W3Lanka: Praja.lk Backup

  අජිත් පැරකුම් ජයසිංහ බටලන්ද 1987-90 කැරැල්ලේ එක් පැතිකඩක් පමණි. සමස්ත වකවානුව තුළ සිදු වූ සිදුවීම් සම්බන්ධයෙන් සංක්‍රාන්තික යුක්ති ක්‍රියාවලියක් පැවතුණේ නැත. දශක තුනකට පසුව පවා ඒ ගැන ගැටලු ඉතිරි වන්නේ එහෙයිනි. සමස්ත වකවානුව පිළිබඳම පොදු සමාවක් දෙනවාද, නැතිනම්, නැවත සංක්‍රාන්තික යුක්ති ක්‍රියාවලියක් ආරම්භ කරනවාද යන්න එම කැරැල්ලේ ප්‍රධාන පාර්ශ්වකරුවකු වන ජනතා විමුක්ති පෙරමුණ රාජ්‍ය බලය හොබවන මෙම සමයේදී තීරණයක් ගත යුතුය. සංක්‍රාන්තික යුක්තිය යනු, ඒකාධිපති පාලනයක්, කැරැල්ලක්, යුද්ධයක්, සිවිල් අර්බුදයක් වැනි තත්වයක් තුළ මහා පරිමාණයෙන් ඇති වන මානව හිමිකම් උල්ලංඝනයන් සම්බන්ධයෙන් සත්‍ය සෙවීම, අවශ්‍ය නම් නීතිමය ක්‍රියාමාර්ග ගැනීම (පොදු සමාවක් පවා මෙයට ඇතුළත්ය), වන්දි ගෙවීම හා නැවත සිදු නොවීම සඳහා අවශ්‍ය පියවර ගැනීමයි. එය පමා වී ආරම්භ වන සංක්‍රාන්තික යුක්ති ක්‍රියාවලියකි. එම නිසාම එය ඉතා දුර්වල එකක් වනු ඇත. දශක තුනහමාරක කාලයේ වැලිතලාව තුළ බොහෝ පාර්ශ්වකරුවන් සහ මතකයන් ගිලී ගොස් අවසන්ය. කෙසේ වෙතත්, මෙය අවසන් කිරීම හොඳය. වර්තමානයේදී බලයේ සිටින්නේ ජනතා විමුක්ති පෙරමුණේ රජයකි. ජනාධිපතිවරයාගේ පව...

  2024දී පත් වූ නව පාර්ලිමේන්තුවේ මන්ත්‍රීවරුන් අතර මතුගම සී.ඩබ්.ඩබ්. කන්නන්ගර මධ්‍ය මහා විද්‍යාලයේ අධ්‍යාපනය ලැබූ පුද්ගලයන් හතරදෙනෙකු සිටින බව කලුතර දිස්ත්‍රික් පාර්ලිමේන්තු මන්ත්‍රී (සමගි ජන බලවේගය) ජගත් විතාන පවසයි. එම සිව්දෙනා නම්, ජගත් විතාන (සජබ), සෞඛ්‍ය හා ජනමාධ්‍ය ඇමති නලින්ද ජයතිස්ස (ජාතික ජන බලවේගය – ජාජබ), පරිසර ඇමති ධම්මික පටබැඳි (ජාජබ), මහජන ආරක්ෂක නියෝජ්‍ය ඇමති සුනිල් වටගල (ජාජබ) යන අයයි. ජගත් විතාන මතුගම ඕවිටිගල පදිංචිකරුවෙකි. නලින්ද ජයතිස්ස බෙල්ලන පදිංචිකරුවකු වන අතර, සුනිල් වටගල බෝපිටියේ පදිංචිව සිටි අයෙකි. ධම්මික පටබැඳි පාසල් අධ්‍යාපනය ලබන සමයේ මතුගම අධ්‍යාපනය ලැබූවෙකි. Adapted from praja.lk

