W3Lanka: Praja.lk Backup

විසැස්‌ කමලාව රස පහස නොවිඳමා දසිස්‌ දුනි පොරණ ඇසු දුටු පමණමා වෙසෙස්‌ ඔබගෙ අමයුරු පහස ලත් මෙමා මහිස්‌ එකක්‌ දුනි නම් ඔබ නමට කිමා (දස්කොන් හිස ගැසුමට යන අතර ප්‍රමිලා බිසවට ඇසෙන්නට කියූ කවක් බව ජන සාහිත්‍යයේ සඳහන් වේ.) මේ කවිය කියැවුණේ ප්‍රමිලා බිසව කී මේ කවියට පිළිතුරු ලෙස බව කියැවේ. සක්‌මන් කරන මළුවේදී බැඳි හාද සිත් සන්තොසින් දුන් මුව මී බීවාද ඉක්‌මන් ගමන් අහො අද ඔබ යනවාද දස්‌කොන් මගෙ නමට ජීවිතෙ දෙනවාද මේ ලිපියට ඔබ කැමති නම් වෙන අයත් එක්කත් බෙදා ගන්න

(2009 දෙසැම්බර් 11 - W3Lanka ) විපක්ෂයේ ජනාධිපති අපේක්ෂක සරත් ෆොන්සේකා වෙනුවෙන් ‘මට පෙර මගේ රට’ යන පාඨය සහිතව ඊයේ දිවයින පුරා අලවා තිබූ පෝස්ටරයට මාධ්‍ය හා තොරතුරු ඇමති අනුර යාපා රජයේ ප්‍රවෘත්ති දෙපාර්තමේන්තුවේ ඊයේ (10) පැවැති මාධ්‍ය හමුවේදී අමතර ප්‍රචාරයක් ලබා දීමට කටයුතු කළේ ඇයි ද යන්න රජයේ නායකයන්ගේ අවධානයට යොමු වී ඇති බව වාර්තා වේ.  පැරණි දිනමිණ පුවත්පතක් පෙන්වමින් ‘මට පෙර මගේ රට’ යන ජනාධිපති මහින්ද රාජපක්ෂ මහතාගේ ප්‍රකාශයක් යොදාගෙන සකස් කළ පෝස්ටරයක් පසුගිය දිනවල රටපුරා අලවා තිබූ බව ඇමතිවරයා කීවේය. මෙම පුවත හා අදාළ ඡායාරූපයක් ද අද දිනමිණ පුවත්පතේ මුල් පිටුවේ යොදා තිබිණි. ’මට පෙර මගේ රට’ යන්න සාමාන්‍යයෙන් මහින්ද රාජපක්ෂ ජනාධිපතිවරයාගේ උද්ධෘතයක් ලෙස ප්‍රකට කියමනක් නොවේ. රජය සමග සිටිමින් ම සියුම් ලෙස විපක්ෂයේ වාසිය උදෙසා කටයුතු කරන දේශපාලකයන් වෙත මේ වන විට ජනාධිපතිවරයාට සැබැවින් ම හිතවත් පිරිස්වල අවධානය යොමු වී තිබේ.

(2009 දෙසැම්බර් 10 - W3Lanka ) ජනවාරි 26 දින පැවැත්වෙන ජනාධිපතිවරණය හා අදාළව වැඩිපුර ම කටයුතු සිදු වෙමින් පවතින්නේ ලංකාවටත් වඩා ජාත්‍යන්තර තලයේදී බව දැනගන්නට තිබේ.  ජනාධිපති මහින්ද රාජපක්ෂගේ නියෝජිතයන් වන බැසිල් හා ගෝඨාභය සහෝදරයන් සහ ජනාධිපති ලේකම් ලලිත් වීරතුංග මේ දිනවල ඉන්දියාවට ගොස් සිටිති. එහි සිට ජනමාධ්‍ය ඇමතූ බැසිල් රාජපක්ෂ පැවසුවේ දෙමළ ප්‍රශ්නයට විසඳුම් දීමේ දේශපාලන ක්‍රියාවලියක් ජනාධිපතිවරණය අවසන් වූ වහා අරඹන බව සහ විසඳුම සඳහා අවශ්‍ය ව්‍යවස්ථාමය සංශෝධන ද කරන බව පැවසී ය. ලංකාවේදී රාජපක්ෂවරු ව්‍යවස්ථා සංශෝධන හා දේශපාලන විසඳුම් පිළිබඳ කතා නො කරති. විපක්ෂ පොදු අපේක්ෂක සරත් ෆොන්සේකා ද පසුගියදා ඉන්දියාවේ චාරිකාවක නියැලුණේ ය. විපක්ෂ නායක රනිල් වික්‍රමසිංහ නුදුරු දිනවලදී යුරෝපා සංචාරයක යෙදීමට නියමිත ය. මේ අතර, මේ දිනවල ලංකාවේ සිටින ඇමරිකා එක්සත් ජනපදයේ දකුණු ආසියානු කලාපය භාර සහකාර රාජ්‍ය ලේකම් රොබට් ඕ'බ්ලේක් ජනාධිපතිවරණ අපේක්ෂකයන් දෙදෙනා ම හමු වී සාකච්ඡා කළේ ය .

