W3Lanka: Praja.lk Backup

මෛත්‍රී පාලනය තුළ සතියක් ගෙවී ගියේ ය. සතියක් යනු එතරම් දිගු කාලයක් නො වේ. එහෙත්, මේ සතිය තුළ අනාගතය ගැන වැදගත් සංඥා කීපයක් ම දකින්නට ලැබිණි. එම සංඥා මෙසේයි:‍ මෙය විප්ලවයක් නොව බල සීරුමාරුවකි සිදු වී තිබෙන්නේ ධනවාදයේ අර්බුදය පුපුරා ගොස් එහි ස්වරූපයේ වෙනසක් සිදු වීම මිස සමාජවාදී විප්ලවයක් නොවන බව මතක තබාගෙන කටයුතු කළ යුතු ය. එහෙයින් ඇතැමුන් අපේක්ෂා කරන ආකාරයේ දැවැන්ත සමාජ විපර්යාසයක් සිදු වන්නේ නැති බව කණගාටුවෙන් වුවත් කිව යුතු ය. එවැනි බලාපොරොත්තු තබාගෙන සිටි අයට අලුත් කලකිරීම් ඇති කර ගැනීමට සිදු වනු ඇත. ‍එහෙත් සුබවාදී නොවී සිටිය යුතු බවක් එයින් අදහස් වන්නේ නැත. වඩා වැදගත් වන්නේ සුබවාදී වෙමින්, අධෛර්ය නො වෙමින් අරගලය පවත්වාගෙන යාමයි. මෛත්‍රීපාල සිරිසේන යනු මහින්ද රාජපක්ෂ ආණ්ඩුවේ සිටි සාමාන්‍ය ඇමතිවරයකු මිස සුවිශේෂ අරගලකරුවකු නො වේ. ඔහු වනාහි දහඅටවන ආණ්ඩු ක්‍රම ව්‍යවස්ථා සංශෝධනය හා ශිරානි බණ්ඩාරනායක දෝෂාභියෝගයට ලක් කිරීම වැනි අධම ක්‍රියාවලට අත එසවූ අයෙකි. ඔහු‍ තුළ යම් සරළකමක් දක්නට ලැබිණි. මහින්ද රාජපක්ෂගේ මජර ක්‍රමය වෙනස් කිරීමේ අරගලයට නායකත්වය දීමේ අභියෝගාත්මක, එඩිතර තීරණයකට ...

අන්තර්ජාලයේ හා සමාජ ජාල වෙබ් අඩවිවල කට කතා නිර්මාන මේ වන විට අතිශය විනාශකාරී තත්වයකට පත්ව තිබේ.  එක්සත් ජාතික පක්ෂයෙන් යැපෙන බව පෙනෙන වෙබ් අඩවි කීපයක් කලක සිට ම ආණ්ඩුවට හා විපක්ෂයේ තම සතුරන්ට එරෙහිව ප්‍රබන්ධ ලිවීම ජීවනෝපාය කරගෙන තිබිණි. මෑතක සිට හතු පිපෙන්නා සේ මෙවැනි ඕපාදූපකාරයන් බිහි වී තිබේ.  ඔවුන්ගේ මූලික ලක්ෂණයක් වන්නේ තොරතුරු මූලාශ්‍රවල හිඟයයි. එහෙත්, ඔවුන්ට හොඳ පරිකල්පනයක් තිබේ. ඇසින් දුටුවා සේ අල්ලේ පැලවෙන බොරු ලියන්නට ඔවුහු සමත් ය.  ඔවුන්ගේ ප්‍රවෘත්තිවල මූලාශ්‍රය ඔවුන්ගේ ම මනෝරාජික අපේක්ෂා ය. මේ වැඩි දෙනෙක් මහින්ද රාජපක්ෂ ජනාධිපති සමග බද්ධ වෛරයකින් පෙළෙති. එහෙයින් අතට හසු වන ඕනෑම දෙයකින් ඔහුට පහර දෙති.  ඔවුන්ගේ මනෝ ලෝකය පොළවේ නැත. එහෙත්, ඔවුන්ට රැවටෙන ඇතැමෙක් ඒ ලෝකය භෞතික ලෝකය තුළ සොයන්නට දත කති. නැති තැන අපේක්ෂා භංගත්වයට පත් වෙති. විපක්ෂ පොදු අපේක්ෂකයා ඉදිරියේ තිබෙන ලොකු ම අභියෝගයක් වන්නේ මේ ඕපාදූප නිර්මානකරුවෝ ය. ඔවුන් විසින් නිර්මානය කරන ලද ප්‍රබන්ධ යථාර්ථය බවට පත් වන තෙක් බලා සිටින එජාප පාක්ෂිකයෝ එසේ නො වූ කල පහසුවෙන් ඉච්ඡා භංගත්වයට පත් වෙති...

