W3Lanka: Praja.lk Backup

ශ්‍රී ලංකා නිදහස් පක්ෂයේ මේ වන විට ඇති වී තිබෙන අර්බුදය විසින් නිරූපණය කරන ප්‍රබල කාරණාවක් තිබේ. අද ලංකාවේ තිබෙන කිසිදු දේශපාලන පක්ෂයක අභ්‍යන්තර ප්‍රජාතන්ත්‍රවාදයක් නැත. ප්‍රජාතන්ත්‍රවාදී දේශපාලන සංවිධාන නැති රටක දේශපාලනය තුළ ප්‍රජාතන්ත්‍රවාදය භාවිතාවක් බවට පත් වන්නේ නැත. ශ්‍රීලනිපය මෙන්ම එක්සත් ජාතික පක්ෂය ද ව්‍යවස්ථානුකූලව ම නායකයාට ඒකාධිපති බලතල හිමි වන පරිදි නිර්මානය කරන ලද පක්ෂයි. ඒවායේ මෑත ඉතිහාසය තුළ දෙවන පෙළ නායකයන් බිහි වී නැත. එක් නායකයකුගෙන් තවත් නායකයකු අතට බලය මාරු වන්නේ ප්‍රචණ්ඩ පසුබිමක් තුළයි. මේ වන විට ශ්‍රීලනිපය තුළ සිදු වෙමින් තිබෙන්නේ ද එයයි. මෙම පක්ෂවලට විකල්ප ලෙස පෙනී සිටින ජනතා විමුක්ති පෙරමුණ, පෙරටුගාමී සමාජවාදී පක්ෂය වැනි ස්ටාලින්වාදී වාමාංශික පක්ෂ දැඩි ලෙස දේශපාලන මණ්ඩලයේ ආධිපත්‍යයට යට වී තිබේ.  දේශපාලනයට පිවිසෙන්නට කැමති තරුණයකුට ඉදිරියට යා හැකි මාවතක් සහිත ප්‍රජාතන්ත්‍රවාදී පක්ෂයක් ලංකාවේ නැත. එජාප හා ශ්‍රීලනිප තුළ නම් කළ යුතු වන්නේ ප්‍රාදේශීය දේශපාලන බලධාරීයාගේ අන්තේවාසිකයකු වීමයි. පළාත් පාලන ආයතනයකට හෝ තරග කිරීමේ අවස්ථාව ලබා ගත හැක්කේ එමග...

පසුගිය දින 90ක පමණ කාලය තුළ ආණ්ඩුව විසින් කරන ලද කාර්යයන් ප්‍රමාණය මහින්ද රාජපක්ෂගේ නව වසරක දුර්දාන්ත පාලනය සමග සන්සන්දනය කළ විට කැපී පෙනේ. මූලික වශයෙන් ප්‍රජාතන්ත්‍රවාදය, අදහස් ප්‍රකාශනයේ නිදහස, නීතියේ ආධිපත්‍යය ඇති කිරීමට දරන ලද උත්සාහය ආදී කරුණු පැත්තෙන් ගත් කල ආණ්ඩුව අනිවාර්යයෙන් ම ප්‍රශංසා ලැබිය යුතු ය. රනිල් වික්‍රමසිංහ කියන පරිදි 'රනිල් වසලයා මරා දමනු' යි සමාජ මාධ්‍යවල ප්‍රසිද්ධියේ කියන්නට ඉඩ දෙන තත්වයක් තිබේ. එය වනාහි ප්‍රකාශනයේ නිදහස නොව වල් බූරු නිදහසයි. පසුගිය ආණ්ඩුවේ දූෂිතයෝ 'අපි හොරකම් කළා ය කියනවා නම් පුළුවන් නම් අල්ලපියව්' යි කියන්නට තරම් නිර්භීත වි සිටින්නේ ද ඡන්දයෙන් පත් වූ ජනාධිපතිවරයාට එරෙහිව කුමන්ත්‍රණය කරමින් සිටින්නේ ද මෙම වල්බූරු නිදහස නිසා ය. නීතිය හා සාමය ආරක්ෂා කර ගන්නට බැරි නිසා නැවත මරණ දඬුවම පැනවිය යුතු ය යන පසුගාමී අදහස ප්‍රවර්ධනය කරන්නට ඔහු යොමු වන්නේ ද ඩෙල්ෆ්ට් දූපතට පිටුවහල් කළ යුතු වල් බූරුවන්ට නො ගැලපෙන තනතුරු දුන් නිසා ය. අගමැතිවරයා ආර්ථිකය, අධ්‍යාපනය වැනි බැරෑරුම් විෂයන් භාර දී තිබෙන අය ගැන ද ගැටලු තිබේ. උපතින් ම ප්‍රෝඩාවට ...

