W3Lanka: Praja.lk Backup

මේ දිනවල පුවත්පත්වල හා රූපවාහිනියේ ගෝඨාභය රාජපක්ෂ සමග කරන සම්මුඛ සාකච්ඡා නිරීක්ෂණය කළ විට මහින්ද රාජපක්ෂ පාලනයේ පරා‍ජයෙන් පසු උදා වී තිබෙන මාධ්‍ය නිදහසේ තරම තේරුම් ගත හැකි ය.  වෙනත් දෙවන පෙළ දේශපාලකයන් ප්‍රශ්න කරන  නිදහස් ස්වරූපයෙන් ම ගෝඨාභය රාජපක්ෂ ද ප්‍රශ්න කිරීමට සාමාන්‍ය ප්‍රධාන ධාරාවේ ජනමාධ්‍යකරුවන්ට ගට ලැබී තිබේ. එය ඇත්තෙන් ම ලොකු වෙනසකි.  එපමණක් නොව, බලයෙන් ගිලිහුණු ගෝඨාභය රාජපක්ෂට ද පළමු වතාවට මාධ්‍ය ඉදිරියේ මහත්මා ලෙස හැසිරෙන අභියෝගය භාර ගන්නට සිදු වී තිබේ.  රාජ්‍ය බලය පාවිච්චි කරමින් චන්ඩි භූමිකාවක් රඟ ගෝඨාභය රාජපක්ෂ පෑ කලින් ඇඳගෙන සිටි සන්නාහ ගැලවී නිරුවත් වන විසුළු ස්වරූපය ජනමාධ්‍යයන්ගෙන් නිරූපණය වේ.  ලේක්හවුසියේ වැඩ කළ පෝද්දල ජයන්ත හිංසනයට ලක් කර මරා දමන්නට තැත් කරන්නට පෙර ගෝඨාභය රාජපක්ෂ ඔහු හා සනත් බාලසූරිය ගෙන්වා තර්ජනය කළ ආකාරය ඔවුන් විසින් එකල ජනමාධ්‍යවලට හෙළි කර තිබිණි. ඒ ගෝඨාභය රාජපක්ෂ දැන්නම් තොත්ත බබෙකි. ලසන්ත වික්‍රමතුංග ඝාතනය වැනි බරපතල සිද්ධි ගැන ඔහු කිසිවක් දන්නේ නැත. දුමින්ද සිල්වා, ගලගොඩඅත්තේ ඥානසාර වැනි අය සමග සම්බන්ධයක් ද...

ගෝඨාභය රාජපක්ෂ දේශපාලනයට පිවිසෙන බව නිවේදනය කළේ ය.  ඔහු මෙතෙක් කළේ ද දේශපාලනය ම තමා ය. මෙතෙක් ඔහු පෙනී සිටියේ ජ්‍යේෂ්ඨ රාජ්‍ය නිලධාරියකු ලෙසයි. ඉදිරියේදී ඔහු ඡන්දයට එනු ඇත. මහජන නියෝජිතයකු වනු ඇත. ඇතැම් විට ආරක්ෂක ඇමති හෝ අගමැති හෝ වනු ඇත. මේ සමග ම ශ්‍රී ලංකා නිදහස් පක්ෂයේ හා එක්සත් ජනතා නිදහස් සන්ධානයේ රාජපක්ෂ නොවන සියලු පාක්ෂිකයන්ට සිදු වන්නේ එහා මෙහා වී ඉඩ දී, සිය උන්නතිකාමී සිහින දෙපරැන්දේ ගසාගෙන බලු කුක්කන් සේ ඉඳුල් කමින් නගුට වනමින් සිට පරලෝකප්‍රාප්ත වන්නට ය.  රාජපක්ෂ පවුල් පාලනය චිරප්‍රාප්ත වනු ඇති අතර රටේ ආර්ථිකය අභාවප්‍රාප්ත වනු ඇත. පවුල් පාලනයේ පැවැත්ම වෙනුවෙන් ලංකාව චීනයේ පිළිකන්නක් බවට පත් කරනු ඇත. මහජන විරෝධය ජාතීන් අතර ඇණ කොටා ගැනීම් වෙනුවෙන් යොමු කරනු පිණිස ජාතිවාදී දඩබල්ලන් තව තවත් මුදා හරිනු ඇත.  එහෙත්, රටට හෙණ ගැහුවත් පවුලේ අය කා තමන්ට ඉතුරු කර දෙන ඉඳුල් කා සැනසෙන පරපුරක් දැනටත් බිහි වී සිටින නිසා රාජපක්ෂවරුන්ට තම පවුල් පාලනය සඳහා උඩ සිට පහළ දක්වා ම බත්බැළයන් නො අඩුව සිටිනු ඇත.  අපත්, අපගේ දරුවනුත් මේ කුණු වලේ පණුවන් වනවා ද යන්න තීරණය කළ...

