2019-04-30

මෙතනින් එහාට කුමක් කළ යුතු ද?

අජිත් පැරකුම් ජයසිංහ

ඊයේ සිට ඇඳරි නීතිය නැත. අද සිට සමාජ මාධ්‍ය තහනම ද ඉවත් කර තිබේ. හෙට ජාත්‍යන්තර කම්කරු දිනය වුව ද, මැයි රැළි පැවැත්වෙන්නේ නැති බව වාර්තා වේ. හදිසි නීතිය ක්‍රියාත්මක වේ. පොලිසියට, හමුදාවට ආරක්ෂක විධිවිධාන ක්‍රියාත්මක කිරීම සඳහා පූර්ණ බලතල හිමි වී තිබේ.
(දැන්වීමෙන් පසු ලිපිය කියවන්න)
Media and Social Entrepreneur
මේ වන විට, ත්‍රස්ත කණ්ඩායමට සම්බන්ධ බොහෝ පිරිස් අත්අඩංගුවට ගෙන තිබේ. එහෙත්, සැඟවී සිටින පුද්ගලයකු යම් විනාශකාරී ක්‍රියාවක් කිරීමට තිබෙන ඉඩ හේතුවෙන් සමාජය ඉතා පරිස්සමෙන් කටයුතු කිරීම අත්‍යවශ්‍ය ය.
කෙසේ වෙතත්, දැන් සමාජයක් ලෙස අප වහ වහා කළ යුතුව තිබෙන දෙය වන්නේ සාමාන්‍ය තත්වය නැවත ඇති කිරීමට අවශ්‍ය පියවර අප විසින් ම ගැනීමයි. අප එදිනෙදා කරන වැඩ වැඩි පරිස්සමකින් යුතුව නැවත පටන් ගත යුතු ය. අපට රට වෙනුවෙන් කරන්නට තිබෙන ලොකුම මෙහෙය එයයි.
පාස්කු ඉරිදා බෝම්බ ප්‍රහාරවලින් ශ්‍රී ලංකාවේ ආර්ථිකයට දැවැන්ත හානියක් සිදු වී ඇති බව අමුතුවෙන් කියන්නට උවමනා නැත. විශේෂයෙන් ම සංචාරක කර්මාන්තයට ද, ආයෝජක ආකර්ශනයට ද මෙය මරු පහරකි. එහෙත්, ඕනෑ ම කළු වළාකුළක රිදී රේඛාවක් ඇත.
පසුගිය වසර හතරහමාරක කාලය තුළ මේ රටේ ගොඩනැගුණු ප්‍රජාතන්ත්‍රවාදී, සාමකාමී වටපිටාවේ හොඳ, නරක දෙක ම මෙම සිද්ධියත් සමග ප්‍රදර්ශනය විය. හොඳ මුලින් ම කතා කරමු. සිද්ධියෙන් පසුව විශේෂයෙන් ම පොලිසිය හා ආරක්ෂක හමුදා මනා වෘත්තික පරිණතභාවයකින් යුතුව රටේ සාමය ආරක්ෂා කළෝ ය.
ආරක්ෂක ඇමති ලෙස ජනාධිපතිවරයාත්, ආරක්ෂක අමාත්‍යාංශයේ ලේකම්වරයාත්, පොලිස්පති හා අගමැතිවරයාත්, ආරක්ෂක රාජ්‍ය ඇමතිවරයාත් ප්‍රහාරයට පෙර සිය වගකීම් හරිහැටි ඉටු කර නැති බව ඉතා පැහැදිලි ය.
එහෙත්, සමස්තයක් ලෙස ආණ්ඩුව හා රජය ප්‍රහාරයෙන් පසු ආරක්ෂක හමුදාවල සහාය ලබාගනිමින් තත්වය කළමනාකරණය කළ ආකාරය ප්‍රශස්ථ ය.
රටේ සාමය ආරක්ෂා වීම හා වි‍ශේෂයෙන් ම සාමාන්‍ය මුස්ලිම් ජනයා ආරක්ෂා කිරීම ශ්‍රී ලංකාවට නැවත නැගී සිටීම සඳහා අත්‍යවශ්‍ය ය. වාර්ගික ප්‍රහාර සහ ගැටුම් වළක්වාගත හැකි වුවහොත්, ශ්‍රී ලංකාවට මාස දෙකක් යන විට යළි පිබිදිය හැකි ය.
සමාජය ගිනිතැබීමේ හා පටු දේශපාලන අරමුණු ඉටු කරගැනීමේ මාධ්‍ය මෙහෙයුම් නම් දැනටමත් ආරම්භ වී තිබේ. මාධ්‍ය ගැන සමාජ අවධානය යොමු වීම ඉතා වැදගත් ය.
පසුගිය සමයේ රටේ ඇති වූ විනයක් නැතිකමට ද නව ආරක්ෂක විධිවිධාන හේතුවෙන් සීමාවක් සලකුණු වී තිබේ. රට පුරා එක එක තැන්වල එක්රැස් කරගෙන සිටි ආයුධ ආදිය හසු වීම නිදසුනකි. මේ දිනවල සාමාන්‍ය අපරාධ රැල්ල මෙන් ම මාර්ග අනතුරු ද අඩු වී ඇති බව ඔබ නිරීක්ෂණය කළා ද?

ජනාධිපතිවරයා ප්‍රහාර වැළැක්වීමට ක්‍රියා නොකළේ ඇයි?

