W3Lanka: Praja.lk Backup

  අජිත් පැරකුම් ජයසිංහ ආහාර නිෂ්පාදනයෙදි කෘෂිකර්මාන්තය හා ධීවර කර්මාන්තය ඉතා වැදගත්. එම ක්ෂේත්‍රවල සාකච්ඡා කළ යුතු නවීන විෂයයන් වන්නේ, තිරසාර කෘෂිකර්මාන්තය, දේශගුණයට ඔරොත්තු දීමේ හැකියාව, ඩිජිටල් තාක්‍ෂණය සහ නවෝත්පාදනය, ආර්ථික ශක්‍යතාව, ආහාර සුරක්ෂිතතාව ඇති කිරීම, හානි සහ නාස්තිය අවම කිරීම සහ ජෛව විවිධත්ව සංරක්ෂණය වැනි විෂයන් පිළිබඳවයි. දියුණු කෘෂිකර්මාන්තයක් ඇති රටවල සාකච්ඡා කරන්නේ නිරවද්‍ය (precision) කෘෂිකර්මය, පෝෂක කළමනාකරණය, බෝග විවිධාංගීකරණය, පස හා ජලය සංරක්ෂණය කරමින් ඵලදායිතාව ඉහළ නැංවීම, පුනර්ජනනීය බලශක්ති භාවිතය, ආදාන භාවිතයේ කාර්යක්ෂමතාව ඉහළ නැංවීම, පසු අස්වනු හානි අවම කිරීම සහ ඔරොත්තු දීමේ හැකියාව ශක්තිමත් කිරීම සහ ප්‍රතිලාභ ඉහළ නැංවීම සඳහා අගය එකතු කළ ක්‍රියාකාරකම් ආදිය පිළිබඳවයි. ශ්‍රී ලංකාවේ කෘෂිකර්මාන්තය ද එතනට පැමිණිය යුතුය. එහෙත්, ලංකාවේ සිදුවන්නේ වෙනත් දෙයකි. අන්න වී ගොවීන් කුඹුරු වපුරා පොහොර දියව් කියා ජනමාධ්‍යවලින් බදු ගෙවන ජනතාවට අණ කරනු පෙනේ. සරල ප්‍රශ්නයක් ඇත. පොහොර ගසන්නට සල්ලි නැතුව වී වැපුරුවේ ඇයි? දැන් මෙය කොතරම් කලක් තිස්සේ සිදු වෙනවාද? සියවසක් පමණ තිස්සේ මහ

  අද දින දිවුරුම් දෙන ලද කැබිනට් මණ්ඩලයේ සමස්ත ඇමතිවරුන් සංඛ්‍යාව ජනාධිපතිවරයා ද ඇතුළත්ව 22කි. අග්‍රාමාත්‍ය හා කාන්තා හා ළමා කටයුතු අමාත්‍යාංශ පමණක් කාන්තාවන්ට හිමි වී ඇත. ඇමතිවරුන් හයදෙනෙකු පත්කර තිබෙන්නේ ජාතික ලැයිස්තුවෙනි. ගම්පහ දිස්ත්‍රික්කයට ඇමති තනතුරු තුනක් ද මාතර දිස්ත්‍රික්කයට ඇමති තනතුරු දෙකක් ද ලැබී ඇත. උතුරු නැගෙනහිර පළාත්වල ජනයා ඍජුව නියෝජනය කරන කිසිවකුට ඇමති තනතුරු ලබාදී නැත. ගාල්ල, හම්බන්තොට, මොනරාගල, නුවරඑළිය, මාතලේ, පොළොන්නරුව යන දිස්ත්‍රික්කවල ඇමතිවරුන් නැත. ජනවාර්ගික වශයෙන් ගත් කල දෙදෙනෙකු දෙමළ බව පෙනේ. මුස්ලිම් නියෝජනයක් ඇමති මණ්ඩලය තුළ නැත. කුල හා ආගමික වශයෙන් ගත් කල ඇමතිවරුන් අතරින් හතරෙන් තුනක් පමණ සිංහල බෞද්ධ ගොවිගම අය වෙති. අග්‍රාමාත්‍ය තනතුර ඇතුළු ඇමති තනතුරු කීපයක් කරාව සහ වෙනත් කුලවලට හිමි වී තිබේ. මුදල් සැලසුම් සහ ආර්ථික සංවර්ධන, ආරක්ෂක සහ ඩිජිටල් ආර්ථික ඇමති ජනාධිපතිවරයායි. සෙසු ඇමතිවරුන්ගේ ලැයිස්තුව පහත දැක්වේ. අග්‍රාමාත්‍ය හරිනි අමරසූරිය – අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය (කොළඹ දිස්ත්‍රික්කය) විජිත හේරත් – විදේශ කටයුතු, විදේශ රැකියා සහ

