W3Lanka: Praja.lk Backup

අජිත් පැරකුම් ජයසිංහ - ලංකාවේ ජනයාගෙන් බහුතරය වත්මන් පාලකයන් ප‍්‍රතික්ෂේප කර තිබෙන බවට තර්කයක් ඇත. මෙම තර්කයට පදනම් වන්නේ ඡන්දය දීම සඳහා නොපැමිණි පිරිස හා විරුද්ධ පක්ෂවලට ඡන්දය දුන් පිරිස එක්ව ගත් කල පාලක පක්ෂයට ඡන්දය දුන් පිරිසට වඩා වැඩි හෙයිනි.  ඡන්දය දීමේ ප‍්‍රතිශතය අඩු වීම පිළිබඳව තර්ක කරමින් ආණ්ඩුවට පක්ෂ දේශපානඥයන් පෙන්වා දෙන්නේ ඇතැම් දියුණු ප‍්‍රජාතන්ත‍්‍රවාදී රටවල ප‍්‍රකාශ වන සාමාන්‍ය ඡන්ද ප‍්‍රතිශතය මීටත් වඩා අඩු බවයි. එහෙත් දියුණු ධනේශ්වර රටවල ආණ්ඩුව සමග පුරවැසියන්ගේ සම්බන්ධය හා ලංකාව වැනි නොදියුණු රටක ආණ්ඩුව සමග මෙහි වෙසෙන ගැහැනුන් සහ පිරිමින්ගේ සම්බන්ධය එකිනෙකින් සපුරා වෙනස් ය. දියුණු ධනේශ්වර රටවල පුරවැසියන්ගේ ආදායම් උත්පාදනය කර ගැනීමේත්, තමන්ට අවශ්‍ය භාණ්ඩ හා සේවා මිළ දී ගැනීමේත් ක‍්‍රියාවලියට ආණ්ඩුව ඍජුව ම මැදිහත් වන්නේ නැත. ආණ්ඩුව බදු අය කරනමුත්, එම සමාජයනට එකී බදු ලංකාවේ බදු තරම් පීඩාකාරී වන්නේ නැත.  ලංකාවේ ආණ්ඩුව වනාහි ආර්ථීක, සමාජ ජීවිතයේ හැම අහුමුල්ලකට ම අඬු විහිදුවන බූවල්ලෙකි. මිනිසුන් ආදායම් උපයා ගන්නා ආකාරය හා භාණ්ඩ හා සේවා මිළ දී ගන්නා ආකාරය පාලන...

(2010 අප්‍රේල් 11 -  W3Lanka )  2010 මහ මැතිවරණයේ හොඳම ඡන්දදායකයන් කවුරු යයි ඔබ සිතන්නේද? මර්වින් සිල්වාට තුන්වන තැනට මනාප දී පාර්ලිමේන්තුවට පත් කළ ගම්පහ දිස්ත්‍රික් එක්සත් ජනතා නිදහස් සන්ධාන  ඡන්දදායකයෝද? දින අනූවකවත් දේශපාලන ඉතිහාසයක් නැති, 'පබා' නම් වැල නාට්‍යයේ රඟපෑමක් නොව පෙනී සිටීමක් කරන උපේක්ෂා ස්වර්ණමාලි දෙවෙනියට වැඩි ම මනාප ලබා දෙමින් පාර්ලිමේන්තුවට යැවූ ගම්පහ එක්සත් ජාතික පක්ෂ ඡන්දදායකයෝද? ජවිපෙ බලකොටුවක් වූ හම්බන්තොට දිස්ත්‍රික්කයෙන් ජවිපෙට ආසනයක් අහිමි කළ ජවිපෙ භාෂාවෙන් කියන්නේ නම් 'ගිරුවා පත්තුවේ වීරෝදාර' ජනතාවද? නාමල් රාජපක්ෂට උපන් දින තෑග්ග ලෙස ඔටුන්න හිමි කුමරා තනතුරේ ස්ථිර කිරීම සිදු කළ හම්බන්තොට ඡන්දදායකයෝද? රෝහිත බෝගොල්ලාගම, මිලින්ද මොරගොඩ, ගාමිනී ලොකුගේ යන කරනම්කාරයන්ට ගෙදර යන්න පාර පෙන්නූ කොළඹ දිස්ත්‍රික් ජනතාවද? රනිල් ඡන්දෙ දෙන්නට එපා කියද්දීත්, එපා කී ටිපෙක්ස් රංජි හෙවත් රංජිත් මද්දුම බංඩාර ම පාර්ලිමේන්තුවට පත් කර එවූ මොනරාගල දිස්ත්‍රික් එජාප ඡන්දදායකයෝද? රටේ ම ඡන්ද ප්‍රතිඵල පමා කිරීමට හා රු. කෝටි ගණනක මහජන මුදල් නාස්ති...

