W3Lanka: Praja.lk Backup

වමේ සිට දෙවැන්නා දිල්ෂාන් සිල්වා ය. ලංකාවට ලෝක කුසලානය දිනා දුන් කණ්ඩායමේ නායකත්වය දැරූ නිසා අර්ජුන රණතුංගට හා ඔහුගේ පවුලට කැමති ආකාරයට ක්‍රිකට් වළඳන්නට ඉඩ දිය යුතු යයි කියන එක සමාන වන්නේ යුද්ධය අවසන් කළ නිසා තම පවුලට කැමති ආකාරයට රටේ ආර්ථිකය වළඳන්නට දිය යුතු යයි රාජපක්ෂලා කරන ඉල්ලීමට ය. රාජපක්ෂ පවුල නම් වසංගතය හා සම විය හැකි, කිසි සේත් මතු වන්නට ඉඩ දිය යුතු නැති පවුල්වාදයකි, රණතුංග පවුල්වාදය. අර්ජුන, ප්‍රසන්න, නිශාන්ත, ධමිමික, රුවන්, සංජීව බෑයන්ගේ හෙවත් කුඹුරුවන්ගේ අතීත කෙරුවාව ඔවුන්ගේ අනාගතය ගැන තේරුම් ගැනීමට අපට මග සලසා දෙයි. ලංකාවේ ක්‍රිකට් කණ්ඩායම ටී-20 ලෝක කුසලානයේදී අන්ත පරාජයට පත් වීම තමන්ට ශ්‍රී ලංකා ක්‍රිකට් ආයතනයේ සභාපතිත්වය නො ලැබුණ නිසා වූ දෙයකැයි පෙන්නා, ජනාධිපතිවරයාට බෝලයක් බස්සා, නිල වශයෙන් පත් වූ පාලක මණ්ඩලය අහෝසි කර, අතුරු පාලන මණ්ඩලයක් පත් කර ගැනීම ගැන අර්ජුන කතා කරන ආකාරයෙන් ම ඔහුගේ බඩගිනිකාර ස්වභාවය නිරූපණය වේ. ඔහුට අමතක වී ඇති කාරණයක් වන්නේ පසුගිය වසර ගණනාවක් තිස්සේ ම ශ්‍රී ලංකා ක්‍රිකට් ආයතනයේ ලේකම්වරයා වූයේ ඔහුගේ සොයුරු නිශාන්ත බවයි. ඔහු ක්‍රිකට් වෙනුව...

මේ දිනවල ආදිවාසී ක්‍රිකට් ගැහිල්ලක් බෝ වී තිබේ. මේ ක්‍රිකට් රැල්ල හැදුවේ මාධ්‍යවලිනි. මාධ්‍යවලින් දෙන ඕනෑ රැල්ලක් වැළඳ ගන්නට සූදානම් අපේ පාරිභෝගිකවාදී සමාජය ආදිවාසී ක්‍රිකට්වලට මාකට් එකක් හදා දුන්නේ ය.  අපේ ටවුමේද දිනක් මේ ක්‍රිකට් තරගයක් තිබිණි. එක්තරා ඇඟලුම් කම්හලක් ආදිවාසීන් සමග ක්‍රිකට් මැච් එකක් ගැහුවේ ය. මා එ් පිටිය අසලින් යන ‍මොහොතක වර්තමාන වාසීන් දෙපිරිසක් අතර ක්‍රිකට් තරගයක් තිබිණි. ආදි වාසීන් සමග තරගය තිබෙන්නට ඇත්තේ උච්චතම අවස්ථාවේ ය. ඒවා බලන්නට තරම් වැඩකට ගත නො හැකි කාලයක් අපට නැත.  ආදි වාසීන් ක්‍රිකට් ගහන එක ගැන ඔවුන්ගේ සංස්කෘතිය භාර සංස්කෘතික ඇමතිවරයා උරණ වී ඇති බව ද පසුගිය දිනවල වාර්තා විය. අද දිවයිනේ පුවතක වාර්තා වන්නේ ආදි වාසීන් හා නළු නිළියන් අතර ක්‍රිකට් තරගයක් පවත්වන්නට යන බවකි. ඒ සඳහා රුපියල් ලක්ෂයක් අය කරන බව ආදි වාසී ක්‍රිකට් කණ්ඩායමේ නායකයා කියා තිබේ. ඇත්තට ම සතුටු ය.  වැදි ජනතාව භාණ්ඩ හුවමාරුව වෙනුවට මුදල්වලින් ගනුදෙනු කිරීම ආරම්භ කර දැන් බොහෝ කාලයකි. වර්තමාන ලෝකයේ යම් පිරිසක් ආදි වාසීන් ලෙස ම සිටිය යුතු යයි නියම කරන්නට කාටවත් බැරි ය. තමන්ග...

