W3Lanka: Praja.lk Backup

ඡායාරූපයේ සිටින්නේ ග්‍රීස් යකකු යයි හංවඩු ගසා පසුගිය සමයේ ජනතාව විසින් පහර දී මරා  දමන ලද දුප්පතකුගේ බිරිඳ හා දරුවෝ ය. ලංකාවේ මෑත වකවානුවේදී මව්වරුන් විසින් දරුවන් මරා දැමීම් රැසක් වාර්තා විය. අද පුවත්පත්වල වාර්තා වන එක සිද්ධියක මව සිය අලුත උපන් දරුවා පණ පිටින් වළ දමා ඇත. අනෙක් සිද්ධියේ මව අලුත උපන් දරුවා අල්මාරි ලාච්චුවක දමා මරා දමා ඇත. මෙම අපරාධකාරී කාන්තාවන් බහුතරය අතිශය දිළිඳු කාන්තාවෝ වෙති.  ලංකාවේ මෙවැනි සිද්ධි සුලබ වන්නේ ඇයි?  එක් හේතුවක් නම් දැඩි ආර්ථික පීඩනයයි. ආණ්ඩුව ගිය සතියේ සිට අත්‍යවශ්‍ය ආහාර ද්‍රව්‍ය රැසකට අලුත් ආනයන බදු පනවා තිබේ. වැඩි වන ජීවන වියදමට එරෙහිව ජනතා උද්ඝෝෂණ මතු වන්නේ නැත. එහෙයින් ජනතාව ආර්ථික දුෂ්කරතාවලට ඉක්මණින් හැඩ ගැසෙන බවක් ආණ්ඩුව සිතනවා ඇත.  ප්‍රජාතන්ත්‍රවාදී මහජන උද්ඝෝෂණ ඇති වන්නේ දියුණු සමාජයන් තුළ ය. අද වන විට ලංකාව සමාජමය වශයෙන් පිරිහී ඇති මට්ටම අනුව සිදු වන්නේ ජනතාව සිය අයිතිවාසිකම් වෙනුවෙන් හඬ නැඟීම නොව, ම්ලේච්ඡ හා ස්වයං නාශක අන්දමින් ප්‍රතිචාර දැක්වීමයි.  මව්වරුන් දරුවන් මරා දැමීම යුරෝපය, ඇමරිකාව වැනි රටවල වහල...

ෆිච් රේටිං ආයතනය ලංකාවේ ආර්ථිකය ලෝකයේ අනතුරුදායක ම ආර්ථිකයන් අතරින් එකක් ලෙස නම් කර තිබේ.  රටේ ආනයන වියදම අපනයන ආසායම මෙන් දෙගුණයකි. ඍජු විදේශ ආයෝජන ඩොලර් බිලියනය ඉක්මවූ බවට ආණ්ඩුව පුවත්පත් දැන්වීම් පළ කරමින් ප්‍රකාශයට පත් කළ මුත්, ඒ හා සමාන මුදලක් ආණ්ඩුව රුපියල කෘත්‍රිමව ඉහළ මට්ටමක තබා ගැනීමට ද වැය කර ඇති බව වාර්තා වේ.  රටේ අපනයන බිඳ වැටී ඇත. ආර්ථිකය රැඳී පවතින්නේ බොහෝ දුරට විදේශ ශ්‍රමිකයන් එවන මුදල් හා සංචාරක ක්ෂේත්‍රයේ ආදායම් මත ය. ඍජු විදේශ ආයෝජනවලින් ද සැලකිය යුතු ප්‍රතිශතයක් සංචාරක කර්මාන්තය සඳහා ය.  මේ වසරේදී ලංකාවට සංචාරකයන් 850,000ක් පැමිණි අතර, සංචාරකයන් පැමිණීම වැඩි කර ගැනීමට රජය පියවර රැසක් ගනිමින් තිබේ.  එහෙත්, මහින්ද රාජපක්ෂ පවුලේ බැලයකු වීම නිසා තංගල්ල ප්‍රාදේශීය සභාව පාලනය කරන්නට පත් කර ඇති එක් වගකීම් විරහිත, පල් ම පල් මෝඩයකු වූ පාරම්පරික මැරවරයකු නිසා ලංකාවේ සංචාරක කර්මාන්තයට තදබල පහරක් වැදී ඇත.  මේ දේශද්‍රෝහියා ජාත්‍යන්තර වශයෙන් රටට කර ඇති අවමානය හා ආර්ථිකයට කර ඇති හානිය පිළිසකර කිරීම ලෙහෙසි පහසු නැත. ඒ‍ වෙනුවෙන් මහජන මුදල් රුප...