  අජිත් පැරකුම් ජයසිංහ අල් ජසීරා සාකච්ඡාව ශ්‍රී ලංකාවේ සිංහල බෞද්ධ ගොවිගම ආධිපත්‍යයට එරෙහි ප්‍රහාරයේ නව අදියරක්. එහි අරමුණ වුණේ රනිල්, මහින්ද, ගෝඨාභය වැනි හිටපු ජනාධිපතිවරුන්ට එරෙහිව ජනප්‍රිය ප්‍රබන්ධ මත පදනම් වී ශ්‍රී ලංකා රාජ්‍යයට අලුත් වටයකින් දැවැන්ත ප්‍රහාරයක් එල්ල කිරීම. එහිදී රනිල් වික්‍රමසිංහ ඉතා රාජ්‍ය තාන්ත්‍රික විදියට ශ්‍රී ලාංකික ජාතිකවාදී පදනමකින් එයට මුහුණ දුන්නා. රාජ්‍යයේ අඛණ්ඩතාව වෙනුවෙන් වගකීමෙන් යුතුව පෙනී සිටියා. මේ සම්මුඛ සාකච්ඡාවෙන් රනිල්ට අවමන් කරන්නට උත්සාහ කරන ලාංකිකයන් අවසානයේදී සිටගන්නෙ ශ්‍රී ලංකා රාජ්‍යයට එරෙහි ව්‍යාපෘතියට. ශ්‍රී ලංකාව සිංහල බෞද්ධ ගොවිගම ආධිපත්‍යයෙන් යුත් රාජ්‍යයක්. අනුර කුමාර දිසානායක ජනාධිපති පදවියට පත්වන්නෙ කලින් හිටපු ජනාධිපති රනිල් වික්‍රමසිංහගේ පූර්ණ අනුග්‍රහයෙන්. ඒත්, පක්ෂය අභ්‍යන්තරයේ පවා ඔහු ඉන්නෙ අවදානමක. ඔහුගේ බලවේගය සිංහල බෞද්ධ ගොවිගම ප්‍රභූ ආධිපත්‍යයට දැඩි ලෙස විරුද්ධ එකක්. අල් ජසීරා ප්‍රහාරය එල්ල වෙන්නෙ ජිනීවාහි එක්සත් ජාතීන්ගේ මානව හිමිකම් කොමිෂන් සභාවේ සැසිවාරය පැවැත්වෙන අතරතුර. මීට කලින් චැනල් ෆෝ වගේ ආයතනත් ප්‍රහාර සඳහා ප...

  අජිත් පැරකුම් ජයසිංහ, ආණ්ඩුව කුමක් කීවත්, සිපෙට්කෝ හෙවත් තෙල් සංස්ථාවේ තෙල් බෙදාහැරීම පිළිබඳ ප්‍රශ්නයක් ඇති බව බොරුවක් නොවේ. ආණ්ඩුව කියන්නේ තෙල් සංස්ථාව අලෙවිකරුවන්ගේ කොමිස් සඳහා නව සූත්‍රයක් හඳුන්වා දෙන බවයි. මේ  අපභ්‍රංසය මහජනතාවට වැටහෙන්නේ නැත. එසේම, ජනතාවට ඒවායින් වැඩක් ද නැත. තෙල් හිඟ වන බවක් ඉව වැටුණු හැටියේ ජනතාව තෙල් එකතු කිරීමට පටන් ගත්හ. ඒ අනුව, තෙල් අලෙවිය වැඩි වන්නට ඇත. පෝලිම් නිර්මාණය වී තිබේ. දැන් තෙල් වෙළඳපොළේ වැඩි මෙහෙයුම්කරුවන් පිරිසක් සිටින නිසා විශාල අර්බුදයක් නිර්මාණය නොවනු ඇත. එහෙත්, ගිනි පෙනෙල්ලෙන් බැට කෑ ජනතාව කලාමැදිරියාටත් බිය වීම පුදුමයට කරුණක් නොවේ. ජනතාවගේ චර්යාව වෙනස් කිරීම පහසු නැත. බලයේ සිටින ආණ්ඩුව වනාහි පසුගිය සමය තුළ ජනතාවගේ විචාරශීලී මනස සංකෝචනය කර වෛරී හා පක්ෂග්‍රාහී චර්යාවන්, බිය, සැකය, අවිශ්වාසය හා අරාජිකත්වය දෙසට නැඹුරු චර්යාවන් නිර්මාණය කිරීමට විශාල වශයෙන් දායක වූ පිරිසකි. ජනතාවගේ චර්යාවන් වෙනස් කිරීම ඔවුන් සිතන තරම් සරල නැත. වත්මන් පාලකයන්ට තමන්ගේ පෙර පුරුදු චර්යාවන් පවා වෙනස් කරගැනීම දුෂ්කර වී තිබෙන සංදර්භයක් තුළ ජනතාවගේ චර්යාව ගැන ක...

  අජිත් පැරකුම් ජයසිංහ, “මැඩම් ඇහුවා අද මෙයාව ඉදිරිපත් කළේ ඇයි? නිශ්චිත හේතුවක් කියන්න. උසාවි නියෝගයක්වත් නැහැ.” මෙම ප්‍රකාශය ගනේමුල්ලේ සංජීවට වෙඩි තැබීමෙන් පසු අධිකරණ භූමිය තුළ රූපගත වූ වීඩියෝවක කිසිවකු කියනු ඇසේ. ගනේමුල්ලේ සංජීව ඝාතනය සියුම් සැලැස්මක් බව පැහැදිලිය. ඉහත දක්වන ලද දෙබස් ඛණ්ඩයෙන් කියැවෙන්නේ අනිවාර්යයෙන්ම එම සැලැස්මෙහි මූලික කොටසකි. එසේම, ඝාතනයේ සැකකරු යයි කියන අයෙකු ලුහුබැඳ වහා අත්අඩංගුවට ගැනීම ද එකී සැලැස්මේ ම කොටසක් විය හැකිය. මෙවැනි ක්ෂණික අත්අඩංගුවට ගැනීමක් සිදු වූ තවත් අවස්ථාවක් වන්නේ පාස්කු ප්‍රහාරයි. ප්‍රහාර මාලාවෙන් කෙටි කාලයකට පසු පොලිසිය ඝාතන සැලසුම්කරුවන් වූ ඊබ්‍රාහිම් සහෝදරයින්ගේ ගෙදර සොයා යාමට සමත් විය. එතැන ද තවත් පිපිරීමක් හා හානි සිදු විය. බුද්ධි අංශවලට ප්‍රහාරකයන් සමග සම්බන්ධකම් තිබූ බවට මහ හඬක් නැංවේ. ලංකාවේ පොලිසිය කෙතරම් බරපතල ප්‍රශ්නයක් බවට පත් වී තිබේද යන්න ගැන තවත් සාක්ෂි කුමටද? පොලිසියට දේශපාලනික නායකත්වය දෙන අපරිණත දේශපාලකයන්ට වඩා අපරාධ හා මත්ද්‍රව්‍ය පාතාලය ප්‍රබලය; ස්මාට්ය. පොලිසියේ මොරාල් එක ගොඩනැගීම පහසු නැත. මුළු ලෝකයටම පෙනෙන පරිදි, තමන්...

