W3Lanka: Praja.lk Backup

පසුගිය සතියේ දෙමටගොඩ ප්‍රදේශයෙන් හිස හා අත් පා සුන් මළකඳක් හමු විය. එම මළ සිරුරේ ම පා දෙක ඊට පැය කීපයකට පෙර ආසන්න ප්‍රදේශයක කුණු ඇලකින් හමු විය.  ඒ ආසන්න වකවානුවේ ම කුණු වූ මළසිරුරක් දියවන්නා ඔයෙන් හමු විය. එම සිරුරේ ම අතක් නාවල ඇලකින් හමු විය. ඒ අතේ නියපොතු ගලවා වධ දී තිබිණි. මේ සිරුරුවල අත් පා කපා තිබුණේ එක පිහි පහරකින් පළපුරුදු මස් කපන්නකු විසිනි.  මෑත කාලයේදී කොළඹින් පුද්ගල අතුරුදහන්වීම් වාර්තා නො වූ බව පොලිසිය කියයි. එතකොට මේ මරා දමන ලද පුද්ගලයෝ කවුරු ද?  මෙය පාතාල කල්ලි අභ්‍යන්තර ගැටුමකැයි පොලිසිය සැක කරයි.  තවත් සැක කළ යුතු පැති තිබේ.  මේ අය වෙනත් ප්‍රදේශවලින් පැහැරගෙනැවිත් ඝාතනය කළ අය විය හැකි ය.  මේ පසුගිය කාලයේ පැහැරගෙන ගොස් සඟවාගෙන සිටි පුද්ගලයන් විය හැකි ය. කිසියම් අන්තවාදී දේශපාලනික, ආගමික කල්ලියක් මේ පිටුපස ඉන්නවා විය හැකි ය. කෲර අන්දමින් ඝාතනය කරන ලද පුද්ගලයන්ගේ මළසිරුරු ප්‍රදර්ශනය කිරීම දේශපාලනික අරමුණකින් කරනවා විය හැකි ය. එසේ නම්, ඒ කාගේ අරමුණක් ද? මේවා විමර්ශනය කළ යුතු ය. එසේ ම, වහාම මෙම තත්වය පාලනය කර ගත යුතු ය....

මේ පත්තර කෑල්ල මව්බිමෙනි. මේ අර මහින්ද රාජපක්ෂ ජනාධිපතිගේ අම්මාගේ පැත්තෙන් ළඟ නෑයකු වූ නියෝජ්‍ය ඇමති හේමාල් ගුණසේකර විසින් යොදවන ලද මැර පිරිසක් විසින් පහර දෙනු ලැබුවා යයි කියනු ලබන පොලිස් කොස්තාපල් සුමින්ද සමන්ගේ සම්මුඛ සාකච්ඡාවක කොටසකි. මෙය කියවන විට මට නම් හිතෙන්නේ මේ පුද්ගලයාට පහර දී තිබෙන්නේ ද ඔහු අයත් ආයතනයේ කට්ටිය ම ද කියා ය. එසේ සිතෙන්නේ මේ ජවනිකාවේ විකට ස්වභාවය අනුවයි.  ඇමති හේමාල් ගුණසේකර කියන්නේ මෙම පොලිස් නිලධාරියා විසින් ම එම පහර දීම නිර්මානය කරගෙන තිබෙන බවයි. එහි අරමුණ විදෙස් රටක දේශපාලන රැකවරණ ලබා ගැනීම බව ඔහු නඟන චෝදනාවයි.  දේශපාලකයා මෙන් ම පොලිස් නිලධාරියා ද යනු විශ්වාස කටයුතු පුද්ගලයෝ නො වෙති. එක වල්ලේ පොල් යයි කීවත් වරදක් නැත.  දේශපාලකයා තමන් ගණන් නො ගත් පොලිස් නිලධාරියාට පිරිසක් ලවා පහර දී දැන් අහිංසක චරිතයක් රඟපානවා වෙන්නට පුළුවන.  පොලිස් නිලධාරියා ද අර කිව්වා වගේ ම දේශපාලන රැකවරණ වෙනුවෙන් නාට්‍යයක් රඟ දැක්වූවා වෙන්නට ද පුළුවන.  ලංකාවේ දේශපාලකයන් මෙන් ම ජනතාව ද එක සේ දූෂිත ය. දේශපාලකයෝ මහජන මුදල් සූරා කා සිය දරු මල්ලන් වෙනුවෙන් ...

