W3Lanka: Praja.lk Backup

කුණු කන වන අලි   මඩකලපුවේ සිත්තාන්ඩි පදිංචි සින්නතම්බි උදය ශ්‍රී පසුගිය පෙබරවාරි 14දා සීගිරිය බැලීමට ආවා ය. එහිදී කැටපත් පවුරේ කුරුටු ගෑමක් කළ වරදට දැන් ඇය දෙවසරකට සිරගෙට නියම වී සිටින්නී ය.  නො දැන කළ වරදට ඇයට සමාව දෙන්නැයි ඇගේ මව කරන ආයාචනයක් අද දිවයින පුවත්පතේ පළ වී තිබේ.  නීතිය නො දැන සිටීම සමාවට කරුණක් නො වන බව නීතියේ මූලික මූලධර්මයකි. උදය ශ්‍රීට සමාව දිය යුතු ද යන්න ගැන ඔබේ අදහස් දැන ගන්නට කැමැත්තෙමි.  මෙහි වෙනත් කාරණා කිහිපයක් තිබේ. ඒවා අදාළ වන්නේ අධ්‍යාපනයට හා සංචරණයටයි.  සීගිරියේ කැටපත් පවුර ගැන උදය ශ්‍රී නො දැන සිටියේ ඇයි? ඇය පාසල් ගියේ නැද්ද? නැතිනම් ඇයට පාසලේ ඒ ගැන ඉගැන්නුවේ නැද්ද?  මෙවැනි ම ප්‍රශ්නයක් ආගම් හා ආගමික ස්ථාන සම්බන්ධයෙන් ද තිබේ. වෙනත් ආගමක පූජකවරයකුට ආමන්ත්‍රණය කළ යුතු හා ගරු කළ යුතු ආකාරය හෝ වෙනත් ආගමක පූජනීය ස්ථානයකදී හැසිරිය යුතු ආකාරය ගැන අවබෝධයක් අපේ පාසල් අධ්‍යාපනය තුළින් දරුවන්ට ලබා දෙනවා ද? බහු සංස්කෘතික රටක් වූ ලංකාවේ වෙනත් සංස්කෘතීන් ගැන පාසල් දරුවන්ට ලැබෙන අධ්‍යාපනයේ බරපතල අඩුපාඩු තිබේ. අඩු තරමේ ගුරුවරු...

ඉරිදා දිවයින පුවත්පතට තරංග රත්නවීර විසින් ලියන ලද මෙම ලිපිය රටේ සියලු පුරවැසියන්ගේ අවධානයට ලක් විය යුතු ය. (කියවන්න: මේ විදිහට සංචාරකයන් සුද්ද කළොත්....? ) පසුගිය දිනෙක ඉතාලි හාම්පුතුන් සමග ලංකාවේ සංචාරය කළ මගේ විදේශගතව සේවය කරන මිතුරකු ද මෙහි සඳහන් කරුණ මට කීවේ ය.  ඔහු සඳහන් කළ එක් කරුණක් වූයේ කිසිදු සුවිශේෂත්වයක් නැති හෝටල් කාමර වෙනුවෙන් අය කරන අධික මිළ යුරෝපයේ ධනවතුන්ට පවා දරා ගත නො හැකි බවයි.  ඒ සමගම ඔහු කී තවත් කරුණක් වූයේ දින කීපයක සංචාරයේදී භාණ්ඩ මිළ දී ගත් කඩ ඇතුළු විවිධ තැන්වලින් ඔහුට ලැබුණු කොමිස් මුදල රුපියල් ලක්ෂයකට අධික වූ බවයි.  ලංකාව දැන් කොමිස්ලන්තයක් වී තිබේ. තමන්ට වාසියක් නැතිව, වෙනත් අයෙකු සමග සිනාසෙන්නටවත් දැන් අපේ රටේ මිනිස්සු සූදානම් නැත.  මෑත වසර කීපය තුළ මේ රටේ දැවැන්ත සංස්කෘතික විපර්යාසයක් සිදු වී තිබේ. ආගන්තුක සත්කාරයට නම් දරා සිටි මේ රටේ මිනිස්සු දැන් ගල්කාසයන්, අංකූරන් ලෙස ලොවට හැඳින්වෙමින් සිටිති.  බුලත් පයියට හෙණ ගැහුවාම හුණු කිල්ලෝටෙ ගැන හොයල වැඩක් ඇතැයි?  අපේ දේශපාලන නායකත්වය ගැන කතා කරලා වැඩක් නැත. ආගමික න...

