W3Lanka: Praja.lk Backup

  අජිත් පැරකුම් ජයසිංහ රට ගොඩ දානවා නම් දාන්න පුළුවන් කෙනෙකු තමයි මේ බස්නාහිර ආණ්ඩුකාරවරයා ලෙස දිවුරුම් දුන්, එක්ස්පෝ ලංකා හෝල්ඩිං සමාගමේ ප්‍රධානී හනීෆ් යූසුෆ්. හේතුව ලංකාව රටවල් 25කට වැඩි ප්‍රමාණයක් එක්ක කරන ආනයන අපනයන හසුරුවන්නෙ එක්ස්පෝ හෝල්ඩිං සමාගමෙන්. අපනයන හා ආනයන වෙළඳාමට සම්බන්ධ ශ්‍රී ලංකාවේ ව්‍යාපාර, හිතාමතාම, වංචනික ලෙස ඉන්වොයිස් කිරීම සහ විදේශ විනිමය ඉපැයීම් රටින් පිට තැන්පත් කිරීම හරහා වසර නවයක් පුරා ඇමෙරිකානු ඩොලර් බිලියන 36.833ක් (රුපියල් ට්‍රිලියන 13.246ක්) කොල්ලකා ඇති බව 2022දී Global Financial Integrity විසින් වාර්තා කළා. ආනයනකරුවන් සහ අපනයනකරුවන් ශ්‍රී ලංකා රේගුවට ගොනු කරන ලද ඉන්වොයිස්වල ප්‍රකාශිත වටිනාකම හිතාමතාම වැරදියට ඉදිරිපත් කර, සෑම වසරකම සාමාන්‍යයෙන් ඇමරිකානු ඩොලර් බිලියන 4.093 (රුපියල් ට්‍රිලියන 1.471) අහිමි කරන බව වොෂින්ටන් ඩීසී පදනම් කරගත් ග්ලෝබල් ෆිනෑන්ෂල් ඉන්ටග්‍රිටි විසින් කරන ලද පුළුල් විමර්ශනයකින් හෙළි වූ බව වාර්තා කළා. ඔය පිංතූරෙ ඉන්න ජනාධිපති ලේකම්තුමා රේගුවේ හිටපු සුපිළිපන්භාවය පිළිබඳ උපදේශකවරයෙක්. ආණ්ඩුකාරතුමායි, ජනාධිපති ලේකම්තුමායි ජනාධිපතිතුමා...

  අජිත් පැරකුම් ජයසිංහ මාලිමාවට මා කැමති එක් හේතුවක් තමයි රථගාය හොඳ කිරීමට ඔවුන් තුළ ඇති නැඹුරුව. හැබැයි, ඔවුන් මේක කරන්නෙ අර සමන්ත විද්‍යාරත්න ගමේ මිනිසුන්ට මන්ත්‍රීවරුන්ට තියෙන වරප්‍රසාද කිව්වට පස්සෙ උන් ‘හෙණ ගහන්න ඕනැ’ කිව්ව වගේ ගංකබර මානසිකත්වයකින්. ඒකෙ වරදකුත් නැහැ. මොකද, ඔය වාහන පෙරේතයන් ඉන්නෙත් ඒ වගේම ගංකබර මානසිකත්වයක. ඔය ජනාධිපති ලේකම් කාර්යාලයට රිංගගත්ත යූඇන්පීකාරයන් සමහරුන්ට ඇත්තෙන්ම තිබුණෙ හත් අවුරුද්දකින් නොකා හාමත් වුණා වගේ මළ පෙරේතකමක්. උන් වාහන එළෝගෙන එළෝගෙන ගියා. එකා දෙක තුන ගත්ත බවත් ඇත්ත. කරපු මළදානෙකුත් නැහැ. රනිල් වික්‍රමසිංහගේ පරාජයට වගකිව යුතු ප්‍රධාන පිරිසක් තමයි ඔවුන්. ඒ වුණාට උන් ඔය වාහන භාර දුන්නනෙ වහාම. ඇයි ඒවා මග දාලා ගිහින් වගේ බොරු නිර්මාණය කරන්නෙ? දැන් මාලිමාව ආණ්ඩුවක්නෙ. වාහන සම්බන්ධයෙන් යම් නීති විරෝධී ක්‍රියාවක් වෙලා තියෙනවා නම් දූෂණ මර්දන පනත හා වෙනත් නීති භාවිතා කරලා නීතිමය වශයෙන් කටයුතු කරන්නට පුළුවන්නෙ. පසුගිය කාලයේ රජය වාහන ආනයනය නැවැත්තුවට රජය තීරු බදු රහිත වාහන ආනයන බලපත්‍ර නිකුත් කරන එක නැවැත්තුවෙ නැහැ. දැන් රජයේ නිලධාරීන් දත මැදගෙන ඉන්නෙ ...

