W3Lanka: Praja.lk Backup

(මෙම බ්ලොගයේ පිටු වෙත පිවිසුණු සංඛ්‍යාව අද දින විසිපන් ලක්ෂය ඉක්මවා ගොස් ඇති බව සතුටින් දැනුම් දෙමු! ස්තුතියි ඔබට! දිගට ම අප හා රැඳෙන්න. ඔබ අපට දිරියකි.) ‘‘2012 නොවැම්බර් මස ආනයනය කළ ගල් අඟුරු මෙ.ටො. 143,932 සම්බන්ධයෙන් අපරාධ පරීක්ෂණ දෙපාර්තමේන්තුව විසින් පරීක්ෂණයක් අරඹා ඇත. ලංකා ගල් අඟුරු සමාගම සහ ශ්‍රී ලංකා නැව් සංස්ථාව අතර 2012 ජූලි 23 එළැඹුණු ගිවිසුම අනුව හදිසි ගල් අඟුරු සැපයුම ප්‍රදානය කර ඇත්තේ සීමාසහිත තෝරියන් අයන් ඇන්ඩ් ස්ටීල් පෞද්ගලික සමාගමටය. ආනයනකරු තෝරා ගත්තේ සීමාසහිත නැව් සංස්ථාව විසිනි. ලංකා විදුලිබල මණ්ඩලය විසින් 2013 ජුලි 29 වන දින වාර්තා කළ පරිදි මෙම ගල් අඟුරු දහනය කර විදුලිය උත්පාදනය කිරීම නිසා 85,27,68,000 ක (අසූපන් කෝටි විසි හත් ලක්ෂ හැට අට දහසක) අලාභයක් සිදුව ඇත. ඊට අමතරව මෙ.ටො. 29,896 ක ප්‍රමාණයක් අඩුවෙන් සැපයීම නිසා සිදුවූ අලාභය 65,42,76,116/25 කි. (හැටපන් කෝටි හතලිස් දෙලක්ෂ හැත්තෑ හය දහස් එකසිය දහසයයි ශත විසිපහකි) ඒ අනුව මුළු අලාභය රුපියල් 150,70,44,116/25 කි. (එකසිය පණස් කෝටි හැත්තෑ ලක්ෂ හතලිස් හතර දහස් එකසිය දහසයයි ශත විසිපහකි) අපි නීතිපති උපදෙස්...

Politically බොදු බල සේනාව තහනම් කරන්නැයි ඉල්ලා පෙත්සමක් අත්සන් කරමින් තිබේ. මම නම් එයට අත්සන් කරන්නේ නැත. බොදු බල සේනාව තහනම් කරනවාට මම නම් විරුද්ධ ය.  බොදු බල සේනාව බිහි වන්නේ කුමන සංදර්භයක් තුළ ද යන්න අප විසින් තේරුම් ගත යුතුව තිබේ.  කොටි සංවිධානය බිහි වන්නේ සිංහලයන්ගේ රාජ්‍ය ජාතිවාදයට ප්‍රතිචාරාත්මක ව්‍යාපාරයක් ලෙසයි. ඒ කියන්නේ සිංහලයන් සිය රාජ්‍ය බලය භාවිතා කරමින් දිගින් දිගට ම දෙමළ ජනයාට එල්ල කරන ලද ප්‍රහාරවලට ප්‍රතිචාරාත්මකවයි. කොටි සංවිධානය වේගයෙන් වර්ධනය වන්නට පටන් ගත්තේ 1983න් පසු ය.  කොටි සංවිධානය අතිශය ප්‍රචණ්ඩ ව්‍යාපාරයක් වූ අතර එය හමුවේ රාජ්‍යය යම් තරමකට අසරණ විය. එයට තව දුරටත් සිංහල ජාතිවාදී රාජ්‍යයක් ලෙස පැවතීම අසීරු විය. රාජ්‍යයට ප්‍රජාතන්ත්‍රවාදී වන්නට බල කොරිණි. එහෙත්, කොටි සංවිධානය එසේ ප්‍රජාතන්ත්‍රවාදී වීමට සූදානම් වූ‍යේ නැත. නිදසුනක් ලෙස අපි 2002 සිට පැවති සටන් විරාම සමය ගනිමු. රජය නිල වශයෙන් ප්‍රහාර එල්ල කිරීමෙන් වැළකී සිටියත්, කොටි සංවිධානය එසේ කළේ නැත. කොටි ආරක්ෂක බුද්ධි අංශය හා ඩග්ලස් ‍දේවානන්ද, කේතීෂ්වරන් ලෝගනාදන්, ලක්ෂ්මන් කදිරගාමර්...

