W3Lanka: Praja.lk Backup

Posts

මේක විහිළුවක් නොවේ

January 15, 2025

අජිත් පැරකුම් ජයසිංහ රාජ්‍ය පාලනය විහිළු කතා කීම තරම් ලෙහෙසි පහසු නැත. කරන කියන දේ අවබෝධයෙන් කළ යුතුය. එසේම, ශරීර භාෂාව ද ඉතා වැදගත්ය. ඉන්ධන මිල සූත්‍රය හඳුන්වා දෙමින් මංගල සමරවීර ඇතුළු ඇමතිවරුන් පිරිසක් සිනාමුසුව පුවරු ප්‍රදර්ශනය කරන ආකාරය යහපාලන ආණ්ඩුවට එරෙහිව මහජන මතයක් ගොඩනැගීමේදී විපක්ෂය විසින් උපයෝගී කරගන්නා ලදි. දේශපාලනයේදී ඇත්ත පවා කිව යුතු ආකාරයක් තිබේ. ලංකාවේ අපරාධ නඩුවලට වැරදිකරුවන් වන්නේ සැකකරුවන් අතරින් 5%ක පමණ පිරිසකි. සැබෑ වැරදිකරුවන් 95%කටම දඬුවම් ලැබෙන්නේ නැත. අපරාධ නඩු සම්බන්ධයෙන් අධිකරණ තීන්දුවලින් පුද්ගලයන්ට නිදහස ලබාගත හැකි මුත්, ඒ පිළිබඳ මහජන මතයෙන් නිදහස් විය නොහැක්කේ ඒ නිසාය. සමාජ ජීවිතයේදී මෙම මහජන මතය ද ඉතා වැදගත්ය. උදාහරණයක් ලෙස, රනිල් වික්‍රමසිංහ බටලන්ද වධකාගාරය පිහිටි නිවාස සංකීර්ණය තුළ ජීවත් වූ නිසා ඔහු එය පිළිබඳ නොදැන සිටියේ යයි කිව නොහැකි බැවින් අධිකරණයෙන් ඔහු වැරදිකරුවකු නොවුණද බටලන්ද ඔහු පිටුපස පැමිණීම වළක්වාගත නොහැකිය. මහින්ද රාජපක්ෂ සම්බන්ධ හෙල්පිං හම්බන්තොට චෝදනාව හිටපු අග විනිසුරු සරත් නන්ද සිල්වා ඉවත් කර දුන්නද ඔහු මහජන මතයෙන් නිදහස ලබා නැත....

ඇන්ටිජන් හොරාව ඊළඟ ජනාධිපති විදියට පත් කරමුද?

January 12, 2025

අජිත් පැරකුම් ජයසිංහ දිලිත් ජයවීර යනු ගෝඨාභය රාජපක්ෂටත්, ඊටත් කලින් මහින්ද රාජපක්ෂටත් දැක්වූ සහයෝගයෙන් ව්‍යාපාරික අවස්ථා උදා කරගෙන දියුණුව සලසා ගත් ‘ව්‍යවසායකයෙකි’. ව්‍යාපාරකරණය ඊනියා වාමාංශික දේශපාලනය මෙන් අති පිරිසිදු විය යුතු යයි මා නොසිතන නිසා මට නම් ඒ ගැන විශේෂ අවුලක් නැත. සියලු ‘බිස්නස්’ එසේය. චන්ද්‍රිකාට හා මහින්දට ජැක් ගසා ජනතා විමුක්ති පෙරමුණ ද ගුවන් විදුලි විකාශන බලපත්‍රයක් ලබාගෙන එය පසුව විකුණා දමා ඇත. කෙසේ වෙතත්, දිලිත් ජයවීර දැන් වෙනත් ගමනකට ප්‍රවේශ වී සිටියි. ඔහුගේ අරමුණ රටේ ජනාධිපති වීමය. දක්ෂිණාංශය ජාතිකවාදී හා ලිබරල්වාදී නායකත්වයක් සොයමින් සිටින මෙම වකවානුවේ ඔහු ඒ සඳහා ශක්තිමත් කරගකරුවෙකි. ජවිපෙ මුල් වී 2005දී මහින්ද රාජපක්ෂ ජනාධිපතිවරණයට ගෙන ආ දවස්වල, ඔහුට එරෙහිව නැගී තිබුණු සුනාමි ආධාර ගසා කෑම සඳහා හෙල්පිං හම්බන්තොට නමින් පෞද්ගලික ගිනුමක් පවත්වාගෙන යාමේ චෝදනාවෙන් ඔහු සෝදා දුන්නේ එවකට අග්‍ර විනිශ්චයකාර සරත් එන්. සිල්වාය. දිලිත් ජයවීරට එරෙහිව තිබෙන චෝදනාව මේ වන විටත් නලින්ද ජයතිස්ස මුල් වී සෝදා දීම ආරම්භ කර තිබේ. එනම්, රු. 3500ට රජයට ඇන්ටිජන් කට්ටල විකිණූ බවට නගන...

