W3Lanka: Praja.lk Backup

2010, 2011, 2012 අවුරුදුවලදී ජාතික සංවර්ධන බැංකුවේ ගිනුම් තුනක වත්කම් ප්‍රකාශ නො කිරීමේ චෝදනාව මත දෝෂාභියෝගයකින් ඉවත් කරන ලද ශිරානි බංඩාරනායක අග විනිසුරුවරියට එරෙහිව කොළඹ ප්‍රධාන මහේස්ත්‍රාත් උසාවියේ නඩු පැවරීමේ සිද්ධිය නාට්‍යමය ජවනිකාවක් බඳු විය.  නීතිඥවරු 100කට වැඩි පිරිසක් හා නීතිඥ සංගමයේ විධායක කමිටුව ඇය වෙනුවෙන් පෙනී සිටීමට තීරණය කර තිබිණි. විත්තියේ නීතිඥ නලින් ලද්දුවහෙට්ටි පැවසුවේ ඇය වරදකරු වුවත් ඇයට විඳින්නට සිදු වන දඬුවම වන්නේ රු. 1000ක දඩයක් පමණක් බවයි. හැබැයි ඉතින්, වරද නම් ඉතින් වරද ම ය. නීතිය නො දැන සිටීම සමාවට කරුණක් නො වන බව අධිකරණය අප වැනි අසරණයන්ට නම් කියයි. ඇය අධිකරණයේ විත්ති කූඩුවට ද නැග්ගා ය. ඒකත් නරක නැත. එතැන සිටින මිනිසා ගැන අධිකරණ බංකුවේ සිටින විනිසුරුවරයාට අවබෝධයක් නැත.  කෙසේ වෙතත්, මේ සිද්ධියත් සමග ශිරානි බංඩාරනායක නැවතත් කරළියට පැමිණ ඇති බව ආණ්ඩුවට පෙනෙන්නට ඇත. ඇය පිළිබඳ මාධ්‍ය වාර්තාවලින් ඇය වීරවරියක ලෙස මතු කර දක්වන ලද බව ද පෙනේ.  ගැහැනියකගෙන් අපල බව කියන රාජපක්ෂ පවුල් පාලනය නම් මේ ගැන එතරම් සතුටු නො වන්නට ඇත. ලංකාවේ ජනතාව රාජප...

ජාත්‍යන්තර ප්‍රජාව හමුවේ හිටපු අග විනිසුරු ශිරාණි බණ්ඩාරනායක වරදකාරියක් කර පෙන්වීමට රජයේ උත්සාහයක් පවතින බව නීතිවේදීන්ගේ එකමුතුව කියයි. අගවිනිසුරුවරියට එරෙහි දෝෂාභියෝග ක්‍රියාදාමය සාධාරණීකරණය කිරීම එහි අරමුණ බවයි, නීතිවේදීන්ගේ එකමුතුව පවසන්නේ. මේ අනුව හිටපු අග විනිසුරු ශිරාණි බණ්ඩාරනායකට එරෙහිව අපරාධ පරීක්ෂණයක් ආරම්භ කිරීමේ උත්සාහයක් ඇතැයි නීතිවේදීහු පවසනවා. එම උත්සාහය ශ්‍රී ලංකාවේ නීතියේ ආධිපත්‍යයට කෙරෙන බලපෑම තවත් උත්සන්න කිරීමක් ලෙසින් විග්‍රහ කරන නීතිවේදීහු, එය වහාම අත්හිටුවන මෙන් ආණ්ඩුවට බල කරනවා. හිටපු අග විනිසුරු ශිරාණි බණ්ඩාරනායකට එරෙහි දෝෂාභියෝග ක්‍රියාදාමය නීති විරෝධී බව ශ්‍රේෂ්ඨාධිකරණය සහ අභියාචනාධිකරණය තීන්දු තළා. එම තීන්දුවලට එරෙහිව පෙත්සම් ඉදිරිපත් වී තිබෙනවා. මමත් හිතන්නේ දොෂාභියෝග ක්‍රියාවලිය වැරදියි. ඒත්, හිටපු අග විනිසුරුවරිය බැලූ බැල්මටම බලය අනිසි ලෙස භාවිතා කරමින් දූෂිත ගනුදෙනු කීපයක යෙදී තිබෙනවා. ඒවා පිළිබඳ අධිකරණ ක්‍රියාමාර්ග ගැනීමේ කිසිදු වරදක් මම නම් දකින්නේ නැහැ. මේ අය මේ දූෂණවල යෙදුනේ තමන් ආණ්ඩුවට කඩේ යන නිසා හා තමන්ට තිබුණු බලය නිසා තමන්ට විරුද්ධව...