මැලේසියානු ගුවන් යානය අතුරුදහන් වී වැඩි කලක් යන්නට පෙර තවත් ඛෙදවාචකයක් වාර්තා විය. පෙරළී ගිලී ගිය සෙවොල් නම් දකුණු කොරියානු නෞකාවේ ගමන් කරමින් සිටි මගීහු සිය ගණනක් මිය ගිය හ. මරණ සංඛ්‍යාව තවමත් අවිනිශ්චිත ය. මිය ගිය අයගෙන් වැඩි දෙනෙක් විනෝද චාරිකාවක් යමින් සිටි පාසල් සිසු පිරිසකි. නැවේ සිටි මගීන් 476දෙනා අතරින් 339දෙනෙක් ම පාසල් සිසුවෝ වූ හ. බේරා ගත හැකි වී තිබෙන්නේ 174දෙනෙකු පමණි. නැව පැදවූ 69 හැවිරිදි කපිතාන්වරයා නොසැලකිලිමත් ලෙස වේගය අඩු නොකර නැව හැරවීම මෙසේ පෙරළී ගිලී යාමට හේතුව ලෙස සැක කරනු ලැබේ. අවසන් මගියා ද පිට වීමට පෙර නැවෙන් පිට වී තිබෙන කපිතාන්වරයා මේ වන විට අත්අඩංගුවට ගෙන තිබේ. නැවේ කාර්ය මණ්ඩලයේ 29දෙනෙකුගෙන් 22දෙනෙක් දිවි ගලවා ගන්නට සමත් වූ හ. ඔවුහු වැඩි දෙනෙක් උදව් අවශ්‍යව සිටි මගීන් නො තකා හැර තමන්ගේ දිවි ගලවා ගත් අය වෙති. මෙම නැව යාත්‍රා කරමින් තිබුණේ පසුගිය දිනවල ලංකාවේ විකාශය වූ ජනප්‍රිය කොරියානු ටෙලි නාට්‍යයක් වන චංගුමී චරිතය අඩංගු සුජාත දියණි මාලා නාටකයේ ද සඳහන් වූ ජේජු දිවයින වෙත යාත්‍රා කරමින් තිබියදී ය. කිමිදුම්කරුවෝ සීතල අඳුරු දියේ මළ සිරුරු සොයමින් සි...

ෆිච් රේටිං ආයතනය ලංකාවේ ආර්ථිකය ලෝකයේ අනතුරුදායක ම ආර්ථිකයන් අතරින් එකක් ලෙස නම් කර තිබේ.  රටේ ආනයන වියදම අපනයන ආසායම මෙන් දෙගුණයකි. ඍජු විදේශ ආයෝජන ඩොලර් බිලියනය ඉක්මවූ බවට ආණ්ඩුව පුවත්පත් දැන්වීම් පළ කරමින් ප්‍රකාශයට පත් කළ මුත්, ඒ හා සමාන මුදලක් ආණ්ඩුව රුපියල කෘත්‍රිමව ඉහළ මට්ටමක තබා ගැනීමට ද වැය කර ඇති බව වාර්තා වේ.  රටේ අපනයන බිඳ වැටී ඇත. ආර්ථිකය රැඳී පවතින්නේ බොහෝ දුරට විදේශ ශ්‍රමිකයන් එවන මුදල් හා සංචාරක ක්ෂේත්‍රයේ ආදායම් මත ය. ඍජු විදේශ ආයෝජනවලින් ද සැලකිය යුතු ප්‍රතිශතයක් සංචාරක කර්මාන්තය සඳහා ය.  මේ වසරේදී ලංකාවට සංචාරකයන් 850,000ක් පැමිණි අතර, සංචාරකයන් පැමිණීම වැඩි කර ගැනීමට රජය පියවර රැසක් ගනිමින් තිබේ.  එහෙත්, මහින්ද රාජපක්ෂ පවුලේ බැලයකු වීම නිසා තංගල්ල ප්‍රාදේශීය සභාව පාලනය කරන්නට පත් කර ඇති එක් වගකීම් විරහිත, පල් ම පල් මෝඩයකු වූ පාරම්පරික මැරවරයකු නිසා ලංකාවේ සංචාරක කර්මාන්තයට තදබල පහරක් වැදී ඇත.  මේ දේශද්‍රෝහියා ජාත්‍යන්තර වශයෙන් රටට කර ඇති අවමානය හා ආර්ථිකයට කර ඇති හානිය පිළිසකර කිරීම ලෙහෙසි පහසු නැත. ඒ‍ වෙනුවෙන් මහජන මුදල් රුප...