රාජ්‍ය බුද්ධි තොරතුරු සේවය විසින් පාස්කු ඉරු දින සිදු වූ බෝම්බ පිපිරීම් හා සමූහ ඝාතන මාලාව පිළිබඳ ජනාධිපතිවරයාට අඩු වශයෙන් අවස්ථා තුනකදී විස්තර සහිතව වාර්තා කර ඇති බව අද දින Daily FT පුවත්පත විසින් විශ්වාසකටයුතු මූලාශ්‍ර උපුටා දක්වමින් වාර්තා කරන ලදී.
(දැන්වීමෙන් පසු ලිපිය කියවන්න)
Media and Social Entrepreneur
මෙම වාර්තා කිරීම සිදු කර තිබෙන්නේ අප්‍රේල් 11දා, 16දා සහ අප්‍රේල් 20දා සවස බව ද, රාජ්‍ය බුද්ධි තොරතුරු සේවයේ ජ්‍යේෂ්ඨ නියෝජ්‍ය පොලිස්පති නිලන්ත ජයවර්ධන ආරක්ෂක අමාත්‍යාංශ නිලධාරීන්ට ඒ පිළිබඳ පොලිසිය දැනුවත් කරන ලෙස බල කළ බව ද පුවත්පත වාර්තා කරයි. ඒ පිළිබඳව පොලිස්පතිවරයාට දැනුම් දී ඇතත්, ඔහු කිසිදු ක්‍රියාමාර්ගයක් ගත් බව නොපෙනෙන බව පුවත්පත පවසයි. ක්‍රිස්තියානි දේවස්ථාන ඉලක්ක වන බව නිශ්චිතව සඳහන් කර ඇති මුත්, පොලිස්පතිවරයා ඒ පිළිබඳව අදාළ ආගමික බලධාරීන් හෝ දැනුවත් කර නැත.
සිද්ධියට පැය කීපයකට පෙර ජනාධිපතිවරයා නිවාඩු ගත කරමින් සිටි සිංගප්පූරුවට දුරකථන ඇමතුමකින් මේ බව දැනුම් දීමට රාජ්‍ය බුද්ධි තොරතුරු සේවයේ ප්‍රධානියා කටයුතු කර තිබෙන බව Daily FT පවසයි.
ජනාධිපතිවරයාගේ වගකීම වන්නේ ඒ අනුව අදාළ ආරක්ෂක ආයතන ප්‍රධානීන් දැනුවත් කර නිසි ක්‍රියාමාර්ග ගැනීමට ඔවුන් යොමු කිරීම වන මුත්, මෙම වාර්තාව සත්‍ය නම්, ජනාධිපතිවරයා එසේ කර නැත. එක්කෝ සිතාමතා නොතකා හැරියා වන්නට හෝ නැතිනම් අපරීක්ෂාවෙන් නොසලකා හැරියා වන්නට ඇත. කුමක් වුවත් එය ඉතා බරපතල ය.
එහෙත්, ජනාධිපතිවරයා පසුව පැවසුවේ ඔහු එකී වාර්තා පිළිබඳ දැනගත්තේ සමාජ මාධ්‍යවලින් බවයි. ඔහු සිය වරද ආරක්ෂක අමාත්‍යාංශයේ ලේකම් හේමසිරි ප්‍රනාන්දු හා පොලිස්පති පූජිත් ජයසුන්දර මත පටවා ඇඟ බේරාගත්තේ ය. ආරක්ෂක අමාත්‍යාංශයේ ලේකම්වරයා තනතුරින් ඉල්ලා අස් වූවත්, පොලිස්පතිවරයා ඉල්ලා අස්වන්නැයි ජනාධිපතිවරයා දුන් නියෝගයට අභියෝග කරමින් ධුරයේ රැඳී සිටියි. ජනාධිපතිවරයා ඔහු වෙනුවට වැඩ බලන පොලිස්පතිවරයකු පත් කරන්නට කටයුතු කර තිබේ.
ආරක්ෂක ඇමති ලෙස ජනාධිපතිවරයාගේ සිට සියලු ඉහළ නිලධාරීන් මෙම ප්‍රහාර මෙතරම් දැවැන්ත, විනාශකාරී හා සංවිධානාත්මක නොවන්නට ඉඩ ඇතැයි අනුමාන කිරීම තරමක් දුරට සාධාරණ ය. එවැනි අනුමානයක් සිදුවීම සිදු වන තෙක් කිසිවකුට කිරීමට නොහැකි වීම පිළිගත හැකි තත්වයකි.
එහෙත්, ගැටලුව වන්නේ අවම ක්‍රියාමාර්ග හෝ ගැනීමට විශේෂයෙන් ම ජනාධිපතිවරයා කටයුතු නොකිරීමයි. එපමණකින් නොනැවතී ඔහු ශ්‍රී ලංකාවට ආපසු පැමිණියේ ද සැලකිය යුතු ප්‍රමාදයකින් පසුවයි.
ඔහු මේ සියල්ල දැනගෙන මගහැර සිටියා ද? මේ සිදුවීම් පසුපස කිසියම් දේශපාලන අරමුණක් ක්‍රියාත්මක වේ ද? මෙය කිසියම් කුමන්ත්‍රණයක් නම් එහි ගැඹුර කුමක් ද? මේවා කවදා හෝ පිළිතුරු සෙවිය යුතු ප්‍රශ්න ය.

වහාබිවාදය සම්පූර්ණයෙන් තහනම් කරනු! භාර වී පුනරුත්ථාපනය වීමට අවස්ථාවක් ලබා දෙනු!