දහතුන්වැනි ආණ්‌ඩුක්‍රම ව්‍යවස්‌ථා සංශෝධනය අහෝසි කිරීමට ජාතික හෙළ උරුමය ගෙන එන යෝජනාවට සිය හෘදය සාක්‍ෂියට අනුකූලව ඡන්දය ප්‍රකාශ කිරීමට එක්‌සත් ජාතික පක්‍ෂ පාර්ලිමේන්තු මන්ත්‍රීවරුන්ට අවස්‌ථාව සලසන්නැයි ජාතික හෙළ උරුමයේ න්‍යායාචාර්ය හා ඇමැති පාඨලී චම්පික රණවක මහතා එජාප නායක රනිල් වික්‍රමසිංහ මහතාගෙන් ඉල්ලා ඇත. ඔහු මෙසේ ඉල්ලා ඇත්තේ ඊයේ එක්සත් ජාතික පක්ෂය සමග පැවති සාකච්ඡාවේදී ය. මෙ සාකච්ඡාව දේශපාලනික වශයෙන් වැදගත් එකකි. මන්ද, මෙය බැලූ බැල්මට ආණ්ඩු ක්‍රම ව්‍යවස්ථා සංශෝධන ගැන සාකච්ඡා කරන 'අහිංසක' එකක් ලෙස පෙන්නුවත්, මේ වනාහි අනාගත දේශපාලන විපර්යාසයකදී හෙළ උරුමයේ උපා මාරුවට මග පාදා ගන්නා අවස්ථාවකි. සරළව කිව්වොත්, එක්සත් ජාතික පක්ෂ ආණ්ඩුවක් පිහිටෙව්වොත්,ජාතික හෙළ උරුමය එහි ද ස්ථානගත වන ආකාරය පිළිබඳ අවබෝධයක් ඇති කර ගන්නා හමුවකි. මේ හමුව සිදු වන්නේ ආණ්ඩුව ආර්ථික වශයෙන් තාප්පයට ම හේත්තු වෙමින් තිබෙන සමයක ය. පාඨලීගේ ඉල්ලීමෙහි හෙවත් මේ හෘදය සාක්ෂි කතාවේ තවත් යටි අරුත් රැසක් තිබේ. ඔහු ඇත්තෙන් ම හෘදය සාක්ෂියට අනුව කටයුතු කිරීමේ අවස්ථාව ඉල්ලා සිටින්නේ රනිල්ගෙන් ද නැතිනම් මහින්දගෙන් ද? ...

ගිලෙන නැවෙන් මීයෝ පැන යති. ආණ්ඩුව නම් නැව ගිලෙන්නට පටන් ගෙන නැතිමුත්, එය හොඳට ම අබලන් ය. කොයි මොහොතක හෝ වතුර කාන්දු වීම ආරම්භ වන්නට පුළුවන. එබැවින් බුද්ධිමත් මීයෝ පැන යා හැකි මං කල් ඇතිව සැලසුම් කර තබති.  බුද්ධිමත් ම මීයෝ වනාහි ජාතිම ජාතිවාදියෝ ය. විමල් වීරවංශ පක්ෂයත්, ජාතික හෙළ උරුමයත් පළාත් සභාවලට විරුද්ධ ය. වඩාත් නිවැරදිව කීවොත්, උතුරු පළාතේ දෙමළ වැසියන් වෙනුවෙන් පළාත් සභා මැතිවරණයක් පවත්වනවාට‍ විරුද්ධ ය.  මේගොල්ලන්ගේ පිටවීමේ දොරටුව තිබෙන්නේ මෙතැන ය. පිටවීමේ මාර්ගය එළිපෙහෙළි කර ගැනීම සඳහා ජාතික හෙළ උරුමය පළාත් සභා අහෝසි කරන 19වන ආණ්ඩුක්‍රම ව්‍යවස්ථා සංශෝධන යෝජනාවක් පෞද්ගලික මන්ත්‍රී යෝජනාවක් ලෙස ගෙනැවිත් තබන්නට ද කටයුතු කර තිබේ.  සැප්තැම්බරයේ පළාත් සභා මැතිවරණය ගෙවන කිව්ව ද දැන් ජනාධිපතිවරයා ඒ ගැන සද්දයක් නැත. සැප්තැම්බරයේ පැවැත්වෙන පළාත් සභා මැතිවරණයක් බලාගෙන දෙමළ ජාතික සන්ධානය සූදානම් වෙමින් සිටියි. මේ සැප්තැම්බරය මාස කීපයකින් එහාට යන්නට පුළුවන. ආණ්ඩුව ජාතික ගැටලුව සම්බන්ධයෙන් අනුගමනය කළ ජාතිවාදී ප්‍රතිපත්තිය වන්නේ 'දෙමළුන්ට කිසිවක් නො දෙන්නනෙමු' යන්නයි. එය එ...

