W3Lanka: Praja.lk Backup

පන්විල පත්තේ පන්සලක හාමුදුරුවන්ට සිවුරු ගලවා සරමක් අන්දා පහර දී බස්පොළක ගස් බැන්ද බව කියන 28දෙනෙක් පන්විල පොලිසිය විසින් අත්අඩංගුවට ගෙන තිබේ. ඒ අය අතර ගැහැනු, පිරිමි සම සේ සිටිති. එක් අයෙක් 17 හැවිරිදි පිරිමි ළමයෙකි. ඒ පැත්තේ ජනතාව පොලිසිය වට කර පොලිසියට ගල් මුගුරුවලින් පහර දී නැත. පොලිසිය පිරිස විසුරුවන්නට කඳුළු ගෑස් ගසා නැත.  හාමුදුරුවන් රෝහලෙන් පිට වී එන විට ප්‍රදේශයේ ශාසනාරක්ෂක බලමණ්ඩලය විසින් පිළි අරගෙන ලොකු රැස්වීමක් පවත්වා නැත. ඒ රැස්වීමට මධුමාධව අරවින්ද පැමිණ කැතට එස්. මහින්ද හිමිගේ කවි කියා සිය අග්‍රගන්‍ය ගායන කුසලතාව ප්‍රදර්ශනය කළේ නැත. ඥානසාර පැමිණ ගහපු එවුන්ගේ කඩවලට, ගෙවල්වලට අබ සරණ පැතුවේ නැත. හාමුදුරුවන් අරගෙන ගහපු එවුන්ගේ ගම මැදින් පෙළපාලි ගියේ නැත.  ඒ නිසා ඒ පැත්තේ කිසිදු කලබලයක් ඇති වී නැත.  ඒ ඇයි? රහස මේකයි.  කපුවාට දේවාලයේ රෙන්න වුණත් පුළුවන් නිසා ය. මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්...

අද පොසොන් පොහෝ දිනයේ කලාතුරකින් අසන්නට ලැබෙන බුදු බණක් අසන්නට   අපි පහත යූ ටියුබ් චැනලය වෙත පිවිසෙන ලෙස ඔබට ආරාධනා කරමි. බහුජන හිතාය මේ කාර්යය දිගට කරගෙන යාමට මේ හිමියන් දිරි ගන්වන්නැයි බෞද්ධයන්ගෙන් ඉල්ලා සිටිමි.  මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com

මේ වීඩියෝව දැන් සමාජ මාධ්‍ය ඔස්සේ ප්‍රචලිත වෙන එකක්. ‍මේ කතා කරන්නේ ඇත්තට ම හාමුදුරු කෙනෙක් ද කියන එක මම දන්නෙ නැහැ. හාමුදුරු කෙනක් නම් පුදුම වෙන්න උවමනාවකුත් නැහැ. 1989 කැරැල්ල ආසන්න කාලෙ අපි රෑට හෝල්ට් ගහන්න ගියපු ලොකු පන්සලක් තිබුණා. එතන සාමනේර හිමිවරු රැසක් හිටියා. ඒගොල්ලෝ අපේ යාළු‍වෝ. ඒ කාලෙ ජවිපෙත් ජාතිවාදයට ආමන්ත්‍රණය කරමින් නේ හිටියේ. ඒ අතර හිටපු පිරිවෙන් යන පුංචි හාමුදුරු කෙනෙකුට උවමනා වෙලා තිබුණා පිරිවෙනේ ශිෂ්‍ය වර්ජන අවස්ථාවලදී වේගවත් කතා පවත්වන්න. ඉතින් එයා කාමරේ ඇතුළේ කණ්ණාඩිය ඉස්සරහට ගිහින් කතා පවත්වන හැටි තව පොඩි හාමුදුරු කෙනෙක් අපට උපහාසයෙන් විස්තර කළේ අර කලින් කියූ පුංචි හාමුදුරුවෝ ගහන්න එළවද්දියි. සිංහල සමාජයේ භික්ෂුව කියන්නේ පහසුවෙන් පිළි ගැනීමට ලක් වන කෙනෙක්. අද කාලෙ භික්ෂූන් වැඩි දෙනෙක් දුෂ්කර ගම්මානවල දිළිඳු පවුල්වලින් එන අය. ඒ අයට උසස් අධ්‍යාපනය ලබන්න, ආදායම් සහිත පන්සල් දේපලක් බුක්ති විඳින, කාගෙත් වැඳුම් පිදුම්වලට ලක් වන ධනවත්, බලවත් පුද්ගලයෙක් වෙන්න හරි පහසුයි. ඔවුහු ගිහියන්ට වඩා ස්ත්‍රී ආකර්ශනයටත් ලක් වෙනවා කියලායි මට හිතෙන්නේ. ‍ සංඝ සමාජයේ මේ තිබෙන ලක...