(2010 අප්‍රේල් 08-  W3Lanka  )  මැතිවරණ ප්‍රචාරක ව්‍යාපාර තවමත් අවසන් වී නැත. ඒවා අවසන් වන්නේ අද සවස හතරෙන් පපසුවයි. අප්‍රේල් 05දා මධ්‍යම රාත්‍රියෙන් පසු ද නීති විරෝධී අන්දමින් හෝ නීතියේ සිදුරුවලින් රිංගා යමින් මැතිවරණ ප්‍රචාරක කටයුතු සිදු වූ බව නොරහසකි.  මේ ලියන මොහොත වන මැතිවරණය දවසේ මධ්‍යාහ්න 12 වන විටත් ඡන්දදායකයන් මධ්‍යස්ථාන වෙත ඇදී යමින් සිටින්නේ මන්දගාමී ලෙසයි. මැතිවරණ අපේක්ෂකයන් විසින් ඇති කරන ලද මහා කලබලය ඡන්දදායකයන් ඡන්දය දීම සඳහා ඡන්දපොළට කැන්දා ගැනීමට හෝ හේතු වී ඇති බවක් නොපෙනේ.  මෙම සංදර්භය තුළ මහ මැතිවරණයේදී එක්, එක් පක්ෂ විසින් කරන ලද ප්‍රචාරණ ව්‍යාපාරයන්ගේ ස්වභාවය පිළිබඳ යම් ඇගයීමක් නිරීක්ෂකයකු ලෙස කිරීම මෙම සටහනේ අරමුණයි.  පාලක එක්සත් ජනතා නිදහස් සන්ධානයේ අපේක්ෂකයන්ගේ මැතිවරණ ප්‍රචාරක ව්‍යාපාරය පිළිබඳ එක් වාක්‍යයකින් මෙසේ සටහන් කළ හැකිය. ආණ්ඩු පක්ෂයේ අපේක්ෂකයන් ප්‍රචාරය ලෙස කළේ මෙතෙක් සොරකම් කරන ලද සහ අනාගතයේ සොරකම් කිරීමට සැලසුම් කර තිබෙන ආකාරය ජනතාවට ප්‍රදර්ශනය කිරීමයි.  වියදම් අධික ම ප්‍රචාරක ව්‍යාපාරයන්හි යෙදුණේ තක්...

(2010 අප්‍රේල් 07-  W3Lanka  )  'ඡන්දෙන් වැඩක් නැත්තේ ම නැත' මැයෙන් අප විසින් ඉදිරිපත් කරන ලද අදහසට ප්‍රතිවිරුද්ධ අදහස් දැක්වීමක් සමාජවාදී සංධානය විසින් අප වෙත යොමු කර තිබේ. එහි මූලික අදහස මෙම මැතිවරණ ක්‍රමයට විරෝධය දක්වනු පිණිස මහ මැතිවරණයේදී ඡන්දය කටු ගා දමන්න යන්නයි. අප පැවසුවේ රට යොමු වී තිබෙන මේ විනාශයේ ගමන මඳකින් හෝ පමා කළ හැකි යමක් මේ ඡන්දය ඔස‍්සේ කළ හැකි බවයි. අපි මෙසේ ද පැවසුවෙමු. පිරිසිදු අපේක්ෂකයකු සොයා ගැනීම කිසිවකු නොමළ ගෙයකින් අබැටක් සෙවීම වැනි නොකළ හැකි දෙයකි. එහෙත් අඩුවෙන් දූෂණයේ යෙදුණ අයකුට අවස්ථාව දීම පල් හොරෙකු පත් කර ගැනීමට වඩා දේශපාලන සෞඛ්‍යයට හිතකර ය. ඔබ ලබා දුන් ඡන්දයට පසුබිම් වූ ප්‍රතිපත්තිමය කාරණා නිර්ලජ්ජිත ලෙස ඇමතිකමක් හෝ වෙනත් එවැනි වරදානයක් වෙනුවෙන් නින්දිත අන්දමින් පාවා දුන් අය යළි පත් නොකිරීම ප්‍රජාතන්ත්‍රවාදයට කරන අවම සේවයකි. වෙනසක් පිළිබද සමාජ අපේක්ෂා මංකොල්ල කා සය වසරක් තිසසේ කිසිදු ඵලදායී කාර්යයක් නොකරමින් අහංකාර ලෙස හැසිරුණු ජනතා විමුක්ති පෙරමුණේ මන්ත්‍රීන්ගේ පස්ස බිම ඇනෙනු බැලීමේ කුහක ආශාවක් බොහෝ අය තුළ ඇතිමුත් එසේ සිදු නොවිය යු...

