W3Lanka: Praja.lk Backup

ඉල් මහා විරුවන් නම් මල් වට්ටිය වෙන්දේසි කරන ප්‍ර‍ධාන සල්පිල් තුනක් කොළඹ තිබේ. එකක් සෝමවංශ + වීරවංශ විසින් ඊයේ පවත්වන ලදී. අනෙක් දෙක ජවිපෙ හා පෙසප විසින් අද දින පවත්වනු ඇත.  මේ තුන්ගොල්ල ම කියන්නේ අනෙක් අය වැරදි හා තමන් පමණක් හරි බවයි. මේ අය හා සෙසු වාමාංශික පක්ෂ ද වැරදි බව හා තමන් පමණක් ම හරි යයි කියන තවත් වාමාංශික පක්ෂ ද රැසක් තිබේ. මුළු ලෝකය ම වැරදියි, තමන් විතරක් හරි ය කියන වාමාංශික තනි පුද්ගලයෝ ද සිටිති. එහෙත්, මම නම් දකින්නේ මතවාද යනු සංවාදයක් බව හා එහි වැරදි නිවැරදිබව විනිශ්චය කළ හැකි එක ම බලවතා ඉතිහාසය පමණක් බවයි.  පවත්නා ක්‍ර‍මයට එරෙහිව අරගල කිරීම සංවර්ධනය සඳහා ඉවහල් වේ. පවත්නා ක්‍ර‍මය විසින් එවැනි අරගල හඳුන්වන්නේ කැරැලි කියා ය. එමගින් ඒවා මර්දනය කරනු ලැබේ. එහෙත් කැරැලි ගැසීම නරක දෙයක් නො වේ. ඉතිහාසයේ ගමන් මග වෙනස් වී ඇත්තේ එවැනි කැරැලි නිසා ය.  පවත්නා ක්‍ර‍මයට එරෙහිව කැරැලි ගැසීම මහත් වගකීමකින් යුත් භාරදූර කර්තව්‍යයකි. අරගලය සාර්ථක කර ගැනීමට නම් එයට ජනතාවගේ ප්‍ර‍ධාන හා වැදගත් බලවේගවල සහයෝගය දිනා ගැනීමේ හැකියාව තිබිය යුතු ය.  මාක්ස්වාදී අරගල කම්කරු ...

විශ්ව විද්‍යාල ආචාර්යවරුන්ගේ ප්‍රශ්නය විසඳීම සඳහා ස්වේච්ඡාවෙන් ඉදිරිපත් වී ඇති අලුත්ම චරිතය ආචාර්ය මර්වින් සිල්වා ය.  ඔහු ඒ සඳහා මැදිහත් වන්නට කැමති බව විශ්ව විද්‍යාල ආචාර්යවරුන්ගේ සංගමයට දැනුම් දී ඇත.  මර්වින් සිල්වා මීට පෙර මෙවැනි ප්‍රශ්න කොපමණ ප්‍රමාණයක් විසඳා ඇද්ද යන්න අපි නො දනිමු.  අප‍ සිතන පරිදි නම් මර්වින් සිල්වා යනු බරපතල ප්‍රශ්නයක් මිස කිසිදු ප්‍රශ්නයකට විසඳුමක් නො වේ.  මර්වින් සිල්වා යනු ආචාර්ය යන පට්ටම නමට ඉදිරියෙන් යොදන කෙනෙකි. මෑත යුගයේ බිහි වූ හොඳ විද්‍යාර්ථියකු යයි අප සිතන ආචාර්ය නිර්මාල් රංජිත් දේවසිරි හෝ ඒ තරමට සිය ආචාර්ය උපාධිය ප්‍රදර්ශනය නො කරයි.  මර්වින් සිල්වාට මෙවැනි ප්‍රශ්නවලට මැදිහත් වීමට ලජ්ජාවක් නැතිකම තරම් ලංකාවේ සමාජ පරිහාණිය පිළිබඳ ප්‍රකාශයක් තවත් නැත.  කෙසේ වෙතත්, ආචාර්ය නිර්මාල් රංජිත් දේවසිරිට ආචාර්ය මර්වින් සිල්වා හමු වීම නාට්‍යමය වශයෙන් රසවත් ය. මීළඟ දෙබස් ඛණ්ඩය ඇත්තේ ආචාර්ය නිර්මාල්ට ය. ඔහු නිහඬ ය. ඇයි? කන්න ඕනැ වුණා ම කබරගොයාත් තලගොයා වෙනවා ද?  සරසවි ආචාර්යවරුන්ගේ සටන හුදු වැටුප් සටනක් නො වන බව ඔබ කීවා...

