W3Lanka: Praja.lk Backup

විමල් වීරවංශ ජනාධිපතිවරණ ප්‍රචාරණ ව්‍යාපාරයේ අවසාන රැළිවලදී පැවැත්වූ “සිරිසේන................ කෝ මේ සිරිසේන............." කතාව මහත් ආන්දෝලනයක් ඇති කළේ ය. ඒ වන විට ඔහුත්, ඔහුගේ නායකයා වූ මහින්ද රාජපක්ෂත් පරාජයක් අපේක්ෂා කළ බවක් නො පෙනිණි. විමල්ගේ මුවින් මෙවැනි ම විසකුරු ද්වේෂයක් 2010ජනාධිපතිවරණයේ අවසන් සමයේදී ද පළ වූ අතර, මැතිවරණයෙන් පසු මහින්ද රාජපක්ෂ සිය ප්‍රතිවාදියා වූ සරත් ෆොන්සේකාට පන්න පන්නා දෂ්ට කළේ ය. ජනාධිපතිවරණයෙන් තමන් පැරදුණා නම් තමන්ට සිදු වන්නේ කුමක් ද යන්න ගැන අවබෝධයක් ජනාධිපති මෛත්‍රීපාල සිරිසේනට තිබේ. මැතිවරණ ව්‍යාපාරයේදී වත්මන් ජනාධිපති මෛත්‍රීපාල සිරිසේනට නින්දාසහගත අන්දමින් කතා කිරීම පිළිබඳ විමල් වීරවංශ ඔහුගෙන් සමාව අයැද තිබේ. ඒ පසුගිය සතියේ ජනාධිපතිවරයා හා එක්සත් ජනතා නිදහස් සන්ධානයේ පක්ෂ නායකයන් අතර පැවති සාකච්ඡාවේදී ය. විමල් ජනාධිපතිවරයාට කතා කළ අන්දම අනුව, ඔහුට ජනාධිපතිවරයා මුහුණට මුහුණ හමු වීමට ඝට තිබීම ද පුදුමයකි. එහෙත්, විමල්ගේ පක්ෂය ජනාධිපතිවරයා හමු වීමට දැක්වූ උනන්දුවෙන් පෙනෙන්නේ සාමාන්‍ය සමාව ගැනීමක් පමණක් නොව ජනක බණ්ඩාර ස්ටයිල් එකේ සමාව ගැනීමක...

විමල්ට ආණ්ඩුවෙන් එළියට බැස, රාජපක්ෂ පවුලට බැල මෙහෙ කරමින් ඉඳුල් බුදීමට සීමා වී තිබෙන සිය දේශපාලන අනාගතය වෙනස් මගකට යොමු කරන්නට උවමනා ය. විමල්ට රාජ යෝගයක් ඇතැයි ජ්‍යොතිෂකාරයෝ ද කියා තිබේ. දැන් ලංකාවේ සිටින ලොකු ම කෙළි කාරයෝ මේ කට්ටඩියෝ ය. ඔවුන්ට අන්දන්නට බැරි භෞතිකවාදියෙක් නැති තරම් ය.  එහෙත්, ආණ්ඩුව ලෙහෙසියෙන් විමල්ට ගැලවී යන්නට දෙන පාටක් ද නැත. ඔහු වැනි සුවච, කීකරු, නිවට, නියාලු සේවකයකු අතහැර දමන්නේ කුමටදැයි ආණ්ඩුව සිතනවා විය හැකි ය. ඒ නිසා ඔහු කැඳවා, දුක් සැප කුමන්දා යි අසා, විමල් ම කියන පරිදි ටොපියක් දී තිබේ.  ඒ පසුගිය දිනවල විමල් බැන බැන හිටි පී.බී. ජයසුන්දර දැරූ නො වැදගත් තනතුරකින් ඔහුව නෙරපා හැරීමයි.  විමල් දැන් එයින් සැනසිය යුතු ය. නැතිනම් ඊළඟට හම්බු වෙන්නේ ජම්බු ය. සමහර විට විමල්ට පෙනෙන්නට චම්පිකට දෙන්නම් ජම්බු කරන්නට ද ඉඩ තිබේ.  කොහොම වුණත්, විපක්ෂය ද තමන්ට බලය අවශ්‍ය නම් මේ කට්ටිය ගැන මීට වඩා බලා කියා ගත යුතු ය. නැතිනම්, මොවුන් කකුල් දෙක අස්සේ වලිගය ගසාගෙන කූං කූං ගාමින් ආපසු ‍දෑත් ශක්තිමත් කරපු තැනට පසුබසිනු ඇත. එහෙම වුණොත්, ආණ්ඩුවෙන් එළියට එන්නට...