ලංකාව රාජපක්ෂවරුන්ගේ බූදලයක් බවට පත්ව ඇති බව අප කවුරුත් පිළි ගත යුතු ඇත්තකි. ඒ නිසා ඔය ප්‍රජාතන්ත්‍රවාදය, ප්‍රකාශනයේ නිදහස වැනි දේ වලංගු වන්නේ එම සංදර්භය තුළ බව අප කවුරුත් තේරුම් ගත යුතු ය.  ජවිපෙත්, හෙළ උරුමයත්, කොටිත්, රාජපක්ෂවරුත් එක් වී ලංකාවේ සිංහල, දෙමළ, මුස්ලිම් මධ්‍යම පංතිකයන්ගේ ආශිර්වාදයෙන් ගොඩනඟන ලද පවතින විකෘති සමාජ ක්‍රමය පවතින තෙක්, අප තත්වය විග්‍රහ කළ යුතුව ඇත්තේ මේ යථාර්ථය වටහා ගනිමිනි.   මහින්ද රාජපක්ෂ ජනාධිපතිවරයාගේ මල්ලී වන ගෝඨාභය රාජපක්ෂට එම පවුලේම අය විසින් කළමනාකරණය කරනු ලබන, මහජනාව විසින් පාඩු පියවන, ශ්‍රී ලංකන් ගුවන් සේවයේ වැඩ කරන ඔහුගේ ම ලේලියකගේ ගුවන් නියමු පෙම්වතා ලවා ස්විට්සර්ලන්තයෙන් බලු පැටවකු ගෙන එන්නටත්, බලු පැටවාට ඇති ආදරය නිසා එම ගුවන් යානය තමන් ම පදවන්නැයි ලේලිගේ පෙම්වතාගෙන් ඉල්ලා සිටින්නටත් බැරි මොකද?  ලේලිගේ පෙම්වතාට ඒ -340 ගුවන් යානා පදවන්නට බැරි නිසාත්, ඒ -330යක් යෙදුවොත් මගීන් සංඛ්‍යාව අඩු කරන්නට සිදු වන නිසාත් ගුවන් නියමු සංසදය එයට විරුද්ධ වීම නිසා එය ඒ අන්දමින් සිදු වී නැත.  ගෝඨාභය රාජපක්ෂ නම් රජයේ නිලධාරියා තර්...

කළ යුත්තේ වංචනිකව හෝ බල කිරීමෙන් හෝ කොඩිය අතට දීම නොව අවබෝධයෙන් ඉදිරියට යාමයි උතුර අයිති දෙමළ ජාතිකයන්ට පමණක් නො වේ යයි ආරක්ෂක ලේකම් ගෝඨාභය රාජපක්ෂ කියා ඇත.  මෙය අමුතුවෙන් කියන්නට දෙයක් නො වේ. උතුර අයිති දෙමළ ජාතිකයන්ට පමණක් නො වන අතර දකුණ අයිති සිංහල ජාතිකයන්ට පමණක් නො වේ.  එහෙත්, ලංකාවේ ජාතීන් අතර මේ අයිතිය පිළිබඳ ප්‍රශ්නයක් ඇති බව කවුරුත් දන්නා කරුණකි. ලංකවේ නිදහසින් පසු ඉතිහාසය මුළුමනින් ම මේ ප්‍රශ්නයේ ඉතිහාසයකි. රට වැනසූ තිස් අවුරුදු යුද්ධයකින් පසුව ද යමෙක් එවැනි ප්‍රශ්නයක් ඇති බව දැකීමට අසමත් වන්නේ නම් එය බරපතල ප්‍රශ්නයකි. උතුරේ ජීවත් වන බහුතරය දෙමළ ජනයා ය. යුද්ධය ඇරඹෙන්නට පෙර පවා තත්වය එසේ ය. එහෙත්, උතුරේ ආරක්ෂක, දේශපාලන, පරිපාලන, ආර්ථික ආදී සෑම ක්ෂේත්‍රයක ම බලය පතුරුවන ආරක්ෂක හමුදාවන්ගෙන් 99%ක් ම සිංහල ය. ඔවුහු වැඩි දෙනෙක් දෙමළ බස දන්නේවත් නැත.  දකුණේ මාතර දිස්ත්‍රික්කය පුරා දෙමළ හමුදා කඳවුරු පිහිටුවා එහි සියලු පාලනයට හමුදා මැදිහත් වන තත්වයක් තිබේ යයි සිතන්න.  එතැන ප්‍රශ්නයක් නැති යයි ඔලුවෙන් හිටගෙන කීවත් ලෝකය පිළි ගන්නේ නැත. බ්‍රිතාන්‍ය තානාපති...

පහත පළ වන්නේ මහාචාර්ය සුනිල් ආරියරත්න ජේ.ආර්.ගේ හා ප්‍රේමදාසගේ පාලන සමය හා අදාළව එදා උපහාසාත්මකව ලියූ, නන්දා මාලිනී විසින් පවන ප්‍රසංගයේ ගායනා කරන ලද ගීයකි.  දැන් මේ ගීයේ උපහාසයක් නැති අතර, ඒ කේතුමතී රාජ්‍යය දැන් ඇත්තට ම බිහි වී ඇත. සුනිල් ආරියරත්න ද දිසානායක - බාලසූරිය ජෝඩුව සමග එක් වී හැදූ කුස පබා නම් අති විශිෂ්ට, උත්කෘෂ්ට, නීල, පීත, ලෝහිත, ඕදාත, මාංජෂ්ට චිත්‍රපට පෙළ කේතුමතී ආණ්ඩුවේ අනුග්‍රහයෙන් පාසල් දර්ශන තිය තියා පෙන්වමින් 'බුහුමන් කරයි ශිල්ප ශාස්ත්‍රයට.' 'දෙයක් වේ නම් යම්  සුදුස්සාටම අයිතී වී ඇත.' 'කියමින් නිබඳ ගී මියුරූ  දකිමින් අවට රූ සොඳුරූ  සතුටින් රඟති මේ නුවරූ.' මේ ඡායාරූප පෙළ ජ්‍යේෂ්ඨ රාජ්‍ය නිලධාරි ගෝඨාභය රාජපක්ෂ විසින් දෙන ලද වෙසක් දන්සලේදී ගන්නා ලද ඒවා ය.  දන්සල් දොරෙහි නැත යදියෝ සල්පිල්වල ය පුරවැසියෝ පන්සිල් රකිති මැරවරයෝ මේ කේතුමතී පුරයයි නොමැත ඇසක කඳුලක්  නොවැටුනොත් රොඩු කැබැල්ලක්  දකිනුනොහැක ලේ බිඳුවක්  නොමලොත් මකුණෙක් මදුරුවෙක්  මළ බැඳුණු ගිණි දණ්ඩේ  දැල් බඳිත් මකුළු සේනා  වෙඩි හඬ අසනු ...