(2011 මැයි 19,   W3Lanka )   2011 වසරේ අලුතෙන් සරසවියට ඇතුල් වන සිසුන්ගේ ඉසෙඩ් ස්කෝර් ලකුණු නිකුත් වන්නටත් පෙර 20,000ක් වූ කණ්ඩායමෙන් 10,000ක් 23දා සිට නායකත්ව පුහුණු හා ධනාත්මක ආකල්ප වර්ධන පාඨමාලාවකට හමුදා කඳවුරු 28කට කැඳවා තිබේ.  මෙම ‍ඓතිහාසික පුහුණුව ආරම්භ වන්නේ ජනාධිපතිතුමාගේ මූලිකත්වයෙන් ජනාධිපති මන්දිරයෙනි. එයට සහභාගි වීම අනිවාර්ය වේ. වලංගු හේතුවක් නොමැතිව සහභාගි නො වන්නන්ට සරසවි දොර වැසේ. ඒ නිසා එයට අකැමැති විය නො හැකි ය. කැඳවුම් ලිපියට අනුව, මෙම පාඨමාලාවට සහභාගි වූවා කියා සරසවිවලට අනිවාර්යයෙන් ම බඳවා ගන්නේ ද නැත.  උසස් අධ්‍යාපන ඇමතිවරයා වරින් වර කියා ඇති පරිදි මෙය නවක වධය වැළැක්වීමේ පියවරකි. ලංකාවේ සරසවිවල ඇති ලොකු ම ප්‍රශ්නය නවක වධය ද?  මේ කරන්නේ ඇතැම් විට නවක වධය ආණ්ඩුවේ තනි බුක්තියට පවරා ගැනීමක්දැයි සැක සිතේ. ආණ්ඩුව සිතන්නේ ජවිපෙ නවක වධය හරහා සිසුන්ගේ මොළ සෝදා අන්තරේට බඳවා ගන්නවා කියා ද? ඒ නිසා දැන් ඔවුහු ඒ වැඩේට තමන් ම බැස ඇතිවා වන්නට ද පුළුවන.  යුද්ධයෙන් පසු හමුදාවටත් ඒ තරම් වැඩක් නැත. රණවිරු රියල් ස්ටාර් වැඩසටහනට ද ප්‍රේක්ෂක ප...

