W3Lanka: Praja.lk Backup

රජයට සම්බන්ධ චම්පික රණවක, උදය ගම්මන්පිල හා තවත් බොහෝ පිරිස් පවසන පරිදි එක්සත් ජාතික පක්ෂයට නායකත්ව වෙනසක් අවශ්‍ය ය. ඔවුන්ට අනුව රනිල් දේශප්‍රේමී මදි ය. ධනේශ්වර වැඩි ය. බටහිර ගැති ය. පිරිමිකම මදි ය. අරක ය. මේක ය. ඒ ගැන කතා කරන්නට අපට අවශ්‍යතාවක් නැත. මන්ද, අපට රනිල් ගැන ගැරන්ට් කරන්නට බැරි ය. කාටවත් කාවවත් ගැරන්ට් කරන්නට බැරි ය.  එක්සත් ජාතික පක්ෂයට තිබෙන ගැටලුව වන්නේ රනිල් වෙනුවට පත් කර ගන්නට නායකයකු නැතිකමයි. ඔහුගේ ආසන්න ම තරගකරුවා වන සජිත් ප්‍රේමදාස ආණ්ඩුවේ කෙනෙකු යයි බරපතල සැකයක් තිබේ. අනෙක් පැත්තෙන් ඔහු ජාතික නායකයකු නො වේ. හම්බන්තොට පැත්තේ ප්‍රාදේශීය නායකයකු ද යන්න අපි නො දනිමු. කරු ජයසූරිය වැනි නායකයන් පාංකඩවලින් ද හදා ගන්නට පුළුවන.  ඒ නිසා කවුරු කැමති වුණත් අකැමැති වුණත් එජාපයට මේ මොහොතේ රනිල් හැර නායකයකු නැත. රනිල්ට අභියෝග කරන්නට හැකියාව තිබුණු එජාප නායකයෝ දැන් මහින්දගේ සෙවණේ පූස් පැටව් ය.  අනෙක් පැත්තෙන් පොදු අපේක්ෂක කතා ද නො කෙරෙන වෙදකම් ය. පොදු අපේක්ෂක ලැයිස්තුවේ ඉදිරියෙන් ම සිටින චරිතය වන මාදුළුවාවේ සෝභිත හිමි ද ඉන්නේ පොදු අපේක්ෂකත්වයට ගව් ගණනක් දු...

අජිත් පැරකුම් ජයසිංහ ලංකාවේ දේශපාලනයේ මේ මොහොතේ සිදු වෙමින් පවතින පරිණාමය භයානක විහිළුවක ස්වරූපය ගෙන තිබේ. කල්පාන්ත මේඝයෙන් මුරුගසං වරුසාව වසින්නට වූ පසු මිනිසුන්ට මෘග සංඥාව පහළ වී තිරිසනුන් ලෙස හැසිරෙනු ඇතැයි මිථ්‍යා සාහිත්‍යයේ සඳහන් වේ. ලංකාවේ දැන් සිදු වී ඇත්තේ ද එවැන්නකි. ලංකාවේ ද නිමාව දකිමින් තිබෙන්නේ එක්තරා අභද්‍ර දේශපාලන කල්පයකි. මෙය ලාංකීය ප්‍රජාතන්ත්‍රවාදී දේශපාලනයේ අවසානය නම් මෙතැනින් එහාට ඇත්තේ මියන්මාර් පන්නයේ පසුගාමිත්වයක් වනු ඇත. එහෙත්, ලංකාව මෙහිදී ලෝකයට අලුත්ම අත්දැකීමක් වනු ඇත. මක් නිසාද යත් මේ සියල්ල සිදු වන්නේ ප්‍රජාතන්ත්‍රවාදී ලෙස හැඩගන්වන ලද රාමුවක් තුළ නිසා වීමයි. එනම්, හැඩගස්වා ගන්නා ලද බහුතර මහජන කැමැත්තක අනුමැතියට යටත්වයි.   පසුගිය මාර්තු 09දා පැවැත්වුණ පාර්ලිමේන්තු රැස්වීම ලාංකීය ප්‍රජාතන්ත්‍රවාදයේ හා රාජ්‍ය පාලනයේ වත්මන් තත්වය නිරූපණය කරන කදිම හරස්කඩකි. ඒ පසුබිමේ ඇති සිදුවීම් විසින් ඇඟ ලොමු ඩැහැගන්වන, එහෙත් ඉල ඇදෙන හාස්‍යයක් ඇති කරයි. මේ භයානක යථාර්ථය හමුවේ සිනාසෙනවාද අඬනවාද යන්න යන්න තෝරාගැනීමේ ඔබේ ප්‍රජාතන්ත්‍රවාදී නිදහස හෝ තවම ඉතිරි වී තිබේ නම් ව...