ලෝකයේ කුඩා සංස්කෘතියකට හිමිකම් කියන, සෙසු සංස්කෘතීන් හා මුසු වීම පිළිබඳ යම් බියකින් පසු වන, හුදකලා වීමේ ප්‍රවණතාවක් පෙන්වන ප්‍රජාවක් වන සිංහල ජාතිය අයි.සී.සී චැම්පියන් කුසලානයේ සමාරම්භක උළෙලේදී ලාංකික කොඩිය ගෙන එන වෙලාවේ හින්දි සිංදුවක් වාදනය කිරීම ගැන තදබල විරෝධයක් නැඟීම තේරුම් ගත හැකි කාරණයකි. සුළුතර මානසිකත්වයෙන් පෙළෙන ජාතීන් සාමාන්‍යයෙන් සිය ජාතික සංකේත පිළිබඳ අධි සංවේදී වීම සුලබ ය. වැද්දන්ගේ කෙටේරිය නිදසුනකි. වසර 2000 ආසන්න වකවානුවේදී කොළඹ වාමාංශික පිරිසක් විසින් සංවිධානය කරන ලද එක් වැඩසටහනකදී පෙත්සමක් අත්සන් කිරීම සඳහා යා යුතුව තිබුණේ ඇමරිකන් කොඩිය පාගාගෙන ය. එහෙත්, ඇමරිකා එක්සත් ජනපද තානාපති කාර්යාලය හෝ ඒ කාලයේ පිටරට සිටි අපේ ජාතික වීරයන් වැනි කිසිදු ඇමරිකානුවකු ඒ ගැන කුපිත වූයේ නැත. ඔවුන් මේ සංකේත වන්දනා නො කරන්නේ ඔවුන්ට ඉතිහාසයක් නැති නිසා ය කියා අනාගතය ගැන බියෙන් පෙළෙන අපට සතුටු වෙන්නට පුළුවන. ඔවුහු බලවත් වර්තමානයක සිටිමින් ජාතික කොඩිය ජොකාගේ පවා අලවති. සිංහල ජාතිය සිය ජාතික අනන්‍යතාව පිළිබඳ නංවන මේ හඬ විසින් ඔවුන් පිළිබඳ ලෝකයා සතු අවබෝධය පුළුල් වන නිසා අපි ඒ උද්ඝෝෂණ ගැ...

බලන්න, මේ අයගේ අදහස් අතර පරතරය! "පැහැදිලිවම කිව යුතුයි මම ක්‍රිකට් ගහන්නේ සල්ලි නිසා.මගේ රැකියාව තමයි ක්‍රිකට් ක්‍රීඩාව. ඉතින් ක්‍රීඩා කර සල්ලි හම්බ කිරීමේ වැරැද්ද මොකක්ද? ශ්‍රී ලංකා ක්‍රිකට් ආයතනයේ කොන්ත්‍රාත්තුව ගැන මොකවත් කතා කර නැහැ.හැබැයි කිව යුතුයි, මම ක්‍රීඩා කරන්නේ සල්ලි නිසා. කව්රුහරි නිකම් ක්‍රිකට් ගහනවා නම් එක ලොකු දෙයක්." - ලසිත් මාලිංග   බොරු වීරයන්ගේ රට, ජාතිය ගැන ව්‍යාජ කතා වෙනුවට ඇත්ත කතා කළ ලසිත් මාලිංග ඔබට අපේ ආචාරය!   මේ ලිපියට ඔබ කැමති නම් වෙන අයත් එක්කත් බෙදා ගන්න