  අජිත් පැරකුම් ජයසිංහ ජනාධිපති අනුර කුමාර දිසානායකගෙ මංගල අයවැය පිළිබඳ උණුසුම අද දවසේ අලුත්කඩේ අධිකරණයෙදි විනිසුරුවරයකු ඉදිරියේදී විත්ති කූඩුවේ සිටි සැකකරුවකු මරාදැමීමේ සිද්ධිය නිසා නිවී ගිහින්. ඒ වුණත්, මේ සටහන අයවැය ගැන දේශපාලන විග්‍රහයක්. සාමාන්‍යයෙන්, අයවැය යෝජනා වැඩි හරියක් ක්‍රියාත්මක වෙන්නෙ නැහැ. ඒ වගේම, සාමාන්‍යයෙන් මේ රටේ ජනතාව ඒ ගැන විධිමත් පසු විපරමක් කරන්නෙත් නැහැ. ජාතික ජන බලවේගයේ අයවැය යෝජනා විශේෂයෙන් විවේචනය කරන්නට අවශ්‍යතාවක් නැහැ. ඒවා ජනාධිපතිවරයාගේ ජනප්‍රියවාදී දේශපාලනයේම දිගුවක් වන ඊනියා මානව හිතවාදී යෝජනා. හැබැයි, පසුගිය කාලේ ඔහු පොරොන්දු වූ වඩා ජනප්‍රියවාදී තීරණ මෙහි නැහැ. උදාහරණයක් ලෙස, උසස් පුද්ගල ආදායම් බද්ද හෙවත් APIT අය කරන ආදායම් සීමාව ලක්ෂයේ සිට එක්ලක්ෂ පනස්දාහ හෝ දෙලක්ෂය දක්වා ඉහළ නැංවීමට දුන් පොරොන්දු ඉටු වී නැත. හේතුව සරලයි. එහෙම කළොත් රාජ්‍ය ආදායම් බිඳවැටෙයි. රාජ්‍ය සේවකයන්ට වැටුප් වැඩි වීමක් ලබා දී ඇත. මෙතෙක් දීමනා ලෙස පැවති ආදායම් මූලික වැටුපට එකතු කර තිබේ. එසේ කිරීමෙන් ඉදිරියේදී විශ්‍රාම ලබන අයට ඉහළ විශ්‍රාම වැටුපක් ගෙවීමට රජයට සිදුවනු ඇත. ඉහළ යන...

අජිත් පැරකුම් ජයසිංහ ගනේමුල්ල සංජීව නමැති පාතාල අපරාධ සැකකරුව ඝාතනය කරන්නේ අධිකරණයට ඉදිරිපත් කිරීමට ගෙනැවිත් තිබියදීය. ඝාතකයා පැමිණ තිබෙන්නේ නීතීඥවරයකු ලෙස වෙස්වලාගෙන බව කියැවේ. රට තුළ ගොඩනැගෙමින් ඇති අරාජිකත්වයේ ඉව මුලින්ම දැනෙන්නේ පාතාල අපරාධකරුවන්ටය. ජනාධිපති අනුර කුමාර දිසානායක බලයට පත්වී දැන් මාස පහකට ආසන්නය. අපරාධ සංස්කෘතියේ කිසිදු වෙනසක් සිදු වී නැත. අඩු තරමේ මත්ද්‍රව්‍ය හිඟය නිසා අසනීප වී සිටින කුඩු සික්කාරයකු හෝ ඔබ දැක තිබේද? පොලිසිය එහෙට මෙහෙට මාරු කර ඔන්න දැන් හරිනෙ එහෙනං කරලා පෙන්නන්නැයි කියා ප්‍රමාණවත් නැත. දේශපාලන නායකත්වය වගකීම භාරගත යුතුය. මතුගම ප්‍රදේශයේ අයෙකු වන ආරක්ෂක නියෝජ්‍ය ඇමති සුනිල් වටගල පසුගිය දිනෙක මාධ්‍යවලට පැවසුවේ පාතාලයට නායකත්වය දෙන්නේ ඔහුගේ ගමේ අයෙකු බවයි. ඔහු පාතාල ක්‍රියාකාරීත්වය ගැන හොඳින් දන්නා බව පෙනේ. ඒ වුණාට බුද්ධි අංශ මතුගම පැත්තේ කැරකෙමින් මට විරුද්ධව පොත් කේස්, එන්ජීඕ කේස් ඇති බව මා සමග සමාජ ක්‍රියාකාරකම්වල නියැලෙන අයට කියමින් හා ගමේ ප්‍රචාරය කරමින් මා ඇසුරු කිරීමට මිනිසුන් බිය කරන එක නම් කරති. ඔය විදියට රටේ නීතිය හා සාමය ඇති කළ නොහැකිය. ඒ වෙනු...