විමල් හොඳ නළුවකු බව ඇත්ත ය. එහෙත්, අප සිතන පරිදි දැන් නම් ඔහු කරමින් ඉන්නේ රඟපෑමක් නො වේ. ඔහු මේ කරමින් ඉන්නේ ඔහු වැනි අයෙකුගෙන් බලාපොරොත්තු විය හැකි දෙයකි. ආණ්ඩුව අසීරු තත්වයකට පත් වෙමින් සිටියි. ආණ්ඩුවේ මර්දනයේ හස්තය ද බුරුල් වෙමින් තිබේ. දේශපාලනයේදී ඉදිරියට යා හැක්කේ උපායික විශේෂඥයන්ට ය. විමල් කරන්නේ කල් යල් බලා අඩියක් 'පෙරට' තැබීමයි. ගමන අනතුරුදායක විය හැකි ය. එහෙත්, මේ නම් වැඩේට වෙලාව තමා ය. වේලාසනින් අවදි වන කුරුල්ලන්ට ආහාර සොයා ගැනීම පහසු ය. අනාගත පාලනයක බලය තහවුරු කර ගැනීමට නම් දැන් දැන් ම පෙරට ආ යුතුව තිබේ. එසේම, රාජපක්ෂ පවුල් පාලනය තුළ වෙනත් අයෙකුට ඉදිරියට යන්නට ලැබෙන්නේ නැති බව පැහැදිලි ය. විමල් කරන්නේ රංගනයකැයි අවධාරණය කරන්නේ කවුරු ද? විමල්ගේ සම්ප්‍රදායික සතුරා වන ජනතා විමුක්ති පෙරමුණයි. ජවිපෙට විමල් යනු ද්‍රෝහියෙකි. මරණ දඬුවම දීම කළ නො හැකි නිසා ජීවතුන් අතර සිටින්නෙකි. ජවිපෙට විමල් සමාජවාදය ගොඩනගා දුන්නත් භාර ගන්නට බැරි ය. මන්ද, විමල් ද්‍රෝහියකු වන හෙයිනි. උපායික දේශපාලනයේදී මේ අන්දමින් හැඟීම්බර වී බැරි ය. විමල් යනු යථාර්ථයක් නිසා දැන් ඉතින් ඔහු සමග...

විමල්ගේ පාපැදි ගමන දුටු විට අතීත කතාවක් මතක් විය. ජනතා විමුක්ති පෙරමුණේ පංති පහෙන් එක් පංතියක් වූ පක්ෂ ඉතිහාසය පංතියේ පක්ෂය ගොඩනැඟීම වෙනුවෙන් රෝහණ විජේවීරගේ කැප කිරීම් උත්කර්ෂයට නංවන ලදී. එහි කියැවුණු එක් කරුණක් වන්නේ පක්ෂය ගොඩනැඟීම සඳහා රෝහණ සහෝදරයා මුට්ට කර ගැසීම පවා කර තිබෙන බවයි. එසේම, ගමන් බිමන් යාම සඳහා මුදල් නැති නිසා ඔහු බස් රියවල හොරෙන් ද ගොස් තිබේ. 1983 තහනමෙන් පසු රහසිගතව පක්ෂය ගොඩනැඟීමේ කාර්යයට උර දී සිටි මෙම ලිපිය ලියන මම ද, විමල් වීරවංශ වැනි අය ද, ජවිපෙ නායකයන්ගේ මේ කැප කිරීම් මහත් භක්තියෙන් යුතුව අනුගමනය කළෙමු. පක්ෂයේ වැඩවලට එහෙ මෙහෙ යාමට මුදල් නැති නිසා මම සෑහෙන්න බස්වල හොරෙන් ගොස් ඇත්තෙමි. ඉදිරි දොරටුවෙන් බසයට නැග 'පාස්' ය කියා යද්දී කොන්දොස්තරවරු එතරම් ඒ ගැන සොයා බැලුවේ නැත්තේ ඇයිදැයි මට ප්‍රහේලිකාවකි. වතාවක්, දෙකක් ටික්කන්ගෙන් බේරුණේ අනූ නමයෙනි. වරක් පෝස්ටර් මිටියක් සමග කෝච්චියේ හොරෙන් යද්දී හදිසි පරීක්ෂාවකට ලක් වීම නිසා මම පානදුරේදී දුවන කෝච්චියෙන් ද පැන්නෙමි. ඒ කාලයේ මේවා මහා වීරකම් ලෙස පක්ෂය විසින් අගය කරන ලදී. ඒත්, ඇත්තෙන් ම පක්ෂය තරුණ අපේ ජීවිත ...