  බී.කේ. ප්‍රභාත් චන්ද්‍රකීර්ති පරිසර, වනජීවි, වන සම්පත්, ජල සම්පාදන, වැවිලි සහ ප්‍රජා යටිතල පහසුකම් අමාත්‍යාංශයේ ලේකම්වරයා ලෙස ජනාධිපති අනුර කුමාර දිසානායක විසින් පත්කර තිබේ. ඒ සමගම ඔහු සම්බන්ධ වැලි ව්‍යාපෘතියක් පිළිබඳ සමාජයේ කතාබහක් ඇති වී තිබේ. එබැවින් එය කුමක්දැයි අපි සොයා බැලුවෙමු. සිද්ධිය සිදු වන්නේ කොවිඩ්-19 අධිවසංගතය අතරතුර 2020දීය. එම වකවානුවේදී චන්ද්‍රකීර්ති වෙරළ සංරක්ෂණ දෙපාර්තමේන්තුවේ අධ්‍යක්ෂ ජනරාල්වරයා විය. ගල්කිස්ස ප්‍රදේශයේ කෘත්‍රිම වෙරළ නිර්මාණය සඳහා ගල්කිස්ස වෙරළ පෝෂණ ව්‍යාපෘතිය (දකුණු කොළඹ වැලි පෝෂණය කිරීමේ ව්‍යාපෘතිය) සඳහා වැයවූ මුදල රුපියල් මිලියන 110ක් පමණ වේ. ඒ සඳහා අවශ්‍ය වැලි කියුබික් මීටර් ලක්ෂ අටක් ගෙන තිබෙන්නේ රත්මලාන දුම්රිය ස්ථානයේ සිට කිලෝමීටර් දෙකත් හයත් අතර දුරකින් පිහිටි වැලි නිධියකින් බව බීබීසී වෙනුවෙන් ෂර්ලි උපුල් කුමාර විසින් වාර්තා කරන ලදි. වෙරළ සංරක්ෂණ හා වෙරළ කළමනාකරණ දෙපාර්තමේන්තුවේ අධ්‍යක්ෂ ජනරාල් ප්‍රභාත් චන්ද්‍රකීර්ති බීබීසී සිංහල සේවයට කියා සිටියේ, වැලි ලබා ගන්නා ස්ථානයට අදාළව පරිසර අධ්‍යනයක් සිදු කර තිබුණ ද එම වැලි තැන්පත් කරන ස්ථා...

අජිත් පැරකුම් ජයසිංහ ඔය සාහිත්‍ය මාසය තුළ පොත්වලට වැට් බද්ද අඩුකරන්නය කියල මාලිමා සාහිත්‍යකාරයන් ඉල්ලීමක් කරනවා නේද? මේ වගේ ඉල්ලීම් ඉදිරිපත් කරන අය අඩු ගානෙ දන්නෙ නැහැ, දැනටත් ලංකාවේ පොත්පත් සහ අධ්‍යාපන උපකරණ වැට් බද්දෙන් නිදහස් බව. දේශපාලකයන් දීර්ඝ කාලයක් තිස්සෙ දෙසපු පට්ටපල් බොරුවලට රැවටිලා එක එක මගුල් හිතේ තියාගෙන දැන් ඉල්ලීම් කරනවා. දැන් කොරපන්කො පුළුවන් නම් මේ ලොවෙත් නැති ඒවා. පොත්පත් වැට් බද්දෙන් නිදහස් කළාට කඩදාසි නිදහස් නැහැ. එතකොට කඩදාසිත් වැට් බද්දෙන් නිදහස් කරන්න වෙනවා. කඩදාසි වැඩිපුර භාවිතා කරන්නෙ පොත් අච්චු ගහන්න නෙමෙයි. ඔය පැකේජස්, පෝස්ටර්, හෑන්ඩ් බිල්, බත් එතීම වගේ ඒවට. පොත් අච්චු ගහන්නය කියලා කඩදාසි වැට් එකෙන් නිදහස් කරගෙන ඒවයින් බත් ඔතනකොට, පස්ස පිහදානකොට කොහොමද දන්නෙ නැහැ ඒක වළක්වන්නෙ? තව සමහරු කියනවා, අධ්‍යාපන උපකරණ ලෝකෙ හැම රටකම බද්දෙන් නිදහස්ය කියලා. ලංකාවෙ නිදහස් වුණාට ලෝකෙ බොහෝ රටවල එහෙම නැහැ. නෝර්වේ, ඉන්දියාව, ලංකාව වගේ රටවල තමයි නිදහස්. ඩෙන්මාර්කෙ අධ්‍යාපන උපකරණ විතරක් නෙමෙයි පොත්වලටත් 25%ක් බදු ගහනවා. ෆින්ලන්තෙ 10%යි. කැනඩාවෙ එක එක ප්‍රාන්තවල 5% සිට 15% දක්වා....