සාමාන්‍යයෙන් මිනිසුන් පැහැරගෙන ගොස් වධ දී ම‍රා දැමීම සම්බන්ධයෙන් 'කීර්තියක්' ඇත්තේ පොලිසියටයි.  මෑතක් වනතුරු ම පොලිසියට අත තබන්නට සමත් අපරාධකරුවෝ නො සිටිය හ. එහෙත්, වත්මන් ආණ්ඩුව විසින් උදා කර දී තිබෙන ආශ්චර්යවත් තත්වය තුළ දැන් පොලිස් නිලධාරීන් පැහැරගෙන ගොස් වධ දී මරා දමන්නට සමත් අපරාධකරුවෝ ද බිහි වී සිටිති.  ඕනෑම අපරාධයක කෙළවරේ හමුදා පුහුණුව ලද පුද්ගලයෝ සිටිති. ත්‍රස්තවාදය නැති කරන්නට ය කියා කරන ලද යුද්ධය වෙනුවෙන් පුහුණු කරන ලද සොල්දාදුවන් අතරින් අලුත් ත්‍රස්තවාදීන් පිරිසක් බිහි වී තිබේ.  ඔවුහු රිසි සේ සොරකම්, මංකොල්ලකෑම්, මිනීමැරුම් හා ස්ත්‍රී දූෂණ ආදියේ යෙදෙති. මෙම පුද්ගලයෝ දේශපාලකයන් සමග ද සමීපව කටයුතු කරති.  දේශපාලකයෝ මංකොල්ල කති. ජනතාව එවැනි මංකොල්ලකරුවන් සිය නියෝජිතයන් ලෙස තෝරා පත් කර ද ගනිති.  වැදගත් වන්නේ සල්ලිවලින් ගෙවන ජීවිතය මිස සල්ලි හම්බ කළ ආකාරය නො වේ. කුමන ආකාරයකින් හෝ ධනවතකු වුවහොත් බලය ඔහු සොයා එයි. සමාජය ඒ ධනවතුන්, බලවතුන් වන්දනා කරයි.  රටේ නායකයන් වී සිටින්නේ මහා පරිමාණ මහජන මුදල් මංකොල්ලකරුවෝ ය. මානව වර්ගයාට එරෙහි ආර්ථික අ...

කඹුරුපිටියේ පොලිස් නිලධාරියාත්, ඔහුගේ බිරිඳත් මරා දැමීමේ සිද්ධියේ ප්‍රධාන සැකකරු වන කැටයම් චින්තක ද අද පොලිසිය විසින් වෙඩි තබා මරා දමා තිබෙන බව වාර්තා විය.  සුපුරුදු පරිදි ම මරා දැමීම සාධාරණීකරණය කිරීම පිණිස කතාවක් ගොතා තිබේ. මෙම ඝාතනයේ සැකකරුවන් හතර දෙනා ම මරා දැමුණු අතර ඔවුන්ගේ මරණ පිළිබඳ කතා එකිනෙකට සමාන ය. ඒ හා සමාන සිද්ධි තවත් රාශියක් පසුගිය කාලයේ සිදු විය.  පොලිසියට පහර දෙන්නට හෝ පැන යන්නට උත්සාහ කළ විට සැකකරුවන් වෙඩි තබා මරා දමන ලද කතාව දැන් සාමාන්‍ය පොලිස් කතාවකි. පොලිසියට මරා දමන්නට අවශ්‍ය අය මරා දමා මේ කතාව කීම ඉතා සුලබ ය.  එහෙත් බිහිසුණු අපරාධ සුදු කළ සියලු දෙනා මේ අන්දමින් මරා දැමීමේ ප්‍රතිපත්තියක් ද පොලිසියට නැත. විශේෂයෙන් ම දේශපාලකයන්ගේ ආරක්ෂාව ලබන අපරාධකරුවන්ට මේ සම්ප්‍රදාය ක්‍රියාත්මක වන්නේ නැත.  ඒ කියන්නේ මෙවැනි මරණ පිළිබඳ තීන්දු ගන්නේ පහළ මට්ටමින් නො වන බව නේ ද? මෙම ඝාතනයේ සැකකරුවන් සියලු දෙනා මෙසේ කට උත්තරත් නැති වන අන්දමින් මරා දැමුවේ ඇයි? මේ සැකකරුවන් මෙම පොලිස් නිලධාරියා ඝාතනය කළා නම්, එසේ කළේ කාගේ හෝ කොන්ත්‍රාත්තුවකට ද? ඔවුන් ස...