(2009 දෙසැම්බර් 04 - W3Lanka ) ජනාධිපතිවරණයක්සඳහා නාම යෝජනා කැඳවා තිබියදී එහි අපේක්ෂකයකු වන ජනාධිපති මහින්ද රාජපක්ෂගේ රුව රැගත් රු. 1000 මුදල් නෝට්ටුවක් මහ බැංකුව විසින් රට පුරා සංසරණය කිරීමට එරෙහිව එක්සත් ජාතික පෙරමුණේ මාධ්‍ය ප‍්‍රකාශක පාර්ලිමේන්තු මන්ත‍්‍රී මංගල සමරවීර විසින් මැතිවරණ කොමසාරිස්වරයාට එරෙහිව පැමිණිල්ලක් කිරීමට නියමිත බව වාර්තා වේ. මෙම මුදල් නෝට්ටුවේ එක් පැත්තක ජනාධිපතිවරයාගේ රූපය ද, අනෙක් පැත්තේ සිංහ කොඩිය ඔසවා ගත් සොල්දාදුවන් පිරිසක් ද දැක්වෙන අතර, එය නිකුත් කර ඇත්තේ යුද ජයග්‍රහණය සැමරීම සඳහා ය. 

(2009 දෙසැම්බර් 02 - W3Lanka ) විපක්ෂ ජනාධිපතිඅපේක්ෂක සරත් ෆොන්සේකාගේ ප්‍රචාරක ව්‍යාපාරයේ ආරම්භක පෝස්ටරයේ එය හැඳින්වුණේ SF මෙහෙයුම ලෙසයි. සරත් ෆොන්සේකා යන නමේ මුලකුරු දෙක වන SF යන්න Special Forces හෙවත් විශේෂ බලකාය යන මිලිටරි යෙදුම හා සන්සන්දනය කිරීමක් එහි තිබිණි. අද හැම සිංහල ගමක ම පාහේ හමුදා සෙබළු හා ඔවුන්ගේ පවුල් සිටිති. පසුගිය කාලයේ සමන් කුමාර රාමවික්‍රම, සුජිත් විදානපතිරණ වැනි ජනරාල්වරුන් ඇසුරු කළ මේ රටේ රූපවාහිනී සොල්දාදුවෝ ද දැන් රති කෙළිය තරමට ම යුද කෙළිය ගැන දනිති. එහෙයින් මේ පෝස්ටරය ප්‍රබල, නිර්මානශීලී සන්නිවේදනයක් බව අපේ අදහසයි. මේ පෝස්ටර් අලවමින් සිටි අය ද, ළඟ තබාගෙන සිටි අය ද පොලිසිය විසින් අත්අඩංගුවට ගන්නා ලදී. මහින්ද රාජපක්ෂ මහතාට මෙවනි ප්‍රචාරක ප්‍රයෝගයක් පාවිච්චි කළ නො හැකි ය. මක් නිසා ද යත්, ඔහුගේ මුලකුරු වන MR ප්‍රචාරක පාඨයකට යොදා ගතහොත් එමගින් Mentally Retarded හෙවත් මන්ද මානසික යන්න අදහස් වන බැවිනි. SF මෙහෙයුම පෝස්ටර් ඇලවූ අය අත්අඩංගුවට ගැනීම නම් මන්ද මානසික වැඩකි. එහෙත් මහින්ද රාජපක්ෂ ජනාධිපතිතුමාගේ ප්‍රචාරක වැඩසටහන මන්ද මානසික මට්ටමකට පත් නො විය යුතු බව අපේ අ...

(2009 දෙසැම්බර් 01 - W3Lanka ) ඉදිරි ජනාධිපතිවරණයේදී අපේක්ෂක සරත් ෆොන්සේකා පරදින්නේ ඡන්ද ලක්ෂ දහයකින් බව කම්කරු ඇමති හා කැලණිය ආසනයේ ශ්‍රීලනිප ප්‍රධාන සංවිධායක ආචාර්ය මර්වින් සිල්වා අද දිනමිණ පුවත්පත සමග සම්මුඛ සාකච්ඡාවකදී පැවසීය.  මීට දින කීපයකට පෙර සරත් ෆොන්සේකා ගැලවීමේ හමුදාවටවත් සුදුසු නැති බව කී ඔහු දිනමිණ පුවත්පතට වැඩි දුරටත් මෙසේ ද පවසයි.  ෆොන්සේකා ආවා කියලා දේශපාලනයේ විප්ලවයක් වෙයි කියලා හිතන් ඉන්නේ දේශපාලනයේ හෝඩියවත් නොදන්න කිහිප දෙනෙක් පමණයි. ජනාධිපතිතුමා යෝධයෙක් නම් ෆොන්සේකා කියන්නේ අඟුටු මිට්ටෙක් පමණයි.  වළේ වැටිලා ඉන්න අලියා ගොඩ ගන්න කොන්ත්‍රාත්තුව භාරගත්තු ෆොන්සේකා වෙන්නේ සිරිසඟබෝ රජතුමා වගේ ඔලුව දන් දෙන්න විතරයි. මගේ මිත්‍රයෙක්. ඔහු මේ වගේ අමාරුවක වැටීම ගැන මම කනගාටුවෙනවා.  ඒත් ඔහුගේ අනාගත ඉරණම මොකක්ද කියලා මේ වෙද්දිත් තීරණය වෙලා තියෙන්නේ. ජනතාව තේරුම් අරගෙන තියෙන්නේ යුද්ධ කරපු ජෙනරාල් කෙනෙකුට රටක් පාලනය කරන්න බැහැ කියලා.