(2010 පෙබරවාරි 15- W3Lanka )   නිදහස් හා සාමකාමී මැතිවරණයක් පැවැත්වීමට කැප වන බවට එක්සත් ජනතා නිදහස් සන්ධානයෙන් මහ මැතිවරණයට ඉදිරිපත් වන සියලු අපේක්ෂකයන්ගෙන් ප්‍රතිඥාවක් ලබාගැනීමට එම සන්ධානය තීරණය කර ඇත. ජනාධිපති මහින්ද රාජපක්ෂගේ ප්‍රධානත්වයෙන් අනුරාධපුරය ශ්‍රී මහා බෝ සමිඳු ඉදිරියේ දී මෙමස 27 දා පැවැත්වෙන උත්සවයකදී සියලු අපේක්ෂකයන් මේ ප්‍රතිඥාව ලබා දීමට නියමිතය. නිදහස් හා සාධාරණ මැතිවරණ පැවැත්වීමේ පළමු කොන්දේසිය වන්නේ සියලු අපේක්ෂකයන්ට සම අවස්ථා ලබා දීමයි. එහිදී ආණ්ඩුවට සම්බන්ධ දේශපාලනඥයන්ට අඩු තරමේ මහජන දේපල තමනට ඡන්දය දිනීම සඳහා යොදා නොගැනීමේ සදාචාරයක්වත් තිබිය යුතුය. රාජ්‍ය මාධ්‍යවලට මධ්‍යස්ථව කටයුතු කිරීමට ඉඩ දිය යුත ය. පොලිසිය, මැතිවරණ කොමසාරිස් දෙපාර්තමේන්තුව වැනි ආයතනවලට ස්වාධීනව කටයුතු කිරීමට ඉඩ දිය යුතුය. 27දා ශ්‍රී මහා බෝධිය අභියස පැවැත්වෙන උත්සවයේ ප්‍රධාන අමුත්තා පසුගිය ජනාධිපතිවරණයේදී මේ කිසිදු ප්‍රජාතන්ත්‍රවාදී මූලධර්මයකට ගරු කළේ නැත. එසේම සෙසු පිරිස ඔහුට එකී දූෂණයේ යෙදීමට අනුබල දුන් අය වෙති. මෙම උත්සවය කැලනියේ තිබුණා නම් අඩු ගණනේ 'උපන් දා සිට කරපු පව් නැත වරක...