දුප්පතුන් සිතන හැටි නො දැන ඡන්ද කරන්නට බැරි ය. ජනාධිපතිවරණ සටන මේ මොහොතේ තිබෙන්නේ ආරම්භක ශක්තිය ගොනු කර ගන්නා අදියරේ ය.  මෛත්‍රීපාල සිරිසේන ධාවන පථයට පිළිපන් අලුත් අශ්වයෙක් වැනි ය. ඔහු හමුවේ ප්‍රශ්න කීපයක් තිබේ.  කූට බුද්ධිය හා භූමියේ දේශපාලන හැකියාවන් අතින් ඔහුට මහින්ද රාජපක්ෂ සමග සම විය හැකි ද? විපක්ෂය ඔහුට දෙන සහයෝගය කුමක් ද?  පළමුවන ප්‍රශ්නයට පිළිතුර ඉතා කෙටි කලකින් ලැබෙනු ඇත. ඒ මෛත්‍රීපාල ශ්‍රීලනිපයෙන් කඩා ගන්නා කුට්ටියේ තරම අනුව ය. කලින් වූ පොරොන්දු ඒ අන්දමින් ම පවතී ද, මහින්දගේ ආරක්ෂණවාදී ක්‍රියාමාර්ගය හමුවේ කීදෙනෙක් පය ආපසු ගනීවි ද යන්න මේ සතියේ දැන ගන්නට ලැබෙනු ඇත. මෛත්‍රීපාලගේ ආරම්භක ශක්තිය තීරණය වන්නේ ඒ අනුවයි. එසේම, ජනාධිපතිවරණ සංවිධාන ක්‍රියාවලිය ශ්‍රීලනිප පදනමක් ඔස්සේ ඉදිරියට ගෙන යාමට ඔහුට හැකියාව තිබිය යුතු ය. දැන් ඔහු විපක්ෂයේ නායකත්වය සියතට ගෙන තිබේ. ඔහුට එය කළමනාකරණය කර ගන්නට පුළුවන් ද? ප්‍රධාන වශයෙන් ම එක්සත් ජාතික පක්ෂයේ සහයෝගය ගැඹුරින් දිනා ගන්නට ඔහු සමත් වේ ද? එක්සත් ජාතික පක්ෂය ඔහුගේ මැතිවරණ ව්‍යාපාරයට උර දෙයි ද?  ජාතික හෙළ උරුම...

මෛත්‍රීපාල සිරිසේන ශක්තිමත් පොදු අපේක්ෂකයෙකි. කොයි පැත්තෙන් බැලුවත් සාපේක්ෂව මධ්‍යස්ථ පුද්ගලයෙකි. ගෞරවයට පාත්‍ර විය හැකි අයෙකි. එහෙත්, ඔහුට ජනාධිපතිවරණය ජය ගත හැකි වන්නේ විපක්ෂ එක්සත් ජාතික පක්ෂය ප්‍රමුඛ විරුද්ධ පක්ෂවලින් ඔහුට පූර්ණ සහයෝගය ලැබේ නම් පමණි.  එක්සත් ජාතික පක්ෂය හා එහි නායක රනිල් වික්‍රමසිංහ දැනටත් දැවැන්ත කැප කිරීමක් කර හමාර ය.  මෛත්‍රීපාල සිරිසේන හා එක්සත් ජාතික පක්ෂය අතර අනාගත බල තුලනය ඉතා වැදගත් සාධකයකි.  ජනාධිපති මහින්ද රාජපක්ෂ ද තමන් කෙතරම් එඩිතර සටන්කරුවකු ද යන වග ප්‍රදර්ශනය කර තිබේ. ඒ මෙවන් තියුණු අභියෝගයක් හමුවේ පවා ජනාධිපතිවරණය කැඳවීමට කටයුතු කිරීමෙනි. සමහර විට ඔහු විශ්වාසය තබා තිබෙන්නේ ග්‍රහ තාරකා පිළිබඳ වන්නට පුළුවන. අහසේ තරු තරම්වත් ඔහු පාමුල දැවටෙන සුපිරි තරු විශ්වාස කළ නො හැකි බව ඔහු වටහා ගත යුතු ය.  ආණ්ඩුව තවමත් නිශ්ශබ්ද ය. මේ ගුලිය දිරවා ගන්නට කල් වේලා අවශ්‍ය බව ඇත්ත ය.  ආණ්ඩුවෙන් කැඩී එන ලැයිස්තුවේ මර්වින් සිල්වා වැනි නම් දැනට හෝ නැති එක ලොකු දෙයකි. පොදු අපේක්ෂකයාගේ සටන් පාඨ විය යුත්තේ දූෂණය දුරලීම, නීතියේ පාලනය ස්ථාපි...