(2009 දෙසැම්බර් 01 - W3Lanka ) "මහින්ද වරද්දා ගත්තේ ජනතා විමුක්ති පෙරමුණේ ශක්තිය අවතක්සේරු කිරීමෙන්. ජනතා විමුක්ති පෙරමුණේ ශක්තිය අවතක්සේරු කරපු හැම කෙනාම වරද්දා ගත්තා. මේක ගල් පර්වතයක්වුණත් අස්වද්දන්න පුළුවන් දේශපාලන ව්‍යාපාරයක්. මහින්ද මහත්තයෝ දැන් බැහැලා යන්න සූදානම් වෙන්න" යි ජවිපෙ ප්‍රධාන ලේකම් ටිල්වින් සිල්වා ඊයේ විශාල ජනකායකගේ සහභාගිත්වයෙන් හයිඩ් පිටියේ පැවති රැළියකදී පැවසීය.  මෙම රැළියට විපක්ෂ ජනාධිපති අපේක්ෂක සරත් ෆොන්සේකා සහභාගි වන බවට කලින් වාර්තා වී තිබුණ ද ඔහු සහභාගි වූයේ නැත. ඔහුගේ මංගල රැළිය වඩා උත්කර්ෂවත් අන්දමින් නාම යෝජනා භාර දීමෙන් පසු පැවැත්වීමට සංවිධායකයන් අදහස් කරන බව වාර්තා වේ.  ජවිපෙ රැළිය ඇමතූ නායකයන් කීපදෙනෙකු ම පෙන්වා දුන්නේ ජනවාරි 26 ජනාධිපතිවරණය ජය ගන්නා සරත් ෆොන්සේකා 27දා දිවුරුම් දී 28දා පාර්ලිමේන්තුව විසුරුවනු ඇති බවයි. 17වන ආණ්ඩුක්‍රම ව්‍යවස්ථාව අනුව ව්‍යවස්ථාදායක සභාව හා ස්වාධීන කොමිෂන් සභා පත් කර නිර්පාක්ෂික ජනාධිපතිවරයකු යටතේ පැවැත්වෙන මෙම මැතිවරණයේදී ජවිපෙ සීනුව ලකුණ යටතේ වෙන ම තරග කරන බව ජවිපෙ නායකයෝ පැවසූහ.  ජවිපෙ රැළිය පැව...

අජිත් පැරකුම් ජයසිංහ - විපක්ෂ පොදු අපේක්ෂක සරත් ෆොන්සේකා ජනාධිපතිවරණයේදී විධායක ජනාධිපති ක‍්‍රමය වෙනස් කිරීම හා 17වන ආණ්ඩු ක‍්‍රම ව්‍යවස්ථා සංශෝධනය ක‍්‍රියාත්මක කිරීම වැනි ප‍්‍රජාතන්ත‍්‍රවාදය ශක්තිමත් කිරීමට ඉවහල් වන හා යහපාලනය හා සම්බන්ධ ජනතා බලාපොරොත්තුවල අපේක්ෂකයකු ලෙස චිත‍්‍රනය කිරීමට විපක්ෂය පියවර ගනිමින් සිටිද්දී ජනාධිපති මහින්ද රාජපක්ෂ ද එම පොරොන්දු සිය දෙවන ධුර කාලය තුළදී සපුරන බවට නැවතත් පොරොන්දු නිකුත් කරන්නට පටන් ගෙන ඇත. පාර්ලිමේන්තුවට බලය ලැබෙන සේ වත්මන් ව්‍යවස්ථාව සංශෝධනය කිරීමේ ක‍්‍රමවේදයක් තමන් සතුව ඇතැයි  ද දෙවැනි වරටත් රාජ්‍ය නායක පදවියට පත් වී එම සැලැස්ම හා ක‍්‍රමවේදය ප‍්‍රකාශයට පත් කරන බවද ජනාධිපතිවරයා විද්‍යුත් හා මුද‍්‍රිත මාධ්‍ය ප‍්‍රධානීන් අමතා පැවසී ය. මේ පිළිබඳව 2005 ජනාධිපතිවරණයට ඉදිරිපත් කරන ලද මහින්ද චින්තන ප‍්‍රතිපත්ති ප‍්‍රකාශයේ සඳහන් වන්නේ මෙසේ ය. විධායක ජනාධිපති ධූරය අහෝසි කෙරෙන්නා වූ හා රටේ සෙසු ප‍‍්‍රශ්න වලට ද විසඳුම් ලබා දෙන්නා වු නව ආණ්ඩුක‍්‍රම ව්‍යවස්ථාවක් සියල්ලන්ගේ සම්මුතියෙන් ඉදිරිපත් කිරීමට බලාපොරොත්තු වෙමි. එතෙක් ජනාධිපතිවරයා නිල මට...