ශ්‍රී ලංකාවේ දෙමළ, සිංහල, මුස්‌ලිම් පොලිසි කියා තුන් වර්ගයක පොලිසි නොමැති බව ද, ශ්‍රී ලංකාවටම ඇත්තේ එක්‌ පොලිසියක්‌ බව ද, එය ශ්‍රී ලංකා පොලිසිය බව ද, උතුරට දෙමළ පොලිස්‌ නිලධාරීන් යෙදවිය යුතු බවට දකුණු සහ මධ්‍යම ආසියානු කටයුතු පිළිබඳ ඇමරිකානු සහකාර රාජ්‍ය ලේකම් රොබට්‌ බ්ලේක්‌ කළ ප්‍රකාශයට පිළිතුරු වශයෙන් එක්තරා නියෝජ්‍ය ඇමතිවරයෙක් ප්‍රකාශ කර ඇත.  මේ ඇමතිවරයා වනාහි නැවත පදිංචි කිරීමේ නියෝජ්‍ය අමාත්‍ය විනයාගමූර්ති මුරලිදරන් ය.  සභාවේ සිනා ය.  මේ ලිපියට ඔබ කැමති නම් වෙන අයත් එක්කත් බෙදා ගන්න

මිනීමැරුම් විසි පහකට වැඩි ප්‍රමාණයක් සිදුකොට මියගිය පුද්ගලයන් සතු දේපොළ ලියා ගැනීමේ මහා පරිමාණ ජාවාරමක සැකකරු වූ පාතාල නායකයකු බව කියන රෝහන් කුමාර නොහොත් කිංස්පාර්ක් රෝහන් නමැත්තා රහස් පොලිසිය මගින් අත්අඩංගුවට ගෙන තිබේ. ඔහු ආයුධ පෙන්වීමට ගොස් පළා යාමට උත්සාහ කිරීමට ඉඩ තිබේ. එහිදී පොලිස් නිලධාරීන් ආරක්ෂා විය යුතු ය. විශේෂයෙන් ම ගංගා ආශ්‍රිත ස්ථානවල ඇති ආයුධ පෙන්වීමට ඔහු රැගෙන යාමේදී පොලිසිය දක්ෂ පිහිනුම්කරුවන් රැගෙන යා යුතු ය. පළා යාමේදී පොලිසිය දනෙන් පහළට වෙඩි තබන විට මෙවැනි පාතාල සැකකරුවන් ඔලුවෙන් සිට ගන්නා බැවින් දනෙන් ඉහළට වෙඩි තැබීම සුදුසු විය හැකි ය. මෙවැනි අය මෙසේ කරන්නේ ඔවුන් හා සම්බන්ධ නඩු අධිකරණය ඉදිරියට පැමිණීම වැළැක්වීමට බැවින් ආයුධ කෑලි බල්ලාට දමා නඩු පැවරීම හොඳ යයි අපි පොලිසියට යෝජනා කරමු.  මේ ලිපියට ඔබ කැමති නම් වෙන අයත් එක්කත් බෙදා ගන්න

ඇමති එස්.බී. දිසානායකගේ පුතා ගුවන් තොටුපළෙන් කැඳවාගෙන ඒමට පවනට බඳු වේගයෙන් ඉගිල්ලෙමින් තිබුණු මහජන මුදලින් නඩත්තු වන ඇමති ආරක්ෂක රියක් විසින් යට කර දමා ගිය 61 හැවිරිදි විශ්‍රාමික ඉංජිනේරුවරයකු අභාවප්‍රාප්තව ඇති අතර, ඔහුගේ බිරිඳ අසාධ්‍ය තත්වයෙන් කොළඹ මහ රෝහලේ දැඩි සත්කාර ඒකකයේ ප්‍රතිකාර ලබයි.  මෙසේ මෙම පුරවැසියන් දෙදෙනා යට කර පළා ගිය ඇමති ආරක්ෂක රිය පදවා ඇත්තේ පොලිස් නිලධාරියෙකි. ඔහු පොලිසියට භාර වී ඇත්තේ පොලිසිය හා යුද හමුදා බුද්ධි අංශ විසින් ඒ පිළිබඳ සොයද්දී ය.  තමන් මෙම අනතුර නො දුටු බව මෙම පොලිස් නිලධාරියා පවසා තිබේ.  රට බල්ලන්ට ගොසිනි. බල්ලෝ ර‍ට ගොසිනි.  රට ගිය උන් රට සිට එන විට මෙහේ උන්ට රථ ගාය හැදේ.   ‍මේ ඇමතිලාගේ ආරක්ෂාව මේ රටට මළ වධයකි. ඇමතිලා ආරක්ෂා සහිතව පවුල් පිටින් රට ම හිටියත් මේ රටට තවත් කිසිදු අයහපතක් වන්නේ නැත.  මේ ලිපියට ඔබ කැමති නම් වෙන අයත් එක්කත් බෙදා ගන්න