  අජිත් පැරකුම් ජයසිංහ දැන් ඔබේ අනුරයියා ශ්‍රී ලංකාවේ ජනාධිපති බැවින් ඔහු පිළිබඳ මෙහෙම හිතන්න. ඔහු දැන් රටේ පළමු පුරවැසියාය. ඉහළම ප්‍රභූවරයාය. ඔහුට ප්‍රභූ ආරක්ෂාව අවශ්‍යය. ප්‍රභූ ආරක්ෂාව සපයන්නේ ආරක්ෂක අමාත්‍යාංශය විසිනි. එහිදී ආරක්ෂක අවශ්‍යතා පිළිබඳ තක්සේරුවක් සිදු කර අවශ්‍ය ආරක්ෂාවේ ප්‍රමාණය විශේෂඥයන් විසින් තීරණය කරනු ලැබේ. ඒ අනුව ආරක්ෂාව සපයනු ලබන අතර ඒ සම්බන්ධ ප්‍රොටොකෝලවලට ජනාධිපතිවරයා ද යටත්ය. ඒ අනුව, දැන් ජනාධිපතිවරයාට ඉස්සර මෙන් යාළුවන්ගේ වාහන මාරු කර කර යන්නට බැරිය. නිල වාහනයක ආරක්ෂක රථ සමග ගමන් ගත යුතුය. එම ආරක්ෂක පිරිවරට ඇම්බියුලන්ස්, වෛද්‍යවරුන්, හෙදියන් වැනි අය ද අයත් වේ. හෙලිකොප්ටර්වලින් යාමට ද සිදු වනු ඇත. හෙලිකොප්ටරය යනු ඉක්මනින් ගමන් යාමට භාවිතා කරන වාහනයක් මිස උඩින් යන පළියට සුඛෝපභෝගී වාහනයක් නොවේ. ඒ නිසා බංකොලොත් රටේ අන්න අරූ යන හැටි කියා ප්‍රභූ ආරක්ෂක එස්කොට්වල, හෙලිකොප්ටර්වල වීඩියෝ සහිත ගොන් පෝස්ට් දමා මහජනයා අතර නායකයන්ට එරෙහිව වෛරය පතුරුවන්නට එපා. ඒ සම්බන්ධයෙන් කලින් නීතිය ක්‍රියාත්මක නොකළාට දැන් ක්‍රියාත්මක කළ යුතුව තිබේ. එවැනි වීඩියෝවක් ගැනීම මෙන්ම, ෂෙයා ක...

  අජිත් පැරකුම් ජයසිංහ ලංකාවෙ මිනිස්සු තමන් ආතල් ගත්ත, තමන්ට විනෝදාස්වාදය දුන්න, ඩ්‍රාමා පක්ෂයට රට පාලනය භාර දුන්නා. දැන් ඩ්‍රාමාවලට අලුත් කට්ටියක් එන්න ඕනැ. මේක හොඳට දන්න කට්ටිය එළියෙ ඉන්නවා. පෙසප, ජන අරගල, ජෝසප් ස්ටාලින්, විමල්, උදය ආදී වශයෙන් එට්සෙට්‍රා එට්සෙට්‍රා. හෙට දවසේ වීරයෝ පුංචි අපි තමයි. කැටිපෙලා, බුද්ධදාස විතානාච්චිලා, සුරංගලා, පානදුරේ ලාල්ලා, සේපාල්ලා, ධර්ම ශ්‍රී කාරියවසම්ලා, හෙන්රි වර්ණකුලසූරියලා එහෙම ජාතික රූපවාහිනී, අයිටීඑන්, ලේක්හවුස් අල්ලගත්තට පස්සෙ දෙරණ, හිරු, සිරස, මොනරා, ලංකාදීප, සන්නා, සිඟිති යූටියුබ් චැනල් අරක මේක අර හෙට දවසේ වීරයන්ව තෙලට, මිරිසට, කිරට උයලා අපේ විනෝදාස්වාදය සඳහා සපයන්නට පටන් ගන්නවා. අන්‍රකුමාරගෙ, ලාල්කාන්තගෙ, හරිනිගෙ, චතුරංගගෙ, වසන්ත සමරසිංහගෙ, මහින්ද ජයසිංහගෙ, නාමල් කරුණාරත්නගෙ, සමන්ත විද්‍යාරත්නගෙ, නලින් හේවගේගෙ රෝල්වලට අර කට්ටියයි, තව අලුත් කට්ටියයි ස්ථානගත වෙනවා. කලින් බොරු විදපු උන්ට එක්කො ඇත්ත හරි අලුත් බොරු හරි කියන්න වෙනවා. මොනවා කිව්වත් උන්ට එච්චර මාකට් එකක් නැහැ. මාකට් එක තියෙන්නෙ විපක්ෂෙ. ඉතින් ඔන්න ඔය මාධ්‍ය සාගින්දර විසින් තමයි ල...

  ජාතික ජන බලවේගයේ නායක හා ජනතා විමුක්ති පෙරමුණේ නිල නායක අනුර කුමාර දිසානායක 2024 ජනාධිපතිවරණය ජය ගෙන ජනාධිපති ධූරයට පත් වීම වාර්තා කරන බටහිර මාධ්‍ය රැසක් ඔහු හඳුන්වා තිබෙන්නේ මාක්ස්වාදියකු හා ක්‍රම විරෝධියකු ලෙසයි. බටහිර දේශපාලන කතිකාව තුළ මාක්ස්වාදියා බොහෝ දුරට ත්‍රස්තවාදියකු වැනි වන අතර, එය ලංකාවේ නායකයා ඒ අන්දමින් සන්නාමගත වීම ලංකාවට හිතකර තත්වයක් නොවේ. විශේෂයෙන්ම ලංකාව ගිලී සිටින වර්තමාන ආර්ථික අර්බුදය තුළ, රටට ජාත්‍යන්තර මූල්‍ය අරමුදල වැනි ආයතනවල සහාය අවශ්‍යව තිබෙන අවස්ථාවක මෙම සන්නාමකරණය ශ්‍රී ලංකාවට බාධාකාරී වීමට ඉඩ තිබේ. මේ පිළිබඳව ඉංග්‍රීසි බසින් කරන ලද විශ්ලේෂණයකට මෙතැනින් පිවිසෙන්න:  Daily Reporter Adapted from praja.lk