පූජකයෝ දේශපාලනය කළ යුතු ද යන ප්‍රශ්නය වඩා සංයුක්තව ගතහොත් හාමුදුරුවරු දේශපාලනය කළ යුතු ද යනු වේ.  මන්ද, මේ වන විට ලංකාවේ ආගමික නායකයන්ගේ පාලනයකින් තොරව මේවා සිදු වන්නේ බුද්ධාගමේ පමණක් නිසා ය.  එජාප මන්ත්‍රී විජේදාස රාජපක්ෂ පූජකයන්ට දේශපාලනය තහනම් කිරීම පිණිස ගෙන ආ පෞද්ගලික මන්ත්‍රී යෝජනාවට විරුද්ධව ජාතික හෙළ උරුමය දැවැන්ත ව්‍යාපාරයක් ගෙන ගිය අතර, ජනාධිපතිගේ හයිය ද රැගෙන අද දෙරණේ විවාදයට එන්නේ සූක්ෂම ලෙස රාජපක්ෂ මන්ත්‍රීවරයා බිය වද්දමිනි.  බුදුන්ගේ අහිංසාවාදී දහම හා ජාතික හෙළ උරුමය අතර කිසිදු සම්බන්ධයක් ඇතැයි අපි නො සිතමු. සංඝ සංස්ථාවේ නිල ප්‍රධානීන් වන මහ නායක හිමිවරු මේ කරුණ අරභයා නිහඬ ය. ඇත්ත කරුණ නම් ඔවුන් භික්ෂූන් දේශපාලනයේ නොයෙදිය යුතු ය යන ස්ථාවරයේ සිටීමයි.  අද වන විට මහ නායක හිමිවරු ද ජාතික හෙළ උරුමයේ ආධිපත්‍යයට යට වී සිටිති. ජාතික හෙළ උරුමය නාමිකව හෝ ප්‍රජාතන්ත්‍රවාදී දේශපාලන පක්ෂයකි. මැතිවරණ කොමසාරිස් යටතේ ලියාපදිංචි වී ඇති එහි නිලතල සඳහා පුද්ගලයන් තෝරා ගත යුත්තේ ඡන්දයෙනි. එහෙම බැලුවාම ජාතික හෙළ උරුමය වඩා නවීන ආයතනයකි. එහි ඇති සුවිශේෂ ම ලක්ෂණයක් වන්න...

අපේ ගරුතර ත්‍රෛනිකායික මහනායක හිමිවරුන් කියන දෙයක් දැන් කවුරුවත් ගණන් ගන්නේ නැති වීම කණගාටුදායක තත්වයකි..  ජනාධිපතිතුමා නම් උන් වහන්සේලා කියන දේ පයිසෙකට මායිම් නො කරන බව සරත් ෆොන්සේකා නිදහස් කරන්නැයි උන්වහන්සේලා කළ ඉල්ලීමට වූ දෙයින් පෙනේ.  අපේ මහ නායක හිමිවරුන්ට ගිය කල කෙසේද යත් එක්සත් ජාතික පක්ෂයේ කෘත්‍යාධිකාරී මණ්ඩලයවත් උන් වහන්සේලාගේ ඉල්ලීම ගණන් ගෙන කරු ජයසූරිය එජාප නායකයා ලෙස පත් කර ගත්තේ නැත. එපමණක් නො ව, මහ නායක හිමිවරුන්ගේ අනුග්‍රහය ලද කරු ජයසූරිය, සජිත් ප්‍රේමදාස පිරිවර බුදු දහමට කෙතරම් නිගරු කළේ ද යත්, සිය ගෝල බාල මැරවරයන් ලවා සිරිකොතේ බුදු මැදුරට ද ගල් ගැස්සූ හ. මහ නායක හිමිවරුන් කියන දේ අසපුකාර ගනින්නාන්සේලා හා දේශපාලන භික්ෂූහු ද නො සලකති.  සාමාන්‍ය සංඝයා වහන්සේලාට මහ නායක හිමිවරුන් සමග ඇති සම්බන්ධයක් නැත.  අනේ මන්දා ය. මේ හැම එක ම විජාතික කුමන්ත්‍රණ ය කියා කියන්නත් බැරි ය. තම තමන් නෙළා ගන්නේ තමන් විසින් ම වපුරන ලද බීජවල අස්වැන්න වන්නට පුළුවන. අන්තෝ ජඨා බහි ජඨා -ජඨාය ජටිතෝ ජඨා ය. මේ ලිපියට ඔබ කැමති නම් වෙන අයත් එක්කත් බෙදා ගන්න