මේ මොහොත වන විට වහාබි ත්‍රස්තවාදයේ පළමු වටය විසින් දැඩි හානියක් සිදු කර හමාර ය. ඒ සමග ම ක්‍රියාත්මක වූ රජය හා ආරක්ෂක අංශ දෙවන ප්‍රහාර වටයකට පිවිසිය හැකි පිරිස දැඩි මර්දනයකට ලක් කර තිබේ. තහනම් කරන ලද ජාතික තව්හීද් ජමාත් සහ ජමාතෙයි මිල්ලතු ඊබ්‍රාහිම් ෆි සෙයිලානි යන සංවිධානවල ප්‍රසිද්ධ සාමාජිකයන් අත්අඩංගුවට ගෙන තිබේ.
(දැන්වීමෙන් පසු ලිපිය කියවන්න)
Media and Social Entrepreneur
එහෙත්, මෙහිදී අප විසින් මතක තබාගත යුතු කාරණයක් තිබේ. මේ වනාහි ලංකාවේ එකම වහාබිවාදී සංවිධාන දෙක නොවේ. සෙසු සියලු වහාබිවාදී සංවිධාන ද තහනම් කළ යුතු ය. මන්ද, වහාබිවාදය යනු ආරම්භයේ පටන් ම ත්‍රස්තවාදය සමග සම්බන්ධ ආගමික ගුරුකුලයකි. වහාබිවාදය පිළිබඳ හැඳින්වීමක් මතු දැක්වෙන ලිපියේ තිබේ.
තව්හීද් ජමාත් ත්‍රස්තවාදයට එරෙහි යුද්ධය හා සම්ප්‍රදායික මුසල්මානුවා
මෙම ප්‍රහාරවලින් පසුව ලංකාවේ වහාබි ත්‍රස්තවාදීනට අරමුදල් සම්පාදනය කරගැනීමේ මාර්ග තවත් පුළුල් වන අතර, මෙකී සංවිධානවලට නව හිමිකරුවන් බිහි වන්නට සහ හිමිකාරිත්වය වෙනුවෙන් ගැටුම් පැනනගින්නට පවා ඉඩ තිබේ. එහෙම නැතත්, තරගකාරී සෙසු වහාබි සංවිධානවල සිටින අන්තවාදීන් ද ත්‍රස්තවාදය දෙසට යොමු වන පසුබිමක් නිර්මාණය වන බවට සැකයක් නැත. වහාබිවාදීන් මුහුණ දෙන මර්දනය ද එයට උත්ප්‍රේරකයක් වනු ඇත. එබැවින් වහාබිවාදය සම්පූර්ණයෙන් ම තහනම් කරනවාට අමතරව පුනරුත්ථාපනය වීමට කැමති වහාබිවාදීන්ට භාර වීම සඳහා අවස්ථාවක් ලබා දිය යුතු ය. සියලු වහාබිවාදීන් පිළිබඳ දත්ත පදනමක් නඩත්තු කළ යුතු ය.
මේ වන විටත් හෙළිදරව් වී සිටින ශ්‍රී ලංකා තව්හීද් ජමාත් වැනි වහාබි සංවිධාන ද තහනම් කළ යුතු ය. වහාබිවාදය ශ්‍රී ලංකාවෙන් මුලිනුපුටා දැමිය යුතු ය. තව්හීද් යන දෙවියන්ගේ ඒකීයත්වය පිළිබඳ කියැවෙන අරාබි වචනයට මුවා වී මොවුන් කරන්නේ සම්ප්‍රදායික ඉස්ලාම් විරෝධී, වහාබි ත්‍රස්තවාදය පතුරුවා හැරීමයි. වහාබිවාදය ඓන්ද්‍රියව ම ත්‍රස්තවාදයකි. දෙවියන් විශ්වාස නොකරන මිනිසුන් කෆීර් ලෙස සලකා ඝාතනය කිරීම ප්‍රවර්ධනය කරන්නකි.
බුර්කාව වැනි වහාබි සංකේත අතුගා දමනවා මෙන් ම, වහාබිවාදීන් විසින් ආරක්ෂා කරන ලද මුස්ලිම් විවාහ නීතිය වැනි තත්වයන් ද වෙනස් කිරීමට කඩිනමින් ක්‍රියා කළ යුතු ය.
වහාබිවාදයේ ඉදිරි ක්‍රියාමාර්ග වනු ඇත්තේ මුස්ලිම් සමාජය මුදල් හා භීෂණය භාවිතා කර යටපත් කිරීමයි. මෙහි මූලික ලක්ෂණ සහරාන් හෂීම්ගේ බිරිඳ, පියා, සහෝදරයන් ඇතුළු පවුලේ අය විසින් සයින්දමරුදුහිදී රඟදක්වන ලදී. පාවා නොදෙන ලෙස ඉල්ලා සිටිමින් ඔවුන් විසින් මුදල් ද විසි කරන ලදී.
ඉදිරි කාලයේදී මුස්ලිම් සමාජය තුළ මධ්‍යස්ථ මුස්ලිම්වරුන්ට එරෙහිව තර්ජන, කට කැපීම්, බෙලි කැපීම්, පහරදීම්, ඝාතනය කිරීම් රැල්ලක් පැන නගින්නට ඉඩ ඇති අතර, එවැනි සිදුවීම් කිසිවකට ඉඩක් නොතැබිය යුතු ය.එවැනි ප්‍රහාර සුළුකොට නොතැකිය යුතු ය. හේතුව, එහි අරමුණ වන්නේ මුස්ලිම් සමාජය ත්‍රස්ත කර එයින් පිටතට තොරතුරු ගලා යාම වැළැක්වීම වන හෙයිනි.
එහි මූලික වගකීම තිබෙන්නේ මුස්ලිම් සමාජයටම ය.

SOCIAL MEDIA BAN IN SRI LANKA SHOULD NOT BE ACTIVE OVER A LONG PERIOD – FREE MEDIA MOVEMENT

Free Media Movement (FMM) of Sri Lanka states that the social media block that has been imposed as a temporary solution after the Easter Sunday series of bomb attacks, should not be active over a long period.
(Article continued after the advertisement)
“Justifying the social media block, authorities stated it was to avoid circulation of fake news that could cause public panic. Yet the block also did obstruct the public their right to accurate and responsible information that were posted on social media. Hence, we, the Free Media Movement, emphasize that this social media block that has been imposed as a temporary solution, should not be active over a long period.
“In the current situation, the Free Media Movement wishes to emphasize that the media also has a responsibility in shouldering a reasonable share of the ardent task of rebuilding the society and to strengthen the fractured democratic atmosphere of the country. At this critical moment, engaging in accurate reporting is the key responsibility of the media, leaving zero space for hateful and enraging ideas. At the same time, we highly value the efforts taken by media to maintain a relatively better improved reporting during this horrendous situation,” FMM said in a communique issued signed by its Convener C. Dodawatta.
FMM further denied the threats targeting professional journalists. “Mr. Azzam Ameen, BBC journalist reported to have experienced similar threatening situations as a result of his reporting. If there is a problem with reporting in media there exist a standard method and a system for the readers or the receivers to respond. We vehemently condemn such attacks on professional journalists without giving the journalist a chance to respond.” 

