W3Lanka: Praja.lk Backup

ගිලෙන නැවෙන් මීයෝ පැන යති. ආණ්ඩුව නම් නැව ගිලෙන්නට පටන් ගෙන නැතිමුත්, එය හොඳට ම අබලන් ය. කොයි මොහොතක හෝ වතුර කාන්දු වීම ආරම්භ වන්නට පුළුවන. එබැවින් බුද්ධිමත් මීයෝ පැන යා හැකි මං කල් ඇතිව සැලසුම් කර තබති.  බුද්ධිමත් ම මීයෝ වනාහි ජාතිම ජාතිවාදියෝ ය. විමල් වීරවංශ පක්ෂයත්, ජාතික හෙළ උරුමයත් පළාත් සභාවලට විරුද්ධ ය. වඩාත් නිවැරදිව කීවොත්, උතුරු පළාතේ දෙමළ වැසියන් වෙනුවෙන් පළාත් සභා මැතිවරණයක් පවත්වනවාට‍ විරුද්ධ ය.  මේගොල්ලන්ගේ පිටවීමේ දොරටුව තිබෙන්නේ මෙතැන ය. පිටවීමේ මාර්ගය එළිපෙහෙළි කර ගැනීම සඳහා ජාතික හෙළ උරුමය පළාත් සභා අහෝසි කරන 19වන ආණ්ඩුක්‍රම ව්‍යවස්ථා සංශෝධන යෝජනාවක් පෞද්ගලික මන්ත්‍රී යෝජනාවක් ලෙස ගෙනැවිත් තබන්නට ද කටයුතු කර තිබේ.  සැප්තැම්බරයේ පළාත් සභා මැතිවරණය ගෙවන කිව්ව ද දැන් ජනාධිපතිවරයා ඒ ගැන සද්දයක් නැත. සැප්තැම්බරයේ පැවැත්වෙන පළාත් සභා මැතිවරණයක් බලාගෙන දෙමළ ජාතික සන්ධානය සූදානම් වෙමින් සිටියි. මේ සැප්තැම්බරය මාස කීපයකින් එහාට යන්නට පුළුවන. ආණ්ඩුව ජාතික ගැටලුව සම්බන්ධයෙන් අනුගමනය කළ ජාතිවාදී ප්‍රතිපත්තිය වන්නේ 'දෙමළුන්ට කිසිවක් නො දෙන්නනෙමු' යන්නයි. එය එ...

ජාතික හෙළ උරුමයට හා ජාතික නිදහස් පෙරමුණට පාඩු ලබන හා අසාර්ථක ව්‍යාපාර රජයට පවරා ගැනීමේ හෙවත් ඌණ ක්‍රියාකාරී ව්‍යවසායන් සහ ඌන උපයෝජිත වත්කම් පුනරුදය කිරීමේ පනතට විරුද්ධව ඡන්දය දීම සඳහා කශේරුකාවක් නොමැති වීම නිසා ජාතියේ පිනට පහළ වූ පාඨලී චම්පික රණවක, විමල් වීරවංශ වැනි වීරෝදාර මන්ත්‍රීවරු ඡන්ද විමසන වේලාවේ පාර්ලිමේන්තුවේ වැසිකිළිවල හැංගුණ බව වාර්තා වේ. හෙට අනිද්දා මහ තැන මේ පිළිබඳව විමසූ කල ඒ වෙලාවේ තමන්ට මාර බඩේ අප්සෙට් එකක් ආ බව කියන්නට එතුමන්ලාට පුළුවන. ඕනෑ නම් වෙද මහත්තයකුගෙන් මෙඩිකල් එකක් ඉදිරිපත් කරන්නට ද පුළුවන. ඒ වුණාට, හෙට අනිද්දා වන විට උන්නැහේලාගේ අමාත්‍යංශවල දූෂණ පිළිබඳ හෙළිදරව් මාධ්‍ය මගින් ප්‍රචාරය වන විට නම් ඇත්තට ම බඩ බුරුල් වෙනු ඇත. ඒ වුණාට........................... අතීසාරෙට අමුඩෙ ගැහුවාට වැඩක් නැත. මේ ලිපියට ඔබ කැමති නම් වෙන අයත් එක්කත් බෙදා ගන්න

