දුම් බීමෙන් සැනසීම ලැබේ ද?
ඒ අනුව, මේ දිනවල ආණ්ඩුවට ජිනීවා සවුදම ඇරුණාම නටන සෙසු සවුදම් අතරින් එකක් වී තිබෙන්නේ දුම්බීම තහනම් කිරීම සඳහා නීති ගෙන ඒමයි. සෞඛ්‍ය ඇමතිවරු නටන සවුදමේ බෙරකරු කාලෝ ෆොන්සේකා ය.
ඔහු නො දන්නා කාරණය වන්නේ ලංකාවේ බහුතරයක් දුම් බොන්නන් දුම්වැටි පැකට් ගණන් මිළ දී නො ගන්නා බවයි. ඔහු සිගරැට් පෙට්ටියේ අඳින්නට යන මේ රූප සටහන් දකිනු ඇත්තේ කඩවල මුදලාලිලා පමණි.
මිනිස්සු සිගරැට් බොන්නේ ඇයි?
ලේඛකයා රුපියල් 18ට ගෝල්ඩ් ලීෆ් බිවූ පසු සිගරැට්ටුවක් බිව්වේ නැත. එයට හේතුව අන් කිසිවක් නො ව, ආර්ථික දුෂ්කරතා ය. එසේ ම ආණ්ඩුවට අධික ලෙස බදු ගෙවන්නට ඇති අකැමැත්ත ද නිසා ය.
හීනි අඩියක් ගැසූ විටෙක, මිතුරකු සමග සල්ලාපයේ යෙදෙන විටෙක, දුම්වැටියක රසයක් ඇතැයි ලේඛකයාට සිතේ. ලංකාවේ විකිණෙන තත්වයෙන් බාල දුම්වැටි බොහොමයකින් ඇති කරන්නේ වින්දනයකට වඩා අපහසුවකි. එහෙත්, දුම් උරා පිට කිරීම කිසියම් සියුම් මානසික සතුටක් ඇති කරයි. එය නැවත, නැවත කිරීමට පෙළඹවීමක් ඇති වේ.
ඊයේ දිනයේ ලේඛකයා රත්මලානේ කඳවල ප්‍රදේශයේ නිවසක පෙට්ටි කඩයකට ගොඩ වුණේ ය. එතැනට රටේ එක්තරා ප්‍රසිද්ධ මාධ්‍ය ආයතනයක වැඩ කරන අය දුම් බීම සඳහා පැමිණෙති. ජැන්ඩි පහට ඇඳුම් ඇඳි ඒ මහත්වරු සුදු තාප්ප එක පෙළට නැඟී සිටි ඒ කාන්තාර පෙදෙසේ, ගිනි මද්දහනේ, හිස පුපුරන ගිනි කූටකේ, අසල කුණු කාණුවලින් පැමිණ නහයේ, කටේ වහන මැස්සන් මැද්දේ, වමනය ඇති කරන එකී අපිරිසිදු අවකාශයේ සිටිමින් ප්ලේන් ටී බොමින් කාර්, ජංගම දුරකථන හා ලෙඩ ගැන කතා කරමින් දුම් බිව්වෝ ය.
මිනිසුන් එසේ දුම් බොන්නේ ඇයි ද යන්න ලේඛකයාට නො තේරේ. එහෙත් මිනිස්සු වැසිකිලියට යන විට ද දුම් බොන්නට කැමති ය. අපිරිසිදු වැසිකිලිවල හා තමන්ගේ ම අසූචිවල දුර්ගන්ධය ඔවුහු දුම් වැටිය හරහා උරා බොති.
ලේඛකයාට සිතෙන පරිදි මේ සියල්ලෝ ම දුම්වැටිවලින් පිළිකා හැදෙන බව හා එහි ආදීනව නරක බව කාලෝ ෆොන්සේකාට වඩා හොඳින් දනිති.
ලේඛකයා දන්නා වාමාංශික චරිත බොහෝ ගණනක් අධික ලෙස දුම් පානයට ඇබ්බැහි වී සිටිති. තමන් සමාජවාදය වෙනුවෙන් දිවි කැප කර සිටින බව සිතාගෙන ස්වයං මෝහනයක ප්‍රීතියෙන් සිටින මොවුන්ගෙන් ඇතැමෙක් කෑමට මුදල් වැය කරන්නේ ද දුම් බීමට වැය කළ පසු ය.
ලේඛකයාගේ අත්දැකීම අනුව, සිගරැට් අරක්කු කටේ නො තියන ප්‍රතිපත්තිවල ඉන්නා මිනිස්සු අදහන්නට බැරි තරම් කුහකයෝ ය. ඇතුළාන්තයට යොමු වුණ මනස් ඇති ගුඩ්ඩෝ ය. සිගරැට් අරක්කු බොන්නෝ අඩු කුහකයෝ ය.
ලංකාවේ මිනිසුන් දුම් බොන්නේ එයින් පිළිකා හැදෙන බව නො දැන යයි සිතීම වැරදි ය. දුම් බීමට ඇබ්බැහි වීම වත්මන් ධනවාදී සමාජය විසින් ඇති කර ඇති සමාජ අසහනයේ පාර්ශ්වයකැයි ලේඛකයාට සිතේ.
මේ ලිපියට ඔබ කැමති නම් වෙන අයත් එක්කත් බෙදා ගන්න
ඕක කාලෝ ගේ අදහසක් නෙවෙයි. ඇමරිකාවේ FDA ඒකෙන් දැනට අවුරුදු 3-4 කට කලින් කරපු යෝජනාවක්. සමහරවිට කාලෝ ඊයේ පෙරේද දකින්න ඇති ඒකට විරුද්ධව සිගරට් කොම්පැනි දාපු නඩුව.අපි නොදන්න සිගරට්!