  අජිත් පැරකුම් ජයසිංහ ජවිපෙ ජනාධිපති අනුර කුමාර දිසානායක අද දින අයවැය ප්‍රකාශයට පත්කරනු ඇත. මෙය අයවැය යෝජනා කියවීමට පැය කීපයකට පෙර කරන පූර්ව අයවැය දේශපාලන තත්ව විශ්ලේෂණයකි. ජාතික ජන බලවේග ආණ්ඩුවට පැහැදිලි ආර්ථික ප්‍රතිපත්තියක් නැත. එය එක්කෝ මේ මොහොතට ගැලපෙන ධනේශ්වර ප්‍රතිපත්ති හරියට අනුගමනය කළ යුතුය. නැතිනම්, ඔවුන් පෙනී සිටින බව පෙනෙන සුබසාධනවාදය මත පදනම් වූ, රාජ්‍ය මූලික, ජාතික සමාජවාදී ආර්ථිකයක් පිළිබඳ ප්‍රායෝගික වැඩසටහනක් ඉදිරිපත් කළ යුතුය. ජාතික ජන බලවේග ආණ්ඩුව විසින් රාජ්‍ය වියදම් අඩු කර, දැඩි සකසුරුවම්කමකට යොමු වන බව පෙනේ. ආදායම් වැඩි කරගැනීමට යෝජිත වාහන ආනයනය වැනි ක්‍රියාමාර්ග විදේශ වත්කම් අහිමි වීමට හෝ දේශීය බදු ආදායම් අපේක්ෂිත ප්‍රමාණයට නොලැබීමට හෝ හේතු විය හැකිය. කෙතරම් සකසුරුවමින් වුවද, රාජ්‍ය සේවකයන්ගේ වැටුප් වැඩි කිරීමට ඉඩ තිබේ. පසුගිය මාස තුනේ ද අංශු මාත්‍රයකින් හෝ කාර්යක්ෂමතාව ඉහළ නංවා ගැනීමට අසමත් වූ බරවා කකුලක් වැනි රාජ්‍ය අංශයේ බර තවත් ජනතාව මත පැටවෙන්නට ඉඩ තිබේ. රාජ්‍ය වියදම් කප්පාදු කිරීම මගින් මුදල් සංසරණයට හා ආර්ථික ක්‍රියාකාරකම්වලට බලපෑමක් සිදු වේ. රජයේ ප්‍ර...

  අජිත් පැරකුම් ජයසිංහ අදානි වගේ ලංකාවට එන්නට හිටපු ආයෝජකයන් ආපහු යනකොට දැන් මාලිමාකාරයන් තවත් අලි බොරුවක් කියනවා අලුතෙන් ආයෝජන කලාප තුනක් පිහිටුවනවාය කියලා. ආයෝජන කලාප තුනක් කිව්වාම ආයෝජකයන් හාරපන්සීයකට ඉඩක්. එහෙම එකක් ආවට ගියාට හදන්නට බැහැ. ඉඩම් සංවර්ධනය, විදුලිය, ජලය, මාර්ග ආදිය වගේම වරාය හා ගුවන් තොටුපළ සංවර්ධනයත් අවශ්‍යයි. ඔය යෝජනාව ක්‍රියාත්මක කරන්නට අලුතෙන් ජලය ඝන මීටර 60,000කවත් කර්මාන්ත ජලය ඕනැ. ලංකාවෙ දැනටත් අති විශාල කර්මාන්ත ජල හිඟයක් තිබෙනවා. ඒ වගේම මෙගවොට් 3000ක විතර විදුලිය අලුතින් අවශ්‍යයි. බලශක්ති ක්ෂේත්‍රයේ ආයෝජකයන් පන්නගන්නෙ එවැනි පසුබිමක් තුළ. ඉඩම්, මාර්ග, විදුලි සංදේශ ආදී යටිතල පහසුකම් සංවර්ධනය කරන්නටත් ඕනැ. ඔය ටිකට විතරක් ඩොලර් බිලියන පහක්වත් ඕනැ. ආයෝජකයන් ගෙන්වා ගන්නට පුළුවන් ඊට පස්සෙ. තව වරාය, ගුවන් තොටුපළ සංවර්ධනය ආදියත් අත්‍යවශ්‍යයි. ඒවටත් ඩොලර් බිලියන ගණනක් අවශ්‍යයි. නිකං කියල දානව වගේ ඒ සල්ලි හොයන එක ලේසි නැහැ. ලංකාව අපනයනය මූලික කරගත් කර්මාන්ත සංවර්ධනයක් ඉලක්ක කළ යුතු බව රනිල් වික්‍රමසිංහ පවා කිව්වා. ඒ වෙනුවෙන් අත්‍යවශ්‍ය වන ආර්ථික විවෘතභාවය දෙස ඔහු යොම...