ජාතික හෙළ උරුමය ආණ්ඩුවෙන් කැඩුණා පමණි. රතන හිමියන්ගේ සදහම් සෙවණ අසපුවට මැරයන් එවා ඇත.  ආණ්ඩුව රාජගිරිය ඔබේසේකරපුර වැනි තැනක අක්කර තුනකට වැඩි ඉතා වටිනා රජයේ ඉඩමක් රතන හිමියන්ට දන් දුන්නේ ඇයි? එතැන තමන්ට ගෙවල් හදන්නට තිබුණු බව කියන ජනතාව රතන හිමියන් ආණ්ඩුවෙන් යනකල් බලා උන්නේ ඇයි?  ආණ්ඩුවෙන් කඩාගෙන ආ හා එන්නට ඉන්න යහපාලකයන්ගේ කිල්ලෝටවල මෙවැනි හුණු ඇති බව අමුුතුවෙන් කියන්නට ඕනෑ නැත. රාජපක්ෂ රෙජිමය විසින් මහජන මුදල් කොල්ල කෑමේ දූෂණ ජාලයට හසු කර ගත් සේනාව සුළු පටු නො වේ. ඒ අය අතර ආණ්ඩු පක්ෂයේ සිටි දේශපාලකයෝ ඉදිරියෙන් ම සිටිති. කඩාගෙන එන්නට සිටින පිරිසට නායකත්වය දෙන බව කියන මෛත්‍රීපාල සිරිසේන ද දේශපාලන බලයෙන් දියුණු වූ පොළොන්නරුවේ දූෂිත පවුලකින් පැවත එන්නෙකි.  අනෙක් අය ගැන ද කියන්නට ඕනෑ නැත.  යහපාලනය, නීතියේ ආධිපත්‍යය ගැන ඔවුන් කියන සුන්දර කතන්දරවල යටිපෙළ එතරම් සුන්දර නැත.  ඒත් කමක් නැත. රාජපක්ෂලා රටත් ගෙන විනාශය දෙස දුවන මේ දිවිල්ල නැවැත්විය යුතු ය. යුද්ධය දිනවීම වෙනුවෙන් ඔය ගෙව්ව මිළ ඇති ය. හොරකම් කරන්නට වුව රටක් තිබිය යුතු ය. මෛත්‍රීපාලලාගේ ජනාධිපත...

සිද්ධියක් පුවතක් බවට පත් කරන්නේ ජනමාධ්‍ය විසිනි. ජනමාධ්‍ය විසින් පුවත් බවට පත් කරනු නොලබන සිද්ධි ඕනෑතරම් තිබේ. එසේම විකෘති පුවත් බවට පත් කරනු ලබන සිද්ධිද තිබේ.  පොල් සිද්ධිය පිළිබඳ අපේ විශ්ලේෂණය අපි ඉදිරිපත් කළේ ඒ සිද්ධිය සිදු වූ අලුතමය. ප්‍රධාන ධාරාවේ ජනමාධ්‍ය මෙ සිද්ධිය භාවාතිශය ලෙස ඉදිරිපත් කරමින් විකෘති ප්‍රවෘත්තියක් නිර්මානය ‍කළහ. ලංකාවේ වැඩිදෙනෙකු කැමති බාල ජනප්‍රියත්වයට ප්‍රිය කරන ජනාධිපතිවරයා පවා මෙම සිද්ධිය පසුපස එල්ලුණේය.  මේ දිනවල තවත් සුවිශේෂ ජනමාධ්‍ය මෙහෙයුමක් දැකගත හැකිය. ඒ ඇමති මෛත්‍රීපාල සිරිසේනගේ පුත් දහම් සිරිසේන නැගෙනහිර පළාතේ නියෝජ්‍ය පොලිස්පතිවරයකුගේ පුතකුට පහරදීම හා සම්බන්ධ සිද්ධියයි.  දහම් සිරිසේන පොලිස් පුතාට පහර දුන්නේ 'මම අනාගත අගමැතිගේ පුතා'ය කියමින් බව ජනමාධ්‍ය වාර්තා කරයි.  මීට කලකට ඉහතදී ඇමති ඩිලාන් පෙරේරා උතුරුමැද පළාත් සභා මැතිවරණ රැළියකදී ඇමති මෛත්‍රීපාල සිරිසේනව අනාගත අගමැතිවරයා ලෙස හඳුන්වා ආපසු කොළඹට එනවිට ඔහු දරමින් සිටි එක් නියෝජ්‍ය ඇමති තනතුරක් අහිමි වී තිබිණි. ශ්‍රී ලංකා නිදහස් පක්ෂයේ ලේකම් මෛත්‍රීපාල සිරිසේන යනු රා...