මෙම ඡායාරූපයේ සිටින විඡේරත්න මුදියන්සේලාගේ නවරත්න බණ්‌ඩාර නම් 31 හැවිරිදි තරුණයා පොලිස් නිලධාරියෙකි. පුත්තලම ප්‍රදේශයේදී මේ රටේ වීරෝදාර මහජනතාව මේ මිනිසා පහර දී කපා, කොටා මරා දැම්මේ තවම ව මව් කුසේ සිටින ඔහුගේ දරුවාට පියකු අහිමි කරමිනි. ඔහු කළ වරද ග්‍රීස් යකකු යයි නම් කර වධ හිංසනයට ලක් කරමින් සිටි මිනිසකු බේරා ගැනීමයි. මීට පෙර මේ රටේ අසන්නට ලැබුණේ මෙවැනි සිද්ධිවල අනෙක් පැත්තයි. දැන් මෙසේ සිදු වන්නේ ඇයි? එහෙත් මේ පහර දුන්නේ ඝාතනය කළේ නවරත්න බණ්‌ඩාර නම් මිනිසා නොව නීතිය ක්‍රියාවේ යොදවන සාමය අගයන පොලිස්‌ නිලධාරියාත්, අව්වැසි දුහුවිලි දිවා රෑ නොතකා සමස්‌ත ජනතාව වෙනුවෙන් අනේකවිධ දුක්‌කන්දරා චෝදනා උසුලා මානසික ඒකාග්‍රතාවකින් කටයුතු කරන පොලිස්‌ නිලධාරීන් මෙසේ අමානුෂික ලෙස ඝාතනය කිරීම තුළින් අවනීතිය රජවීම වැළැක්‌විය නොහැකිය. එය එසේ නොවන්නට නම් මේ පොලිස්‌ නිලධාරියාගේ මරණින් මතු හෝ එවැනි සිදුවීම් නොවන්නට නීතිය, සාමය අගය කරන ශ්‍රී ලාංකීය ජනතාව ධාරණය කරගත යුතුය. අවස්‌ථාවාදී පුද්ගලයන්ගේ අසත්‍ය වදන් වලට නොරැවටී බුද්ධිමත්ව කටයුතු කිරීම බණ්‌ඩාරට කළ හැකි උපරිම ගෞරවයයි. පොලිස්‌ අධිකාරි...

Policeman, epilepsy patient beaten to death thanks to Grease Devils; are we crazy? Posted by  Editor   at  7:48 AM   Monday, August 22, 2011 Labels:  grease devil ,  grease yaka ,  myths A police officer was beaten to death and five civilians were shot and injured in Sri Lankan yesterday in an incident related to the fear psychosis known as Grease Devil. The incident took place in Managunduwa in Puttalam area as some people caught a suspicious person. As they were taking him to be handed over to the Village Officer, they were shot by an unidentified group injuring five persons including a woman.  A tense situation erupted there and Navy and Army officials were deployed to defuse the tension. However, police say hundreds of e people pelted stones at the security forces. Meanwhile. a police officer was caught by the mob and his body was later found beaten to death, police say.  Read the full article in W3Lanka English මේ ලිපියට ඔබ කැමති...

(2011 ජනවාරි 29,  W3Lanka )  මහජන ආරක්ෂාව සඳහා ය කියමින් ආයුධ සන්නද්ධව සිටින පොලිස් නිලධාරීන් හා බන්ධනාගාර නිලධාරීන් වැනි අය ගැවසෙන තැන්වලදී මහජනතාව පරිස්සම් විය යුතු ය. හේතුව, මෙම පුද්ගලයන්ගේ ඉලක්ක බොහෝ විට කකුලට තිබ්බොත් ඔලුවට හා උඹේ ඔලුව‍ට තිබ්බොත් මගේ ඔලුවට වදින වර්ගයේ ඒවා වීමයි. අපරාධ 93ට වරෙන්තු 80ක් තිබූ පාතාල අපරාධකරුවකු වූ පී. සනත් චන්දන සිල්වා නොහොත් ‘චූටි පුතා’ නමැත්තා ජනවාරි 26දා උදේ ගල්කිස්ස අධිකරණයට ගෙන ආ අවස්ථාවේ බන්ධනාගාර නිලධාරීන් තල්ලු කර දමා පලා යද්දී බන්ධනාගාර නිලධාරියකු තැබූ වෙඩි පහර සාමාන්‍ය පුද්ගලයකුට වැදී ඔහු බරපතල ලෙස තුවාල ලැබ අද අළුයම 1.00ට පමණ මිය ගියේ ය. මේ අහිංසකයාගේ මරණය පිළිබඳ අපේ සාතිශය සංවේගය ප්‍රකාශ කරමු. එසේ ම ඊනියා මහජන ආරක්ෂකයන්ගෙන් පරිස්සම් වන ලෙස අපි ජනතාවට අනතුරු අඟවමු.  මෙම සටහනත් කියවන්න:  විද්දෙ චූටි පුතාට; වැදුණෙ නඩුවකට ආපු පුතෙකුට .