(2010 පෙබරවාරි 13- W3Lanka )  මහ මැතිවරණයෙන් පසු බලය බෙදීම පිළිබඳ එකඟත්වයක් ඇතිව දෙමළ ජාතික සන්ධානය සමග මැතිවරණ ගිවිසුමකට එළඹීමට එක්‌සත් ජනතා නිදහස්‌ සන්ධානය සූදානම් වෙමින් සිටින බව දේශපාලන ආරංචි මාර්ග පවසයි. ඉදිරි මහ මැතිවරණයේදී තරග කිරීම සම්බන්ධයෙන් දෙමළ ජාතික සන්ධානය එජනිස සමග සාකච්ඡා කිරීමට පැමිණෙන්නේ නම් තම සන්ධානය ද ඊට සූදානම් බව එම සන්ධානයේ මහ ලේකම් සුසිල් ප්‍රේමජයන්ත මහතා පවසා ඇත. මේ වන විටත් මෙම දෙපාර්ශ්වය අතර නිල නො වන සාකච්ඡා සිදු වෙමින් ඇති බව දැනගන්නට ඇත. එජනිස මෙම තීරණය සිංහල - දෙමළ සහභාගිත්ව දේශපාලනය අගයන අපගේ ගෞරවයට පාත්‍ර වේ. එජනිසට දැනට සබඳතා ඇත්තේ කොටි විරෝධී පදනමින් බිහි වූ අතුරු හමුදාවන් හා සම්බන්ධ දේශපාලන කල්ලි සමග ය. පශ්චාත් යුද කාලීන දෙමළ සමාජයේ මෙම බලවේග ප්‍රතික්ෂේප වී ඇති බව පසුගිය ජනාධිපතිවරණයෙන් ඔප්පු විය. මෙම කල්ලිවලට ඡන්ද සුළු ප්‍රමාණයක් හෝ ලබා ගැනීමට ඉවහල් වන භීෂණ තත්වයක් දිගට ම පවත්වාගෙන යාම යුද්ධයක් නැති පසුබිම තුළ දුෂ්කර ය. එබැවින් ජන බලයක් ඇති දෙමළ ජාතික සන්ධානය සමග සන්ධානයකට යාම ඉතා හොඳ දෙයකි. එමගින් එජනිස තුළ ඇති සිංහල ජාතිවාදී ප්‍රවණතා...

(2010 පෙබරවාරි 08- W3Lanka )  2004දී ශ්‍රී ලංකා නිදහස් පක්ෂය ත් සමග සන්ධානගත වු ජනතා විමුක්ති පෙරමුණේ අපේක්ෂකයන්ට මහ මැතිවරණයේදී දිවයිනේ බොහෝ දිස්ත්‍රික්කවල මනාප ලැයිස්තුවේ මුල් ස්ථාන හිමි විය. අනුර බංඩාරනායක වැනි දැවැන්ත දේශපාලන චරිත පසුබස්වමින් ජවිපෙ එස්. අමරසිංහ වැනි අය ඉදිරියට ආහ.  සොක්කන් ලොක්කන් වූ මේ ඉතිහාස කතාව යළි රඟ දක්වන්නට බලාගෙන මහින්ද රාජපක්ෂ ජනාධිපතිගේ පසුපස වැටුණු ජාතික හෙළ උරුමය, ජාතික නිදහස් පෙරමුණ, මහජන එක්සත් පෙරමුණ, සමසමාජ පක්ෂය,  කොමියුනිස්ට් පක්ෂය, මහජන පක්ෂය හා වාසුදේව නානායක්කාර, නන්දන ගුණතිලක වැනි පුද්ගල කල්ලි, කණ්ඩායම්, පක්ෂ ආදියට එක්සත් ජනතා නිදහස් සන්ධාන නාමයෝජනා ලැයිස්තුවල ඉඩක් වෙන් කර ගැනීම පවා බරපතල ප්‍රශ්නයක් වී ඇති බව දේශපාලන ආරංචි මාර්ග පවසයි.  නාම යෝජනා ලැබුණත්, සන්ධානය ඇතුළේ ම පවතින තියුණු තරගය හමුවේ පාර්ලිමේන්තුවට තේරී පත් වීම මෙම බලවේගවලට අතිශයින් දුෂ්කර වී තිබේ. ජනතා මනාපය පිළිබඳ විශ්වාසයක් නොමැතිකමින් ජාතික ලැයිස්තුවට රිංගා ගැනීමට මාන බලමින් සිටින මෙම පක්ෂවල ඇත්තන්ට ද පොළොවේ වැඩ පෙන්නුවේ නැතිනම් හෝ දීන ලෙස රාජපක්ෂ පවුලට ...