ලබන වසරේ සිට රජයේ රෝහල්වලින් ලබා ගන්නා ප‍්‍රතිකාරවලට වැය වන මුදල පිළිබඳ රෝගීන් දැනුවත් කිරීම සඳහා ඔවුන් රෝහලින් පිටව යනවිට බිල්පතක් නිකුත් කරන බව සෞඛ්‍ය අමාත්‍ය මෛත‍්‍රීපාල සිරිසේන මහතා පවසයි. අනාගත අගමැතිවරයකු හා ජනාධිපතිවරයතු වන මෙතුමාට ලෝක බැංකුවෙන් ලකුණු ටිකක් දමාගන්නට මේ ප්‍රකාශය හොඳය. මන්ද, මේ වනාහි නොමිළේ දෙන බව කියන සෞඛ්‍ය පහසුකම් කප්පාදු කිරීම සඳහා හොඳ ආරම්භක පියවරක් වන බැවිනි. අප කියන්නේ මෙය නරක දෙයක් නොවන බවය. බිල සවිස්තර බිලක් වෙනවානම් වඩා හොඳය. එවිට අමාත්‍යංශය පැරසිටමෝල් පෙත්තක් මිළදීගන්නා මිළ ආදියද එයින් කොපමණ කොමිස්ගසා තිබේද යන්නද සොයා දැනගතහැකිය. කටට ආවාට කීවාට මේ පියවර ඇත්තටම ගන්නට තරම් කොන්දක් මේ ඇමතිට තිබුණොත් ඇත්තෙන්ම හොඳය. එසේම, ජනතාව මිළදීගන්නා සෑම හාල්, සීනි, පිටි, කිරිපිටි, කරවල, තුනපහ ආදී දේ හැම කිලෝවකම මිළ සමග ආණ්ඩුව එයින් අය කළ මුළු බදු මුදල කොපමණද යන්නද දැනුම් දියයුතුය. මන්ද, ජනතාව ඒ පිළිබඳවද දැනුවත් විය යුතු නිසාය. පසුගිය දිනවල දිවිනැගුමෙන් බෙදූ ඇට පැකට්ටුවකට ගිය වියදම වැනි දේද ජනතාව දැනගතයුතුය.  දුක දිනා ජයගත් වැලි රාජුලා ග ේ පවුල ක ෝටිපතිය...

(2010 ජුලි 22,  W3Lanka )  මෙරට මානසික රෝගවලින් බහුතරයකට හේතුවී ඇත්තේ දේශපාලනඥයන් හා රජයේ නිලධාරීන් බව සෞඛ්‍ය ඇමති මෛත්‍රිපාල සිරිසේන පවසා ඇත. ඔහු මෙම ස්වයං විවේචනාත්මක ප්‍රකාශය කර ඇත්තේ පසුගිය දිනෙක අංගොඩ මානසික රෝහල ජාතික මානසික සෞඛ්‍ය විද්‍යායතනය - ශ්‍රී ලංකාව නමින් නැවත නම් කිරීම වෙනුවෙන් පැවති උත්සවයකදී ය. ඇත්ත කීම ගැන සෞඛ්‍ය ඇමතිතුමාට අපෙන් මල් මිටක්! You may also like to read our English blog   Lanka Polity

