කල්‍යාගේ අවුරුදු සුබපැතුම

කල්‍යා

ජනාධිපතිතුමා ඇතුළු අපේ යාළුවෝ රැසක් අවුරුද්දට සුබපැතුම් එවලා තිබුණා කෙටි පණිවුඩ ඔස්සේ. මාත් ඉතින් ඒ යාළුවන් අතරින් ජනාධිපතිතුමා හැර වෙනත් බොහෝ පිරිසකට අවුරුදු සුබපැතුම් යවලා නිවාඩුව ගත කරන්න දුරකථන සංඥා දුර්වල ප්‍රදේශයක් බලා ගියා. සංඥා දුර්වල ප්‍රදේශයක් කිව්වාම සමහරු හිතයි කොළඹ කොටුවට ගියාය කියලා. මොකද, ෆෝ ජී කියලා පම්පෝරි ගැහුවාට කොළඹ මහජන බැංකු මූලස්ථානය පිටුපස ලංකා ගුරු සංගමේ කාර්යාලයට ගියාම ඩයලොග් සිග්නල් තියා ක්ලෝගාඩ්වත් නැහැ. 

හැබැයි ඉතින් ෆෝන් එකට සිග්නල් ආපු වෙලාවේ ඉඳලා ආපු එස්.එම්.එස්. ඔක්කොම කියෙව්වා. බොක්කෙන්ම ආපු සුබපැතුම් තමයි. ඒ වුණාට වැඩේ කියන්නේ එකම මැසේජ් එක කීපදෙනෙක්ම එවලා. ඒ කට්ටියගේම බොකු එක වගේ නිසා නොවෙයි. බලාගෙන යනකොට අවුරුදු සුබපැතුමත් කොපිකැට්. 

මේ අතරේ තිබුණු අතිශය නිර්මාණාත්මක අවුරුදු සුබපැතුමත් බලාගෙන ගියාම අමු අමුවේ කොපිකැට්. හැබැයි ඒක එවලා තිබුණේ අපේ කල්‍යාගේ දුරකථනයෙන්. ලන්ඩන් සඟරාවේ සංස්කාරකවරයකු වූ කල්‍යා ගැන මීට කලිනුත් මේ බ්ලොග් අඩවියේ ලිව්වානේ. අටුවා ටීකා අවශ්‍ය නැහැ. අවුරුදු සුබපැතුම මෙහෙමයි: 

Oba Samata Suba Nawa Vasarak Weva! Ungal Anaivarukkum Puththandu Nalvalthukkal! Wish You All a Very Happy New Year! 
Kalya and President Mahinda Rajapaksa

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න