W3Lanka: Praja.lk Backup

අන්තර්ජාලයේ සාමාන්‍යයෙන් වයිරල් වන දේවලට වඩා වෙනස් දෙයක් වයිරල් වී තිබෙනු දුටුවා. සාමාන්‍යයෙන් ප්‍රසිද්ධ පුද්ගලයන්ගේ කතා වයිරල් වීම සුලබයි. ඒත්, බොහෝ දෙනෙක් මේ වීඩියෝව ෆේස්බුක්හි බෙදාගෙන තිබුණේ මේ කතා කරන පුද්ගලයා කවුරුදැයි නො දැනයි. එහි පළ වූ අදහස් දැක්වීම් අතරේ මම මෙම පුද්ගලයා රජරට සේවයේ ප්‍රේම රංජිත් විජේවික්‍රම බව කියා පළ  කළ අදහසටත් 26දෙනෙක් කැමැත්ත පළ කර තිබුණා. මේ වීඩියෝව බෙදාගෙන තිබෙන සංඛ්‍යාව 4600ටත් වැඩියි. කැමැත්ත පළ කර ඇති සංඛ්‍යාව1200කට ආසන්නයි. අදහස් 260කට වඩා පළ කර තිබුණා. මේ කතා කරන්නේ දැනට කොළඹ ගුවන් විදුලියේ සංගීත පාලක ලෙස සේවය කරන ප්‍රේම් රංජිත් විජේවික්‍රම. මට ඔහු මුලින් ම හමු වුණේ රජ‍රට සේවයේ කෙටි කලක් නිවේදකවරයකු ලෙස සේවය කරද්දීයි. එක් සේවා මුරයක මා නිවේදකව සිටියදී ඔහු ක්‍රියාකාරී සහායක ලෙස වැඩ කළා මට මතකයි. එතකොටත් ඔහු රජරට සේවයේ සංගීත පාලක.  ප්‍රේම් රංජිත් විජේවික්‍රම තමයි, දැන් සුනිල් එදිරිසිංහ ගායනා කරන, මහින්ද චන්ද්‍රසේකර ලියූ ප්‍රසිද්ධ ගීයක් වන 'පැන මඩ කඩිති වැව් තාවුල් වැහි කාලේ' ගීය මුලින් ම ගායනා කළේ. තනුව වෙනස්. ඒ පටිය තවමත් රජරට සේව...

ඉංග්‍රීසි භාෂාව අපේ ජීවිතයට වැඩියෙන් ම සම්බන්ධ වෙන අවස්ථාවක් තමයි විෂය ක්ෂේත්‍ර වන්නේ විද්‍යාව හා නවීන තාක්ෂණයයි. විද්‍යාව සංවර්ධනය වන වේගයෙන් හා තාක්ෂණය නවීන වන තරම් වේගයෙන් භාෂාව නවීන වෙන්නේ නැහැ. අපට අලුත්, අලුත් තාක්ෂණයන් ලැබුණාට, ඒ හැම දෙයක් වෙනුවෙන් ම අලුත් සිංහල වචන හැදෙන්නේ නැහැ. හැදීම පහසුත් නැහැ. එසේ වදන් නිර්මානය කරන්නට තරම් විද්‍යාව හා තාක්ෂණ දැනුමත්, භාෂා දැනුමත් ඇති අය විරලයි. කොහොම හරි හදා ගත් ඇතැම් පාරිභාෂික වචන භාවිතයේ ඇත්තේත් නැහැ. උදාහරණයකට කවුරුද දන්නේ ප්‍රතිදීප්ත පහන ගැන. ඒත්, ටියුබ් ලයිට් හෝ සීඑෆ්ෆෙල් කිව්වාම නො දන්නේ කවුරු ද? ටියුබ් ලයිට් පත්තු වෙන්නේ ටිකක් පරක්කු වෙලා. ඒ නිසා යමක් ප්‍රමාද වී තේරුම් ගන්නා අය හඳුන්වන්නත් ටියුබ් ලයිට් කියන වදන පාවිච්චි කරනවා. තේරුණා ද? තේරෙන්න පරක්කු නම් ඔබත් ටියුබ් ලයිට් වෙන්න ඇති. මේ වගේ තවත් අපූරු යෙදුමක් තමයි මීටරේ. උසස් පෙළ හොඳින් සමත් වෙන්න පුළුවන් හොඳ මීටර්කාරයන්ට තමයි. ඒ වගේ අයගේ මොළේ ගැන කියනකොට සිරා මීටරේ කියනවා. සිරා කියන්නේ සීරියස් (serious). මොළේට මීටරේ කියන්නේ ලංකාවේ අපි විතරයි. විභාගවලදි හොඳින් පිළිතුරු ලියන්...