සුනිල් අයියේ, කතා කරපංකො මඩං (2010 ජුනි 21,  W3Lanka )  බේබදුකම නිසා රෝගාතුරව රෝහල්ගත වන පුද්ගලයන්ගෙන් ප්‍රතිකාර සඳහා මුදල් අය කිරීමේ ක්‍රමයක් සැකසීමට සෞඛ්‍ය ඇමති මෛත්‍රීපාල සිරිසේන සැලසුම් කරගෙන යන බව අද දිනමිණ පුවත්පත පවසයි. මේ සිරිසේන නියෝජනය කරන දිස්ත්‍රික්කය පොළොන්නරුවයි. පාසල් පන්ති කාමරයේදී මත්කුඩු හා මත්පැන් පානය කළ බව කියන පොළොන්නරුව තෝපාවැව මහ විදුහලේ උසස් පෙළ සිසුන් 11 දෙනකුගේ පන්ති තහනම් කොට ඇති බව වාර්තා කරන්නේ ආණ්ඩුවේ ම දිනමිණයි. අයියෝ මේ සිරිසේන නම් මාර ම නිර්මානාත්මක පොරකි. ඔහු කියන්නේ මේකලා බීලා ලෙඩ හදාගෙන ආවා ම උන්ට ප්‍රතිකාර කරන්නට වියදම් වන්නේ මහජන මුදල් ය කියා ය. මේ නීතිය ගෙන ආ පසු බේබද්දන්ට සිදු වන්නේ බීලා ම මැරෙන්නයි. මන්ද, ලෙඩේට මුල බේබදුකම යයි දොස්තර තීරණය කළොත් ප්‍රතිකාර සඳහා මුදල් ගෙවන්නට සිදු වන බැවිනි.  සෞඛ්‍ය ඇමතිවරයා නො දන්නා සිම්පල් කාරණය වන්නේ බේබද්දන් යනු මේ රටේ ප්‍රධාන ම බදු ගෙවන්නන් පිරිසක් බවයි. ජනතාවගේ මතට තිත තබන්නට යන මේ සත් ගුණවත් ආණ්ඩුවට කළ හැකි හොඳ ම ක්‍රියාවක් වන්නේ මත්පැනින් බදු මුදල් ඉපයීමෙන් හා අරක්කු ව...

අයං වස්සාන කාලෝ මාව බේරන් කාලෝ  (2010 මාර්තු 31- W3Lanka  )  පසුගිය උතුරුමැද පළාත් සභා මැතිවරණ සමයේ පොළොන්නරුවේ ඡන්ද කෙරුවාවේ ගිය ඩිලාන් පෙරේරා කීවේ මෛත්‍රීපාල සිරිසේන ලංකාවේ අනාගත අගමැති බවයි. ඔහු ආපසු කොළඹ එන විට ඔහු දැරූ එක් ඇමති තනතුරක් වන අධිකරණ ඇමතිකම අහිමි වී තිබිණි.  පසුගිය දිනෙක මහාචාර්ය කාලෝ ‍ෆොන්සේකා මෛත්‍රීපාල සිරිසේනගේ නිල වෙබ් අඩවිය දියත් කිරීම හා ඔහු පිළීබඳ පොතක් පළ කිරීම නිමිත්තෙන් බංඩාරනායක සම්මන්ත්‍රණ ශාලාවේදී පවත්වන ලද උත්සවයකදී පැවසුවේ මෛත්‍රීපාල සිරිසේන බඳු පරමාදර්ශී චරිතයක් සිටිය යුත්තේ අරලියගහමන්දිරයේ බවයි. ඒ ප්‍රාර්ථනාව අනාගතයේදී ඉටු වනු ඇතැයි ඔහු බලාපොරොත්තුව පළ කළේය.  අරලියගහමන්දිරය යනු හරි නම් අගමැති නිල නිවසයි. එහෙත් විධායක ජනාධිපති බලතල යටතේ 2005 සිට එය ජනාධිපතිවරයාගේ වාසභවන බවට පත් කරගෙන තිබේ.  මහාචාර්ය කාලෝ ෆොන්සේකා අදහස් කළේ මෛත්‍රීපාල සිරිසේන අගමැති වනු ඇද්ද, ජනාධිපතු වනු ඇද්ද යන්න අපි නොදනිමු.  එහෙත් අපි ඇමති තිස්ස විතාරණ පිළිබඳ කණගාටු වෙමු. ජාතික ලැයිස්තුවෙන් පාර්ලිමේන්තුවට එතෙර වී විද්‍යා හා තාක්...