(2009 දෙසැම්බර් 26 - W3Lanka )    කොළඹ නගරයේ හා විශේෂයෙන් ම සුළු ජාතීන් අතර එක්සත් ජාතික පක්ෂයට ඇති පිළිගැනීම සමග ජනාධිපතිවරණයේ එහි වාසිය සරත් ෆොන්සේකා දෙසට කැරකෙමින් තිබේ.  මේ මැද කොළඹ අසුන නියෝජනය කරමින් එක්සත් ජනතා නිදහස් සන්ධානයෙන් තරග කළ අජ්මාල් මව්ජූඩ් නම් මුස්ලිම් ව්‍යාපාරිකයාගේ ආධාරකරුවන් 1500ක පිරිසක් විපක්ෂ ජනාධිපති අපේක්ෂක සරත් ෆොන්සේකාට සහාය පළ කරන ආකාරයයි.  එහෙත් ගම්වල වාසිය තවමත් මහින්ද රාජපක්ෂටයි. එහි තත්වය වෙනස් කිරීමේ හැකියාව ඇත්තේ එජාපයට නොව ජවිපෙටයි. 

(2009 දෙසැම්බර් 25 -  W3Lanka )    ලංකාව එක්සත් ජාතීන්ගේ සංවිධානයේ සාමාජික රටක් වුව ද දැන් එය එක්සත් ජාතීන් භීතිකාවකින් පෙළෙන රාජ්‍යයක් බවට පත් වී තිබේ. නිශ්චල හා චංචල පොදු දේපල රැසක් තම අපේක්ෂකයාගේ ජයග්‍රහණය වෙනුවෙන් මහත් අසාධාරණ අන්දමින් යොදාගෙන තිබෙන පාලක එක්සත් ජනතා නිදහස් සන්ධානය ජනාධිපතිවරණයේ නිරීක්‍ෂණ කටයුතු සඳහා එක්සත් ජාතීන්ගේ සංවිධානයේ විශේෂඥයන් පැමිණෙන්නේ නම් ඊට විරෝධතාව පළකරන බව මැතිවරණ කොමසාරිස්වරයාට දන්වා ඇත. එක්සත් ජනතා නිදහස් සන්ධානයේ මහලේකම් අධ්‍යාපන ඇමැති සුසිල් ප්‍රේමජයන්ත මහතා මැතිවරණ කොමසාරිස් දයානන්ද දිශානායකට ලිපියක් මගින් ඒ බැව් දන්වා තිබේ. ජනපතිවරණයේ නිරීක්‍ෂණ කටයුතු සඳහා එක්සත් ජාතීන්ගේ සංවිධානයේ නිරීක්‍ෂකයන් සහභාගි කර ගැනීම සම්බන්ධයෙන් විරුද්ධත්වයක් නැති නමුත් විශේෂඥයන් පැමිණෙන්නේ නම් විරුද්ධ බව ඔහු පවසයි. සාධාරණ මැතිවරණ පැවැත්වීම එක්සත් ජාතීන්ගේ සංවිධානය විසින් අගය කරනු ලබන යහපාලන ප්‍රතිපත්තියකි. එවැනි මූලධර්මවලට ගරු නො කරන රටවල් ජාත්‍යන්තර දේශපාලනයේදී නීච රාජ්‍ය හෙවත් pariah states තත්වයට පත් වේ.

(2009 දෙසැම්බර් 06 - W3Lanka ) එක්සත් ජනතා නිදහස් සන්ධානය සිය ජනාධිපතිවරණ ව්‍යාපාරය දියත් කිරීමේදී සිය පක්ෂයට අයත් ඇමතිවරුන්, මන්ත්‍රීන්, පළාත් හා ප්‍රාදේශීය සභිකයන් හරහා රාජ්‍ය බලය භාවිතා කිරීමට සැලසුම් කර තිබේ. ආණ්ඩුව සතුව ඇමතිවරු 108ක්, පළාත් සභා මන්ත්‍රීවරු 269ක් හා ප්‍රාදේශීය සභා මන්ත්‍රීවරුන් 2400ක් සිටින අතර ඡන්ද ප්‍රදේශ 3 - 4 කට එක් අයකු බැගින් ගෙන් ගෙට ගොස් ජනතාව දැනුම්වත් කිරීම සඳහා යෙදවීමට ප්‍රධාන ප්‍රචාරක කළමනාකාර බැසිල් රාජපක්ෂ සැලසුම් සකස් කරමින් සිටින බව වාර්තා වේ. මේ අතර, ඉදිරි මහ මැතිවරණයට වියදම් කිරීම සඳහා මුලද් ඉතිරි කරගෙන ජනාධිපතිවරයාගේ ප්‍රචාරක ව්‍යාපාරය කරහැර සිටින ආණ්ඩු පක්ෂයේ දේශපාලකයන් පිළිබඳ දැඩි සෝදිසියෙන් සිට මහ මැකිවරණයේදී ඔවුන්ට නාම යෝජනා නොදී සිටීමට ද රාජපක්ෂ පවුල තීරණය කර ඇති බව දැනගන්නට තිබේ.