(2011 අගෝස්තු 10,   W3Lanka )  මත්පැන් පානය කර වෑන් රථයක් පදවා අනතුරක් සිදු කිරීම සම්බන්ධයෙන් වරද පිළිගත් භික්ෂූන් වහන්සේ නමකට හෙවත් හාමුදුරවරයෙකුට හෙවත් වැරදි කළ විට චීවරධාරියකු ලෙස මාධ්‍ය විසින් නම් කරනු ලබන අයකුට කුරුණෑගල ප‍්‍රධාන මහේස්ත‍්‍රාත් බුද්ධික ශ‍්‍රී රාගල මහතා රුපියල් විසිපන් දහස් පන්සීයක දඩයක් නියම කළ බව මාධ්‍ය වාර්තා කළ හ.  කුරුණෑගල නගරයේ වැව පාරේ වෑන්රථයක් ධාවනය කරමින් තවත් වෑන් රථයක ගැටී අනතුරක් සිදු කිරීම සම්බන්ධයෙන් පොලිස් අත්අඩංගුවට ගන්නා ලද මෙම භික්ෂූන් වහන්සේගේ හෙවත් හාමුදුරුවරයාගේ හෙවත් වැරදි කළ විට චීවරධාරියා ලෙස මාධ්‍ය විසින් හඳුන්වනු ලබන පුද්ගලයාගේ මුවින් මද්‍යසාර ගඳ වාහනය වීම නිසා, කුරුණෑගල ශික්ෂණ රෝහලේ වෛද්‍යවරයකුට ඉදිරිපත් කිරීමෙන් පසු උන් වහන්සේ අනුමත වී සිටි බව තහවුරු වූ බව පොලිසිය අධිකරණයට වාර්තා කළේ ය.  එහෙත්, උන් වහන්සේගේ නීතිඥයන් පෙන්වා දුන්නේ මෙම භික්ෂූන් වහන්සේ හෙවත් හාමුදුරවරයා හෙවත් වැරදි කළ විට චීවරධාරියා ලෙස මාධ්‍ය විසින් හඳුන්වනු ලබන පුද්ගලයා දියවැඩියාව රෝගියෙක් බැවින්, අරිෂ්ඨ හා කසාය සිංහල බෙහෙත...