ජනාධිපති මෛත්‍රීපාල සිරිසේන ශ්‍රී ලංකා නිදහස් පක්ෂයේ බලය තහවුරු කර ගනිමින්, පාලනය තීරණාත්මක ලෙස සියතට ගනිමින් සිටින බව පක්ෂයේ සිදු කර තිබෙන වෙනස්කම්වලින් පෙනේ.  හිටපු ජනාධිපතිවරුන්ට අමතරව දි.මු. ජයරත්න, රත්නසිරි වික්‍රමනායක හා අලෙවි මව්ලානා වැනි පක්ෂයේ පැරැන්නන් උපදේශක තනතුරුවලට පත් කර තිබේ. එස්. බී. නාවින්න (භාණ්ඩාගාරික), නිමල් සිරිපාල ද සිල්වා (ජ්‍යේෂ්ඨ උප සභාපති), ජෝන් සෙනෙවිරත්න (ජ්‍යේෂ්ඨ උප සභාපති), එස්.බී. දිසානායක (උප සභාපති), එම්.කේ.ඩී.එස්. ගුණවර්ධන (උප සභාපති), පියසේන ගමගේ (උප සභාපති) වැනි ජ්‍යේෂ්ඨයන් හා රාජිත සේනාරත්න (උප සභාපති) වැනි මෛත්‍රීපාල සිරිසේන හිතවතුන් ප්‍රධාන තනතුරුවලට පත් කර තිබේ. මහින්දගේ සහෝදර බැසිල් රාජපක්ෂගේ (ජාතික සංවිධායක) හා පසුගිය ජනාධිපතිවරණයේදී මෛත්‍රීපාල සිරිසේනට එරෙහිව දැඩි ක්‍රියාමාර්ග ගන්නට වහසි බස් දෙඩූ ඩලස් අලහප්පෙරුමගේ (භාණ්ඩාගාරික) තනතුරු අහිමි කර තිබේ. කරුණා අම්මාන්ගේ උප සභාපති තනතුර ද අහිමි කර තිබේ. කෙසේ වෙතත්, ශ්‍රීලනිපය සුළුතර ජාතීන්ගේ නියෝජිතයන්ට තනතුරු ලබා දිය යුතුව තිබේ. යෝධ පිම්මක් පැනීමට ශ්‍රීලනිපයට අවස්ථාවක් ලැබී තිබෙන බව අප...

තිස්ස අත්තනායක හා චන්ද්‍රානි බංඩාර ආණ්ඩුවට එක් වී ඇති බව වාර්තා වේ.  එය මහින්ද රාජපක්ෂගේ සාර්ථක ප්‍රති ප්‍රහාරයක් ලෙස බැලූ බැල්මට පෙනේ. අපේ ලේකම් තොපි ගත්ත නිසා අපි තොපේ ලේකම් ගත්තා. මෙහිදී තිස්ස අත්තනායකට කීයක් ගෙව්වා ද යන්න තවම හෙළි වී නැතත්, එය පොඩි ගණනක් වන්නට බැරි ය. මේ දේශපාලන න්‍යාය කුමක් ද? මෙය දේශපාලන න්‍යායක් නොව පාතාල චන්ඩින්ගේ න්‍යායකි. මෙමගින් ඇත්තෙන් ම පෙන්වන්නේ මහින්ද රාජපක්ෂ පාලනයේ තිබෙන ඒකාධිපති, අත්තනෝමතිකත්වය මිස වෙන කුමක් ද?  මෛත්‍රීපාල විපක්ෂ පොදු අපේක්ෂකයා ලෙස ඉදිරිපත් වීම හා තිස්ස අත්තනායක ආණ්ඩුවට එක් වීම සමාන ප්‍රතිවිරුද්ධ ක්‍රියා දෙකක් ලෙස දැකිය හැක්කේ දේශපාලනික අමනයන්ට පමණි.  මෛත්‍රීපාල ආණ්ඩුවෙන් එළියට එන්නේ අභියෝග රැසක් භාර ගනිමිනි. රාජපක්ෂවාදයේ අධමත්වය හමුවේ ජීවිතය පරදුවට තබමිනි. ඔහු පැමිණ නායකත්වය දෙන්නේ ප්‍රජාතන්ත්‍රවාදය හා යහපාලනය පිහිටුවීමේ ඓතිහාසික අරගලයකටයි. විධායක ජනාධිපති ක්‍රමය වෙනස් කිරීම එහි ප්‍රධාන අරමුණකි. එහිදී මෛත්‍රීපාල කියන පුද්ගලයා අමතක කර දැමිය හැකි ය. හේතුව, ඔහු ස්ථානගත වන්නේ දැවැන්ත සමාජ උවමනාවක් වෙනුවෙන් නිසා ය....

අද එක්සත් ජාතික පක්ෂයේ වැදගත් රැස්වීමක් පැවැත්වෙන බව වාර්තා වේ.  සජිත් ප්‍රේමදාසට පක්ෂයේ උප නායක ධුරය පිරිනැමෙන්නට යන බව වාර්තා වේ.  හරින් අනතුරු දරා ගනිමින් ළඳ කපා දුන් පසු සජිත් නාන්නට කැමැත්තෙන් එන ආකාරයක් දක්නට ලැබේ.  එක්සත් ජාතික පක්ෂයේ අභ්‍යන්තර සමගිය රටේ අනාගතය සම්බන්ධයෙන් වැදගත් ය. මන්ද, රට ගිලගෙන තිබෙන දූෂණ රැල්ල අඩපණ කිරීම සඳහා ආණ්ඩුව වෙනස් කළ යුතුව තිබේ. ඒ සඳහා මූලික හැකියාව තිබෙන්නේ එක්සත් ජාතික පක්ෂයට ය.  එය ස්ථිර විසඳුමක් නො වේ. එක්සත් ජාතික පක්ෂයේ උප නායක තනතුරකට යෝජනා වී තිබෙන රවි කරුණානායක වැනි අය ඇත්තට ම මහින්ද රාජපක්ෂ ආණ්ඩුවට ගැලපෙන මට්ටමේ දූෂිතයෝ ය.  අනෙක් පැත්තෙන් සජිත් ප්‍රේමදාස යනු එක්සත් ජාතික පක්ෂයේ පරාජය වෙනුවෙන් මිස ජයග්‍රහණය වෙනුවෙන් කිසිවක් කර නැති, අදක්ෂයකු හා ප්‍රතිගාමියකු වුවත්, පාක්ෂිකයන්ට හිස් බලාපොරොත්තුවක් වී ඇති අයෙකි. ඔහු මෙතෙක් මෙහෙයවුණේ නම් රාජපක්ෂ පාලනය තුළිනි. ඔහු වැනි අදක්ෂයන් නායකත්වයට පත් කර ගත් විට සිදු වනු ඇත්තේ අදක්ෂකම වසා ගැනීම සඳහා දිගින් දිගට ම නායකත්වය විවේචනය කිරීම පමණි. කෙසේ වෙතත්, මේ බලවේග ටික ...