අජිත් පැරකුම් ජයසිංහ මාලිමා ආණ්ඩුව බලයට පැමිණියේ රනිල් වික්‍රමසිංහ ජනාධිපතිවරයාගේ මූලිකත්වයෙන් සිදු කළ ආර්ථික ප්‍රතිසංස්කරණ මාලාවක් මධ්‍යයේය. එම ප්‍රතිසංස්කරණ සම්පූර්ණ කර ශ්‍රී ලංකාවේ ආර්ථිකය තිරසර කිරීම සඳහා කාලය අවශ්‍යව තිබිණි. එහෙත්, ජවිපෙට කඩිනමින් මැතිවරණ අවශ්‍ය විය. මැතිවරණයෙන් රනිල් පැරදවීම සඳහා ජවිපෙ සිට සජිත්, නාමල් දක්වා බලවේගය පෙළගැසුණහ. ඒ පිටුපසින් කුමන රටවල් සිටියාද යන්න පැහැදිලි නැත. ලංකාවේ පසුගිය අවුරුදු පහක පමණ අතීතය තුළ ජුලී චං නම් ඇමරිකානු තානාපතිවරිය නම් ඉතා පැහැදිලිවම වියානා සම්මුතිය උල්ලංඝනය වන ආකාරයේ දේශපාලන මැදිහත්වීමක් කළාය. අවසාන ප්‍රතිඵලය ජවිපෙ බලයට පත්වීමයි. බලයට පත් වූ සැණින් ජවිපෙට තම කොමියුනිස්ට් ප්‍රතිපත්ති ඉදිරියට ගැනීමට බැරි විය. එහෙත්, දැන් දැන් ඒ සඳහා අවස්ථාව උදා වෙමින් තිබේ. තව දින කීපයකින් ඉදිරිපත් කිරීමට නියමිත අයවැය ලේඛනය සමග ජවිපෙ සැබෑ ආර්ථික ප්‍රතිපත්තිය දැක ගැනීමට හැකි වනු ඇත. පැවති සංක්‍රාන්ති මාස කීපය තුළ ජවිපෙ ආණ්ඩුව පෙන්නුම් කළේ ප්‍රතිපත්තියක් නොමැතිකමය. මෙම ප්‍රතිපත්තියක් නොමැතිකම තුළ රටේ යළි භාණ්ඩ හිඟයන් නිර්මාණය විය. සහල් මිල පාලනය සඳහා ...

  අජිත් පැරකුම් ජයසිංහ අද මේ හෝල් එකෙන් පවුලේ අය රානි බලන්න සැලසුම් කරගෙන හිටියා. දහයට විතර හෝල් එකටත් ගිහින් බැලුවා. ඇරලාවත් නැහැ. මේ නම්බර් එකක්වත් ආන්සර් කරන්නෙත් නැහැ. රානි බලන්න වෙන විදියක් හොයාගන්නට ඕනැ. ගම්වල මිනිසුන් සිනමාවෙන් ඈත් කරන්නට හේතු වුණ ප්‍රධාන කාරණයක් තමයි, චිත්‍රපටි හෝල්වල ගැටලුව. මෙච්චර ලොකු චිත්‍රපටි හෝල් දැන් ගම්වලට වැඩකුත් නැහැ. මතුගම ගාමිනී හෝල් එක නම් අමරසිංහ පවුලෙ කට්ටිය ෆෙඩරල් කරගෙන එතන දැන් ජගත් හදපු බිල්ඩිං එකේ තමයි පියරත්න ටෙක්ස් තියෙන්නෙ. ජානකී හෝල් එක තියෙන්නෙ පොළ ළඟ නිසා ඒක හොඳයි, සුපර් මාකට් එකකට. එහෙම වෙනස්කම් කරන ගමන් මිනි සිනමා එකක් දාන්න පුළුවන්. ගම්බදව මධ්‍යම පංතියක් හිටියට ඔවුන් ඒ තරම් සංස්කෘතිකගත වෙලා නැහැ. වෙන්න විදියකුත් නැහැනෙ. ගම් පැතිවල එන්ටර්ටේන්මන්ට් බිස්නස් එකේ ඉන්නෙ බාලම කොලිටි වෙළෙන්දො. සිනමා කර්මාන්තය කියන්නෙ ඉතිහාසයක් මුළුල්ලෙම උපයපු ආකාරය පෙන්නන්නට බැරි ආදායම් හෙවත් කළු සල්ලි සුදු කරන ලොන්ඩරියක්නෙ. ඒ ගැන මෙතන කතා කරන්නට යන්නෙ නැහැ. මතුගම ජානකී සිනමා ඇරලද? නැතිනම් වහලද? ඇරල වගේ වහලද? වහල වගේ ඇරලද? ඔන්න ඔහොම තමයි සිනමා කර්මාන්තයේ...