පූජකයෝ දේශපාලනය කළ යුතු ද යන ප්‍රශ්නය වඩා සංයුක්තව ගතහොත් හාමුදුරුවරු දේශපාලනය කළ යුතු ද යනු වේ.  මන්ද, මේ වන විට ලංකාවේ ආගමික නායකයන්ගේ පාලනයකින් තොරව මේවා සිදු වන්නේ බුද්ධාගමේ පමණක් නිසා ය.  එජාප මන්ත්‍රී විජේදාස රාජපක්ෂ පූජකයන්ට දේශපාලනය තහනම් කිරීම පිණිස ගෙන ආ පෞද්ගලික මන්ත්‍රී යෝජනාවට විරුද්ධව ජාතික හෙළ උරුමය දැවැන්ත ව්‍යාපාරයක් ගෙන ගිය අතර, ජනාධිපතිගේ හයිය ද රැගෙන අද දෙරණේ විවාදයට එන්නේ සූක්ෂම ලෙස රාජපක්ෂ මන්ත්‍රීවරයා බිය වද්දමිනි.  බුදුන්ගේ අහිංසාවාදී දහම හා ජාතික හෙළ උරුමය අතර කිසිදු සම්බන්ධයක් ඇතැයි අපි නො සිතමු. සංඝ සංස්ථාවේ නිල ප්‍රධානීන් වන මහ නායක හිමිවරු මේ කරුණ අරභයා නිහඬ ය. ඇත්ත කරුණ නම් ඔවුන් භික්ෂූන් දේශපාලනයේ නොයෙදිය යුතු ය යන ස්ථාවරයේ සිටීමයි.  අද වන විට මහ නායක හිමිවරු ද ජාතික හෙළ උරුමයේ ආධිපත්‍යයට යට වී සිටිති. ජාතික හෙළ උරුමය නාමිකව හෝ ප්‍රජාතන්ත්‍රවාදී දේශපාලන පක්ෂයකි. මැතිවරණ කොමසාරිස් යටතේ ලියාපදිංචි වී ඇති එහි නිලතල සඳහා පුද්ගලයන් තෝරා ගත යුත්තේ ඡන්දයෙනි. එහෙම බැලුවාම ජාතික හෙළ උරුමය වඩා නවීන ආයතනයකි. එහි ඇති සුවිශේෂ ම ලක්ෂණයක් වන්න...

ජාතික හෙළ උරුමය ආණ්ඩුව ගත යුතු මග පිළිබඳ විකල්ප යෝජනාවලියක් ජනාධිපතිට භාර දීමට නියමිත බව එහි මාධ්‍ය ප්‍රකාශක නිශාන්ත ශ්‍රී වර්ණසිංහ කියා තිබේ.  එහි විශේෂ ම ලක්ෂණය වන්නේ ඉන්දියාව කලාපයේ තවත් එක් රටක් ලෙස පමණක් සලකන්නැයි ඉල්ලා සිටීමයි.  මේ වනාහි ලංකාවේ සමස්ත ඉතිහාසයට ම පටහැණි කතාවකි. මන්ද, ලංකාවට කිසිදු කලෙක ඉන්දියාව තවත් එක රටක් පමණක් වි නැත. ඉන්දියාව හැමදාමත් ලංකාව සමග සුවිශේෂ සම්බන්ධයක් තිබුණු රටකි. ඉන්දියාවෙන් ලංකාවට මෙන් ම ලංකාවෙන් ඉන්දියාවටත් සිදු වූ බලපෑම් අති මහත් ය. ජාතික හෙළ උරුමයේ අඟේ ඉඳන් කන කෑමේ උපාය මෙම යෝජනාවෙන් කදිමට ප්‍රදර්ශනය වේ. අන්තවාදීන් පිරිසකගේ බලය සඳහා වූ පටු පරමාර්ථ සාධනය කර ගැනීම පිණිස ඉදිරිපත් කරන මෙවැනි කේවට්ට උපදෙස් ක්‍රියාත්මක කළහොත් සිදු වනු ඇත්තේ ලෝකයෙන් හුදකලා වි සිටින ලංකාව කලාපයෙන් ද හුදකලා වීම බව පාලකයන්ට වැටහිය යුතු ය.  තවත් විස්තර මෙතැනින් මේ ලිපියට ඔබ කැමති නම් වෙන අයත් එක්කත් බෙදා ගන්න

ජාතික හෙළ උරුමයට හා ජාතික නිදහස් පෙරමුණට පාඩු ලබන හා අසාර්ථක ව්‍යාපාර රජයට පවරා ගැනීමේ හෙවත් ඌණ ක්‍රියාකාරී ව්‍යවසායන් සහ ඌන උපයෝජිත වත්කම් පුනරුදය කිරීමේ පනතට විරුද්ධව ඡන්දය දීම සඳහා කශේරුකාවක් නොමැති වීම නිසා ජාතියේ පිනට පහළ වූ පාඨලී චම්පික රණවක, විමල් වීරවංශ වැනි වීරෝදාර මන්ත්‍රීවරු ඡන්ද විමසන වේලාවේ පාර්ලිමේන්තුවේ වැසිකිළිවල හැංගුණ බව වාර්තා වේ. හෙට අනිද්දා මහ තැන මේ පිළිබඳව විමසූ කල ඒ වෙලාවේ තමන්ට මාර බඩේ අප්සෙට් එකක් ආ බව කියන්නට එතුමන්ලාට පුළුවන. ඕනෑ නම් වෙද මහත්තයකුගෙන් මෙඩිකල් එකක් ඉදිරිපත් කරන්නට ද පුළුවන. ඒ වුණාට, හෙට අනිද්දා වන විට උන්නැහේලාගේ අමාත්‍යංශවල දූෂණ පිළිබඳ හෙළිදරව් මාධ්‍ය මගින් ප්‍රචාරය වන විට නම් ඇත්තට ම බඩ බුරුල් වෙනු ඇත. ඒ වුණාට........................... අතීසාරෙට අමුඩෙ ගැහුවාට වැඩක් නැත. මේ ලිපියට ඔබ කැමති නම් වෙන අයත් එක්කත් බෙදා ගන්න