  අජිත් පැරකුම් ජයසිංහ කිසිදු ජනාධිපති අපේක්ෂකයකුට 50% ඉක්මවා ඡන්දය ලබාගැනීමට බැරි වුවහොත්, දෙවෙනි මනාපයෙන් ජනාධිපති ධුරයට පත් වන්නේ බහුතරයේ අකැමැත්ත මත පත්වන සුළුතරයේ ජනාධිපතිවරයෙකි. 2022දී පාර්ලිමේන්තුවෙන් පත් වූ ජනාධිපතිවරයාට අවමන් සහගත ලෙස සැලකුවේ ඍජුව පත් නොවුණ බව කියමිනි. එහෙත්, ඔහුට ඍජුව පත් වුණ ජනාධිපතිවරයාගේ හා ඍජුව පත් වුණ පාර්ලිමේන්තුවේ බහුතර මන්ත්‍රීවරුන්ගේ සහාය තිබිණි. සුළුතර ජනාධිපතිවරයාට එවැනි වක්‍ර බහුතර කැමැත්තක්වත් නැත. ඔහු ඍජුවම සුළුතරයේ ජනාධිපතිවරයෙකි. ආණ්ඩුක්‍රම ව්‍යවස්ථාව අනුව එවැනි ජනාධිපතිවරයෙකුට පවා සියලු විධායක බලතල හිමි වේ. එහෙත්, බහුතර කැමැත්ත නොමැතිව පත් වූ බව ප්‍රතිකෂේප කළ නොහැකිය. සුළුතර ජනාධිපතිවරයෙකු ඡන්දයෙන් පත් වූ පාර්ලිමේන්තුවක් විසුරුවා හැරීම ද නීතියට එකඟ වුව ද ආචාර ධාර්මික නැත. එබැවින් සුළුතර ජනාධිපතිවරයා වත්මන් පාර්ලිමේන්තුව සමග සහයෝගයෙන් කටයුතු කළ යුතුය. පාර්ලිමේන්තුව එම ජනාධිපතිවරයාට පාලනය ගෙන යාම සඳහා සහයෝගය ලබාදිය යුතුය. සුළුතර ජනාධිපතිවරයාට කිසිදු ජනවරමක් පැහැදිලිව ලැබී නැත. එබැවින් වර්තමානයේ ක්‍රියාත්මක ජාත්‍යන්තර මූල්‍ය අරමුදලේ වැඩසටහන ...

  අජිත් පැරකුම් ජයසිංහ කාල් යුං කියන්නේ විශ්ලේෂණාත්මක මනෝවිද්‍යාව ආරම්භ කළ ස්විට්සර්ලන්ත මනෝචිකිත්සකයෙකු සහ මනෝ විශ්ලේෂකයෙක්. ඔහු සාමූහික අවිඥානය, පුරාවිද්‍යාව සහ සින්ක්‍රොනිසිටි වැනි සංකල්ප හඳුන්වා දෙමින් මානව මනෝභාවය ගවේෂණය කළ අයෙක්. යුං පුද්ගලභාවයේ සහ අධ්‍යාත්මික වර්ධනයේ වැදගත්කම ජුන්ග් අවධාරණය කළා. අවිඥානික මනස පිළිබඳ මනෝවිද්‍යාව, දර්ශනය, සාහිත්‍යය සහ නවීන චින්තනය කෙරෙහි ඔහුගේ ඉදිරිපත් කිරීම් මගින් දැඩි බලපෑමක් ඇති වුණා. කාල් යුං විසින් සින්ක්‍රොනිසිටි හෙවත් සමමුහුර්තභාවය පිළිබඳ සංකල්පය හඳුන්වා දුන්නා. එයින් ඔහු කරන්නේ අදාළ බව පෙනෙන නමුත් හේතු සම්බන්ධයක් නොමැති අර්ථවත් අහඹු සිදුවීම් විස්තර කිරීමයි. මෙම සිදුවීම් හුදෙක් අහඹු සිදුවීම් නොවන බව ඔහු විශ්වාස කළා. ඒවා විශ්වයේ යටින් පවතින අනුපිළිවෙලක පරාවර්තනයන් වන බව ඔහු ඉදිරිපත් කළා. එහිදී බාහිර හා අභ්‍යන්තර අත්දැකීම් අර්ථාන්විත ආකාරයකින් සමපාත වෙනවා. සින්ක්‍රොනිසිටි හේතුකාරකත්වය පිළිබඳ සාම්ප්‍රදායික විද්‍යාත්මක අවබෝධයට අභියෝග කරන බවත් භෞතික නීති වෙනුවට අර්ථය හරහා සිදුවීම් සම්බන්ධ කළ හැකි බවත් යුං යෝජනා කරනවා. ඔහු එය මනසේ වැදගත් අංගයක...