(2010 අප්‍රේල් 07- W3Lanka  )  අපේ අහිංසක ආතති කොමාට නැවතත් ආතතිය උත්සන්න වී ඇති බව දැනගන්නට තිබේ.  ආතතිය ප්‍රදර්ශනය වීම වැළැක්වීම සඳහා ආතති කොමා ආතති දිනයට කලින් මාධ්‍යවලට මුහුණ නොදෙන බව පවසා ඇත. ඔහු පවසන්නේ ඔහුට ඊට වඩා වැඩ ඇති බවයි. සහතික ඇත්ත ය. ඔහුට තිබෙන බරපතල රාජකාරියක් වන්නේ ආතතිය දවසේ ඡන්ද බලය නැති අපේක්ෂකයන් ඡන්දය නොදෙන බව පෙන්නන්නට බලා සිටින ජනමාධ්‍යවලට ඒ සඳහා අවස්ථාව නොදීමයි.  මේ ඡන්දයට ඉදිරිපත් වී සිටින සමහර රජ පැටවුන්ට ඡන්දය නැත. තවත් රාජ සහෝදරයන්ට ඡන්දය තිබෙන්නේ ඇමරිකාවේ ය.  ආණ්ඩුවේ ලොකු අපේක්ෂකයන් ඡන්දය දෙන විධිය පෙන්නන්නට ගියොත් මේ අය ඡන්දය නොදෙන බව ද පෙනේ. ඒ නිසා එකෙක්වත් ඡන්දය දෙන්නට යන හැටි නොපෙන්වා සිටින්නැයි ආතතියක් ඒ ලොක්කන් ආතති කොමාට ඇති කර තිබේ. ආතති කොමා ඒ ආතතිය ජනමාධ්‍යවලට මුදා හැර ඇත.  මේ ඡන්දයේදී සාමාන්‍ය ජිල්මාට්වලට අමතරව පාලක පක්ෂයේ අපේක්ෂකයන් අතර පවා ජිල්මාට් සිදු වන්නට ඉඩ තිබෙන බැවින් ආතති කොමා ඉන්නේ තදබල ආතතියක ය.  ඔහුගේ ආතති මුහුණ දකින්නට නොලැබීම අපට දුකකි. ඉරකි. තිතකි. 

අජිත් පැරකුම් ජයසිංහ -  ලංකාවේ අද වන විට නිර්මානය වී තිබෙන සමාජ දේශපාලන පරිසරය ප්‍රගතිශීලී අන්දමින් වෙනස් විය යුතු යයි සිතන සමාජ බලවේග අතර මේ වන විට ඇති වී තිබෙන්නේ තදබල මන්දෝත්සාහීභාවයකි. මැතිවරණ පිළිබඳ විශ්වාසය බිඳ වැටී තිබෙන අතර ඒ ඔස්සේ සාධනීය සමාජ වෙනසක් අපේක්ෂා කළ නොහැකිය යන අදහස සමාජයේ මුල් බැස ගනිමින් ඇත. වැඩිදෙනෙක් තිබෙන තත්වය වෙනස් කිරීමේ අභියෝගයට උර දෙනවා වෙනුවට ඒ හරහා තම ආත්මාර්ථකාමී අභිලාෂයන් සාක්ෂාත් කර ගන්නේ කෙසේදැයි සිතන තත්වයට සමාජය පිරිහී තිබේ. මහ මැතිවරණය යනු එළිපිට කෙරෙන අදහස් මංකොල්ලයකි. ජනමතය තමන්ට උවමනා අන්දමින් හැඩගස්වා ගැනීම සඳහා දේශපාලකයන් විසින් භාවිතා කරනු ලබමින් තිබෙන්නේ අතිශය ප්‍රචණ්ඩ, දූෂිත ක්‍රමවේදයකි. ඇතැම් අපේක්ෂකයෝ නාම යෝජනා භාර දෙන්නටත් පෙර සිටම වියරුවෙන් මෙන් හැම විදුලි කණුවක්, බෝක්කුවක් ගානේමත්, හැම ජනමාධ්‍යයකිනුත් සිය මනාප අංකය ප්‍රදර්ශනය කර ගැනීම සඳහා වියරුවෙන් මෙන් ප්‍රචාරණයේ යෙදෙති. ඒ වෙනුවෙන් කරනු ලබන වියදම් අසිමිතය. දිළින්දන් දසලක්ෂ ගණනාවක සාගින්දර නැති කරන්නට පාන් පිළිස්සිය හැකි ආනයනික තිරිඟු පිටි ප්‍රමාණයක් තාප්පවල තැවරෙමින් තිබෙන්...

ලංකාවට නීති සම්පාදනය කරන ව්‍යවස්ථාදායකයට හෙවත් පාර්ලිමේන්තුවට මන්ත්‍රීවරුන් තෝරා පත් කර යැවීමේදී ඡන්දදායක ජනතාව විසින් අනුගමනය කළ යුතු යයි අප යෝජනා කරන කරුණු: මන්ත්‍රීවරයා වැඩි උගත්කමක් නැති පුද්ගලයකු විය යුතු ය.  ඔහු කිසිදාක පොතක් පතක් කියවන්නකු නොවිය යුතු ය.  ඔහුට දියවැඩියාව, අධි රුධිර පීඩනය වැනි රෝග තිබිය යුතු ය.  හිස, කඳ, ගාත්‍රා වෙන් කර හඳුනා ගත නොහැකි විය යුතු ය. වාචාල විය යුතු ය.  මැරයන් හැසිරවීමේ හැකියාව තිබිය යුතු ය. නමට අගින් හෝ මුලින් චන්ඩි, රත්තරං, කුඩු වැනි විශේෂණ පදයක් තිබිය යුතුය.  කටේ තොලේ නොගෑවී කුණුහරුප කිව හැකි විය යුතු ය. විවිධ භාවිතාවන්ගෙන් පදම් වූ පුරුෂ හෝ ස්ත්‍රී ලිංගයක් තිබිය යුතු ය.  ළමයින් වඩා ගත හැකි විය යුතු ය.  සොරකම් කිරීමේ කෙළ පැමිණියකු විය යුතු ය.  ප්‍රතිපත්තියක් නැතිකම ප්‍රතිපත්තිය විය යුතු ය.  වයස, තරාතිරම නොබලා බලවන්තයන් ඉදිරියේ වැඳ වැටෙන්නෙක් හා දුබලයන් කෙරෙහි අනුකම්පා විරහිත අයෙක් විය යුතු ය.  විරුද්ධවාදීන් කෙරෙහි කිසිදු තෙතක්, මෙතක් නැත්තෙක් විය යුතු ය.  මල් වට්ටි ඉස්සර කරගෙන පන...