‍ (2011 ජුලි 05,   W3Lanka )   මහා පහන් කූඩුවක් ලෙස නම් කරන ආගමික ව්‍යාපාරික නිර්මානයක් විකිණීම සමබන්ධ ආරාවුලක් මුල් කර ගෙන ඇති වූ බහින් බස් වීමක් දුරදිග ගොස් පන්නල හෙට්ටිරිප්පුව ප්‍රදේශයේදී ඊයේ (04) සවස ඒ.එම්. ප්‍රගීත් නයන බණ්ඩාර (25) සහ ඩබ්ලිව්. ටී. සුමින්ද පීරිස් (28) නමැති තරුණයින් දෙදෙනකු ගෙල කපා මරා දමා ඇති බව අද දිනමිණ වාර්තා කරයි. මහා පහන් කූඩු යනු ලංකාවේ ප්‍රචණ්ඩ කල්ලි අතට පත් වී තිබෙන ජාවාරමක් වී තිබේ. මීට කලකට ඉහත රත්මලානේ පහන කූඩුව සමබන්ධයෙන් කල්ලි දෙකක් අතර ඇති වූ දිග්ගැසුණු ගැටුම හෙතුවෙන් මිනීමැරුම් මාලාවක් ම සිදු විය. මිනීමැරුම්වලට අමතරව කකුල් කැපීම් රැසක් ද සිදු විය. ඇතැම්හු පොලීසි ගියේ සතුරන්ගේ කැපූ කකුල කර තබාගෙන ය. මෙසේ මිනී මරා ගන්නේ බුදු පුදට යයි කියන නිර්මාන වෙනුවෙන් වීම හාස්‍යජනක ද ඛෙදජනක ද යන්න අපැහැදිලි ය. පහන් කූඩු ජාවාරම සිදු වන්නේ සමාජයේ පාතාල කණ්ඩායම් ආශ්‍රිතව ය. එහෙත්, තවත් ආගමික ජාවාරම් රැසක් බුදුන්ගේ ශ්‍රී නාමය පාවිච්චි කරමින් සමාජය වසා පැතිරී ඇත. විචිත්‍ර ධර්ම කථිකයන් ලෙස තමන් හඳුන්වා ගන්නා භික්ෂූහු බුදුන් දෙසූ බණ නැවත කීමට ගායකයන් සං...

(2011 මැයි 18,   W3Lanka )   ලේඛකයා ඊයේ හැන්දෑවේ පාරේ යමින් සිටියදී තරුණ පිරිසක් තර්ජනාත්මක අන්දමින් කොඩි වනා ඔහු ගමන් කළ වාහනය නතර කළේ ය. දුම් දමන යම් බීමක් ප්ලාස්ටික් කෝප්පවලින් බෙදා දෙමින් තිබිණි. ලේඛකයාට තිබහක් ද තිබිණි. කලින් වාහනය නො නැවැත්වීම නිසා කොඩි වනන තරුණයෙක් කුපිත වී සිටියේ ය. "ඒ හු--- මේව බොන්නෙ නැහැ බං, මළ පනිනවා කැ--" ඔහු කීවේ ය. ලේඛකයා වාහනය නවත්වන්නත් පෙර ම ඔහුගේ මුහුණ අසල කෝප්ප රැඳුණු තසිමක් දිගු විය. "ආ, මාමා බොන්න. අංකල් බොන්න." "අන්න ඌ නම් බොනවා පාර මැද්දෙම වාහනය නවත්තගෙන." කෝප්පය දුන් තරුණයා අනෙකෙකුට කීවේ ඔලොක්කුවට ය. ඔවුන් බෙදමින් සිටියේ ඉරමුසු වැනි තැම්බුමක් හා සීනිවලින් හැදූ බාල වර්ගයේ හකුරු වර්ගයකි. තිබහට බොන්නට නරක නැති දෙයක් වුවත්, දන් දුන් උන්ගේ කුණු හැසිරීම නිසා ලේඛකයා එම බීම බිව්වේ නැත. මිනිසකුට කෑමක්, බීමක් දී නිගා කිරීම බෞද්ධකමට පමණක් නො ව, මිනිස්කමට ද නො හොබී. දේශීය පාන දන්සැල් දෙනවා කියන්නේ මාර ලේසි හා හරි දේශප්‍රේමී, නව රැල්ලේ වැඩකි. පිදුරු ටිකක් සොයාගෙන තම්බා එක් වරක් පමණක් පාවිච්චි කිරීමට තිබෙන ප්ල...