පහත පළ වන්නේ අද සන්ඩේ ටයිම්ස් පුවත්පතේ මුල් පුවතේ දළ පරිවර්තනයකි. ෆිච් රේටිං ආයතනය විසින් ශ්‍රී ලංකාව ආසියා පැසිෆික් කලාපයේ අධික අනතුරු සහිත මුල්‍ය පද්ධති අතරට එකතු කර තිබේ. මහ බැංකු අධිපති අජිත් නිවාඩ් කබ්රාල් එය ප්‍රතික්ෂේප කරන්නේ එවැනි අධි අනතුරුදායක රටවල් වන ඉන්දියාව, චීනය හා ශ්‍රී ලංකාව ඉහළ ආර්ථික වර්ධන වේගයක් අත්පත් කර ගත් ඒවායි. බ්‍රිතාන්‍යයේ, යුරෝපයේ හා එක්සත් ජනපදයේ දැවැන්ත විරැකියාවක් ඇති බව පෙන්වන හේ ෆිච් රේටිං වැනි ආයතනවලට ඒ ගැන හා එම රටවල ඇති අධි අනතුරු කතා කළ නො හැක්කේ මන්දැයි අසයි. එහෙත් විශ්ලේෂකයන් කියන්නේ ලංකාවේ අපනයන මිළ දී ගන්නා රටවල් වන මේ රටවල් අර්බුදයට පත්වීම ම ලංකාවට ලබන අවුරුද්දේ බැරෑරුම් ප්‍රශ්නයක් වන බවයි. විශ්ලේෂකයන් පෙන්වා දෙන පරිදි ලංකාව අධික ආර්ථික වර්ධන වේගයක් ගැන කතා කරන්නේ ‍සංවර්ධිත ලෝතයේ බොහෝ රටවල් සිය වර්ධන ඉලක්ක අඩු කර තිබියදී ය. එම අඩු කිරීම් මෙසේ ය. රට 2011 ආර්ථික වර්ධන වේගය 2012 අපේක්ෂිත ආර්ථික වර්ධන වේගය චීනය 9.3 % 8.5 % ඉන්දියා 8 % 7.8 % ...

( 2010 නොවැම්බර් 28,  W3Lanka )  කොළඹ දිස්‌ත්‍රික්‌ එජාප මන්ත්‍රී රවී කරුණානායක මහතා ඇසූ පැනයකට පිළිතුරු ලෙස ආණ්‌ඩු පක්‌ෂයේ සංවිධායක දිනේෂ් ගුණවර්ධන මහතා ඊයේ (26 දා) පාර්ලිමේන්තුවේ සභාගත කළ ලේඛනයක සඳහන් වන පරිදි 2009 වසරේ ලංකාවේ ඒකපුද්ගල ආදායම රුපියල් දෙලක්‌ෂ තිස්‌ පන්දහස්‌ නවසිය හතලිස්‌ පහක්‌ (235,945) බව ද ඒකපුද්ගල ණය බර රුපියල් එක්‌ලක්‌ෂ අනූදෙදහස්‌ නවසිය හතළිස්‌ දෙකක්‌ (192,942) ද වේ. 2016 වන විට රටේ ඒක පුද්ගල ආදායම ඩොලර් 4000ට හෙවත් රු. 448,000 දක්වා ඉහළ නංවන බව රජය පවසයි. 2016 වන විට ඩොලරයට සාපේක්ෂව රුපියල අවප්‍රමාණ වුණොත් මේ ඉලක්කය තවත් අසීරු වනු ඇත. දැනට එය පවතින්නේ රු. 235,945ක මට්ටමේ ය.  ඒක පුද්ගල ආදායම විසින් රටේ ආර්ථික හා සමාජ සංවර්ධනය නිවැරදිව ප්‍රකාශ වන්නේ නැත. එයට හේතුව ආදායම් විෂමතාවයි. දැනට පවතින තත්වය අනුව පස්දෙනෙකුගෙන් සැදුම්ලත් සාමාන්‍ය පවුලක වසරේ ආදායම රු. 1,179,725ක් හෙවත් මාසික ආදායම රු. ලක්ෂයක් පමණ විය යුතු මුත් එසේ වන්නේ ලංකාවේ පවුල් කීයක ද? සෙනසුරාදා දිනමිණ කතුවැකියෙහි අපූරු රචනාවක් තිබිණි. එහි මාතාකාව 'ඔබට ඩොලර් හාරදහසක් ලැබුණොත්' යනු ය....