  අජිත් පැරකුම් ජයසිංහ දෙමළ ජනතාවට දෙමළ වීම නිසා තියෙන ප්‍රධාන ගැටලුව වෙන මොකක්වත් නෙමෙයි දේශපාලන බලය පිළිබඳ ගැටලුව. යටත් විජිත සමය තුළ ඉදිකළ මාර්ග පද්ධතිය හා කෝල්බෘක් කැමරන් ප්‍රතිසංස්කරණ ඔස්සේ නිර්මාණය වුණ සිලෝන් ඒකීය රාජ්‍යය 1948 නිදහසෙන් පසු සිංහල බෞද්ධ ගොවිගම පිරිමි ආධිපත්‍යයට යටත් ශ්‍රී ලංකාව බවට පත් වීමෙන් පසු රාජ්‍ය ආධිපත්‍යයෙන් මුළුමනින්ම පිටමං කරන ලද ප්‍රජාව තමයි දෙමළ කතාකරන ජනයා. සිංහල මිනිසුන් මොන ස්වරූපයෙන් ඇවිත් ශ්‍රී ලංකාව ඔවුන්ට ගිල්ලවන්න හැදුවත් ඒක ඔවුන් දායක වෙලා නිර්මාණය කරපු රාජ්‍යයක් නෙමෙයි. ඒ නිසා ඔවුන් ඒක භාරගන්නෙ නැහැ. දැන් තියෙන කොළඹ කේන්ද්‍රීය සිංහල බෞද්ධ ගොවිගම පිරිමි රාජ්‍ය ආධිපත්‍යය යටතෙ නම් ඔවුන් ඒක කිසි සේත්ම භාරගන්නෙ නැහැ. ඒකට තමයි දෙමළ ජාතිකවාදය කියන්නෙ. සිංහල ජාතිකවාදය නිර්මාණය වෙන්නෙ ඒකට පරස්පරව. දෙමළ ජාතිකවාදය නැතිනම් සිංහල ජාතිකවාදයකුත් නැහැ. සිංහල ජාතිකවාදය නැතිනම් දෙමළ ජාතිකවාදයකුත් නැහැ. ඔය ගැටලුවට ශ්‍රී ලංකා රාජ්‍යය තුළ ස්ථිර විසඳුමක් නැහැ. මර්දනය එක විසඳුමක්. බලය බෙදාගැනීම තව විසඳුමක්. ඔය කොයික කළත්, දෙමළ ජනයා ශ්‍රී ලංකාවට එකතු වෙන්නෙ නැහැ. ඒක

  අජිත් පැරකුම් ජයසිංහ අම්බිකා සැමුවෙල් යනු 2024 මහ මැතිවරණය සඳහා බදුල්ල දිස්ත්‍රික්කයෙන් ජාතික ජන බලවේගයෙන් තරග කළ කාන්තාවකි. කුමක් හෝ නොදන්නා හේතුවක් මත සිංහල සමාජ මාධ්‍ය මාලිමා ක්‍රියාකාරිකයන් ඇය අධික ලෙස ඔසවා තබනු දක්නට ලැබිණි. එය කෙතරම් සීමාව ඉක්මවා ගියාද යත්, සිංහල පිරිමින්ගේ ෆැන්ටසියට ඔබින පරිදි ඇගේ රූපය සුදු කර සකසා භක්ෂණය කරනු දක්නට ලැබිණි. කුමාර හෙට්ටිආරච්චි ලියූ කවියක් ද මේ අතර වයිරල් විය. එය පහත පළ වේ. එය නම් ජනවාර්ගික ප්‍රශ්නය නැවත මුලට ගෙන යන මට්ටමේ ප්‍රතිගාමී කවියකි. එහි කථකයා දැඩි අනුකම්පාවක් පෙන්නමින් අම්බිකා බඳින්නට හිතෙන බව කියයි. දෙමළ ගැහැණිය සමග ලිංගික සම්භෝගය මුල් කරගෙන පවුලක් ගොඩනගාගන්නට තරම් කැප කිරීමක් කරන්නට තමන් සූදානම් යයි වැඩිහිටි සිංහල පිරිමියකු කීම තුළ තිබෙන ජඩ ස්වෝත්තමවාදය කොයි තරම්ද? එය ඒ අදහස විහිළුවට නංවන උපහාස කවියක් වූවා නම් පිළිගත හැකිය. මෙම පසුබිම හේතුවෙන් අම්බිකා පිළිබඳ තොරතුරු සොයා බැලීමි. තිස් පස් හැවිරිදි අම්බිකා මඳක් දෙමළ ඌරුව සහිතව ඉතා හොඳින් සිංහල භාෂාව ද කතා කරන, උගත්, දක්ෂ කාන්තාවකි. ඇය උපකාරක පන්ති ගුරුවරියක ද ලෙස සේවය කර ඇත. එසේම, සමාජ