‍‍තොරණ කියන්නේ චුල සම්ප්‍රදායේ ජනප්‍රිය කලාංගයක්. චිත්‍ර කලාවට තාක්ෂණය මුසු කළ එය අලුත් අදහසක් ප්‍රකාශ කරන්න යොදා ගන්න උත්සාහ කළ අවස්ථා තිබෙනවා. මේකත් එහෙම දෙයක්. විස්තර මේ සටහනේ නො තිබුණාට ආරංචි හැටියට මෙහි නිරූපණය වන්නේ කාන්තා හිංiනයෙන් වැළකීමේ අගය. අපි මේ සටහන පළ කරන්නේ ඒකයි. තොරණ බලන්න යන්න. "තොරණක් කියන්නෙ ඉතින් තොරණක්. ඒක අපි හැමෝම දන්න කාරණාවක්. පන්සිය පණස් ජාතක පොතෙන් මොකක් හෝ ජාතකයක් තෝරගෙන තොරණ ආර්ටිස්ලා, ඉලෙක්ට්‍රීශන්ලා සෙට් කරගෙන චිත්‍ර ඇඳගෙන ෆ්ලෑශර් කොට, පුවක් ගස් බැඳගෙන සෑහෙන පිරිසක් වෙහෙස මහන්සි වෙලා හදන අඩි විස්සෙ තිහේ තොරණ සමහර වෙලාවට අපි බලන්නෙ අඩි දෙසීයක් තුන්සීයක් ඈත හිටගෙන, නැත්නම් වාහනයක යන ගමන්. එහෙම වත් වාසනාවක් නැති අය ඉතින් දෙයියනේ කියල ටී.වී එකෙන් තමයි බලන්නෙ. ඒත් කීයෙන් කී දෙනාටද තොරණෙ කතා වස්තුව මතක තියෙන්නෙ? මම ආගම දහම ගැන ලොකුවට දන්න පුද්ගලයෙක් නොවුනට කියවල තියෙන සොච්චමෙන් තෙරුම් ගත්තෙ අපිට ඒ කතා වල ගන්න දෙයක් තියෙන බව. ඒත් අපිට තොරණෙ පාට පාට බලුප් අඟර දඟර දාන හැටි විතරයි මතක හිටින්නෙ. ඉතින් මම මේ හෑල්ල ලිව්වෙ අපිත් තොරණක් හදන නිසා. හැබැයි මේ තොරණ...

( 2010 සැප්තැම්බර් 23,  W3Lanka )   පහත සිද්ධිය උපුටා ‍ගනු ලැබුවේ රජයට අයත් දිනමිණ පුවත්පතෙනි.  තම පන්සලේ සිටි 13 හැවිරිදි සාමනේර හිමිනමක් අපයෝජනය කිරීම සම්බන්ධයෙන් කන්තලේ නගරයේ සිට කි. මී. 8ක් පමණ ඈතින් පිහිටි ජනපදයක විහාරස්ථාන භාරකාර හිමිනමක් හා එම සාමනේර හිමිනමගේ මවගේ පියා (සීයා) අධිකරණය හමුවට පැමිණවීමෙන් පසු ලබන 29 දක්වා රක්‍ෂිත බන්ධනාගාර ගත කරන ලෙසට කන්තලේ ප්‍රධාන මහේස්ත්‍රාත් කෝසල සේනාධීර මහතා පෙරේදා (20) නියෝග කළේය. සාමනේර හිමිනම තඹලගමුව පොලිසියට කරන ලද පැමිණිල්ලක් අනුව හිමිනමගේ සීයා අත්අඩංගුවට පත්වුවද චීවරධාරියා සිද්ධියෙන් පසු කට්ටි පනිමින් සිටියදී තඹලගමුව පොලිසිය මගින් ත්‍රිකුණාමලය කෝඩ්බේ ප්‍රදේශයේ විහාරස්ථානයක සැඟවී සිටියදී අත්අඩංගුවට ගෙන ඇත. පන්සල්වල බාල අපචාර සිදු වන බව ප්‍රසිද්ධ ය. එහෙත්, ඒ පිළිබඳ පැමිණිලි කිරීම සිදු වන්නේ අඩුවෙනි. කෙරෙන පැමිණිලි ද සාමාන්‍යයෙන් යට ගසනු ලැබේ.  විශේෂයෙන් ම ලංකාවේ ළමා අයිතිවාසිකම් වෙනුවෙන් පෙනී සිටිමින් බටහිර ආධාර ලබා ගන්නා රජයේ හා රාජ්‍ය නො වන සංවිධාන මෙම බාලාපචාර ක්ෂේත්‍රය පිළිබඳව මුනි වත රකිති.  ...