(2011 අප්‍රේල් 22,   W3Lanka )  මැයි මාසයේ සිට සරසවියට අලුකින් ඇතූළත් වන සිසුන්ට හමුදාව ලවා නායකත්ව පුහුණුවක් දීමට උසස් අධ්‍යාපන ඇමති එස්.බී. දිසානායක සැලසුම් කර තිබේ. සරසවි සිසුන්ට හමුදාව විසින් සපයන නායකත්ව පුහුණුවක් අවශ්‍ය ද යන්න මතභේදයට තුඩු දී ඇත. නායකත්ව පුහුණුවක් සරසවි සිසුන්ට සපයන්නට විශ්ව විද්‍යාල අාචාර්යවරුන්ට බැරි ඇයි? තමන්ට වන අවමානය පවා නො තකමින් බත් කෑමට හා තමන්ගේ වැටුප් ප්‍රශ්නය ගැන කතා කිරීමට පමණක් කට අරින විශ්ව විද්‍යාල ආචාර්යවරුන් නම් ඊනියා බුද්ධි මණ්ඩලයක් සිටින රටක මෙවැනි විකාර සිදු වීම පිළිබඳ පුදුම විය යුතු නැත.   අපට වැටහෙන අන්දමට නම්, මේ වනාහි මෙතෙක් ජ්‍යේෂ්ඨ ශිෂ්‍යයන් විසින් කරන ලද නවක වධය ද ආණ්ඩුව සියතට ගැනීම සඳහා යොදන උපායකි. සිසුන්ගේ මොළ සෝදා අන්තරේට සහාය දිනා ගැනීම පිණිස සිසුන් නවක වධය යොදා ගන්නා නිසා එය අනෙක් පැත්තට පාවිච්චි කර තමන්ට සිසු සහයෝගය දිනා ගැනීම සඳහා මෙම නව නවක වධය හෙවත් නායකත්ව පුහුණුව යොදා ගැනීමට ආණ්ඩුව සැලසුම් කර ඇති බව පෙනේ. අයිතිවාසිකම් දිනා ගන්නට තමන් යටතේ සටන් කළ යුතු බවට අන්තර් විශ්ව විද්‍යාල ශිෂ්‍ය බල මණ්ඩලය නවක ...

(2011 පෙබරවාරි 09,  W3Lanka ) සාමාන්‍ය රටකට නම් උගතුන් ආශිර්වාදයකි. එහෙත් ආසියාවේ ආශ්චර්යය වන ලංකාවේ රජයට නම් උගත්තුතු මළ වධයකි. විශ්ව විද්‍යාල ප්‍රතිපාදන කොමිෂම විසින් නිකුත් කර තිබෙන චක්‍රලේඛයක් අනුව දැන් සියලු විශ්ව විද්‍යාලවල බාහිර උපාධි සඳහා සිසුන් ලියාපදිංචි කිරීම අත්හිටුවා තිබේ. ඒ වගත් මෙසේ ය: ලංකාවේ විශ්ව විද්‍යාල විසින් බඳවා ගනු ලබන්නේ අ.පො.ස. උසස් පෙළ සමත් වන සිසුන්ගෙන් තුනෙන් පංගුවකටත් අඩු සුළු පිරිසකි. බලාපොරොත්තු සුන් වූ සෙසු පිරිසගෙන් කොටසක් බාහිර උපාධි සඳහා ලියාපදිංචි වෙති. වැඩි දෙනෙකු හදාරන්නේ කලා විෂය ධාරාවයි. විද්‍යා, වානිජ්‍ය විෂය ධාරාවන්ගෙන් බාහිර උපාධි ලබා ගැනීම ඉතා අඩු මට්ටමක පවතී. විශ්ව විද්‍යාල ආචාර්යවරුන් විසින් පවත්වාගෙන යනු ලබන බාහිර කලා උපාධි කඩවල කරන්නේ සටහන් දීමයි. ඒ සටහන් කට පාඩම් කරගෙන විභාගවලදී උත්තර ලිවීමෙන් බාහිර උපාධියක් ලබා ගත හැකි ය. උපාධිය බාහිර වුණා ය කියා එහි සහතිකයේ මුහුණ වටිනාකම අඩුවක් නැත. උපාධිධාරීන්ට රජයේ රැකියා දෙන විට බාහිර උපාධිධාරීන්ට ද ඒවා හිමි වේ. අභ්‍යන්තර කලා උපාධිධාරීන් ද කරන්නේ සටහන් කට පාඩම් කරගෙන උත්තර ලියා උපාධි...