  අජිත් පැරකුම් ජයසිංහ උත්තරය කැපිල්ල නොවේ. ඉස්සිල්ලක් නැති නිසාය. මේ අය මේ ෆේස්බුක්වල තරම් මහජනයා අතර ප්‍රසිද්ධ නැත. එතකොට කවුරුවත් නොදන්නා අප්‍රකටම චරිත අති විශාල ගණන්වලින් මනාප ලබාගෙන පත්වුණේ ඇයි? ඒ ඔවුන් පත්කරගන්නට පක්ෂ නායකයන්ට උවමනා වී තිබුණු නිසාය. මෙම පාර්ලිමේන්තු මැතිවරණයේදී වඩා වැදගත් වුණේ ජවිපෙ විසින් ඔසවා තැබීමය. එහෙම වුණාය කියා මේ වගේ මහා ඡන්ද රැල්ලකදී එය පාලනය කරගත්තේ කෙසේද? සම්පූර්ණයෙන් පාලනය කරගන්නට බැරිය. එහෙත්, ගන්නට ඕනෑ අය සම්බන්ධයෙන් යම් යම් උපායන් අනුගමනය කරන ලදී. උදාහරණයක් ලෙස ආසන බෙදා දුන්නේ ඒ විදියටය. සාමාන්‍යයෙන් කණ්ඩායම් නායකයා හා තවත් දෙදෙනෙකු එක ආසනයක මනාප වෙනුවෙන් කැම්පේන් කළහ. මතුගම හා අගලවත්ත යන දැවැන්ත ආසන දෙකම ඒකාබද්ධ කර ඒ දෙක වෙනුවෙන් කැම්පේන් කළේ නලින්ද ජයතිස්ස හා අප්‍රකට ජවිපෙ දෙදෙනෙකි. ඒ ඔවුන් පාර්ලිමේන්තුවට පත්කරගන්නට නලින්ද ජයතිස්සට දැඩිව ඕනෑකම තිබුණු නිසාය. එය නිවැරදිය. බල දේශපාලනය එහෙමය. පක්ෂයට හා නායකයන්ට යමෙකු පත්කරගන්නට දැඩිව උවමනාව තිබිණි නම්, ඒ හැම කෙනෙකුම පත්කරගෙන තිබේ. කවුරුහරි පත් වී නැතිනම් ඒ පෙර කී උවමනාව නැති නිසාය. තමන්ට උවමනාව තිබුණ

  – අජිත් පැරකුම් ජයසිංහ ලංකාවෙ ජනතාව කියන්නෙ මෝඩයන් නෙමෙයි. පට්ට අවස්ථාවාදියෝ. කාව හරි දේශපාලකයෙකුව අන්දලා රජයෙන් කාලාම තමයි පුරුදු වෙලාම තියෙන්නෙ. වැඩ කරන්න, මහන්සි වෙන්න, කැපකිරීම් කරන්න සූදානම් නැහැ. නිකං කන්න තමයි බලාපොරොත්තුව. දියසෙනලා ඇවිත් වටපිට බලනකොට හම්බ වෙච්ච පාර තමයි ණය. දැන් ණය කතන්දරෙත් ඉවරයි. ඒ වුණාට, බල පෙරේතයෝ හැමදාම දියසේනලා වගේ ඇඳගෙන එනවා. උන් හිතනවා උන් ජනතාව රවටනවාය කියලා. ඒ වුණාට අන්තිමට උන් කිච වෙලා ගෙදර යනවා. විජේතුංගයි, රනිලුයි ඇරෙන්න අනෙක් ඔක්කොටම වුණේ ඒක. ඔය පක්ෂ අභ්‍යන්තර කවවල ජනතාවගේ මේ අවස්ථාවාදීකම ගැන සාකච්ඡා කරන්න. තුනෙන් දෙක එපා කියද්දිත්, උන් පහෙන් හතරක් විතර දීල අතාරින්නෙ හොඳකටය කියල හිතන්න එපා. ඕකුන්ගෙ පිටිපස්සෙන් ඉඳන් කවුරුහරි සල්ලි දාලා කුලප්පු කළොත්, මතකනෙ 2022 චර්යාව. ඒවට ඉඩ තියන්න එපා. ජවිපෙ කියපු නිසා උන් රතිඤ්ඤා පත්තු නොකර, කිරිබත් නොහදා එහෙම ඉන්නවා දැනට. ඔය ගැම්මටම උන්ව හරියට ඩිසිප්ලින් කරන්න බර දාන්න. එතකොට උන්ට දැනෙන වේදනාව අමතක කරන්න පුළුවන් හොරු අල්ලන එකෙන්. ඒ අතරෙ ආර්ථිකයට මුළු ෆෝකස් එකම තියාගන්න. බැරි පොරොන්දු ඉෂ්ට කරන්න යන්නෙ නැතුව රන

  යසස් සමන්ත වීරසිංහගේ කෘතියක් ගැන අදහසක් වැහි පීල්ලක අතරමංව පොත දෙපාරක් කියෙව්වා. ඒක විදර්ශන සාහිත්‍ය තරගාවලියෙ හොඳම නවකතාවට තේරුණු කෘතිය. මගේ නවකතාවකුත් ඒ තරගයෙදි දිගු ලැයිස්තුගත වුණ නිසා, තරගකරුවකු නිසා, මොකක්වත් නොලියා ඉන්නත් හිතුවත්, අද උදේ උදන් ප්‍රනාන්දු එක්ක මේ පොත ගැන කතා කරපු නිසා මෙය ලියන්නට හිතුණා. වැහි පීල්ලක අතරමංව කියන්නෙ පසුගිය ආර්ථික අර්බුදයෙදි තෙල් පෝලිමක නාට්‍යමය සිදුවීම් අතිශයෝක්තිය මුසු විකාරරූපී ස්වරූපයකින් ඉදිරිපත් කරන රසවත් කතාවක්. එහි කතානායකයා කියන්නෙ ලංකාවෙ ඊනියා ප්‍රගතිශීලී, ප්‍රබුද්ධ, වාමාංශික, රාජ්‍ය සේවක, පහළ මධ්‍යම පන්තිකයා. ලංකාවේ වැඩකරන ජනයා සූරා කන රජයෙන් යැපෙන ගමන් අහස උසට හීන මවන, ඒවා අසාර්ථක වෙලා කාලකන්නි වන අසරණයා. කතාව කියවාගෙන යනකොට අපට ඇත්තටම ඔහු ගැන අනුකම්පාවක් ඇති වෙනවා. එතකොටම, කතාවේ චරිතයක් වන පෝලිමේ තියෙන ඔහුගේ මෝටර් සයිකලය ඉදිරිපත් වෙලා ඔහුගේ කුහකත්වය ඉස්මතු කරමින් අපේ හිත ඔහු සමග ඇති වන බැඳීම ඛණ්ඩනය කරන්නෙ බර්ටෝල්ට් බ්‍රෙෂ්ට්ගෙ දුරස්ථකරණ සංකල්පය සිහිපත් කරමින්. මේ පොතේ මට නම් නීරසම කොටස් ටික තමයි කතානායකයා දකින සිහින. ඔය සිහින වගේ ඒවා ති