(2009 දෙසැම්බර් 23 - W3Lanka ) දැ නට රටේ පවතින සහල් මිළ ඉහළ යාමේ තත්වයත් සමග කෘෂිකර්ම සංවර්ධන හා ගොවි ජන සේවා සංවරධන ඇමති මෛත්‍රීපාල සිරිසේන හා ගොවිජන සේවා ඇමති සිරිපාල ගම්ලත් හොර රහසේ එක්සත් ජාතික පක්ෂයට සහාය දක්වන්නේ ද යන සැකයක් මතු වී තිබේ. එ.ජා.ප.යට සම්බන්ධ ඇතැම් ව්‍යාපාරිකයන් සහල් සඟවා තබාගෙන සහල් හිඟයක් රට තුළ පවතින්නේ යැයි ජනතාවට ඒත්තු ගැන්වීමට මේ දිනවල උත්සාහ කරන බවට තොරතුරු ලැබී ඇති බැවින් ජනතාවට අවශ්‍ය සහල් පිටරටින් ගෙන්වීමට අවශ්‍ය පියවර ගන්නා බව මහනුවර ජනාධිපති මන්දිරයේ ඊයේ පැවැති රැස්වීමකදී ජනාධිපති මහින්ද රාජපක්ෂ මහතා පැවසී ය. ඒ අනුව පකිස්ථානය, වියට්නාමය හා පිලිපීනය යන රටවල් සමඟ දැනටමත් මේ පිළිබඳව සාකච්ඡා කැර ඇතැයිද ඔහු පවසයි. ඉහත නම් සඳහන් කරන ලද පොළොන්නරුව දිස්ත්‍රික්කය නියෝජනය කරන ඇමතිවරුන් දෙදෙනා සහල් තොග සැපයුම් සිදු කරන රටේ ප්‍රධානත ම සමාගම් හිමිකාරිත්වය සමග ඍජුව ම සම්බන්ධ ය. 1977 දීත් මේ ආකාරයටම අත්‍යවශ්‍ය භාණ්ඩ සඟවා තබා ගනිමින් දේශපාලන අරමුණ වෙනුවෙන් ඇතැම් ව්‍යාපාරික පිරිස් ක්‍රියා කළ බවද ජනාධිපති මහින්ද රාජපක්ෂ මහතා පෙන්වා දුන්නේ ය.

(2009 ඔක්තෝබර්  21 - W3Lanka ) පහත පළ වන්නේ ශ්‍රී ලකා නිදහස් පක්ෂයේ ප්‍රධාන ලේකම් වූ ද, දැනට රජයේ ජ්‍යේෂ්ඨ ම ඇමති තනතුරක් වන කෘෂිකර්ම සංවර්ධන හා ගොවිජන සේවා ඇමති ධුරය දරන්නා වූ ද, පසුගිය උතුරුමැද පළාත් සභා මැතිවරණයේදී අනාගත අගමැති තමා යයි ප්‍රචාරය කරන ලද්දා වූ ද මෛත්‍රීපාල සිරිසේන විසින් පවසන ලද අදහසකි. මෙම අදහස කියවන අතර මේ රටේ විපක්ෂයට ජනාධීපතිවරයාගේ ගම වන හම්බන්තොටදී පවා 35%ක පමණ වඩා ජනයා ඡන්දය දුන් බව ද සිහි තබා ගත යුතු ය. මෙම ප්‍රකාශය අනුව එම ජනයා රටට ආදරය නො කරන පිරිසක් විය යුතු ය. පාලකයින්ගේ මහා පරිමාණ දූෂණ පිළිබඳ සලකා බැලූ විට සන්ධානයට ඡන්දය දෙන්නන් ද රටට ආදරය කරන්නන් යයි සිතිය නො හැකි අතර, රටේ ජනගහණයෙන් බහුතරයක් රටට ආදරය නො කරන එක ම රට ලංකාව විය යුතු ය. කෙසේ වෙතත්, අපට ඇති එක් ප්‍රශ්නයක් වන්නේ රටට ආදරයක් නැති මෙවන් විපක්ෂ මන්ත්‍රීන් පිරිසක් වෙනුවෙන් මහජන මුදලින් වැටුප්, දීමනා, වරප්‍රසාද හා ආරක්ෂාව ආදිය සපයන්නේ ඇයි ද යන්නයි. අනෙක් ප්‍රශ්නය නම් මේ රටේ මන්ත්‍රීන්ට මේ රටේ ජනතාව හමු වීමට නො දී තමිල්නාඩුවේ මන්ත්‍රීන්ට ඒ අවස්ථාව දෙන්නේ ලංකාව ඉන්දියාවේ ප්‍රාන්තයක් නිසා ද? සන...