  අජිත් පැරකුම් ජයසිංහ නිදහස් දවසෙ ගමේ ගෙදර ගියා. හිතවතෙකු ඇවිත් කතා කළා. “අජිත් අයියෙ, බුද්ධි අංශෙන් ආවනෙ?” “කොහෙටද? මෙහෙටද?” මං ඇහුවා. අපේ ගෙදර වහලනෙ තියෙන්නෙ. “මගදි හම්බ වුණෙ. (අහවල්) ඇන්ටි එක්ක කතා කර කර ඉන්නකොට මං එතනින් ගියා. ඇන්ටි කිව්වා මෙන්න මෙයා හොඳට දන්නවා, එයාගෙන් අහන්න කියලා.” “ඉතින් මොනවද ඇහුවෙ?” “ඩයස්පෝරා වගේ වචනයක් කියල එහෙම කේස් එකක් කිව්වා. මට මතක නැහැ. විමර්ශනයක් කරනවලු. මගෙන් අජිත් අයිය ගැන විස්තර ඇහුව. මං ඉතින් …..” ආදී වශයෙන් කිව්වා. බඩු හරි දැන්. මුළු ගමේම පත්තු වෙලා මං ගැන බුද්ධි අංශ විමර්ශනය කරනවාය කියලා. දැන් ඉතින් ඩැමේජ් කොන්ට්‍රෝල් කරගන්න උත්සාහ කරන්න එපායැ. ගම්වල හැටි දන්නවනෙ. ඒකනෙ ඒවට ගම් කියන්නෙ. ඒ හින්දා මං මෙහෙම කිව්වා: “ඔය මං දැන් එන්ජීඕ එකක වැඩ කරනවනෙ…….” එහෙම කියන්න පටන් ගත්තා විතරයි මල්ලි පැන්නා. “අන්න හරි අයියෙ. එන්ජීඕ කේස් එකක් කියල තමයි කිව්වෙ. මට අමතක වෙලා තිබුණෙ.” ඔන්න ඕකයි ප්‍රශ්නෙ. මෙන්න මේකයි බුද්ධි අංශවල තත්වෙ. මීට කලිනුත් මං දන්න කෙනෙකු කිව්වා, මං ගැන විමර්ශනයක් කෙරෙනවාය, පොත් කේස් එකක් ගැනය කියලා. දැන් එන්ජීඕ කේස් එකක් ගැන. “ආයෙ ඇහුවො...

  සුනිල් කන්නන්ගර, හිටපු ජ්‍යේෂ්ට පරිපාලන නිලධාරි ප්‍රියන්ත මායාදුන්නේ මහතා අපරාධ පරීක්ෂණ දෙපාර්තමේන්තුවෙන් අත් අඩංගුවට ගැනීම ගැන පොලිස් මාධ්‍ය ප්‍රකාශකවරයා මාධ්‍යට කළේ යැයි කියන ප්‍රකාශය මගින් ඔහුට තවත් බලවත් අගතියක් සිදු කර ඇත. පොලිස් මාධ්‍ය ප්‍රකාශකවරයා මාධ්‍යයට ප්‍රකාශ කර ඇත්තේ 2011ජ්‍යාත්‍යන්තර සමුපකාර දිනය සැමරුම් උත්සවය පැවැත්වීමේදී සමුපකාර අරමුදලින් රුපියලි මිලියන 183ක් වැය කිරීම පිලිබඳ චෝදනාවක් මත ඔහුව අත්අඩංගුවට ගත් බවයි. එහෙත් අපරාධ පරීක්ෂණ දෙපාර්‍තමේන්තුව මායාදුන්නේ මහතාව අධිකරණයට ඉදිරිපත් කරමින් මහේස්ත්‍රාත් උසාවියට පෙන්වාදී ඇත්තේ ඉහත උත්සවයේ ප්‍රවාහන පහසුකම් සැපයීමේදී රුපියල් ලක්ෂයක මුදලක් අවභාවිතාවීමක් ගැන මායාදුන්නේ මහතා වගකිවයුතු බවය. ඒ අනුව රුපියල් ලක්ෂ දෙකක ඇප බැඳුම් කරයක් මත මායාදුන්නේ මහතා නිදහස් කිරීමට මහේස්ත්‍රත්තුමා නියෝග කර ඇත. දැනට සැකපිට අත්අඩංගුවට ගෙන එසේ නිදහස් කෙරුනු මායාදුන්නේ මහතාට එරෙහිව චෝදනා ගොනුකර නඩු පවරන්නේද නැතිද යන්න ඉදිරියේදී දැන ගත හැකිවනු ඇත. කෙසේවුවත් පොලිස් මාධය ප්‍රකාශකවරයා මේ සිද්ධිය ගැන මාධ්‍යට කළ ප්‍රකාශය නම් අනිවාර්‍යෙන්ම හෙලා දැකිය...

