ඉතින් 2014, කොහොමද?

පන්සලේ ලවුඩ් ස්පීකරයෙන් පිරිත් ඇසේ. උඩ පෙරෙට්ටුව පැත්තෙන් ප්‍රීතිමත් තප්පු හඬකි. වාහනයක නලා හඬක් මහ පාර දෙසින් ඇසේ. කලාතුරකින් රතිඤ්ඤාවක් ද පිපිරේ. උදෙන් අවදි වූ පිළිහුඩුවෙක් තියුණු ස්වරයෙන් කෑ ගසයි. උකුස්සෝ ද අවදි වී ඇත. පළඟැටියන්ට තවමත් වැඩ අවසන් වී නැත. 

සියල්ල යටපත් කරගෙන කුස්සියෙන් බ්ලෙන්ඩරයේ හඬ ඇසෙයි. මගේ බිරිඳ ඇගේ වැඩපොළට කිරිබත් රැගෙන යාමට පොරොන්දු වී ඇත. 

අලුත් අවුරුද්දක් අරඹමි. අලුත් ආරම්භයන් හැම විට ම ආනන්දනීය ය. අලුත් ‍දේ ඉක්මණින් පරණ වුණාට කමක් නැත. අප්‍රේල්වල සිංහල අලුත් අවුරුද්දට නැවතත් අලුත් කර ගත හැකි ය. 

ජීවත් වනු පිණිස මිනිස්සු අවදි වී වැඩට යති. බදු ගෙවන්නේ තමන් බැවින් තමන් දේශපාලකයන්ට වඩා උතුම් බව ඔවුහු නො දනිති. 


ඉතින් 2014, කොහොමද? සුබ නව වසරක් මිතුරනි!

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න
Read in English blog.parakum.com