පාස්කු ඉරිදා බෝම්බ සහ පෝට් සිටි ඉඩම්

පාස්කු ඉරිදා ශ්‍රී ලංකාවේ බෝම්බ ප්‍රහාර එල්ල වෙද්දී ජුනි මාසයෙන් පසු කොළඹ පෝට් සිටියේ ඉඩම් වෙන්දේසි කිරීමට නියමිතව තිබුණු බව ඔබ දන්නවා ද? ඒ ඉඩම් වෙන්දේසියට මේ ඇති වූ තත්වය කෙසේ බලපානු ඇද්ද?
(Article continued after the advertisement)
කොළඹ වරාය පුරයේ හෙක්ටෙයාර් 269ක් තිබෙනවා. එහි ගොඩකිරීමේ කටයුතු මාස තුනකට කලින් අවසන් වුණා. මුහුද ගොඩ කර හැදූ මේ ඉඩමේ අයිතිය බස්නාහිර පළාතට පැවරීම හා වරාය පුරය තුළ කොළඹ ජාත්‍යන්තර මුල්‍ය පුරය ස්ථාපිත කිරීම ඇතුළු නීතිමය ප්‍රතිපාදන කිහිපයක් ඉදිරි මාසය තුළදී සිදුවීමට නියමිතව තිබුණා. එහිදී ගෝලීය බහුජාතික සමායතන ආකර්ශනය කරගැනීමට විශේෂ සහන නීතිගත කරගැනීමටත් නියමිතව තිබුණා.
ඩොලර් බිලියනයක පමණ ව්‍යාපෘති කෙරෙහි ආයෝජක අවධානය යොමු වී ඇති බව ද, දේශපාලන අස්ථාවරත්වය නිසා ආයෝජකයන් පසුබා සිටියත් ඔවුන් ආපසු හැරී ගොස් නැති බව ද වරාය පුර ව්‍යාපෘතියේ අධ්‍යක්ෂ නිහාල් ප්‍රනාන්දු ජනවාරි මාසයේදී පැවසූ බව වරාය පුර වෙබ් අඩවියේ සඳහන් වෙනවා.
පාස්කු ඉරිදා ප්‍රහාරය යම් දුරකට ආයෝජක උනන්දුව අඩු කිරීමටත්, එසේම, ඉඩම් මිළ පහත හෙළීමටත් හේතු වන්නට පුළුවන්. එසේම, ඇති වන දේශපාලන අස්ථාවරත්වය නිසා අවශ්‍ය නීතිමය ප්‍රතිපාදන සම්පාදනය මෙන් ම ඉඩම් වෙන්දේසියත් කල් යන්නට පුළුවන්.
චයිනා කොමියුනිකේෂන්ස් කන්ස්ට්‍රක්ෂන් සහ මෙගාපොලිස් හා බස්නාහිර සංවර්ධන අමාත්‍යාංශය වෙනුවෙන් මෙම ව්‍යාපෘතිය මෙහෙයවනු ලබන්නේ CHEC Port City Colombo (Pvt.) Ltd සමාගම විසිනුයි. මෙම ව්‍යාපෘතිය වෙනුවෙන් චීන සමාගම ඩොලර් බිලියන 1.4ක් වැය කරනවා. ශ්‍රී ලංකා රජය ද එහි පහසුකම් සංවර්ධනය කිරීම වෙනුවෙන් ඩොලර් බිලියනයක් පමණ වැය කරනවා. මෙහි වැඩ සම්පූර්ණයෙන් ම නිම වනු ඇත්තේ වසර 2040 පමණ වන විටයි.
කවරයේ ඡායාරූපයේ සහ පහත දැක්වෙන්නේ පෝට් සිටි සම්පූර්ණ කිරීමෙන් පසු එය දර්ශනය විය හැකි ආකාරය පිළිබඳ නිදසුන් කීපයක්.



අයිඑස්, ඕස්ට්‍රේලියාව, නිශාම්දීන් සහ කවාජා සිද්ධිය

ශ්‍රී ලංකාවේ ඇතැම් මුස්ලිම් තරුණයන් අයිඑස් ඉස්ලාමීය ත්‍රස්තවාදය සමග සම්බන්ධ බව දැන් මුළු ලොව ම දනී. විදේශ රටවල ත්‍රස්තවාදී සංවිධානවලට සම්බන්ධ අය පිළිබඳ දැන සිටි බව ද අත්අඩංගුවට ගැනීමට ශ්‍රී ලංකාවේ නීති නැති බව ද අගමැති රනිල් වික්‍රමසිංහ පවසයි. මෙකී කාරණා මැද පසුගිය වසරේ ඕස්ට්‍රේලියාවේ සිදු වූ ශ්‍රී ලාංකික තරුණයකු සම්බන්ධ සිද්ධියක් සිහිපත් විය.
ඔස්ට්‍රේලියාවේ හිටපු අගමැති මැල්කම් ටර්න්බුල්, හිටපු විදේශ ඇමැතිනි ජුලියා බිෂොප් සහ ලිබරල් පක්‍ෂ නායකයකු වූ බ්‍රොන්වින් බිෂොප් ඝාතනය කිරීමට ද සිඩ්නි ඔපරා හවුස්, දුම්රිය ස්ථාන ආදියට පහර දීමට ද සැලසුම් කළ බවට සැක පිට ඔස්ට්‍රේලියාවේ ත්‍රස්ත මර්දන අංශ විසින් 2018 අගෝස්තුවේදී එවකට ඇමති ෆයිසර් මුස්තාෆාගේ සමීප ඥාති පුත්‍රයකු බව කියන මොහොමඩ් කමර් නිලාම් නිශාම්දීන් නමැත්තකු අත්අඩංගුවට ගන්නා ලදී.
(Article continued after the advertisement)
එවකට 25 හැවිරිදි මෙම තරුණයා ඕස්ට්‍රේලියාවේ නිව් සවුත් වේල්ස් විශ්වවිද්‍යාලයේ ආචාර්ය උපාධි සිසුවකු විය. ඔහු එම ආයතනයේ ම රැකියාවක් ද කළ බව වාර්තා විය. ශ්‍රී ලංකාවේ ඉහළම පෙළේ පෞද්ගලික පාසලකින් හා ජාත්‍යන්තර පාසලකින් අධ්‍යාපනය ලද මොහු ලංකා බැංකුවේ නැසීගිය හිටපු සභාපතිවරයකුගේ මුණුබුරෙකු බව ද වාර්තා විය.
මෙම තරුණයා මසක් පමණ හුදකලාව සිරගත කර තබාගැනීමෙන් පසුව නිදහස් කරන ලදී. එහෙත්, ඔහු සම්බන්ධයෙන් ඔස්ට්‍රේලියාවේ ත්‍රස්ත මර්දන පොලිසිය දැඩි ලෙස විමර්ශන කර පැවසුවේ ඔහු අයිඑස් සංවිධානයට සම්බන්ධ බවයි. එසේ වුව ද, ඔහුට එරෙහිව චෝදනා ඔප්පු කිරීමට සාක්ෂි සොයාගැනීමට පොලිසිය අසමත් විය. ඔහුට එරෙහිව ඉදිරිපත් වූ ප්‍රබල ම සාක්ෂිය වූ වැදගත් සටහන් සහිත සටහන් පොතේ අත් අකුරු ඔහුගේ බව ඔප්පු කිරීමට ප්‍රමාණවත් සාක්ෂි නොතිබිණි. එසේම, ඔහුගේ ලැප්ටොප් හා ජංගම දුරකථනවල අන්තවාදී දෘෂ්ටිවාදයන් පිළිබඳ සාක්ෂි සොයාගත නොහැකි විය.
පහත දැක්වෙන්නේ එම අවස්ථාවේදී නිශාම්දීන්ගේ නිදහස වෙනුවෙන් කොළඹ නිදහස් චතුරස්‍රයේ පැවැත්වුණ උද්ඝෝෂණයකදී ගන්නා ලද ඡායාරූප කීපයකි. (ඡායාරූප කලම්බු ටුඩේ