(2009 නොවැම්බර් 27 - W3Lanka ) ජාතික නිදහස් පෙරමුණෙන් ඉවත් වීම නිසා ඇමති ශීර්ෂය අචල සුරංග ජාගොඩට දන් දෙන්නට සිදු වූ නන්දන ගුණතිලක කෙරෙහි කරුණා පෙරදැරිව ඔහුට ගොඩපිටියේ බෝම්බයෙන් බරපතල තුවාල ලැබ ක්‍රියාකාරී දේශපාලනයෙන් ඉවත්ව සිටින ඇමති මහින්ද විජේසේකරගේ අමාත්‍යංශ‍යේ වැඩ බැලීම පැවරීමට ජනාධිපති මහින්ද රාජපක්ෂ තීරණය කර තිබේ.  ඒ අනුව දැන් නන්දන වැඩ බලන තැපැල් හා විදුලි සංදේශ ඇමති ය. ඒ අනුව දැන් ඇමති සංඛ්‍යාව මෙසේයි: කැබිනට් අමතිවරු 50යි වැඩබලන ඇමතිවරු 01යි කැබිනට් නො වන ඇමතිවරු 38යි නියෝජ්‍ය ඇමතිවරු 19යි එකතුව 108යි  නන්දන ගුණතිලක හා ඔහුගේ හිටපු මිතුරා වන විමල් වීරවංහ ජනතා විමුක්ති පෙරමුණේ සිටියදී මෙවැනි විශාල ඇමති මණ්ඩල පිළිබඳව ගැඹුරින් අදහස් ඉදිරිපත් කළ අය වෙති. .

(2009 නොවැම්බර් 27 - W3Lanka ) සරත් ෆොන්සේකා පොදු අපේක්ෂකයා නම් තමන්පොදුම පොදු අපේක්‍ෂකයා බව ජනාධිපති මහින්ද රාජපක්ෂ ඊයේ මුද්‍රිත සහ විද්යුත් මාධ්‍ය ප්‍රවෘත්ති කර්තෘවරුන් සහ ප්‍රවෘත්ති අධ්‍යක්‍ෂවරුන් සමග අරලියගහ මන්දිරයේදී පැවැති හමුවේදී පැවසීය. තවද, ඉදිරි ජනාධිපතිවරණය සඳහා ද මහින්ද චින්තන ප්‍රතිපත්ති ප්‍රකාශය ම ඉදිරිපත් කෙරෙන බව ද ඔහු පැවසී ය.  "මහින්ද චින්තනයෙන් ඉදිරිපත් කළ කරුණු 611 න් 450 ක්‌ සම්පූර්ණයෙන්ම ක්‍රියාත්මක කර තිබෙනවා. අනෙක්‌ කරුණුත් ක්‍රියාත්මක කිරීම සඳහා ආරම්භ කර තිබෙනවා," යි පැවසූ ජනාධිපතිවරයා එය සකස්‌ කළේත් මුද්‍රණය කළේත් රාජ්‍ය නොවන සංවිධාන නොව තමන් ම බව කියමින් රනිල් වික්‍රමසිංහ විසින් මෑතදී පළ කරන ලද 'අනාගත අභියෝග' පොත නම නො කියා උපහාසයට ලක කළේ ය.   'අනාගත අභියෝග' නම් පිටු 32ක පොතෙහි පිටපත් දස ලක්ෂයක් මුද්‍රණය කර තිබෙන අතර, එහි බරපැන දරා ඇත්තේ ෆ්‍රෙඩ්රික් නියුමාන් පදනම නම් රාජ්‍ය නොවන සංවිධානයක් බව හෙළිදරව්...

(2009 නොවැම්බර් 27 - W3Lanka ) සියයකට අධික ඇමති මණ්ඩලයක් නඩත්තු කිරීමට අධික පිරිවැයක් දරන්නට මහජනයාට සිදු වීම හේතුවෙන් නැගෙමින් පවතින විරෝධය ජනාධිපතිවරණයේදී ජනාධිපති මහින්ද රාජපක්ෂට අවාසිදායක වීම හේතුවෙන් මහ මැතිවරණයෙන් පසු ඇමැති මණ්ඩලය අඩුකිරීමට තමන් සූදානම් බව දැන් ජනාධිපතිවරයා පවසයි.  එහෙත් එම ප්‍රකාශයත් සමග එවැනි අලුත් ආණ්ඩුවක ඇමතිකමක් සඳහා කේවෙල් කිරීමට සුදුසුකමක් හෝ ජනාධිපතිවරයා වෙත සමීපකමක් හෝ නැති බොහෝ ඇමතිවරුන් කලබලයට පත්ව ඇති බව ද, එක්සත් ජාතික පක්ෂයට පැන ගතහොත් ඊට වඩා තැනක් ලබා ගත හැකි වනු ඇතැයි සිතමින් සිටින බව ද වාර්තා වේ.  තමාට ලැබුණේ පාර්ලිමේන්තුවේ කථානායකවරයකු පත් කර ගත නොහැකි තරම් දුර්වල ආණ්ඩුවක් බව ද  ත්‍රස්තවාදය පරාජය කොට ඒකීය රටක් බිහිකිරීමේ තම ඉලක්කය දිනකින් හෝ කල් දැමිය නොහැකි බැවින් විවිධ පක්‍ෂ එකතු කරගෙන ආණ්ඩුව ස්ථාවර කර ගත්තේ යැයි ද ජනාධිපතිවරයා මාධ්‍ය ආයතනවල ප්‍රවෘත්ති අධ්‍යක්‍ෂවරුන් හා ප්‍රවෘත්ති කර්තෘවරුන් අරලියගහ මන්දිරයේදී ඊයේ (26) හමුවූ අවස්ථාවේදී පැවසී ය.  එහෙත් ඇමති සංඛ්‍යාව වැඩි කිරීම සාධාරණය කරමින් ඇමැතිවරයකුට ලැබෙන අම...