( 2011 ජනවාරි 02,  W3Lanka )  2010 වසරේත් ලංකාව ඍජු වි‍දේශ ආයෝජන ආකර්ශනය කර ගැනීමෙහි ලා එතරම් සාර්ථකත්වය් පෙන්වා ඇති බවක් නො පෙනේ. ඩොලර් බිලියන එකක ඍජු විදේශ ආයෝජන අපේක්ෂා කළමුත් එම ඉලක්කයට ළං වන්නට හෝ ලංකාව අසමත් විය. වසරේ මුල් මාස හය තුළ ඍජු විදේශ ආයෝජන පසුගිය වසර හා සාපේක්ෂව ගත් තල 15%කටත් වඩා අඩු විය. ලංකාව ආයෝජකයන්ට දුන් විසි වසරක බදු නිවාඩුව අවලංගු කිරීම ද මෙයට එක් හේතුවක් වන්නට ඇති මුත්, ලංකාව පැත්තෙන් ගත් කල එහි වරදක් නැත.  වීසා සඳහා මුදල් අය කරන්නට හා ලංකාවෙන් පිටරට යන මිනිසුන්ට පහසුවෙන් එසේ කිරීමට ඉඩකඩ සලසා ඇති සිංගප්පූරුව හා මාලදිවයින යන දෙරටට හැර සෙසු රටවලට ලංකාවට පැමිණ වීසා ලබා ගත හැකි  පහසුව අත්හිටුවීමට රජය ගෙන ඇති පියවර සංචාරක ක්ෂේත්‍රයේ ව්‍යාපාරිකයන්ගේ විවේචනයට ලක් වී ඇති මුත්, එය රටේ අභිමානය ඉහළ නංවන, එසේ ම, වගකීමක් ඇති සංචාරකයන් මෙරටට ගෙන්වා ගැනීමට ඉවහල් වන පියවරක් ලෙස සැලකිය හැකි ය.  කෙසේ වෙතත්, වසර අවසන් වන විට, විශේෂයෙන් ම සංචාරක ක්ෂේත්‍රයේ ප්‍රබෝධයක් ඇති වන ලකුණු දක්නට ලැබේ. සංචාරකයන්ගේ පැමිණීම වර්ධනය වී ඇති අතර, සංචාරක ක්ෂේත්‍රය...

(2010 අප්‍රේල් 02- W3Lanka  )   සිරසට ගල් ගැසූ සිංහල බෞද්ධ මූලධර්මවාදී පක්ෂයකට සම්බන්ධ පිරිස් සමග එක්ව ආණ්ඩුව ඒකොන්ගේ කොළඹ සංදර්ශනය කඩාකප්පල් කිරීමෙන් පසු මාලදිවයින එම සංදර්ශනය මාලේහිදී පැවැත්වීමට සැරසෙන බව දැනගන්නට තිබේ. මෙයින් වඩාත් ම කලකිරීමට පත්ව තිබෙන්නේ යන්තම් හිස ඔසවමින් සිටි සංචාරක කර්මාන්තයයි. මාලදිවයිනට සංචාරක කර්මාන්තයෙන් හරි ගියේ ප්‍රධාන වශයෙන් ම ලංකාවේ යුද්ධය නිසා ය. ලංකාවේ යුද්ධය නැති වීම සංචාරක කර්මාන්තයේදී මාලදිවයිනට පහරකි. මන්ද එරටට එන්නට සිටි සංචාරකයන් අතරින් පිරිසක් ලංකාවට යන හෙයිනි. අනෙක් පැත්තෙන් මාලදිවයින මුස්ලිම් රටක් වන අතර ලංකාවේ බහුතරයක් බෞද්ධ පිරිමි පෝයටවත් පන්සල් යන්නේ නැත. එහෙත් මාලදිවයිනේ වාසනාවට එරට ලංකාවේ තරම් තක්කඩි දේශපාලන පක්ෂ නැත. ඒකොන්ගේ සංදර්ශනය මාලදිවයිනේ තැබීමෙන් ඒ රට ලංකාවට එල්ල කරන්නේ කණේ පාරකි. සංචාරක කර්මාන්තය ප්‍රවර්ධනය කරන්නේ සංචාරකයන් වෙනුවෙන් මිස හොරෙන් නිල් චිත්‍රපට බලන ලංකාවේ හොර උපාසකයන් වෙනුවෙන් නොවේ.  අනෙක ඒකොන්ගේ සංදර්ශනය සංවිධානය කරන්නට මුල් වූයේ සංචාරක ප්‍රවර්ධන කාර්යාංශය හා ශ්‍රී ලංකන් ගුවන් සේවය වැනි ර...