මේ ආණ්ඩුව අපූරු ආණ්ඩුවකි. එහි සුපිරි අංශ තිබේ. එම සුපිරි අංශවල සිටින සුපර්මෑන්ලා සුපිරි නො වන අංශවලට සලකන්නේ ඒ අංශවල අය මහජනතාවට සලකන ආකාරයටයි.  හොඳම උදාහරණය කොළඹ කොටුවේ හදන්නට යන (මහින්ද රාජපක්ෂ) නෙළුම් කුළුණට ඉඩ ගැනීම සඳහා පසුගිය 20දා තැපැල් දෙපාර්තමේන්තුවේ දේශීය පාර්සල් අංශය ඉවත් කර ඇති අන්දමයි.  ඉවත් කර ගන්නැයි දැනුම් දී තිබුණත්, ඉවත් කර නො ගත් නිසා රුපියල් කෝටියකට වඩා වටිනා මහජන මුදලින් මිළ දී ගත් තැපැල් සේවා අමාත්‍යංශයට අයත් පරිගණක,කාර්යාල උපකරණ ආදිය සමග ම ගොඩනැඟිල්ල කඩා ඉවත් කර තිබේ. එම භාණ්ඩ භාර නිලධාරීහු ද කිසිත් නො කර නිකම් සිට ඇත.  රජය රජයේ දේපල බුල්ඩෝසර් කරද්දී ඒවා ඉස්සරහට පනින්න කාටවත් අමාරුවක් තියේවියැ.  හැබැයි අපි නම් හිතන්නෙ මේවා දේශපාලනික සංකේතාත්මක ක්‍රියා. මේ ලිපියට ඔබ කැමති නම් වෙන අයත් එක්කත් බෙදා ගන්න

යුද ජයග්‍රහණය හිමිකර දුන් මෙරට හමුදාවේ ක්‍රියාකාරකම් විදෙස් හමුදාවන් ද ආදර්ශයට ගත යුතු බව ශ්‍රී ලංකා යුද හමුදා විශේෂ බලකාය විසින් රචිත "කිසිවිටෙකත් සතුරාට යටත් නොවන මා" නැමැති කෘතිය එළිදැක්වීමේ උත්සවයට එක්වෙමින් ආරක්ෂක ලේකම් ගෝඨාභය රාජපක්ෂ මහතා පවසා ඇත. ඇත්තෙන්ම, එහෙම වුණා නම් ලෝකයේ ම හමුදා ලංකාවේ හමුදාව වැනි වනු ඇත. එවිට ලෝකයේ සියලු රටවල් ද ලංකාව වැනි වනු ඇත. එවිට ලෝකය ම ආසියාවේ ආශ්චර්යය වනු ඇත. අපේ වෙනසක් නැති වනු ඇත. එහෙම වූ විට බෑන් කී මූන්ට සියල්ලන් පස්සෙන් ම පන්නන්නට හෝ කාගේවත් පසුපස නො පන්නා ඉන්නට සිදු වේ. කොහොම බැලුවත් මේක අපට අන්තිම හොඳ ය. මේ ලිපියට ඔබ කැමති නම් වෙන අයත් එක්කත් බෙදා ගන්න

(2010 අප්‍රේල් 23 -  W3Lanka  ) නාගරික සංවර්ධන අධිකාරිය මෙතෙක් එය අයත් වූ පූජාභූමි සංවර්ධන හා නාගරික සංවර්ධන අමාත්‍යංශයෙන් ගලවා ආරක්ෂක අමාත්‍යංශය යටතට ගෙන එහි සභාපති ධුරයට ජනාධිපති සහෝදර ගෝඨාභය රාජපක්ෂ පත් කිරීමට රජය සැලසුම් කර තිබෙන බව වාර්තා වේ.  මෙය නාගරික සංවර්ධනය ඍජුව ජනාධිපති බලාධිකාරයට පවරා ගැනීමක් ලෙස සැලකීම වඩා උචිත ය. නාගරික සංවර්ධනය යන විෂය එතරම් සුවිශේෂ වන්නේ ඇයි? පශ්චාත් යුදකාලීන ලංකාවේ ක්‍රියාත්මක‍ වෙමින් පවතින සංවර්ධන සැලසුම්වලදී නාගරික සංවර්ධනයට සුවිශේෂ වැදගත්කමක් හිමි වේ. විශේෂයෙන් ම කොළඹ නගරය වානිජ කේන්ද්‍රස්ථානයක් බවට පත් කිරීමේදී ද, නුවර, ගාල්ල, යාපනය, ත්‍රිකුණාමලය වැනි නගර ප්‍රාදේශීය කේන්ද්‍රස්ථාන බවට පත් කිරීමේදී ද එම නගර සැලසුම්වල දැඩි වෙනස්කම් සිදු කිරීමට සිදු වනු ඇත.  සරළව කීවොත්, අතන මෙතන අනවසරයෙන් අටවාගෙන සිටින කඩ, වැඩපළවල් හා නිවෙස් ආදිය බෝ ගස් පා මුල පන්සල් මුවාවෙන් පිහිටුවාගෙන තිබෙන ව්‍යාපාරික ස්ථාන ද ඇතුළුව කඩා ඉවත් කිරීමට සිදු වනු ඇත. එසේ ම, නගර පරිසරය අවලස්සන කරන පැල්පත් නිවාස ආදියට ද සමු දීමට සිදු වනු ඇත.  කොළඹ නගරය ...