(2011 අප්‍රේල් 02,   W3Lanka )  ක්‍රිකට් යනු ක්‍රීඩාවකි. ක්‍රීඩාවේදී ජයට හෝ පරාජයට වඩා  වැදගත් වන්නේ  ක්‍රීඩාශීලිත්වයයි. එසේ ම, ජාත්‍යන්තර මට්ටමේ ක්‍රීඩාවන්ගෙන් සිදු විය යුත්තේ ලෝකයේ රටවල්, ජාතීන් හා මිනිසුන් අතර සබඳතා ශක්තිමත් වීමයි. රාජ්‍ය මාධ්‍ය විසින් මේ මොහොතේ ලංකාවේ ඇති කරමින් සිටිනුයේ වියරුවකි. ඊයේ රාත්‍රී ජාතික රූපවාහිනියේ ප්‍රවෘත්ති විකාශය අතරතුර කීප වරක් ම පෙන්වූ දර්ශනයක් වන්නේ ඉන්දියාවේ ක්‍රිකට් ලෝලී ආගමිකයන් පිරිසක් කොකුන් සේ තනි අණ්ඩෙන් වතුරේ සිටගෙන කිසියම් වතාවතක යෙදෙමින් ඉන්දීය කණ්ඩායමට ආශිර්වාද කරන අන්දමයි. ලංකාවේ පාලකයන්ට ද අවශ්‍ය වී ඇත්තේ මේ රටේ මිනිසුන් තනි කකුලෙන් සිටුවා කොකා පෙන්නීමටයි. අප අනුගමනය කළ යුතුව තිබෙන්නේ ඉන්දියාව ලෝක බලවතකු බවට පත් කරමින් සිටින බුද්ධිමත් මිනිසුන් ද නැතිනම් ඒ රටේ සිටින සන්නාසීන් ද? රාජ්‍ය පාලකයන් විසින් කළ යුතුව තිබුණු කාර්යයක් වන්නේ ලෝක කුසලාන තරගාවලිය හරහා ලංකාව ලෝකය තුළ දියුණු, බුද්ධිමත්, උද්‍යෝගිමත්, විනය ගරුක ජාතියක් ලෙස යහපත් අන්දමින් මාකට් කිරීමයි. එහෙත් එවැනි සැලැස්මක් තිබුණේ ම නැත. මෙතැන ඇත්තේ ලෝක කුසල...

(2011 මාර්තු 19,   W3Lanka )   තාරකාවෝ බැබළෙන්නේ තමන්ගේ ම ආලෝකයෙනි. තමන්ට කියා එළියක් නැති ග්‍රහයෝ තාරකා‍වල එළිය තමන්ගේ සේ පරාවර්තනය කරති.  මුත්තයියා මුරලිදරන් තරුවකි. ඔහු ටෙස්ට් කඩුලු 800 ලබා ගත් අවස්ථාවේ ජනාධිපති මහින්ද රාජපක්ෂ ජාතික රූපවාහිනිය හරහා පැවසුවේ අලුතින් ඉදි වන පල්ලෙකැලේ ක්‍රීඩාංගනය මුරලිදරන්ගේ නමින් නම් කරන බවයි.  එහෙත්, පල්ලෙකැ‍ලේ ක්‍රීඩාංගනය විවෘත විය. එය මුරලිදරන් නමින් නම් කරන බව මුලින් කීව ද එසේ සිදු වූයේ නැත.  මුරලිදරන් යනු ඉන්දීය සම්භවයකින් යුත් දෙමළ මිනිසෙකි. සිංහල අපි 1983දී මුරලිදරන්ගේ පවුලේ දේපල ගිනි තැබුවෙමු. මුරලිදරන්ට ලංකාවේ පුරවැසිකම පවා ලැබුණේ ඉපදී බොහෝ කලකට පසුවයි.  ලංකාව විසින් බිහි කරන ලද විශිෂ්ඨ ම ක්‍රිකට් ක්‍රීඩකයා ඔහු වුණාට ඔහු දෙමළෙකි. එහෙයින් ඔහු නමින් ක්‍රීඩාංගනයක් නම් කිරීම ලෙහෙසි නැත.  මේ ක්‍රීඩාංගනය නම් කිරීම සඳහා සුදුසු වෙනත් නම් කීපයක් අපි යෝජනා කරමු. මේ දවස්වල ඕනැ කෙහෙල්මලකට දමන නම (කවුරුත් දනිති) එස්.බී. දිසානායක ජාත්‍යන්තර ක්‍රීඩාංගනය (ක්‍රීඩා ඇමති කාලේ සුසන්තිකා ජයසිංහට රොඩු ...