( 2010 ඔක්තෝබර් 03,  W3Lanka )  ලංකාවේ කෝටි දෙකක් ජනතාව සිටියත් බදු ගෙවන්නේ ලක්ෂ තුනක් පමණක් බව ජනාධිපති මහින්ද රාජපක්ෂ පොළොන්නරුවේදී දිස්ත්‍රික් සම්බන්ධීකරණ කමිටු රැස්වීමට සහභාගි වෙමින් පැවසූ බව රේඩියෝවක කියනු ඇසිණි.  මෙහි ඇති සත්‍ය කරුණ නම් මෙරට ආදායම් බදු ගෙවන්නන් සිටින්නේ ලක්ෂ තුනක් පමණක් බවයි. එක්කෝ ජනමාධ්‍යවලට වැරදී ඇත. නැතිනම් ජනාධිතිට වැරදී ඇත.  වැරදීම මිනිස් ගතියකි. ජනාධිපති සමාව තමන් කැමති අයට පමණක් දීම රාජ ගතියකි. එහෙත් මේ වැරදීම නිතර සිදු වන එකක් නිසා එය පසුබිමේ ඇති කරුණු ටිකක් ලිවිය යුතුව තිබේ.  මේ රටේ මහජනතාවගෙන් බොහෝ දෙනෙකු සිතාගෙන ඉන්නේ තමන් බදු ගෙවන්නන් නො වන බවයි. තමන් බදු ගෙවන්නන් නො වන නිසා ආණ්ඩුව දෙන දෙයක් භාර ගෙන, ඔවුන් කරන දේ ප්‍රශ්න නො කර දීන ව සිටිය යුතු ය යන මානසිකත්වය ඔවුන් තුළ ඇති කර තිබේ.   ලක්ෂ දෙසීය ඉක්මවා තිබෙන ලංකාවේ ජනගහණයෙන් ආදායම් බදු ගෙවන මට්ටමේ ඉන්නේ ලක්ෂ තුනක් පමණක් නම් හෙවත් සියයට 1.5ක් පමණක් නම් එයින් පෙන්නුම් කෙරෙන්නේ රටේ ආදායම් විෂමතාවේ මට්ටමයි. එනම් රටේ ජනගහණයෙන් 98.5%ක් සාමාන්‍ය හෝ පහළ ආදායම් ඇති...

( 2010 සැප්තැම්බර් 26,  W3Lanka , අජිත් පැරකුම් ජයසිංහ )  ධනපති පංතිය එක්සත් ජාතික පක්ෂය කෙරෙහි විශ්වාසය අහිමි කරගෙන ඇති බව ද, එජාපය මුහුණ දී සිටින්නේ පංති අර්බුදයකට බව ද ඇමති රාජිත සේනාරත්න The Observer පුවත්පතට පවසයි.  ධනපති පංතිය මහින්ද රාජපක්ෂ ආණ්ඩුව සමග ඉතා සමීපව කටයුතු කරමින් සිටින බව ද ‍රාජිත සේනාරත්න පවසයි. එය එසේ විය යුතු ය. ධනපති පංතිය කරන්නේ ව්‍යාපාරයි. නූතන සංදර්භය තුළ දේශපාලකයන්ට සන්තෝසම් නො දී, ඔවුන්ගේ ආශිර්වාද ලබා නො ගෙන පෙට්ටි කඩයක්වත් ඇරිය නො හැකි තත්වයක් රටේ තිබේ. එහෙයින් ධනපති පංතිය සාමාන්‍යයෙන් කවදත් කළ පරිදි, පවතින සංදර්භයන් සමග හැඩ ගැසී සිය ව්‍යාපාර කරගෙන යයි.  ඒ නිසා ඒ ගැන නම් පුදුම විය යුතු නැත.  ධනපති පංතිය කියා අප සාමාන්‍යයෙන් පරිවර්තනය කරන  capitalist class යන වචනයෙන් අදහස් ව න්නේ ධනවත් පංතිය යන්න නො වේ. ධනපති පංතියට ඉංග්‍රීසියෙන්  කියන පරිදි ඔවුහු ප්‍රාග්ධනය ගොඩ ගසන, ආයෝජන කරන, ව්‍යාපාර පවත්වාගෙන යන පංතියකි. ඔවුන් රජයෙන් ස්වායත්ත පිරිසකි. ඔවුහු පංතියක් ලෙස රජයෙන් බලාපොරොත්තු වන්නේ සිය කටයුතු නිදහසේ කරගෙන යා හැකි තර...