  පරීක්ෂා නොකර වරායෙන් පිට කළ කන්ටේනර් 323 අතරෙ එක්ස්පෝ ලංකා එකේ කන්ටේනර් නැතිය කියන එක කියන්න රේගුව නිවේදන නිකුත් කරන්න ඕනැ නැහැනෙ. එහෙනම් ඉතින් එතන කන්ටේනර් නැති වෙන සමාගම්වල නමුත් නිවේදනයෙ තියෙන්න ඕනැනෙ. එක්ස්පෝ ලංකා කියන්නෙ පෞද්ගලික සමාගමක්නෙ ඒක වෙනුවෙන් රජය කතාකරන්නට හේතුව මොකක්ද? අනෙක, ඔය චෝදනාව කළේ අපි නෙමෙයි. රේගු වෘත්තීය සමිති සන්ධානය. ඔවුන් මේ ප්‍රශ්නය ගැන හොඳ අවබෝධයක් තිබෙන පිරිසක්. ඔවුන් නගපු චෝදනාව තමයි මේ 323න් 80%ක් රතු ලේබල් කර තිබුණු ඒවා බව. ඒ අනුව, එවැනි වර්ගීකරණයක් කර ඇති කන්ටේනර් සම්බන්ධයෙන් අනුගමනය කළ යුතු ක්‍රමවේදය අනුගමනය කර ඇති බවක් මේ නිවේදනයෙ නැහැ. මේ නිවේදනයෙම තියෙනවා ඒ 323 භෞතිකව පරීක්ෂා කළ යුතුව තිබුණු කන්ටේනර්ය කියලා. එහෙම භෞතිකව පරීක්ෂා කළ යුතුයි කියලා තීරණය කළා නම් ඉන් පසු එහෙම පරීක්ෂා නොකළ යුතුයි කියලා තීරණය කළේ කොහොමද? ඒ තීරණය ගන්නට දේශපාලකයන් මැදිහත් වුණේ ඇයි? මෙතනදි සිදුවුණ දේ ගැන ඇතිවුණ සැකය නැති කරන්නට මේ නිවේදනය ප්‍රමාණවත් නැහැ. මේ කන්ටේනර් කාගෙද? ඇයි ඒ 323 එහෙම පරීක්ෂා නොකර නිදහස් කළේ? මොනවද ඒවයෙ තිබුණෙ? කවුරුද ඒවා ගෙන්නුවෙ? පැහැදිලි කරලා නිව...

  අජිත් පැරකුම් ජයසිංහ ශ්‍රී සඟරාවෙ පිටු හතරක පහක එක දවසෙන් ඉවර වෙන චිත්‍ර කතාවක් තිබුණා. ඒ සමහර කතාත් මට තාම මතකයි. හඳපානේ ඔරු පදින්න ගිහින් ගඟේ ගිලිලා මැරුණ අක්ක නගෝ දෙන්නෙක් ගැන හොල්මන් කතාවක් තිබුණා. තව කතාවක පෙම්වතිය අන්ධ වීම නිසා ගෙදරින් ‘පොට්ටියක් බඳින්න ඕනැ පොට්ටයෙක්‘ කිව්ව නිසා කොල්ලෙක් කතුරකින් ඇස්වලට ඇනගෙන ‘පොට්ටියක් බඳින්න ඕනැ පොට්ටයෙක්‘ කියලා කෑගහනවා. මං පොඩි කාලෙ මේ පොට්ටයා කියන්නෙ කාටද කියල දැනගෙන හිටියෙ නැහැ. ඇයි ඉතින් මේ පොට්ටනියක් බඳින්න ඕනැ කියල කෑගහන්නෙ කියල තමයි මං කල්පනා කළේ. ඉස්කෝලෙ යන්න පටන් ගන්නත් කලින් තමයි මං ශ්‍රී සඟරාව කියෙව්වෙ. අකුරු ඉගෙන ගත්තෙත් ඒකෙන්මද කොහෙද? මොකද, අක්කා අකුරු ගැටගහගෙන ඒවා කියනවා බලාගෙන ඉඳලා මාත් කියවන්න පටන් අරගෙන. ගෙදර තිබුණ අම්මගෙ ශ්‍රී සඟරා මිටියෙ ‘අහන්න ආසයි අපටත් කියන්න‘ කොටසෙ විහිළු කතා හයියෙන් කියවලා හිනා වුණාට ඇතැම් ඒවා තේරුණේ පස්සෙ කාලෙක. උදාහරණයක් විදියට එක කතාවක තිබුණා, ඒ කාලෙ දෙමළ රාජ්‍ය සේවකයන්ට භාෂා ප්‍රවීණතාව ලබාගන්නට දෙමළ අය සිංහල විභාග ලියද්දි, එක  මහත්තයෙක් ගොනා තණ කයි කියන වාක්‍යය බහුවචනයට හැරෙව්වෙ ගොනා තන දෙ...