හමුදාවේ විවාහ චාරිත්‍රයක් අජන්ත මෙන්ඩිස් මනමාලයා උඩ විසි කිරීම ( 2011 ජනවාරි 09,  W3Lanka )  විශ්වවිද්‍යාල වරම් ලබන සිසුන් සරසවි වෙත ඇතුළත් කර ගැනීමට පෙර හමුදා කඳවුරු තුළදී සති තුනක පුහුණුවක් ලබාදීමට අපේක්ෂා කරන බව උසස් අධ්‍යාපන අමාත්‍ය එස්.බී. දිසානායක ජනවාරි 05දා කොළඹ පැවැති මාධ්‍ය හමුවකදී කියා සිටියේ ය. ඔහු කීවේ නායකත්ව ගුණාංග වර්ධනය කිරීමේ අරමුණින් එම සිසුන්ට අදාළ පුහුණුව ලබාදෙන බවයි. හමුදාවට නායකත්වය දුන් හිටපු හමුදාපති දරත් ෆොන්සේකා දැන් හිරේ ය. නායකත්ව පුහුණුව යයි කියන්නේ ඔහු සේ වන්නැයි කීම නො විය හැකි ය. අජන්ත මෙන්ඩිස්ගේ මනාලිය උඩ විසි කිරීම බොහෝ ඇමතිවරු මෙවැනි කතා කියති. බොහෝ විට ඒවා වදාරන්නේ පූර්ව අධ්‍යයනයකින් තබා සිතා බැලීමකින් පවා තොරව ඔහේ කටට එන්නන් වාලේ ය. මෙය ද එවැන්නක් විය හැකි ය. මතභේදාත්මක අදහසක් ප්‍රකාශ කළ විට අදාළ ඇමතිවරයා වෙත ජනමාධ්‍ය අවධානය යොමු වේ. අපි ද ඒ ගැන බ්ලොග් ලියන්නෙමු. අද කාලේ හැටියට දේශපාලනය කරනවා කියන්නේ මාධ්‍යවල පුවත් මවන්නකු වීමයි. ඒ නිසා අදාළ අදහස ක්‍රියාත්මක වුණත්, නො වුණත් එකී ඇමතිවරයාට හානියක් වන්නේ නැත. මෙවැනි අදහසක් ගෙන...

වලිගය විසින් බල්ලා වැනීම (2010 මැයි 07 -  W3Lanka )  ලංකාවේ උසස් අධ්‍යාපනයේ තිබෙන ලොකුම ප්‍රශ්නය කුමක්ද? ඇමති සුමනසිරි බංඩා දිසානායකට අනුව නම් මෙරට විශ්ව විද්‍යාලවල පාඨමාලා මුදලක් ගෙවා හදරන්නට විදේශ සිසුන්ට අවස්ථාව නොදීමයි. ජයවර්ධනපුර විශ්ව විද්‍යාලයේ කුලපති මහාචාර්ය බෙල්ලන්විල විමලරතන හිමිට අනුව නම්, පෞද්ගලික විශ්ව විද්‍යාල නැතිකමයි. පෞද්ගලික විශ්වවිද්‍යාල පිහිටුවීමට එරෙහිව විරෝධතා ඇති වුවත් එම විරෝධතාවන්ට මුහුණ දිය යුතු යෑයිද උන්වහන්සේ කියති. මේ කරුණු හෙළිදරව් වුණේ උසස් අධ්‍යාපන ඇමති එස්.බී. දිසානායක සිය ධුරයේ වැඩ භාර ගත් අවස්ථාවේ ය. ලංකාවේ විශ්ව විද්‍යාලවල තිබෙන ලොකු ම ප්‍රශ්නය ලෙස අප නම් දකින්නේ ලංකාවේ මහජන මුදල්වලින් නඩත්තු වන මෙම ආයතන පද්ධතිය සමස්තයක් ලෙස ගත් විට රටේ අනාගත සුබසිද්ධිය සඳහා ඉවහල් වන දැනුමක් නිෂ්පාදනය කිරීමේ ලා අසමත් වීමයි.  දැන්, දැන් ලංකාවේ ඇමතිලාගේ පමණක් නොව ඔවුන්ට පිරිත් නූල් බඳින භික්ෂූන්ගේත් නාඩි වැටෙන්නේ ලෝක බැංකුවේ පදයට බව පෙනේ. පරිස්සම් වන්න. හොඳ හොඳ සෙල්ලම් එළි වන ජාමෙට!