  අජිත් පැරකුම් ජයසිංහ මං ඡන්දෙ දුන්නෙ කාවින්ද රණවීරට. එයා කලක සිට අපේ දේශපාලන ලයින් එකේ වැඩ කරන කෙනෙක්. ඔහු ඡන්දෙ ඉල්ලන බවක්වත් මට කිව්වෙ නැහැ. ඡන්දපොළට යන ගමන් මං ඊෂාගෙන් ඇහුවා, ඡන්දෙ දෙන්නෙ කාටද කියලා. එයා හිටියෙ ගෑස් සිලින්ඩරේටත්, එහි අපේක්ෂකයන් දෙදෙනෙකුටත් ඡන්දය දෙන්න. මං පැහැදිලි කළා මං ඇයි කාර් එකටයි, කාවින්දටයි දෙන්නෙ කියන එක. අන්තිමට එයාත් එයාගෙ ඡන්දය කාවින්දටයි, චමිල ලියනගේටයි දීලා තිබුණා. ඔවුන් දිනන්නේ නැති බවත්, ඔවුන්ට අප දුන් මනාප ගණන් කරන්නේවත් නැති බවත් අපි දන්නවා. ඒත්, අපි එහෙම කරන්නට හේතුව පහත පැහැදිලි කරනවා. කාවින්දයි, අපියි, තවත් බොහෝ අයයි හිටපු දේශපාලන ලයින් එක කියන්නෙ එක පක්ෂයක ලයින් එකක් නෙමෙයි. ඒකෙදි අපි බෙදිල හිටියට සාමූහිකයි. අපට ලයින් එක ක්ලියර්. ඒක මෙහෙමයි. ලංකාවෙ මේ මොහොතෙ ප්‍රධානම අර්බුදය තමයි ආර්ථික අර්බුදය. ඒක ගොඩදාගත්තෙ නැතිනම්, දේශපාලන හා සමාජ අර්බුද විසඳාගන්නට වෙන්නෙ නැහැ. ආර්ථික අර්බුදය ධනේශ්වර ක්‍රමයේ අර්බුදයක්. ඒකට සමාජවාදී විසඳුම් නැහැ. සමාජවාදී උරුමයක් සහිත ජනතා විමුක්ති පෙරමුණට ඒ අර්බුදය උග්‍ර කරන එක හැර වෙන විසඳුමක් දෙන්නට බැහැ. ඒ නිසා තමයි අපි

  ඡායාරූපයේ සිටින චානු නිමේෂා මෙවර පාර්ලිමේන්තු මැතිවරණයේදී තරග කරයි. චානු නිමේෂා ශ්‍රී ලංකාවේ පළමු සංක්‍රාන්ති ලිංගික පාර්ලිමේන්තු මැතිවරණ අපේක්ෂිකාවය. ඇය තරග කරන්නේ කෑගල්ල දිස්ත්‍රික්කයෙනි. නියෝජනය කරන්නේ ශ්‍රී ලංකාවේ සමාජවාදී පක්ෂයයි. චානු නිමේෂා 2022 #GotaGoHome ව්‍යාපාරයේ ක්‍රියාකාරිනියකි. “මම සටන දිගටම කරගෙන යන්නෙමි, නමුත් වෙනත් ආකාරයකින්,” යි නිමේෂා EFE Comunica වෙබ් අඩවියට පැවසීය. Adapted from praja.lk