අලුත්ගම පැත්තේ වාර්ගික ගැටුම්වලදී පොලිසිය ක්‍රියාත්මක වූ ආකාරය ඒ පැත්තේ කවුරුත් දනිති. එහෙත්, අපි ඒ ගැන කතා කරන්නට යන්නේ නැත.   හේතුව, පොලිසිය මේ අන්දමින් ක්‍රියා කළ එක ම තැන මෙතන නො වන බැවිනි. ලංකාවේ පොලිසිය ක්‍රියා කරන ආකාරය දෙස බලන විට එය නීතිය ක්‍රියාත්මක කරන ආයතනයකට වඩා දේශපාලන හා නිලධාරි උවමනා එපාකම් අනුව ක්‍රියාත්මක වන අයුුතු ජනරාශියක ස්වරූපය ගනියි.  වාර්ගික ගැටුම්වලදී පොලිසිය හැසිරෙන්නේ බොදු බල සේනාවේ අතුරු හමුදාවක් ලෙස ය.  කෙසේ වෙතත්, අද වන විට රටේ නීතියේ ආධිපත්‍යය බිඳ වැටී තිබෙන තරම අතිශය කණගාටුදායක ය. මේ තත්වය මේ රටේ සන්සුන් මධ්‍යම පාංතිකයන්ගේ ජීවිතවලට බල පා තිබෙන ආකාරය පිළිබඳ කදිම නිදසුනක් අද දිවයින පුවත්පතේ මුල් පුවතින් කියවේ . මේ වනාහි රට පුරා ම දෛනිකව සිදු වන දෙයක් පුවත්පතක මුල් පුවත වූ අවස්ථාවක් පමණි. මේ දුර්දාන්ත පාලනය තව දුරටත් ආරක්ෂා කර ගන්නා වූ ප්‍රධාන බලවේගය මෙරට මධ්‍යම පංතිකයෝ ය. ඔවුන් කඳින් මෙහි ජීවත් වන ඔලුවෙන් විදේශිකයෝ ය. රටට හෙණ ගැහුවත්, මධ්‍යම පංතිකයන් හිතන්නේ තමන්ගේ ජීවිත ගැන පමණි. ඔවුන්ගේ සිහිනය ඇත්තේ තම දරුවන් අධ්‍යාපනයෙන් ඉදිරියට ...