(2010 අප්‍රේල් 10 -  W3Lanka )  ජනතා විමුක්ති පෙරමුණේ දිළිඳු මිනිසුන්ගේ ධනයෙන් හා මහන්සියෙන් පාර්ලිමේන්තුවට තේරී පත් වී ජනවරම පාවා දී වර දාන වෙනුවෙන් ආණ්ඩුවට එක් වී මෙවර මැතිවරණයේදී එක්සත් ජනතා නිදහස් සන්ධානයෙන් තරග කළ හිටපු ඇමති නන්දන ගුණතිලක හා ජාතික නිදහස් පෙරමුණේ මන්ත්‍රීවරු 14ක් මෙවර පරාජයට පත් වී තිබේ.  ඔවුන් පරාජයට පත් වන්නේ 1994දී ඔවුන් පාර්ලිමේන්තුවට ගසාගෙන ආ රැල්ලටත් වැඩි රැල්ලක් සන්ධානයට තිබියදී වීම විශේෂයකි. අනූ හතරේ රැල්ලෙන් පාර්ලිමේන්තුවට පා වී ආ පොල් කෝම්බ වැඩි හරියක් ආපසු මුහුදට ම ගසාගෙන ගොස් ඇත.  පීඩිත ජනයා අතරින් පාර්ලිමේන්තුවට පැමිණි විමල් වීරවංශ, විජිත හේරත්, සුනිල් හඳුන්නෙත්ති, අජිත් කුමාර හා වීරකුමාර දිසානායක යන මන්ත්‍රීන්ට පමණක් නැවත තේරී පත් වන්නට හැකියාව ලැබුණේ ඔවුන් කැන්ටිමෙන් කෑමට වඩා වැදගත් කාර්යයන්වල නියැලුණ නිසා යයි අපි විශ්වාස කරමු. ඔවුන්ට අපේ සුබපැතුම්! ජාතික නිදහස් පෙරමුණෙන් තේරී පත් වී තිබෙන්නේ කොළඹ දිස්ත්‍රික්කයෙන් තරග කළ විමල් වීරවංශ හා අනුරාධපුර දිස්ත්‍රික්කයෙන් තරග කළ වීරකුමාර දිසානායක පමණි.  මොනරාගල දිස්ත්‍...

(2010 ජනවාරි 12 -W3Lanka) ජනතා විමුක්ති පෙරමුණෙන් පාර්ලිමේන්තුවට පත් වී විමල් වීරවංශ සමග ජාතික නිදහස් පෙරමුණෙන් ආණ්ඩුවට එක් වී නන්දන ගුණතිලකගෙන් පැහැර ගනු ලැබූ සංචාරක ඇමති ධුරය හොබවන අචල සුරංග ජාගොඩ දිනපොත් 20,000ක මුද්‍රණ වියදම් සංචාරක ප්‍රවර්ධන කාර්යාංශයෙන් ලබා ගැනීමට දරන ලද තැත සංචාරක අමාත්‍යංශයේ ලේකම් ජෝර්ජ් මයිකල් වළක්වා ඇති බව වාර්තා වේ.  අචලගේ දිනපොත් සඳහා වියදම රු. ලක්ෂ 82කි. එය ඔහුගේ මැතිවරණ ව්‍යාපාරය වෙනුවෙන් යොදා ගැනීම සඳහා මුද්‍රණය කරන ලද්දක් වීම මෙසේ මුදල් නො ලැබීමට හේතුව වී ඇති බව වාර්තා වේ.  මේ අතර මහින්ද රාජපක්ෂගේ ජනාධිපතිවරණ ප්‍රචාරක ව්‍යාපාරයේ කොටසක් ලෙස ජනවාරි 15දා වවුනියාවේදී සංචාරක අමාත්‍යංශයේ අරමුදල්වලින් රු. ලක්ෂ 150ක් වැය කර තයිපොංගල් සමරු වැඩසටහනක් කිරීමට ජාගොඩ ඇමතිවරයා කර ඇති සැලසුම පිළිබව ලේකම්වරයා විසින් මැතිවරණ කොමසාරිස් දැනුවත් කර තිබේ.  එම වැඩසටහන නවත්වන ලෙස මැතිවරණ කොමසාරිස්වරයා උපදෙස් දී ඇතත් ජාගොඩ ඇමති එය නොතකා කටයුතු කරන බව ද වාර්තා වේ. 