ශ්‍රී ලංකාවේ ඇතැම් මුස්ලිම් තරුණයන් අයිඑස් ඉස්ලාමීය ත්‍රස්තවාදය සමග සම්බන්ධ බව දැන් මුළු ලොව ම දනී. විදේශ රටවල ත්‍රස්තවාදී සංවිධානවලට සම්බන්ධ අය පිළිබඳ දැන සිටි බව ද අත්අඩංගුවට ගැනීමට ශ්‍රී ලංකාවේ නීති නැති බව ද අගමැති රනිල් වික්‍රමසිංහ පවසයි. මෙකී කාරණා මැද පසුගිය වසරේ ඕස්ට්‍රේලියාවේ සිදු වූ ශ්‍රී ලාංකික තරුණයකු සම්බන්ධ සිද්ධියක් සිහිපත් විය.
ඔස්ට්‍රේලියාවේ හිටපු අගමැති මැල්කම් ටර්න්බුල්, හිටපු විදේශ ඇමැතිනි ජුලියා බිෂොප් සහ ලිබරල් පක්‍ෂ නායකයකු වූ බ්‍රොන්වින් බිෂොප් ඝාතනය කිරීමට ද සිඩ්නි ඔපරා හවුස්, දුම්රිය ස්ථාන ආදියට පහර දීමට ද සැලසුම් කළ බවට සැක පිට ඔස්ට්‍රේලියාවේ ත්‍රස්ත මර්දන අංශ විසින් 2018 අගෝස්තුවේදී එවකට ඇමති ෆයිසර් මුස්තාෆාගේ සමීප ඥාති පුත්‍රයකු බව කියන මොහොමඩ් කමර් නිලාම් නිශාම්දීන් නමැත්තකු අත්අඩංගුවට ගන්නා ලදී.
(Article continued after the advertisement)
එවකට 25 හැවිරිදි මෙම තරුණයා ඕස්ට්‍රේලියාවේ නිව් සවුත් වේල්ස් විශ්වවිද්‍යාලයේ ආචාර්ය උපාධි සිසුවකු විය. ඔහු එම ආයතනයේ ම රැකියාවක් ද කළ බව වාර්තා විය. ශ්‍රී ලංකාවේ ඉහළම පෙළේ පෞද්ගලික පාසලකින් හා ජාත්‍යන්තර පාසලකින් අධ්‍යාපනය ලද මොහු ලංකා බැංකුවේ නැසීගිය හිටපු සභාපතිවරයකුගේ මුණුබුරෙකු බව ද වාර්තා විය.
මෙම තරුණයා මසක් පමණ හුදකලාව සිරගත කර තබාගැනීමෙන් පසුව නිදහස් කරන ලදී. එහෙත්, ඔහු සම්බන්ධයෙන් ඔස්ට්‍රේලියාවේ ත්‍රස්ත මර්දන පොලිසිය දැඩි ලෙස විමර්ශන කර පැවසුවේ ඔහු අයිඑස් සංවිධානයට සම්බන්ධ බවයි. එසේ වුව ද, ඔහුට එරෙහිව චෝදනා ඔප්පු කිරීමට සාක්ෂි සොයාගැනීමට පොලිසිය අසමත් විය. ඔහුට එරෙහිව ඉදිරිපත් වූ ප්‍රබල ම සාක්ෂිය වූ වැදගත් සටහන් සහිත සටහන් පොතේ අත් අකුරු ඔහුගේ බව ඔප්පු කිරීමට ප්‍රමාණවත් සාක්ෂි නොතිබිණි. එසේම, ඔහුගේ ලැප්ටොප් හා ජංගම දුරකථනවල අන්තවාදී දෘෂ්ටිවාදයන් පිළිබඳ සාක්ෂි සොයාගත නොහැකි විය.
පහත දැක්වෙන්නේ එම අවස්ථාවේදී නිශාම්දීන්ගේ නිදහස වෙනුවෙන් කොළඹ නිදහස් චතුරස්‍රයේ පැවැත්වුණ උද්ඝෝෂණයකදී ගන්නා ලද ඡායාරූප කීපයකි. (ඡායාරූප කලම්බු ටුඩේ)
අදාළ සටහන් පොතේ සටහන් තබා නිශාම්දීන් වරදකරු බවට පත් කිරීමට ක්‍රියා කළ බවට සැක පිට නිශාම්දීන්ගේ සේවා ස්ථානය වූ නිව් සවුත්වේල්ස් විශ්වවිද්‍යාලයේ ම වැඩ කළ තවත් පුද්ගලයකු වූ 39 හැවිරිදි අර්සලාන් කවාජා අත්අඩංගුවට ගන්නා ලදී. ඔහු ඔස්ට්‍රේලියානු ක්‍රිකට් ක්‍රීඩකයකු වන උස්මාන් කවාජාගේ සොයුරෙකි. කවාජා නිශාම්දීන් සමග ඊර්ෂ්‍යාවෙන් පසු වූ බවට සැක කෙරේ. එයට එක් හේතුවක් වන්නේ කාන්තාවක් සම්බන්ධ ආදර පලහිලව්වකි.
මුලින් ඇප පිට නිදහස් කරන ලද කවාජා පසුව නැවත අත්අඩංගුවට ගෙන රිමාන්ඩ් බන්ධනාගාරගත කරනු ලැබුවේ ඔහු සාක්කිකරුවකුට කතා කිරීම නිසා ය.
නිශාම්දීන් පසුව ශ්‍රී ලංකාවට පැමිණි අතර නිව් සවුත් වේල්ස් පොලිසිය ඔහුගෙන් සමාව ඉල්ලී ය.
අදාළ සටහන් පොතේ සටහන් තබා නිශාම්දීන් වරදකරු බවට පත් කිරීමට ක්‍රියා කළ බවට සැක පිට නිශාම්දීන්ගේ සේවා ස්ථානය වූ නිව් සවුත්වේල්ස් විශ්වවිද්‍යාලයේ ම වැඩ කළ තවත් පුද්ගලයකු වූ 39 හැවිරිදි අර්සලාන් කවාජා අත්අඩංගුවට ගන්නා ලදී. ඔහු ඔස්ට්‍රේලියානු ක්‍රිකට් ක්‍රීඩකයකු වන උස්මාන් කවාජාගේ සොයුරෙකි. කවාජා නිශාම්දීන් සමග ඊර්ෂ්‍යාවෙන් පසු වූ බවට සැක කෙරේ. එයට එක් හේතුවක් වන්නේ කාන්තාවක් සම්බන්ධ ආදර පලහිලව්වකි.
මුලින් ඇප පිට නිදහස් කරන ලද කවාජා පසුව නැවත අත්අඩංගුවට ගෙන රිමාන්ඩ් බන්ධනාගාරගත කරනු ලැබුවේ ඔහු සාක්කිකරුවකුට කතා කිරීම නිසා ය.
නිශාම්දීන් පසුව ශ්‍රී ලංකාවට පැමිණි අතර නිව් සවුත් වේල්ස් පොලිසිය ඔහුගෙන් සමාව ඉල්ලී ය.