  අජිත් පැරකුම් ජයසිංහ (ආර්ථික විශ්ලේෂකයකු නොවේ. ජනමාධ්‍යකරුවකු ලෙස මෙය තේරුම් ගැනීමට දරන ලද උත්සාහයකි.) ශ්‍රී ලංකාව ඩොලර් බිලියන 14.2ක ජාත්‍යන්තර ස්වෛරී බැඳුම්කර (ISB) ණය ප්‍රතිව්‍යූහගත කිරීම සම්බන්ධයෙන් බැඳුම්කර හිමියන්ගේ සාමූහිකයන් දෙකක් සමග එකඟතාවකට පැමිණ තිබෙනවා. එම එකඟතාව වසරකට වැඩි කාලයක් තිස්සේ කළ දුෂ්කර සාකච්ඡා මාලාවක ප්‍රතිඵලයක්. මේ සම්බන්ධ මූලික එකඟතාවකට පසුගිය ජුලි මාසයේදී එළැඹුණා. සෙසු ජාත්‍යන්තර ස්වෛරී බැඳුම්කර හිමියන් ද එයට එකඟ වනු ඇති. එය ජාත්‍යන්තර මූල්‍ය අරමුදලේ ණය තිරසරභාවය පිළිබඳ විශ්ලේෂණයට (DSA) හා විස්තීර්ණ අරමුදල් පහසුකමේ (EFF) රාමුවට එකඟයි. පැරිස් සමාජය හා චීනය වැනි සෙසු ද්විපාර්ශ්වික ණය හිමියන් විසින් ද එය අනුමත කරනු ඇති. ඔවුන්ට විරුද්ධ වීමට හේතු වන වෙනස් අන්දමේ සැලකීමක් මෙහිදී සිදුවන්නේ නැහැ. මේ වන විට පැරිස් සමාජයේ හා චීනයේ ද්විපාර්ශ්වික ණය හිමියන් සමග ගිවිසුම්වලට එළැඹී තිබෙනවා. මෙම එකඟතාව අනුව, ආර්ථිකය ජාත්‍යන්තර මූල්‍ය අරමුදල විසින් අපේක්ෂිත තරමේ වර්ධනයක් ලබාගතහොත් ජාත්‍යන්තර ස්වෛරී බැඳුම්කර ණයවලින් 40.3%ක් උපරිම වශයෙන් කප්පාදු වෙනවා. එමගින් ශ්‍රී ලංකාව...

  2020 පාර්ලිමේන්තු මැතිවරණයේදී යාපනය සහ කිලිනොච්චි යන පරිපාලන දිස්ත්‍රික්ක දෙක ඇතුළත් යාපනය මැතිවරණ දිස්ත්‍රික්කය සඳහා පක්ෂ සහ ස්වාධීන කණ්ඩායම් ගණනාවක් තරග කළහ. මෙහිදී දෙමළ ජාතික සන්ධානයට අයත් පක්ෂ සියල්ලම තරග කරන ලද්දේ ඉලංකෛ තමිළරසු පක්ෂය යටතේ වන අතර, එම පක්ෂය එහිදී ලබාගත්තේ ඡන්ද 112,967 ක් පමණකි. එය මුළු ඡන්ද සංඛ්‍යාවෙන් 31.46% කි. ඛෝනස් ආසනයද සමග එම සන්ධානයට හිමිවූ මන්ත්‍රී ධුර සංඛ්‍යාව 3 කි. දෙමළ ජාතික සන්ධානය අද බිඳී විසිරී ගොස් ඇති අතර එහි ප්‍රධාන පක්ෂය වන ඉලංකෛ තමිළරසු පක්ෂය පමණක් මෙවර ජනාධිපතිවරණයේදී සමගි ජන බලවේගයේ ජනාධිපති අපේක්ෂක සජිත් ප්‍රේමදාස මහතාට සහාය දැක්වීමට තීරණය කළ බව සැප්තැම්බර් 16 වනදා ප්‍රකාශ කරන ලදී. එහෙත් එම පක්ෂයේ මන්ත්‍රීවරුන් ඇතුළු ක්‍රියාකාරීන් රාශියක් ඒ තීරණයට එකඟ නොවන බව ප්‍රකාශ කොට ඇත. පක්ෂයේ නායකත්වය සඳහා වූ නිලවරණයේදී එම්. ඒ. සුමන්දිරන් මන්ත්‍රීවරයා පරාජය කරමින් නායකත්වයට පත්වූ එස්. ශ්‍රීධරන් මන්ත්‍රීවරයා ප්‍රකාශ කරන්නේ තමා සහය ලබා දෙන්නේ දෙමළ පොදු අපේක්ෂක අරියනේත්‍රන් මහතාට බවයි. තවත් මන්ත්‍රීවරුන් සහ ක්‍රියාකාරීන් පිරිසක් ජනාධිපති රනිල් වික්‍රමස...