(2010 මාර්තු 07- W3Lanka )   මහ මැතිවරණයෙන් පසු රාජ්‍ය ආදායම් වැඩි කර ගැනීම සඳහා දැඩි ක්‍රියාමාර්ග ගැනීමට ලංකාව ජාත්‍යන්තර මුල්‍ය අරමුදලට පොරොන්දු වී ඇති බව දැනගන්නට තිබේ.  ජාත්‍යන්තර මුල්‍ය අරමුදල විසින් ලබා දෙන ලද ඩොලර් බිලියන 2.6ක ණය මුදල සඳහා කොන්දේසි ලෙස 2009 වසරේදී අයවැය පරතරය දළ ජාතික නිෂ්පාදනයෙන් 7%ක මට්ටමේ තබා ගැනීමට ලංකාව පොරොන්දු වූව ද, සත්‍ය අයවැය පරතරය 10%කට ආසන්න වී තිබේ. අයහපත් ආර්ථික කළමනාකරණය හේතුවෙන් ‍රාජ්‍ය ආදායම් හීන වීම හා වියදම් ඉහළ යාම මෙයට හේතුවයි.  මෙම තත්වය හමුවේ ජාත්‍යන්තර මුල්‍ය අරමුදල ණය මුදලේ තෙවන වාරිකය ලබා දීම අත්හිටුවා තිබේ.  ඉදිරියේදී බදු දැල පුළුල් කිරීමට හා තෙල් සංස්ථාව හා විදුලි බල මණ්ඩලය ප්‍රතිව්‍යූහගත කිරීමට ද ලංකාව මුල්‍ය අරමුදලට එකඟ වී ඇති බව ජාත්‍යන්තර මුල්‍ය අරමුදල පවසයි.  මේ අනුව අධික බදු පැනවීම්, බඩු මිළ ශීඝ්‍රයෙන් ඉහළ යාම, තෙල්, ගෑස් හා විදුලි මිළ  ඉහළ යාම සහ සහනාධාර කප්පාදුව මහ මැතිවරණයේදී එක්සත් ජනතා නිදහස් සන්ධානය දිනවීමට සැදී පැහැදී සිටින මේ රටේ ජනතාවට ක්ෂණික තෑගි ලෙස ලැබෙනු ඇත.  මෙය ස්ථි...

අජිත් පැරකුම් ජයසිංහ මහ මැතිවරණ ප්‍රචාරක ව්‍යාපාර ආරම්භ වී තිබේ. අපේක්ෂකයන් සිය බලය පෙන්වීම සඳහා මුලින් ම කළ ක්‍රියාවක් වූයේ දැවැන්ත රථ පෙළපාලි සංවිධානය කිරීමයි. වැඩිම වාහන සංඛ්‍යාවක් පෙළපාලියට එක් කර ගැනීමට සමත් වු අය ඒ තරගයෙන් දිනූහ. ඊළඟට ආරම්භ වී ඇත්තේ පෝසටර්, බැනර්, කටවුට්, පාරේ ලිවීම්, ජනමාධ්‍ය දැන්වීම් ආදිය සඳහා තරගයයි.  සෑම අපේක්ෂකයකු ම උත්සාහ කරන්නේ තමන්ට අත දිග හැර වියදම් කිරීම සඳහා මුදල් ඇති බව පෙන්වීමටයි. මන්ත්‍රීවරයකු හෝ ඇමතිවරයකු වී සියලු වරප්‍රසාද සමග රු. ලක්ෂයක වැටුපක් ලබා ගන්නේ යයි සිතමු. අවුරුදු පහක් මන්ත්‍රීකම කළත් උපයා ගත හැක්කේ රු. ලක්ෂ 60ක් පමණි. එහෙත්, ලක්ෂ 60ක් වියදම් කර ඡන්දය දිනා ගැනීම සිහිනයකි. ජයග්‍රහණය පිළිබඳ විශ්වාසයක් ඇති අපේක්ෂකයන් කරන වියදම් ඇත්තේ ලක්ෂ 100න් එහා පැත්තේ ය.  මෙම මුදල් කෙසේ උපයා ගත් ඒවාද?  මැතිවරණය සඳහා කරන ආයෝජනය පියවාගෙන ලාභ ලැබීම සඳහා ඔවුන් සතුව ඇත්තේ කුමන සැලැස්මක්ද? එවැනි සැලැස්මක් නැතිනම් ඔවුන් මේ මී කඩන්නේ අත ලෙව කා සැනසෙන්නද? අද වන විට ජනතාව මේ පිළිබඳ ප්‍රශ්න නොකරති. දූෂණය දේශපාලනයේ සාමාන්‍ය ලක්ෂණයක් ලෙස සැලකී...