(2010 අප්‍රේල් 01- W3Lanka  )  මාතලේ, රත්තොට පොලීසියේ ස්ථානාධිපති නිහාල් ජයවීර මහතා එක්සත් ජනතා නිදහස් සන්ධාන ප‍්‍රචාරක රැස්වීම් කිහිපයක් අමතා ඇති බවට මානව හිමිකම් පිළිබඳ විද්වත් සංසදයේ මැතිවරණ නිරීක්‍ෂණ ජාලය මැතිවරණ කොමසාරිස්වරයාට සහ පොලිස්පතිවරයාට දැනුම්දී තිබේ. නිරීක්ෂණ ජාලය වාර්තා කරන ආකාරයට ඔහු 2010 මාර්තු 28 දින මාතලේ දිස්ත‍්‍රික් එක්සත් ජනතා නිදහස් සන්ධාන අපේක්‍ෂකයන් වන ජනක බණ්ඩාර තෙන්නකෝන් හා රෝහණ දිසානායක යන අයගේ ප‍්‍රධානත්වයෙන් පැවති දඹගොල්ල මැදකඬේ හන්දිය, රත්තොට පොල්වත්තාකන්ද පන්සල අසල සහ මාවුස්සාගොල්ල අලූත්ගෙදර හන්දිය අසල රැස්වීම් අමතා තිබේ. තමාට දේශපාලන රැස්‌වීම්වල කතා කිරීමට කාගෙන්වත් තහනමක්‌ නැතැයි රාජ්‍ය ආරක්‌ෂක ලේකම් ගෝඨාභය රාජපක්‌ෂ මහතා පැවසූ බව "දිවයින" මාර්තු 22දා වාර්තා කළේය. රාජපක්‌ෂ මෙසේ ද කියා තිබේ. "මම දේශපාලන රැස්‌වීම් අමතන එක සමහර උදවියට ප්‍රශ්නයක්‌. උතුරේ ත්‍රස්‌තවාදය විනාශ කළ අයුරු හා රටේ තත්ත්වය ගැන ජනතාවට පැහැදිලි කළ යුතුයි. ඒකේ වරදක්‌ දකින්නේ නැහැ. ඕනෑ ඕනෑ අයට ඕනෑ ඕනෑ දේවල් කිව හැකියි. මම රැස්‌වීම් අමතන එක සමහරුන්ට විඳින්න බරිව ඇ...

(2010 මාර්තු 22- W3Lanka )  සිදු වන ඇතැම් විනාශයන් වැළැක්වීම නොකළ හැක්කක් වූ විට අපට කළ හැකි එක් දෙයක් වන්නේ ඒවාට අදාළ විනාශය ඉක්මණින් ම සම්පූර්ණ කිරීමට උදව් කිරීමයි. ලංකාව සම්බන්ධයෙන් විශේෂයෙන් මෙම මහ මැතිවරණයට අදාළව ජනතාවට ඉහත කී ස්ථාවරයට එළඹිය හැකිය. මේ ආණ්ඩුව තුනෙන් දෙකක් ඉල්ලන විට තුනෙන් තුනම දී සියල්ල සම්පූර්ණ කර දෙන්නට හැකි නම් හොඳ ය.  පහත පළ වන්නේ අද දිවයින හා දිනමිණ පුවත්පත්වලින් උපුටා ගත් පුවත් දෙකකි. දේශපාලන රැස්‌වීම් ඇමතීමට මට කාගෙන්වත් තහනමක්‌ නෑ ගෝඨාභය රාජපක්‌ෂ නෝමන් පලිහවඩන තමාට දේශපාලන රැස්‌වීම්වල කතා කිරීමට කාගෙන්වත් තහනමක්‌ නැතැයි රාජ්‍ය ආරක්‌ෂක ලේකම් ගෝඨාභය රාජපක්‌ෂ මහතා "දිවයින"ට ඊයේ උදේ ප්‍රකාශ කළේය. රාජපක්‌ෂ මහතා මෙසේද පැවැසීය. මම දේශපාලන රැස්‌වීම් අමතන එක සමහර උදවියට ප්‍රශ්නයක්‌. උතුරේ ත්‍රස්‌තවාදය විනාශ කළ අයුරු හා රටේ තත්ත්වය ගැන ජනතාවට පැහැදිලි කළ යුතුයි. ඒකේ වරදක්‌ දකින්නේ නැහැ. ඕනෑ ඕනෑ අයට ඕනෑ ඕනෑ දේවල් කිව හැකියි. මම රැස්‌වීම් අමතන එක සමහරුන්ට විඳින්න බරිව ඇති. රැස්‌වීම් අම...