ඌවේ ඡන්දය හෙට ය. එය තීරණාත්මක ය.  යුද්ධයෙන් පසු මහින්ද රාජපක්ෂ පාලනයට සරත් ෆොන්සේකා 2010දී කළ අභියෝගයට සමාන අභියෝගයක් ඌවෙන් ජවිපෙත්, එජාපයේ හරින් ප්‍රනාන්දුත් එල්ල කර තිබේ. නිල ඒකාබද්ධ විපක්ෂයක් බිහි වී නැතත්, විපක්ෂ සමගියක සේයාවක් හෝ දක්නට ලැබේ. මෙම අභියෝගය හමුවේ ආණ්ඩුවට ඌවේ පාලනය රැක ගැනීමට බැරි වුවහොත්, එය ආණ්ඩුව නමැති කඩදාසි කෝච්චියේ පෙරළීම ආරම්භ වන අවස්ථාව වනු නිසැක ය. එය වළක්වා ගැනීමට මොන දහං ගැටය ගැහුවත් ආණ්ඩුවට බැරි වනු ඇත. මේ ඡන්දය සම්පූර්ණයෙන් ම දූෂිත එකකි. එය කැඳවීම පවා කරන්නේ ආණ්ඩුවට අවශ්‍ය වාසිදායක වෙලාවට ය. ජනාධිපතිවරයා පවා රාජ්‍ය දේපල භාවිතා කරමින් ප්‍රසිද්ධියේ ම මැතිවරණ ප්‍රචාරණයේ යෙදුණේ ය. එතැනින් පහළට සෙසු අය ගැන කතා කර වැඩක් නැත.  දැන් උත්සාහ කරන්නේ දිනන විපක්ෂ අපේක්ෂකයන් කිහිප දෙනෙකු මිළ දී ගෙන ජනමතය විකෘති කරගෙන බලයේ එල්ලී සිටීමට ය.  මේ උත්සාහයන් පරාජය කිරීමට ජනතාව කටයුතු කළ යුතු ය. ඒ සඳහා විසඳුම වන්නේ ජවිපෙ වැනි පහසුවෙන් මිළ දී ගත නො හැකි බලවේග ශක්තිමත් කිරීමයි.  අනෙක් පැත්තෙන් හරින් වැනි තරුණ නායකයන් එක්සත් ජාතික පක්ෂයේ ඉදිරියට පැ...

ආණ්ඩුව වසින් මහජන නියෝජිතයන් මිළ දී ගන්නා සංදර්භය තුළ එක්සත් ජාතික පක්ෂයට දෙන ඔබේ ඡන්දයට වටිනාකමක් අපේක්ෂා කිරීම අතිශය දුෂ්කර ය. ඒ කියන්නේ එජාපයට ඡන්දය දීම ඇත්තෙන් ම ඡන්ද නාස්තියකි. එය වැළැක්වීමේ හැකියාවක් එජාප නායකත්වයට නැත. හේතුව, එජාපයේ ඉන්නේ ද ආණ්ඩුවේ ඉන්නා ජාතියේ ම කාලකන්නි අපතයන් පිරිසක් බැවිනි. ඔවුන්ට රටක්, ජාතියක්, ආගමක්, සමාජයක්, අම්මෙක්, අප්පෙක්, අනාගත පරපුරක් ගැන හැඟීමක් නැත. ඒ අතින් ඔවුන්ගේ නායකත්වයට වඩාත් සුදුසු අන් කවරෙක්වත් නොව මහ රජතුමා ම ය. යූඇන්පී අපේක්ෂකයන් හා සන්ධාන මහජන නියෝජිතයන් අතර තිබෙන එක ම වෙනස යූඇන්පීකාරයන්ගේ මහජන මුදල් ගසාකෑමට තිබෙන සුදහ ගින්දරේ තරම පමණි. ඒ ඔවුන්ට තවම අවස්ථාව නො ලැබුණු නිසා ය. එජාපයේ තිබෙන ලොකුම කොඩිවිනය සජිත් ප්‍රේමදාස ය. ඔහුට එක්සත් ජාතික පක්ෂය වෙනුවෙන් වැඩ කිරීම සඳහා කෝඳුරු තෙල් හත් පට්ටයත් මදි ය. ඔහු ක්‍රියාත්මක කරන්නේ තනිකර ම ආණ්ඩුවේ උපායමාර්ගයයි. එතැනින් පල්ලෙහාට අනෙක් අහවලුන්ගේ ද කෙරුවාව අඩු වැඩි වශයෙන් ඔය ටික ම ය. ඌව පළාත් සභා ඡන්දයෙන් පසු එජාපයෙන් හතරක් ආණ්ඩුවට එකතු වන බවට කරන ප්‍රචාරය ආණ්ඩුවෙ ම වැඩක් බව ඇත්ත ය. එහෙත්, එජ...