ආණ්ඩුව දෝෂාභියෝගය සම්මත කරගත්තේය. සාමාන්‍යයෙන් ගත් කල ආණ්ඩුවේ නායකයන් කරන දූෂණ සමග සන්සන්දනය කළ කල අගවිනිසුරුවරිය සම්බන්ධ වී තිබෙන දූෂණ ඉතා සුළු ඒවා බව ඕනෑම කෙනෙක් දනිති.  නීතිය ඉදිරියේ කොයි දූෂණයත් දූෂණම වේ. රාජ්‍යය දැන් කරමින් ඉන්නේ තෝරාගත් දූෂණවලට එරෙහිව පමණක් නීතිය ක්‍රියාත්මක කිරීමයි. විශේෂයෙන්ම සතුරන්ට එරෙහිව නීතිය උපරිමයෙන් ක්‍රියාත්මක කරමින් මිතුරන් නීතියෙන් මුක්ත කර තැබීම ආණ්ඩු‍වේ පිළිවෙත වී තිබේ.  මෙයද රාජ්‍ය බලය දූෂණය කිරීමකි. සරත් ‍ෆොන්සේකාට හා ශිරානි බංඩාරනායකට එරෙහිව නීතිය ක්‍රියාත්මක කළ ආකාරය මේ සඳහා නිදසුන් වේ. මර්වින් සිල්වාට එරෙහිව නීතිය ක්‍රියාත්මක නොවීම මිතුරන් සම්බන්ධයෙන් කටයුතු කරන ආකාරය පිළිබඳ දසුනකි. ආණ්ඩුවේ මූලධර්මය මෙයයි. ඔබ දූෂිත විය යුතු මෙන්ම දූෂිත ඔබ ආණ්ඩුව සමග සිටිය යුතුය.  තමන් දූෂිත වෙමින් ආණ්ඩුවට එරෙහිව සටන් කරන්නට ගිය අය පහසුවෙන් ආණ්ඩුවේ උගුලේ පැටලුණහ.  ආණ්ඩුව අගවිනිසුරුවරියට එරෙහි සටන මෙහෙයවූ ආකාරය අධ්‍යයනය කළ යුතුය. ඇය වටා සිවිල් සමාජය ගොනුවන ආකාරය දුටු ආණ්ඩුව එසවූ සටන් පාඨ වන්නේ මේ පසුපස විදේශීය කුමන්ත්‍රණයක් තිබේය යන...

දෝෂාභියෝගය හමුවේ ඇමති විමල් වීරවංශගේ හැසිරීම ගැන බොහෝ අය කතා කරන්නේ උපහාස මුඛයෙනි. එහෙත්, ඇත්තෙන්ම මේ ඔහු කරන්නේ 2010දී සරත් ෆොන්සේකාගේ අභියෝගය හමුවේ ඔහු අනුගමනය කළ 'උපායමාර්ගය' වැනිම එකකි. ඒ කියන්නේ රාජපක්ෂලාගේ සතුරෙකුට නිර්දය ලෙස පහරදීමෙන් ඔවුන්ගේ සිත් දිනාගැනීමේ හා ඒ ඔස්සේ සිය බලය තහවුරු කරගැනීමේ උපායමාර්ගයකි.  මෙහිදී ඔහු සිය පැරණි පංති පදනම් හා දේශපාලන අත්දැකීම් අනුව යමින් නිර්භීත දේශපාලන සූදුවක යෙදෙයි. සරත් ෆොන්සේකා සමග කෙළපු සූදුවෙන් ඔහු දිනුවේය. මෙවැනි සූදු කෙළීමට මානසික රෝග මට්ටමේ එඩිතරකමක්ද තිබිය යුතුය. මේ උපායමාර්ගයම අනුගමනය කරන ඇමති ඩිලාන් පෙරේරාට නැත්තේ අන්න ඒ මට්ටමයි. විමල් වීරවංශ වනාහි අතීතය වැළලූ පුද්ගලයෙකි. ඔහුට රැකගන්නට කිසිදු පුරුෂාර්ථයක් නැත. ඇත්තේ දිනාගන්නට අනාගතයක් පමණි.  අනෙක් පැත්තෙන් ඔහු වනාහි එක්තරා අතීතයක දැඩි ක්‍රම විරෝධියෙකි.  සිය හදවතින්ම මේ ක්‍රමයට එරෙහිව සටන් කළ අයෙකි. ඔහුගේ වත්මන් භූමිකාව තුළද එම ලක්ෂණ නොඅඩුව තිබේ. ග්‍රාම්‍ය ජාතිවාදය, පවුල්වාදය, ඒකාධිපතිවාදය, ප්‍රජාතන්ත්‍ර විරෝධය, රාජ්‍ය ඒකාධිකාරී කෑදර ධනවාදය යන කරුණු මත පදනම් ව...

බැසිල්ලා එක්ක එක පතේ කමින් සිටි ප්‍රදීප් කාරියවසම්ගේ බිරිඳ වූ ශිරානි බංඩාරනායක අගවිනිසුරුවරිය බැසිල්ට රු. බිලියන 80ක මහජන මුදල් පාලනය සියතට ගන්නට සැලසුම් කරන ලද දිවි නැගුම පනතට දමන ලද උදැල්ල නිසා උරණවූ ආණ්ඩුව ඇය පැන්නීම සඳහා දෝෂාභියෝගයක් සැලසුම් කරන ලදී. ආණ්ඩුව බලාපොරොත්තු වුණේ දෝෂාභියෝග චෝදනා හමුවේ අගවිනිසුරුවරිය ඉල්ලා අස්වනු ඇතැයි කියාය. එය එසේ වූයේ නැත. ඇයට දැන් තිබෙන්නේ ඉල්ලා අස්වෙන්නය ආදී වශයෙන් කියමින් 'අනේ අස්වෙලා මේක ෂේ ප් කරලා දෙන්න' යන ඉල්ලීමද ඍජුවම කෙරිණි. එහෙත්, ඉල්ලා අස්වුණේ ඇය නොවේ. දැන් ව්‍යවස්ථාදායකයත්, විධායකයත් අතර නියම ව්‍යවස්ථා අර්බුදයක් ඇති වී තිබෙන අතර රට අරාජිකත්වය අසලය. ආණ්ඩුව දැන් ග්‍රහ තාරකාවල පිහිට පතමින් සිටියි. මේ අද දිනමිණේ මුල් පිටුවේ පුවතකි.  අගවිනිසුරුතුමියගේ ග්‍රහයෝ නීච වෙලා තාරකා විශේෂඥ අධිනීතිඥ මාපලගම විමලරත්නගෙන් අනාවැකියක් වින්සර් මුණුගොඩ දෝෂාභියෝග සිද්ධියේ අවසන් ප්‍රතිඵලය වශයෙන් අගවිනිසුරු ශිරාණි බණ්ඩාරනායක මහත්මිය දැඩි අසීරු තත්ත්වයකට පත්වන බවත් ඇයට නිසැකයෙන්ම එම ධුරය අහිමි වන බවත් ජ්‍යෙෂ්ඨ අධිනීතිඥයකු නිලනොලත් මහේස්ත...

කරුණු කීපයක් නිසා මහින්ද රාජපක්ෂ පාලනය අර්බුදයට ගොස් තිබේ. ඉන් පළමුවැන්න ආර්ථික කළමනාකරණයේ අසමතුලනයයි. ඔවුන් විසින් ලංකාවේ ප්‍රවර්ධනය කරමින් සිටින සංචාරක කර්මාන්තය (හා විදේශ රැකියා) මූලික කරගත් ආර්ථිකය සඳහා අවශ්‍ය යටිතල පහසුකම් සංවර්ධනය සඳහා ඔවුන් දරන පිරිවැය මේ වනවිට ලංකාවේ ජනතාව මත සුවිසල් බදුබරක් පටවා ඇත. මෑතදීම කරන ලද පෙට්‍රල් මිළ වැඩිකිරීම මේ බදුබරේ අලුත්ම පියවරයි. සියලු බර දරා සිටින මහජන බූරුවාගේ කොන්ද කැඩෙන පිදුරු ගස කොයි මොහොතේ හෝ පටවන්නට ඉඩ තිබේ. දෙවැන්න, ප්‍රජාතන්ත්‍රවාදය පිළිබඳ කාරණයයි. ස්වභාවිකවම ප්‍රජාතන්ත්‍රවාදයට නැඹුරුවක් නැති ග්‍රාම්‍ය මානසිකත්වයක් සහිත පාලක පවුල තමන් විසින්ම පත් කරගන්නා ලද දූෂිත අගවිනිසුරුවරියට එරෙහිව මතු කරගෙන ඇති දෝෂාභියෝග අර්බුදය සියතින්ම කරගන්නා ලද හානියකි. දුර්වල පෞරුෂයක් වන අගවිනිසුරුවරිය පාලනය කරගැනීම සඳහා ඇය විසින්ම ඇද දී තිබුණු රැහැන් පාවිච්චි නොකර, ඒකාධිපතිවාදී සංදර්ශනයක් පවත්වන්නට යාමෙන් මේ වනවිට පාලක‍ රෙජිම පස්ස බිම ඇනගෙන ඇත. බටහිරට ලෝක ආධිපත්‍යය අහිමි වෙමින් තිබෙන වත්මන් සංදර්භය තුළ බටහිරට ගැලවුම ඇත්තේද ප්‍රජාතන්ත්‍රවාදය ප්‍රවර්ධනය...

අගවිනිසුරු ශිරානි බංඩාරනායකට එරෙහි චෝදනා විමර්ශනය පිණිස පත් කරන ලද පාර්ලිමේන්තු තේරීම් කමිටුව ජනාධිපතිවරයා විසින් දෙකේ කොළේට දමා තිබේ. ශ්‍රී ලංකා වරලත් ගණකාධිකාරී ආයතනයේ නව බහු මහල් ගොඩනැඟිලි සංකීර්ණය විවෘත කිරීම නිමිත්තෙන් ඊයේ (11) පැවැති උත්සවය අමතමින් ජනාධිපතිවරයා කළ කරුණු දැක්වීමෙන් පෙනී යන්නේ ඔහු සිය මුල් සැලැස්ම වෙනස්කරන්නට සැරසෙන බවකි. දෝෂාභියෝග වාර්තාව සම්බන්ධයෙන් තවදුරටත් සොයා බැලීම සඳහා ස්වාධීන කමිටුවක් පත්කිරීමට පියවර ගන්නා බව දැන් ඔහු පවසයි. එවැනි කමිටුවක් ගැන පොතක පතක ලියවී නොමැති බවද, නීතියක් නොමැති නමුත් එය තමා සෑහීමට පත්වීම සඳහා කරන්නක් බවද මේ උතුම් මහතා කීයා සිටී. මේ පිළිබඳ එතුමා හරිහැටි නොදැන සිටි බවද, අර එතුමාගේ හොඳකම නිසා මෙය කරගෙන ගිය නසරානින්ට එය කරන්නට බුරුල දුන් බවද එතුමාග් ප්‍රකාශයෙන් පෙනේ. අල්ලස් කොමිසම වෙත ගොස් පැමිණිලි කොට දෝෂාභියෝගයක් රැගෙන එන බවට ප්‍රචාරය කළ බවත්, පසුව අදාළ දෝෂාභියෝගයට අත්සන් කොට පාර්ලිමේන්තුවට ඉදිරිපත්කළ බවත්, කමිටුවක් පත්කොට වාර්තාවක් නිකුත් කිරීම සිදුවූ බවත් දැන් එය පාර්ලිමේන්තුවේ පවතින බවත් සඳහන් කරන එතුමාණෝ "වෘත්තියෙන...

අගවිනිසුරුවරියගේ ක්‍රියාකලාපය බරපතල ප්‍රශ්න මතුකරයි. එහෙත් ඇයටද සාමාන්‍ය පුරවැසියකු ලෙස සාධාරණ නඩුවිභාගයක් සඳහා හිමිකමක් ඇත. පාර්ලිමේන්තු තේරීම් කාරක සභාව ඇයට එවැනි සාධාරණ නඩු විභාගයක් සඳහා අවස්ථාව දී නැත. වීදි බැස උද්ඝෝෂණ කරන්නන් සටන් කරන්නේ අසරණ සාමාන්‍ය පුරවැසියකුට සාධාරණ නඩු විභාගයක් දිනාදීම සඳහා නම් එයට කාගේත් සහයෝගය ලැබිය යුතුය. මේ වනවිට මෙම සිද්ධිය ලාංකීය පාලන ක්‍රමයේ ගැඹුරු න්‍යායික හා ප්‍රායෝගික අර්බුදයක් බවට පත් වී තිබේ. ව්‍යවස්ථාදායකය හා අධිකරණය අතර ඇති වී තිබෙන ගැටලුව ව්‍යවස්ථා සම්පාදනය පිළිබඳ අභියෝගයකි. මහජන උද්ඝෝෂණ අරමුණු කරගත යුත්තේ වඩා ප්‍රජාතන්ත්‍රවාදී රාජ්‍ය ප්‍රතිසංස්කරණයකි. එහෙත්, බොහෝ විරුද්ධ පාක්ෂිකයන්ට අවශ්‍යව තිබෙන්නේ මහින්ද රාජපක්ෂ පවුල් පාලනය පෙරළා දැමීම සඳහා කුමක් හෝ කරත්තයක නැගීමටයි. මහින්ද රාජපක්ෂ පවුල් පාලනය යනු ප්‍රජාතන්ත්‍රවාදය හරහා වැටුණු පොල්ලක් බවට තර්කයක් නැත. එහෙත්, එය ශක්තිමත්, මුල් බැසගත් බලවේගයකි. එය සෙලවීම ලෙහෙසි නැත. ඔවුන්ගේ කෙරුවාවල් සමග සන්සන්දනය කර බැලූ කල අගවිනිසුරුවරියගේ කෙරුවාවල් නතිංය. එහෙත්, එහිද සම්තිං තිබේ. ලොකු වැරදිකරුවන්ට...

අගවිනිසුරුතුමිය වැරදිකාරිය බව ඉන්ස්ටන්ට් පාර්ලිමේන්තු තේරීම් කාරක සභාව විසින් තීන්දු කර තිබේ.  එයනම් පට්ට ජෝක් නඩු විභාගයකි. ඒ වුණාට ඒ නඩුව පාර්ලිමේන්තු ස්ථාවර නියෝගවලට අනුකූලය. ඒවා ව්‍යවස්ථාවට අනුකූලය. එතකොට නියම ජෝක් එක මේ ව්‍යවස්ථාවය. ඕක ඉතින් අමුත ුවෙන් කියන්නට ඕනෑ නැත. ජනතා පරමාධිපත්‍ය ය ේ මුදුන් මල්කඩ කීවාම ඇතිය. ලංකාවේ පොඩිමිනිස්සුන්ට පටලවනු ලබන රථවාහන වැරදි, ඩෙංගු වැරදි වැනි සුළු වැරදි සම්බන්ධ නඩු අහන්නේත් ඔය විදියටම බව හා ඒවායේ පරම අරමුණ නීතිඥයන් හා ආණ්ඩුව මහජනයාගෙන් දඩමුදල් ගසාකෑම පමණක් බව අගවිනිසුරුතුමියනි ඔබ දන්නවාද?  කොහොමවුණත්, දොෂාභියෝගයට එ‍රෙහි අරගලය මහින්ද රාජපක්ෂ ආණ්ඩු වෙන් චාන්ස් නැති හා මදි අයට එජාප ආණ්ඩුවක් තල්ලුකරගැනීමටත්, ප්‍රජාතන්ත්‍රවාදය සඳහා වූ රාජ්‍ය නොවන සංවිධානවලට සල්ලි ටිකක් පොම්ප කරගැනීමටත්, මොනවා හෝ කිරීම අරමුණු කරගත් අපේ වාමාංශික සහෝදරයන්ට ටික කලක් පිකටිං, පෙළපාලිවල රස්තියාදුවෙමින් උගුර ලේ රහකරගනිමින් ස්වපීඩක ආස්වාදයක් ලබන්න ටත් අවස්ථාවක් ලබාදෙනු ඇත. ඕනෑනම්, ම ේ අලකලංචි අලුත් චින්තනයක් මුවහත් කරගන්නට හා සංවාද ප ෝෂණය කරගන්නටත් ය ොදාගන...

හැමදාමත් උසාවියෙන් රැග්වන ලුම්පං නිර්ධනයන්ගෙන් ලුම්පන් ප්‍රභූන්ට කණේ පාරක් වසර තිහක යුද්ධයෙන් දිනා ගත නොහැකි වූ දේ අලුත්කඩේ ගොස් දිනා ගන්නට ඇතැමුන් උත්සාහ ගන්නා බව ජනාධිපති මහින්ද රාජපක්ෂ කීවේය.  ම ේ යුද්ධ යෙන් දිනාගත න ොහැකිවූ දෙය ඊලමයි. ඒ අනුව , අගවි නිසුරුවරිය ඊලම ලබා දෙන්නට ගියාද? 13වන ආණ්ඩුක්‍රම ව්‍යවස්ථා සං ශ ෝධනයට අනුකූලව තීන්දුවක් දුන් පළියට ඇය ඊලම හදන්න ගියා කියා විමල් වීරවංශටවත් කිව හැකිද?  ඇත්තෙන්ම එහෙම එකක් තිබේද? එතරම් පිරිසුදු පසුබිමක් නැති, සුවිශේෂ ප්‍රගතිශීලී දේශපාලන ස්ථාවරයක්ද නැති, කිසිදු විශේෂ ජන ප්‍රසාදයක් හෝ සිවිල් සමාජ ගෞරවයක් වත් නැති අගවිනිසුරුවරිය එහෙම මාර ගේමක් ප්ලෑන් කළාදැයි සිතන්නටවත් බැරිය. එහෙම දක්ෂකමක් ඇයට ඇතිබවක් නොපෙනේ.  අනෙක ඇය පසුපස සිට එහෙම ගේමක් මෙහෙයවන්නට ඉන්නේ කවුරුද? ඇ ග ේ දූෂිත සැමියාද? සිංහල ජාතියේ නොමඳ සහයෝගයෙන් දියත් කරන ලද යුද්ධයෙන් පසු යුද අපරාධ පිළිබඳ චෝදනා හේතුවෙන් නිරතුරුවම ජාත්‍යන්තරයට බියෙන් සි‍ටින රාජපක්ෂ පවුල වතුර කොරහේත් කිඹුලන් දැකීම බලාපොරොත්තු විය හැකිමුත්, මෙතනනම් වතුර කොරහක්වත් නැත. අපට සිතෙන පරිදි ...