WHAT WE AND THE GOVERNMENT CAN DO TO CONTROL SOCIAL MEDIA

Government has blocked major social media in Sri Lanka but the leading social media influencers log into it via VPN and continue as they are.
President Maithripala Sirisena announced that the government is having discussions with social media companies to seek their support to regulate them.
First of all, we must define what this regulation means. Regulation must definitely not be control of political content the government does not like. It must be the wrong use of social media for subversive activities. This includes spread of unconfirmed news irresponsibly.
It is not such a difficult task. It is hopeless giving the social media companies the responsibility of controlling the content. They are less capacity of handling local languages.
(Article continued after the advertisement)
However, with the support of the progressive social media users, the government authorities like special police units can monitor them. What is necessary is the government having professional link with the social media companies. People can channel their complains to the government authority and the authority then can pass it to the social media companies after further study together with recommendations. Social media companies can warn the admins of the relevant profiles, pages and groups can warn once and then they can be blocked in case the offensive behaviour continues. The admins may be given chance to appeal legally both to the government authority and the social media companies producing their true identity.
This is not rocket science and can be easily implemented. Remove the ban and act. Fear is not the solution.
  • Praja.lk Teak

අලූත් නායකත්වයක් සොයාගැනීමේ අභියෝගය

අජිත් පැරකුම් ජයසිංහ

පාස්කු ඉරිදා බෝම්බ ප‍්‍රහාර හේතුවෙන් දෙදරා ගියේ මිනිස් හදවත් පමණක් නොවේ. ශ‍්‍රී ලංකාවේ දේශපාලන ක‍්‍රමය ද ගැඹුරින් ම ඉරිතලා ගියේ ය. පාලනය තුළ කලක් තිස්සේ සෙමින් ගොඩනැගෙමින් තිබුණු මෘදු අරාජිකත්වය පසුගිය වසරේ පෙබරවාරි මස පළාත් පාලන මැතිවරණයෙන් පසු ගැඹුරට ම විහිදී ගොස්, ඔක්තෝබර් 26 කුමන්ත‍්‍රණයෙන් පසු දරුණු අර්බුදයක් බවට පත් වී තිබිණි. මෙම බෝම්බ ප‍්‍රහාර මාලාවෙන් පසු එය පූර්ණ අරාජිකත්වයකට රට ඇද දැමූ බව පැහැදිලිව ප‍්‍රදර්ශනය විය.
(ලිපිය දැන්වීමෙන් පසු දිගටම කියවිය හැකි ය.)
Media and Social Entrepreneur
ජාතික තව්හිද් ජමාත් සංවිධානය ප‍්‍රහාර සැලසුම් කරමින් සිටින බව ප‍්‍රහාරකයන්ගේ නම් සහිතව වාර්තා කිරීමට බුද්ධි අංශ සමත් විය. එහෙත්, ජනාධිපතිවරයා ප‍්‍රමුඛ ආරක්ෂාව භාර ඇමතිවරු, ආරක්ෂක අමාත්‍යාංශයේ ලේකම්, පොලිස්පති ඇතුළු වගකිවයුතු රාජ්‍ය නිලධාරීන් තත්වය පිළිබඳ විධිමත් විශ්ලේෂණයක් කරනු තබා ඒ පිළිබඳ විධිමත් සාකච්ඡාවක් හෝ පවත්වා නැත. ආරක්ෂක මණ්ඩලය විධිමත් අන්දමින් රැස් වී නැත. එයට සහභාගි විය යුතු අගමැති, පොලිස්පති වැනි අය එයින් ඉවත් කර තිබේ. තිලංග සුමතිපාල වැනි කිසිදු අදාළත්වයක් නැති විපක්ෂ මන්ත‍්‍රීවරු පවා සහභාගි වන විකට වැඩසටහනක් බවට එය පත් වී තිබේ.