  අපරාධ ක්‍රියාකාරකම් හරහා උපයාගත් වත්කම් ආපසු අයකර ගැනීමේ අරමුණින් රජය නව නීතියක් ගැසට් කර ඇති බව අධිකරණ අමාත්‍ය එම්.යූ.එම්. අලි සබ්රි පවසයි. නීතිවිරෝධී ලෙස උපයාගත් ධනය ළඟ තබාගෙන සිටින පුද්ගලයන්ට එරෙහිව නීතිමය ක්‍රියාමාර්ග ගැනීමට සහ දූෂණයට එරෙහිව දැඩි ක්‍රියාමාර්ග ගැනීමට මෙම නීතිය බලධාරීන්ට බලය ලබා දෙනු ඇත. දූෂණ විරෝධී ආයතනවල ස්වාධීනත්වය දේශපාලන බලපෑම්වලින් ආරක්ෂා කර ගැනීම සඳහා හඳුන්වා දුන් 2013 අංක 19 දරන දූෂණ විරෝධී පනත ද ඇමැතිවරයා අවධාරණය කළේය. මෙම නීතිය යටතේ, ආණ්ඩුකරණයේ වැඩි විනිවිදභාවයක් සහ වගවීමක් සහතික කරමින් සියලුම පාර්ලිමේන්තු මන්ත්‍රීවරුන් තම වත්කම් ප්‍රකාශ කළ යුතුය. මීට අමතරව, අල්ලස් හෝ දූෂණ චෝදනා විමර්ශන කොමිෂන් සභාව (CIABOC) සහ පොලිස් නිලධාරීන් සමඟ සහයෝගයෙන් කටයුතු කිරීම සඳහා දූෂණයට අදාළ තොරතුරු රැස් කිරීම සහ ආරක්ෂා කිරීම සඳහා නව අධිකාරියක් ස්ථාපිත කරන බව ද ඔහු පැවසීය. මෙම අධිකාරිය සොරකම් කරන ලද වත්කම් හඳුනාගෙන ඒවා ආපසු ලබාගැනීමට සහ වැරදිකරුවන්ට නඩු පැවරීමට දරන උත්සාහයන් ශක්තිමත් කරනු ඇත. මහ බැංකුවට වැඩි ස්වාධීනත්වයක් ලබා දෙන සහ තවදුරටත් මුදල් මුද්‍රණය කිරීම වළක්වන මහ...

  බංකොලොත් වීම හා ගොඩඒම පොත ලියද්දි මාලදිවයින ගැන ලියපු කෙටි සටහන මෙන්න. පොත පළකරනකොට මාලදිවයින බංකොලොත් වෙලා ඉවරයි. මාලදිවයින දැනට සැලකිය යුතු ආර්ථික අභියෝගවලට මුහුණ දෙමින් සිටින රාජ්‍යයකි. ඉහළ මට්ටමේ ණය සහ මූල්‍ය අවදානම් එයට හේතුවයි. රටේ රාජ්‍ය ණය 2023දී දළ දේශීය නිෂ්පාදිතයෙන් 122.9% දක්වා ළඟා වූ අතර මුළු ණය ප්‍රමාණය ඩොලර් බිලියන අටකි. ලක්ෂ පහකට මඳක් වැඩි ජනගහනයක් සිටින මාලදිවයිනට මෙම ණය මට්ටම ඉහළ එකකි. එයට බොහෝ දුරට හේතු වී ඇත්තේ පසුගිය දශකය තුළ යටිතල පහසුකම් ව්‍යාපෘති සඳහා මූල්‍යකරණය වෙනුවෙන් සහ කොවිඩ්-19 වසංගතයට ප්‍රතිචාර දැක්වීම සඳහා සිදු කළ ණය ගැනීම්ය. 2024දී 5.2% ක පමණ ධනාත්මක ආර්ථික වර්ධන පුරෝකථනයක් තිබියදීත්, මාලදිවයින ණය බර සම්බන්ධයෙන් ඉහළ අවදානමක සිටියි. 2024 සහ 2025 වසරවලදී ණය ගෙවීම සඳහා වසරකට ඩොලර් මිලියන 500කට වඩා අවශ්‍ය වන අතර එය 2026 වන විට ඩොලර් බිලියනයකට වඩා වැඩි වනු ඇත. මෙම වගකීම් ආවරණය කිරීමට යන්තමින් ඩොලර් මිලියන 650ක් වන මාලදිවයිනේ සමස්ත විදේශ මුදල් සංචිත ප්‍රමාණවත් නොවන අතර, ණය පැහැර හැරීමක් සිදුවීමේ හැකියාව පිළිබඳ කනස්සල්ලක් මතු කරයි. ඊට ප්‍රතිචාර වශයෙන් ආණ...

බංග්ලාදේශයට විදුලිය දෙන්නෙ අදානි සමාගම නෙමෙයි. ඒ රටේ තියෙනවා ලංකාවෙ ලංකා විදුලිබල මණ්ඩලය වගේ එකක්. ඒකට කියන්නෙ Bangladesh Power Development Board (BPDB). ඒකට තමයි විදුලිය ජනනය කිරීම, සම්ප්‍රේෂණය සහ බෙදාහැරීම සම්බන්ධ සම්පූර්ණ වගකීම තියෙන්නෙ. ඒ යටතෙ රටේ විවිධ ප්‍රදේශ භාර තව රාජ්‍ය ආයතන ගණනාවක් තිබෙනවා. මෙගවොට් 25,000ක් විතර වන බංග්ලාදේශයේ විදුලි බල ජනන ධාරිතාවෙන් අදානිට තියෙන්නෙ 5%ක විතර ප්‍රතිශතයක් විතරයි. ඒකත් ලබාදෙන්නෙ බංග්ලාදේශය ආසන්නයේ ජාර්කාන්ඩ්හි පිහිටුවපු මෙගවොට් 1600 උපරිම ධාරිතාවක් සහිත ගොඩ්ඩා පද්ධතියෙන්. එමගින් සපයපු විදුලිය වෙනුවෙන් ඩොලර් මිලියන 500ක් නොගෙවීම නිසා තමයි අදානි සමාගම විදුලිය සැපයුම සීමා කළා නම් කරල තියෙන්නෙ. බංග්ලාදේශ විදුලිබල මණ්ඩලේට පුළුවන් අදානිගෙ විදුලිය 5% නොගෙන ඉතුරු 95%න් රටට විදුලිය දෙන්න. ප්‍රශ්නෙ තියෙන්නෙ එතන. ඒ 95% ජනනය කරන්න තෙල් නැහැ. තෙල් ගන්න ඩොලර් නැහැ. බංග්ලාදේශයේ අරගලයේ ප්‍රතිඵල. ඒ අරගලයට අයිතිවාසිකම් කියන ලංකාවෙ අය දුස්තොරතුරක් පතුරුවනවා බංග්ලාදේශෙට විදුලිය නැති වුණේ අදානි සමාගම නිසාය කියලා. බංග්ලාදේශයේ ඊනියා අරගලකරුවන් විසින් රටට කරපු විනාසය ...