ප්‍රචණ්ඩත්වයට ප්‍රචණ්ඩත්වයෙන් පිළිතුරු දීමට යාමෙන් ප්‍රජාතන්ත්‍රවාදය තහවුරු වන්නේ නැත. මෙම ලිපියේ අග පළ වන පුවත උපුටා ගත්තේ දිනමිණ පුවත්පතෙනි. එහෙත්, එය සත්‍යයක් යයි මම විශ්වාස කරමි. ‍මන්ද, එම පුවතට මුල් වන පුද්ගලයාගේ හැසිරීම් රටාව අනුව, එය එසේ විය හැකි බවට සැකයක් නැත. මීට පෙර කීප වතාවක් ම මෙම බ්ලොගයේ මෙම මන්ත්‍රීවරයා පිළිබඳ සඳහන් කර තිබේ. නො දන්න එජාපය හා දන්න යකා ලිපියට හේතු වූ ප්‍රධාන චරිතය ද මොහු ම ය. ජනමාධ්‍යවලින් දේශපාලන චංඩි නිර්මානය කරනු ලැබේ. මර්වින් සිල්වා මීඩියා චන්ඩියෙකි. දැන්, දැන් ජනමාධ්‍යවලින් ම වල් දේශපාලකයන් ද බිහි කරනු ලැබේ. චන්ඩි යන අන්වර්ථ නමින් කාලයක් හැඳින්වුණු කල්ලි නායකයකු වන මොහු ද දැන් ජනමාධ්‍ය කැමරාවට අසු වෙමින් සිටියි. එය දරා ගැනීමේ බුද්ධිමය හැකියාව මොහුට තිබේ ද යන්න බරපතල ලෙස සැක සහිත ය මොහු නිසා, මතුගම ප්‍රදේශයේ ප්‍රජාතන්ත්‍රවාදී ජනතාවට සෑහෙන අනතුරක් මතු වී තිබේ. පුත්තුන්ගේ සටනේ එක් පාර්ශ්වයක් දැනටමත් මහජන මුදලින් ඡන්ද ව්‍යාපාරය ජයට ම ‍කර‍ගෙන යන ආකාරය දක්නට ලැබේ.  අනෙක් පුතාගේ තාරුණ්‍යයට හෙටක් වෙනුවෙන් මේ කියන චන්ඩි තාත්තා එක්සත් ජාතික ප...

පාරක් හදන විට එහි එක් පැත්තක් වසා වාහන තනි පැත්තට ධාවනය කිරීම සාමාන්‍ය ක්‍රමයකි. මෙහිදී බොහෝ විට එම මං තීරුව වාහන දෙකක් මාරු වීමට තරම් පළල් නැත. තනි පැත්තට ධාවනය කරන්නට සිදු වන්නේ ‍එහෙයිනි.  මේ වාහන හැසිරවීම කරන්නේ පොලිසිය විසින් නොවේ. මාර්ග කම්කරුවන් විසිනි. එහෙත්, ‍බොහෝ විට ඔවුහු එය ඉතා හොඳින් කරති.  මේ දවස්වල මේ ආකාරයේ ධාවනය මගේ ජීවිතයේ එදිනෙදා කොටසකි.අද අපූරු දෙයක් දුටුවෙමි. තනි පැත්තට ධාවනය කළ කොටසෙන් පිටතට පිවිසෙන විට ම වාගේ විරුද්ධ පැත්තෙන් ආ පැජරෝවක් තරමක වේගයෙන් තවමත් වසා තිබුණු පාරට දමා ධාවනය කළේ මාර්ගය හැසිරවූ පුද්ගලයා නො තකමිනි. එම පුද්ගලයා විසින් ප්‍රදර්හනය කරනු ලබන පුවරුවේ එක් පැත්තක රතු පාටින් ද STOP අනෙක් පැත්තේ කොළ පාටින් GO ද සටහන් ‍වී තිබේ. පැජරෝවේ රියදුරාට එය කියවා ගත නො හැකි වී ද  නො දනිමි. මා හඳුනා ගත් පරිදි රිය පදවාගෙන ගියේ එක්සත් ජාතික පක්ෂයේ මන්ත්‍රීවරයෙකි. එහෙම දෙයක් කළත් පුදුම විය යුතු නැති පන්නයේ කෙනෙකි.  එක්සත් ජාතික පක්ෂයේ හර්ෂ ද සිල්වා මන්ත්‍රීවරයා ආචාර්ය උපාධිධාරියෙකි. එහෙත්, අල්ලපු වත්ත සුද්ද කරන්නට ආ කම්කරුවකුට අතින් පය...

දයාසිරි ජයසේකර ද මහින්දගේ දෑත් ශක්තිමත් කරන්නට ගියේය.  දයාසිරි ගියේ ඔහුට තිබුණු කැපිලි නිසා ය, ඔහුට එජාපයෙන් අවස්ථාවක් නො ලැබුණු නිසා ය ආදී කතා තිබේ.  දයාසිරි ජයසේකර ජනප්‍රිය දේශපාලනඥයෙකි. ඔහු වැනි අය එක්සත් ජාතික පක්ෂයේ රඳවා ගන්නට බැරි වීම ඇත්තට ම නායකත්වයේ බරපතල දුබලකමකි. එහෙත්, ඔහු වනාහි දක්ෂ දේශපාලනඥයකු ය යන්න නම් පිළි ගත නො හැක. එහු සිංදු කියන්නට නම් දක්ෂයෙකි. බලය, ධනය හා වරප්‍රසාද ඔස්සේ ඔහු ආකර්ශනය කර ගන්නට හැකි වීම රාජපක්ෂ පවුල් පාලනයේ විශේෂ දක්ෂකමක් නො වේ. ඒ වනාහි දයාසිරි ජයසේකර චරිතයේ තිබෙන දීන ලක්ෂණයකි. අවසානයේදී ඔහු ද සන්ධානයේ සිටින සෙසු දීන බත්බැලයන් ද අතර වෙනසක් නැති බව ඔප්පු වී තිබේ. කොන්ද පණ ඇති මිනිස්සු කරන්නේ තමන්ට අවස්ථාවක් ලැබෙන තෙක් තනිව හෝ සටනේ යෙදී සිටීමයි. ප්‍රතිපත්ති පාවා දී, තමන්ගේ විවේචනයට ලක් වූ දුෂ්ටත්වයන් සමග ලජ්ජා විරහිත ලෙස සන්ධානගත වන්නට පුළුවන් මිනිස්සු වනාහි බලාපොරොත්තු තැබිය හැකි අය නො වෙති. ලංකා‍වේ කිසිදු දේශපාලන පක්ෂයක අභ්‍යන්තර ප්‍රජාතන්ත්‍රවාදයක් නැත. පක්ෂ නායකයන්ගෙන් සිය ගමනට සහයෝගයක් නො ලැබුණු තැන පක්ෂයේ සතුරු බලවේගය සමග එක්...