( 2010 දෙසැම්බර් 24,  W3Lanka )  හමුදා, පොලිස් සේවාවන්වලට සම්බන්ධ අය විසින් කරනු ලබන අපරාධ පිළිබඳ වාර්තා මේ දිනවල නිතිපතා ම මාධ්‍ය විසින් වාර්තා කරනු ලැබේ. මෙම වාර්තාකරණයත් සමග ම, හමුදා, පොලිස් සේවයෙන් ඉවත් ව සිටින ලක්ෂ ගණනක් පිරිස කෙරෙහි සමාජය සැක මුසු වීමේ ප්‍රවණතාවක් ද ඇති වී තිබේ.  වාර්තා වන මෙම සිද්ධි ඇත්ත ය. වාර්තාකරණය විසින් ඒවා විශේෂයෙන් මතු කර දක්වනවා යයි ද ඍජුවම චෝදනා කළ නො හැක. එහෙත්, ඒවා වාර්තා කරන අය තත්වය වෙනස් කිරීම සඳහා ඉවහල් වන සුබවාදී අදහස් වෙනුවෙන් පෙනී නො සිටීම නිසා එම වාර්තාකරණයෙන් අගතියක් සිදු වේ.  මෙසේ මාධ්‍ය විසින් වාර්තා කරනු ලබන අපරාධකරුවන් වන ආරක්ෂක අංශ නිලධාරීන් අතරින් ඇතැමෙක් තවමත් සේවයේ යෙදී සිටින අය වෙති. බොහෝ දෙනෙක් හමුදාවෙන් ඉවත් වූ, පළා ගිය අය හා පොලිස් සේවයෙන් ඉවත් කළ අයයි. ප්‍රධාන සිද්ධි දෙකක් ගතහොත්, එච්.එස්.බී.සී. බැංකුවේ මුදල් රු. කෝටි හතක් මංකොල්ලකෑම හා සම්බන්ධ පිරිස අතර ද වරකාපොල උගස් ආයතනයකින් ලක්ෂ විස්සක් මංකොල්ල කා පොලිස් නිලධාරීන් දෙදෙනෙකු ද මරා පොලිසිය විසින් ඝාතනය කර දමන ලද අය අතර ද හමුදා, පොලිස් සේවාවල සිටි අය ...

‍ ( 2010 ඔක්තෝබර් 14,  W3Lanka )  මහජනයාට විද්‍යුත් තැපෑලෙන් පොලිස්පතිට පැමිණිලි ඉදිරිපත් කිරීම සඳහා ඊමේල් ලිපිනයක් වෙන් කර තිබේ. 'පොලිස්පතිට කියන්න' හෙවත් Tell IGP ලෙස නම් කර ඇති මෙම විද්‍යුත් තැපැල් ලිපිනය telligp@police.lk නම් වේ. වෙබ් අඩවිය හා සම්බන්ධව ආරම්භ කර ඇති මෙය පොලිස් දෙපාර්තමේන්තුව විසින් හඳුන්වා දී ඇත්තේ online service centre හෙවත් ජාලගත සේවා මධ්‍යස්ථානයක් ලෙසයි. මෙය ආරම්භ කිරීම යනු වෙබ් අඩවියක් විවෘත කිරීමක් නො වේ.  මෙම සේවාව වෙත මෙතනින් ප්‍රවේශ විය හැකි ය. මෙම විද්‍යුත් තැපැල් ලිපිනය ප්‍රවර්ධනය කිරීම සඳහා පොලිස් දෙපාර්තමේන්තුව එය උත්සවාකාරයෙන් දියත් කළේ ය. ඊමේල් ලිපිනයක් හැදීම පිළිබඳ උත්සවයක් පැවැත්වීම එසේ සාධාරණීකරණය කළ හැකි ය. එහෙත්, මෙවැනි සේවාවක් භාවිතා කිරීමෙහි ලා ලංකාවේ ජනතාවට ඇති හැකියාවේ මට්ටම පෙන්වා දෙන කදිම නිදසුනක් වන්නේ ආණ්ඩුවේ දිනමිණ පුවත්පත මෙය වාර්තා කර ඇති විසුළු ස්වභාවයයි. රජයට අයත් සිංහල ජාතික පුවත්පතේ පොලිස් පුවත් වාර්තාකරුගේ සිට ප්‍රධාන කර්තෘ දක්වා පිරිස අන්තර්ජාලය පිළිබඳ අන්දෝ සංසාරයක් නො දන්නා තත්වයක් තිබේ ...