  – අජිත් පැරකුම් අනුරගෙ රැස්වීමෙදි නැති වෙලා හමු වුණ අනුහස් පුතා නිසා පරණ කතාවක් මතක් වුණා. මතකද, 1994 චන්ද්‍රිකාගෙ සුදු නෙළුම් සාම කාලෙ එස්. මනෝරංජන් කියල හාදයෙක් හිටියා. ඒ කාලෙ අපටත් ඔය රාජ්‍ය නොවන සංවිධාන සෙල්ලං ගැන වැඩි අවබෝධයක් නැහැ. රාජ්‍ය නොවන සංවිධාන කට්ටිය රඟන්නෙ ඒගොල්ලන්ට කවුරුවත් සල්ලි දෙන්නෙ නැහැ, ගෙදරින් ගෙනත් තමයි වැඩ කරන්නෙ වගේ. රාජ්‍ය නොවන සංවිධානවල ව්‍යාපෘතිවලට සේවය කරන අයට දැන් වගේ ගෙවන්නෙ නැහැ. ඒ කාලෙ අපි අවංක පල් මෝඩයන්. මාත් අතින් වියදං කරගෙන පදවිය පැත්තෙ ඔය සාම රැස්වීම් ගණනාවක් සංවිධානය කළා. පාසල් කීපයක සංවිධානය කරපු සාම රැස්වීම්වල ප්‍රධාන කථිකයකු වුණේ එස්. මනෝරංජන්. ඒ දවස්වල මෑන්ගෙ කකුලක් මොනවා හරි වෙලා මිනිහා ආවෙ කිහිලිකරුවලින්. හිටපු දෙමළ සටන්කාමියකුගෙ පෙනුම තමයි එතකොට තිබුණෙ. කතා කළේ යුද්ධයෙන් දෙමළ ජනතාවට වෙන අසාධාරණකම් ගැන. එයා රඟපෑවෙ උතුරු නැගෙනහිර යුදබිමේ ඉඳල ආපු කෙනෙකු වගේ. ඒ විස්තර කිව්වෙ පණ පිහිටුවලා. පාසලක රැස්වීමකදි මනෝරංජන් කතා කළාට පස්සෙ චිට් එකක් ආවා ස්ටේජ් එකට. ළමයෙකු ඉල්ලනවා මෙහෙම. ‘මනෝරංජන් අයියේ, අපි කවදාවත් දෙමළ කෙනෙක් දෙමළෙන් කතා කරනවා අහ...

  ශ්‍රී ලංකාව ඉක්මනින් ආර්ථික අර්බුදයෙන් මිදීමට සමත් වූ රටක් බව බොහෝ දෙනෙක් කියති. එහෙත්, මෙතෙක් ආ මග හරහා දැන් මැතිවරණ වැටී තිබෙන අතර, මෙතෙක් ක්‍රියාත්මක කරන ලද වැඩසටහනට විරුද්ධ බලවේග ප්‍රජාතන්ත්‍රවාදීව බලය ලබාගැනීමේ අවදානමක් තිබේ. ආර්ථිකය ගොඩගැනීමේ ක්‍රියාවලියේ මූලිකාංගයක් වන ජාත්‍යන්තර මූල්‍ය අරමුදල සමග ක්‍රියාත්මක කරමින් තිබෙන වැඩසටහන වෙනස් කරන බවට ශපථ කරන නායකයෝ ද බලය ඉල්ලති. ඔවුන්ගේ කතා පොරොන්දුවලින් පිරී ඇත. එහෙත්, පොරොන්දු ඉටු කිරීම සඳහා අරමුදල් සම්පාදනය කරගන්නා ආකාරය ඔවුන් පැහැදිලි කරන්නේ නැත. ලංකාව බංකොලොත් වීමට හේතු වූයේ ද දේශපාලකයන් මේ අයුරින් ආදායම ගැන නොසිතා වියදම් කිරීමට පෙළඹීම නිසාය. ලෙබනනය, වෙනිසියුලාව, ග්‍රීසිය, ආර්ජන්ටිනාව, පකිස්තානය වැනි රටවල පැවති මැතිවරණවලදී ප්‍රතිසංස්කරණ විරෝධීන් බලයට පත්වී ඇති අතර එහි ප්‍රතිඵලයක් ලෙස එම රටවල් කබලෙන් ලිපට වැටී ඇති බව අප අමතක නොකළ යුතුය. එබැවින්, ජනාධිපතිවරණයක් අභිමුව සිටින අප ජනාධිපති ධුරයට පත්වීමේ හැකියාව ඇති සියලු අපේක්ෂකයන්ගෙන් ඔවුන්ගේ ආර්ථික වැඩසටහන කුමක්දැයි පැහැදිලිව අසා දැනගෙන බුද්ධිමත්ව අපගේ ඡන්දය ප්‍රකාශ කළ යුතුව තිබ...