(2010 මාර්තු 03- W3Lanka )   මහ මැතිවරණ ප්‍රචාරක ව්‍යාපාර ආරම්භ වී තිබේ. අපේක්ෂකයන් සිය බලය පෙන්වීම සඳහා මුලින් ම කළ ක්‍රියාවක් වූයේ දැවැන්ත රථ පෙළපාලි සංවිධානය කිරීමයි.  වැඩිම වාහන සංඛ්‍යාවක් පෙළපාලියට එක් කර ගැනීමට සමත් වු අය ඒ තරගයෙන් දිනූහ.  ඊළඟට ආරම්භ වී ඇත්තේ පෝසටර්, බැනර්, කටවුට්, පාරේ ලිවීම්, ජනමාධ්‍ය දැන්වීම් ආදිය සඳහා තරගයයි.  සෑම අපේක්ෂකයකු ම උත්සාහ කරන්නේ තමන්ට අත දිග හැර වියදම් කිරීම සඳහා මුදල් ඇති බව පෙන්වීමටයි.  මන්ත්‍රීවරයකු හෝ ඇමතිවරයකු වී සියලු වරප්‍රසාද සමග රු. ලක්ෂයක වැටුපක් ලබා ගන්නේ යයි සිතමු. අවුරුදු පහක් මන්ත්‍රීකම කළත් උපයා ගත හැක්කේ රු. ලක්ෂ 60ක් පමණි.  එහෙත්, ලක්ෂ 60ක් වියදම් කර ඡන්දය දිනා ගැනීම සිහිනයකි. අපේක්ෂකයන් කරන වියදම් ඇත්තේ ලක්ෂ 100න් එහා පැත්තේ ය.  මෙම මුදල් කෙසේ උපයා ගත් ඒවාද?  මැතිවරණය සඳහා කරන ආයෝජනය පියවාගෙන ලාභ ලැබීම සඳහා ඔවුන් සතුව ඇත්තේ කුමන සැලැස්මක්ද? එවැනි සැලැස්මක් නැතිනම් ඔවුන් මේ මී කඩන්නේ අත ලෙව කා සැනසෙන්නද? ජනතාව දිනවන්නට යන්නේ තක්කඩින් අතරින් හොඳම තක්කඩි පිරිසයි. ජනතාවගේ මෙ...

සරත් ප්‍රනාන්දු විසිනි (සංවාදයට විවෘතයි) නිදහස ලැබී වසර 62 ක් ගත වී ඇත. ඒ කාලය තුළ මැතිවරණ ගණනාවක් පැවැත් වු අතර රටේ ප‍්‍රශ්න නිරාකරණය කිරීමේ අපේක්‍ෂාවෙන් වරින් වර පක්‍ෂ මාරු කරමින් නියෝජිතයින් පත් කර පාර්ලිමේන්තුවට යවන ලදී. එහෙත් රටේ ප‍්‍රශ්න අවම කරනවා වෙනුවට සිදුව ඇත්තේ ඒවා උග‍්‍ර වීමයි. මේ මොහොතේ අප සිටිනුයේ තවත් මහ මැතිවරණයකට සූදානම් වෙමිනි. නැවත වතාවක් සියල්ල පැත්තකට තබා තම තමන් කැමති පක්‍ෂය හා පුද්ගලයා දිනවීම සඳහා කටයුතු කිරීමට මහජනයා අතරින් බොහෝදෙනෙක් වෙහෙස වනු ඇත. මෙකී තමන්ගේ න්‍යාය පත‍්‍රයන් වෙනුවට පොදු න්‍යාය පත‍්‍රයකට අවධානය දීම අත්‍යවශ්‍ය වන්නේ ඒවා මෙතෙක් ඉටු නොවී ඇති බැවිනි. මෙහි ඇත්තේ සියලූ පිඩිත ජන කොටස්වල එකාබද්ධ ප‍්‍රකාශනයක් සදහා දළ කෙටුම්පතකි. 1. සියලූ ජනතාවට සෞඛ්‍ය සම්පන්න පෝෂ්‍යදායික ප‍්‍රමාණවත් ආහාර වේලක් සහ ජලය ලැබිමේ අයිතිය සහතික විය යුතුයි කම්කරුවන්ට යහපත් ජීවන මට්ටමක් ළඟා කර ගැනීමට හැකි හා ආත්ම ගරුත්වය ආරක්ෂා වන පරිදි යහපත් වැටුප් මට්ටම්, සේවා තත්වයන් හා රැකියාවේ සුරක්ෂිතභාවය ආරක්ෂා වන කම්කරු නීති අනුමත කිරීම හා ක‍්‍රියාවේ යෙදවීම. වෘත්තීය සමිති ක‍්‍රිය...