(2009 නොවැම්බර් 25 - W3Lanka ) විපක්ෂ පොදු අපේක්ෂක සරත් ෆොන්සේකා ජනාධිපතිවරණයේදී විධායක ජනාධිපති ක්‍රමය වෙනස් කිරීම හා 17වන ආණ්ඩු ක්‍රම ව්‍යවස්ථා සංශෝධනය ක්‍රියාත්මක කිරීම වැනි ප්‍රජාතන්ත්‍රවාදය වැඩිදියුණු කිරීමට ඉවහල් වන හා යහපාලනය අරමුණු කර ගත් බලාපොරොත්තුවේ අපේක්ෂකයකු බවට පත් කිරීමට විපක්ෂය පියවර ගනිමින් සිටිද්දී ජනාධිපති මහින්ද රාජපක්ෂ ද එම පොරොන්දු සිය දෙවන ධුර කාලය තුළදී සපුරන බවට නැවතත් පොරොන්දු නිකුත් කරන්නට පටන් ගෙන ඇත.  පාර්ලිමේන්තුවට බලය ලැබෙන සේ වත්මන් ව්‍යවස්ථාව සංශෝධනය කිරීමේ ක්‍රමවේදයක් තමන් සතුව ඇතැයි  ද දෙවැනි වරටත් රාජ්‍ය නායක පදවියට පත් වී එම සැලැස්ම හා ක්‍රමවේදය ප්‍රකාශයට පත් කරන බවද ජනාධිපතිවරයා ඊයේ විද්‍යුත් හා මුද්‍රිත මාධ්‍ය ප්‍රධානීන් කර්තෘ වරුන් හා මාධ්‍ය ආයතන හිමිකරුවන් අමතා පැවසී ය. විධායක ජනාධිපතික්‍රමය අහෝසි කිරීමට විපක්ෂයෙන් ඉදිරිපත් වී ඇති අදහස් ගැන පුවත්පත් කර්තෘවරයකු නැඟූ ප්‍රශ්නයකට පිළිතුරු දුන් රාජපක්ෂ මහතා “විධායක ජනාධිපතික්‍රමය අහෝසි කරන්න පුළුවන් මට විතරයි.ඕන කමක් ඇත්තේත් මටයි. වෙන කාටවත් නැහැ. ඇත්තම තත්ත්වය ඒකයි," යි කීය....

(2009 නොවැම්බර් 23 - W3Lanka ) ජනාධිපති මහින්ද රාජපක්ෂට තියුණු අභියෝගයක් වී තිබෙන සරත් ෆොන්සේකාට එරෙහි මාධ්‍ය ප්‍රහාරය ඉතා සියුම් ලෙස සැලසුම් කෙරෙමින් ඇති අතර එහි පළමු අදියර ලෙස මේ වන විට ඉංග්‍රීසි භාෂාවෙන් ලියන හා වෙබ් අඩවි පවත්වාගෙන යන මාධ්‍යවේදීන් දෙදෙනෙකු සරත් ෆොන්සේකා දැඩිව විවේචනය කරන ලිපි පළ කරමින් සිටිති.  ඩී.බී.එස්. ජෙයරාජ් විසින් සරත් ෆොන්සේකාට පළමු ප්‍රහාරය එල්ල කරන ලද අතර, දෙවන ප්‍රහාරය ඒෂියන් ට්‍රිබියුන් වෙබ් අඩවියේ කර්තෘ කේ.ටී.රාජසිංහම් විසින් දියත් කර තිබේ.  ලංකාවේ සරත් ෆොන්සේකාගේ මැතිවරණ ව්‍යාපාරයේදී ඔහු හතළිස් වසරක දූෂණයෙන් තොර හමුදා මෙහෙයකින් පසු ඉන්නට හිටින්නට ගෙයක් නොමැතිව විශ්‍රාම යන අයකු ලෙස විශේෂයෙන් ම ජවිපෙට සම්බන්ධ ජනමාධ්‍ය විසින් හුවා දක්වමින් තිබියදී ඉහත සඳහන් ලේඛකයන් දෙදෙනා ම එකී කරුණ අභියෝගයට ලක් වන කරුණු ඉදිරිපත් කර ඇත.  මෙහිදී විශේෂයෙන් ම සරත් ෆොන්සේකාගේ වැඩිමහල් දියණියගේ ස්වාමි පුරුෂයා හා හිටපු ජ්‍යේෂ්ඨ හමුදා නිලධාරියකුගේ පුතු වන දනුන තිලකරත්න ලංකාවේ හමුදාව සමග කරන අවි ගනුදෙනුවල අතරමැදියකු ලෙස කටයුතු කරමින් දැවැන්ත කොමිස් ලබා ගන්නා...