මෙම බ්ලොගයේ පළ කරන අදහස් පරිපාලක විසින් කලින් කියවා බලා පළ කිරීමට සිදු වී තිබෙන බව කරුණාවෙන් සලකන්න.  එයට හේතු වී තිබෙන්නේ ප්‍රජාතන්ත්‍රවාදය, මානව හිමිකම් හා සදාචාරය ගැන අවබෝධයක් නැති අතළොස්සක් විසින් නිර්නාමිකව පෙනී සිටිමින් කරනු ලබන නින්දිත අදහස් පළ කිරීම් ය.  අපට පෞද්ගලිකව කරන ලද මඩ ගැසීම්, බැන වැදීම්, අවලාද නම් අපි තඹ දොයිතුවකට මායිම් කර නැත. ඒ කිසි කමෙන්ටුවක් ඉවත් කර ද නැත. කොටින් ම කීවොත්, නිර්නාමිකව හා බොරු නම්වලින් එන දුර්වල ‍පෞරුෂයන් අපි පඩයකට මායිම් කරන්නේ නැත. අප අපගේ මතවාද වෙනුවෙන් පෙනී සිටින්නේ නමින් ම ය. අදහස් දැරීමේ අයිතිය වෙනුවෙන් පෙනී සිටින්නට අපි බය නැත.  විසිපස් වසරකට වැඩි කාලයක් ති‍ස්සේ අප නිමග්නව සිටියේ විප්ලවවාදී දේශපාලනයක ය. තවමත් කරන්නේ ද එය ම ය. විප්ලවවාදී දේශපාලනය යනු මධු විත සාදයක් වැනි දෙයක් නො වේ. බීලා කබරයා දැමූ දාට පසුදා උදේ බීම නවත්වන බව කියන අය මෙන් අපි අපගේ දේශපාලන අතීතය හෙළා දකින්නේ නැත. එහෙත්, එය දෙස ස්වයං විවේචනාත්මකව බලන්නට පසුබට වන්නේ ද නැත.  කියන්නට තිබෙන්නේ එක දෙයකි. අප මේ කරන්නේ ද දේශපාලන මැදිහත්වීමකි. අපගේ දේශපාලන...

ලෝකය පාපන්දු ලෝක කුසලානය දෙස ඇස යොමු කර සිටියදී පසුගිය ජුනි 12දා ඊශ්‍රායලයත්, පලස්තීනයත් අතර තවත් යුද්ධයක බිජුවට වැපිරිණි. මෙ වන විට ගාසා තීරය යුද පිටියක් වී හමාර ය. ගුවන් හා මිසයිල ප්‍රහාරවලින් සිදු වී තිබෙන මරණ හා දේපල හානි සංඛ්‍යාව සුවිසල් ය. එයාල්, ගිලාඩ් හා නෆ්තාලි යනු ඊශ්‍රායල් ජාතික නව යොවුන් වියේ පාසල් සිසුන් තිදෙනෙකි. ජුනි 12දා රාත්‍රියේ ඔවුන් සිය පාසලේ සිට බටහිර ඉවුරේ යුදෙව් ජනාවාසයක පිහිටි සිය නිවෙස්වලට පැමිණෙමින් සිටිය හ. ඔවුහු ගමන් කරමින් සිටියේ අතරමග හමු වන වාහනවලින් යා හැකි දුර යමිනි. එහෙත්, අතරමගදී ඔවුන්ගේ සම්බන්ධතාව ගිලිහී ගියේ ය. ඔවුහු අතුරුදහන් වූ හ. ඊශ්‍රායල් හමුදාව ඔවුන් සොයා මෙහෙයුමක් ආරම්භ කළ හ. ඒ මෙහෙයුම ඉතා ප්‍රචණ්ඩ එකක් විය. මුහුණු ආවරණය කර ගත් ඊශ්‍රායල් සොල්දාදුවෝ මහ රෑ පලස්තීන ජාතිකයන්ගේ නිවෙස්වලට කඩා පැන සියලු භාණ්ඩ අවුස්සා, පෙරළා දමා නිවසින් එළියට පැමිණියේ නිවැසි තරුණයන් අත් අඩංගුවට‍ අරගෙන ය. සති තුනක් තිස්සේ පැවති මේ මෙහෙයුම්වලදී 700කට වැඩි පලස්තීන ජාතිකයන් පිරිසක් අත් අඩංගුවට ගන්නා ලදී. එයින් 400ක් පමණ පිරිසක් තවමත් අත් අඩංගුවේ ය. චෝදනා රහිතව ස...