මැද්දේ තට්ටයෝ කට්ටයෝ ය. (2010 පෙබරවාරි 17- W3Lanka )   විපක්ෂ ජනාධිපති අපේක්ෂක සරත් ෆොන්සේකා නිදහස් කරන ලෙස ඉල්ලමින් පුංචි බොරැල්ලේ සිට ලිප්ටන් වටරවුම දක්වා දැවැන්ත පෙළපාලියක් පැවැත්වූ ජනතා විමුක්ති පෙරමුණ දිවයින පුරා පසුගිය සමයේ පැවති උද්ඝෝෂණවල එක් අවදියක් අවසන් කළේය.  මෙම පෙළපාලියත් සමග ‍සරත් ෆොන්සේකා නිදහස් කර ගැනීම සඳහා වන උද්ඝෝෂණවල පාලනය ජවිපෙ මුළුමනින් ම සියතට ගෙන තිබේ. මීට පෙර දිවයින පුරා පැවති උද්ඝෝෂණ පොදු ස්වභාවයක් ගත් අතර එක්සත් ජාතික පක්ෂය නාමික වශයෙන් ඒවාට සහභාගි විය. සටන්කාමී සංස්කෘතියක් නැති එජාපය පරාජය හමුවේ පසුබැස මුළුගැන්වෙන තත්වයක සිටි අතර ජවිපෙ සමග පෑහීමට එයට අපහසු විය.  එහෙත්, ඉදිරි මහ මැතිවරණයේදී අලියා ලකුණ අවධාරණය කිරීම හරහා ජවිපෙ බැහැර කර වෙන ම පෙරමුණක් යටතේ තරග කිරීමේ එජාප උපායමාර්ගය හමුවේ දැනට හුදකලා වී සිටින සරත් ෆොන්සේකා ඉදිරියෙන් තබාගෙන එජාපයට තරගයක් දී විපක්ෂ බලය අත්පත් කර ගැනීමේ උත්සාහයක් වෙත ජවිපෙ මේ වන විට යොමු වී ඇත.  එක්සත් වන ලෙස එජාප සහ ජවිපෙ නායකත්වයන්ට පහළින් එල්ල වූ බලපෑම කෙරෙහි එජාප මෙන් ම ජවිපෙ නායකත්වය ද කටයු...

(2010 පෙබරවාරි 11- W3Lanka )  පසුගිය ජනාධිපතිවරණයේදී සරත් ෆොන්සේකාට සහාය දුන් දේශපාලන පක්ෂවලට යළි සමගි වී මහ මැතිවරණය තරග කරන්නැයි පාක්ෂිකයන්ගෙන් බලපෑම් සිදු වෙමින් ඇති බව දැනගන්නට තිබේ.  සරත් ෆොන්සේකා අත්අඩංගුවට ගැනීමෙන් පසු නැඟී එමින් ඇති මහජන විරෝධය ආණ්ඩුවට අවාසිදායක වීම නිසා ආණ්ඩුව වෙනස් කිරීමේ මහජන රැල්ලක් නිර්මානය කිරීමේ අවස්ථාවක් විපක්ෂයට යළි උදා වී තිබේ. ආණ්ඩුව සරත් ෆොන්සේකාට සලකන ආකාරය හේතුවෙන් ආණ්ඩුව විසින් පසුගිය ජනාධිපතිවරණයේදී ප්‍රවර්ධනය කරන කළ ගුණ සැලකීම හා වෛරී දේශපාලනය පිටුදැකීම වැනි භාවාතිශය කාරණා අභියෝගයට ලක් වී තිබේ.  මහ මැතිවරණයේදී එක්සත් ජාතික පක්ෂය අලියා ලකුණින් එක්සත් ජාතික පෙරමුණ ලෙස තරග කිරීමට තීරණයකට එළැඹ තිබුණු අතර ජවිපෙ ද වෙනත් ලකුණකින් සන්ධානයක් ලෙස තරග කිරීමට සාකච්ඡා කරමින් සිටියේ ය.

(2010 පෙබරවාරි 08- W3Lanka )  2004දී ශ්‍රී ලංකා නිදහස් පක්ෂය ත් සමග සන්ධානගත වු ජනතා විමුක්ති පෙරමුණේ අපේක්ෂකයන්ට මහ මැතිවරණයේදී දිවයිනේ බොහෝ දිස්ත්‍රික්කවල මනාප ලැයිස්තුවේ මුල් ස්ථාන හිමි විය. අනුර බංඩාරනායක වැනි දැවැන්ත දේශපාලන චරිත පසුබස්වමින් ජවිපෙ එස්. අමරසිංහ වැනි අය ඉදිරියට ආහ.  සොක්කන් ලොක්කන් වූ මේ ඉතිහාස කතාව යළි රඟ දක්වන්නට බලාගෙන මහින්ද රාජපක්ෂ ජනාධිපතිගේ පසුපස වැටුණු ජාතික හෙළ උරුමය, ජාතික නිදහස් පෙරමුණ, මහජන එක්සත් පෙරමුණ, සමසමාජ පක්ෂය,  කොමියුනිස්ට් පක්ෂය, මහජන පක්ෂය හා වාසුදේව නානායක්කාර, නන්දන ගුණතිලක වැනි පුද්ගල කල්ලි, කණ්ඩායම්, පක්ෂ ආදියට එක්සත් ජනතා නිදහස් සන්ධාන නාමයෝජනා ලැයිස්තුවල ඉඩක් වෙන් කර ගැනීම පවා බරපතල ප්‍රශ්නයක් වී ඇති බව දේශපාලන ආරංචි මාර්ග පවසයි.  නාම යෝජනා ලැබුණත්, සන්ධානය ඇතුළේ ම පවතින තියුණු තරගය හමුවේ පාර්ලිමේන්තුවට තේරී පත් වීම මෙම බලවේගවලට අතිශයින් දුෂ්කර වී තිබේ. ජනතා මනාපය පිළිබඳ විශ්වාසයක් නොමැතිකමින් ජාතික ලැයිස්තුවට රිංගා ගැනීමට මාන බලමින් සිටින මෙම පක්ෂවල ඇත්තන්ට ද පොළොවේ වැඩ පෙන්නුවේ නැතිනම් හෝ දීන ලෙස රාජපක්ෂ පවුලට ...