(2011 මාර්තු 07,  W3Lanka )  සෞඛ්‍ය විද්‍යාව පිළිබඳ රජීව් ගාන්ධි විශ්ව විද්‍යාලය විසින් ඉන්දීය ක්‍රිකට් ක්‍රීඩක සචින් තෙන්දුල්කාර්ට පිරිනමන්නට අදහස් කළ ගෞරව උපාධිය ඔහු විසින් ‍ගෞරවාන්විතව ප්‍රතික්ෂේප කර ඇති බව ටයිම්ස් ඔෆ් ඉන්දියා පුවත්පත වාර්තා කරයි. මයිසූර් විශ්ව විද්‍යාලය ද ඔහුට ආචාර්ය උපාධියක් පිරිනැමීමට තීරණය කර ඇත. එහෙත්, ඒ පිළිබදව තව ම නිල වශයෙන් දැනුම් දී නැති බව වාර්තා වේ.  විද්‍යායතනික හා බුද්ධිමය වශයෙන් දිනෙන් දින පිරිහෙන විශ්ව විද්‍යාල මගින් දේශපාලනිකව හා සමාජමය වශයෙන් බලවත් හා ජනප්‍රිය පුද්ගලයන්ට ආචාර්ය උපාධි පිරිනමා ඒවායේ ප්‍රධානීන් එදා වේල පිරිමසා ගන්නට උත්සාහ කිරීම ලංකාවේ නම් සුලබ දෙයකි.  ඒ අතින් ගත් කල සෞඛ්‍ය විද්‍යාව පිළිබඳ රජීව් ගාන්ධි විශ්ව විද්‍යාලය තෙන්දුල්කාර්ට ආචාර්ය උපාධියක් පිරිනමන්නට ප්‍රාමාණික වනවා සේ ම, ක්‍රීඩාව පිළිබඳ ආචාර්ය උපාධියක් ලබන්නට තෙන්දුල්කාර් ද ප්‍රාමාණික වේ.  එහෙත්, තමන් තවමත් ක්ෂේත්‍රයේ ක්‍රියාකාරිකව සිටින බව ඉදිරිපත් කරමින් තෙන්දුල්කාර් ආචාර්ය උපාධිය ප්‍රතික්ෂේප කර ඇත.  ක්‍රීඩකයකු ලෙස සිය අභිමානය, ස්වාධ...

(2011 මාර්තු 03,  W3Lanka )  දිනමිණ කර්තෘ මහින්ද අබේසුන්දර හැම ගහට ම කොට කොටා යන ගමන් කෙහෙල් ගහකටත් කොටා තිබේ. හොට පැටළෙන්නට ද ඉඩ තිබේ. මේ කෙසෙල් ගස වනාහි ශ්‍රී ලංකා ක්‍රිකට් කණ්ඩායමයි. ලෝක කුසලාන පළමු වටයේ තරගයකදී පකිස්තානයට පැරදුණු ලංකාවට ඔච්චම් කරමින් ස්වාධීන රූපවාහිනියේ වැඩසටහනේදී මහින්ද අබේසුන්දර ව්‍යංගයෙන් නැඟූ බරපතල චෝදනාවක් වන්නේ මහේල ජයවර්ධන හා තිලාන් සමරවීර තරග පාවා දුන් බවයි. ‘ගේම් එක චේන්ජ් කරන්න යයි පුන පුනා කී නිසාදෝ මහේල හා තිලාන් ඒ අනුවම චේන්ජ් කරාදැයි අපට නිකමට සිතේ’ යයි ඔහු කීවේ ය. මාධ්‍යකරුවා සාමාන්‍ය මිනිසකුට වඩා දුර දකින්නට සමත් අයකු විය යුතු ය. සන් ෆ්ලවර් බයිලාවක තිබෙන ආකාරයට සාමාන්‍ය ජනයා ක්‍රිකට්වලට ප්‍රතිචාර දක්වන්නේ මෙසේ ය: "දිනුවදාට කොල්ලෝ ෂා නියමයි කියලා කරවට මල් මාල දමනවා - එකක් දෙකක් අයියෝ පැරදුණාම ගොයියෝ මොනවද මේ කළේ අහනවා." හිටපු ක්‍රිකට් නායක අර්ජුන රණතුංග කියන පරිදි මේ වනාහි ලංකා කණ්ඩායම දිරිමත් කළ යුතු මොහොතකි. ඔවුන්ගේ මානසිකත්වය අවුල් කරන්නට කටයුතු කිරීම සුදුසු නැති මොහොතකි. මහින්ද අබේසුන්දර වැනි එදා වේල වෙනුවෙන් කුලියට කහින ලිය...