සිංහල, දෙමළ භාෂා මාධ්‍ය දෙකෙන් ම ඉගැන්වීම කරනු ලබන මගේ පාසලේ මුස්ලිම් ගුරුවරියක් පසුගිය දිනෙක පංතියක උගන්වමින් සිටි මා හමුවට පැමිණ කරුණක් කීවා ය. ඇය කීවේ අටේ පංතියේ සිංහල ළමයකු ඇයට තංගච්චි කියා උසුළු විසුළු කළ බවයි. ඇයට පසුපසින් තංගච්චි කියා කතා කරනුඇසී බලන විට ඒ සිදුවෝ පළා ගොස් ඇත. මා ඔවුන් සොයා විමසූ කල ඒ සිසුවා කීවේ තමන්ගේ මහළුවකුට තංගච්චි කියා විහිළු නමක් ඇති බවකි. ඔහු කියන ආකාරයට ඔහු තංගච්චි යයි කීවේ ඒ සිසුවාට මිස ගුරුවරියට නොවේ.  එය තර්කානුකූල පිළිතුරක් වුවත්, දොරේ සද්දෙත්, පඩේ සද්දෙත් වෙන් කර හඳුනා ගන්නට පුළුවන් අයෙකු බැවින් මම ගුරුතුමියගෙන් සමාව ගන්නැයි සිසුවාට කීවෙමි. ඔහු එය කළේ අකැමැත්තෙන් ය. මේ ගුරුතුමිය මට කියූ තවත් කරුණු කීපයක් මෙසේ ය: “අපි දැන් පිරිමි ළමයින්ගේ පාසල් බස් එකේ එන්නේ නැහැ. සමහරු ෆෝන්වල සිංදු දාලා අපේ කණ ළඟින් තියනවා. ඔන්න බිල්ලො එනවා කියනවා. තම්බි කියනවා. දවසක් මමයි, මහත්තයායි මෝටර් සයිකලෙන් එද්දී බස් එකක ගිය ළමයි අපට රඹුටං ලෙලි මුලකින් ගැහුවා. එක දවසක් මෝටර් බයිසිකලෙන් බස් එකක් ඉස්සර කරනකොට කෙළ ගැහුවා.“ මේ ගුරුතුමිය තරමක් අතිශයෝක්තියෙන් කතා කරන...

ටෙලිකොම් බ්‍රෝඩ්බෑන්ඩ් අන්තර්ජාල සම්බන්ධය නැවත ලෙඩ වී තිබේ. මීට වසර පහකට පමණ පෙර  ඒඩීඑස්සෙල් සම්බන්ධතාවක් ගැනීමේදී වේගය අඩු වුණොත් වගකියන්නේ නැති බවට ලියුමක් දෙන්නැයි ටෙලිකොම් සමාගම කීවේ ය. ලංකාව ආශ්චර්යය කරා ළං වන තරමට අපට අන්තර්ජාල සම්බන්ධතාව නැති කාලය ද වැඩි වේ. එය බිඳවැටුණු පසු නැවත යථා තත්වයට පත් කරන දිනයක් වෙලාවක් ගැන කවුරුවත් දන්නේ නැත. පසුගිය කාලයේ මම එටිසලාට් අන්තර්ජාල සබඳතාවක් ද ලබා ගතිමි. එය නිවෙන, පත්තුවෙන 3 ජී සම්බන්ධතාවකි. මම හිරු කණ්ඩායමෙන් බිඳී, අන්තර්ජාලය ගැන උගනිමින් 2005දී ලංකා පොලිටි වෙබ් අඩවිය ආරම්භ කළේ ලංකා බෙල් ඩයලප් සම්බන්ධතාවකිනි. ඒ කාලයේ දුරකථන බිල රු. 4000ක් පමණ විය. ටෙලිකොම් ඒඩීඑස්සෙල් ගැන විශ්වාසයක් නැති නිසා මම දැන් මයික්‍රො ඩේටා සිම් එකක් හා ඩෙංගලයක් යන දෙකක් ම ගන්නට සැලසුම් කරමි. දැන් නැවතත් අර වියදම ම යනවා ය.  ඊයේ මම කෙටි සටහනක් තැබුවේ කැෆේ එකකින් ය. එහි වැඩ කළ ගැහැනු ළමයා සිංහල යුනිකෝඩ් ගැන අසා නො තිබිණි. යන්තම් ඇඩ්මින් ලොග් වී සිංහල සෙටප් කර ගන්නට හදන විට සියබස් වෙබ් අඩවියේ වින්ඩෝස් සෙවන්ට අදාළ සබැඳියාව වැඩ කළේ නැත.  ගමක ජීවත් ...