අජිත් පැරකුම් ජයසිංහ ඔන්න එකමත් එක රටක දැවැන්ත සමාගමක් තියෙනවා. ඒ සමාගම තමයි ඒ රටේ ආනයන අපනයන වෙළඳාමේ විශාලම පංගුකාරයා. මිස්ඉන්වොයිසිං හෙවත් හොර බිල් දැමීම හරහා ඒ රටට ලැබිය යුතු විශාල විදේශ විනිමය ප්‍රමාණයක් රටින් පිට කළා කියලා චෝදනා එල්ල වෙනකොට ඒක ඒ රටේ ලොකුම ආනයන අපනයන මෙහෙයුම්කරුවාට ඍජුවම අදාළ වෙනවා. මේ අතරෙ මිස්ඉන්වොයිසිං චෝදනාව නගපු අය අතරින් වැඩිම සද්දෙ තියෙන පක්ෂෙට අවුරුදු ගණනක කැම්පේන් එකක් සඳහා වැක්කෙරෙන්න සල්ලි ලැබෙනවා. උන් ඒ සල්ලිවලින් ආණ්ඩු පෙරළනවා. බලයට පත් වුණාට පස්සෙ අර කොම්පැනියෙ හිටපු ලොක්කාට ඒ ආණ්ඩුවේ ජනාධිපතිවරයාගේ අතිශය වැදගත් නියෝජිතකමක් ලැබෙනවා. ටික දිනකින් ඒ රටේ ප්‍රධාන වරායේ එතෙක් නොතිබුණු අමුතු තදබදයක් ඇතිවෙනවා. නැව් හරවන් යනවාය කියාත් වාර්තා වෙනවා. කන්ටේනර් නිෂ්කාශනය පමා වෙනවා. ලොරි පෝලිම් ගැහෙනවා. ඩ්‍රයිවර්ලා බනිනවා. ඇමතිලා නිරීක්ෂණ චාරිකා යනවා. උනුත් කාටද බනිනවා. මේ අතර, දේශපාලන නායකත්වයේ නියෝග මත රේගුවෙන් නිිශ්කාෂණය කළ යුතු රතු ලේබල් කන්ටේනර් 300කට වැඩි ප්‍රමාණයක් නිසි පරීක්ෂා කිරීමකින් තොරව පිටවෙනවා. ඒ බහාලුම්වල ආපු දේවල් මොනවද? රත්තරංද? මත්ද්‍රව්‍යද? පුපු...

  අජිත් පැරකුම් ජයසිංහ තම ඡන්දදායකයන් සතුටු කිරීම සඳහා දූෂිත දේශපාලකයන්ගේ වැරදි සම්බන්ධයෙන් කරන විමර්ශන දේශපාලන පළිගැනීම් බවට පත් කිරීම ඔවුන්ට සදාචාරාත්මකව ගැලවීමට අවස්ථාව ලබාදීමකි. අර්ජුන් මහේන්ද්‍රන් සිංගප්පූරුවෙන් ලබාගැනීමට නොහැකි වී තිබෙන්නේ ද විමර්ශන දේශපාලනීකරණය කිරීමේ ප්‍රතිඵලයක් ලෙසය. ඖෂධ වංචා නඩුවේදී කෙහෙළිය රඹුක්වැල්ල ඇතුළු පිරිස් සම්බන්ධයෙන් විමර්ශන හා නීතිමය ක්‍රියාමාර්ගවලදී දේශපාලන ඇඟිලිගැසීම් තිබුණේ නැත. මේවායින් පාඩම් ඉගෙනගත යුතුය. ඇරියස්කාරයන්ට දේශපාලනික තනතුරු දී ඔවුන් ලවා අවිධිමත් ක්‍රියාමාර්ග ගන්නවා වෙනුවට, පොලිසියේ අපරාධ විමර්ශන ක්‍රමවේදය හා නීතිපති දෙපාර්තමේන්තුවේ නඩු පැවරීමේ පටිපාටියවිධිමත් කිරීමට කටයුතු කළ යුතුය. ආණ්ඩුව රාජ්‍ය සේවයේ හා අධිකරණයේ ස්වාධීනත්වයට අත තැබීම ද දූෂිතයන්ට වාසිදායක තත්වයකි. මෙය ද තේරුම් ගත යුතුය. අතීතයේ කරන ලද සියලු වැරදි සම්බන්ධයෙන් නීතිමය ක්‍රියාමාර්ග ගැනීම දුෂ්කරය. තේරෙන උදාහරණයකින් කියනවා නම්, 1989 වකවානුවේ ජවිපෙ විසින් කරන ලද අපරාධ සම්බන්ධයෙන් දැන් නඩු පැවරීම ප්‍රායෝගිකව කළ නොහැක්කකි. කළ හැකි දෙය වන්නේ මින් ඉදිරියට එසේ සිදු නොවන පරි...