(2010 ජුනි 30,  W3Lanka )  මල් නො තලා රොන් ගන්නා බඹරුන් මෙන් බදු අය කරමින්, අප පාලනය කරමින්, රට සංවර්ධනය කරන්නට තුනෙන් දෙකකට කිට්ටු ජන වරමක් සහිතව අතින් අරන් පශ්චාත්භාගයෙන් තබා ගන්නා ලද ආණ්ඩුවේ මංගල අයවැය ඊයේ ඉදිරිපත් කරන ලදී. පහත පළ වන්නේ අප විසින් අය වැය පිළිබඳ ඉතා ගැඹුරින් ආර්ථික විද්‍යාත්මකව කරන ලද විශ්ලේෂණයකි. එය කියවා අවබෝධ කර ගන්න. අයවැය පිළිබඳ සාමාන්‍ය විස්තර වෙනත් වෙබ් අඩවිවල පළ වේ . ඇද්ද අ ප ට හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! ඇද්ද  අ ප ට  හූ! හූ! You may also like to read our English blog   Lanka Polity

(2010 මාර්තු 05- W3Lanka )  රජයේ අයහපත් ආර්ථික කළමනාකරණය හේතුවෙන් ලංකාවේ කොටස් වෙළඳපොළේ මුදල් ආයෝජනය කළ විදෙස් ආයෝජකයන් සිය කොටස් විකුණා දමමින් ඉවත් වෙමින් ඇති බව වාර්තා වේ.  පසුගිය බදාදා දක්වා මේ වසරේ වෙළඳ සැසි 39කින් 31කදී ම ප්‍රධාන විකුණුම්කරුවන් වූයේ විදෙස් ආයෝජකයන් බව රොයිටර් පෙන්වා දෙයි.  විදෙස් ආයෝජකයන් විසින් මේ වසරේ විකුණා තිබෙන කොටස්වල වටිනාකම ඩොලර් මිලියන 44ක් වේ. ජනාධිපතිවරණයේ සිට බදාදා දක්වා විදෙස් ආයෝජකයන් විසින් විකුණා දමා තිබෙන කොටස් වටිනාකම ඩොලර් මිලියන 23කි.  ජාත්‍යන්තර මුල්‍ය අරමුදල විසින් විදේශ සංචිත ශක්තිමත් කර ගැනීම සඳහා ලංකාවට ලබා දෙන ලද ණය මුදලේ ඉදිරි වාරිකය පමා වීම තත්වය තවත් නරක අතට හැරවීමට හේතු වන බව ආර්ථික විශේෂඥයෝ පවසති. ලංකාවේ ආර්ථිකය පිළිබඳ විශ්වාසය නැති වී යාම එයට හේතුවයි. 