(2009 දෙසැම්බර් 02 - W3Lanka ) එක්‌සත් ජනතා නිදහස්‌ සන්ධාන ආණ්‌ඩුවේ වැට උඩ සිටි පාර්ලිමේන්තු මන්ත්‍රී ජනාධිපති නීතිඥ විජයදාස රාජපක්‍ෂ අද (02) එක්‌සත් ජාතික පෙරමුණ සමග එක්‌ වීමට නියමිත ය.  එක්‌සත් ජනතා නිදහස්‌ සන්ධානයෙන් ඉවත්වීමට හේතු සහ සරත් ෆොන්සේකා මහතාට සහාය දැක්‌වීමට හේතුවන කාරණා ද අද පවත්වන විශේෂ ප්‍රවෘත්ති සාකච්ඡාවකදී ඔහු අනාවරණය කරයි. මේ අතර, ආණ්ඩුවේ සිට විපක්ෂ සන්ධානයට පනිනු ඇතැයි කියන ඇමතිවරුන් ගණනාවක් පිළිබඳව ආරංචි පැතිරේ. ඒ අතර, ශ්‍රී ලංකා නිදහස් පක්ෂයේ ප්‍රබල ම තනතුරක් දරන්නකුගේ ද නම තිබේ. ඔහු පක්ෂයෙන් පැන්නීම සඳහා වැඩියෙන් ම උවමනාව ඇත්තේ එම තනතුරට කෙළ හළමින් සිටින රාජපාක්ෂිකයකුට බව ද දැන ගන්නට ඇත. පසුගිය සමයේ එජාපයෙන් ආණ්ඩුවට පැන ගත් පිරිස අතරින් ඇතැමෙක් ද මේ වන විට යළි පිල් මාරු කිරීම පිළිබඳ සලකා බලමින් සිටිති. ඔවුන් අතරින් එක් අයෙක් වෙන ම පක්ෂයක් සාදාගෙන තිබෙන්නේ ද මේ සඳහා කේවෙල් කිරීමට යයි වාර්තා වේ. සුළුතර ප්‍රජාවන් නියෝජනය කරන ඇමතිවරුන් ගණනාවකගේ නම් ද පනින්නන්ගේ ලැයිස්තුවේ ඇත.

(2009 ඔක්තෝබර්  22 - W3Lanka ) මැතිවරණ සමයේදී ප්‍රවෘත්ති ප්‍රකාශයන් ආණ්ඩු පක්ෂයේ අපේක්ෂකයන්ට වාසිදායක ලෙස ප්‍රචාරයට යොදා ගන්නවාට අමතරව රජයට අයත් ජාතික රූපවාහිනියේ හා ස්වාධීන රූපවාහිනියේ රාජ්‍ය බලය පාවිච්චි කර ණයට දැන්වීම් පළ කර මුදල් නො ගෙවා පොලු තැබීමේ පුරුද්දක් එක්සත් ජනතා නිදහස් සන්ධානයට ඇති බව හෙළිදරව් වී තිබේ.  දැන්වීම් පළ කිරීම වෙනුවෙන් එක්සත් ජනතා නිදහස් සන්ධානය 2005 ජනාධිපතිවරණයේදී හා 2006 පළාත් පාලන මැතිවරණයේදී පමණක් ජාතික රූපවාහිනියට රු. තුන් ‍කෝටි හතළිස් ලක්ෂයක් ද, ස්වාධීන රූපවාහිනියට රු. ලක්ෂ පනහක් ද ණය බව තොරතුරු හා ජනමාධ්‍ය ඇමති අනුර යාපා ඊයේ පාර්ලිමේන්තුවේදී ජවිපෙ මන්ත්‍රී රණවීර පතිරණගේ ප්‍රශ්නයකට පිළිතුරු ලෙස පැවසීය.  මේ අතර, ජාතික හෙළ උරුමය ද ජාතික රූපවාහිනියට රු. 493,000ක පොල්ලක් තබා ඇත.