අජිත් පැරකුම් ජයසිංහ - සරත් ෆොන්සේකා යුද්ධයේ ශූරයෙකි. රාජපක්ෂවරු දේශපාලයෙහි නිපුණයෝ වෙති. මෙම සටහන ලිවීමට මොහොතකට පෙර මම ඩී.බී.එස්. ජයරාජ් රාජපක්ෂලා සහ ෆොන්සේකා අතර ගැටුම පිළිබඳ අනගි ලිපියක් කියැවීමි. එය කියැවූ මට සිතුණේ රාජපක්ෂවරු සරත් ෆොන්සේකාට එරෙහිව මාධ්‍ය මෙහෙයුම කෙතරම් සියුම් ලෙස සැලසුම් කරමින් සිටින්නේ ද යන්නයි. ඩී.බී.එස්. ජයරාජ් වැනි දෙමළ සමාජයේ මෙන් ම ඉංග්‍රීසි හා සිංහල භාෂාවලින් මාධ්‍ය පරිහරණය කරන්නන් අතර ද ජනප්‍රිය පුද්ගලයකු සරත් ‍ෆොන්සේකා පිළිබඳ ඝනීභූත වී තිබුණු මාධ්‍ය භාවිතාව දිය කිරීම ආරම්භ කිරීම හා චෝදනා පිරි ෆොන්සේකාගේ ඉල්ලා අස් වීමේ ලිපියට පසුව පිළිතුරු දෙන බව කී ජනාධිපතිවරයා ඇතුළු පාලක පිරිස තවමත් නිහඬව සිටීම අහඹු සිදු වීම් යයි සිතිය නො හැකිය. ජනාධිපති පදවිය අපේක්ෂා කරන සරත් ෆොන්සේකා ඉදිරියේ ඇත්තේ යුද්ධයෙන් ප්‍රභාකරන් පරාජය කිරීමටත් වඩා දුෂ්කර අභියෝගයක් බව මෙවැනි සියුම් මාධ්‍ය මෙහෙයුම් ඔස්සේ ප්‍රකාශ වේ. සරත් ෆොන්සේකාගේ සහායකයන් විසින් ඔහු තුළින් මහින්ද රාජපක්ෂ පාලනයට එරෙහිව ලෙලවීමට සැරසෙන ප්‍රබල ම අවිය වන 'දූෂණයෙන් තොර නිකැළැල් චරිතය' පිළිබඳ ප්‍රශ්න කිරී...

(2009 නොවැම්බර් 20 - W3Lanka ) මේ ඡායාරූපයේ තිබෙන්නේ තමන් මේ රටේ රජු නොව භාරකරු බව කියන ජනාධිපති මහින්ද රාජපක්ෂ සඳහා තනවා තිබෙන ඔටුන්නයි.  රන් රිදී උපයෝගී කරගෙන මැණික්‌ ගල් 1300 ට වැඩි ප්‍රමාණයක්‌ ඔබ්බවා දිගාමඩුල්ල ජනතා ජනපති උපහාර සංසදය විසින් නිම කරන ලද මෙම මැණික්‌ ඔටුන්නෙහි වටිනාකම කොපමණදැයි හෙළිදරව් වී නැත.  මහනුවර සම්ප්‍රදාය අනුව නිමකර ඇති මෙම ඔටුන්න නිෂ්පාදනය කිරීම සඳහා කඩවත ඇම්. ඒ. ජයරත්න  ගාල්ල ඇම්. ඒ. කරුණාසේන ශිල්පීන් දෙදෙනාට තෙමසකට ආසන්න කාලයක්‌ ගතවී ඇති බව පැවසේ.  කැටයම් කරන ලද රන් අසිපතක්‌ද මේ ඔටුන්න සමග ජනාධිපතිට පිළිගැන්වීමට නියමිතව ඇත.  මේ අතර, මහ බැංකුව විසින් ජනාධිපති මහින්ද රාජපක්ෂගේ රුව අඩංගු මුදල් නෝට්ටු මුද්‍රණය කිරීමට ද පියවර ගෙන තිබේ. 