CleanSriLanka සාර්ථකද?

January 09, 2025

අජිත් පැරකුම් ජයසිංහ, සාර්ථකද නැද්ද යන්න කියන්නට පෙර මේ වැඩසටහන මොකක්දැයි දන්නා කෙනෙකු සොයාගත යුතුය. අපට තේරෙන හැටියට නම් ජනාධිපතිතුමාටවත් මේ ගැන පැහැදිලි අදහසක් නැත. මේක මුළු ශ්‍රී ලංකාවම සුද්ද කරනවා වැනි දෙයක් විය හැකිය. ඒ කියන්නේ ඔවුන් සිතන්නේ ශ්‍රී ලංකාව කිළිටි වී ඇතැයි කියාය. ඒකම මිථ්‍යාවකි. නිදහස ලබන කාලය වන විට ලංකාවේ වැඩි දෙනෙකු වැසිකිළි ගිියේ කැලේටය. පස්ස මෙන්ම අතපය ද ඒ හැටි හේදුවේ නැත. කොකු පණු, කිරි පණු රෝග සුලබය. දත් මැදීම ද අවමය. දුංකල, බුලත් කෑ හකු පිළිකාකාරයෝ සුලබය. උපතේදී සාමාන්‍ය ආයු අපේක්ෂාව අදට වඩා අවුරුදු 25කටත් වඩා අඩුය. මාතෘ මරණ, ළමා මරණ අධිකය. තව ඕනෑ තරම් දේ කිව හැකිය. අපි දැන් සෑහෙන්න දියුණුය. කෙසේ වෙතත්, මාලිමාණ්ඩුව හා රජය ක්ලීන් ශ්‍රී ලංකා කියා එක එක මගුල් කරති. සමහරු අතුපතු ගාන, මකුළු දැල් කඩන ශ්‍රමදාන කරති. මේ අතර පොලිසිය සුපිරි ගේමකට බැස්සේය. මාලිමාවේම සහායක බලවේගයක් වූ ත්‍රීවීල් මල්ලිලාටත්, සජබට බර බව පෙනෙන බස් අයියලාටත් එයින් කලකිරී ඇත. උන්ව ෆෝම් කර ආණ්ඩුවට එරෙහිව යැවිය හැකි යයි විපක්ෂයේ සමහරු සිතති. ඒ සඳහා තාම ඉක්මන් වැඩිය. ක්ලීන් ශ්‍රී ලංකා යටතේ එ...