( 2010 සැප්තැම්බර් 16,  W3Lanka )  මහරගම පොලිසිය බේරුවල මෙහෙයුමක යෙදෙයි. මහරගම සිට බේරුවලට කිලෝමීටර් 50කටත් වැඩි ය. (බේරුවලත් පොලිසියක් ඇත.) යන්නේ හරක් හොරුන් අල්ලන්නට ලු. දැම්මේ ඇම්බුෂ් එකක් ලු. ඇම්බුෂ් එක දමා ඇත්තේ දෙනෝදාහක් ගැවසෙන මහ මගකයි.  හරක් හොරු සහ පොලිසිය වෙඩි හුවමාරු කර ගත් බව කියැවේ. පොලිසිය සාමාන්‍යයෙන් පැන යන පාතාලයන්ගේ පාදවලට වෙඩි තැබූ විට වදින්නේ ඔලුවලට ය. බේරුවලදී සිදු වී ඇත්තේ 'විද්දේ පඳුරට වැදුණෙ හාවට' වැනි දෙයකි. හරක් හොරු පැන යති. හරක් වලිගයක්වත් අල්ලා ගන්නට බැරි වී ඇත. පොලිසිය කොහි ගියාදැයි අපි නො දනිමු. මේ හරක් කතා අපට නො තේරෙන්නේ අප හරක් නො වන නිසා විය හැකි ය. කියවන විට ලිවීම කරන ප්‍රධාන ජනමාධ්‍යවලට නම් මේ හතර බීරි කතා තේරෙන බව පෙනේ. තාත්තා සමග ත්‍රිරෝද රියෙන් ඉන්ධන හලකට පැමිණි අහිංසක දරුවකු මරා දමා ඇත . අටවන වියේ සුරතල් වයසේදී සමාජ අසාධාරණයේ ගොදුරක් වන්නට සිදු වූ සුදිල් නිලුපුල් පුතේ, යළි ඉපදීමක් ඇත්නම් මේ රටේ නො ව අහිංසකයන්ට ආරක්ෂාවක් ඇති දේශයක යළි උපදින්න. Bookmark, remember easily and come again   www.w3lanka.com...

( 2010 සැප්තැම්බර් 07,  W3Lanka )  ප්‍රධාන පෙළේ පාතාල නායකයන් කීපදෙනකු ඇතුළු දෙවන පෙළ පාතාල සාමාජිකයන් 25 දෙනකු අත්අඩංගුවට ගැනීමට පොලිස්‌ විශේෂ කාර්ය බළකාය මෙහෙයුම් ආරම්භ කර ඇති බව අද දිවයින වාර්තා කරයි. මේ අනුව, ඉදිරි කාලයේදී පාතාල අපරාධකරුවන් 25දෙනෙකු තමන් විසින් සඟවන ලද ආයුධ ලබා දීමට පොලිසිය සමග ගොස් පොලිසියට පහර දී පළා යාමට තැත් කරද්දී, පොලිසිය දනෙන් පහළට වෙඩි තබන විට ඔලුවෙන් සිටගෙන හිසට වෙඩි වැදී මිය යාමට නියමිත බව සිතා තැනීමට පුළුවන. පාතාල අපරාධකරුවන් මනාහි ද මේ සමාජයෙන් ම බිහි වූ පිරිසකි. ඔවුන් හදා, වඩා, රැකවරණය දී පෝෂණය කිරීමේ කාර්යයේ සෑහෙන වගකීමක් දේශපාලකයන්, පොලිසිය හා ජනමාධ්‍ය පිට පැටවේ. පාදඩ නිර්ධන පංතියෙන් පැවත එන මෙම අපරාධකරුවන් සමාජ පිළලයක් බව සැබැවි. එහෙත්, ඔවුනට එරෙහිව ඵලදායී අන්දමින් ක්‍රියාත්මක වන නීතියක් තිබිය යුතු ය. පටු ජනප්‍රියත්වය පිණිස අපරාධකරුවන් ප්‍රසිද්ධියේ මහ පාරේ මරා දමා තමන්ට ඕනෑ කාලයට වෙනත් අපරාධකරුවන් නිර්මානය කර ගන්නා වත්මන් ක්‍රමය හේතුවෙන් පාතාලයන් ලෙස නම් කර තිබෙන මේ ප්‍රජාව නිකම් ම නිකම් පොල් කුඩු හා බ්‍රොයිලර් කුකුළන් බවට පත් වී ත...