(2010 පෙබරවාරි 15- W3Lanka )  හොඳම හමුදාව බවට පත්වී තිබූ ශ්‍රී ලංකා ආරක්‍ෂක හමුදාවන් දේශපාලනකර ණය වීම හේතුවෙන් ඒ තැන අහිමි කරගෙන ඇති බව රාජ්‍ය ආරක්‍ෂක ලේකම් ගෝඨාභය රාජපක්‍ෂ අද "දිවයින"ට පවසා ඇත. හමුදාව මගින් අත්අඩංගුවට ගෙන රඳවාගෙන සිටින ජනරාල් සරත් ෆොන්සේකා මහතා නිදහස්‌ කිරීමට පියවර නොගැනීම පිළිබඳව ගෝඨාභය රාජපක්‍ෂ මහතාගෙන් කළ කරුණු විමසීමකදී "හමුදාවට දේශපාලනය කරන්න බැහැ. ජෙනරාල් සරත් ෆොන්සේකා මහතා කර තිබෙන්නේ විශාල වරදක්‌. ඔහු හමුදාවේ සේවය කරද්දී හොර රහසේම දේශපාලනය කර තිබෙන බවට සැක පහල වෙමින් පවතිනවා," යි පවසා ඇත. සරත් ෆොන්සේකා අත්අඩංගුවට ගනු ලැබුවේ හමුදා නීතියේ 57 (1) වගන්තිය අනුව බව රජය පවසයි. යුද හමුදා සේවයේ සිටින අතරතුර දේශපාලනයේ යෙදීම, සේනාධිනායකයාට එරෙහිව කුමන්ත්‍රණය කිරීම, හමුදාපති ලෙස සිටියදී සේවයෙන් පළාගිය සෙබළුන්ගෙන් සැදුම් ලත් 1500ක පෞද්ගලික හමුදාවක් හැදීම, මිළ දී ගැනීම්වලදී දූෂණ වැනි චෝදනා ඔහුට යුද්ධාධිකරණයක් හමුවේ එල්ල වනු ඇති බව වාර්තා වේ. මෙකී ඇතැම් චෝදනා එල්ල කළ හැකි තවත් බොහෝ අය හමුදාවල සිටිති. ඒ අයට එරෙහිවද නීතිමය පියවර ගැනීම හමුදාව දේශපාල...

(2010 පෙබරවාරි 11- W3Lanka )  එක්සත් ජනපද පුරවැසියකු හා ලංකාවේ ආරක්ෂක ‍ලේකම් වන ‍ගෝඨාභය රාජපක්ෂ සිංගප්පූරුවේ ස්ට්‍රේට් ටයිම්ස් පුවත්පතට පවසන ආකාරයට සරත් ෆොන්සේකාගේ පරාජිත ජනාධිපතිවරණයට ගෝඨාභය රාජපක්ෂගේ රට වන එක්සත් ජනපදය හා නෝර්වේ සහාය හා මුදල් දී තිබේ. කොටි සංවිධානයට එරෙහි යුද්ධයේදී ෆොන්සේකා ප්‍රධාන භූමිකාවක් ඉටු කළ බවට ඇති මතය ප්‍රතික්ෂේප කරන ගෝඨාභය පවසන්නේ ඔහු අත් කර ගත් ජයග්‍රහණ වෙනත් ඕනෑ ම නිලධාරියකු හරහා ලබා ගත හැකිව තිබූ බවයි. ඔහුට වඩා හොඳ නිලධාරීන් සිටි බව ද ගෝඨාභය පෙන්වා දෙයි.  ෆොන්සේකාට එරෙහිව යුද මෙන් ම සිවිල් අධිකරණවල ද නඩු පවරනු ඇති බව පවසන ගෝඨාභය යුද්ධාධිකරණ ක්‍රියාමාර්ග මාස හයක් තුළ අවසන් කිරීමට තමන්ට උවමනා බව ද පවසයි.  2009 ජනවාරියේදී සන්ඩේ ලීඩර් කර්තෘ ලසන්ත වික්‍රමතුංග ඝාතනය කිරීම හා තවත් අතුරුදහන් කිරීම් පහකට හයකට ෆොන්සේකා සම්බන්ධ බව තමන් දන්නා බව ද මිනීමැරුම් කළ පුද්ගලයන් පසුපස තමන් එළවමින් සිටින බව ද ළගදීම සත්‍යය හෙළිදරව් වන බව ද ගෝඨාභය රාජපක්ෂ පවසයි.