(2009 නොවැම්බර් 19 - W3Lanka ) හෙට කැලනිය විශ්වවිද්‍යාලයේ පැවැත්වෙන උපාධි ප්‍රදානෝත්සවයේදී ජනාධිපති මහින්ද රාජපක්ෂට, ආරක්ෂක ලේකම් ‍ගෝඨාභය රාජපක්ෂට, එල්.ටී.ටී.ඊ. සංවිධානයට එරෙහි යුද්ධය ජයග්‍රහණය කිරීම සඳහා උර දුන් ත්‍රිවිධ හමුදා ප්‍රධානීන්ට, පොලිස්පතිවරයාට සහ සිවිල් ආරක්ෂක දෙපාර්තමේන්තුවේ අධ්‍යක්ෂ ජනරාල්වරයාට සම්මාන ආචාර්ය පදවි පිරිනැමීමට නියමිත ය.  මහින්ද රාජපක්ෂ විසින් ලියන ලද කවියක්, කතාවක්, නාට්‍යයක්, විචාරයක් හෝ අන් කිසිදු සාහිත්‍යමය වටිනාකමක් සහිත ලේඛනයක් පිළිබඳ අප නො දන්නා නමුත් ඔහුට පිරිනැමෙන්නේ සාහිත්‍ය චක්‍රවර්ති ආචාර්ය උපාධියකි.

(2009 නොවැම්බර් 19 - W3Lanka ) සරත් ෆොන්සේකා ජනාධිපතිවරණයට ඉදිරිපත් වීම දෙවන ලෝක යුද්ධයෙන් පසු බර්නාඩ් මොන්ට්ගොමරි වින්ස්ටන් චර්චිල්ට එරෙහිව තරග කිරීම හා බංග්ලාදේශ යුද්ධයෙන් පසු සෑම් මැනෙක්ෂෝ ඉන්දිරා ගාන්ධිට එරෙහිව තරග කිරීම හා සමාන කරන ප්‍රකට දේශපාලන හා යුද විශ්ලේෂක ඩී.බී.එස්. ජයරාජ් මෙම කරුණු පෙළගැස්ම පිළිබඳව මෙසේ පවසයි. 1991දී ශ්‍රී ලංකා හමුදාවේ ලුතිනන් කර්නල් ධුරයෙන් සමුගෙන එක්සත් ජනපදයේ පුරවැසිභාවය ලබාගෙන සිටි ගෝඨාභය රාජපක්ෂ 2005දී ජනාධිපති පදවියට පත් සිය සහෝදරයාට හා රටට සේවය කිරීමටත්, කොටි සංවිධානය පරාජය කිරීමටත් ලංකාව‍ට පැමිණි අතර හිටපු හමුදාපති වූ මේජර් ජනරාල් ශාන්ත කෝට්ටේගොඩ බ්‍රසීලයේ තානාපති තනතුරකට පත් කර 2005 දෙසැම්බර් 6දා විශ්‍රාම යාමට සිටි ලුතිනන් ජෙනරාල් සරත් ෆොන්සේකා හමුදාපති පදවියට පත් කරනු ලැබුවේ ද, එතැන් සිට දිගින් දිගට ම ඔහුගේ සේවය දීර්ඝ කරනු ලැබුවේ ද ගෝඨාභය රාජපක්ෂගේ ඉල්ලීම මතයි. මේ දෙදෙනා කලින් එකට මෙහෙයුම්වල යෙදුණු අය වන අතර ගෝඨාභය රාජපක්ෂ හමුදාවෙන් අස් වන විට සරත් ෆොන්සේකා ලුතිනන් කර්නල් තනතුරක් දැරීය.ෆොන්සේකා‍ රාජපක්ෂට වඩා එක් කණ්ඩායමක් ජ්‍යේෂ්ඨ විය. සරත...

(2009 නොවැම්බර් 16 - W3Lanka ) ආරක්ෂක මාණ්ඩලික ප්‍රධානී තනතුරෙන් ඉල්ලා අස්වීම සඳහා ජෙනරාල් සරත් ෆොන්සේකා මහතා කළ ඉල්ලීමට ජනාධිපති ලේකම් ලලිත් වීරතුංග මහතා යැවු ලිපිය මෙසේ ය. ශ්‍රී ලංකා යුද හමුදාවෙන් විශ්‍රාම යාමට ඉල්ලුම්කරමින් 2009 නොවැම්බර් මස 12 වැනි දින ඔබ විසින් එවන ලද ලිපිය ලැබුණු බව දැනුම් දීමට අතිගරු ජනාධිපතිතුමා මට නියෝග කර තිබේ. ඒ අනුව, ශ්‍රී ලංකා යුද හමුදාවෙන් විශ්‍රාම යාමට ප්‍රමාදයකින් තොරව ඉඩ ලබාදෙන බව දන්වන ලෙස අතිගරු ජනාධිපතිතුමා මා හට නියෝග කර ඇත. විශ්‍රාම යාමට නියමිත දිනයේ සිට වැඩිපුර වසර හතරක් ඔබ සේවයේ නිරතව සිටි බැවින් ප්‍රමාදයකින් තොරව විශ්‍රාම යාමට අවසර දෙන අතර ඒ අනුව වහාම ක්‍රියාත්මක වන පරිදි ආරක්ෂක මාණ්ඩලික ප්‍රධානි තනතුරේ රාජකාරි කටයුතු නතර වනු ඇත.  ජනාධිපතිතුමාත්, ආණ්ඩුවත් ඔබ කෙරෙහි තැබූ විශ්වාසය මේ රටේ ජ්‍යෙෂ්ඨ හමුදා නිලධාරියකු වශයෙන් කඩ වී ඇති බවට ඔබ විසින්ම විශ්වාසය කරන නිසා මෙම තීරණයට එළැඹිණි.  ඔබ විසින් එවන ලද ලිපියේ සඳහන් අනෙකුත් විවිධාකාර ප්‍රකාශ සම්බන්ධයෙන් රජයේ ස්ථාවරය පසුව දන්වන්නැයි ජනාධිපතිතුමා දැනුම් දී ඇත. ජනරාල් සරත් ...