(2009 ඔක්තෝබර් 16 - W3Lanka ) දකුණු පළාත් සභා මැතිවරණයෙන් ජය ලැබූ එක්සත් ජනතා නිදහස් සන්ධානයට හිමි වූ බෝනස් ආසන දෙකෙන් එකක් පළාතෙන් කිසිදු ආසනයක් හිමි නො වූ ජාතික නිදහස් පෙරමුණට ලබා ගැනීම සඳහා දරන ලද උත්සාහය ශ්‍රී ලංකා නිදහස් පක්ෂයේ විරෝධය නිසා වැළකී ඇති බව වාර්තා වේ.    මේ අනුව, අදාළ ආසන දෙක පිළිවෙලින් ගාල්ල හා හම්බන්තොට දිස්ත්‍රික්කවල මනාප ලැයිස්තුවේ ඊළඟ ස්ථාන ලැබ සිටින අපේක්ෂකයන් දෙදෙනා වන ජී. දේනෙත්තිට හා ජේ. කේ. සිරිපාලට ලබා දෙන ලෙස එක්සත් ජනතා නිදහස් සන්ධානයේ මහලේකම් සුසිල් ප්‍රේම ජයන්ත මැතිවරණ කොමසාරිස්වරයාට දැනුම් දී තිබේ.    එක්සත් ජනතා නිදහස් සන්ධානය හරහා තරග කරන කුඩා පක්ෂ හා මහින්ද රාජපක්ෂ පවුලේ හිතවතුන් ශ්‍රී ලංකා නිදහස් පක්ෂයේ ඡන්ද පදනම් කඩාගෙන ආසනවලට තේරී පත් වීම කෙරෙහි හා පාක්ෂිකයන්ට නිසි තැන නො ලැබීම කෙරෙහි මේ වන විට පක්ෂය තුළින් දැඩි විරෝධයක් මතු වෙමින් තිබේ.

(2009 ඔක්තෝබර්  14 - W3Lanka ) ගාල්ල දිස්ත්‍රික්කයේ එක්සත් ජනතා නිදහස් සන්ධාන අපේක්ෂකයකු ලෙස තරග කරමින් මහත් ආන්දෝලනාත්මක ලෙස කටයුතු කළ නිශාන්ත මුතුහෙට්ටිගම තම මනාප ප්‍රතිඵල පිළිගත නො හැකි බව ද, පළමු තැනට මනාප ලැබූ තමාගේ මනාප වෙනස් කර තමන් තුන්වන තැනට පත් කළ බව ද කියමින් සාධාරණත්වය පතා අද සිනිගම දේවාලයේදී මිරිස් අඹරා පොල් ගැසුවේය.  ඔහුගේ සාපය ඉලක්ක විය යුත්තේ කාටදැයි නිශ්චිතව නො කීව ද ඔහු චෝදනා නඟන ආකාරය අනුව නම් ඔහුට කළේ යයි කියන අසාධාරණය පසුපස සිටිය යුත්තේ ඔහුගේ පක්ෂයේ නායකයා වන ජනාධිපති මහිනිද රාජපක්ෂයි.  ඔහු ගැසූ පොල් ගෙඩිය ඔහුට ම වැදීමකින්දෝ ඔහුගේ විනය විරෝධී ක්‍රියාවලට එරෙහිව විනය පරීක්ෂණයක් පවත්වනු ඇති බව අද ශ්‍රී ලංකා නිදහස් පක්ෂය දැනුම් දුන්නේ ය. තමන් ඕනෑ ම පරීක්ෂණයකට සූදානම් බව මුතුහෙට්ටිගම ද පවසයි.  ලංකාවේ දෑතින් ම වෙඩි තැබිය හැකි දෙවන මහ ඇමතිවරයා වන්නේ තමන් බව මුතුහෙට්ටිගම මැතිවරණ ව්‍යාපාරය අතරතුර පැවසීය. පළමුවැනියා කොටි සංවිධානයේ ළමා සොල්දාදුවකු ලෙස දේශපාලන ජීවිතය ඇරඹූ නැගෙනහිර මහ ඇමති සිවනේසතුරෛ චන්ද්‍රකාන්තන් හෙවත් පිල්ලෛයන් ය.