(2010 ජනවාරි 06 -W3Lanka) ආරක්‍ෂක ලේකම් ගෝඨාභය රාජපක්‍ෂ මහතා මේ රටේ පිළිගත් මැතිවරණ නීතියට ඉහළින් සිටින පුද්ගලයෙකු ලෙස කටයුතු කරන බැවින් ඔහුට විරුද්ධව වහා විනයානුකූල පියවර ගන්නැයි එක්සත් ජාතික පෙරමුණ මැතිවරණ කොමසාරිස්වරයාගෙන් ඉල්ලා සිටියි.  අමාත්‍යංශ ලේකම්වරුන්ද ඇතුළුව දේශපාලන අයිතිය නැති සියළු රාජ්‍ය නිලධාරින් ජනාධිපතිවරණ සමයේදී පක්‍ෂ දේශපාලනයෙන් ඈත්වී සිටිය යුතු යයි මැතිවරණ කොමසාරිස්වරයා මුලදීම උපදෙස් දී තිබිණ. එහෙත් ඇතැම් ජ්‍යෙෂ්ඨ රාජ්‍ය නිලධාරිහු මෙම උපදෙස්වලට පටහැනිව යමින් සෘජු ලෙස හා වක‍්‍ර ලෙස මැතිවරණ නීති රීති උල්ලංඝනය කරමින් සිටින බව ද මොවුන් අතුරෙන් මැතිවරණ නීතිය ප‍්‍රසිද්ධියේම උල්ලංඝනය කරන රාජ්‍ය නිලධාරියා බවට පත්ව සිටින්නේ ආරක්‍ෂක ලේකම් ගෝඨාභය රාජපක්‍ෂ බව ද මොහු විද්‍යුත් හා මුද්‍රිත මාධ්‍ය සම්මුඛ සාකච්ඡාවලට සහභාගි වෙමින් ප‍්‍රසිද්ධියේ පක්‍ෂ දේශපාලනයේ නිරත වනවා පමණක් නොව දැන් ප‍්‍රසිද්ධ දේශපාලන රැස්වීම්වලටද සහභාගි වෙමින් සිටින බව ද මෙම රැස්වීම්වලදී ඔහු සිය ප‍්‍රතිවාදි දේශපාලන කි‍්‍රයාකාරිකයින්, විශේෂයෙන් සරත් ෆොන්සේකා විවේචනයට ලක් කරන්නට පටන් ගෙන තිබෙන බව ද එක්සත් ජා...

(2010 ජනවාරි 05 -W3Lanka) කිසිදා මාතෘ භූමිය හැර වෙනත් රටකට යන්නේ නැතැයි ද රටවල් දෙකක වීසා තමන් සතුව නැතැයි ද කියමින් ජනාධිපති මහින්ද රාජපක්ෂ ඊයේ සරත් ෆොන්සේකාටත්, සිය පවුල තුළ තම පුතුන්ගේ ඉදිරි ගමනට අභියෝග වී සිටින ගෝඨාභය හා බැසිල් රාජපක්ෂ සහෝදරයින්ටග් එක ගලෙන් පහර දුන්නේ ය. තමන්ට උරුම වී ඇත්තේ උපන් මාතෘ භූමිය වන ශ්‍රී ලංකාවේ වීසා එක පමණක් බවත් රාජපක්ෂවරු මේ රට හැර ගියේ නැති බවත් ඊයේ අරලිය ගහ මන්දිරයේ දී පවුල් සෞඛ්‍ය සේවා නිලධාරිනියන් හමු වූ අවස්ථාවේ දී අවධාරණය කළේ ය. සරත් ෆොන්සේකාට එක්සත් ජනපදයේ නිත්‍ය පදිංචිය හිමි ය. ගෝඨාභය හා බැසිල් රාජපක්ෂ සහෝදරයින් ඇමරිකා එක්සත් ජනපද පුරවැසියෝ ය.

(2009 දෙසැම්බර් 22 - W3Lanka ) " අ පේ රටේ කිසිදු පුරවැසියෙක් කැමති වෙන්නේ නැහැ රටේ ජනාධිපතිවයා ලෙස ඇමරිකානු පුරවැසියෙක් පත්කරන්න. එතකොට කෙනෙකුට හිතෙන්න පුළුවන් මට පෙර රට කියන්නේ මට පෙර ඇමරිකාව කියලා," යි කියමින් අනාගතය පිළිබඳ අහස උසට බලාපොරොත්තු ඇති ඇමති ඩලස් අලහප්පෙරුම එත ගලෙන් විපක්ෂ පොදු අපේක්ෂකයා වන සරත් ෆොන්සේකා මෙන් ම තම ඉදිරි ගමනට අඩ බවට පත් වී සිටින ගෝඨභය හා බැසිල් දෙබෑයන් ද යන කුරුල්ලන් තිදෙනෙකු බිම දමන්නට උත්සාහ කර පස්ස බිම ඇනගෙන තිබේ. එහෙත්, අනුන්ට කපන්නට ගිය සමූහ වලේ ඩලස් ද වැටෙන්නට ගියේ ඔහුට ද ඇමරිකානු පුරවැසිභාවය තිබේදැයි මාධ්‍යවේදියකු ඇසූ විටයි. තමන්ට පුරවැසිභාවය නැති බව පෙන්වීමට ගමන් බලපත්‍රය වුව පෙන්වීමට ඔහු කැමැත්ත පළ කළේ ය.  එහෙත්, පසුගිය සමයේ ඩලස් අලහප්පෙරුම ද සිය පවුල සමග ජීවත් වූයේ ඇමරිකා එක්සත් ජනපදයේ ය. එසමයේ ඔහු ද කටයුතු කළේ "මට පෙර ඇමරිකාව" ප්‍රතිපත්තියෙන් බැවින් ඔහුගේ ප්‍රකාශය ඔහුට ම අදාළ වේ.

