හංගා විකුණන වර්ගයේ පාදඩ වෙළෙන්දන්ට ය. මොවුන්ට කලාකාරයන් කියා කියනවා නම් ඇත්ත කලාකාරයෝ තමන් කලාකරුවන් යයි කියනවාට විරුද්ධ විය යුතු ය. 




මේ වර්ගයේ සිංදු ව්‍යාපාරිකයන්ට බැරි ගායනය පමණක් නො වේ. නර්තනය ද බැරි ය. මෙලෝ රහක් නැති සිය හැකියාවන් ඔවුන් වසා ගන්නේ තාක්ෂණයේ පිහිටෙනි. ඒත් කමක් නැත. මේවා විකුණන්නේ බලහත්කාරයෙනි. ඒ අලෙවිය පිටුපස ඇති ප්‍රචණ්ඩත්වය පාරිභෝගිකයන්ට වැ‍ටහෙන්නේ නැත. 


ලෝක කුසලාන ක්‍රිකට් තරගවල ටිකට් සම්බන්ධයෙන් ඇත්තේ ද මෙවැනි ම තත්වයකි. වෙළඳ ප්‍රයෝග මගින් ලෝක කුසලාන ටිකට් පතක් හිමි කර ගන්නට සමත් වීම දක්ෂකමක්, වාසනාවක්, වරප්‍රසාදිත තත්වයක් හා විලාසිතාවක් බවට පත් කර තිබේ. එදා වේල පිරිමසා ගන්නට විදියක් නැති ලංකාවේ මිනිස්සු ලෝක කුසලාන ක්‍රිකට් තරගවල ප්‍රවේශ පත්‍ර මිළ ගැන කතා කරමින් කාලය කති. 


ජනාධිපති තීරණය කලා වාරණයක් ලෙස නො සැලකිය යුතු ය. මන්ද, මේ වනාහි, රජයේ ආයතනයක් විසින් බාල බඩුවක් මිළ දී ගෙන අසු වූ අවස්ථාවක් පමණි. ආඩම්බරය පෙන්නන්නට කවිච්චියක් අවශ්‍ය තැනට ප්ලාස්ටික් පුටුවක් මිළ දී ගත්තා වැනි දෙයකි. මෙහි කලාවක් කියා දෙයක් නැත. 


රට යන අත අනුව තව වැඩි කලක් යන්න‍ට පෙර අලුත් ශ්‍රී ලංකාවේ ජාතික ගීය නිර්මානය කිරීම භාතිය-සන්තුෂ්ට පැවරෙන්නට ඉඩ තිබේ.  ඒ නිසා, ජනාධිපතිතුමාගේ තීරණය අපි රෝහණ වීරසිංහගේ සිට රූකාන්ත ගුණතිලක දක්වා ආණ්ඩුවට කඩේ යන සංගීතඥයන්ගේ විලි ලජ්ජාව බේරා දීමට ගත් මහඟු පියවරක් සේ අපි අගය කරමු. 


පහත ඇත්තේ ලහිරු පෙරේරාගේ ක්‍රිකට් සිංදුවයි. මෙය අර රටකජු ජහුටයට වඩා නම් හොඳ ය. "කූඩාරම් අරන් වරෙන් වටේ බඳින්න - එළි වෙනකං බෝලවලට මැහුම් දාන්න.", "දිව්‍ය ‍ලෝකෙ ටීවි වටේ දෙයියො පිරෙන්නේ", "තව්තිසාවෙ ජනෙල්වලට බෝල වදින්නේ" වැනි අපූරු යෙදුම් කීපයක් එහි ඇත. 



මේ ලිපියට ඔබ කැමති නම් වෙන අයත් එක්කත් බෙදා ගන්න

Comments

  1. Cheap taste.
    Spoiling the gentleman's game by people who have entrusted the responsibility of protecting the game in Sri Lanka.

    The person responsible for approving this Choka Song (Baila) should be sacked and if any payment involved, get it from those responsible (they don't resign).

    Anyway this reflects the level of social, political and institutional culture in Sri Lanka.

    ReplyDelete
  2. me vage pahath rasayakata purudu vu kalakanni pahath minisun kotasak rate avasanavata athi kara thibeemath un bahu gunanaya magin thamange pirisa vedi karaganna andamath keemata obata amathaka vee etha.

    ReplyDelete
  3. Dialog eken karapu sinduwa vada hodai kiyala hithenava.

    ReplyDelete
  4. පෞද්ගලිකව මමත් මේ දෙකයි පනහේ ගීත වලට අකමැතියි. "රතු රටකජු - සුදු රටකජු" වලට විතරක් නෙවෙයි රූකාන්තගේ "උලත් එකයි පිලත් එකයි-බතුත් එකයි ගූත් එකයි" සිංදුවත් ඒ වගේ. ඒ විතරක් නෙවෙයි. "බඹර වගේ විසේකාරයා.." සිංදුවත් ඒවගේ.
    නමුත් අන්‍ය ජාතීන්ට පහර ගැසුවායැයි සිංහල ගීතයක් තහනම් කරපු ජනාධිපති තුමා සිංහලෙන් සුද්දන්ට බනින විමල් වීරවංශගේ කතා තහනම් නොකරන්නේ ඇයි...

    ReplyDelete
  5. මේ කසිකබල් ගීතයටත් කෝටි තුනක් වැය කරලු නේද?

    ReplyDelete
  6. But there are many ppl who like this song.

    ReplyDelete
  7. Ane aiyyala sorry, mama nam me sinduwen match 1k balana athal eka gatta..!

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා