W3Lanka: Praja.lk Backup

තේවියන්, ගෝපි, අප්පන් විදෙස්ගත දෙමළ ඊලාම් විමුක්ති සංවිධානය විසින් විසින් ලංකාවේ පොළවේ කොටි සංවිධානය නැවත ‍ගොඩනැගීමට දරන ලද ප්‍රයත්නයක් ආණ්ඩුවේ ආරක්ෂක අංශ විසින් ඉතා කෘෘර ලෙස ලෙයින් හා යකඩින් මර්දනය කර දැමුවේ ය.  වාර්තා වී ඇති ආකාරයට ලංකාවේ කොටි සංවිධානය නඟා සිටුවීම සඳහා මූලික වී කටයුතු කළ කොටි සංවිධානයේ හිටපු මරාගෙන මැරෙන ගුවන් නියමුවකු වූ තේවියන්ගේ නායකත්වයෙන් යුත් යාන්ත්‍රණය ම මේ වන විට විනාශ කර දමා තිබේ‍. තේවියන් හා ඔහුගේ සගයින් දෙදෙනා වන ගෝපි හා අප්පන් මරා දමන ලදී. ඔවුන්ට ඩයස්පෝරාවෙන් මුදල් ගෙන්වා දුන් වවුනියාවේ ව්‍යාපාරිකයකු ද, නවාතැන් හා වෙනත් සහයෝගයන් දුන් අය ද අත්අඩංගුවේ ය. ඔවුන් විසින් පවත්වාගෙන යන ලද ආරක්ෂිත නිවාස  ආදී සියල්ල මේ වන විට අක්‍රිය කර දමා තිබේ.  මෙම මෙහෙයුම වෙනුවෙන් ආරක්ෂක අංශ උපරිම බලය පාවිච්චි කළ හ. නිදසුනක් ලෙස වන්නි වනයේ සැඟවී සිටි තේවියන්,‍ ගෝපි හා අප්පන් යන තිදෙනා විනාශ කිරීමට හමුදා සෙබලුන් 3000ක් යොදා ගන්නා ලදී.  කොටි සංවිධානය යළි ගොඩනැගීම සඳහා දරන ලද මෙම ප්‍රයත්නය මුලිනුපුටා දැමීම පිළිබඳ කිසිදු පාර්ශ්වයකින් විරෝධයක් ද මතු වූය...

(2011 ජුනි 02,   W3Lanka ) අරන්තලා භික්ෂු ඝාතනය සිදු වූයේ අදින් 24 වසරකට පෙර 1987 ජුනි 02දා ය. බෞද්ධ ජනතාවගේ ශෝකයට, විරෝධයට හා පිළිකුලට තුඩු දුන්, කොටි සංවිධානය විසින් මෙහෙයවන ලද මෙම සමූහ ඝාකනයේදී හෑගොඩ ශ්‍රී ඉන්ද්‍රසාර නායක හිමියන් ඇතුළු භික්‍ෂූන් වහන්සේලා තිස්‌ එක්‌ (31) නමක්‌ අපවත් වූහ. මෙම ඝාතනයට වගකිව යුත්තන්ට තවමත් දඬුවම් ලැබී නැත.  මේ ලිපියට ඔබ කැමති නම් වෙන අයත් එක්කත් බෙදා ගන්න

‍ ( 2010 දෙසැම්බර් 15,  W3Lanka )  එල්.ටී.ටී.ඊ. සංවිධානයේ නැගෙනහිර පළාතේ අණදෙන්නා සහ නියෝජ්‍ය නායකයා වූ කරුණා අම්මාන් ප්‍රසිද්ධව සිටියේ කොටි සංවිධානයේ දැඩි ම මතධාරියකු ලෙසයි. පසුගිය සටන් විරාම සමයේ පවා ඔහු හැසිරුණේ අනම්‍ය ස්වරූපයකිනි. බොහෝ දැඩි මතධාරීන්ගේ දැඩි මත ඔවුන්ගේ මෘදු අභ්‍යන්තරය වසාගෙන සිටින පිට කටු පමණක් බවට සාක්ෂි ඕනෑ තරම් ඇති අතර කරුණා අම්මාන් ද ඒ සඳහා ප්‍රබල සාක්ෂියකි. උගත් පාඩම් හා සංහිඳියා කොමිෂම ඉදිරියේ සාක්ෂි දුන් කරුණා අම්මාන් 1990දී දෙවන දෙමළ ඊලාම් යුද්ධය ආරම්භ වන අවස්ථාවේ කොටි සංවිධානය විසින් අත්අඩංගුවට ගන්නා ලද පොලිස් නිලධාරීන් 600ක් ඝාතනය කරන ලද බව පිළි ගත්තේ ය. වැඩේ කියන්නේ ඒ වන විට නැගෙනහිර කොටි නායකයා ව සිටි කරුණා අම්මාන් එහි සිට නැත. ඔහු සිටියේ යාපනයේ බව ඔහු කියයි. ඔහු සිටියා නම් සමහර විට මෙම යුද අපරාධය සිදු නො වන්නට තිබුණා ය කියා ප්‍රකාශ කිරීමේ උවමනාවක් කරුණා අම්මාන්ට තිබෙන්නට පුළුවන. වැරදි කර අසු වූ විට කවුරුත් කියන්නේ ඔහොම තමයි ය. කරුණා අම්මාන් ගොදුරු වී ඇත්තේ අනුකම්පාව දනවන ඉරණමකටයි. කොටි සංවිධානය විසින් ඔහු පිළිබඳ ගන්නා ලද තීරණයට...

කාතන්කුඩි පල්ලියේ සංහාරයෙන් මෙහොතකට පසු ( 2010 නොවැම්බර් 15,  W3Lanka )   කොටි සංවිධානය මුස්ලිම් වැසියන් උතුරෙන් පන්නා දමා වසර 20ක් නිහඬව ම ගෙවිණි. වැඩිය සද්ද නැති වුණේ මහින්ද රාජ සමයේ සාම ව්‍යාපෘති කරන රාජ්‍ය නො වන සංවිධානවල ලාච්චු හිස් වීමේ ප්‍රතිඵලයක් ලෙසයි. නැතිනම් විස්ස කියන්නේ විස්ස පරවගෙන ඉන්න සංඛ්‍යාවක් නො ව ලක්ෂ විස්සකවත් සෙලිබ්‍රේෂන් එකක් කරන්නට වටින අංකයකි.  කොටින් විසින් කරන ලද වාර්ගික ශුද්ධ කිරීමේ ක්‍රියාවලියේ කොටසක් ලෙස සැලකිය හැකි මෙම නීච ක්‍රියාව පිළිබඳ ඇති තරම් ලියැවී ඇති බැවින් තවත් ලියන්නට උවමනා නැත. ප්‍රසන්න විතාගගේගේ ඉර මැදියම චිත්‍රපටයේ මේ පිළීබඳ කලාත්මක නිරූපණයක් ඇත.  කරුණා අම්මාන්ගේ නායකත්වයෙන් යුත් එල්.ටී.ටී.ඊ. නැගෙනහිර බලකාය මඩකලපුවේ කාත්තන්කුඩි පල්ලියේ යාඥා කරමින් සිටි මුසල්මානයන් 147ක් සංහාරය කළේ යාපනයෙන් මුස්ලිමුන් පළවා හැරීමට මාස කීපයකට පෙරයි. කොටි සංවිධානයට හිතවත් පිරිස් මෙම සිද්ධි පිළිබඳ පසු කලෙක කළ පැහැදිලි කිරීම මෙසේ ය: 'මේ පිළිබඳව විමුක්ති කොටි කණගාටු වෙනවා. ඒ බව මුස්ලිම් වැසියන්ට දැනුම් දීමට පියවර ගෙන තිබෙනවා. නැවත එවැන...

(2010 ජුලි 05, අජිත් පැරකුම් ජයසිංහ,  W3Lanka )  @ editor ධනවාදී ක්‍රමය ගෝලීය මට්ටමින් ම අභියෝගයට ලක් කළ දෙමළ ත්‍රස්තවාදය අවසන් කිරීම වෙනුවෙන් ලංකාවේ රජයට හිමි ගෞරවය ලබා දීමට බටහිර ඇත්තට ම නො කැමැති ද? What do you mean by this? to my knowledge, LTTE readily accepted market economy. seems like you also started seeing the dream some leftist saw. Apoorwa අප විසින් පළ කරන ලද  සුදු කොඩි කතාව නැවත කරළියට; ලංකාව වගවීමේ අවුලක   නම් ලිපියට ලැබුණු ඉහත ප්‍රතිචාරය පිළිබඳ තරමක් දීර්ඝ පැහැදිලි කිරීමක් කරන්නට අදහස් කරමි. 2002දී සටන් විරාම ගිවිසුම අත්සන් කිරීමෙන් පසු එල්.ටී.ටීඊ. සංවිධානය විසින් කිලිනොච්චියේ පවත්වන ලද ප්‍රභාකරන් සහභාගි වූ පුවත්පත් සාකච්ඡාවකදී කොටි සංවිධානයේ ආර්ථික ප්‍රතිපත්තිය කුමක්ද යන්න පිළිබඳව අසන ලද පැනයකට කොටි න්‍යායාචාර්ය නැසී ගිය ඇන්ටන් බාලසිංහම් විසින් දෙන ලද කෙටි  පිළිතුර වූයේ විවෘත ආර්ථිකය යන්නයි. කොටි සංවිධානයේ අරගලය සාධාරණීකරණය කරමින් සිටි වාම සංවිධාන මෙම ප්‍රකාශයෙන් අවුලට පත් වූ අතර, එය හුදු ක්ෂණික ප්‍රතිචාරයක් පමණක් ය යනුවෙන් පවසා ඇඟ බේර...

(2010 පෙබරවාරි 03- W3Lanka )   වන්නියේ මහ සටන්වලින් බුරුතු පිටින් කොටි සටන්කරුවන් මියගිය බිම්වල දැන් රැකවලෙහි යෙදී සිටින සොල්දාදුවන්ට (ඉස්සර රණවිරුවන්ට) පොළව යටින් කෝචොක් හිනාවල් ඇසෙන බවට කතාවක් ඇත. දිවයිනේ පළ වූ පහත ප්‍රවෘත්තිය කියවන්න. මෙහෙයුම් ක්‍රියාදාමයෙන් ඉහළ යුද හමුදා නිලධාරීන් 52ක්‌ ඉවතට කීර්ති වර්ණකුලසූරිය ශ්‍රී ලංකා යුද හමුදාවේ මෙහෙයුම් ක්‍රියාදාමයට අයත් ජ්‍යෙෂ්ඨ හමුදා නිලධාරීන් 52 ක්‌ ඔවුන් දැරූ ප්‍රධානතම ධුරවලින් ඉවත් කර වෙනත් ධුරවලට පත්කර ඇත. මින් 23 ක්‌ මේජර් ජනරාල්වරුය. 27 ක්‌ බ්‍රිගේඩියර්වරුන්ය. දෙදෙනෙක්‌ කර්නල්වරු වෙති. මෙම නිලධාරීන් සම්බන්ධයෙන් බුද්ධි අංශ විසින් රජයේ ඉහළ පෙළේ ආරක්‍ෂක නිලධාරීන්ට වාර්තා කර ඇත. ඇතැම් නිලධාරීන්ගේ ක්‍රියා කලාප සම්බන්ධයෙන් දැනටමත් තොරතුරු රැසක්‌ ලැබී තිබෙන බව ආරංචි මාර්ග පවසයි.

(2010 ජනවාරි 30 - W3Lanka )  ඊලාම් රාජ්‍යයක් පිහිටුවීම සඳහා දෙමළ දේශපාලන නායකත්වය එකඟතාවකට එළඹුණු පළමු අවස්ථාව වන 1976 වඩුක්කොඩෛහි පැවැත්වුණු දෙමළ එක්සත් විමුක්ති පෙරමුණු සම්මේලනයේදී නිකුත් කරන ලද වඩුක්කොඩෛ ප්‍රකාශය යළි බලාත්මක කිරීම පිණිස විදෙස්ගත දෙමළ ජාතිකවාදීන් විසින් පවත්වනු ලබන ජනමත විචාරණ මාලාවේ මීළඟ අදියර මේ සති අන්තයේ පැවැත්වේ. එහිදී බ්‍රිතාන්‍යයේ ජීවත් වන ලාංකික දෙමළ ජනයා සිය ඡන්දය දීමට නියමිත ය. මීට පෙර ද මෙවැනි ජනමත විචාරණ මාලාවක් නෝර්වේ, කැනඩාව, ප්‍රංශය, ජර්මනිය, ස්විට්සර්ලන්තය හා ඕලන්දය යන රටවල පැවැත්විණි. ජර්මනිය, ස්විට්සර්ලන්තය හා ඕලන්දය යන රටවල ජනමතවිචාරණ ගිය සතියේ පැවැත්විණි. මේවායෙහිදී අති බහුතර ඡන්දයෙන් ඊලාම් රාජ්‍යයක අවශ්‍යතාව තහවුරු කරගෙන ඇත. කොටි සංවිධානයේ යුදමය අරගලයේ පරාජයෙන් පසු දෙමළ ජාතිකවාදීන්ගේ උපායමාර්ගය වී තිබෙන්නේ යළි තහවුරු කර ගන්නා ලද ජනවරමක් ඔස්සේ දෙමළ ඊලාම් විමුක්ති අරගලය නව මුහුණුවරකින් දියත් කිරීමයි.

(2010 ජනවාරි 25 -W3Lanka) ලංකාවේ ජනාධිපතිවරණයේදී සිංහල ජාතිවාදය නිරුවතින් කරළියට නැඟීම විදෙස්ගත දෙමළ ජාතිකවාදීන්ගේ හා ඔවුන් අතර තවමත් ක්‍රියාත්මක ‍එල්.ටී.ටී.ඊ. සංවිධානයේ අමන්දානන්දයට හේතු වී තිබෙන බව දෙමළ විදෙස්ගත ප්‍රජාව වෙතින් ලැබෙන තොරතුරුවලින් හෙළි වේ.  මෙහිදී දෙමළ ජාතිකවාදීන් සිය උපායමාර්ගය සාර්ථක ලෙස ඉදිරියට ගෙන යාමට උපකාරී වන පුද්ගලයා ලෙස දකින්නේ ජනාධිපති මහින්ද රාජපක්ෂ බව ද වාර්තා වේ. ඔහු විසින් මේ දිනවල සම්බන්ධන්-ෆොන්සේකා ගිවිසුමක් පිළිබඳ කියමින් සිංහල සමාජය තුළ දෙමළ ජාතිය කෙරෙහි වෛරයක් ඇති කරමින්, දෙමළ-සිංහල දෙසමාජයන් අතර සංහිඳියාවක් ඇති වීම වැළැක්වීම සිය ඊලාම්වාදී උපායමාර්ගය ඉදිරියට ගෙන යාමට රුකුලක් බව ‍දෙමළ ජාතිකවාදීහු පවසති.  විශේෂයෙන් ම එක්සත් ජාතික පක්ෂය සම්බන්ධ ආණ්ඩුවක් විසින් ජාත්‍යන්තර සහයෝගය ඇතිව එක්සත් ශ්‍රී ලංකාවක් තුළ බලය බෙදා ගැනීමේ දේශපාලන විසඳුමකට තමන් තල්ලු කිරීමට ඇති ඉඩ දෙමළ ඊලාම්වාදය ඉදිරියේ ඇති ප්‍රබල ම අභියෝගය ලෙස ඔවුහු දකිති. 2005 ජනාධිපතිවරණයේදී මැතිවරණ වර්ජනයක් හරහා රනිල් වික්‍රමසිංහ පරාජය කිරීමට කොටි සංවිධානය පියවර ගත්තේ ද මේ හා සමාන ස්ථ...

(2010 ජනවාරි 24 -W3Lanka) ඊලාම් රාජ්‍යයක් පිහිටුවීම සඳහා දෙමළ දේශපාලන නායකත්වය එකඟතාවකට එළඹුණු පළමු අවස්ථාව වන 1976 වඩුක්කොඩෛහි පැවැත්වුණු දෙමළ එක්සත් විමුක්ති පෙරමුණු සම්මේලනයේදී නිකුත් කරන ලද වඩුක්කොඩෛ ප්‍රකාශය යළි බලාත්මක කිරීම පිණිස විදෙස්ගත දෙමළ ජාතිකවාදීන් විසින් පවත්වනු ලබන ජනමත විචාරණ මාලාවේ මීළඟ අදියර මේ සති අන්තයේ පැවැත්වේ. එහිදී ජර්මනිය, ස්විට්සර්ලන්තය හා ඕලන්දය යන රටවල ජීවත්වන ලාංකික දෙමළ ජනයා සිය ඡන්දය දීමට නියමිත ය.  මීට පෙර ද මෙවැනි ජනමත විචාරණ මාලාවක් නෝර්වේ, කැනඩාව හා ප්‍රංශය යන රටවල පැවැත්විණි. යුදමය අරගලයේ පරාජයෙන් පසු දෙමළ ජාතිකවාදීන්ගේ උපායමාර්ගය වී තිබෙන්නේ යළි තහවුරු කර ගන්නා ලද ජනවරමක් ඔස්සේ දෙමළ ඊලාම් විමුක්ති අරගලය නව මුහුණුවරකින් දියති කිරීමයි.

(2010 ජනවාරි 23 -W3Lanka) ත්‍රස්තවාදීන්ට ද්‍රව්‍යමය ආධාර සැපයුවේ ය යන චෝදනාව ලද කොටි සංවිධානයේ ආධාරකරුවන් දෙදෙනෙකුට එක්සත් ජනපදයේ නිව්යෝක් අධිකරණ විසින් සිර දඬුවම් නියම කරන ලදී.  මෙම පුද්ගලයන් දෙදෙනා පසුගිය වසරේදී චෝදනාවලට වරදකරුවන් බව පිළි ගත්හ. සාතුජාන් සරත්චන්ද්‍රන්ට වසර 26ක සිර දඬුවමක් ද නඩරාසා යෝගරාජන් හට 14 වසරක සිර දඬුවමක් ද හිමි වී තිබේ.

(2010 ජනවාරි 08 -W3Lanka) 'ත්‍රස්‌තවාදී සැකකරුවන් නිදහස්‌ කිරීමද බරපතල ප්‍රශ්නයක්‌. මෙය පරාජය කළ ත්‍රස්‌තවාදය යළි ගොඩනැගීමේ ව්‍යාපෘතියක්‌ද?' යි ජාතික හෙළ උරුමයේ සැබෑ නායක පරිසර හා ස්වභාවික සම්පත් ඇමති චම්පික රණවක ඊයේ කොළඹ මහවැලි කේන්ද්‍රයේ පැවති පුවත්පත් සාකච්ඡාවකදී විපක්ෂයේ ජනාධිපති අපේක්ෂක සරත් ෆොන්සේකාගෙන් ඇසීය. එහෙත්, රජය විසින් පුනරුත්ථාපනය කළ එල්.ටී.ටී.ඊ. සාමාජිකයන් 713 දෙනෙකු ජනාධිපති මහින්ද රාජපක්‍ෂ මහතාගේ නියමයකට අනුව නිදහස්‌ කර යෑවීම හෙට (09 වැනිදා) සිදු කෙරෙනු ඇතැයි ජ්‍යෙෂ්ඨ හමුදා ප්‍රකාශකයෙක්‌ පැවසූ බව අද "දිවයින" වාර්තා කරයි. මේ දිවයින වාර්තාවෙන් උපුටා ගත් කොටසකි. එල්.ටී.ටී.ඊ. සංවිධානයේ සන්නද්ධ, බුද්ධි, මරාගෙන මැරෙන කළු කොටි සාමාජිකයන් ලෙස කටයුතු කළ 11000 කට අධික පිරිසක්‌ මේ වන විට රජය මගින් පුනරුත්ථාපනය කරමින් සිටී. මෙම පිරිසට ආරක්‍ෂක අංශ විසින් පසුගිය මාස කීපය තුළදී අත්අඩංගුවට ගත් සහ ආරක්‍ෂක අංශ වෙත භාරවූ පිරිස්‌ අයත් වෙති. ඔවුන්ට පාසල් අධ්‍යාපනය සහ විවිධ වෘත්තීය පුහුණුව ලබාදීමට කටයුතු යොදා ඇත. මෙසේ පුනරුත්ථාපනයට ලක්‌වූ එල්.ටී.ටී.ඊ. සාමාජිකයන්...

(2010 ජනවාරි 08 -W3Lanka) කොටි සංවිධානය හා දෙමළ ජාතික සන්ධානය යනු දෙකක් නොව එකක් බව දැන් වැඩි සද්ද බද්ද නැති එක්සත් ජාතික පක්ෂයෙන් ආණ්ඩුවට කරණමක් ගසා ඇමතිකමක් ලබා ගත් කෙහෙළිය රඹුක්වැල්ල විසින් හදුසියේ ම සොයාගෙන තිබේ. ඔහු ආකිමිඩීස් මෙන් 'යුරේකා! යුරේකා!'යි කියමින් නිරුවතින් පාරේ දිවූ බවට ඇති ප්‍රචාර බොරු බව අපි වගකීමෙන් යුතුව ප්‍රකාශ කරමු. ලංකාවේ ඇමතිවරුන් රෙදි ඇඳගෙන සිටියත් නැතුව සිටියත් වැඩි වෙනසක් නැති බැවින් එහෙම දෙයක් වුණත් එහි ප්‍රවෘත්තිමය වටිනාකමක් නැති බැවින් අපි එය වාර්තා නො කරන්නමු. එල්.ටී.ටී.ය හා ටී.එන්.ඒ යනු දෙකක් නොව එකම කණ්ඩායමක් බවත් ප්‍රභාකරන්ගේ ඊළාම් අරමුණ වෙනුවෙන් විවිධ ස්වරූපයන්ගෙන් ක්‍රියා කළ මේ කණ්ඩායමට පසුගිය මැයි 18දා අහිමි වුණු ජීවය අද වන විට යළි ලැබී ඇති බවත් රඹුක්වැල්ල කීය. පසුගිය දිනවල මේ 'දෙකක් නොව එකක්' සමග ජනාධිපති මහින්ද රාජපක්ෂ ද සාකච්ඡා කළේය. ඒ ඔවුන්ගේ සහාය රාජපක්ෂට ලබා ගැනීමටයි. රඹුක්වැල්ල මේ සොයාගැනීම කර තිබෙන්නේ දෙමළ ජාතික සන්ධානය සරත් ෆොන්සේකාට සහාය පළ කිරීමෙන් අනතුරුව ය.

(2009 දෙසැම්බර් 18 - W3Lanka ) කොටි නායක ප්‍රභාකරන්ගේ දියණියගේ යයි කියන ඡායාරූප කීපයක් අන්තර්ජාලයේ පළ වී තිබේ.  මෙම ඡායාරූපය ප්‍රභාකරන්ගේ දියණිය ද්වාරකාගේ යයි තහවුරු වී නැතත් ඒ පිළිබඳව ආරක්ෂක හමුදා සමග ළඟ සම්බන්ධකම් ඇති දිවයින පුවත්පතේ ආරක්ෂක වාර්තාකරු කීර්ති වරණකුලසූරිය පවසන්නේ මෙසේ ය.  ශ්‍රී ලංකා හමුදාව විසින් ප්‍රභාකරන්ගේ දියණිය ද්වාරකාව අමානුෂික ලෙස ඝාතනය කර ඇති බවට ඇඟවීමේ අරමුණින් ඇයගේ ඡායාරූපයක්‌ කොටි වෙබ් අඩවි මගින් ඊයේ (17 දා) ලොව පුරා විකාශය කිරීම සම්බන්ධයෙන් රජය විමර්ශනයන් අරඹා ඇත. සයවැනි ජනාධිපතිවරණය සඳහා නාමයෝජනා බාරදීම සිදුවීමට පැය පහකට පෙර කොටි ජාත්‍යන්තර ජාලය විසින් මෙකී ඡායාරූප විකාශය කර ඇතැයි මේ වන විට හෙළිවී තිබේ. මෙය ඉතාම සැලසුම් සහගතව කළ කුමන්ත්‍රණකාරී ක්‍රියාවක්‌ යෑයි ජ්‍යෙෂ්ඨ ආරක්‍ෂක නිලධාරියෙක්‌ පැවසීය. මීට පෙර ප්‍රභාකරන්ගේ පුතුන් දෙදෙනාගේ යයි සැක කෙරෙන ඡායාරූප කීපයක් ද අන්තර්ජාලයේ තිබී අපට හම...

(2009 නොවැම්බර් 26 - W3Lanka ) නැසී ගිය කොටි නායක වේලුපිල්ලෛ ප්‍රභාකරන්ගේ 55වන උපන් දිනය අදයි.  ඔහු රජයේ සේවයේ සිටියා නම් අද විශ්‍රාම යා යුතු ය. එහෙත් දේශපාලකයන්ට එවැනි විශ්‍රාම යන දිනයක් නැත. ඔහු දේශපාලකයකුටත් වඩා කැරළි නායකයෙකි. දේශපාලන අරමුණු සඳහා ත්‍රස්තවාදය පාවිච්චි කළ නායකයන් අතරින් එක් අයෙකි. පසුගිය වසරේ ඔහු සිය උපන් දින සැමරුම සඳහා වූ උත්සව අවලංගු කළේ ය. හේතුව ප්‍රකාශයට පත් නො කරන ලද මුත්, ඒ වන විට කිලිනොච්චි නගරය රජයේ හමුදා අතට පත් වන්නට ආසන්න වී තිබිණි. එදා ආරක්ෂක ලේකම් ගෝඨාභය රාජපක්ෂ පැවසුවේ ඒ ප්‍රභාකරන්ගේ අවසන් උපන් දිනය බවයි.  නොවැම්බරයේ උපන් මහින්ද රාජපක්ෂ නොවැම්බරයේ උපන් ප්‍රභාකරන්ගේ ජීවිතය අවසන් කළේ ය.  හෙට දෙමළ ඊලාම් විමුක්ති කොටි සංවිධානයේ මහ විරු දිනයයි. මේ වනාහි ප්‍රභාකරන් නැති ලෝකයක සැමරෙන හෝ නො සැමරෙන පළමු මහවිරු දිනයයි.

(2009 නොවැම්බර් 24 - W3Lanka ) ශ්‍රී ලංකාවේ සන්නද්ධ අරගල සඳහා උපකාර කිරීමට ප්‍රංශයේ විදෙස්ගත දෙමළ ප්‍රජාවෙන් ඩොලර් මිලියන් ගණනින් මුදල් එකතු කළේ යයි චෝදනා ලද කොටි සාමාජිකයන් යයි කියන 20කට ප්‍රංශ අධිකරණයක් විසින් නොවැම්බර් 23දා සිර දඬුවම් නියම කරන ලදී.  සිර දඬුවම් ලද පුද්ගලයන් අතර ප්‍රංශයේ කොටි නායකයා බව කියන නඩරාජා මතින්තිරන් ද වේ. ඩොලර් මිලියන් 7.4ක් එකතු කළේ ය යන චෝදනාව මත ඔහුට සත් වසරක සිර දඬුවමක් නියම කර තිබේ. සෙසු අයට සය මස සිට සය වසර දක්වා විවිධ දඬුවම් නියම කර ඇත. එක් සැකකරුවකු චෝදනාවලින් නිදහස ලැබී ය.

(2009 නොවැම්බර් 23 - W3Lanka ) නොවැම්බර් 27 දිනට යෙදෙන එල්.ටී.ටී.ඊ. සංවිධානයේ මහ විරු දිනයේදී අත්අඩංගුවේ සිටින එම සංවිධානයේ නායක කේ.පී. සහ දැනට නිදහස් කර සිටින දයා මාස්ටර්, ජෝර්ජ් ඇතුළු පිරිසක් ඊලාම් අරගලය අත්හැර රජය සමග සම්මුතියකට එළඹෙන බවට ආරංචි පැතිරෙමින් තිබේ.  මේ පිළිබඳව ඉව වැටී සිටින එල්.ටී.ටී.ඊ. හිතවාදී ටැමිල්නෙට් වෙබ් අඩවිය අත්අඩංගුවේ සිටින කොටි සාමාජිකයන්ගේ ප්‍රකාශ විශ්වාස නො කරන ලෙස විදෙස්ගත ප්‍රජාවේ දෙමළ ජාතිකයන්ට අනතුරු අඟවා තිබේ.  ප්‍රමාණවත් සාක්ෂි නැතිව කොටි නායක ප්‍රභාකරන් මිය ගිය බව කේ.පී. පිළි ගත්තේ ද මෙම 'කුමන්ත්‍රණයේ' කොටසක් ලෙස බව ටැමිල්නෙට් ඉඟි කරයි. මේ අතර, පසුගියදා ස්විට්සර්ලන්තයේ සුරිච්හි පැවති දෙමළ කතා කරන දේශපාලනයන්ගේ සමුළුව පිටුපස ද ඊලාම් ජාතිකවාදය වෙනුවට පුළුල් බලය බෙදීමක් භාර ගැනීමකට දෙමළ කතා කරන දේශපාලන නායකයන් එකඟ කර ගැනීමේ බටහිර ප්‍රයත්නයක් ඇති බව ද වාර්තා වේ. ඉදිරි කාලයේදී දේශපාලන විසඳුමකට යාම සඳහා ලංකාවේ පාලකයන්ට දැඩි බලපෑමක් කිරීම සඳහා බටහිර රටවල් මූලික කටයුතු කරමින් සිටින බව නිරීක්ෂණය වෙමින් තිබේ.

(2009 නොවැම්බර් 15 - W3Lanka ) සිය ජාත්‍යන්තර මෙහෙයුම්වලදී කොටි සංවිධානය එරිත්‍රියාවේ රාජ්‍ය තාන්ත්‍රික සහයෝගය ලබා ගෙන ඇති බව හෙළිදරව් වීමත් සමග ලංකා‍ව එරට එල්.ටී.ටී.ඊ. කටයුතු මැඬලීමේ අරමුණින් ජ්‍යේෂ්ඨ හමුදා බුද්ධි නිලධාරියකු එරට තානාපති ලෙස පත් කර තිබේ. එරිත්‍රියාවේ නව ලාංකික තානාපති ලෙස පත්ව යන මේ මේජර් ජනරාල් අමල් කරුනාසේකර මීට පෙර හමුදා බුද්ධි අංශයේ අධ්‍යක්ෂ ලෙස කටයුතු කළේ ය.  කොටි සංවිධානය එරිත්‍රියාව ගරහා ගුවන් යානා ඇතුළු යුද උපකරණ මිළ දී ගත් බව හා ‍එම සංවිධානයට අයත් දේපල එරට ඇති බව මෑතදී අත්අඩංගුවට පත් එම සංවිධානයේ නව නායකයා වූ කුමරන් පත්මනාදන් හෙවත් කේ.පී. විසින් ආරක්ෂක අංශවලට හෙළිදරව් කර ඇති බව මාධ්‍ය විසින් වාර්තා කරන ලදී.

(සැප්තැම්බර් 24, 2009 - W3Lanka) එල්.ටී.ටී.ඊ. සංවිධානය එරිත්‍රීයාවේ සිට ගුවන් යානා 10ක් ‍කොටස් වෙන් කර රැගෙන ඒමට සැලසුම් කර තිබූ බව ද, එහෙත්, යුද්ධය ඔවුන් බලාපොරොත්තු වූ තරම් දිග්ගැසුණේ නැති බැවින් මෙම සැලසුම ව්‍යර්ථ වූ බව ද දැනට අත්අඩංගුවට පත් වී සිටින කොටි නායක කේ.පී.ගෙන් ප්‍රශ්න කිරීමේදී හෙළි වූ බව යුද හමුදා ප්‍රකාශකයෙකු උපුටා දක්වමින් ඉන්දියාවේ හින්දුස්ථාන් ටෛම්ස් පුවත්පත පවසයි. මෙම ගුවන් යානා පැදවීම පිණිස අඩු වශයෙන් නියමුවන් 12ක්වත් මැලේසියාවේ සහ ඉන්දුනීසියාවේ පුහුණු කර තිබෙන බව ද ඔවුන්ගෙන් දෙදෙනෙක් අත්අඩංගුවට පත් වී ඇති බව ද එම හමුදා නිලධාරියා පවසා තිබේ. ගුවන් යානා පැදවීම පුහුණු කිරීමේදී යොදා ගනු ලබන නියමු කුටියක නිදර්ශකයක් ද වන්නියේ සෝදිසි මෙහෙයුම්වලදී සොයා ගත් බව හමුදා නිලධාරියා පවසා ඇත.

(2009 සැප්තැම්බර් 17 - W3Lanka) ප්‍රභාකරන්ගෙන් පසු එල්.ටී.ටී.ඊ. නායකත්වයට පත් වූ සෙල්වරාසා පත්මනාදන් හෙවත් කුමාරන් පත්මනාදන් හෙවත් කේ.පී. මැලේසියාවේදී අත්අඩංගුවට ගෙන ශ්‍රී ලංකාවට රැගෙන ඒමෙන් අනතුරුව පළමු ප්‍රධාන නිවේදනය නිකුත් කරන කොටි සංවිධානය පාරජාතික ඊලාම් රාජ්‍යයක් පිහිටුවන බව හා අප්‍රේල් මාසයේදී ඒ වෙනුවෙන් මැතිවරණ පවත්වන බව පවසයි.  මෙම නිවේදනය අත්සන් කර තිබෙන්නේ ඇමරිකාවේ වෙසෙන කොටි සංවිධානයේ නී ති උපදේශකයකු ලෙස කටයුතු කළ විස්වනාදන් රුද්‍රකුමාරන් විසිනි.  ලංකාවේ සිදු වන දෙය දෙමළ ජනයාට එරෙහි පළිගැනීම් හා තම නිජබිමේ සම්පත් සූරාකෑමක් ලෙස හඳුන්වන මෙම නිවේදනය රජයේ හමුදා හඳුන්වන්නේ සිංහල බෞද්ධ සංහාරක හමුදා ලෙසයි.  (BBC)

(2009 සැප්තැම්බර් 11 - W3Lanka) එල්.ටී.ටී.ඊ. සංවිධානය යුදමය වශයෙන් පරාජයට පත් වීමෙන් පසු මුලින්ම ඇප මත නිදහස ලබන කොටි ජ්‍යේෂ්ඨයන් දෙදෙනා වන්නේ වේලායුධම් දයානිධි හෙවත් දයා මාස්ටර් සහ පංචරත්නම් ජෝර්ජ් යන මේ දෙපළයි. යුද මුක්ත කලාපයේ සිට පැමිණ රජයට භාර වූ මේ දෙපළ රඳවා තබා ගැනුණේ ත්‍රස්තවාදය වැළැක්වීමේ පනත යටතේයි. ඔවුන්ට එරෙහිව චෝදනා එල්ල වී නැත. රු. ලක්ෂ විසිපහ බැගින් වූ පෞද්ගලික ඇප මත නිදහස් කරනු ලැබූ මෙම දෙපළට රටින් පිට වීම තහනම් කර තිබේ. දයා මාස්ටර්ගේ පවුලේ අය දැනට සරණාගත කඳවුරක වෙසෙන බව දැනගන්නට තිබේ. ජෝජ් ඕස්ට්‍රේලියාවේ වෙසෙන සිය දියණිය වෙත යාම සඳහා අවසර ඉල්ලා ඇති බව මීට පෙර ජනමාධ්‍ය විසින් වාර්තා කර තිබිණි. භාර වූ කොටි සාමාජිකයන් මෙසේ නිදහස් කිරීම රජය සංහිඳියාව සඳහා ගනු ලබන පියවරක් ලෙස සැලකිය හැකිය. සරණාගත කඳවුරුවල රඳවාගෙන සිටින රජයට භාර වූ ජනතාව අතරින් ඥාති මිත්‍රාදීන් විසින් භාර ගැනීමට කැමති අයද නිදහස් කිරීමට රජය සූදානම් බව ප්‍රකාශ කර තිබේ. මීට මාස කීපයකට පෙර රජය වැඩිහිටි පුද්ගලයන් නිදහස් කිරීමට පියවර ගත්තේය.