එක්සත් ජාතික පක්ෂයේ සාමාජිකත්වය අත්හිටුවා තිබෙන පාර්ලිමේන්තු මන්ත්‍රී අශෝක අ බේසිංහ කළ ප්‍රකාශයක් ඊයේ දෙරණ ප්‍රවෘත්ති තුළින් දුටිමි.  ඔහු කියන්නේ 18වන ආණ්ඩුක්‍රම ව්‍යවස්ථා සංශෝධනය ගෙන ආ වෙලාවේ ඔහුට රු. කෝටි පහක් හා සෞඛ්‍ය නියෝජ්‍ය ඇමතිකම දෙන්නට ආණ්ඩුවට කතා කළ බවත්, තමන් හොඳ නිසා නො ගිය බවත්ය.  ‍දැන් මේ ලංකාවේ දූෂණවලට එරෙහිව මාර සටනක් කරමින් සිටින රාජප්ෂ පවුල් ආණ්ඩුවට ඔන්න සාක්කි. මෙන්න ප්‍රශ්න: කෝටි පහක් දෙනවා කිව්වේ කවුරුද? එය අල්ලසක් නොවේද? අල්ලස් දීම මෙන්ම ගැනීමත් වරදක් නොවේද? අල්ලසක් දීමට තැත්කිරීම ගැන තොරතුරු වසන්කිරීම වරදක් නොවේද? අශෝක අබේසිංහගෙන් ප්‍රශ්න කරනවාද? අත්අඩංගුවට ගන්නවාද? නඩු පවරනවාද? පගාවට සෞඛ්‍ය නියෝජ්‍ය ඇමතිකම වැනි එකක් දෙන එක කොහොමද? එහෙම දෙන එකාගෙ ........ දුන්නා නම් ඔයිට වඩා හොඳ නැද්ද? මේ ලිපියට ඔබ කැමති වුණත්, අකැමැති වුණත් වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න -->

යූඇන්පීකාරයෝ උඩ බලාගෙන කෙළ ගසාගෙන, බඩ උලාගෙන මුත්‍රා කරගෙන, තමන්ගේ ම අසූචි තමන්ගේ ම කටේ රුවාගෙන සිය සැබෑ දේශපාලන ස්වරූපය පෙන්නුම් කළ හ.  සිරිකොත ඉදිරිපිට යකා නැටූ පිරිස ගෙන්වූයේ සජිත් ප්‍රේමදාස පාර්ශ්වය විසින් යයි කියනු ලැබේ. හැබැයි, කරු ජයසූරිය එජාප නායකයා කර ගන්නට බැරි වුණාට සජිත් ප්‍රේමදාස නම් පියවරක් ඉදිරියට පැමිණ ඇත.  දැන් කරු නිකම් ම නිකම් කරු ය. කරු දැරූ නියෝජ්‍ය නායකකම දැන් සජිත් ප්‍රේමදාස අතේ ය.  දැන් සජිත් කළ යුත්තේ සිය තනතුරින් ඉල්ලා අස් වී නායකකමට සුදුස්සා ලෙස තමන් විසින් ප්‍රවර්ධනය කරන ලද, එහෙත්, එජාප කෘත්‍යාධිකාරී මණ්ඩලය විසින් ප්‍රතික්ෂේප කරන ලද කරු ජයසූරියට තම පුටුව හෙවත් නියෝජ්‍ය නායකකම දීමයි.  එහෙම නැතිනම් ආවොත් කරු පායන බව කී හිරු පායන්නේ නැත.  සිරිකොත ඉදිරිපිට යූඇන්පී බූරුවන්ගේ ජල්ලිය විසින් පහත සඳහන් කරුණ ද සංකේතවත් කරනු ලැබේ. මේ ආණ්ඩුව වෙනස් කරන්නට අවශ්‍ය විශාල පිරිසකගේ බලාපොරොත්තුව වූ එක්සත් ජාතික පක්ෂයේ ඉදිරි ගමනක් හෙවත් ගෝ එකක් නැතිකම නිසා එජාප සාමාජිකයෝ හා හිතවත්තු කිපී සිටිති.  ආණ්ඩුව‍ට සෙට් වුණා ය කියා ද වැඩක් නැත. මෝ...

ජනාධිපතිවරයා මෝහන් ලාල් ග්‍රේරෝව ද ආණ්ඩුවට ගෙන ඇත. ආරංචි හැටියට ඊළඟ කැබිනට් සංශෝධනයේදී බන්දුල ගුණවර්ධන කැපී ග්‍රේරෝ අධ්‍යාපන ඇමති වන්නට ද ඉඩ ඇත. ටික දවසකින් ජනාධිපතිට ග්‍රේරෝ අමතක වන්නට ද පුළුවන.  ඇති තරම් මන්ත්‍රීන් සිටියදී, ඒ ඇමතීන්ට තෘප්තිමත් විය හැකි තරම් බලයක් ඇති අමාත්‍යංශ දෙන්නට බැරිව සිටියදී ජනාධිපතිවරයා තවත් මන්ත්‍රීන් විපක්ෂයෙන් බා ගන්නේ ඇයි? අපගේ නිරීක්ෂණ අනුව එහි අරමුණු කීපයක් ඇත. ආණ්ඩුවේ සිටින පිරිස් අතර සිය තත්වය රැක ගැනීම සඳහා ජනාධිපතිවරයා පසුපස යාමේ තරගකාරිත්වයක් ඇති කිරීමෙන් ඒ කිසිවකු ප්‍රබලයන් වීම වැළැක්වීමට පුළුවන. ඒ ඔස්සේ තමන්ගේ හා තම න්‍යෂ්ටික හා විස්තෘත පවුල්වලත්, සමීප හෙංචයියන්ගේත් බලය වැඩි කර ගැනීමට ඔහුට පුළුවන.  අනෙක් පැත්තෙන් ඔහු තෝරා, මිළ දී ගන්නේ එජාපය විසින් සිය මුල්‍ය අර්බුදය නිසා දේශපාලනයට දක්කාගෙන ආ සල්ලිකාරයන් ය. මුදල් ලැබෙන මාර්ග වැසී යාමෙන් එජාපයේ මුල්‍ය අර්බුදය තවත් උග්‍ර වෙයි. අනෙත් පැත්තෙන් ව්‍යාපාරිකයන්ට ආණ්ඩුව දී ඇති සංඥාවක් ද ඇත. ඒ වනාහි බිස්නස් හා විපක්ෂ දේශපාලනය යන දෙක ම කරන්නට ආණ්ඩුව ව්‍යාපාරිකයන්ට ඉඩ නො දෙන බවයි. ග්‍රේරෝ ආණ්...

විපක්ෂ නායක රනිල් වික්‍රමසිංහ මහත් අවාසනාවන්ත තත්වයකට පත් වෙමින් සිටියි.  ජාත්‍යන්තර වශයෙන් කෙතරම් කීර්තිමත් තත්වයකට පත් වුව ද, රට තුළ ඔහු පත් වී ඇති ඛෙදජනක තත්වය හමුවේ ඔහුගෙන් ඔහුගේ පංතියට අවශ්‍ය සේවය ඉටු කර ගැනීමට නො හැකි තත්වයක් මතු වී ඇත.  ඔහුට එල්ල කරනු ලබන අලුත් ම චෝදනා වන්නේ සමලිංගික චෝදනා ය. ඔහුට එරෙහිව එල්ල කර ඇති චෝදනා මාලාවේ 16වන චෝදනාව වන්නේ පක්ෂ නායකයා මාතර දිස්ත්‍රික් මන්ත්‍රී බුද්ධික පතිරණට ලිංගික යෝජනාවක් ඉදිරිපත් කර ඔහු එයට අකැමැති වූ පසු බුද්ධිකගෙන් පළි ගැනීමේ ක්‍රියාමාර්ග ගත් බවයි.  මේ ඉලංදාරියා හිටි හැටියේ එජාපයේ නායකයන් වූයේ කෙසේ ද යන්න ද සොයා බැලීම වටී. ඒ කාලයේ ඔහු අපයෝජනයට ලක් වුණා නම්, එය ද වැරදි විය යුතු ය.  පක්ෂ නායකයාගේ ක්‍රියාකලාපය හේතුවෙන් මව්පියන් තරුණයන් පක්ෂ කටයුතු සඳහා එවීමට අකැමැති බව ද චෝදනා පත්‍රයේ සඳහන් වන බව ලක්බිම නිව්ස් පුවත්පත වාර්තා කරයි.  අපි ප්‍රතිපත්තියක් ලෙස සමලිංගිකත්වය හෝ විෂම ලිංගිකත්වය යන දෙකින් එකක් වඩා හොඳ යයි හුවා දක්වන්නේ නැත. ඒ වනාහි පුද්ගල නිදහස හා බැඳුණු තත්වයකි. මේ දෙක ම මිනිස් සමාජයේත්, වෙනත්...

සජිත් ප්‍රේමදාස පාර්ශ්වය විසින් රනිල් වික්‍රමසිංහ එළවීම සඳහා ඊයේ දියත් කරන ලද දැවැන්ත උද්ඝෝෂණය පක්ෂ කෘත්‍යාධිකාරී මණ්ඩල රැස්වීමේදී නායකත්වයේ වෙනසක් ඇති වන තීන්දුවක් ගැනීමට බල පෑ බවක් වාර්තා නො වේ.  කැරලිකාර පිලේ සජිත් ප්‍රේමදාස, කරු ජයසූරිය, දයාසිරි ජයසේකර හා රංජිත් මදුදුම බංඩාර මෙම කෘත්‍යාධිකාරී මණ්ඩල රැස්වීමට සහභාගි වූ මුත්, රෝසි සේනානායක, සුජීව සේනසිංහ ඇතුළු සිය පිළේ ක්‍රියාකාරිකයන්ට එරෙහිව විනය පරීක්ෂණ පැවැත්වීමේ තීන්දුවට එරෙහිව හෝ ප්‍රබල මැදිහත්වීමක් කර නැති බව වාර්තා වේ.  සජිත් ප්‍රේමදාස මෙම රැස්වීමේදී බිසි බිල්ලකු සේ කිසිත් නො දොඩා සිටි බව ඇතැම් මාධ්‍ය වාර්තා කරන අතර, තවත් මාධ්‍ය පවසන්නේ ඔහු සිය දුක්ගැනවිලි කියා, 2011 මාර්තු 23 එකඟ වූ පරිදි සහයෝගයෙන් වැඩ කිරීමට කැමැත්ත පළ කළ බවයි. කැරලි ගසා එළියේ ජවුසන් නටන මෙම එජාප නායකයන් පක්ෂ නායක රනිල් වික්‍රමසිංහ සර් ඉදිරියේ ඇඹරෙන බව පක්ෂ සාමාජිකයෝ කියති. කෘත්‍යාධිකාරී මණ්ඩල රැස්වීමේදී රනිල් වික්‍රමසිංහට ඉල්ලා අස් වී නායකත්වය කරු ජයසූරියට භාර දෙන ලෙස කියන්නට කිසිවකුට 'ගට' නො තිබුණු බව ද වාර්තා වේ.  කෙසේ වෙතත් එකක් ...

බලාගෙන යනකොට මේ රටේ යූඇන්පීකාරයෝ තවමත් පණ පිටින් ඉන්නවා ය. එහෙම දහ පහළොස්දාහක් අන්න විපක්ෂ නායක කාර්යාලය ළඟ රනිල් එළවන්නට යකා නටනවා ය.   එජාපයට තිබෙන ලොකු ම ප්‍රශ්නය රනිල් වික්‍රමසිංහ බව පෙනේ.  ආණ්ඩුව අපේ බඩට ගහනකොට, අපේ හත් මුතු පරම්පරාවට ම කෙළවෙන අන්දමින් මාටියා ගහනකොට, උන්ගේ හත් මුතු පරම්පරාවකට ම ඇති වෙන්නට හම්බ කරනකොට  මුන් හිටියේ කොහේ ද? උන් කටත්, පුකත් පියාගෙන හිටියේ රනිල් නිසා නම් ඉතින් එයා එළවා දමා හෝ මෙහෙම නැගිටිනවා නම් හොඳ ය.  අපි මෙච්චර කල් රනිල්ට පොඩි සපෝට් එකක් දුන්නෙමු. හේතුව, මිනිහා ධනපති පංතියට අයිති වුණත්, ලිංගික, ආගමික ආදී කාරණාවලින් පීඩිත ප්‍රජාවන්ට අයිති වන අයෙකු නිසා ය. ඒත් ඉතින් බැරි නම් මක් කොරන්න ද? ලංකාවේ ලිබරල් ධනපති පංතියත් මේ අලුත් රාජ්‍ය මූලික ධනවාදය හමුවේ අසරණ වෙලා ය. ඒත්, දැන් නම් මිහිහාට ආණ්ඩුව ෆුල් සපෝට් බව පෙනේ. සජිත්ට සිරිකොත වටලන්නට දුන්නා නම් මග නැගුමේ ගල් රෝල් දාගෙන සිරිකොත ඉදිරිපිට පාර වසා ගන්නවාට වඩා නම්බුකාර ය.  සජිත් ප්‍රේමදාස සටන්කාමී ලෙස ඉදිරියට එන එක ආණ්ඩුවට නම් අහිතකර ය. ‍එක පැත්තකින් රටේ මින...

(2011 අගෝස්තු 04,   W3Lanka )  එක්සත් ජාතික පක්ෂය මේ වන විට කිසිදා ගොඩ ආ නො හැකි වලක වැටී හමාර ය.  එජාප නායකයන්ට හා ක්‍රියාකාරිකයන්ට විපක්ෂයේ ඉඳලා එපා වෙලා ය. ඒ නිසා ඇත්තෙන් ම මේ වන විට වැඩි දෙනෙක් ආණ්ඩු පක්ෂයට පැනලා ඉවර ය. එජාපයේ ඉතිරි වී සිටින අය වර්ග කීපයකි.  එක් පිරිසක් කෙසේ හෝ මේ ආණ්ඩුව පෙරළා ආණ්ඩු බලය සියතට ගෙන ලොක්කන් වීමේ හා මේ ආණ්ඩුව දැන් කරන දූෂණය සියතට ගැනීමේ තදබල ආසාවකින් පෙළෙති. එක් පිරිසක් ආණ්ඩු බලය නැතත් විපක්ෂ නායකත්වයෙන් සෑහීමට පත් වන පිරිසකි.  තව පිරිසක්  ආණ්ඩුවට රිංගන්නට කුමක් හෝ දොරක් ඇරෙන තුරු බලා ඉන්නා පිරිසකි.  තවත් පිරිසක් එජාපය පාවිච්චි කරන්නේ දේශපාලනයට පිවිසෙන්නට පමණි.  එජාපයේ අඩුවෙන් ම සිටින්නේ කිසියම් ප්‍රතිපත්තියක් මත දේශපාලනය කරන අයයි.  ඒ නිසා කරු ආවා කියා පායන ඉරක් නැත. කරු යනු තවත් බොරුවකි. තමන්ට නායකත්වය හිමි කර ගත නො හැකි පක්ෂය විනාශ කිරීමේ කඩාකප්පල්කාරී කාර්යක නියැලී සිටින සජිත් ප්‍රේමදාස නම් අපරිණත කොලු ගැටයාට අසු වූ අයෙකි. ප්‍රතිපත්තියක් නැතිව අතනින් මෙතැනට, මෙතැනින් අතනට පනින කෙළින් ත...