(2010 ජනවාරි 11 -W3Lanka) මෙවර ජනාධිපතිවරණය වෙනුවෙන් හංසයා ලකුණ යටතේ සරත් ෆොන්සේකා ජනරාල්තුමාගේ නායකත්වයෙන් නව ප‍්‍රජාතන්ත‍්‍රවාදී පෙරමුණ යටතේ ගොඩනගාගෙන ඇති එකඟතා ගිවිසුම මැයි මසට පෙර පැවැත්වෙන මහ මැතිවරණය දක්වා බල සහිත කිරීමට සන්ධානයේ පක්ෂ නායකයෝ දැන් එකඟතාවයකට එළඹී සිටිති. අදාළ එකඟතා ලියවිල්ලට සංශෝධනයක් ඇමනුමක් වශයෙන් එක්කරමින් පක්ෂ නායකයෝ ජනවාරි 07වනදා පැවති නියෝජිත මට්ටමේ රැස්වීමකදී මෙම තීරණය ගනු ලැබීය. අදාළ සංශෝධිත එකඟතා ලියවිල්ල මෙම සිකුරාදාට පෙර නායක මට්ටමින් අත්සන් කිරීමට යෝජිතය. මේ අනුව ජනාධිපතිවරණය මෙන්ම මහ මැතිවරණයේද පොදු සන්ධානයේ නායකයා වශයෙන් සරත් ෆොන්සේකා ජනරාල්තුමා කටයුතු කරනු ඇත. මෙවර විශේෂත්වය වන්නේ ද්‍රවිඩ ජාතික සන්ධානයද මෙම නව පෙරමුණට එක්වීමය. මේ යටතේ ජනාධිපති මැතිවරණයේ ප‍්‍රතිඵල කුමක් වූවද ඉදිරි මහ මැතිවරණයේදීද සරත් ෆොන්සේකා ජනරාල්තුමා ගේ නායකත්වයෙන් විපක්ෂ පොදු සන්ධානය මහා මැතිවරණයේදී එකාබද්ධව තරඟ කරනු ඇත. මේ අනුව පොදු ඒකාබද්ධ විපක්ෂය වශයෙන් තරඟ කරන කණ්ඩායමේ නායකත්ව මණ්ඩලයට එක්සත් ජාතික පක්ෂය, ජනතා විමුක්ති පෙරමුණ, ශී‍්‍ර ලංකා මුස්ලිම් කොංග්‍රසය, ප‍්‍...

(2009 දෙසැම්බර් 20 - W3Lanka ) ශ්‍රී ලංකා ආණ්‌ඩුක්‍රම ව්‍යවස්‌ථාවේ 62 (2) වගන්තිය අනුව සෑම පාර්ලිමේන්තුවක්‌ම රැස්‌වූ මුල් දවසේ සිට අවුරුදු 6 ක්‌ සම්පූර්ණ කළ දිනයේදී ඉබේම විසුරුවා හැරේ. වත්මන් 13වන පාර්ලිමේන්තුව මුල්වරට රැස්‌වූයේ 2004 අප්‍රේල් 22 දා බැවින් පාර්ලිමේන්තුව 2010 අප්‍රේල් 22 වැනිදා ස්‌වයංක්‍රීයව විසුරුවා හැරේ.  පාර්ලිමේන්තුව ඉබේම විසිරුවා හැරුණහොත් ව්‍යවස්‌ථාමය අර්බුදයක්‌ හටගත හැකි ය. එහෙයින් නිසා පාර්ලිමේන්තුව විසුරුවා හැරීමත්, නව පාර්ලිමේන්තුවක්‌ තෝරා පත්කර ගැනීම සඳහා දින නියමය කිරීමත්, නව පාර්ලිමේන්තුව රැස්‌වන දිනය නියම කිරීමත් කල් තබා කළ යුතුය.  ව්‍යවස්‌ථාවේ 70 (1) වගන්තිය අනුව පාර්ලිමේන්තුව විසුරුවා හැරීමටත්, කැඳවීමටත් බලය ඇත්තේ ජනාධිපතිවරයාටය. ව්‍යවස්‌ථාවේ 70 (5) වගන්තිය අනුව ජනාධිපතිවරයා පාර්ලිමේන්තුව විසිරුවා හරිමින් ප්‍රකාශයක්‌ නිකුත් කරන විට එයත් සමගම අලුත් පාර්ලිමේන්තුව මුල්වරට රැස්‌වන දිනය ද නියම කළ යුතුය. ව්‍යවස්‌ථාවේ 70 (5) (අ) (ආ) සහ (ඇ) වගන්ති අනුව පාර්ලිමේන්තුව විසුරුවා හැරීමත්, ඡන්දය සඳහා නාම යෝජනා කැඳවීමත්, ඡන්දය පැවැත්වීමත්, ඡන්ද ප්‍රතිඵලය ප...