විදුලි බිල වැඩි කිරීමට එරෙහිව අද කොළඹදී ජවිපෙ විසින් පවත්වන ලද පෙළපාලියට විමල් ද පැමිණ සිටියේ ය. ටයි කෝට් ඇඳ සිටිය ද දැන් අලුතෙන් බැඳුණු අයකු සේ නැවත බර ඇද සුදුසුකම් ලබා ගත යුතු නිසාදෝ ඔහු ලයිට් කණුවකට කර ගසා සිටියේ මෙලෙසයි. (ඡායාරූපය ලංකා ටෲත් වෙබ් අඩවියෙනි) කියවන්න:  රාජපක්ෂ පාලනයේ හේමන්ත ඍතුව මනරංජන වැඩ වර්ජන - ජනරංජන ශ්‍රී රෝහණ බෞද්ධයිනි, බොදු බල සේනාවේ ෂාරියා බුද්ධාගමික ප්‍රවණතාවට එරෙහි වෙමු   මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න Read in English blog.parakum.com

ගිලෙන නැවෙන් මීයෝ පැන යති. ආණ්ඩුව නම් නැව ගිලෙන්නට පටන් ගෙන නැතිමුත්, එය හොඳට ම අබලන් ය. කොයි මොහොතක හෝ වතුර කාන්දු වීම ආරම්භ වන්නට පුළුවන. එබැවින් බුද්ධිමත් මීයෝ පැන යා හැකි මං කල් ඇතිව සැලසුම් කර තබති.  බුද්ධිමත් ම මීයෝ වනාහි ජාතිම ජාතිවාදියෝ ය. විමල් වීරවංශ පක්ෂයත්, ජාතික හෙළ උරුමයත් පළාත් සභාවලට විරුද්ධ ය. වඩාත් නිවැරදිව කීවොත්, උතුරු පළාතේ දෙමළ වැසියන් වෙනුවෙන් පළාත් සභා මැතිවරණයක් පවත්වනවාට‍ විරුද්ධ ය.  මේගොල්ලන්ගේ පිටවීමේ දොරටුව තිබෙන්නේ මෙතැන ය. පිටවීමේ මාර්ගය එළිපෙහෙළි කර ගැනීම සඳහා ජාතික හෙළ උරුමය පළාත් සභා අහෝසි කරන 19වන ආණ්ඩුක්‍රම ව්‍යවස්ථා සංශෝධන යෝජනාවක් පෞද්ගලික මන්ත්‍රී යෝජනාවක් ලෙස ගෙනැවිත් තබන්නට ද කටයුතු කර තිබේ.  සැප්තැම්බරයේ පළාත් සභා මැතිවරණය ගෙවන කිව්ව ද දැන් ජනාධිපතිවරයා ඒ ගැන සද්දයක් නැත. සැප්තැම්බරයේ පැවැත්වෙන පළාත් සභා මැතිවරණයක් බලාගෙන දෙමළ ජාතික සන්ධානය සූදානම් වෙමින් සිටියි. මේ සැප්තැම්බරය මාස කීපයකින් එහාට යන්නට පුළුවන. ආණ්ඩුව ජාතික ගැටලුව සම්බන්ධයෙන් අනුගමනය කළ ජාතිවාදී ප්‍රතිපත්තිය වන්නේ 'දෙමළුන්ට කිසිවක් නො දෙන්නනෙමු' යන්නයි. එය එ...

උතුරේ පළාත් සභා මැතිවරණය පවත්වනවාට විරෝධය පළ කරමින් ඇමති විමල් වීරවංශ හෙවත් ජාතික නි්‍දහස් පෙරමුණ වෙනම මැයි දිනය පවත්වන බව පවසයි. විමල් වීරවංශද 1988 පටන්ම පළාත් සභාවලට විරෝධය පළ කළ අයෙකි. එහෙත්, ඔහු ජවිපෙ සිටින කාලයේ ‍මෙන්ම ජාතික නිදහස් පෙරමුණ පිහිටුවා ගත් පසුද පළාත් සභා තරග කළේය. ඔහුගේ ගෝල බාලයෝ පළාත් සභාවල තනතුරු දරති. නැගෙනහිර පළාත් සභා මැතිවරණයේදී ඔහුගේ පක්ෂය ත්‍රිකුණාමලය දිස්ත්‍රික්කයට වෙනම තරග කරමින් ආසනයක්ද දිනා ගත්තේය. එහෙත්, ඔහු උතුරේ පළාත් සභා මැතිවරණයට විරුද්ධය. මුස්ලිම් කොංග්‍රසයේ සෙවල ප්‍රතිපත්ති උපයෝගී කරගෙන නැගෙනහිර පළාතේ පවා දේශපාලන බලය පිහිටුවාගැනීමට ආණ්ඩුවට පුළුවන්කම තිබිණි.  එහෙත්, උතුරේ එසේ කිරීම සිහිනයක් පමණක් බව ආණ්ඩුව හොඳින් දනියි. ඉන්දියාවට හා ජාත්‍යන්තරයට බියේ උතුරු පළාත් සභා මැතිවරණය පවත්වන අතර රාජපක්ෂ පවුලේ සුවච කීකරු සේවකයකු වන විමල් වීරවංශ ලවා උතුරු පළාත් සභා විරෝධයක් ආණ්ඩුව ඇතුළෙන්ම පවත්වාගෙන යන්නට ඒකාධිපති පාලනය කටයුතු කර ඇති බව නිරීක්ෂණය කළ හැකිය. පළාත් සභා ගෙන ආවේ ජනවාර්ගික ප්‍රශ්නයට විසඳුමක් ලෙස බලය බෙදාගැනීමටයි. රටේ අනෙක් පළාත් නවයේම ...