ලේට් හැපී නිව්වියර්

January 07, 2025

ලේට් හැපී නිව්වියර් Posted on January 7, 2025 January 7, 2025 by admin අජිත් පැරකුම් ජයසිංහ ජනවාරි 1 සිට අලුත් ජීවිතයක් පටන් ගන්න හිටියෙ. ඒ වුණාට කම්මැලි හිතුණා. අද පටන් ගත්ත ෆ්‍රෙන්ස්. මෙහෙමයි. ඊශ අද අමතර නයිට් ඩියුටියක්. පහට ලොකු කෙලීව ඇහැරවන්න ඕනැ ඉස්කෝලෙ යන්න. මං ඉතින් විනාඩි පහකින් කතාකරනවා කියල හිතාගෙන ඇහැ පියාගත්තා. අප්පට සිරි! පහයි විසිගානයි. කෙල්ලව ඇඳෙන් බිමට ඇදල දැම්මා බැනුං අහගෙන. “ඔයගොල්ලන්ට වෙන මොකුත් නොකරන එකේ වෙලාවට ඇහැරවන්නවත් බැහැ.” දැන් ඉතින් කන්න උයන්න බැහැනෙ. තාත්තා වශයෙන් මටත් සෙකන්ඩ් වෙන්න බැහැනෙ. ගියා යටදොල හන්දියට. බේකරිය ඇරලා සුවඳ, රස පාන්, බනිස් මල් වගේ පිපිලා. ගත්ත මාළු පාන් හතරයි, බ්ලැකීට සොසේජ් බන් එකයි, තැටි පාන් ගෙඩියයි. ආව ගෙදර. කෙල්ල කොණ්ඩෙ ගොතනවා ස්ලෝ මෝෂන්. මං ඉතින් බලු කුක්කා වගේ මාළු පාන් ගෙඩිය අල්ලන් හිටියා පූජාව වගේ චූටි හොටෙන් ඩිංග ඩිංග කනකල්. වතුර බෝතලෙත් පුරවලා, කැන්ටිමෙන් කන්න සල්ලිත් එක්ක බෑග් එක ළඟින් තියලා, සපත්තු කුට්ටමත් බ්‍රෂ් කරලා ළඟින්ම ගෙනත් තියලා, මීටර් 75ක දුරත් මොටෝසයිකලෙන් අරගෙන ගියා. හයයි හයයි ෆෝ මිනිට්ස් ...

අර්ධ සුඛෝපභෝගී බස් තහනමට වෙච්ච දේ

January 06, 2025

අන්තර් පළාත් බස් රථ සඳහා නිකුත් කර ඇති බලපත්‍ර 430ක් අහෝසි කර, ඒවා වෙනත් සේවාවන් බවට පත් කිරීමට ප්‍රවාහන අමාත්‍යාංශය යටතේ ක්‍රියාත්මක ජාතික ගමනාගමන කොමිෂන් සභාව ගත් තීරණය වළකාලමින් අභියාචනාධිකරණය 2023 ජූනි 30 අතුරු නියෝගයක් නිකුත් කළේය. බස්වල යන මගීහු අර්ධ සුඛෝපභෝගී යයි කියන බස්වලින් කරන අසාධාරණය හොඳින් දනිති. නොදන්නා අයගේ දැනගැනීම සඳහා කියන්නේ නම්, මෙම ඊනියා අර්ධ සුඛෝපභෝගී බස් හා ලොරි චැසි මත බොඩි ගැසූ වෙනත් බස් අතර ඇත්තේ එකම එක වෙනසකි. එනම්, බෝඩ් ලෑල්ල නිල්පාට වීම පමණි. නැග්ගාම ගමන් ගාස්තුව සාමාන්‍ය ගාස්තුව මෙන් එකහමාරගුණයකි. හිටගෙන අධික තදබද වී ගමන් කිරීම සාමාන්‍ය තත්වයකි. මෙමගින් ඉහළ ආදායම් ලැබෙන ජාවාරම්කරුවන් පිරිසට මෙම බලපත්‍ර රැකගැනීමට අවශ්‍යය. එහෙයින් හොඳ නීතීඥයන් අල්ලා නඩු පවරා ඇත. අභියාචනාධිකරණය අතුරු තහනම් නියෝගයක් නිකුත් කර ඇත. ඉන් පසු කිසිදු මාධ්‍යයක් මෙම නඩුවට සිදු වූයේ කුමක්දැයි සොයා බැලුවේ නැත. මේවා පසුබිමේ තව මොන මොන සෙල්ලං වෙනවාදැයි බුදු අම්මෝ මං නම් දන්නේ නැත. එහෙම වීම ඉතින් මේ රටේ හැටිය. ඕවා හොයන්නට ගියොත් හිරේ විලංගුවේ ලගින්නට හා මැරුං කන්නට වෙනවාය. බස් මාෆිය...