(2011 අගෝස්තු 02   W3Lanka )  ශ්‍රී ලංකා ඉතිහාසයේ හෝ ඇතැම් විට ලෝක ඉතිහාසයේ ම නගරාධිපති ධුරයට පත් වූ පළමු භික්ෂූන් වහන්සේ ලෙස වාර්තා තැබූ බවට උදම් අනමින් වේවැල්දුවේ ඥානප්‍රභ හිමි  හෙට උදේ 11.22 යෙදෙන සුබ මොහොතින් ඇඹිලිපිටිය නගර සභාවේදී වැඩ භාර ගනිති. ජාතික හෙළ උරුමය නියෝජනය කරමින් එක්සත් ජනතා නිදහස් සන්ධානයෙන් ඇඹිලිපිටිය නගර සභාවට තරඟ කළ මේ හාමුදුරුවෝ මනාප ඡන්ද 5895 ක් ලබා ගත්කේ ය. ඒ හාමුදුරුවන් මේ තනතුර ලබා ගත්තේ මාරාන්තික උපවාස කරන බවට ආණ්ඩුවට තර්ජනය කරලා ය. නගරාධිපතිවර්න්ට මස් කඩවලට බලපත්‍ර දෙන්නට වන නිසා එම තනතුර හාමුචුරුවන්ට සුදුසු නැති බවට වැරදි කතාවක් එක්සත් ජනතා නිදහස් සන්ධානයේ ලේකම් සුසිල් ප්‍රේම ජයන්ත කලින් කීවේ ය.  ලංකාවේ බොහෝ මස් කඩ තිබිණි. ඒවා බොහොමයක් පවත්වාගෙන ගියේ අධිපති හාමුදුරුවන්ගේ ද නිහඬ අන්මැතිය යටතේ ය. 1989 වකවානුවේ පැවති මස් කඩවල කොක්කේ හාමුදුරුවරු ද එල්ලන ලදී. මේ වන විට හාමුදුරුවරු ලංකාවේ පාර්ලිමේන්තුව, පළාත් සභාල, පළාත් පාලන ආයතනල ආදී දේශපාලන ආයතන හැම එකක ම ප්‍රධාන චරිත වී ඇත. තවම හාමුදුරුවරයකු ඇමති පදවියක් නම් දරා නැත. ඊළඟ කැබි...

සිල් බි‍‍ඳෙන මෙවැනි ඇඳුම් ගැහැනුන්ට ඇන්දවීමේ ක්‍රිස්තියානි කුමන්ත්‍රණ පැරදවිය යුතු ය.  (2011 මැයි 07,   W3Lanka )  බුදු දහම අනුව, ගෘහස්ථ සීලයේ හෙවත් ගිහි සීලයේ මූලික කොටස් වන්නේ පන්සිල්, අටසිල්, ආජීව අට්ඨමක සිල්, නවාංග සිල් හා දස සිල් ය. දස සිල් සමාදන් වීම ඉතා හොඳ දෙයකි. දස සිල් නැතත්, දේශපාලකයන් නම් පන්සිල් රැක්කත් රටට සේවයකි. අඩු තරමේ සතුන් හා මිනිසුන් මැරීම, සොරකම් කිරීම හා බොරු කීම නැවැත්වීම ලොකු දෙයකි. මේ තුන නො කර දැන් දේශපාලනය යයි කියන දෙය කරන්නේ කෙසේදැයි අපෙන් ඇසීමෙන් වළකින්න. කාමයෙහි වරදවා හැසිරීම හා මත් වීම මුළුමනින් ම නැවැත්වීම ගැන නම් අපි කතා නො කරමු. අපේ චම්පික රණවක ඇමතිතුමාත් ඔහුගේ ප්‍රධාන සහචරයන් දෙදෙනා වන උදය ගම්මන්පිල හා නිශාන්ත ශ්‍රී වර්ණසිංහත් හෙට හිස මුඩු කර දස සිල් සමාදන් වන බව අසා අපි මහත් ප්‍රීතියට පත් වුණෙමු. ඇත්තෙන් ම, එය ඔවුන් විසින් මෙතෙක් කරන ලද ‍දේශපාලනය උඩු යටිකුරු කරන දැවැන්ත ප්‍රතිපත්තිමය තීන්දුවකි. තට්ටෙ බාන බොහෝ දෙනාට මෙන් එතුමන්ලාට ඉස්සරහින්, මැදින් තට්ටෙ පෑදීමේ ප්‍රශ්නයක් ද නැත. නවීන විලාසිතා අනුව යාම බුදු දහම තරුණ පරපුර ...

(2011 මාර්තු 29,   W3Lanka )  ආණ්ඩුව ඇතුළේ ජාතික හෙළ උරුමයත්, ශ්‍රී ලංකා නිදහස් පක්ෂයත් අතර මහා සංග්‍රාමයක් ඇවිළී තිබේ. මේ ගින්න ඇවිළෙන්නේ තෙල් හා විදුලිය උපයෝගී  කරගෙනයි. තේරෙන භාෂාවෙන් කියනවා නම් ඛනිජ තෙල් කර්මාන්ත ඇමති, එක්සත් ජනතා නිදහස් සන්ධානයේ ‍ප්‍රධාන ලේකම් හා ජ්‍යේෂ්ඨ ශ්‍රිලනිප නායක සුසිල් ප්‍රේම ජයන්තත් ජාතික හෙළ උරුමයේ සැබෑ නායක පාඨලී චම්පික රණවකත් අතරයි. මෙම ගැටුමට හේතුව චම්පික රණවක කැබිනට් සාමූහික වගකීම අමතක කර, තමන් වැඩකාරයා බව තනියෙන් පෙන්නමින් සෙස්සන් කපාගෙන යන්නට උත්සාහ කිරීමයි. ඔහුට අවශ්‍ය වී ඇත්තේ තමන් වනාහි පාඩු ලැබූ ආයතන ලාභ ලබන තත්වයට පත් කරන විශ්වකර්මයකු බව පෙන්වමින් අනාගත රාජ්‍ය නායකත්වය සඳහා සිය යෝග්‍යතාව ප්‍රදර්ශනය කිරීමයි. මෙය කරනු ලබන්නේ ප්‍රධාන වශයෙන් ම දැවැන්ත මාධ්‍ය සංදර්ශනයකිනි. තම අමාත්‍යංශය යටතේ ඇති ආයතනවල පාඩු වෙනත් අමාත්‍යංශ යටතේ ඇති ආයතන වෙත පවරා ලාභ පෙන්වීම චම්පිකගේ විශ්වකර්ම න්‍යායයි. අප මෙම ගැටුමේ මුල් අවධිය  සුසිල් ප්‍රේම ජයන්ත අතට දරුවා දී කන්‍යාවක් සේ පෙනී සිටින චම්පික රණවක   නම් ලිපියෙන් විස්තර කළෙමු. දැන් ...

( 2010 දෙසැම්බර් 27,  W3Lanka )  ගංගොඩවිල සෝම හිමියන් අපවත් කර  දෙසැම්බර් 12දාට සත් වසරකි. අපවත් කිරීම යන නව යෙදුම සිංහල වාග් කෝෂයට එකතු වුණේ එහිමියන්ගේ අභාවයත් සමගයි.  දැඩි ලෙස රෝගාතුරව සිටි සෝම හිමියන් ශීත ඍතුවේ රුසියාවට යන්නේ ශාන්ත පීටර්ස්බර්ග් සරසවියෙන් ආචාර්ය උපාධියක් ලබා ගන්න‍ටයි.  සෝම හිමියන් අපවත් කිරීම පිණිස එරටට ගෙන්වා ගැනීමට මෙම ආචාර්ය උපාධිය (ඇමක් ලෙස) පාවිච්චි කරන ලද බවට එදා සිහල උරුමය විසින් චෝදනා කරන ලදී.  මරණය පිලිබදව තොරතුරු අනාවරණය කිරීම සදහා කොමිෂමක් පත් කරන ලදී.මෙම කොමිෂම මගින් පරීක්ෂණ දෙකක් පවත්වනු ලැබූ අතර මෙම කොම්ෂමේ සාමාජිකයන් තිදෙනෙකුගේ අවසන් නිගමනය වුයේ එම මරණය ඕනෑකමින් කරන ලද්දක් බවයි. එක් කොමිෂන් සාමාජිකයකු පවසුවේ ඒ සදහා සාක්ෂි නොමැති බවයි. සෝම හිමියන් අපවත් කිරීමෙන් සය වසරකට පසු පොලිස්පති මහින්ද බාලසූරිය ද එම විශ්ව විද්‍යාලයට යන්නේ ය. ඒ පරීක්ෂණයක් පැවැත්වීමට නොව ආචාර්ය උපාධියක් ලබා ගැනීමටයි. එහෙත්, ඔහු ඝාතනය කිරීමක් නම් සිදු වූයේ නැත.  ආචාර්ය උපාධි පිරිනැමීම සඳහා ඒ ඒ විශ්ව විද්‍යාලවලට අනන්‍ය වූ ක්‍රමවේද තිබ...

කලකදි රහලු - කලකදි වහලු (2010 පෙබරවාරි 19- W3Lanka )   සරත් ෆොන්සේකා අත්අඩංගුවට ගැනීම එක්සත් ජනතා නිදහස් සන්ධානයේ අපේක්ෂාවන්ට අහිතකර අන්දමින් බලපානු ඇති බව ඉදිරි මැතිවරණයේදී ඔප්පු වන බව ජාතික හෙළ උරුමයේ ජාතික සංවිධායක නිශාන්ත ශ්‍රී වර්ණසිංහ පැවසූ බව අද 'දි අයිලන්ඩ්' පුවත්පත වාර්තා කළේය.  එහෙත්, ඒ බව නොතකා ෆොන්සේකාට එරෙහිව පියවර ගැනීම හැර අන් විසඳුමක් රජය‍ට නොතිබුණු බව ඔහු පෙන්වා දෙයි.  සරත් ෆොන්සේකාට එරෙහිව මෙතෙක් කිසිදු චෝදනාවක් ඉදිරිපත් කර නැත. එහෙත්, සේනාධිනායක මහනිද රාජපක්ෂට එරෙහිව කුමන්ත්‍රණය කිරීම, දේශපාලනය කිරීම හා අවි මිළ දී ගැනීම්වලදී වංචා සිදු කිරීම වැනි චෝදනා මත ඔහුට විරුද්ධව නඩු පවරනු ඇති බව රජයේ හා හමුදාවේ ප්‍රකාශකයෝ පවසති.  හමුදාවේ සිටිද්දී සරත් ෆොන්සේකා දේශපාලනය කළ බවට ඔහුට එරෙහිව චෝදනා එල්ල කරනමුත් ඔහු කිසිදු මැතිවරණයකට තරග කළ හෝ කිසිදු අපේක්ෂකයකුට සහයෝගය දැක්වූ හෝ බවට වාර්තා නැත. ඔහු විසින් සම්බන්ධකම් පවත්වන ලද දේශපාලකයන් අතර ජාතික හෙළ උරුමයේ අය ද සිටිති.  එම පක්ෂයේ නායක චම්පික රණවක යුද්ධ නොකළමුත් යුද්ධ කරන හැටි ගැන යුද්ධයෙන් පසු ...

එකට කෑවත් බොක්ක වෙනස් (2010 පෙබරවාරි 19- W3Lanka )   "එක පෝස්‌ටරයකට අවම තරමින් රුපියල් 20 ක්‌ වත් වැය වෙනවා. එක්‌ අපේක්‌ෂකයකු පෝස්‌ටර් සඳහා මිලියන 3 1/2 ක පමණ මුදලක්‌ වැය කරනවා. පී. වී. සී. කටවුට්‌ ගහනවා. පොලිතින් සැරසිලි සිදුකරනවා. මෙයින් සිදුවන විනාශය අතිවිශාලයි. මේ අප ගෙවා දමමින් සිටින වසර හය ඉතාමත් තීරණාත්මක කාලයක්‌. මේ දශකයේදී ලෝකය පාරිසරික විනාශයෙන් ගොඩගත නොහැකි වුවහොත්, ඒ වරද අපට නැවත හදන්නට බැහැ. ලෝකයේ විනාශයට එය හේතුවක්‌ වෙනවා. එනිසා මම සියලු පක්‌ෂවල අපේක්‌ෂකයන්ගෙන් ඉල්ලා සිටින්නේ පොලිතින් ප්ලාස්‌ටික්‌ වැනි දූෂක මගින් අනාගත දරුවන්ගේ අයිතිය උදුරා නොගන්නා ලෙසයි." ජාත්‍යන්තර ජෛව විවිධත්ව වසර වෙනුවෙන් පැවති උත්සවයකදී  මෙම කාලීන ප්‍රකාශය කළේ පරිසර හා ස්වභාවික සම්පත් ඇමති හා ජාතික හෙළ උරුමයේ සැබෑ නායක චම්පික රණවකයි. දැයේ දරුවන්ගේ අනාගතය විනාශකරමින් ජනතාවගේ ඇසට, කනට, හිතට, මනසට, පරිසරයට පොලිතින් ප්ලාස්‌ටික්‌ දූෂණය සිදුකරන්නාවූ කවර හෝ තරාතිරමක අපේක්‌ෂකයකු මැති සබයට පත්නොකරන්නැයිද ඇමැතිවරයා ඉල්ලා සිටියේය. ඇමති චම්පික රණවකගේ මැතිවරණ ප්‍රචාරක ව්‍යාපාරය පරිසර හිතකාමී,...

(2009 නොවැම්බර් 07 - W3Lanka ) 2004 පාර්ලිමේන්තු මැතිවරණයේදී යම් යම් උප්පරවැට්ටි මගින් පාර්ලිමේන්තුව ආක්‍රමණය කළ, දැන් මහින්ද රාජපක්ෂ ජනාධිපතිතුමාගේ ජනප්‍රියත්වයේ එල්ලීවත් ඊළඟ පාර්ලිමේන්තු මැතිවරණය ගොඩ ඒමට බැරි ව සිටින ජාතික හෙළ උරුමයේ පාර්ලිමේන්තු මන්ත්‍රී හිමිවරු ඊළඟ ඡන්දය ඉලක්ක කරගෙන වැඩට බැස ඇත. කොටි සංවිධානය නමැති බිල්ලා දැන් නොමැති බැවින් දැන් ඔවුන් යළිත් ක්‍රිස්තියානි ශුභාරංචි ආගමික කණ්ඩායම් අල්ලාගෙන ඇති අතර පසුගිය දිනෙක කොළඹ විහාර මහා‍ ‍දේවි එළිමහන් රංග පීඨයේ පැවති යාඥා මෙහෙයකදී පුද්ගලයන් දෙදෙනෙකු මිය යාම ඔවුන්ට කදිම අවස්ථාවක් සපයා දී තිබේ. මෙසේ මිය ගිය එක් කාන්තාවක් මාතලේ ප්‍රදේශයේ බෞද්ධ ගුරුවරියක වේ. මෙම යාඥා මෙහෙය අතරතුරදී ඇය ගිලන්ව ඇති අතර ඇයට ප්‍රතිකාර ලබා දී නැත. ජීවිත හානි සිදු කරන මෙවැනි මිථ්‍යා පතුරුවා හරින්නන්ට එරෙහිව නීතිය ක්‍රියාත්මක කිරීම අත්‍යවශ්‍ය ය. එහෙත්, නීතිය ක්‍රියාත්මක කිරීමට වගකිව යුතු ආයතන තිබියදී වෙනත් බලවේගවලට නීතිය අතට ගැනීමට ඉඩ නො තැබිය යුතු ය. නොවැම්බර් 05දා හෙළ උරුමයේ නායක එල්ලාවල මේධානන්ද හිමි විසින් මෙහෙයවන ලද පිරිසක් තලංගම කොස්වත්ත ප්‍රදේශය...

(2009 ඔක්තෝබර්  23 - W3Lanka ) "විධායක ජනාධිපති ක්‍රමය අහෝසි කළ යුතු බවට ජනතා විමුක්ති පෙරමුණ කියනවා. විධායක ජනාධිපති ක්‍රමය ඇති කළේ එක්සත් ජාතික පක්ෂයයි. අද යෝජනාව ඉදිරිපත් කරන්නෙ ජ. වි. පෙ. ස්ථිර කරන්නෙ එජාපය. මෙන්න දේශපාලන අවස්ථාවාදය." මෙසේ පවසන්නේ ජාතික හෙළ උරුමය නියෝජනය කරන ඇමති චම්පික රණවකයි. ඔහු මෙම අදහස් දැක්වූයේ ඊයේ පාර්ලිමේන්තුවේ සභාව කල් තබන අවස්ථාවේ විධායක ජනාධිපති ක්‍රමය අහෝසි කළ යුතු බවට ජවිපෙ මන්ත්‍රී විජිත හේරත් විසින් ඉද්රිපත් කරන ලද, එජාප මන්ත්‍රී ජෝසප් මයිකල් පෙරේරා විසින් ස්ථිර කරන ලද යෝජනාව පිළිබඳ විවාදයේදී ය.  ඇමති රණවක මෙසේ ද පැවසීය. "ජනතා විමුක්ති පෙරමුණ චන්ද්‍රිකා බණ්ඩාරනායක මැතිණිය සමඟ සන්ධාන ගතවුණා. මේ අය විධායක ජනාධිපති ක්‍රමය නිවැරදි ලෙස පාවිච්චි කළ යුතුය යන මතයේ සිට චන්ද්‍රිකා සමඟ ගිවිසුම් ගැහුවා. ඒ වගේ ගිවිසුම් ගහපු ජනතා විමුක්ති පෙරමුණ අද කියනව, විධායක ජනාධිපති ක්‍රමය අහෝසි කළ යුතුයි කියා." 2003 වසරේ නොවැම්බර් මුල එවකට පැවති එක්සත් ජාතික පක්ෂ රජයේ ප්‍රධාන ඇමති තනතුරු තුනක් විධාය ජනාධිපති බලතල පාවිච්චි කරමින් පවරා ගැනීම ස...

(2009 ඔක්තෝබර්  21 - W3Lanka ) බස්‌නාහිර පළාත් සභාවේ කෘෂිකර්ම ගොවිජන සංවර්ධන සුළුවාරිමාර්ග සහ පරිසර කටයුතු පිළිබඳව ඇමැති උදය ගම්මන්පිල පළාත් සභාවේ ඇමතිවරයකු ලෙස සියලු වරප්‍රසාද භුක්ති විඳිමින් ම පළාත් සභා ක්‍රමය හෙළා දැකීම හේතුවෙන් පළාත් සභාවේ විපක්ෂය වන එක්සත් ජාතික පක්ෂය ඔහුට එරෙහිව විශ්වාස භංග යෝජනාවක් ඉදිරිපත් කිරීමට කටයුතු යොදා ඇත. එජාපයේ තර්කය වන්නේ ගම්මන්පිල ආණ්ඩු ක්‍රම ව්‍යවස්ථාව උල්ලංඝනය කරන බවයි. එහෙත්, ආණ්ඩු ක්‍රම ව්‍යවස්ථාව විවේචනය නො කළ හැකි යයි එහි කොතැනකවත් සදහන් වන්නේ නැත. විවේචනය කළත් නො කළත් රටේ පුරවැසියන් ආණ්ඩු ක්‍රම ව්‍යවස්ථාව අනුව කටයුතු කළ යුතුව තිබේ. එජාපයේ තර්කය පුස්සකි. ඒම තර්කය මත පදනම්ව කටයුතු කළොත්, විධායක ජනාධිපති ක්‍රමය රටට හඳුන්වා දුන් එජාපය දැන් එය වෙනස් කරන්නට යෝජනා කිරීම එජාපයට එරෙහිව විශ්වාස භංගයක් සඳහා ද නිමිත්තක් වේ. ව්‍යවස්ථා හදන්නේත්, ඒවා ප්‍රතිසංස්කරණය කරන්නේත් පුරවැසියන් ම බව එජාපයට අමතක වී තිබේ. පළාත් සභා ක්‍රමය සුදු අලියකු බව මුළු රට ම දනී. ජාතීන්ගේ ප්‍රශ්නයට විසඳුමක් ලෙස ගෙන ආ එය...