(2009 දෙසැම්බර් 22 - W3Lanka ) ජ නාධිපති මහින්ද රාජපක්ෂ ඡන්දය දිනුවොත් සහ ඊළඟ පාර්ලිමේන්තුව යටතේ ජාතික නිදහස් පෙරමුණේ නායක විමල් වීරවංශ අධිකරණ, නීති ප්‍රතිසංස්කරණ හා ව්‍යවස්ථා කටයුතු ඇමති පදවියට පත් වීමට නියමිත බව දේශපාලන ආරංචි මාර්ග පවසයි.  ජනාධිපතිවරණය කැඳවීමෙන් පසු රජයට නීති උපදෙස් ලබා දීමේ ප්‍රමුඛයා වී ඇත්තේ වීරවංශ ය. ඔහුගේ නීති මොළය ඉදිරියේ නීතිය පිළිබඳ මහාචාර්ය ජී.එල්. පීරිස් පවා හිරු දුටු කදෝපැනියෙකු සේ පසුබසින බව ආණ්ඩුව ගැන හොඳට ම දන්නා අය පවසති. හදිසි පනතක් ලෙස මැතිවරණ සංශෝධන පනත පාර්ලිමේන්තුවට ගෙනැවිත් තුනෙන් දෙකේ වැඩි ඡන්දයෙන් සම්මත කර ගතහොත් දැනට සන්ධානයේ සිටින සියලු මන්ත්‍රීන් ඊළඟ පාර්ලිමේන්තුවෙන් ගොඩ දාගෙන තුනෙන් දෙකේ බලයක් ගොඩනඟාගත හැකි බව වීරවංශ මෑතදී රජයට උපදෙස් දුන්නේ ය. ඔහුගේ අලුත් ම උපදේශය වන්නේ හිටපු හමුදාපති හා දැන් විපක්ෂයේ ජනාධිපති අපේක්ෂක සරත් ෆොන්සේකා යුද්ධාධිකරණයට කැඳවා යුද නීතිය යටතේ දඬුවම් ලබා දිය යුතු බවයි. එයට හේතුව එක්සත් ජාතීන්ගේ සංවිධානය රජයට ලියුමක් එවා ඇත්තේ ඔහු සන්ඩේ ලීඩර් පුවත්පතට කළ ප්‍රකාශයක් පදනම් කරගෙන වීමයි. ඒ ඔස්සේ ඔහු ජනාධිපති ත...

(2009 දෙසැම්බර් 08 - W3Lanka )  තම බිරිඳ විසින් ඉදිකිරීමට යන නිවස සඳහා යොදාගන්නේ නීත්‍යානුකූල ඉපැයීම් බවත් එසේ නොවේ යෑයි ඔප්පු කළහොත් තමා මන්ත්‍රී ධුරයෙන් ඉල්ලා අස්‌වීමට සූදානම් බවත් ජාතික නිදහස්‌ පෙරමුණේ සභාපති පාර්ලිමේන්තු මන්ත්‍රී විමල් වීරවංශ මහතා ඊයේ (07) පක්ෂ මූලස්ථානයේ පැවති පුවත්පත් සාකච්ඡාවකදී පැවැසීය.  තමාට අයත්ව තිබූ මාවරමණ්‌ඩියේ නිවස විකුණූ මුදලින් නව ඉඩම මිලදී ගත් බවත් පෙර නිවස ජනතා විමුක්‌ති පෙරමුණේ සිටි කාලයේ පටන් තමන්ට අයත්ව තිබූ බවත් ආරක්‍ෂාව පිළිබඳ ප්‍රශ්නයක්‌ මත එය විකිණීමට සිදු වූ බවත් ඔහු පැවසීය. බිස්නස් කරන්නේ, ගෙවල් හදන්නේ තමන් නොව බිරිඳ බව කීම අනාදිමත් කාලයක සිට දේශපාලකයන් අතර ප්‍රචලිත තර්කයකි. එහෙත් එය නීත්‍යානුකූල ය. ජවිපෙ මන්ත්‍රීවරු පඩි නො ගනිති. පඩිය පක්ෂයට දී වියදම් ලබා ගනිති.  මේ දෙක ම එක හා සමාන වීමට ද පුළුවන. විමල් වීරවංශ සත් වසරක් මන්ත්‍රීකම් දැරුවේ ඒ අන්දමිනි. ඔහු වැටුප සියතට ගන්නට පටන් ගත්තේ ජවිපෙන් අස් වූ දා පටන් ය.  මේ වැටුප ගැනීමට ඇත්තට ම ඔහුට අයිතියක් නැත. මක් නිසා ද යත්, ඔහු ඇතුළු සියලු ජවිපෙ මන්ත්‍රීවරුන් ඡන්දය ඉල්ල...