අවාසනාවට රෝස මලත් පරවේ

January 04, 2025

අජිත් පැරකුම් ජයසිංහ හරි ටීවී එක්ක පරණ සාකච්ඡාවකදි අනුර කුමාර දිසානායක කියනවා කුරුණෑගලින් එහාට එයා පීනපු නැති වැවක් නැහැ කියලා. කයිවාරු තිබිල තියෙන්නෙ ඒ ලෙවල් එකේ. ඒ වුණාට නායකත්වයට අවශ්‍ය බොහෝ සාධක ඔවුන් ළඟ නොතිබුණු බව දැන් පෙනෙනවා. ඒ සාකච්ඡාවෙදිම ඔහු කියනවා රනිල් ජනාධිපතිවරණයක්, මහ මැතිවරණයක් දෙන්නෙ නැහැ, ඒක දිනාගන්න අරගල කරන්න වෙන බවක්. බොරු කයිවාරු ගහගෙන යනකොට බලාපොරොත්තු වෙලාම නැහැ වගේ මෙහෙම දෙයක්. අඩුම ගානෙ තව අවුරුදු පහක්වත් අල්ලගෙන ඉන්නයි ජවිපෙට තිබුණෙ. එහෙම වුණා නම් පිනා අමාරුම හරිය ඇදල දෙනවා. නාකි සොම්බියා ළඟ බොරු චාටු නැති නිසා ජනතාවට ද ලෙසටම තම වගකීම ඉටු කිරීමට සිදු වනු ඇත. ජවිපෙට කඩාකප්පල්කාරී වෘත්තීය සමිති ඉස්සරහට දමා නෙළන විට අකුළා ගන්නට හැකියාව තිබුණා. පෙරෙට්ටන්ගේ ලෙවල් එකේ එවුන් දෙතුන් දෙනෙකුට ටික කලක් හිරේ විලංගුවේ ලගින්නට සිදුවන්නට ඉඩ තිබුණා. මානව හිමිකම් උල්ලංඝනය වීම් සම්බන්ධයෙන් හඬ නගන්නට අපි ඉන්නවාය. ඒ අතර, දේශපාලනය ලෙසටම සිදු වෙනවාය. පුරුද්දට මෙන් කයිවාරු හා පච ඇදබාගෙන යනකොට සමහර විට අන්‍රයියාට ද මේක තමන්ට කරන්නට බැරි නැතැයි කියා හිතෙන්නට ද ඇත. ඇයි යකෝ සිරි...

