ජටාය ජටිතා පජාය - ඒ වුණාට අපි නටාය

ආණ්ඩුවට වැඩ වැඩීය

සභා තුනක ඡන්දයක්ය

නැවකින් තෙල් ලීක් වේය

ඒ ගැන මාළුවෝ බලති

වැස්ස නැතුව විදුලිය නැත

නොරොච්චෝලෙ ගලවලාය

විදුලිය නැති අඳුරෙ ඉඳන්

චීනෙට ණය ගෙවනවාය

බුදු හිමියනි ඔබේ ධාතු

මෙහෙ ඡන්දෙට විකුණනවා

කකුල් කඩුත්තුව හදාන

සැදැහැවත්තු ඇඹරෙනවා

නැගෙනහිරේ ඡන්දය නම්

ආණ්ඩුවට අප්සෙට් වගෙ

ජාතිවාදෙ එපා කියා

කුලවාදී ඩලා කියයි

ජාතිවාදෙ නම් දැනගනු

මුළු රටටම එකයි ඇත්තෙ

සුළු ජනයිනි දැන ගනියව්

අපි සිංහල අපියි උතුම්

එළුවො මරති හින්දු යක්කු

සිංහලයිනි නැගිට වරෙව්

මිනී මරන එක වගේද

මේවා හරි පව්නෙ බොලව්

අයං වහින කාලෙ කාලො

ගිනි පාගන එකයි ප්‍රශ්නෙ

රටටම ගිනි පෑගෙන කල

කාලො ඔයා කොහෙද හිටියෙ

අන්තෝ ඇතුළත ජටාය

පිටතත් මහ බහි ජටාය

ජටාය ජටිතා පජාය

ඒ වුණාට අපි නටාය

W3Lanka

මේ ලිපියට ඔබ කැමති වුණත්, අකැමැති වුණත් වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න