දෝෂාභියෝගය හමුවේ ඇමති විමල් වීරවංශගේ හැසිරීම ගැන බොහෝ අය කතා කරන්නේ උපහාස මුඛයෙනි. එහෙත්, ඇත්තෙන්ම මේ ඔහු කරන්නේ 2010දී සරත් ෆොන්සේකාගේ අභියෝගය හමුවේ ඔහු අනුගමනය කළ 'උපායමාර්ගය' වැනිම එකකි. ඒ කියන්නේ රාජපක්ෂලාගේ සතුරෙකුට නිර්දය ලෙස පහරදීමෙන් ඔවුන්ගේ සිත් දිනාගැනීමේ හා ඒ ඔස්සේ සිය බලය තහවුරු කරගැනීමේ උපායමාර්ගයකි.  මෙහිදී ඔහු සිය පැරණි පංති පදනම් හා දේශපාලන අත්දැකීම් අනුව යමින් නිර්භීත දේශපාලන සූදුවක යෙදෙයි. සරත් ෆොන්සේකා සමග කෙළපු සූදුවෙන් ඔහු දිනුවේය. මෙවැනි සූදු කෙළීමට මානසික රෝග මට්ටමේ එඩිතරකමක්ද තිබිය යුතුය. මේ උපායමාර්ගයම අනුගමනය කරන ඇමති ඩිලාන් පෙරේරාට නැත්තේ අන්න ඒ මට්ටමයි. විමල් වීරවංශ වනාහි අතීතය වැළලූ පුද්ගලයෙකි. ඔහුට රැකගන්නට කිසිදු පුරුෂාර්ථයක් නැත. ඇත්තේ දිනාගන්නට අනාගතයක් පමණි.  අනෙක් පැත්තෙන් ඔහු වනාහි එක්තරා අතීතයක දැඩි ක්‍රම විරෝධියෙකි.  සිය හදවතින්ම මේ ක්‍රමයට එරෙහිව සටන් කළ අයෙකි. ඔහුගේ වත්මන් භූමිකාව තුළද එම ලක්ෂණ නොඅඩුව තිබේ. ග්‍රාම්‍ය ජාතිවාදය, පවුල්වාදය, ඒකාධිපතිවාදය, ප්‍රජාතන්ත්‍ර විරෝධය, රාජ්‍ය ඒකාධිකාරී කෑදර ධනවාදය යන කරුණු මත පදනම් ව...

ලංකාවේ ආණ්ඩුවේ ඇමති චම්පික රණවක ඇමරිකා එක්සත් ජනපදයට එරෙහිව යුද්ධ කරන්නට සූදානම් බව කියා ඇත. එය ආණ්ඩුවේ ස්ථාවරය නො වන බව වෙනත් බලධාරියෙක් කියා ද නැත.  විස්තර මෙතැනින්  Sri Lanka Ministers' wars against US ජවිපෙ ඉන්න කාලයේ පටන් ම චම්පික හිටගෙන කරන දේ දුව, දුව කරන විමල් වීරවංශ ඇමතිතුමා හරි හරියට හිටිමින් ඇමරිකන් නිෂ්පාදන වර්ජනයක් ආරම්භ කර තිබේ.  ඔහුගේ වර්ජනය ආරම්භ කර තිබෙන්නේ ජීමේල් හා යාහුවලිනි. දැන් ලංකාවේ කට්ටිය මේ නො මිළේ දෙන ඊමේල් සේවා ප්‍රතික්ෂේප කිරීමත් සමග නියතව ම ඒවා බිඳ වැටෙනු ඇත. එපමණක් නො ව, ලංකාවට එරෙහිව කුමන්ත්‍රණ කරන සෙසු බටහිරයන්ගේ ෆේස්බුක් වැනි මෙවැනි සෙසු නො මිළේ දෙන අන්තර්ජාල සේවා ද ප්‍රතික්ෂේප කළ යුතු ය.  ගුගල් හා බ්ලොගර් ද වර්ජනය කළ යුතු අතර ඒ සමග ම මෙම ලේඛකයා ද කම්මුතු ය.  දැන් ඉතින් අපි මේවාට විකල්ප සොයා ගත යුතු ය. ජීමේල් වෙනුවට වීමේල් කියා ක්‍රමයක් හඳුන්වා දෙන්නට පුළුවන. එය මෙසේ ක්‍රියා කරවිය හැකි ය. පරෙයියන්ට කන්නට වී දී අල්ලාගෙන කකුලේ ගැට ගසා ලියුම් යැවිය හැකි ය. එහෙත්, පරෙයියන්ගෙ වෙස් ගත්තත් පරයි ඇහැකි හඳුන ගන්න කියන නන්දක්කාග...