මාලිමාණ්ඩුවට ගාමන්ට් ප්‍රවාහනයට වඩා ප්‍රමුඛ විය යුත්තේ පොදු ප්‍රවාහනයයි

December 31, 2024

අජිත් පැරකුම් ජයසිංහ, Praja.lk මාලිමා මන්ත්‍රීවරුන්ට, ඇමතිවරුන්ට පොලිස් ආරක්ෂාව අවශ්‍ය බව අපි මුල සිටම කීවෙමු. අප කියන දේ පිළි ගන්නට මන්ත්‍රීවරයකු කාගෙන් හෝ කනේ පාරක් කන්නටම අවශ්‍ය නැත. බිංගිරියේදී මන්ත්‍රීවරුන් දෙදෙනෙකු අනූනමයෙන් බේරී ආහ. පාර්ලිමේන්තු මන්ත්‍රීවරුන්ට තබා ඇමතිවරුන්ටවත් පෞද්ගලික කර්මාන්තශාලා අදාළ නැත. එම කර්මාන්තශාලා ප්‍රවාහන ඇතුළු සැපයුම් සේවා ලබාගන්නා ආකාරය තීරණය කළ යුත්තේ ඔවුන්ගේ පටිපාටි අනුවය. ඒවා නීත්‍යානුකූල වන තාක්කල් මන්ත්‍රීවරුන්ට හා රාජ්‍ය නිලධාරීන්ට ඒවා අදාළ නැත. මෙම ප්‍රවාහන කොන්ත්‍රාත්තු කලක සිට සිදුවන ආකාරය එතරම් සාධාරණ නැති වන්නට පුළුවන. ඒවායේ යම් පිරිසක් ආධිපත්‍යය තබාගෙන සිටිනවා විය හැකිය. වෙනත් අයට එම ව්‍යාපාරයට පිවිසීමට අවස්ථා මෙම පිරිස විසින් වළක්වනවා විය හැකිය. මෙය ගුවන් තොටුපළෙහි පවා සිදු වේ. ඌබර්, පික්මී වැනි ටැක්සි සේවාවන්ට පවා බාධා සිදු වේ. භයානකම තත්වය ඇත්තේ පොදු ප්‍රවාහන බස් සම්බන්ධයෙනි. මේ වන විට බස් අයිතිකරුවන් අතර සැලකිය යුතු පිරිසක් පාතාල අපරාධකරුවන් හා වෙනත් කළු සල්ලි හිමියන්ය. බස් සේවකයන් අතරින් සැලකිය යුතු පිරිසක් ඔවුන්ගේ අපරාධ සහාය...

අස්වැසුම ඇස්වැසුමක්ද? නත්තල් තෑග්ගක්ද?

December 30, 2024

අජිත් පැරකුම් ජයසිංහ ජනාධිපති අනුර කුමාර නත්තලට තෑගි වශයෙන් අස්වැසුම වැඩි කර ඇති බව ඔහුගේ මාධ්‍ය අධ්‍යක්ෂ ජනරාල් මන්ත්‍රී නජිත් ඉන්දික සමාජ මාධ්‍ය සටහනක් තබා තිබුණා. අස්වැසුම කියන්නෙ මේ රටේ මහජනයාගෙන් අය කරන බදු මුදලින් දිළිඳුකම පිටුදැකීම සඳහා ලබා දෙන සංක්‍රාන්තික උපකාරයක් මිසක් දේශපාලකයන්ගේ අතින් මිටින් දෙන තෑග්ගක් නොවෙයි. දිළිඳු සහනාධාර ලබාදිය යුත්තේ දිළිඳුකම ස්ථාවර වන විදියට නෙමෙයි. ඒක අස්වැසුම වැඩසටහනේ මූලික සංකල්පයක්. රනිල් වික්‍රමසිංහ ආණ්ඩුව කලින් තිබුණු සමෘද්ධි වැඩසටහනේ තිබුණු දැඩි දේශපාලනීකරණය ඉවත් කළා. ඒත්, වත්මන් ආණ්ඩුව නැවතත් අස්වැසුම දේශපාලනීකරණය කරමින් සිටින බව පෙනෙන්නට තිබෙනවා. පහත දැක්වෙන්නේ අස්වැසුම පිළිබඳ ගැඹුරින් කළ අධ්‍යයනයක් පාදක කරගෙන අපි ඉදිරිපත් කරපු වාර්තාවක පෙරවදන. ඔබට එය පහත සබැඳිය ඔස්සේ ඩවුන්ලෝඩ් කරගත හැකියි. අවදානමට ලක්විය හැකි ජනගහනය නඟා සිටුවීමට සහ ආර්ථික දුෂ්කරතාවලට එරෙහිව ආරක්ෂාව ලබා දීමට සැලසුම් කර ඇති සමාජ ආරක්ෂණ ජාල වැඩසටහන් සම්බන්ධයෙන් පොහොසත් ඉතිහාසයක් ශ්‍රී ලංකාව සතුය. කෙසේ වෙතත්, ප්‍රතිලාභීන් නිවැරදිව ඉලක්ක කිරීම, කාර්යක්ෂමතාව සහ දිගු කාලීන ...