මේ වන විට ජනාධිපති කාර්ය මණ්ඩලය නාමල් කුමාර වැනි වචනයේ පරිසමාප්ත අරුතින් තකතිරුවන්ගේ සිට ආන්තික දෘෂ්ටිවාදීන්, ෆේස්බුක් ආණ්ඩුකාරයන් දක්වා ජනාධිපති වැය ශීර්ෂයේ මහජන මුදල් විවිධ විකාර වැඩසටහන් වෙනුවෙන් වියදම් කරන, ජනාධිපති ළඟ සේවය කිරීම දිළිඳුකම පිටුදැකීමේ මාර්ගය බවට පත් කරගත්, වෙනත් රස්සාවක් පවා සොයාගත නොහැකි නිර්ප‍්‍රභූ කොටස්වලින් පිරී ඉතිරී ගොස් තිබේ. ජනාධිපති මෛත‍්‍රීපාල සිරිසේන සිය උපදේශකයින් ලෙස තෝරාගෙන තිබෙන්නේ සිය සීමාසහිතකම් තුළ ආධිපත්‍යය පතුරුවාගත හැකි දුර්වල, යටහත් සේවක පිරිසකි. ඔවුන්ට ජනාධිපතිවරයාගේ සීමා පුළුල් කිරීම සඳහා ඵලදායී දායකත්වයක් දිය නොහැකි බව මෙම සිද්ධිය සමග ඉතා පැහැදිලිව පෙන්නුම් කෙරේ.
ජනාධිපතිවරයා මෙම සිද්ධියේදී කටයුතු කළ ආකාරය ඉතා වගකීම් විරහිත ය. අඩු තරමේ සිද්ධිය සිදු වූ සැණින් ආපසු සියරට පැමිණ ජනතාවගේ මානසික ශක්තිය නැංවීමට හෝ ඔහු කටයුතු නොකළේ ය. ඔහු විදේශගත වුණේ වැඩබලන ආරක්ෂක ඇමතිවරයකු පත් නොකර ය. එපමණක් නොව, ඔහු රටේ නොමැති පසුබිම තුළ අගමැතිවරයාට ආරක්ෂක මණ්ඩලය කැඳවා තත්වය සාකච්ඡුා කිරීමට හෝ ඔහු ඉඩ නොදුන්නේ ය. ස්කයිප් කොන්ෆරන්සිං වැනි සරල තාක්ෂණයක් පාවිච්චි කර දුරස්ථ රැස්වීමක් පැවැත්වීම සඳහා පහසුකම් සලස්වන්නට හෝ ජනාධිපති කාර්ය මණ්ඩලයට හැකියාවක් නැද්ද? බෝම්බ ප‍්‍රහාර සිදු වී සෑහෙන කාලයකට පසු ජාතිය ඇමතූ ඔහු එයින් ද කළේ වගකීම භාර නොගෙන, වෙනත් අයට චෝදනා එල්ල කරමින් පම්පෝරි ගැසීමයි.
තව්හිද් ජමාත් බෝම්බ සමග සුන්නද්දූලි වී ගිය තවත් දෙයක් වන්නේ අගමැති රනිල් වික‍්‍රමසිංහගේ රාජ්‍ය තාන්ත‍්‍රිකභාවය පිළිබඳ විශ්වාසයයි. තමන් ආරක්ෂක මණ්ඩලයට නොකැඳවීම පිළිබඳ ඔහු ගතු කියන්නේ දැන් ය. එසේම, ඔහුට ආරක්ෂක ප‍්‍රධානීන් පාලනය කිරීමේ හැකියාවක් නැති බව ඔහු ම පෙන්නුම් කළේ ය. ඩොනල්ඞ් ට‍්‍රම්ප් ඔහුට පෞද්ගලිකව දුරකථනයෙන් ඇමතීම හෝ ඔහු විදෙස් මාධ්‍යවලට චතුර ඉංග‍්‍රීසියෙන් පිළිතුරු දීම හෝ සම්බන්ධයෙන් උද්දාමයට පත් වීම මෝඩ චූන් එකකි. ඒවා වනාහි විදේශ කටයුතු පිළිබඳ අමාත්‍යාංශයේ දක්ෂ නිලධාරියකු සතුව තිබිය යුතු ලක්ෂණයි. රට තුළ පාලනයක් හරිහැටි කරගන්නට බැරි අගමැතිවරයකුගෙන් මේ මොහොතේ රටට වැඩක් නැත.
පොලිස්පති හෝ ආරක්ෂක අමාත්‍යාංශයේ ලේකම් ඉවත් කර, සියලූ පව් ඔවුන්ගේ පිටින් සෝදා හරින්නට බැරි ය. නිර්මාණය වූ තත්වයේ වගකීම භාරගනිමින් ජනාධිපතිවරයාත්, අගමැතිවරයාත් ධුරවලින් ඉල්ලා අස්වීම අත්‍යවශ්‍ය ය. එයට පැහැදිලි හේතු තිබේ. මෙම බෝම්බ ප‍්‍රහාර මාලාව හේතුවෙන් පාලනය පිළිබඳ මහජන විශ්වාසය මුළුමනින් ම බිඳ වැටී හමාර ය. සිද්ධියෙන් පසුව හෝ එකිනෙකාට චෝදනා කරගැනීම නවත්වා හරිහමන් වැඩපිළිවෙලක් ඇති කිරීමට ජනාධිපති, අගමැති ඇතුළු කැබිනට් මණ්ඩලය උත්සුක වූයේ නැත. මේ වන විට ඔවුන් මූලික අවධානය යොමු කර තිබෙන්නේ ආත්මාරක්ෂාවට පමණි. වැඩකරන සතිය අවසානයට එළඹෙමින් තිබියදී පවා රට නැවත යථා තත්වයට පත් කිරීමට රජය අසමත් වී තිබේ. රාජ්‍ය සේවය අක‍්‍රිය වී ඇත. ආර්ථිකය ද අඩපණ වී තිබේ.