(2011 පෙබරවාරි 20,  W3Lanka )   ලෝක කුසලාන ක්‍රිකට් තරග කෙක් පැවැත්වෙන, අද ජනාධිපති මහින්ද රාජපක්ෂ අතින් විවාත වන සූරියවැව ජාත්‍යන්තර ක්‍රිකට් ක්‍රීඩාංගනය අවට මාවත් අසල කඩ හිමියන්ට සිය කඩ ලෑලිවල ලොකු කෙසෙල්ගෙඩි හා හොඳ තැඹිලි ආදිය එල්ලාගෙන සිටින ලෙස පොලිසිය උපදෙස් දී ඇති බව අද සන්ඩේ ටයිම්ස් පුවත්පත වාර්තා කරයි.  ඊට අමතරව, තමන්ගේ ළමයින්ට ළමා සාරි, රෙදි-බැනියම් වැනි දේශීය ඇඳුම් අන්දවා තැබීමට ද ඔවුන්ට උපදෙස් දී ඇති බව පුවත්පත පවසයි.  එසේ කරන්නේ මේ ක්‍රිකට් තරග බැලීමට එනු ඇතැයි බලාපොරොත්තු වන විදේශිකයන්ට ඒ පැත්ත දියුණු වී ඇති බව පෙනෙන්නටයි.  ඊනියා ධනවාදී සංවර්ධනයේ විසුළු ස්වභාවය මෙමගින් හොඳින් ප්‍රදර්ශනය කෙරේ. හම්බන්තොට දිස්ත්‍රික්කයේ දැවැන්ත 'සංවර්ධන' ව්‍යාපෘති ක්‍රියාත්මක වන්නේ එමගින් එහි දිළිඳුභාවය පිටු දකින බව කියමිනි. ඒ වෙනුවෙන් වැය කරන්නේ මහජන මුදල් ය. පරම්පරා ගණනාවක් උගසට තබමින් ලබා ගන්නා ණය ගෙවන්නේ ද මේ රටේ මහජනතාව ය. ලංකාවේ මහජනතාවගෙන් බහුතරය දිළින්දෝ ය.  මෙවැනි සංවර්ධන ව්‍යාපෘති ක්‍රියාත්මක වූ කල, ඒ සංවර්ධනය පහළට කාන්දු වී දිළිඳුභාවය නැති ව...

( 2010 නොවැම්බර් 01,  W3Lanka )  මෙම සටහන තැබීමට නිමිත්ත වූයේ ලංකාවේ වොලි බෝල් ක්‍රීඩාව වෙනුවෙන් කීර්තියක් අත් කරගෙන සිටි ප්‍රදේශයක් වූ ගම්පහ වොලි බෝල් ක්‍රීඩාව පිරිහී තිබෙන ආකාරය පිළිබඳ දිනමිණ පුවත්පතේ පළ වූ වාර්තාවකි. මීට පෙර ක්‍රීඩා පිළිබඳ තැබූ සටහනක අප ක්‍රිකට් පිළිබඳ කළ සටහන ඇතැමෙකුගේ විරෝධයට ලක් විය. ක්‍රිකට් යනු හොඳ මානසික ඒකාග්‍රතාවක් අවශ්‍ය දියුණු ක්‍රීඩාවක් බව ඇත්ත ය. ගොල්ෆ් ක්‍රීඩාව ද එවැන්නකි. චෙස් ක්‍රීඩාව තරම් මානසික ඒකාග්‍රතාවක් ඉල්ලා සිටින තවත් ක්‍රීඩාවක් නැති වන්නට පුළුවන. අප කතා කරන්නේ වෙන වෙන ම ක්‍රීඩා පිළිබඳව නොව ක්‍රීඩාශීලී, නිරෝගී ජාතියක් බිහි කර ගැනීම සඳහා ක්‍රීඩාව ඉවහල් කර ගැනීම පිළිබඳව ය. අප ක්‍රිකට් ක්‍රීඩාව විවේචනය කරන්නේ එය ක්‍රීඩාශීලී මිනිසුන් වෙනුවට ශාරීරිකව ක්‍රීඩාශිලිත්වයෙන් දුරස්ථ, රෝගී ක්‍රීඩා ලෝලීන් සමූහයක් බිහි කරන. මුදල් වන්දනා කරන පුහු ක්‍රීඩා සංස්කාතියක් නිර්මානය කර ඇති බැවිනි. සරළව කීවොත්, ක්‍රිකට් නිසා ලංකාවේ මිනිස්සු ක්‍රීඩාවෙන් ලබා ගත හැකි ශාරීරික ව්‍යායාමයෙන්, ඒ ඔස්සේ ලැබෙන ක්‍රීඩාශීලී වින්දනයෙන් හා යහපත් ශරීර සෞඛ්‍යයෙන් දුර...