අරුණෝදාකරුවෝ (#dawnbreakers)

December 28, 2024

අජිත් පැරකුම් ජයසිංහ, මේ අවුරුද්දෙ ලියපු පොත මේ අවුරුද්දෙම පළකරන්න ඕනැ. මේක ප්‍රකාශකයෙකු ගාව මාස තුනක් වාත වුණා. මං පස්සෙන් ගිහින් ඇඹරිලා, පදිරි වෙලා, කන කහලා, සර් කියලා නෙමෙයි, මට කතා කරලා මගෙන්ම ඉල්ලගෙන අන්තිමට ගිය සුමානෙ ඇහුවම කිව්වා ගහන්නෙ නැහැ කියලා. මං ඔය ප්‍රාග්ධනයට පදිරි වෙන කෙනෙකු නෙමෙයි පුතා. පොත ගැහුවා. ලබන සතියෙ මාකට් එකට දානවා. දකුණු අතේ කාපල් ටනල් සර්ජරි එක කරල තියෙද්දි නුහුරු වම් අතින් සෝදුපත් කියවලා, පිටු හදලා, කවර ඩිසයිං කරලා සතියෙන් පොත අච්චු ගැහුවා. ඕනැ දේකට ඔට්ටු මගේ හිතමිත්‍ර රාජේන්ද්‍ර බරපැන දැරුවා. ගෙදර උන්දැ තේ හදල දුන්නා. කෑම ටික බෙදල දුන්නා. බෙහෙත් ටික දුන්නා. හැමදාමත් වගේ මේ ගොන් වැඩෙත් ඉවසන් හිටියා. අරුණෝදාකරුවෝ, 2022 අරගලය පාදක කරගත් කතාවක්. විදර්ශන සාහිත්‍ය තරගයේ දිගු ලැයිස්තුගත වූ නවකතා පොත් හතෙන් එකක්. Adapted from praja.lk

රනිල්; ජාතියට අහිමි වූ නායකත්වය

December 28, 2024

අජිත් පැරකුම් ජයසිංහ රනිල් වික්‍රමසිංහ සත්වන අතල් බිහාර් වජ්පායි සමරු දේශනය පවත්වමින්. ඔහු විශිෂ්ට රාජ්‍ය තාන්ත්‍රිකයෙක්. එහෙත්, බොරුව මතම පදනම් වුණ ලාංකීය ග්‍රාම්‍ය දේශපාලනයේදී අසාර්ථක දේශපාලකයෙක්. මේ දුෂ්කර අවධිය පියමං කිරීම සඳහා ඔහු අතපත් අවස්ථාව පැහැර ගැනීමට කඩාකප්පල්කාරී, අවස්ථාවාදීන් පිරිසකට ඡන්දය දීම ලාංකිකයන් ජාතියක් ලෙස තමන්ගේ පා යටින් කපා ගත් වලක්. එය දැනටමත් තේරුම් යමින් ඇත. එහෙත්, ඒ තරම් ගැඹුරු වරදක් නිවැරදි කිරීම පහසු නැත. රටට අතිවිශාල වන්දියක් ගෙවීමට සිදු වනු ඇත. කෙසේ වෙතත්, රටට පිළිකාවක් වූ ජනතා විමුක්ති පෙරමුණේ දේශපාලනය පරිවර්තනය කිරීමට හා පළිගැනීම සඳහා ඡන්දය දීමේ මහජන චර්යාව වෙනස් කිරීමට මෙය ඉවහල් වන්නේ නම් දිගුකාලීනව එය වාසිදායකය. Adapted from praja.lk