(2009 ඔක්තෝබර්  09 - W3Lanka ) මෙම මස 11 සිට 16 දක්වා යෙදී ඇති ජාතික ගොවි සතිය සැමරීම සඳහා කෘෂිකර්ම හා මහවැලි සංවර්ධන ඇමති මෛත්‍රීපාල සිරිසේනගේ බල ප්‍රදේශය වන පොළොන්නරුවේ වෙළඳ ප්‍රදර්ශන සහ සැණකෙලි පැවැත්වීමට මහවැලි අධිකාරිය රුපියල් හැට ලක‍ෂ දස දහසක වියදමක් ඇස්තමේන්තු කර ඇතැයි ජවිපෙට සම්බන්ධ වෘත්තීය සමිති පවසති. ‍ මෙම සැණකෙළියේ සංගීත සංදර්ශන සඳහා රුපියල් ලක‍ෂ 20 ක්ද භූමි අලංකාරය සඳහා රුපියල් ලක‍ෂ 10 යක්ද වෙන්කර ඇත. ''මේ වසරට නියමිත වැටුප් වැඩිවීම් ලබාදීමට මුදල් නැතැයි පවසන මහවැලි අධිකාරිය මෙසේ ගොවීන්ටවත් කිසිදු ප්‍රයෝජනයක් නැති ආණ්ඩුවේ ඇමතිවරු පුම්බන මෙවැනි නාස්තිකාර සැණකෙලි සඳහා මේ තරම් විශාල වියදමක් දැරීම පිලිකුල් සහගත බව මහවැලි අධිකාරියේ සේවකයෝ පවසති'' යි මේ පිළිබඳව සමස්ත ලංකා වෘත්තීය සමිති සම්මේලනය හා සම්බන්ධ www.unions.lk වෙබ් අඩවිය පවසයි. 

(2009 අගෝස්තු 30 - W3Lanka) ත්‍රස්තවාදයෙන් රට ආරක්ෂා කැර ගැනීමට ගෙන ගිය මෙහෙයුමේ දී මෙන්ම රට ගොඩනැඟීමට දැන් ආරම්භ කැර තිබෙන වැඩපිළිවෙළ සාර්ථක කැර ගැනීම සඳහාත් තවත් කාලයක් විධායක ජනාධිපති ධූරය පැවතිය යුතු යැයි ශ්‍රී.ල.නි.ප. මහ ලේකම් ඇමැති මෛත්‍රීපාල සිරිසේන මහතා අවධාරණය කළ බව අද සිළුමිණ පුවත්පත පවසයි.  විධායක ජනාධිපති ධූරය අහෝසි කළ යුතුය යන ස්ථාවරයේ තමන් ද මුලින් සිටි මුත් වෙනස් වන තත්ත්වයන් හා පැනනඟින අභියෝග හමුවේ කාලෝචිත ලෙස ස්ථාවරයන් සකස් කැර ගැනීම මිස යල්පැනගිය මතවලම එල්බ සිටීම ප්‍රායෝගික දේශපාලනය නොවන බවත් ඇමැතිවරයා සඳහන්කර තිබේ.  වැල යන අතට පන්දලම නො ගැසුවහොත් ශ්‍රීලනිප ලේකම්කම මෛත්‍රීගෙන් පැහැරගෙන ඩලස්ට දෙන්නට තරම් විධායක ජනාධිපති ක්‍රමය බලවත් බව අයියෝ මේ ඇමති සිරිසේන දන්නා බව පෙනේ. අගමැති සංගීත පුටුවට හයිය ම හයිය අතු ගණනාවක් තරග කරන විට පැත්තකට වී කාටත් හිස නමාගෙන සිටින විජේතුංගලාට, රත්නසිරිලාට පොට්ට චාන්ස් වදින නිසා තමන්ට ද එවැනි අවස්ථාවක් ලැබේ යයි උපකල්පනය කර ගැනීම ඇමති සිරිසේනට මේ වෙලාවේ ඇති හොඳම විසඳුමයි.  සත්තකින් ම දැන් අහෝසි කිරීම සඳහා ලංකාවේ ව...