(2010 අගෝස්තු 06,  W3Lanka )  ඉන්දීය - ශ්‍රී ලංකා තුන්වන හා අවසාන ටෙස්ට් තරගයේදී ඉන්දීය ක්‍රිකට් ක්‍රීඩක යුවරාජ් සිංට සමච්චල් කළේ යයි සැක පිට බොරැල්ල පොලිසිය විසින් පුද්ගලයන් තිදෙනෙකු අත්අඩංගුවට ගෙන රඳවා ඇතැයි පොලිස් මාධ්‍ය ප්‍රකාශක පසුගියදා මාධ්‍යවලට පැවසී ය. මේ යුවරාජ් බබා ඔහුගේ සිකියුරිටි මාමලාට අරුන් මට බැන්නා යයි  ඇඟිල්ල දිගු කර පෙන්වා පැවසීම මෙම අත්අඩංගුව‍ට ගැනීමයි.  නමින් පමණක් යුවරාජ්  වන මේ හාදයා මෙන් නොව ඇත්තට ම යුවරාජ නාමල් බේබි රගර් ගහද්දීවත් මෙහෙම සන්තෑසියක් වී මින් පෙර වී නැත.  ප්‍රේමදාස ජනාධිපති සමයේ හේමා නෙට්බෝල් ගසද්දී ඡායාරූප ගත් ඡායාරූප ශිල්පියකු අතුරුදහන් කරන ලද බව අප අසා ඇතිමුත් හේමාගේ නෙට්බෝල් 'අපි නො දන්න චෙස්' වැනි දෙයක් නිසා එම සිද්ධිය ක්‍රීඩා සමග සම්බන්ධ කර ගත නො හැක.  දැන් මේක හරි කෙළියක් වී ඇත.  මෙහෙම ගියොත්  කීපරයාට බෝක්කුවක් ගියත්  හූවක් කියන්නට ලැබෙන්න්නේ නැත. ‍ක්‍රීඩා තරගවලදී ලොව හැම තැන ම හැමදාමත් සිදු වූ මෙවැනි සමච්චල් ලංකාවේ කරන්නට නො ලැබෙනු ඇත. ඒ වෙනුවට තරුණ සේවා සභාවේ බබාලා සේ 'චහ් චහ...

(2010 පෙබරවාරි 22- W3Lanka )   අන්තර් පාසල් ක්‍රිකට් තරඟාවලියේ කළුතර විද්‍යාලය සහ මහනුවර සිල්වෙස්ටර් විද්‍යාලය අතර වයස අවුරුදු 19න් පහළ ක්‍රිකට් තරගය දෙවන දිනයේ පැවැත්වීමට නියමිතව තිබූ මහනුවර අස්ගිරිය ක්‍රීඩාංගණයට සංචාරක ඇමති ෆයිසර් මුස්තාපාගේ හෙලිකොප්ටරය ඊයේ පාත් වීම නිසා ක්‍රිකට් තරගය අවලංගු කිරීමට සිදු වීම ඇතැමුන්ගේ විවේචනයට ලක් වී තිබේ. ඇත්ත වශයෙන් ම ලංකාවේ ක්‍රිකට්වලට වඩා වැදගත් වන්නේ දේශපාලනයයි. එසේ නොවේ නම්, සනත් ජයසූරිය ක්‍රිකට් ගසන එකට දෙවන තැන දී දේශපාලනයට එන්නේ නැත. අර්ජුන රණතුංග නම් දේශපාලනයට ආවේ ක්‍රිකට් ගැසීම නැවැත්වූ පසු ය. ලෝකයේ ක්‍රිකට් ගසන රටවල් ඇත්තේ දහයක් දොළහක් පමණි. ඒ අතරිනුත් ලංකාවට පළමු තැනට එන්නට ලැබුණේ එක ම එක වතාවක් පමණි. එහෙත්, දේශපාලනය ඒ වගේද? ලෝකයේ ලොකු ම ඇමති මණ්ඩලය අතින් ලංකාව පළමු ස්ථානයට තේරුණේ ක්‍රිකට් නිසා ද? නැත. දේශපාලනය නිසා ය. ලෝකයේ රටවල් 200ක් පමණ ඇත. ලෝක මාධ්‍ය නිදහස් දර්ශකයේ රටවල් 175ක් අතරින් 162වන ස්ථානය හෙවත් මාධ්‍ය නිදහස නැති රටවල් අතරින් 13වන ස්ථානය ලංකාවට හිමි වුණේ දේශපාලනය නිසා මිස ක්‍රිකට් නිසා නොවේ. මෙවැනි උදාහරණ තව...