(2010 පෙබරවාරි 17- W3Lanka )   ජාත්‍යන්තර මුල්‍ය අරමුදල විසින් ලංකාවේ විදේශ සංචිත අර්බුදය විසඳා ගැනීම සඳහා ලබා දෙන ලද ඩොලර් බිලියන 2.4ක ණය හා අදාළ ඉදිරි වාරික ලබා දෙන්නේ ද යන්න තීරණය කිරීම පිණිස ජාත්‍යන්තර මුල්‍ය අරමුදලේ දූත පිරිසක් අප්‍රේල් මාසයේදී ලංකාවට පැමිණීමට නියමිත ය. ලංකාව දැනට එහි ණය වාරික දෙකක් ලබාගෙන ඇත. මෙම ණය ලබා ගැනීම සඳහා ලංකාව 2009දී අයවැය පරතරය දළ දේශීය නිෂ්පාදිතයෙන් 7%ක මට්ටමක පවත්වාගෙන ගොස් 2011 වන විට එය 5% දක්වා අඩු කළ යුතු ය. එහෙත් 2009දී ලංකාව මෙම ඉලක්ක සපුර ගැනීමට අසමත් වූ අතර අයවැය පරතරය දළ දේශීය නිෂ්පාදිතයෙන් 12%ක පමණ මට්ටමක පැවතුණ බව විශ්වාස කෙරේ. මේ පිළිබද නිවැරදි දත්ත ලබා දෙන මහ බැංකු වාර්තාව නිකුත් වනු ඇත්තේ මාර්තු හෝ අප්‍රේල් හෝ බව මහ බැංකු ආරංචි මාර්ග පවසයි .

(2010 පෙබරවාරි 17- W3Lanka )   ලංකාවේ වෙළඳ ශේෂය 2008 වසරට වඩා 53.5%කින් පහත වැටී ඇති බව මහ බැංකුව පවසයි.  2008දී ඩොලර් බිලියන 5.9ක් වූ වෙළද ශේෂය 2009දී ඩොලර් බිලියන 2.8ක් දක්වා පහත වැටී ඇත. මෙය 2005න් පසු අඩු ම වෙළඳ ශේෂයයි. ආර්ථික අර්බුද හේතුවෙන් ආනයන පහත වැටීම වෙළඳ ශේෂය පහත වැටීමට හේතුව බව ආර්ථික විශ්ලේෂකයෝ පවසති.  මේ අතර ලංකාවේ විදේශ සංචිත ද ඇතුළත් දළ නිල සංචිත ප්‍රමාණය මේ වන විට ඩොලර් බිලියන 5.4 දක්වා ඉහළ ගොස් ඇති බව ද මහ බැංකුව නිවේදනය කර ඇත. ජාත්‍යන්තර මුල්‍ය අරමුදලෙන් ලැබුණ ණය මෙසේ විදේශ සංචිත ඉහළ යාමට දායක වී තිබේ. 

(2010 පෙබරවාරි 15- W3Lanka )   සුළු හා මධ්‍ය පරිමාණ කර්මාන්ත ක්ෂේත්‍රයට ක්ෂණික සහනයක් ලබා නොදුනහොත් 60%ක් පමණ කර්මාන්ත කඩා වැටීමේ අවදානමක ඇති බව සුළු හා මධ්‍ය පරිමාණ කර්මාන්ත මණ්ඩලයේ සභාපති ඇලෝයි ජයවර්ධන මහ බැංකුවේ මුල්‍ය ප්‍රතිපත්ති උපදේශන කමිටුව හමුවේ පෙබරවාරි 11දා ප්‍රකාශ කර තිබේ.  මෙම කර්මාන්තකරුවන් මේ වන විට සියලු දේපල බැංකුවලට ඇප ලෙස තබා හෙවත්  hypothecate කර ඇති  බැවින් රජය බැංකු පොළී අඩු කර තිබියදී පවා මෙම කර්මාන්තවලට අලුතෙන් ණය ලබා ගැනීම දුෂ්කර වී තිබේ. මේ වන විට කලින් ලබා ගත් ණය ආපසු ගෙවීමට අසමත් වීම නිසා බොහෝ කර්මාන්තයන්ගේ දේපල බැංකු විසින් පවරා ගැනීමේ තත්වයක් ඇති වි තිබේ.  ඇලෝයි ජයවර්ධන පෙන්වා දී ඇති පරිදි ඉදිරි දෙවසරක කාලයක් සඳහා ණය ආපසු ගෙවීම් නැවැත්විය හැකි පරිදි හා කම්කරු නීති නො තකා සේවකයන් රැකියාවලින් අස් කළ හැකි පරිදි රජය සුළු හා මධ්‍ය පරිමාණ කර්මාන්තවලට සහන ලබා දිය යුතු ය.  සුළු හා මධ්‍ය පරිමාණ කර්මාන්ත ලංකාවේ ආර්ථිකයෙන් 70%ක් නියෝජනය කරයි. 