(2009 දෙසැම්බර් 03 - W3Lanka ) පසුගියදා ලොකු සද්දයක් දමාගෙන ජනතා විමුක්ති පෙරමුණෙන් ඉල්ලා අස් වූ බව නිවේදනය කළ හිටපු මධ්‍යම කමිටු සාමාජිකාවක හා සමාජවාදී කාන්තා සංගමයේ ජාතික සංවිධායිකා වී සිටි ප්‍රියංගා කොතලාවල ඊයේ පැවති ජාතික නිදහස්‌ පෙරමුණේ සම්මේලනයේදී එම පක්ෂයේ සාමාජිකත්වය ලබා ගත්තාය. 2009 මාර්තු 08වෙනිදා පැවති කාන්තා දින සමරු උළෙල ඇමතූ සමාජවාදී කාන්තා සංවිධානයේ ජාතික සංවිධායිකා ප්‍රියංගා කොතලාවල "‍සියලු භේද පසෙක තබා එකම අරමුණක් වෙත, එකම ඉලක්කයක් වෙත යන්න සූදානමින් අපි අද මෙතැනට ඇවිත් ඉන්නවා. ඒ අරමුණ ජයගන්න අප හමුවේ තිබෙන අභියෝගය ජයගන්න කවුරුත් සවිඥානිකව මැදිහත්විය යුතුයි. ඒ සදහා කාන්තාවන් දැනුවත් කළ යුතුයි. කාන්තාව සංවිධානය කළ යුතුයි" යි පැවසූ බව ලංකා ටෲත් වෙබ් අඩවිය පවසයි. අපට දැනගන්නට ඇති අන්දමට ප්‍රියංගා කොතලාවල ජවිපෙ මධ්‍යම කමිටුවෙන් ඉවත් කර තිබේ. ඒ මීට මාස ගණනාවකට පෙරයි. ජවිපෙන් අස් වන අයගේ තාවකාලික ලැගුම්පළ හා ධනේශ්වර පක්ෂ දේශපාලනයට පිවිසෙන බිහි දොර බවට දැන් පත්ව ඇත්තේ ජානිපෙ ය.  ජවිපෙන් අස් කළ නන්දන ගුණතිලක දැන් වැඩ බලන තැපැල් ඇමති වී ශ්‍රී ලංකා නිදහස් පක...

(2009 නොවැම්බර් 26 - W3Lanka ) ජනතා විමුක්ති පෙරමුණෙන් බිඳී ඇවිත් පසුව ජනතා නිදහස් පෙරමුණ බිහි කිරීමට දායක වී එක්සත් ජනතා නිදහස් සන්ධාන ආණ්ඩුවේ සංචාරක ඇමති ලෙස කෙටි කලක් කටයුතු කළ නන්දන ගුණතිලක ජනතා නිදහස් පෙරමුණෙන් ඉල්ලා අස් වීම හේතුවෙන් ඔහුගේ ඇමති පදවියට ද තට්ටු විය.  ජානිපෙ නායක විමල් වීරවංශගේ බලපෑම මත ජනාධිපතිවරයා විසින් නන්දනගෙන් ගලවා ගත් ඇමති ධුරයෙහි විමල්ගේ හිතවත් ම මන්ත්‍රීවරයකු වන අචල සුරංග ජාගොඩ අද දිවුරුම් දීමට නියමිත ය.  මේ අතර, දැනට කැබිනට් නො වන සංස්කෘතික ඇමති ධුරය හොබවන පියසිරි විජේනායක ද සංචාරක ඇමති ධුරය බලාපොරොත්තු වුණ ද විමල් වීරවංශ එය ප්‍රතික්ෂේප කර ඇති බව වාර්තා වේ.  ජානිපෙන් ඉල්ලා අස් වූ නන්දන ගුණතිලක පානදුරේ ශ්‍රී ලංකා නිදහස් පක්ෂ ආසන සංවිධායක ධුරය බලාපොරොත්තු වූ මුත් එය ද ලැබුණේ නැත.