(2009 දෙසැම්බර් 28 - W3Lanka ) ලංකාවත්ඉන්දියාවත් අතර ඊයේ දිල්ලියේදී පැවැත්වීමට නියමිතව තිබුණු පස්වන එක් දින ජාත්‍යන්තර තරගය මුලින් පන්දුවට පහර දෙමින් සිටි ලංකා කණ්ඩායමේ 24වන ඕවරයේ තුන්වන පන්දුවෙන් අවසන් විය. ඉන්දියාව විසින් සපයා තිබුණු පර්වතයක් වැනි අනතුරුදායක තණ තීරුවේ ක්‍රීඩා කිරීම ලංකාව විසින් ප්‍රතික්ෂේප කරන ලදී. තරග තීරක විසින් මෙම විරෝධය පිළි ගන්නා ලදී.‍ කුපිත වූ ප්‍රේක්ෂකයෝ පු‍ටු පොළවේ දමා ගසද්දී බැටන් පොලු ගත් පොලිසිය ද තරගයට අවතීර්ණ විය. ප්‍රේක්ෂකයන්ට ඉන්දියාව දිනනවා පමණක් නොව තරග කරනවා ද බලන්නට අවශ්‍ය විය.  තරග දිනීම සඳහා ආගන්තුක කණ්ඩායමට නරක තණ තිලි පිරිනැමීම හා ඒ අනුව තම ක්‍රීඩක සංචිතය සකසා ගැනීම ඉන්දියාවේ ක්‍රිකට් ජයග්‍රහණයන්ගේ සූත්‍රය වන්නේ යම් සේ ද දේශපාලනයේදී ද සිය කලාපීය ආධිපත්‍යය සඳහා ඔවුන් අනුගමනය කරන උපාය මාර්ගය වන්නේ අනෙකා‍ගේ බෙල්ල කැඩෙන සේ තණ තීරුව වණ කිරීමයි.  මේ සඳහා හොඳ ම නිදසුන ලංකාවේ ජාතීන්ගේ ප්‍රශ්නය කෙරෙහි ඉන්දියාවේ ප්‍රවේශයයි. කඳවුරු, පුහුණුව සහ අවි ආයුධ පවා සපයමින් කලක් දෙමළ ජාතිකවාදී සන්නද්ධ බලවේග පෝෂණය කළ ඉන්දියාව ඇමරිකන් ගැති ජේ.ආර්...

(2009 දෙසැම්බර් 26 - W3Lanka ) 1989 දෙසැම්බර් 26 දා ඔස්ට්‍රේලියාවට එරෙහිව මෙල්බර්න් පිටියේ දී පළමු ජාත්‍යන්තර එක් දින තරගයට සහඵාගි වෙමින් සිය ක්‍රිකට් දිවිය ආරම්භ කළ සනත් ටෙරාන් ජයසූරිය අද සිය ජාත්‍යන්තර ක්‍රීඩා දිවියේ විසි වන වසර සපුරයි. 1969 ජුනි 30දා උපන් සනත් දැන් සතළිස්වන වියට එළඹ සිය ද තවමත් ඔහු යව්වනයකු සේ ක්‍රිකට් ක්‍රීඩාවේ යෙදෙන්නේ ක්‍රීඩාව පිළිබඳ ගතානුගතික අදහස් අභියෝගයට ලක් කරමිනි. වයස වැඩි යයි කියමින් ඔහුව ක්‍රිකට්වලින් දවා ලන්නට නිලධාරීන් නිපන්දු එවමින් දැරූ උත්සාහයන් හමුවේ සනත් කෙසේ හෝ තවමත් නො සැලී සිටියි.  1998 මැයි 08දා සනත් හා එයා ලංකා හිටපු බිම් සත්කාරිකාවක් වූ සුමුදු කරුණාරත්න අතර සිදු වූ විවාහය ලංකාවේ වැඩියෙන් ම කතා කළ විවාහය වූ මුත් කෙටි කලකින් සිදු වූ දික්කසාදය අඩුවෙන් ම වාර්තා කළ එකක් වූයේ ක්‍රිකට් ගැසීමට පමණක් නොව ලංකාවේ ජනමාධ්‍ය හැසිරවීමටත් සනත්ට තිබූ හැකියාව ප්‍රදර්ශනය කරමිනි. නිහඬව දෙවන විවාහයට එළැඹි සනත් දැන් තිදරු පියෙකි.  1991 පෙබ. 22-26 නවසීලන්තයට එරෙහිව හැමිල්ටන්හිදී පළමු ටෙස්ට් තරගයට සහභාගි වූ සනත් මේ වන විට ටෙස්ට් තරග 110කට ද එක...