( 2010 ජනවාරි 05 -W3Lanka) ලංකාව අයවැය පරතරය සීමා කළ යුතු බව හා ඔලමොට්ටල (reckless) පුනරාවර්තන වියදම්වලින් වැළකිය යුතු බව මහ බැංකු ප්‍රධානී අජිත් නිවාඩ් කබ්රාල් පවසයි.    2010 ආර්ථික ප්‍රතිපත්ති පිළබඳව කොළඹදී පැවති ඉදිරිපත් කිරීමකදී කබ්රාල් මේ බව පැවසූමත් එම ඔලමොට්ටල පුනරාවර්තන වියදම් මොනවාදැයි නිශ්චිතව සදහන් කළේ නැත. එවැනි ඔලමොට්ටල වියදමක් කරන බවක් ඔහුගේ ප්‍රධානියා වන මුදල් ඇමති මහින්ද රාජපක්ෂ ජනාධිපතිවරයා පිළි ගන්නේ ද යන්න ද සැක සහිත ය.  පුනරාවර්තන වියදම් යනු රජයේ එදිනෙදා වියදම් වන අතර ලක්ෂ 12 දක්වා වැඩි කළේ යයි ආණ්ඩුව පාරම් බාන දැවැන්ත රාජ්‍ය සේවයට ගෙවන වැටුප්, විශ්‍රාම වැටුප් හා සුබසාධන වියදම් පුනරාවර්තන වියදම්වලින් විශාල පංගුවකි.  මේ වසරේ මුල් මාස නමය තුළ තුළ රජයේ පුනරාවර්තන වියදම ගිය වසරේ (2008) වාර්තා වූ රුපියල් බිලියන 524.1 ක අගයේ සිට රුපියල් බිලියන 661.5 දක්‌වා සියයට 26 කින් වැඩි වී ඇත. මෙසේ පුනරාවර්තන වියදම් ඉහළ යැමට ප්‍රධාන වශයෙන්ම හේතු වී ඇත්තේ වැටුප් හා වේතන, විශ්‍රාම වැටුප් ගෙවීම් සහ පොලී ගෙවීම් සඳහා රජයට දැරීමට සිදු වූ වියදම් ඉහළ යැමයි.  ...

(2009 දෙසැම්බර් 31 -W3Lanka) ශ්‍රී ලංකා රජයේ ආර්ථික උපදේශකවරයා ලෙස තායිලන්තයේ හිටපු අගමැති තක්ෂින් සිනවත්‍රා පත් කිරීමට නියමිත බව බැංකොක් පෝස්ට් පුවත්පත වාර්තා කරයි. ඔහුට කොපමණ වැටුපක් ගෙවීමට ලංකාව එකඟ වී තිබේ ද යන්න හෙළිදරව් වී නොමැත. සිනවත්‍රා දැනට කාම්බෝජ රජයේ සහ එරට අගමැති හුන් සෙන්ගේ ද ආර්ථික උපදේශක පදවිය දරයි. සිනවත්‍රා අගමැති පදවියෙන් පහ කරනු ලැබූ පසු එරට උසාවියක් විසින් ඉඩම් ගනුදෙනුවකදී කරන ලද වංචාවක් සම්බන්ධයෙන් ඔහු දෙවසරක සිර දඬුවමකට ලක් කළේ ය. ලංකාවේ ජනාධිපතිගේ ආර්ථික උපදේශක පදවියට ඔහු පත් කරනු ලැබීම සඳහා ඒ සුදුසුකම ද අදාළ වීදැයි තවම දැනගන්නට නැත. සංස්කරණය: ‍ලංකාව සිනවත්‍රා ආර්ථික උපදේශක ලෙස පත් කරන්නට යන බවට ඇති වාර්තා නිවැරදි නොවන බව ලංකාවේ රජය දෙසැම්බර් 31දා පැවසීය.