ජාතික හෙළ උරුමයට හා ජාතික නිදහස් පෙරමුණට පාඩු ලබන හා අසාර්ථක ව්‍යාපාර රජයට පවරා ගැනීමේ හෙවත් ඌණ ක්‍රියාකාරී ව්‍යවසායන් සහ ඌන උපයෝජිත වත්කම් පුනරුදය කිරීමේ පනතට විරුද්ධව ඡන්දය දීම සඳහා කශේරුකාවක් නොමැති වීම නිසා ජාතියේ පිනට පහළ වූ පාඨලී චම්පික රණවක, විමල් වීරවංශ වැනි වීරෝදාර මන්ත්‍රීවරු ඡන්ද විමසන වේලාවේ පාර්ලිමේන්තුවේ වැසිකිළිවල හැංගුණ බව වාර්තා වේ. හෙට අනිද්දා මහ තැන මේ පිළිබඳව විමසූ කල ඒ වෙලාවේ තමන්ට මාර බඩේ අප්සෙට් එකක් ආ බව කියන්නට එතුමන්ලාට පුළුවන. ඕනෑ නම් වෙද මහත්තයකුගෙන් මෙඩිකල් එකක් ඉදිරිපත් කරන්නට ද පුළුවන. ඒ වුණාට, හෙට අනිද්දා වන විට උන්නැහේලාගේ අමාත්‍යංශවල දූෂණ පිළිබඳ හෙළිදරව් මාධ්‍ය මගින් ප්‍රචාරය වන විට නම් ඇත්තට ම බඩ බුරුල් වෙනු ඇත. ඒ වුණාට........................... අතීසාරෙට අමුඩෙ ගැහුවාට වැඩක් නැත. මේ ලිපියට ඔබ කැමති නම් වෙන අයත් එක්කත් බෙදා ගන්න

‍ (2011 ජුනි 14,   W3Lanka )   ඉන්දියාවේ බලපෑම මත දෙමළ ජාතික සන්ධානය සමග සිදු වන සාකච්ඡාවලදී දෙමළ ප්‍රශ්නයට විසඳුම් ලෙස 13වන ආණ්ඩු ක්‍රම ව්‍යවස්ථා සංශෝධනය ඉක්මවා යන බලය බෙදිමක් කරන බව ආණ්ඩුව ප්‍රසිද්ධියේ පවසයි. මේ පිළිබද යම් එකඟතාවකට පසුගියදා ලංකාවට පැමිණි ඉහළ පෙළේ ඉන්දීය නියෝජිතයන් සමග එළඹී ඇති බව පෙනේ. ඉඩම් හා පොලිස් බලතල ගැන යම් කෙඳිරි ගෑමක් කළත්, බොහෝ දුරට ඉඩ තිබෙන්නේ පොලිස් බලතල තබාගෙන ඉඩම් බලතල දෙන්නට සිදු වන තත්වයක් නිර්මානය වීම බව අපගේ නිරීක්ෂණයයි. පොලිස් බලතල දෙමළ ජාතිකවාදීන්ට යම් අභිමානයක් වන හෙයින් බොහෝ දුරට ඒ වෙනුවෙන් ද දෙමළ ජාතික සන්ධානය සටන් කරන්නට ඉඩ තිබේ. මූලිකව ම, දෙමළ ජාතික සන්ධානය සාකච්ඡා මේසයේ තබා ගැනීම ප්‍රමුඛ කොට සලකන්නට සිදු වී ඇති ආණ්ඩුවට පොලිස් බලතල තබා ගැනීම පවා පහසු නැත. උතුරු නැගෙනහිර පළාත් යළි ඒකාබද්ධ කිරීමට හෝ පළාත් සභා පිහිටුවීමෙන් පසු එකී පළාත් සභාවන්ගේ කැමැත්ත මත ඒකාබද්ධ වීමට ඉඩ තැබීමට ආණ්ඩුවට සිදු වනු ඇති බව අපේ නිරීක්ෂණයයි. දෙමළ ජාතික සන්ධානය සමග ආණ්ඩුවේ ඊළඟ සාකච්ඡා වටය ජුලි 23දා ය. ඉන්දියාවේ හා ජාත්‍යන්තර ප්‍රජාවේ ශක්තිය ගොනු කර ...

එදා එංගලන්තෙට 'ඇරලා' පැනලා ආපු චණ්ඩියා  (2011 ජුනි 11,   W3Lanka )   එක්සත් ජාතීන්ගේ මහ ලේකම් ලෙස බෑන් කී මූන් මහතා දෙවන වරටත් එම තනතුරට පත් කිරීමට සහාය දීම‍ට සෙසු ආසියානු රටවල් සමග ලංකාව ද එකඟ වී ඇති බව විදේශ ඇමති මහාචාර්ය ජී.එල්. පීරිස් පවසයි. ඇමති ජී.එල්. පීරිස් සමග එක කැබිනට් මණ්ඩලයේ සිටින ලෙමන් පෆ් කකා උපවාස කළ විමල් වීරවංශ ඇමතිතුමා ගැන අපට මාර දුක ය. දැන් ඉතින් එතුමා රෙද්දක් ඇඳගෙන පා‍රේ යන්නේ කොහොම ද? ආණ්ඩුව බටහිර අධිරාජ්‍යවාදීන්ගේ සාක්කුවට වැටී ඇත. දේශප්‍රේමී නලින්, ගුණදාස, ගුණවංස ඉතින් කෝ වැඩ? පුවත්පත් නිවේදන විතර ද? කෝ අර ගිය මාසයේ අග හරියේ පවත්වනවා ය කියූ මහා උද්ඝෝෂණය? අනේ ඒක ඉක්මණට පවත්වන්න. කලකින් අපි ඔබේ දේශප්‍රේමී උද්‍යෝගය දුටුවේ නැත. ඒක නැති වුණා ම ඉතින් රට නන්නත්තාර ය.  මේ ලිපියට ඔබ කැමති නම් වෙන අයත් එක්කත් බෙදා ගන්න