(2009 නොවැම්බර් 06 - W3Lanka ) සංචාරක ඇමැති නන්දන ගුණතිලක මහතා ජාතික නිදහස් පෙරමුණේ ප්‍රධාන ලේකම් ධුරයෙන්, දේශපාලන මණ්ඩල සාමාජිකත්වයෙන් හා එහි මධ්‍යම කාරක සභා සාමාජිකත්වයෙන් ඊයේ (05) ඉල්ලා අස්විය. තනතුරුවලින් ඉවත් වීම පිළිබඳව මැතිවරණ කොමසාරිස්වරයා වෙත ඊයේ (5) දැනුම් දී තිබේ. ජාතික නිදහස් පෙරමුණේ ජාතික සංවිධායක ධුරය දැරූ කමල් දේශපි‍්‍රය මාන්නප්පෙරුම මහතා ද නිල වශයෙන් එම ධුරයෙන් ඉල්ලා අස්වී තිබේ. ඔහු දැනට සංචාරක ඇමති නන්දන ගුණතිලකගේ සම්බන්ධීකරණ ලේකම්වරයෙකි.  නන්දන ගුණතිලකගේ ඊළඟ පියවර වන්නේ ශ්‍රී ලංකා නිදහස් පක්ෂයට බැඳී ආසන සංවිධායක ධුරයක් භාර ගැනීම බව ද බොහෝ විට එය පානදුර ආසන සංවිධායක ධුරය විය හැකි බව ද ඔහුට සමීප ආරංචි මාර්ග පෙන්වා දෙයි. ඔහුට ඒ සඳහා ජනාධිපති මහින්ද රාජපක්ෂ විසින් ආරාධනා කර ඇති බව ද වාර්තා වේ.  නන්දන ගුණතිලක පාර්ලිමේන්තුවට පැමිණියේ ජවිපෙ නායකයකු ලෙස වන අතර, පසුව ජවිපෙන් ඉවත් කරන ලද හේ කලක් ස්වාධීන මන්ත්‍රීවරයකු ලෙස සිට පසුව විමල් වීරවංශ හා කමල් දේශප්‍රිය මන්නවත්ත ආදීන් සමග එක්ව ජාතික නිදහස් පෙරමුණ බිහි කළේය. ජවිපෙ සහභාගිත්වයෙන් බිහි කරන ලද එක්සත් ජන...

(2009 ඔක්තෝබර් 16 - W3Lanka ) දකුණු පළාත් සභා මැතිවරණයෙන් ජය ලැබූ එක්සත් ජනතා නිදහස් සන්ධානයට හිමි වූ බෝනස් ආසන දෙකෙන් එකක් පළාතෙන් කිසිදු ආසනයක් හිමි නො වූ ජාතික නිදහස් පෙරමුණට ලබා ගැනීම සඳහා දරන ලද උත්සාහය ශ්‍රී ලංකා නිදහස් පක්ෂයේ විරෝධය නිසා වැළකී ඇති බව වාර්තා වේ.    මේ අනුව, අදාළ ආසන දෙක පිළිවෙලින් ගාල්ල හා හම්බන්තොට දිස්ත්‍රික්කවල මනාප ලැයිස්තුවේ ඊළඟ ස්ථාන ලැබ සිටින අපේක්ෂකයන් දෙදෙනා වන ජී. දේනෙත්තිට හා ජේ. කේ. සිරිපාලට ලබා දෙන ලෙස එක්සත් ජනතා නිදහස් සන්ධානයේ මහලේකම් සුසිල් ප්‍රේම ජයන්ත මැතිවරණ කොමසාරිස්වරයාට දැනුම් දී තිබේ.    එක්සත් ජනතා නිදහස් සන්ධානය හරහා තරග කරන කුඩා පක්ෂ හා මහින්ද රාජපක්ෂ පවුලේ හිතවතුන් ශ්‍රී ලංකා නිදහස් පක්ෂයේ ඡන්ද පදනම් කඩාගෙන ආසනවලට තේරී පත් වීම කෙරෙහි හා පාක්ෂිකයන්ට නිසි තැන නො ලැබීම කෙරෙහි මේ වන විට පක්ෂය තුළින් දැඩි විරෝධයක් මතු වෙමින් තිබේ.