(2011 මාර්තු 23,   W3Lanka )  එක්සත් ජාතික පක්ෂයේ නායකත්වය සඳහා විවෘතව නාම යෝජනා ඉදිරිපත් කිරීමට සජිත් ප්‍රේමදාස ඊයේ කෘත්‍යාධිකාරී කමිටුවේදී අසමත් විය.  ජනමාධ්‍යවලට කුමන අන්දමේ කයිවාරු ගැසුවත්, පක්ෂ නායකත්වය වෙනස් කිරීම සඳහා පක්ෂ ව්‍යවස්ථාව අනුව ගත යුතුව තිබුණු මූලික පියවර වූයේ කෘත්‍යාධිකාරී කමිටුවේදී ඡන්දයකට මුහුණ දීමයි.  කෘත්‍යාධිකාරී කමිටුවේ වැඩි බලයක් රනිල් වික්‍රමසිංහට තිබුණු බව පක්ෂ ආරංචි මාර්ග පවසයි. මෙම තත්වය හමුවේ ඡන්දයකට නො ගොස් සම්මුතිකට එළඹීමට අවසාන මොහොතේ සජිත් පාර්ශ්වය තීරණය කළ බවක් ද පෙනෙන්නට තිබේ.  ආණ්ඩුව විසින් පුම්බන ලද සජිත්ගේ හුළං ආණ්ඩුව විසින් ම දැන් අරිමින් සිටින අන්දම රජයේ මාධ්‍ය හරහා දැකිය හැකි ය.  සජිත් වනාහි මහින්දට විකල්පයක් නොව ආදේශයක් පමණි. මහින්දට ආදේශක ඕනෑ තරම් ශ්‍රී ලංකා නිදහස් පක්ෂය තුළින් සොයා ගත හැකි ය. ඒ සඳහා විපක්ෂයක් අවශ්‍ය නැත.  අනෙක් පැත්තෙන් සජිත් යනු සරත් ෆොන්සේකා තරමට හෝ මහින්දට අභියෝගයක් විය නො හැකි 'ගේමක් නැති' ආදේශකයකි. තවමත් ලංකාවේ දේශපාලනයේ යට තලයේ වැදගත් සාධක වන කුලය ද සජිත්ට බලපාන්නේ අවාස...

( 2011 ජනවාරි 19,  W3Lanka )  අනේ මේ දුප්පත්, අසරණ එක්සත් ජාතික පක්ෂයට හරි අපූරු නායකයෙක් ලැබෙන්න යයි. උන්නැහේ අ‍පි නො දන්න ආර්.ප්‍රේමදාසගේ පුත්‍ර රත්නයයි.  උන්නැහේගේ වැඩ කෙසේ වෙතත් කට නම් ෂෝක් ය. පහුගිය අවුරුදු ගණනාවක් තිස්සේ පාර්ලිමේන්තුවේදී මේ කට ඇරුණේ කැන්ටිමෙන් කන්න පමණ ය.  පස්සේ රනිල්ට කෙළවන්න ආණ්ඩුව සජිත්ට ජනමාධ්‍ය විවර කර දුන්නේ ය. එවිට උන්නැහේ කළේ ඔය හම්බන්තොට පැත්තේ පැල් කොටයක් ඇතුළේ කැමරාව අටවාගෙන වහල උඩ යන තරමින් ගිරිය පුප්පා කතා පැවැත්වීමයි. මේ මාධ්‍ය කණ්ඩායම් කිසිදා සෙනග පැත්තට කැමරාව අල්ලා නො පෙන්නන්නට පරිස්සම් වූ හ.  ලබන අප්‍රේල් 12 වෙනිදාට පෙර පක්ෂ නායකත්වය භාර ගන්නා සජිත් ප්‍රේමදාස දැන් වහසි බස් දොඩවයි. පක්ෂය තුළ කොතරම් ප්‍රශ්න තිබුණත් තමාට පක්ෂ නායකත්වය ‍ලබා දෙන්න බොහෝ දෙනා සූදානම් බව සජිත් ප්‍රේමදාස අවධාරණය කරයි. ඔහුගේ කතා තුළ ඇති ස්වරය වන්නේ තමන් කෙක්කෙන් හෝ කොක්කෙන් හෝ පක්ෂයේ නායකත්වය සියතට ගන්නා බවයි. ඒ එජාපය  ඔහුගේ අප්පාගේ බූදලය නිසා වන්නට පුළුවන. හරි හමන් නායකයකු නම් කළ යුතුව තිබෙන්නේ තමන්ට නායකත්වය ලැබෙන තෙක් නො ස...

( 2010 සැප්තැම්බර් 26,  W3Lanka , අජිත් පැරකුම් ජයසිංහ )  ධනපති පංතිය එක්සත් ජාතික පක්ෂය කෙරෙහි විශ්වාසය අහිමි කරගෙන ඇති බව ද, එජාපය මුහුණ දී සිටින්නේ පංති අර්බුදයකට බව ද ඇමති රාජිත සේනාරත්න The Observer පුවත්පතට පවසයි.  ධනපති පංතිය මහින්ද රාජපක්ෂ ආණ්ඩුව සමග ඉතා සමීපව කටයුතු කරමින් සිටින බව ද ‍රාජිත සේනාරත්න පවසයි. එය එසේ විය යුතු ය. ධනපති පංතිය කරන්නේ ව්‍යාපාරයි. නූතන සංදර්භය තුළ දේශපාලකයන්ට සන්තෝසම් නො දී, ඔවුන්ගේ ආශිර්වාද ලබා නො ගෙන පෙට්ටි කඩයක්වත් ඇරිය නො හැකි තත්වයක් රටේ තිබේ. එහෙයින් ධනපති පංතිය සාමාන්‍යයෙන් කවදත් කළ පරිදි, පවතින සංදර්භයන් සමග හැඩ ගැසී සිය ව්‍යාපාර කරගෙන යයි.  ඒ නිසා ඒ ගැන නම් පුදුම විය යුතු නැත.  ධනපති පංතිය කියා අප සාමාන්‍යයෙන් පරිවර්තනය කරන  capitalist class යන වචනයෙන් අදහස් ව න්නේ ධනවත් පංතිය යන්න නො වේ. ධනපති පංතියට ඉංග්‍රීසියෙන්  කියන පරිදි ඔවුහු ප්‍රාග්ධනය ගොඩ ගසන, ආයෝජන කරන, ව්‍යාපාර පවත්වාගෙන යන පංතියකි. ඔවුන් රජයෙන් ස්වායත්ත පිරිසකි. ඔවුහු පංතියක් ලෙස රජයෙන් බලාපොරොත්තු වන්නේ සිය කටයුතු නිදහසේ කරගෙන යා හැකි තර...