Thanks to the government that boasts too much about broadband connectivity of the country, we lose our connection too often. 3G is sham here in this part of the world. We shall meet again once the connectivity is reinstated. - The Editor මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com

සිරස සුපිරි තරුව වූ ගයාන් අරෝෂට රුපියල් කෝටියක් තෑගි ලැබිණි. ඇතැමෙක් මාරයි කියති. එහෙත් එය මාර ‍නොව මාරාන්තික තත්වයකි.  සිරස එක්තරා විධියක ආණ්ඩුවකි. එක පැත්තකින් එස්.එම්.එස්. හරහා ජනතාවගෙන් සූරා ගන්නා සල්ලිවලින් කොටසක් තෑගි දී සිරස ප්‍රාසාංගික කලා ලෝකයට සුපිරි තරුවක් අතහරියි.  අහසින් වැටුණු මේ සුපිරි තරු විසින් කලා, සංස්කෘතික අවකාශය තුළ කරන ලද කිසිදු කාර්යභාරයක් නැත. ගෙවල් හැදීම, වාහන ගැනීම, බඩු විකිණීම, බඩු ගැසීම, බඩු වීම හැරුණු විට හරි හමන් සිංදුවක්වත් කියූ සුපිරි තරු නැත.  තරුණ පරපුර මෙම සුපිරි තරු සිහිනයට උසි ගන්වා ඇත. එහෙත්, අපගේ විරෝධය මේ තරග පවත්වන එක ගැන නො වේ. තරග මුවාවෙන් කරන මංකොල්ලය ගැන ය.  සිරසේ 7788 දුරකථන අංකය වනාහි සිරස ජනතාවගෙන් මුදල් සූරාකන ප්‍රධාන මාධ්‍යයයි. ඔවුන් එවැනි කෙටි ඇමතුම් අංකයක් ලබා ගත්තේ කෙසේද යන්න හා සාමාන්‍ය දුරකථන ගාස්තුවලට අමතරව අධික ගාස්තුවක් අය කරන්නේ කෙසේද යන්න අභිරහසකි. ඔවුන්ගේ ස්වයංක්‍රීය සේවයේ චූර්නිකාව අසන විට ම ඔබගෙන් සෑහෙන ගානක් කැපිලා හමාර ය.  විවිධ වැඩසටහන් ඔස්සේ අංක 7788ට ‍අමතන්නට පොළඹවා, ඇමතූ හැටියේ ...