(2011 ජුනි 06,   W3Lanka )  දහතුන්වන ව්‍යවස්ථා සංශෝධනය යටතේ පළාත් සභාවලට ඉඩම් බලතල හා පොලිස් බලතල දීමට යෝජනා කරනවා නම් ඔහු මේ රටේ සිටින පරම දේශද්‍රෝහියා බව ”බෙදුම්වාදී නව කුමන්ත්‍රණයට හසුවන්න එපා” යන මැයෙන් පසුගිය 01දා කොළඹ විජේරාමයේ සව්සිරිපායහිදී පැවති සම්මන්ත්‍රණයකදී ඇල්ලේ ගුණවංශ හිමි පවසා ඇති බව දිනමිණේ වාර්තා වේ. කිසිදු බලපෑමක් සිදු නො වන අන්දමින් අප්‍රකටව පවත්වන ලද මෙම රැස්වීම පිළිබද පමා වී හෝ වාර්තා කිරීමට අප අදහස් කළේ මේ වනාහි විමල් වීරවංශ නායකත්වය දෙන ආණ්ඩු ගැති දේශප්‍රේමී බලවේගය විසින් ඉන්දියාවට එරෙහිව පොර ටෝක් දමා, දෙමළ ජාතික සන්ධානය සමග ආණ්ඩුව කරන සාකච්ඡා භංග කරන බවට සපථ කර කන්දක් විලි ලා වැදූ මී පැටවා වීම නිසා ය. මේ වේලාව වනාහි මෙම උපමානයෙන් හෙවත් ක්‍රයිටීරියාවෙන් දේශද්‍රෝහියා තෝරන්නට යාම භයානක කාර්යයකි. මන්ද, පළාත් සභාවලට ඉඩම් බලතල හා පොලිස් බලතල දීම පිළිබද සාකච්ඡා කරන්නේ අන් කවරෙකු හෝ නො ව, මේ පිරිසගේ ම ආණ්ඩුව වීම නිසා ය. මෙම ජාතිවාදීන් විසින් සුළු ජාතීන් සමග බලය බෙදා ගැනීමට එරෙහිව මෙවැනි භීතිකාවක් නිර්මානය කරන්නේ ද, ජාතීන්ගේ ප්‍රශ්නය පිටුපස මහා බටහිර ක...

( 2010 දෙසැම්බර් 20,  W3Lanka ) මානව හිමිකම් හා යුද අපරාධ චෝදනා ලැබ සිටින ලංකාවේ රජය සම්බන්ධයෙන් කටයුතු කළ යුතු ආකාරය පිළිබඳ එක්සත් ජාතීන්ගේ මහ ලේකම් බෑන් කී මූන්ට උපදෙස් දීම සඳහා පත් කරන ලද කමිටුව ලංකාවේ රජය විසින් පිළි ගෙන එයට ලංකාවට පැමිණ ලංකාවේ උගත් පාඩම් හා ප්‍රතිසන්ධාන කොමිසමේ නිලධාරීන් හමු වීමට අවසර ලබා දී තිබේ.  එක්සත් ජාතීන්ගේ මහ ලේකම් විසින් මාධ්‍ය සාකච්ඡාවකදී හෙළි කරන ලද මෙම කරුණ ජනාධිපති මාධ්‍ය ප්‍රකාශක ලූෂන් රාජකරුණානායක සන්ඩේ ටයිම්ස් පුවත්පතට කරන ලද ප්‍රකාශයකින් තහවුරු කර තිබේ.  දැන් ප්‍රශ්න කීපයක් මතු වේ. එකක්, මෙම කමිටුවට එරෙහිව ලෙමන් පෆ් කමින්, වතුර බොමින් මාරාන්තික උපවාසයක් කළ විමලු වීරවංශ ඇමතිතුමා කැබිනට් රැස්වීම්වලට එහෙම යන්නේ කුමන ආකාරයේ රෙදි ඇඳගෙන ද යන්නයි.  දෙවන ප්‍රශ්නය මෙම කමිටුවට නීතිමය වලංගුභාවයක් නැතැයි ප්‍රකාශ නිකුත් කළ මහාචාර්ය ජී.එල්. පීරිස්ට නම් ඔය රෙදි පිළිබඳ ප්‍රශ්නයක් ඇත්තේ ම නැද්ද යන්නයි.  මේ කමිටුවේ සාමාජිකයන්ට ලංකාවට පැමිණීම සඳහා වීසා නො දෙන බව ඒ දිනවල ආණ්ඩුව හායි හූයි ගාමින් කීවේ ය.  අහෝ විමලුනි, ගාමිනී ලක...