(2009 ඔක්තෝබර්  12 - W3Lanka ) එක්සත් ජනතා නිදහස් සන්ධානය යටතේ දකුණු පළාත් සභාවට කොමියුනිස්ට් පක්ෂයෙන් තරග කළ අපේක්ෂකයන් සිව්දෙනාම මනාපවලින් තේරී ඇති බව වාර්තා‍ වේ.  එම අපේක්ෂකයෝ වන්නේ මාතර දිස්ත්‍රික්කයෙන් තරග කළ බිංදු වීරසිංහ හා වීරසුමන් වීරසිංහ ද ගාල්ල දිස්ත්‍රික්කයෙන් තරග කළ ඒ.ජී. පියසිරි හා ඩී. දිනෙත්ති ද වෙති.  මේ අතර සමසමාජ පක්ෂයෙන් ගාල්ල දිස්ත්‍රික්කයට තරග කළ බද්දේගම සමිත හිමි ද පළාත් සභාවට තේරී ඇත.

(2009 ඔක්තෝබර්  05- W3Lanka ) කුල සාධකය මඟුල් තුලාවලදී පමණක් නොව මේ රටේ දේශපාලනයේදී ද තවමත් ඉතා වැදගත් බව පාලක එක්සත් ජනතා නිදහස් සන්ධානයේ දකුණු පළාත් සභා මැතිවරණ ව්‍යාපාරයෙන් පෙනේ.  ජනාධිපති මහින්ද රාජපක්ෂගේ ඥාතියකු වන මාතර දිස්ත්‍රික්කයට තරග කරන ගොවිගම කුලයේ අයකු වන අරුණ ගුණරත්න දුරාව හා කරාව කුලවලට එරෙහිව ප්‍රකාශ සිදු කර තිබෙන බව සන්ඩේ ලීඩර් පුවත්පත වාර්තා කළේය. විශේෂයෙන්ම මාතර ආසනය දුරාව කුලයේ අය විශාල ප්‍රමාණයක් ජීවත් වන ප්‍රදේශයක් වන අතර එය නියෝජනය කළ මන්ත්‍රීන් ගණනාවක් ම එම කුලයේ අයයි. මාතර දිස්ත්‍රික්කයට තරග කරන සරත් වීරවංශගේ මැතිවරණ ව්‍යාපාරය තුළදී ඔහුගේ සොහොයුරු විමල් වීරවංශ නැකැති කුල ඡන්ද ඉලක්ක කරගෙන මැතිවරණ ව්‍යාපාරය මෙහෙයවන බව ලංකා ඊ නිව්ස් වෙබ් අඩවිය වාර්තා කළේය.  ඇත්තෙන් ම මැතිවරණවලදි කුලවාදය භාවිතා කිරීම රහසිගතව කෙරෙමින් ඇති දෙයක් මුත්, දැන් මැතිවරණ එක්සත් ජනතා නිදහස් සන්ධානයේ අපේක්ෂකයන් අතර ම මනාප පොර බවට පත් වි තිබෙන හෙයින් කුලවාදය ඇතුළු සියලු පසුගාමීසාධක දැන් මතුපිටට එමින් තිබේ.