ඉංග්‍රීසි භාෂාව සම්බන්ධ විහිළු කතා ගොඩක් සමාජයේ පැතිර තිබෙනවා.  මේ කතාවලින් කෙරෙන්නේ භාෂාවේ පුංචි පුංචි කාරණා අරගෙන සිනා වීමයි. සමහර විට මේ විහිළු සම්බන්ධ වන්නේ ඉංග්‍රීසි භාෂාවේ ඇතැම් වචනවල උච්චාරණයන් එක්කයි.  එක දවසක් එක් ඉංග්‍රීසි පංතියක සිසුවෙකුට හදිසි අවශ්‍යතාවක් ඇති වෙලා. මේ පන්තියේ ගුරුවරයා අවධාරණය කර තිබෙන්නේ හැකි තරම් ඉංග්‍රීසියෙන් කතා කරන්නටයි. සිසුවාටත් අවශ්‍ය ඉංග්‍රීසියෙන් ම කතා කරන්නයි.  "Sir, may I render?" කියා සිසුවා ගුරුවරයාගෙන් ඇසුවාලු.  ඉංග්‍රීසි බසින් රෙන්ඩර් කියන්නේ යමක් පිරිනැමීමයි. ගුරුවරයා සතුටින් මෙහෙම කීවාලු. "Yes son, you may."  ඒත්, සිසුවාට අවශ්‍ය වෙලා තිබෙන්නේ කිසියම් ශරීර කෘත්‍යයක් ගැන කියන්නයි. ලංකාවේ ඉංග්‍රීසි අධ්‍යාපනයේ තිබෙන විශේෂ ලක්ෂණයක් තමයි, වැසිකිළිය, ලිංගිකත්වය හා අසභ්‍ය යයි කියන වචනපිළිබඳව කොතැනකින්වත් සිසුන්ට අධ්‍යාපනයක් නො ලැබීම. මෙය හරියට taboo එකක් තහංචියක් වගෙයි. ලංකාවේ වැඩි දෙනෙක් ශාරීරික අවශ්‍යතාවන් පිළිබඳව ඉංග්‍රීසියෙන් කතා කරන්නට දන්නේ නැහැ.  පාසල්වලදී ළමයින්ට පුහුණු කරන භාවිතාවක් තමයි,"May I go...

ලංකාවට පැමිණි පසු වීසා ලබා ගැනීම සඳහා ලක් රජය විසින් විදෙස් සංචාරකයන්ට ලබා දී තිබෙන පහසුකම පකිස්තාන ජාතිකයන්ට තව දුරටත් ලබා නො දීමට ගිය සතියේ ආණ්ඩුව තීරණය කළා. පකිස්තාන ජාතිකයන් වෙනුවෙන් ඔන් එරයිවල් වීසා නම් වූ මෙම පහසුකම අවලංගු කිරීමට හේතු වුණ කාරණා කීපයක් තිබෙනවා.  පසුගිය දිනෙක ඉන්දීය ආණ්ඩුව චෙන්නයිහිදී ෂකීර් හුසේන් නම් ලාංකිකයකු අත් අඩංගුවට ගත්තා. ඔහු පකිස්තානු ත්‍රස්ත කණ්ඩායම් වෙනුවෙන් ඔත්තු බැලූවකු බව ඉන්දීය ආරක්ෂක අංශ චෝදනා කරනවා.  ඉන්දීය විරෝධී කාශ්මීර ත්‍රස්ත සංවිධානයක් වන ලෂ්කාර්-ඉ-ටයිබා වැනි අන්තවාදී සංවිධාන ලංකාව පදනම් කරගෙන ක්‍රියාත්මක වන්නට තිබෙන ඉඩකඩ ගැන ඉන්දියාව සිටින්නේ අවදියෙන්. මේ පිළිබඳව ඉන්දියාව ලංකාවේ ආණ්ඩුවට අනතුරු අඟවා තිබෙනවා.  ලංකාව පකිස්තානුවන්ට 'පැමිණි පසු වීසා' ලබා දීම අත්හිටුවීමට තවත් හේතුවක් වුණේ ලංකාවේ මේ වන විට සිටින පකිස්තානු සරණාගතයෝයි. 1500කට වැඩි පකිස්තානු සරණාගතයින් පිරිසක් ලංකාවේ ඉන්නවා. ඔවුන් සංචාරකයින් ලෙස මෙරටට පැමිණි අයයි. ඔවුන් පසුව ලංකාවේ එක්සත් ජාතීන්ගේ සරණාගතයන් පිළිබඳ මහ කොමසාරිස් කාර්යාලයේ ලියාපදිංචිය ලබාගෙන තිබෙනව...