(2009 දෙසැම්බර් 24 - W3Lanka ) ශ්‍රී ලංකා ක්‍රිකට් කණ්ඩායමේ සනත් ජයසූරිය හා තිලකරත්න ඩිල්ෂාන් ඇතුළු ක්‍රීඩකයන් සත්දෙනෙක් කළමනාකාර බ්‍රෙන්ඩන් කුරුප්පුගේ හෝ ආරක්ෂක නිලධාරීන්ගේ අවසරයකින් තොරව, ආරක්ෂාවකින් තොරව සිව්වන එක්දින තරගයට පෙර රාත්‍රී 11ට පමණ කල්කටාහි හෝටලයෙන් පිට වී රාත්‍රී වි‍නෝද චාරිකාවක් යාම ආන්දෝලනයට තුඩු දී තිබේ. මෙම ක්‍රීඩකයන් අතරින් පසුදෙනෙක් ඉක්මණින් ආපසු පැමිණ තිබේ. එහෙත්, සනත් සහ ඩිල්ෂාන් රෑ 2 පමණ වනතුරු මධුවිතෙන් සප්පායම් වී නිදහස භුක්ති විඳ තිබේ. පුද්ගල නිදහස වෙනුවෙන් ඊනියා ආරක්ෂාවට පයින් ගැසූ ඒ නිදහස්කාමී ක්‍රීඩකයන්ට අපි සුබ පතමු.  ක්‍රීඩාව මෙන් ම ජීවිතය ද ඇත්තේ විඳින්නට ය.

(2009 නොවැම්බර් 11 - W3Lanka ) හම්බන්තොට ඉදිවෙමින් පවතින ජාත්‍යන්තර ක්‍රිකට් ක්‍රීඩාංගනයේ විවෘත කිරීම 2011 පෙබරවාරි 20 දින ලංකාව සහ කැනඩාව අතර එක් දින ජාත්‍යන්තර ලෝක කුසලාන තරගයෙන් සිදු වීම‍ට නියමිත ය.  ‍දැනට නිකුත් වී තිබෙන 2011 ලෝක ශූරතා තරග කාලසටහන අනුව ලංකාවේ අර්ධ පූර්ව අවසාන තරගයක් හා අර්ධ අවසාන තරගයක් ඇතුළු ලෝක කුසලාන තරග 12ක් පැවැත්වේ.  මෙම තරග සඳහා මහනුවර පල්ලෙකැලේ අලුතින් ඉදි වන ක්‍රිකට් ක්‍රීඩාංගනය ද විවෘත වීමට නියමිත ය.  2011 ලෝක කුසලාන තරග ආරම්භය ඉන්දියාව සහ බංග්ලාදේශය අතර තරගයකින් බංග්ලාදේශයේදී සිදු වේ. අර්ධ පූර්ව අවසාන තරග දෙකක් සමග තරග අටක් එරටදී පැවැත්වේ.  ආරක්ෂක ප්‍රශ්න හේතුවෙන් පකිස්තානයේ තරග නො පැවැත්වෙන අතර, පකිස්තාන කණ්ඩායම තරග සඳහා ඉන්දියාවට යන්නේ අවසන් වටයට තේරුණොත් පමණි.  ලෝක ශූරතා තරගාවලියේ තරග 49න් 29ක් ම පැවැත්වෙන්නේ ඉන්දියාවේ ය.

(2009 සැප්තැම්බර් 03 - W3Lanka) ඉන්දීය ක්‍රිකට් කණ්ඩායම ලංකාවේ චාරිකාවක යෙදීම වැළැක්වීම සඳහා ජොඑල් පවුල් ඇන්තනි නම් නීතිඥවරයකු මදුරාසි උසාවියට පොදු අවශ්‍යතා නීති පෙත්සමක් ඉදිරිපත් කර තිබෙන බව වාර්තා‍ වේ. දෙමළ ජනයාට එරෙහි මානව හිම්කම් උල්ලංඝනය කිරීම් හේතුවෙන් ඉන්දීය ක්‍රිකට් කණ්ඩායම ලංකාවේ චාරිකා කළහොත් ජාත්‍යන්තර ප්‍රජාව ඉන්දියාවට ගරු නොකරනු ඇති බව පෙත්සම්කරු සඳහන් කරයි.  මදුරාසි මහාධිකරණය අභ්‍යන්තර කටයුතු, විදේශ කටයුතු හා ක්‍රීඩා අමාත්‍යංශවලට මේ පිළිබඳ කරුණු දක්වන ලෙස දන්වා යවා ඇත.