(2009 දෙසැම්බර් 22 - W3Lanka ) එ ක්සත් ජාතීන් විසින් රජයට එරෙහිව නඟන යුද අපරාධ චෝදනා ජනාධිපතිවරණයේදී සානුකම්පිත ඡන්ද ලබා ගැනීම සඳහා උපයෝගී කර ගැනීම සඳහා ආණ්ඩුව සැලසුම් කර තිබේ. මෙහිදී විශේෂයෙන් ම එක්සත් ජනපද පුරවැසියකු වන ආරක්ෂක ලේකම් ගෝඨාභය රාජපක්ෂ අනතුරුදායක තත්වයකට මුහුණ දී සිටිය ද එය ජනාධිපති මහින්ද රාජපක්ෂගේ මැතිවරණ ව්‍යාපාරයේදී වාසිදායක වී තිබේ.  මෙම කාර්යය මේ වන විට ජාතික නිදහස් පෙරමුණේ නායක විමල් වීරවංශට පවරා ඇත. මුලදී ඔහු මතු ආරක්ෂාව පිළිබඳ ගැටළු මතු කර ඇතත්, ඒ පිළිබඳ දැන් කතා නො කර, ආණ්ඩුවෙන් ලැබුණු දේට ප්‍රති උපකාර වශයෙන් විපක්ෂ පොදු අපේක්ෂක සරත් ෆොන්සේකාට දැඩි ලෙස පහර දෙන ලෙස ද, හමුදාව ඔහුට එරෙහි වන තත්වයක් හා ජනතාව වීදි බැස ඇතැමෙක් සිරුරට ගිනි තබාගෙන මැරෙන තත්වයක් නිර්මානය කරන ලෙස ද ඔහුට උපදෙස් දී තිබෙන බව වාර්තා වේ. ඒ සඳහා වේගවත් කතා හා ප්‍රකාශ කිරීම පිණිස ඔහුට ර‍ජයේ මාධ්‍යවල ඉඩකඩ සම්පූර්ණයෙන් ම වෙන් කර දී තිබේ. කෙසේ වෙතත්, වගකිවයුතු දේශපාලනයන් මේ ප්‍රශ්නයේදී විමල් වීරවංශ මෙන් කටයුතු නො කර රාජ්‍ය තාන්ත්‍රික ලෙස ප්‍රශ්නය විසඳා ගැනීමට උත්සාහ කළ යුතු බව රජයේ ඉහළ ම ...

(2009 දෙසැම්බර් 13 - W3Lanka ) කොටි සංවිධානයට එරෙහි යුද්ධයේඅවසන් දිනවල නෝර්වේ ජාත්‍යන්තර සංවර්ධන ඇමති එරික් සෝල්හයිම්, එක්සත් ජාතීන්ගේ මහ ලේකම්ගේ කාර්ය මණ්ඩල ප්‍රධානී විජේ නම්බියාර්, ජනමාධ්‍යවේදිනී මාරි කොල්වින්, ජාත්‍යන්තර රතු කුරුස කමිටුව හා විදේශ අමාත්‍යංශයේ හිටපු ලේකම් පාලිත කොහොන හා ජනාධිපති උපදේශක බැසිල් රාජපක්ෂ වැනි පුද්ගලයන් අතර සිදු වූ සන්නිවේදනයක් හරහා රජයට භාර වීම පිණිස සුදු කොඩි රැගෙන පැමිණි කොටි සංවිධානයේ දේශපාලන අංශ ප්‍රධානී බී. නඩේසන්, ඔහුගේ බිරිඳ, එල්.ටී.ටී.ඊ. සාම ලේකම් කාර්යාලයේ ප්‍රධානී එස්. පුලිදේවන්, සන්නද්ධ නායකයකු වූ රමේෂ් යන අය ඇතුළ භාර වූවන්ට වෙඩි තබා මරා දමන්නැයි එම මෙහෙයුම් භාරව සිටි බ්‍රිගේඩියර් ශවේන්ද්‍ර සිල්වාට අණ කළේ ආරක්ෂක ලේකම් ගෝඨාභය රාජපක්ෂ විසින් යයි විපක්ෂ ජනාධිපති අපේක්ෂක හිටපු හමුදාපති විශ්‍රාමික ජනරාල් සරත් ෆොන්සේකා අද සන්ඩේ ලීඩර් පුවත්පතට ප්‍රකාශ කර තිබේ.  රජයට එරෙහිව එක්සත් ජාතීන්ගේ මානව හිමිකම් කොමිසම විසින් මතු කරන ලද යුද අපරාධ චෝදනා සම්බන්ධයෙන් මෙතෙක් එළි දැක තිබෙන ප්‍රබල ම සාක්ෂිය වන මෙම ප්‍රකාශයත් සමග මහින්ද, ගෝඨාභය, බැසිල් යන රාජප...

(2009 දෙසැම්බර් 12 - W3Lanka ) ජනාධිපති මහින්ද රාජපක්ෂගේ සහෝදරයාවන ආරක්ෂක අමාත්‍යංශයේ ලේකම් ගෝඨාභය රාජපක්ෂ රජයේ සේවකයකු වන බැවින් ඔහු මහින්ද රාජපක්ෂ ජනාධිපතිවරයාගේ මැතිවරණ ප්‍රචාරක කටයුතුවල නියැලීම වළක්වන ලෙස ශ්‍රී ලංකා නිදහස් පක්ෂ මහජන පාර්ශ්වයේ නායක මංගල සමරවීර මැතිවරණ කොමසාරස්වරයාගෙන් ඉල්ලා සිටීමට යන බව වාර්තා වේ.  අධිකරණ නිලධාරීන්, සන්නද්ධ සේවාවල නිලධාරීන්, පොලිස්‌ නිලධාරීන්, ග්‍රාමසේවා ඇතුළු සාම නිලධාරීන්, බන්ධනාගාර නිලධාරීන්, රජයේ සේවයේ නියුක්‌ත මාණ්‌ඩලික හෝ අධීක්‍ෂණ නිලධාරීන් හා මැතිවරණ කටයුතු පිළිබඳ දෙපාර්තමේන්තුවේ සේවයේ නියුතු නිලධාරීන්ට දේශපාලන අයිතිවාසිකම් භුක්‌ති විඳීමට හිමිකමක්‌ නැති බව චක්‍රලේඛයක්‌ නිකුත් කරමින් මැතිවරණ කොමසාරිස් දයානන්ද දිශානායක සඳහන් කරයි. "දේශපාලන අයිතිවාසිකම් භුක්‌ති විඳීමට හිමිකම් නොමැති නිලධාරියකුට තහනම් කටයුතු" මැයෙන් මැතිවරණ කොමසාරිස්‌වරයා වෙනුවෙන් එහි නියෝජ්‍ය කොමසාරිස්‌ ඒ. ඊ. සිරිවර්ධන මහතා විසින් මෙම චක්‍රලේඛය නිකුත් කර ඇත. මෙම නිලධාරීන්ට මැතිවරණවලට සහභාගි වීම මැතිවරණයට ඉදිරිපත් වන අපේක්‍ෂකයන්ට මොනයම් ආකාරයකින් හෝ ආධාර කිරීම...