(2010 මාර්තු 27- W3Lanka  )  සංචාරක ඇමති අචල සුරංග ජාගොඩ ඒකොන් සංදර්ශනය ගැන ලංකාවේ මාධ්‍යවලට කුමක් කීව ද ප්‍රංශ පුවත් සේවයට නම් ඇත්ත කියා ඇත. ඔහු කියනනේ මෙසේයි: Sri Lanka lost a "priceless" promotional opportunity by banning the US star Akon from performing at a concert in Colombo following protests from Buddhist monks, the tourism minister said Thursday. The rapper's concert on April 24 was blocked after monks complained about his "Sexy Bitch" music video featuring women in bikinis dancing around a pool. A Buddha statue was visible briefly in the background. "We were expecting about 5,000 to 6,000 tourist from India, Maldives and Malaysia to watch the show. The mileage we would have got would have been priceless," Achala Jagoda told reporters in Colombo. ඉන්දියාව, මාලදිවයින, මැලේසියාව වැනි රටවලින් මෙම සංදර්ශනය බැලීම සඳහා 5000ක් 6000ක් සංචාරකයන් එන්නට සිටි බවත්, මෙම සංදර්ශනයෙන් ලැබෙන්නට තිබුණු දේ මිළ කළ නොහැකි බවත් අචල කියයි. ඇත්ත ද එයයි.  ඒකොන්ට ව...

(2010 පෙබරවාරි 16- W3Lanka )   ශ්‍රී ලංකා සංචාරක හෝටල් සංගමයේ දත්ත අනුව සංචාරක කර්මාන්තයේ හොඳ ම මාසයක් වන ජනවාරියේදී ලංකාවට පැමිණී සංචාරකයන් ගණන 50,750ක් වූ අතර එය 2009 වසරට සාපේක්ෂව 32% ක වර්ධනයකි.  මෙම සංචාරක වෙළඳපොළ ප්‍රධාන වශයෙන් සැදුම් ලැබුවේ බ්‍රිතාන්‍ය සංචාරකයන් 24.6%කින් ජර්මානු සංචාරකයන් 53%කින් හා ඉන්දියානු සංචාරකයන් 73.5%කිනි.  දිවයින පුරා සෑම වර්ගයක ම හෝටල්වල කාමර වෙන් වීම 55% ඉක්මවා තිබිණි. පෙබරවාරි මාසයේදී තත්වය තවත් යහපත් අතට හැරෙනු ඇතැයි සංගමය බලාපොරොත්තු වෙයි.  යුද්ධය අවසන් වීම සංචාරක කර්මාන්තයේ වර්ධනයට ඉවහල් වී තිබේ. එහෙත් තිරසාර සාමයක් සදහා අවශ්‍ය දේශපාලන විසඳුමක් වෙනුවෙන් ක්‍රියාමාර්ග ගැනීම පමා වීම කර්මාන්තයේ නැඟීම සීමා කිරීමට හේතු වනු ඇත.  මේ දිනවල දේශීය සංචාරකයන් දිගු කලක් පිපාසයෙන් සිටියවුන් සේ යාපනයට දුවන අතර දීර්ඝ කාලීන යුද්ධයේ ආදීනවවලින් යන්තමින් අත්මිදෙමින් සිටින අර්ධද්වීපයට දරා ගත නො හැකි තරම් සංචාරකයන් පිරිසක් සති අන්තවලදී ඇදී එති. බොහෝ දුරට දකුණෙන් පැමිණෙන සිංහලයන් වන මෙම සංචාරකයන්ගේ ස්ථාන නැරඹීමේ තදියම විසින් ම තත්වයේ අ...