(2010 මැයි 30,  W3Lanka )  පසුගිය දිනෙක රහස් පොලිසියේ නිලධාරීන් පිරිසක් ගංජා අල්ලන්න තණමල්විල පැත්තෙ ගියාලු. කලේ මැදින් යනකොට ඔවුන්‍ට මහළු හේන් ගොවියෙකු හමු වුණා. රහස් පොලිසිය හේන පරීක්ෂා කළා ඒකෙ තිබුණේ වට්ටක්කා, කැකිරි, තිබ්බටු, වම්බටු වගේ හේන් භෝග විතරයි. "ඇත්ත කියනවා, කොහෙද තමුසෙ ගංජා වවන්නෙ?" රහස් පොලිස් කණ්ඩායමේ ලොක්කා ‍කඩා පැන්නා. "මම නම් ගංජා වවන්නේ නැහැ. සර්ලට ඕනැ නම් ඕනැ තැනක බලන්න. හැබැයි අර පැත්තට නම් යන්න එපා," කියලා ගොවියා එක පැත්තක් පෙන්වමින් කිව්වා. දැන් පොලිස් නිලධාරීන්ගේ කට කණේ. "හහ්, ඒව කොහෙද? තමුසෙ දන්නවද අපට ඕනැ තැනකට ඇතුල් වෙන්න, පරීක්ෂා කරන්න බලය තියෙනවා." පොලිස් කණ්ඩායමේ ලොක්කා සාක්කුවෙන් හැඳුනුම්පත අරගෙන ආඩම්බරෙන් පෙන්වා තම කණ්ඩායම එක්ක යන්න එපා කියූ පැත්තට ම ගියා. ටික වෙලාවකින් මර ලතෝනියක් ඇහුණා. ගොවියා ඉක්මණට හේනේ දැවැන්ත පලු ගහක තනා තිබුණු පැලට ගොඩ වුණා. මෙන්න පොලිස් පිරිස පණ එපා කියමින් කැලේ කඩාගෙන දුවනවා. පස්සෙන් එලවන්නෙ ඊයෙ රෑ හේනේ පැත්තක් පාළු කරපු මිනීමරු නැට්ට කොට තනි අලියා. "බුදු අම්මෝ! අපිව බේර ග...

මෙම ඡායාරූපය ගැන ඔබට සිතෙන්නේ කුමක්ද? එව්වාට නදීට තුති.  

(2010 අප්‍රේල් 27 -  W3Lanka )  ත්‍රස්තවාදය තුළින් රට පුරා මතුවූ අපරාධ ජාලය සම්පූර්ණයෙන් විනාශ කර දැමීමට ආරක්ෂක ලේකම් ගෝඨාභය රාජපක්ෂ මහතා පොලිසියට උපදෙස් දී ඇති බව අද දිනමිණ වාර්තා කරයි. පුදපු ගමන් කාපි යකා වගේ මෙවැනි ප්‍රශ්නයක් මතු වේ. මර්දනය කරනු ලබන්නේ ත්‍රස්තවාදය තුළින් රටපුරා මතුවූ අපරාධ ජාලය පමණක්ද? දේශපාලන අනුග්‍රහයෙන් රට පුරා පැතිරුණ අපරාධ ජාලය මෙයට අදාල නැද්ද? ත්‍රස්තවාදයේ ද අංශ දෙකක් තිබේ. එනම් රාජ්‍ය හා රාජ්‍ය නොවන ලෙසයි. රාජ්‍ය ත්‍රස්තවාදය දේශපාලන අනුග්‍රහය ලත් ත්‍රස්ත ජාලය සමග අතිනත ගෙන සිටින බව රහසක් නොවේ. කෙසේ වෙතත්, දැවැන්ත මෙහෙයුමක් ආරම්භ කිරීමට සියලු උපදෙස් ලබාදී ඇතැයි ආරක්ෂක ලේකම්වරයා ප්‍රකාශ කරයි. මේ උපදෙස් වඳුරාට දුන් දැලි පිහිය බවට පත් වී පෞද්ගලික පළිගැනීම් සඳහා ද උපයෝගී කර නොගන්නා බවට වග බලා ගැනීමක් ද පාලකයන් පැත්තෙන් තිබිය යුතු ය.  'එක රටක්, එක ත්‍රස්තවාදයක් හා එක පාතාලයක්' යන ප්‍රතිපත්තිය ද නරක ම නැත. ත්‍රස්තවාදයන් හා පාතාලයන් රැසකින් බේරෙනවාට වඩා එකකින් මිය යාම පහසු ය. ත්‍රස්තවාදී උවදුරින් මතුවූ මෙම අපරාධ ජාලය විනාශ කිරීමට නොහැකි වූයේ වසර 30...

පොලිසියට අලූතින් බැටන් පොලූ දහසක්‌ ගෙන්වයි නෝමන් පලිහවඩන (දිවයින) පොලිස්‌ දෙපාර්තමේන්තුවට අලුතින් බැටන් පොලු දහසක්‌ පමණ ගෙන්වීමට යන බව ජ්‍යෙෂ්ඨ පොලිස්‌ නිලධාරියෙක්‌ "දිවයින" ට පැවසීය. පොලිසියට අලුතින් පොලිස්‌ කොස්‌තාපල්වරුන් බඳවා ගන්නා නිසා ඔවුනට ලබාදීම සඳහා මෙලෙස අලුතින් බැටන් පොලු ගත යුතුව ඇති බව පොලිස්‌ මූලස්‌ථානයේ සැපයුම් අංශයේ ප්‍රකාශකයෙක්‌ සඳහන් කළේය. පොලිසියට අවශ්‍ය කරන බැටන් පොලු බෙදාහරින ස්‌ථානය මෙතෙක්‌ හෙළි වී නැති අතර දළ වශයෙන් බැටන් පොලු දහසක්‌ පමණ අවශ්‍ය වෙතැයි පොලිසිය විශ්වාස කරයි