(2009 සැප්තැම්බර් 12 - W3Lanka) ජාතික හෙළ උරුමයේ පාර්ලිමේන්තු මන්ත්‍රී අතුරලියේ රතන හිමියන්ට රාජ්‍ය ආරක්ෂක අමාත්‍යංශය විසින් දන් දී තිබෙන මහජන දේපලක් වන සුඛෝපභෝගී මෝටර් රථය වෙනත් හිමි නමක් වඩම්මාගෙන පාරේ ධාවනය වද්දී කහ ඉර දිගේ පාර මාරු වෙමින් සිටි වැසියකු එම වාහනයට යට වී පරලෝකප්‍රාප්ත වී තිබේ.  සැප්තැම්බර් 10දා රාත්‍රියේ මෙම අනතුරින් මියගොස්‌ ඇත්තේ රාජකාරි නිමකර ගෙදර යමින් සිටි කැලණිය විශ්වවිද්‍යාලයේ කාර්මික නිලධාරියකු වන 39 හැවිරිදි සුසිල් දේවප්‍රිය මල්ලවආරච්චි නමැති එක්‌දරු පියෙකි.  පාරේ ගමන් කරන මහජනයා අළුයම ලූ කෙළ පිඬක් තරමට ගණන් නොගෙන බුදුන් නසන්නට දුව ආ නාලාගිරි ඇතා සේ පාරේ ධාවනය වන දේශපාලක නිල රියකට ගොදුරු වූ පළමු අහිංසකයා මොහු නොවේ. එහෙත්, ධර්ම රාජ්‍යයක් කරා රට මෙහෙයවන්නට ජාතියේ පිනින් පහළ වූ ජාතික හෙළ උරුමයේ රථ ගායට යට වූ පළමු පිංවතා ලෙස ඔහු ඉතිහාසගත වෙයි.

රජය 13වන ආණ්ඩු ක්‍රම ව්‍යවස්ථා සංශෝධනය පූර්ණව ක්‍රියාත්මක කිරීමට හෝ එය ඉක්මවා යන බලය බෙදීමකට යාමට උත්සාහ කළහොත් ජාතික හෙළ උරුමය රජයෙන් ඉවත් වන බවට නිල වශයෙන් අනතුරු ඇඟවීමක් පක්ෂයේ ප්‍රධාන ක්‍රමෝපාය විශේෂඥවරයා වන පරිසර ඇමති චම්පික රණවක ඊයේ නිකුත් කළේය. මෙම වැදගත් අනතුරු ඇඟවීම විසින් පෙන්නුම් කරනු ලබන්නේ ජාතික හෙළ උරුමය රජයට සම්බන්ධ ඇමති තනතුරකින්, මන්ත්‍රී, පළාත් සභික ආදී තනතුරු කීපයකින් සෑහීමට පත් නොවී බල දේශපාලනය තුළ අභියෝවලට මුහුණ දෙමින් ඉදිරියට යාමට සූදානමින් සිටින බවයි. මෙය හෙළ උරුමයේ ප්‍රධාන තරගකරුවා වන ජවිපෙටද අභියෝගයක් වේ. පසුගිය කාල පරිච්ඡේදයේදී ජවිපෙ දේශපාලන ගමන් මාර්ගය සලකුණු වූයේ චම්පික රණවක විසින් තෝරන ලද උපාය මාර්ග ඔස්සේ බව ප්‍රකට කරුණකි. කොටි සංවිධානයේ පරාජයත් සමග රජය තුළ 13වන ආණ්ඩු ක්‍රම ව්‍යවස්ථා සංශෝධනයට පක්ෂ හා විරුද්ධ වශයෙන් කණ්ඩායම් දෙකක් ප්‍රබලව ඉස්මතු වී තිබේ. 1987දී ඉන්දීය බලපෑම මත ක්‍රියාත්මක කරන ලද 13වන ආණ්ඩුක්‍රම ව්‍යවස්ථා සංශෝධනය යටතේ 1988දී පළාත් සභා පිහිටුවන ලදී. එහෙත් ඉඩම්, පොලිස් බලතල වැනි පූර්ණ බලයක් තවමත් පළාත් සභාවලට ලබා දී නැත. පළාත් සභා ප...