  අජිත් පැරකුම් ජයසිංහ මේ වෙනකොට වාහන බලපත්‍ර හිමියන් 8,000ක් පෝලිමේ ඉන්නවා. සමහරුන්ට දෙක තුන තියෙනවා. මේ ටික තීරු බදු සහන මත ආනයනය කරන්නට දුන්නොත්, රටේ ඩොලර් ටික පිටරට යනවා. රජයට ආදායමක් ලැබෙන්නෙත් නැහැ. රජයට ආදායමක් නැති නිසා රජයේ සේවකයන්ට පඩි වැඩි කරන්නට වෙන්නෙත් නැහැ. මේ බලපත්‍ර හිමියන් වැඩිදෙනෙකු ඒවා විකුණනවා. අවසානයේදී මෙයින් සිදුවෙන්නෙ වාහන ආනයනකරුවන් අධික ලාභයක් ලබන එක. ආනයනය කරන සැපපහසු වාහන මිල දී ගන්නෙ රාජ්‍ය නිලධාරීන් නෙමෙයි. ධනවත් ව්‍යාපාරිකයන්. සහන මිලට ඉන්ධන දුන්නොත්, ඒ සහනාධාරයත් වැඩිපුර භාවිතා කරන්නෙ ඔවුන්. ඉන්ධන ආනයනයත් ඉහළ ගිහින් රටේ ඩොලර් තව තවත් අහිමි වෙනවා. මේ බලපත්‍ර වසංගතේ අවසන් කරන්නට ඕනැ. ඒකට බාධාවක් වෙන ප්‍රධානම වසංගතේ වෙන දොස්තර මාෆියාවෙත් දැන් හුළං බැහැලා තියෙන්නෙ. වාහන අවශ්‍ය සියලු රාජ්‍ය නිලධාරීන්ට රජයේ වාහන සංචිතයේ වාහන මගින් ප්‍රවාහන පහසුකම් ලබා දෙන්නට පුළුවන්. පහුගිය කාලෙ ප්‍රදර්ශනය කරපු වාහන එහෙම ඒ වෙනුවෙන් යොදාගන්නට පුළුවන්. පසුගිය කාලයේ දේශපාලන සංස්කෘතිය ජරාජීර්ණ කරන්නට හේතු වුණ ප්‍රධාන කාරණයක් තමයි මේ වාහන පර්මිට් සංස්කෘතිය. එය අවසන් කරන එක අත්‍යවශ

අජිත් පැරකුම් ජයසිංහ දේශපාලකයන්ගෙ විශ්‍රාම වැටුප අහෝසි කරන බවට ජනප්‍රිය ප්‍රකාශ ජනාධිපති අනුර කුමාර දිසානායක කරනවා. එහෙම කරන්නෙ ලාල් කාන්ත, සුනිල් හඳුන්නෙත්ති, බිමල් රත්නායක, සමන්ත විද්‍යාරත්න, වසන්ත සමරසිංහ, රාමලිංගම් චන්ද්‍රසේකරන්, එරික් වීරවර්ධන වගේ මාලිමා නායකයන් මේ මාසෙත් ඒ විශ්‍රාම වැටුප ගන්න ගමන්. අහෝසි කරන්න ආණ්ඩුව තීරණ ගන්නකල් ඉන්නෙ ඇයි? ප්‍රතික්ෂේප කරන්න. මේ ජනප්‍රිය වෛරී බොරුවෙන් ආර්ථිකයට කොයි තරම් දායකත්වයක් ලැබෙනවාද කියන එක ජනාධිපතිවරයාගෙන්ම තමයි අහන්න ඕනැ. මෙමගින් කරන්නෙ රාජ්‍ය අංශයේ විශ්‍රාම වැටුප් ගැන නොදන්නා, දුප්පත් මිනිසුන්ව රවටන එක. ඔවුන් තුළ දේශපාලකයන්ට එරෙහිව වෛරය ජනිත කරන එක. ඒ ගමන් ජවිපෙ කරන්නෙ නිලධාරීන්ව හෝදන එක. ඔබ දන්නවාද, ඇතැම් රාජ්‍ය නිලධාරින්ට දේශපාලකයන්ට වඩා විශ්‍රාම වැටුපක් අවුරුදු තුනෙන් ගැනීමේ හැකියාව තියෙන බව. ඇමතිලාගෙ ඇම්බැට්ටයන්ට අවුරුදු පහෙන් විශ්‍රාම වැටුප් ලැබෙන බව ඔබ දන්නවාද? අනුර මේ ගැන කතා කරනවාද? ලංකාවෙ රාජ්‍ය සේවයේ දැනට අවුරුදු තුනෙනුත් විශ්‍රාම වැටුප් දෙනවා. දේශපාලනඥයන්ට නෙමෙයි. රාජ්‍ය නිලධාරීන්ට. දන්නැත්තං විශ්‍රාම වැටුප් දෙපාර්තමේන්තුවේ ව