(2009 සැප්තැම්බර් 10 - W3Lanka) ජනාධිපති මහින්ද රාජපක්ෂ ආරක්ෂක ඇමති ධුරය දැරූ 2005 නොවැම්බර් සිට මේ වසරේ අගෝස්තු 16 දක්වා පුද්ගලයන් 91දෙනෙක් පොලිස් අත්අඩංගුවේදී මිය ගොස් ඇති බව ජනතා විමුක්‌ති පෙරමුණේ මන්ත්‍රී ලක්‍ෂ්මන් නිපුණආරච්චිගේ ප්‍රශ්නයකට පිළිතුරු ලෙස සභානායක දිනේෂ් ගුණවර්ධන ප්‍රශ්නයකට පිළිතුරු ලෙස ඊයේ පාර්ලිමේන්තුවේදී පැවසීය.  2005 වසරේදී පුද්ගලයන් දෙදෙනෙක්‌ 2006 දී එකොළොස්‌ දෙනෙක්‌, 2007 දී විසි දෙනෙක්‌, 2008 දී විසි හය දෙනෙක්‌ සහ 2009 දී තිස්‌ දෙදෙනෙක්‌ වශයෙන් පොලිස්‌ අත්අඩංගුවේදී  සිදු වන මරණ සංඛ්‍යාව වසරින් වසර ඉහළ යමින් තිබේ.  මෑතක සිට පොලිස් අත්අඩංගුවේ සිටින සැකකරුවන් වැඩි පිරිසක් මිය යන්නට පටන් ගෙන ඇත්තේ අපරාධවලට සම්බන්ධ ආයුධ මහ රෑ පොලිසියට  පෙන්නන්නට ගොස් පොලිසිය සමග ගැටුම් ඇති කරගෙන පොලිස් වෙඩි පහරට ලක් වීමෙනි. මෙම මරණ පිළිබඳ පොලිසිය ඉදිරිපත් කරන හේතු හැම විටම එක හා සමාන ඒවා වන අතර, ඒවා නීතියට පිටින් කරන මනුෂ්‍ය ඝාතන බවට ‍මානව හිම්කම් සංවිධාන චෝදනා කරයි.

(2009 ජුලි 17) ත‍්‍රස්තවාදය සහමුලින් අවසන් කළ රජය මත්කුඩු ජාවාරම්කරුවන්, කප්පම්කරුවන්, මැරවරයන්, මිනීමරුවන් ආදී සෑම අයකුටම එරෙහිව මේ වන විට යුද ප‍්‍රකාශ කර තිබෙන බව අගමැති රත්නසිරි වික‍්‍රමනායක මහතා මුල්ලේරියාව පොලිසියේ නව ගොඩනැඟිල්ල විවෘත කිරීමේ අවස්ථාවට එක් වෙමින් පැවසීය.  පසුගිය දිනවල පාතාල නායකයන් ගණනාවක් ම අභිරහස් අන්දමින් මිය යාම හා මෙකී ' යුද ප‍්‍රකාශ' කිරීම අතර සම්බන්ධයක් තිබේ යයි අනුමාන කළ හැකිය.  මාළිගාවත්තේ පසුගියදා කරන ලද වැටළීමකදී පාතාල කල්ලි සාමාජිකයන් යයි සැක කෙරෙන 100කට අධික පිරිසක් අත්අඩංගුවට ගන්නා ලදී. එක් පාතාල කල්ලියක නායකයකු බව කියන ෆාජි නමැත්තා රටින් පලා ගිය බවට තොරතුරු ඇති අතර, ඔහුගේ සමීප ගෝලයකු මේ සතියේ කොළඹදී මරා දමා තිබිණි.  ප්‍රතිවාදී පාතාල කල්ලි නායකයකු වන ආනමාලු ඉමිටියාස් ද මෑතදී පැහැරගෙන ගොස් මරා දමන ලදී.  මෙම පාතාල කල්ලි පසුගිය බස්නාහිර පළාත් සභා මැතිවරණයේදී පවා මැද කොළඹ ඇතුලු ප්‍රදේශවල ආණ්ඩු පක්ෂයේ හා එක්සත් ජාතික පක්ෂයේ අපේක්ෂකයන්ට සහාය දක්වමින් ක්‍රියාත්මක විය.  මේ අතර, රජයේ ප්‍රබල දේශපාලකයකුගේ අනුග්‍රහය ලබන එක් ...