ReplyDeleteබත් වැඩියෙන් කෑවත් ලෙඩ, තෙල් වැඩියෙන් කෑවත් ලෙඩ, කිරි වැඩියෙන් බිව්වත් ලෙඩ. ඉතින් කොහොමත් ලෙඩ වෙන එකේ. සිකරට් එකක් බිව්වට අවුලක් නෑ. ඒකේ ආතල් එක දන්නේ ඒක බොන එකා. කොහොමත් ඉස්සරහට ඒකත් අත අරින්න වෙයි. ගාන නිසා.
ReplyDeleteපසුගිය දිනක සෞඛ්‍ය නියෝජ්‍ය ඇමතිවරයාද කොහෙද කිව්වා සිගරට් වලින් බිලියන 47ක ආදායමක් ලැබුනට ඒ වගේ හතර ගුණයක් වියදම් කරනවා කියලා ඒ අයගේ සෞඛ්‍ය සඳහා. මම විශ්වාස කරන්නේ නැහැ ලංකාවේ මුළු සෞඛ්‍ය වියදමවත් එච්චර අගයක වෙනවා කියලා ආසන්න වශයෙන් බිලියන 190ක්?? මේක ඇත්ත නම් සිගරට් සම්පූර්ණයෙන්ම තහනම් කරන්නේ නැත්තේ ඇයි කියන එක ප්‍රශ්නයක්
ReplyDeleteපහුගිය සිකුරාදා ලංකාදිප පත්තරේ තිබුනා මත්පැන් පානය 6%ක් වැඩි වෙලා සිගරට්බීම නම් පාලනය වෙලා කියලා ඒක නම් වෙන්න පුළුවන් දෙයක් සිගරට් මිල වැඩිවීම නිසා සහ ප්‍රසිද්ධ ස්ථාන වල දුම්බීමට තියෙන නීති නිසා ඒක අඩු වෙලා ඇති.
@"ලංකාවේ විකිණෙන තත්වයෙන් බාල දුම්වැටි බොහොමයකින් ඇති කරන්නේ වින්දනයකට වඩා අපහසුවකි" - එතකොට තත්වයෙන් උසස් ඒවා....? ඒත් ඒකම තමයි පැරා.
ReplyDelete@"ලේඛකයාගේ අත්දැකීම අනුව, සිගරැට් අරක්කු කටේ නො තියන ප්‍රතිපත්තිවල ඉන්නා මිනිස්සු අදහන්නට බැරි තරම් කුහකයෝ ය" - මගේ අත්දැකීම නම් මෙහි පූර්ණ පරස්පයයි.
"දුම් බීමට ඇබ්බැහි වීම වත්මන් ධනවාදී සමාජය විසින් ඇති කර ඇති සමාජ අසහනයේ පාර්ශ්වයකැයි ලේඛකයාට සිතේ. "
ReplyDeleteඑතකොට කියුබන් සුරුට්ටු, ක්‍රස්තෝ ල චේ ල බිව්වෙ එහෙනම් දනවාදෙ අර්බුදේ ඒ අයටත් දැනුනු තරම වෙන්ටැ.
rata minissu gana saba anukampawak tiyanawanam karanna ona me dawal tahnan karana aka...me kalakanni dasapalana upparawatti..
ReplyDelete'' මිනිස්සු දුම් බොන්නෙ ඇයි? ''
ReplyDeleteමහගෙදර චිත්‍රපටයේ තිස්ස අබේසේකර පැවසූවක් මගේ සිහියට ආව පරා, ......තිස්ස එහි රඟපෑවේ මත්පැනට ලොල්වූවෙකුගේ චරිතයක්...ඔහුගේ බාල සොයුරා ලෙස රඟපෑවේ විජය කුමාරණතුංග....
'' අයිය ඇයි අයියෙ ඔච්චර බොන්නෙ? ''
විජය ඇහුවම තිස්ස උත්තර දෙන්නෙ මෙහෙම,
'' කුරුල්ලෙක්ගෙං අහපං මල්ලි ඌ සිංදු කියන්නෙ ඇයි කියල...ඒ උපමාව ලස්සන වැඩියි කියල හිතෙනව නම් බල්ලෙක්ගෙං අහපං ඌ කකුල උස්සල පඳුරකට හුජ්ජ කරන්නෙ ඇයි කියල....ඒ ප්‍රශ්න වලට උත්තර නෑ මල්ලි...එව්ව ඇවිල්ල උත්තර නැති ප්‍රශ්න....''
මම දවසකට සිගරට් 42 ක් බිව්වා. 1994 දී සම්පූර්ණයෙන් නැවැත්තුවා එකපාරටම. පුදුමේ කියන්නේ ඒ කාලේ මම හිටියේ නුවරඑළියේ. හැබැයි දැන් මාස තුනකට දෙකක් විතර බොනවා හොඳ 'ඩිංකල්' එකක් දැම්මම.
ReplyDelete@jaya sri,
ReplyDeleteලේඛකයාගේ අත්දැකීම අනුව, සිගරැට් අරක්කු කටේ නො තියන ප්‍රතිපත්තිවල ඉන්නා මිනිස්සු අදහන්නට බැරි තරම් කුහකයෝ ය" - මගේ අත්දැකීම නම් මෙහි පූර්ණ පරස්පයයි.
That means all the drunkards are hypocrites? Because you dont have company with them and you have company with only the teetotals, you all teetotals might discuss about hypocrisy of drunkards. Go on... keep with them. Live 120 years with your pure thinking. Ane pala pala yanna.