(2009 නොවැම්බර් 16 - W3Lanka ) කලින් අදහස් කළ ආකාරයට කඩිනම් ජනාධිපතිවරණයක් පවත්වනවා වෙනුවට මහ මැතිවරණයක් පැවැත්වීමට ආණ්ඩුව තීරණය කර ඇති බව ආණ්ඩුවට සමීප විශ්වාසදායක ආරංචි මාර්ග පවසයි.  සිය ප්‍රථම ධුර කාලයේ මුල් වසර හතර අවසන් වූ පසු ජනාධිපතිවරණයක් පවත්වා වසර අටකින් තම ධුර කාලය දීර්ඝ කිරීමට ජනාධිපතිවරයා කලින් අදහස් කළ අතර ඊයේ පවත්වන ලද දැවැන්ත ශ්‍රීලනිප සමුළුවේ මූලික අරමුණ වූයේ ද ඒ පිළිබඳ නිවේදනය කිරීමයි.  එහෙත් හිටපු හමුදාපති සරත් ෆොන්සේකා විපක්ෂයේ පොදු අපේක්ෂකයකු ලෙස ජනාධිපතිවරණය තරග කරන බව තහවුරු වීමත් සමග ම ජනාධිපතිවරණය එක් අශ්වයකුගේ ධාවන තරගයක් නො වන බව වටහා ගත් ජනාධිපතිවරයා සිය පළමු ධුර කාලයෙන් ද වසර දෙකක් අහිමි කර ගැනීමේ අනතුරට මුහුණ දීමට අකැමැත්තක් දක්වන බව වාර්තා වේ. ජනාධිපතිවරයා මහ මැතිවරණයට පෙර ජනාධිපතිවරණය පැවැත්වීමට අදහස් කළ තවත් හේතුවක් වන්නේ මහ මැතිවරණයෙන් පසු තම පක්ෂ සංවිධායකයන් ජනාධිපතිවරණ ප්‍රචාරක ව්‍යාපාරය සඳහා පූර්ණ ලෙස අනුග්‍රහය නො දක්වනු ඇතැයි සැක කිරීමයි.

(2009 ඔක්තෝබර්  18 - W3Lanka ) කඩිනම් ජනාධිපතිවරණයක් පිළිබඳ කටකතා පැතිරෙමින් තිබුණ ද, මහ මැතිවරණය ඊට පෙර පැවැත්වීමේ ඉඩකඩ වැඩි බව දේශපාලන ආරංචි මාර්ග පවසයි.  හිටපු හමුදාපති ජනරාල් සරත් ෆොන්සේකා ජනාධීපති පොදු අපේක්ෂකයකු ලෙස ඉදිරිපත් වන බවට පළ වූ මාධ්‍ය වාර්තා ඒ මහතා තවමත් ප්‍රතික්ෂේප කර ඇති සංදර්භයකදී ඔහු ඉදිරිපත් වුවහොත් එය විශාල අභියෝගයක් විය හැකි බැවින් ආණ්ඩුව ජනාධිපතිවරණය කල් දැමීමට ඉඩ ඇති බව පාලක කණ්ඩායමට සමීප ආරංචි මාර්ග පවසයි.  එසේ ම, විධායක ජනාධීපති ධුරය අහෝසි කිරීම ජවිපෙ හා එජාපය විසින් සටන් පාඨයක් ලෙස ඔසවන්නේ නම්, ආණ්ඩුව විසින් ම එය අහෝසි කර විධායක අගමැති ක්‍රමයක් ඇති කිරීම පිළිබඳව ද පාලක කණ්ඩායම සලකා බලමින් සිටින බව ද දැන ගන්නට තිබේ. ඒ සඳහා තුනෙන් දෙකේ බලයක් ලබා දෙන ලෙස මහ මැතිවරණයේදී ජනතාවගෙන් ඉල්ලා සිටීමට ආණ්ඩුවට ඇති හැකියාව ද සාකච්ඡා වී තිබේ.  එසේ වුවහොත් අගමැතිවරයකු පත් නො කර ජනාධිපති ධුර කාලය අවසන් වන තුරු ජනාධිපතිවරයා ම අගමැති ධුරයේ ද කටයුතු කරමින් අවශ්‍ය ආණ්ඩු ක්‍රම ව්‍යවස්ථා සංශෝධනයන් සඳහා සංක්‍රමණය වීමේ හැකියා ආණ්ඩුවට තිබේ.