  අජිත් පැරකුම් ජයසිංහ ප්‍රතිවාද කණ්ඩායමේ රමිඳු ලක්ඛික පෙරේරා සහල් ප්‍රශ්නය හා මාලිමාවේ ආර්ථික චින්තනය නම් ලිපියේ දක්වන ආකාරයට, මාලිමාවේ ආර්ථික චින්තනය අනුව, මහා පරිමාණ සහල් වෙළඳුන් යනු මිනිසුන් නොවේ. ඔවුන් බලා සිටින්නේ හාල් මිල ඉහළ දමා හැකි තරම් ලාභ ලබාගැනීමටය. එහෙත්, ඔවුන් කොයි තරම් නරක වුණත්, ලංකාවේ හාල් මිල ද සාපේක්ෂව එතරම් ඉහළ අගයක නැත. අස්වනු කපන කාලයට ගොවීන්ට අවශ්‍ය ඉහළ මිලක් හා ඉක්මනින් විකුණා ගැනීමේ අවස්ථාවයි. ඒ කාලයට අස්වනු වැඩි ප්‍රමාණයක් මිල දී ගන්නේ පෞද්ගලික වෙළෙන්දෝය. අතරමැදියන් හරහා ඒ වී මහා පරිමාණ මෝල් කරා පැමිණේ. මහා පරිමාණ මෝල් හිමියන්ට තොග රඳවා තබාගෙන මිල පාලනය කිරීමට අවස්ථාව ලැබෙන්නේ එසේය. එයට විසඳුම ලෙස මාලිමාව යෝජනා කරන බව පෙනෙන්නේ, වී නිෂ්පාදනය සඳහා රජය පොහොර සහනාධාර, වාරිමාර්ග නඩත්තුව ආදිය ඔස්සේ දක්වන දායකත්වය භාවිතා කරමින් සහල් මෝල් හිමියන්ට හෙවත් තොග වෙළඳුන්ට බලපෑම් කිරීම හා වෙළඳපොළට ඍජුව මැදිහත් වීමයි. තොග වෙළඳුන්ට බලපෑම් කිරීම කුමන ආකාරයකින් කරන්නේද යන්න පැහැදිලි නැත. ඒ සඳහා ක්‍රම දෙකක් ඇත. මහා පරිමාණ හාල් මෝල් හිමියන් විනාශ වන ආකාරයේ දැඩි මිල පාලනයක් පැනවීම

ජනාධිපතිවරු කියන්නෙ සේනාධිනායකයන්. ඒ අය තමයි යුද්ධය හෝ සාමය සම්බන්ධයෙන් තීරණ ගන්නෙ. අපේ රටේ තිස් අවුරුදු යුද්ධයක් තිබුණා. ත්‍රස්තවාදයට ඊට වඩා දිගු ඉතිහාසයක් තියෙනවා. ජනාධිපතිවරු කියන්නෙ හැමදාමත් රට වෙනුවෙන් අවදානම් ගත් පිරිසක්. උදාහරණයක් විදියට මහින්ද කියන්නෙ යුද්දෙ දිනන්න දැඩිව අවදානම් තීන්දු ගත්ත කෙනෙක්. මම නම් දිගටම යුද්දෙදි දෙමළ පාර්ශ්වය ගැන සානුකම්පිතව හිටපු කෙනෙක්. ඒ වුණාට යුද්දෙ දිනුවෙ මහින්ද. ඔහු කළේ මේ රටේ සිංහල හෝ සිංහල බෞද්ධ හෝ අධිපති ප්‍රජාව වෙනුවෙන්  යුද්ධයට නායකත්වය දීම. ඒ නිසා ඒ ප්‍රජාව අනිවාර්යයෙන් මහින්දව ආරක්ෂා කරන්නට ඕනැ. යුද්දෙන් පැරදුණු ප්‍රභාකරන්ව දෙමළ ඊලාම්වාදීන් අනිවාර්යයෙන් අනුස්මරණය කරන්න ඕනැ. නායකයන් සම්බන්ධයෙන් තියෙන වගකීම ඒකයි. හිටපු ජනාධිපතිවරයකුට ආරක්ෂාව දෙනවා නම් ඒ ආරක්ෂක භට පිරිසට තුන්වේල කන්න දෙන්න ඕනැ. රජයේ සේවයේ කෝකි කියන්නෙ සුළු සේවක පිරිසක්. ආරක්ෂක භටයන්ට කුඩ විතරක් නෙමෙයි වාහන ඇතුළු තව බොහෝ දේ අවශ්‍යයි. ඒ කුඩ ඔක්කොම එක මිනිහෙකුට ඉහලන්න බැහැ. ජනාධිපතිවරයාට අවශ්‍ය ආරක්ෂාව සම්බන්ධ විශ්ලේෂණය සපයන්නෙ ආරක්ෂාව භාර නිලධාරීන්. අවශ්‍යතා ඉල්ලන්නෙ සපයන ආරක්ෂා

  කොතලාවල ආරක්ෂක විශ්වවිද්‍යාලය සම්බන්ධ මාරක රිය අනතුර සිදු වුණ දවසේ තවත් සිව්දෙනෙකු රිය අනතුරුවලින් මිය යනවා. දෙදෙනෙකු මිය යන්නෙ මතුගම පාන්තියේ, වැල්කන්දල හන්දියේ සහ බදුගමදීයි. මතුගම කලුතර පාරෙ රිය අනතුරින් 58 හැවිරිදි යතුරුපැදිකරුවකු මිය යනවා. ඕමත්තේ සිට කොළඹ බලා ධාවනය වන බස්රියක් පාරේ දකුණු පැත්තෙන් අයිනට හරවමින් සිටි පුද්ගලයාගේ යතුරුපැදිය පිටුපසින් වේගයෙන් හප්පා තිබෙනවා. මෙම බස්රිය වෙනත් බසයක් ඉස්සර කරගෙන අධික වේගයෙන් වැරදි පැත්තෙන් ධාවනය කරමින් සිටි බව තමයි වාර්තා වෙන්නෙ. මේ බස් උදේට මේ විදියට මගීන් හා මග යන එන සෙසු අය ගැන තඹ දොයිතුවකට මායිම් නොකර ඉතාම අනාරක්ෂිත ලෙස ධාවනය කරනවා. ඕමත්ත, අගලවත්ත වගේ ගම්වල සිට මේ බස්වල දිනපතා වගේ යන එන ඇතැම් මගීන් ඒ සඳහා බස් සේවකයන් දිරිගන්වනවා. උදේ 8-9 අතර කොළඹට යන මේ බස් ඉන් පස්සෙ හවස 4-5 විතර වෙනකල් කොහේ හරි පාක් කරලා කාලෙ ගත කරනවා. ආයෙමත් හවසට අර වගේම අනාරක්ෂිත විදියට පාරෙ රේස් යනවා. අනෙක් රිය අනතුර සිදු වී තිබෙන්නේ මතුගම – අලුත්ගම මාර්ගයේදීයි. එයින් ත්‍රිරෝද රියදුරෙකු මිය යනවා. ඔහුගේ ත්‍රිරෝද රිය ලී කඳන් පැටවූ ලොරියක ගැටී තිබෙනවා. සාමාන්‍යයෙන් ව