(2009 නොවැම්බර් 15 - W3Lanka ) ජනාධිපති නිල කාලයේ පළමු සිව් වසර ගත වීමත් සමග ජනාධිපතිවරණයකට ගොස් යුද ජයග්‍රහණය විකුණා තව අට වසරකට නිල කාලය දිගු කර ගැනීමේ සැලැස්මක් සහිතව කඩිනම් ජනාධිපතිවරණයක් පැවැත්වීමට ඉලක්ක කර සිටි ජනාධිපති මහින්ද රාජපක්ෂ දැන් දෙගිඩියාවක සිටින බව වාර්තා වේ.  හිටපු හමුදාපති ජනරාල් සරත් ෆොන්සේකා ජනාධිපති පොදු අපේක්ෂක ලෙස ඉදිරිපත් වන බවට නිල නො වන මට්ටමින් ප්‍රකාශ නිකුත් වීමත් සමග තමන්ට හිමි ධුර කාලයෙන් ද අවුරුදු දෙකක් අහිමි වීමේ අනතුරක් ඇති කරන මෙම ජනාධිපතිවරණය නො පැවැත්විය යුතු බවට ඉහළම දේශපාලන මණ්ඩලවල සාකච්ඡා වෙමින් තිබෙන බව ආරංචි මාර්ග පවසයි.  ජනාධිපතිවරණය ප්‍රකාශයට පත් කිරීමේ අරමුණින් ම අද කැඳවා තිබෙන ශ්‍රී ලංකා නිදහස් පක්ෂ සමුළුවේදී මේ පිළිබඳ කිසිවක් ප්‍රකාශ නො කිරීමට මේ වන විටත් තීරණය කර ඇති බව දැනගන්නට තිබේ. අප විසින් පවත්වන ලද ජනමත විමුසුමකට අනුව පෙනී යන්නේ ජනරාල් සරත් ෆොන්සේකාගේ ජනප්‍රියත්වය මහින්ද රාජපක්ෂ ජනාධිපතිවරයාට වඩා වැඩි බවයි.

අජිත් පැරකුම් ජයසිංහ - සිංහල භාවිතා කරන අන්තර්ජාල ප්‍රජාව අතර අප විසින් කරන ලද සමීක්ෂණයකදී ලංකාවේ මීළඟ ජනාධිපති වීමට සුදුසු පුද්ගලයා ලෙස වැඩි දෙනෙකු මේ මොහොතේ තෝරන්නේ හිටපු හමුදාපති ජනරාල් සරත් ෆොන්සේකා ය. අන්තර්ජාල ප්‍රජාව හා ලංකාවේ බහුතරය වන ගැමි ජනතාව අතර සිතීම් රටාවේ ‍සුවිශාල වෙනසක් තිබිය හැකි මුත්, රටේ ජනමාධ්‍ය හරහා ජන විඥානය හැසිරවීමේ ප්‍රධාන බලවේගයක් වන මෙම ප්‍රජාවේ මතය සමස්ත දේශපාලන ප්‍රජාව කෙරෙහි ම සුව්සල් බලපෑමක් කිරීමේ හැකියාවකින් යුක්ත වේ. ජනාධිපති පදවියට පත්ව සිව් වසරක් ඇතුළත මෙතෙක් බොහෝ රාජ්‍ය නායකයන් දියත් කිරීමට අසමත් වූ මිලිටරි දේශපාලන මර්දනයකින් දෙමළ අරගලය හා එහි නියාමක බලවේගය බවට පත් වී සිටි කොටි සංවිධානය මුළුමනින් ම පරාජය කිරීමට සමත් වූ මහින්ද රාජපක්ෂ ජනාධිපතිවරයා ජනාධිපතිවරණයක අභියෝගය භාර ගැනීමට සූදානම් වන්නේ මෙවැනි පසුබිමක් තුළයි. හමුදා නිලධාරියකු ජනාධිපතිවරණයට තරග කිරීම වළක්වා ලන නීතිමය ප්‍රතිපාදන පාවිච්චි කරමින් ජනරාල් සරත් ‍ෆොන්සේකාගේ අපේක්ෂකත්වය වළක්වන ලෙසට ඊනියා හිතවතුන් දෙන කේවට්ට උපදෙස් පසෙක ලා තරගයට නො බියව මුහුණ දෙන ලක්ෂණ සිය දේශපාලනික ජීවිතය පුරා ම ද...