(2009 නොවැම්බර් 30 - W3Lanka ) නැගෙනහිර පළාත් සභා පරිපාලනයේ දී යම් යම් අඩුපාඩු තිබුණත් තමන්ගේ න්‍යාය පත්‍රයේ එය දෙවෙනි තැනට දමා ජනාධිපතිවරයාගේ ජයග්‍රහණය පළමු තැනට ගෙන ක්‍රියා කරන බව නැගෙනහිර මහ ඇමති ශිවනේසතුරෛ චන්ද්‍රකාන්තන් පවසයි. ඔහු මෙම ප්‍රකාශය කිරීමට පෙර ආරක්ෂක ලේකම් ගෝඨාභය රාජපක්ෂ ඔහුට කතා කර තිබේ. නැගෙනහිර මහ ඇමති සිවනේසතුරෛ චන්ද්‍රකාන්තන් හෙවත් පිල්ලෛයන්ගේ නායකත්වයෙන් සිකුරාදා රැස් වූ දෙමළ මහජන විමුක්ති කොටි හෙවත් TMVP දේශපාලන මණ්ඩලය 15න් 13ක් ලෙස ඡන්දය දෙමින් ජනාධිපතිවරණයේදී මහින්ද රාජපක්ෂට සහාය නො දීමට තීරණය කළ බව එම පක්ෂයේ මහ ලේකම් එඩ්වින් සිල්වා කෛලාසරාජා පැවසූ බව ඊයේ සන්ඩේ ටයිම්ස් පුවත්පත වාර්තා කළේය. රාජපක්ෂ ආණ්ඩුව නැගෙනහිර පළාත් සභාව පිහිටවූ දා සිට ම නැගෙනහිර මහ ඇමති පිල්ලෛයන්ගේ බලතල පාලනය කළ අතර, නැගෙනහිර පළා‍තේ සංවර්ධන කටයුතුවලදී හා රැකියා දීම් ආදී කාර්යයන්හිදී ඔහු කොණ් කරන ලදී. පසුගිය වසර එකහමාරක කාලය තුළ තමනට වැඩක් කිරීමට නො හැකි වූ නිසා ජනතාව අතරට යා නො හැකි බව TMVP කලින් කීවේය.

(2009 නොවැම්බර් 28 - W3Lanka ) පොදු අපේෂකයා එජාපය‍ට ජවිපෙට සීමා වූවෙකු නොවන අතර ඔහු ජනාධිපතිවරයා නියෝජනය කරන දේශපාලන පක්‍ෂයටත් පොදු බව විපක්‍ෂයේ පොදු අපේක්‍ෂක සරත් ෆොන්ස්කා සිරස මාධ්‍ය ජාලය ඔස්සේ විකාශය වූ සම්මුඛ සාකච්ඡාවකදී ප‍්‍රකාශ කළේය. යුද සමයේදී මාධ්‍යයට එල්ල වුණ තර්ජන සම්බන්ධයෙන් දැන් ආණ්ඩුව හමුදාවට ඇඟිල්ල දික් කිරීමේ උත්සහයක් තිබෙන බව ද ඒ සම්බන්ධයෙන් පරීක්‍ෂණ කරන්නට තිබුණේ එම වකවානුවේ බව ද තමා හමුදාපතිව සිටියදී සියලූ කටයුතු සිදු කළේ හමුදා සෙබළුන්ගේ සහාය ඇතිව බව ද ඔවුන් ඉතා විනය ගරුක ලෙස කටයුතු කළ අතර මාධ්‍ය තර්ජන එල්ල කිරීම සම්බන්ධයෙන් හමුදාවට ඇඟිල්ල දික් කිරීම හමුදාවටත් පොදුවේ හමුදා සෙබළුන්ටත් කරන අපහාසයක් බව ද ඔහු පැවැසීය. පසුගිය කාලයේ පිස්තෝල දික් කරමින් මාධ්‍යයට තර්ජන එල්ල කළේ පාතාලය සහ කුඩුකාරයින් සමග සම්බන්ධතා පැවැත්වු අය මිස හමුදාවේ සමාජිකයන් නොවන බව ජනතාව පැහැදිලිව දුටුවේ යැයිද කීයග ෆොන්සේකා මෙසේද පැවැසීය. "මුදල් වංචාවන් සම්බන්ධයෙන් පරීක්‍ෂණ පවත්වන්න යන බව පවසනවා. යුධ සමයේදී පිටරටින් ආයුධ ගෙන්වීම සම්බන්ධයෙන් මූලිකත්වය ගෙන කටයුතු කළේ ආරක්‍ෂක ලේකම්වරයායි. ම...