  අජිත් පැරකුම් ජයසිංහ මේ පිරිසිදු කිරීමේ ශ්‍රමදාන හොඳ වැඩ. මාලිමාවට රටට කරන්නට පුළුවන් එක දෙයක් තමයි පරිසරය පිරිසිදුව තියාගන්න එක. ඒක සංචාරක කර්මාන්තය වැනි දේට විශේෂයෙන් හොඳයි. පොදුවෙත් හොඳයි. මේක සාර්ථක කරගන්නෙ කොහොමද? ජවිපෙ 3% කට්ටිය නම් ඉස්සර ඉඳන්ම පරිසරය ගැන සංවේදීයි කියන්න පුළුවන්. ඒගොල්ලන් රැස්වීමක් තිබ්බත් එතන පිරිසිදු කරන්නෙ ඉස්සර ඉඳන්මනෙ. දැන් ඔය 43%ට එකතු වෙලා ඉන්න ඉතුරු 40% වෙන කවුරුවත් නෙමෙයි, ඉස්සර ඉඳන්ම මේ රට හැඩි කරපු අය. උන් තමයි ගෙදර කුණු ටික පාරට විසි කරන්නෙ. ගෙදර වත්තෙ පර්චස් ටික පිරිසිදුව තියාගෙන ගේ ඉස්සරහ පාරෙ බලු බෙට්ටවත් අරන් දාන්නෙ නැත්තෙ. උන්ගෙ ළමයි තමයි බස්සෙකේ, පාරෙ එහෙම යන ගමන් එක එක ජාති කාලා පැකට් එක පාරට දාන්නෙ. උන්ගෙ බල්ලො තමයි පාරෙ රෙන්නෙ. ඒ නිසා උන්ව මාලිමාව ඇතුළෙ විනයගත කරන්න පුළුවන්. අපි දන්න හුඟක් තක්කඩි දැන් ඔතන. ඒක නරක නැහැ. පරිසරය පිරිසිදුව තියාගන්න නම්, වීදි සුනඛ ගහණ පාලනය කරන්නට මොකක් හරි පියවරක් ගන්නට වෙනවා. සංදර්ශනේට ඔය වගේ ශ්‍රමදාන කරන එක හොඳයි. ඒකෙන් සමාජයට පණිවුඩයක් යනවා. හැබැයි, ඒ විතරක් මදි. පරිසරය පිරිසිදුව තබාගැනීමේදී පළාත් පාලන ආයතනව

  අජිත් පැරකුම් ජයසිංහ මහ බැංකු අධිපති නන්දලාල් වීරසිංහගේ අත්සනින් යුත් මාලිමා ආණ්ඩුවේ මුදල් නෝට්ටු භාවිතයට ගන්නට දැන්ම බැරි වනු ඇත. එහෙනම්, ආණ්ඩුව රුපියල් බිලියන 100ක සල්ලි අච්චු ගැහුවා කියන එක බොරුවක්ද? එහෙම තමයි ඒ ක්‍රියාවලියට කියන්නෙ. ඒ වුණාට නෝට්ටු අච්චු ගහලා නැහැ. කරලා තියෙන්නෙ මුදල් මැවීමක්. ඔය භාණ්ඩාගාර බැඳුම්කර වගේ ගත්ත ණය තියෙනවානෙ. කල් පිරුණාම ඒ ණය පොළියත් එක්ක ගෙවන්නට ඕනැනෙ. ඒවා ගෙවන්නට නම්, භාණ්ඩාගාරයේ මුදල් තියෙන්නට ඕනැ. මුදල් ලැබෙන්නෙ බදු හා වෙනත් රජයේ ආදායම්වලින්. සාමාන්‍යයෙන් ණය ගෙවන්නට රජයේ ආදායම් මදි. ඒ නිසා රජය ණය ගෙවන්නත් ණය ගන්නවා. මෙතනදි කළේ වෙනත් දෙයක්. ඒක කළේ මෙහෙමයි. රජය තමන් සතුව නැති මුදලකින් තමයි ණය ගෙව්වෙ. ඒ මුදල මැව්වා. ඒ වුණාට අච්චු ගැහුවෙ නැහැ. දැන් ඉස්සර වගේ මුදල් කියන්නෙ නෝට්ටු හා කාසි විතරක් නෙමෙයිනෙ. ඔබේ පඩිය බැංකුවට යනවා. ඔබ ඩෙබිට් කාඩ් එක දීලා කඩෙන් බඩු ගන්නවා. මුදල් අතගෑමක් ඇත්තෙම නැහැනෙ. මේකත් ඒ වගේ දෙයක්. නෝට්ටු මුද්‍රණය නොකර කළ මේ වැඩෙන් මොකක්ද වෙන්නෙ? මුද්‍රණය කළා නම් වෙන දේම තමයි. ඒ කියන්නෙ රුපියලේ වටිනාකම බාල්දු වෙනවා. එතකොට ඩොලරය ඉහළ යන්නට