ආනන්ද සමරකෝන් ‍ ( 2010 දෙසැම්බර් 13,  W3Lanka )  ශ්‍රී ලංකාවේ ජාතික ගීය සිංහල බසින් පමණක් භාවිතා කිරීමට බදාදා රැස් වූ කැබිනට් මණ්ඩලය තීරණය කර තිබේ. ජනාධිපති මහින්ද රාජපක්ෂගේ මෙම යෝජනාවට විමල් වීරවංශ පූර්ණ සහාය පළ කර තිබේ. ජාතික ගීයේ දෙමළ අනුවාදය මේ අනුව භාවිතයෙන් ඉවත් වනු ඇත. ලෝකයේ කිසිදු රටක ජාතික ගීය භාෂා ගණනාවකින් නො ගැයෙන බවට ජනාධිපතිවරයා මෙම කැබිනට් රැස්වීමේදී කර ඇති ප්‍රකාශය වැරදි ය. භාෂා රැසක් භාවිතා වන දකුණු අප්‍රිකාවේ ජාතික ගීයේ කොටස් පහක් භාෂා පහකින් ගායනා වේ. නිල භාෂාවන් හතරක් ඇති ස්විට්සර්ලන්තයේ ජාතික ගීය ඇත්තේ ජර්මානු බසින් මුත් සෙසු නිල භාෂා වන ඉතාලි, ෆ්‍රන්ස හා රොමානිෂ් භාෂාවන්ගෙන් පරිවර්තන ඇත. නවසීලන්තයේ ජාතික ගීය ඉංග්‍රීසි හා මයෝරි භාෂාවන්ගෙන් යුත් අතර මයෝරි පරිවර්තනය ඉංග්‍රීසි ගීයේ ඍජු අනුවාදය නො වේ.  අපගේ අසල්වැසි ඉන්දියාවේ ප්‍රධාන භාෂාව හින්දි වුව ද ජාතික ගීය ලියැවී ඇත්තේ සංස්කෘත මුසු බෙංගාලි බසිනි. එය ලියුවේ බෙංගාලි ලේඛක රවීන්ද්‍රනාත් තාගෝර් විසිනි. එහෙත්, අදාළ කැබිනට් රැස්වීමේදී ජනාධිපතිවරයාගේ පියවර අනුමත කළ විමල් වීරවංශ පවසා ඇත්තේ ...

( 2010 දෙසැම්බර් 07,  W3Lanka )   විකිලීක්ස් වෙබ් අඩවියේ පළ වී ඇති ඇමරිකානු තානාපතිනි පැට්‍රීෂියා බියුටිනිස් ලංකාවේ දෙමළ නායකයන් කීපදෙනෙකු සමග කළ සාකච්ඡාව පිළිබඳ තොරතුරු අනුව, දෙමළ නායකයන්ටත්, ඇමරිකාවටත් ලංකාවේ යුද අපරාධ පිළිබඳ පරීක්ෂණයක් අවශ්‍ය අතර ඒ සඳහා දැනට කාලය නො වන නිසා, කල එළඹෙන තෙක් ඒ පිළිබඳ උද්ඝෝෂණය ප්‍රාණවත්ව තබා ගත යුතු ය. දෙමළ ඩයස්පෝරාවේ මේ මොහොතේ ප්‍රධාන දේශපාලන කාර්යය එය වී තිබේ. ආණ්ඩුවේ ප්‍රජාතන්ත්‍ර විරෝධී දේශපාලනය නිසා එක්සත් ජාතික පක්ෂය, ජවිපෙ වැනි විපක්ෂ දේශපාලන පක්ෂ පවා එයට අනියමින් උදව් කිරීමට පෙළඹීම වළක්වා ගත නො හැකි ය. මේ සියල්ලට වඩා රාජපක්ෂලා‍ට භයානක වන්නේ සිය දෙපා ලෙව කමින්, පා මුල ලැග සිටින සතුරන් කරන දේ ය. ඉදිරියට ඒම සඳහා රාජපක්ෂලාගේ කර ද, විනාශය ද ප්‍රාර්ථනා කරන මෙම පිරිස මේ මොහොතේ හැසිරෙන්නේ රාජපක්ෂවරුන් කෙරෙහි අන්ධ භක්තියකින් කටයුතු කරන තොත්ත බබ්බු පිරිසක් ලෙස ය. පාර්ලිමේන්තුවේදී ජයලත් ජයවර්ධනට පහර දීම, බ්‍රිතාන්‍ය මහ කොමසාරිස් කාර්යාලය ඉදිරිපිට ගොන් පාට්, කරු ජයසූරියට එරෙහිව විශ්වාස භංග ආදී මේ හැමෙකක් ම අවසානයේදී ඉවහල් වන්නේ යුද අපරාධ ...