  බංග්ලාදේශයේ බලශක්ති සැපයුම අඩාල වී ඇත. බලාගාර ධාවනය කිරීම සඳහා ප්‍රමාණවත් තරම් ඉන්ධන නොමැති වීම සහ විවිධ තාක්ෂණික ගැටලු ආදිය එයට හේතු වී ඇත. Dhaka, Rajshahi, Rangpur, Cumilla, Mymensingh සහ Sylhet වැනි ප්‍රධාන ප්‍රදේශවල දිනපතා පැය 6 සිට 8 දක්වා විදුලිය ඇනහිටීම් සිදු වේ. බලශක්ති උත්පාදන හිඟය මෙගාවොට් 2,312 තරම් බව ඩේලි ස්ටාර් වාර්තා කරයි. Adani සමූහයට ඩොලර් මිලියන 500 ක ණයක් ගෙවීමට ඇත. තවත් විදුලිය සැපයුම්කරුවන්ට විශාල වශයෙන් ගෙවීම් කිරීමට තිබේ. ඩොලර් හිඟය මෙයට ප්‍රධාන හේතුවයි. මේ අතර, ගල් අඟුරු, ගෑස් සහ තෙල් වැනි අත්‍යවශ්‍ය ඉන්ධන ආනයනය කිරීම සඳහා විදේශ විනිමය ලබා ගැනීමේ දුෂ්කරතා ඇති වී තිබේ. බංග්ලාදේශයේ විදුලිය නිෂ්පාදනයෙන් 98%කට වඩා පොසිල ඉන්ධන මත දැඩි ලෙස රඳා පවතී. මේ අතර ගෘහස්ථ ගෑස් හිඟයක් ද නිර්මාණය වී ඇත. හානියට පත් යටිතල පහසුකම් යථා තත්ත්වයට පත් කිරීම සහ අතිරේක ඉන්ධන සැපයුම් සුරක්ෂිත කිරීම ඇතුළුව තත්ත්වය වැඩිදියුණු කිරීමට පියවර ගනිමින් සිටින අතර, මෙම බලශක්ති අර්බුදය අවම වශයෙන් ඔක්තෝබර් මාසය දක්වා පවතිනු ඇතැයි අපේක්ෂා කෙරේ. Adapted from praja.lk

  අජිත් පැරකුම් ජයසිංහ මේ ඉන්නෙ නීතියේ ආධිපත්‍යය ගැන කතා කරනවාය කියන මාලිමා නීතීඥ රැස්වීමෙ ප්‍රධාන දේශකයෙක්. විශ්‍රාමික ශ්‍රේෂ්ඨාධිකරණ විනිසුරු රෝහිණී පෙරේරා මාරසිංහ. ඔබට මතකද රෝයල් පාක් මිනීමැරුම? 2005 ජුලි 1දා 19 හැවිරිදි ස්වීඩිෂ් තරුණියක වූ ඉවෝන් ජොන්සන් ඉතා අමානුෂික ලෙස ඝාතනය කළේ ඇගේ පෙම්වතා යයි කියූ ශමන්ත ජූඩ් ඇන්තනි ජයමහ. මේ ජයමහට 2013දී අභියාචනාධිකරණය විසින් මරණ දඬුවම නියම කරනවා. 2019 නොවැම්බර් 9දා එවකට ජනාධිපති මෛත්‍රීපාල සිරිසේන ජයමහට ජනාධිපති සමාවක් දී නිදහස් කරනවා. ඔහු වහාම රටින් පළා යනවා. මේ සමාව දීම නීති විරෝධී බව ශ්‍රේෂ්ඨාධිකරණය 2024 ජුනි මාසෙ තීරණය කරනවා. පළාගිය විත්තිකරුව අත්අඩංගුවට ගන්නට අවශ්‍ය ක්‍රියාමාර්ග ගන්නටත් නියෝග කරනවා. මේ ශ්‍රේෂ්ඨාධිකරණ නඩු තීන්දුවේ රෝහිණී මාරසිංහ ගැනත් සඳහන් වෙනවා. ඇය ශමන්ත ජූඩ් ඇන්තනි ජයමහට සමාව දෙන්නැයි ජනාධිපතිවරයාගෙන් ඉල්ලා සිටි ප්‍රධාන පුද්ගලයෙක්. ජයමහගේ අභියාචනය ජනාධිපතිවරයා වෙත යොමු කරන්නෙ රෝහිණී. ලංකාවේ කාන්තාවන් අතර අසාමාන්‍ය මරණවලට ප්‍රධාන හේතුව සමීප සහකරුගේ ප්‍රචණ්ඩත්වය බව අධ්‍යයන මගින් සොයාගෙන තිබෙනවා. ලංකාවේ අපරාධ සම්බන්ධයෙන්...