(2009 ඔක්තෝබර්  12 - W3Lanka ) විමල් වීරවංශගේ නායකත්වයෙන් යුත් ජාතික නිදහස් පෙරමුණෙන් දකුණු පළාත් සභාවට තරග කළ සියලු අපේක්ෂකයින් පරාජයට පත් වී තිබේ.  පරාජිතයින් අතර සිටින විමල් වීරවංශගේ ‍අයියා මාතර දිස්ත්‍රික්කයෙන් 12,903ක් මනාප ලබාගෙන ඇත්තේ අන්තිමයාට කලින් අපේක්ෂකයා ලෙසයි. විමල් සිය අයියා වෙනුවෙන් පෞද්ගලිකව ම ඡන්ද ප්‍රචාරයේ යෙදුණේය. කලුතර දිස්ත්‍රික්කයේ ජවිපෙ පළාත් සභා මන්ත්‍රීවරයකු ලෙස සිට ජානිපෙට එක් වී ගාල්ලේ සිය ගම් ප්‍රදේශයෙන් පළාත් සභාවට තරග කළ ප්‍රියන්ත බෙල්ලන ගාලු දිස්ත්‍රික් සන්ධාන මනාප ලැයිස්තුවේ අන්තිමයාට දෙදෙනෙකුට කලින් සිටියි. ඔහුට ලැබුණු මනාප ගණන 13,629කි.  හම්බන්තොට දිස්ත්‍රික්කයට තරග කළ ධර්මසේන කොඩිතුවක්කු මනාප ලැයිස්තුවේ අන්තිමයා ය. 

(2009 ජුලි 02) ජාතික නිදහස් පෙරමුණේ පාර්ලිමේන්තු මන්ත්‍රී නන්දන ගුණතිලක සංචාරක ඇමතිවරයා ලෙසත් මන්ත්‍රී පියසිරි විජේනායක සංස්කෘතික හා ජාතික උරුමයන් පිළිබඳ කැබිනට් නොවන ඇමතිවරයා ලෙසත් අද දින ජනාධිපති ඉදිරියේ දිවුරුම් දීමට නියමිතය.  මේ අතර, භූගෝලීය සාධක හා විද්‍යානුකූල පදනමක්‌ මත ජාතික සංවර්ධනය හා ජාතික සමගිය ඉලක්‌ක කොට ගෙන මෙරට තුළ අලුතින් පළාත් නිර්ණය කිරීම සඳහා කොමිෂන් සභාවක්‌ පිහිටු විය යුතු යෑයි ජාතික නිදහස්‌ පෙරමුණේ සභාපති පාර්ලිමේන්තු මන්ත්‍රී විමල් වීරවංශ ජනාධිපතිවරයා වෙත ලිපියක්‌ යවමින් යෝජනා කරයි.  ජනාධිපති ඡේ. ආර්. ජයවර්ධනගේ ආණ්‌ඩු සමයේ සිටි ස්‌වදේශ කටයුතු භාර ඇමැතිවරයාගේ මෙහෙයවීමෙන් නැගෙනහිර පළාතේ සීමා මායිම් ලකුණු කොට ඇත්තේ ජාතිය සමඟිය බිඳ වැටෙන අයුරින් යෑයි වීරවංශ මහතා චෝදනා කර සිටී. අද දින ජනාධිපති මහින්ද රාජපක්‌ෂ මහතාගේ ප්‍රධානත්වයෙන් ජනාධිපති ලේකම් කාර්යාලයේදී  පැවැත්වෙන රටේ සංවර්ධනය හා ප්‍රතිසංවිධාන කටයුතු පිළිබඳ තීරණ ගැනීම සඳහා පිහිටුවනු ලැබූ සර්වපාක්‌ෂික කමිටු රැස්‌වීමේදී වීරවං...