අගවිනිසුරුට එරෙහිව දෝෂාභියෝගයෙන් මතු කර තිබෙන චෝදනා විමර්ශනය කිරීම පිණිස පත් කරනු ලබන කමිටුව හමුවට අගවිනිසුරු කැඳවා ප්‍රශ්න කළ හැකිය. සාක්කි විමසිය හැකිය.  මේ නම් සිදුවන්නට යන්නේ මරුම මරු නාට්ටියකි. හුණුවටයේ කතාව වැනි  නාට්ටියකි.  ඇත්තටම පවතින සංදර්භය තුළ අපට මේවා බල බලා මුන්ට සහ අප අපටම පස ් ස පැත්තෙන් හිනාවෙමින් බදු ගෙව ගෙවා පව් ගෙවනවා ඇරෙන්නට වෙනත් විසඳුමක් නැත. පට්ට දූෂිත ජනතාවක් වෙසෙන රටක මේවා සාමාන්‍ය සිදුවීම්ය.  හුණුවටයේ අසඩක් කියන පරිදි මෙතෙක් කල් නඩුකාරයන් හොරු වූමුත්, හොරකු නඩුකාරයකු වූ පළමු වතාව අසඩක් නඩුකාරයා වීමයි.  ලංකාවේ තත්වය කොහොමද? කොහොමද ආතල්එක නිමල් සිරිපාල, අනුර ප්‍රියදර්ශන, සුසිල් ප්‍රේමජයන්ත, රාජිත සේනාරත්න, ඩිලාන් පෙරේරා, විමල් වීරවංශ, නියෝමාල් පෙරේරා වැනි නඩුකාර හාමුදුරුවරු ඔලුවට අර කොණ්ඩෙ වගේ කෑල්ල දාලා උස මේසෙක වාඩි වෙලා අගවිනිසුරු ශිරානි බංඩාරනායකව විත්තිකූඩුවට දාලා ප්‍රශ්න කරනකොට.  එක අතකට උඩ ඉඳන්ම පහළ බලලා විතරක් පුරුදු අයට පහළ ඉඳලා උඩ බලන්න අවස්ථාවක් ලබාදෙනඑකත් නරක නැහැ.  දැන් ජනාධිපතිතුමා වැඩබලන අගවිනිසුරු...

අග විනිසුරුට එරෙහි ‍දොෂාභියෝගයේ චෝදනාපත්‍රය ප්‍රසිද්ධ වී තිබේ.  අග විනිසුරුට ඇති චෝදනා 14 අනුව බැලූ කල පෙනෙන්නේ ඇයද ඇයට චෝදනා ගෙනෙන කට්ටියගේ වල්ලේම නොමේරූ කුරුම්බැට්ටියක් බවයි.  එහෙත් ඇයට චෝදනා‍ ගෙනෙන්නන්ට මෙවැනි චෝදනා කීයක් ඉදිරිපත් කළ හැකිද? සරත් ෆොන්සේකා සම්බන්ධයෙන් තිබුණු තත්වයද මෙයමය. අසූචි කප්පරක් කෑවුන් ඔහුට එල්ල කළ චෝදනාද නිකම් අධෝවාත වැනි ඒවාය. පරීක්ෂණ සඳහා ප්‍රවේශය තිබේනම් ඇමති බැසිල් රාජපක්ෂට මෙවැනි චෝදනා අනන්ත සංඛ්‍යාවක් ඉදිරිපත් කළ හැකි වනු නියතය. 2004දී මහින්ද රාජපක්ෂ සුනාමි මුදල් වංචා කරන්නට තැත් කළ බවට එල්ල වූ චෝදනාවෙන් බේරුණේ තනිකරම හිටපු අගවිනිසුරු සරත් නන්ද සිල්වාගේ නීතිවිරෝධී ක්‍රියාකලාපය නිසාය. එහෙම තිබියදී අගවිනිසුරුට එරෙහිව මෙවැනි චෝදනාපත්‍රයක් ගෙන ඒමෙන් ඔවුන් ප්‍රසිද්ධියේ දෙන පණිවුඩය කුමක්ද?  මෙම පණිවුඩය තේරුම් ගතහැකි හොඳම ආකාරය අධිකරණයෙන් වරෙන්තු නිකුත් කර තිබෙන සැකකාර සොරකු වන සුදර්මන් රදලියගොඩට ආණ්ඩුව දී ඇති රැකවරණ ය ඔස්සේය. මේ වරෙන්තුකරුවා ප්‍රසිද්ධියේ ජනාධිපති සමග ඡායාරූපවලටද පෙනී සිටියි.  පණිවුඩය මෙයි. ඔබ අපේ අධෝමාර්ගය දිවෙ...