( 2010 දෙසැම්බර් 05,  W3Lanka )  භික්ෂූන් 12ක් ඇතුළු ජයවර්ධනපුර විශ්ව විද්‍යාලයේ සිසුන් 44කගේ පංති තහනම් කර ඇත. හේතුව කලින් පංති තහනම් කළ සිසුන් 84ක් වෙනුවෙන් උද්ඝෝෂණය කිරීමයි.  දැන් 84 + 44 = 128කි.  එම සිසුන් අතර අපවත් වූ හිමිනමකගේ නමක්ද ඇතුළත්ව ඇති බව අන්තර් විශ්ව විද්‍යාලයීය ශිෂ්‍ය බල මණ්ඩලයේ කැඳවුම්කරු සංජීව බංඩාර පවසයි. එක පැත්තකින් අධ්‍යාපනයේ අර්බුදයට මෙය ද එක්තරා විසඳුමකි. විශාල වශයෙන් සිසුන්ගේ පංති තහනම් කළ විට ඔවුන්ගේ අධ්‍යාපනය වෙනුවෙන් කළ යුතු වියදම අඩු කර ගත හැකි වනු ඇත. එවිට ඒ මුදල් ද ලංකාවේ පිහිටුවීම සඳහා පෞද්ගලික විශ්ව විද්‍යාල සෙවීම පිණිස බුරුමය, සුඩානය, ෆීජි වැනි රටවල සංචාරය කිරීම සඳහා දේශපාලකයන්ට හා නිලධාරීන්ට ලබා දිය හැකි වනු ඇත.  ආචාර්යවරුන්ට ඉගැන්වීමට හෙවත් බොහෝ ආචාර්යවරුන් කරන පරිදි පිටපත් කර ගැනීම සඳහා සටහන් කියවීම සඳහා වැය කළ යුතු ශ්‍රමය ද අඩු වේ. එවිට ඔවුන්ට ඒ ශ්‍රමය ටියුෂන් හෝ පොසිටිව් තින්කිං දේශන සඳහා යෙදවිය හැකි ය.  මෙහෙම ප්‍රශ්නයක් ද තිබේ. සිසුන් උද්ඝෝෂණය කිරීම පංති තහනම් කිරීමට හේතු වන වරදක් නම් ඇමතිවරුන්...

වසර 2200දී සිද්ධියක් You may also like to read our English blog   Lanka Polity

(2010 ජුලි 12,  W3Lanka )  'අපි ඔක්කොම තකතීරුවො ඒ හින්දා තමයි අපට කෙස් පැලෙනා මොළ කාරයෝ අතළොස්සක් ඕනැ වෙන්නෙ' ලංකාවේ තකතීරු අප විසින් පූර්ණ බලය සහිතව පත් කරගෙන තිබෙන්නේ අපට සුදුසු පාලනයකි. එහෙත්, එක් අත්වැරැද්දක් නිසා දැන් ඒ ආණ්ඩුව බරපතල අන්දමින් අපහසුවට පත් වී තිබේ.  එහෙයින් ආණ්ඩුව බේරා ගැනීම සඳහා වහා ක්‍රියා කළ යුතු බව අපි සිතමු. දුකේදී නැති තකතීරුවන් නියම මිතුරන් වන්නේ නැත. එක්‌සත් ජාතීන්ගේ කාර්යාලය ඉදිරිපිට රඟ දක්‌වන ලද නාට්‍යයේ අධ්‍යක්‍ෂණයත්, රංගනයත් සිදුකළේ එකම පුද්ගලයකු බවත් අවසානයේ එම නාට්‍යයේ නිෂ්පාදකයා ලබාදුන් වතුර වීදුරුවෙන් පසු කිසිම විසඳුමකින් තොරව එම හාස්‍යජනක නාට්‍යය අවසන් වූ බවත් එක්‌සත් ජාතික පක්‍ෂයේ මාධ්‍ය ප්‍රකාශක ගයන්ත කරුණාතිලක කියා ඇත. විමල් වීරවංශ ඇමැතිවරයා දින දෙකහමාරකින් සිය නාඩගම අවසන් කළ නමුත් ඒ නිසා එක්‌සත් ජාතීන්ගේ මහ ලේකම් සිය ස්‌ථාවරය වෙනස්‌ නොකළ බව ජනතා විමුක්‌ති පෙරමුණු මන්ත්‍රී විජිත හේරත් කියයි. මේ දෙන්නා සහ තවත් අවලං බල්ලන් කියන්නේ අයවැයෙන් ජනතාවට කළ අසාධාරණය යටපත් කිරීම සඳහා මෙය සංවිධානය කළ බවයි.  ඇත්තෙන් ම මෙතන...