Adapted from praja.lk අජිත් පැරකුම් ජයසිංහ ඇල්පිටිය ප්‍රාදේශීය සභා මැතිවරණයේ ප්‍රතිඵලය ජාතික ජන බලවේගයට අති විශාල ජයග්‍රහණයක් ලබා දෙනු ඇතැයි බොහෝ අය අනුමාන කළද ඒ වෙනුවට ලැබී තිබෙන්නේ සාමාන්‍ය ජයග්‍රහණයකි. සාමාන්‍යයෙන් ජනාධිපතිවරණයක ජයග්‍රහණයෙන් පසු වහාම පැවැත්වෙන පළාත් පාලන මැතිවරණයකදී පාලන පක්ෂයට අති විශාල වාසියක් සිදු විය යුතුය. හේතුව, පළාත් පාලන ඡන්ද බොහෝ විට ජය ගන්නේ පාලක පක්ෂය වීමයි. පහත දැක්වෙන්නේ 2019 ඇල්පිටිය ප්‍රාදේශීය සභා මැතිවරණයේ ප්‍රතිඵලයයි. එය වත්මන් ප්‍රතිඵලය සමග සන්සන්දනය කර බලන්න. 1 – ශ්‍රී ලංකා පොදු ජන පෙරමුණ 23,372 – ප්‍රතිශතය 57% – (ආසන 17) 2 – එක්සත් ජාතික පක්ෂය 10,113 – 24.5% – (ආසන 7) 3 – එක්සත් ජනතා නිදහස් සන්ධානය – ප්‍රතිශතය 12.5% – 5,273 (ආසන 3) 4 – ජනතා විමුක්ති පෙරමුණ (2) 2,435 – ප්‍රතිශතය 5.9% – (ආසන 2) 5 – ප්‍රජාතන්ත්‍රවාදී එක්සත් ජාතික පෙරමුණ 310 – (ආසන 0) මෙම ප්‍රතිඵලය සමග ජාතික ජන බලවේගයට ඉඩ දී පසුබැස සිටි විරුද්ධ පක්ෂ තුළ ද ප්‍රබෝධයක් ඇති වී තිබෙන බවක් දැකිය හැකිය. තමන් අපේක්ෂා කළ තරම් ජනතාව මාලිමාව වැළඳ නොගන්නා බව ඔවුන්ට වැටහෙමින් තිබේ. ඒ අනුව, ප්‍රධා

2019 අප්‍රේල් 21 පාස්කු ඉරිදා බෝම්බ ප්‍රහාරයට අදාළ බුද්ධි සම්බන්ධීකරණ හා විමර්ශන ක්‍රියාවලීන් පිළිබඳ විමර්ශන කමිටුවේ සොයාගැනීම් හිටපු පාර්ලිමේන්තු මන්ත්‍රී සහ පිවිතුරු හෙළ උරුමයේ නායක උදය ගම්මන්පිල විසින් හෙළිදරව් කරන ලදි. මෙම කමිටුව විශ්‍රාමලත් මහාධිකරණ විනිසුරු ඒ.එන්.ජේ. ද අල්විස්ගේ සභාපතිත්වයෙන් 2024 ජුනි මාසයේදී ජනාධිපති රනිල් වික්‍රමසිංහ විසින් පත් කරන ලදී. එහි වාර්තාව 2024 සැප්තැම්බර් මාසයේදී ජනාධිපතිවරයා වෙත ඉදිරිපත් කරන ලදි. රාජ්‍ය බුද්ධි සේවය (SIS), ජාතික බුද්ධි ප්‍රධානියා (CNI) සහ අනෙකුත් අදාළ බලධාරීන් විසින් පූර්ව ඔත්තු මත පදනම්ව ප්‍රමාණවත් ක්‍රියාමාර්ග ගෙන තිබේද යන්න තක්සේරු කිරීම සහ එම ක්‍රියාමාර්ගවල ප්‍රමාණවත් බව ඇගයීම කමිටුවේ විධානයට ඇතුළත් විය. වාර්තාව හෙළිදරව් කිරීමේදී ගම්මන්පිල මූලිකවම විවේචනය කළේ අනුර කුමාර දිසානායක ජනාධිපතිවරයා විසින් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහජන ආරක්‍ෂක අමාත්‍යාංශයේ ලේකම්වරයා ලෙස පත්කිරීම සම්බන්ධයෙන්ය. අපරාධ පරීක්ෂණ දෙපාර්තමේන්තුවේ (CID) අධ්‍යක්ෂවරයා ලෙස කටයුතු කළ සෙනෙවිරත්න පාස්කු ඉරිදා ප්‍රහාරයට සම්බන්ධ අපරාධකරුවන් ප