මෙම ප‍්‍රහාරයේ කම්පනය දරුණුවට ම දැනෙනු ඇත්තේ ශ‍්‍රී ලංකාවේ අතිශය භංගුර තත්වයක තිබෙන ආර්ථිකයටයි. මේ වන විටත්, නැඟී එමින් තිබුණ සංචාරක කර්මාන්තය බිඳ වැටී ඇත. එහිදී අප මතක තබා ගත යුතු කරුණක් ද තිබේ. බෝම්බ ප‍්‍රහාරයෙන් පසු ෂැංග‍්‍රිලා හෝටලයේ නිලධාරියකු මාධ්‍යවලට පැවසූ පරිදි 40%ක පමණ ඔකියුපන්සි අනුපාතිකයක් හෙවත් කාමර වෙන්කරගැනීමක් තිබී ඇත. බොහෝ සංචාරක කලාපවල තත්වය එයයි. මේ ශ‍්‍රී ලංකාවේ සාමාන්‍ය සංචාරක වාරය මාර්තු මාසයේ අවසන් වීමෙන් අනතුරුව බව සිහිපත් කළ යුතු ය. සංචාරක කර්මාන්තය පැත්තෙන් අප එවැනි සාර්ථකත්වයක් අත්පත් කරගනිමින් සිටි බව අමතක නොකළ යුතු ය. එසේම, ආයෝජක විශ්වාසය නැවත ගොඩනගාගැනීම සඳහා රජය උත්සාහ කරමින් සිටියේ ය. මේ සියල්ල මෙම බෝම්බ ප‍්‍රහාරයෙන් සුණු විසුණු විය.
මහජන විශ්වාසය, ජාත්‍යන්තර විශ්වාසය සහ පාලනය නැංවිය හැකි ගැඹුරු ප‍්‍රතිසංස්කරණයක් ශ‍්‍රී ලංකාවට කඩිනමින් අවශ්‍ය ය. ඒ වෙනුවෙන් ජනාධිපතිවරයාත්, අගමැතිවරයාත්, සමස්ත කැබිනට් මණ්ඩලයත් ඉල්ලා අස් විය යුතු ය. රට අරාජික වීම සම්බන්ධයෙන් ඔවුන් වගකීම භාරගත යුතු ය.
මෙහිදී විපක්ෂය ගැන ද සඳහන් කළ යුතු ය. විපක්ෂ නායක මහින්ද රාජපක්ෂ හා විපක්ෂ බලවේග විසින් ජනාධිපති අපේක්ෂකවරයා ලෙස ප‍්‍රවර්ධනය කරමින් සිටින ගෝඨාභය රාජපක්ෂ පවා මේ මොහොතේ ප‍්‍රදර්ශනය කළේ සිය නොහැකියාවයි. විපක්ෂ නායකවරයා සහ ඔහුගේ සමීප නායකයන් ආණ්ඩුවට ඇඟිල්ල දිගුකරමින් දේශපාලන වාසි සඳහා අවස්ථාව පාවිච්චි කරන්නට උත්සාහ කළා මිස ඔවුන් ද වගකීමකින් කටයුතු කළේ නැත. මහජනතාව බලය සිය දෙපතුල් ළඟින් ගෙනැවිත් තබන තුරු බලා සිටින ගෝඨාභය රාජපක්ෂ ආගිය අතක් නැත. මේ කිසිවකුට විකල්ප අදහසක් තිබුණේ නැත. තිබුණේ තමන්ගේ කාලයේ කළ දේ ගැන පම්පෝරි පමණි. ඔවුන්ට බලය අහිමි වූයේ ද ඒ කළ දේ නිසා ම ය. එසේම, මහින්ද රාජපක්ෂ හා ජනාධිපති මෛත‍්‍රීපාල සිරිසේන එක්ව ඔක්තෝබර් 26දා දියත් කරන ලද රාජ්‍ය විරෝධී කුමන්ත‍්‍රණය විසින් විශේෂයෙන් ම ශ‍්‍රී ලංකාවේ ආර්ථිකයට දැඩි හානියක් සිදු කරන ලදී. රාජ්‍ය විරෝධී කුමන්ත‍්‍රණ සම්බන්ධයෙන් මේ වන විට සිරගතව සිටිය යුතු මේ දෙපළ යහතින් ඉන්නේ අන් කිසිවක් නිසා නොව අගමැති රනිල් වික‍්‍රමසිංහ සමග ඇති කරගෙන තිබෙන කුමන්ත‍්‍රණකාරී සම්මුතිය නිසා ය. ශ‍්‍රී ලංකාව මෙම අර්බුදයෙන් ගොඩට ගැනීම සඳහා අවශ්‍ය රාජ්‍ය තාන්ත‍්‍රිකත්වය හා සියලූ ජන කොටස් අතර පැතිරුණු විශ්වාසයක් රාජපක්ෂවරුන්ට මේ මොහොතේ නැති බව ඔවුන් ද තේරුම් ගත යුතු ය. එහෙයින් මෙම දුෂ්කර අවස්ථාවේ බලය වෙනුවෙන් පොරකෑමට යාම වෙනුවට යම් සම්මුතියකට අනුව ක‍්‍රියාකිරීම ඔවුන්ටත්, රටටත් යහපතකි.
මෙම තත්වය තුළ ශ‍්‍රී ලංකාවට නව පාලනයක් අවශ්‍ය ය. ඒ සඳහා දැනට සිටින දේශපාලකයන් අතරින් යෝග්‍ය පුද්ගලයන් පරිස්සමෙන් තෝරාගන්නට ජනතාව වග බලා ගත යුතු ය. එය දේශපාලන භේදයන්ට ඉහළින් සිටිමින් ජාතික අවශ්‍යතාවක් ලෙස සලකා කළ හැකි නම් වඩා හොඳ ය. එසේ නොමැති නම්, දේශපාලනිකව හෝ ඒ වෙනුවෙන් ක‍්‍රියාමාලාවක් අවශ්‍ය ය. රනිල් වික‍්‍රමසිංහ, මහින්ද රාජපක්ෂ, ගෝඨාභය රාජපක්ෂ වැනි අයට යම් සුවිශේෂ හැකියාවන් තිබෙන බව ඇත්තකි. ඔවුන්ට ආණ්ඩුවේ හෝ විපක්ෂයේ සිටිමින් මීට වඩා වගකීම් සහගත ලෙස ක‍්‍රියා කිරීමට හැකි පරිණත නායකත්වයක් රටට අවශ්‍ය ය. වහෙන් ඔරෝ නැතුව කෙළින්, සංයුක්ත අදහස් ඉදිරිපත් කළ යුතු නිසා මම මෙසේ කියමි. කරු ජයසූරිය ජනාධිපති ධුරයට පත් වන, සරත් ෆොන්සේකා අගමැති වන ශ‍්‍රී ලංකාවක් යනු යම් බලාපොරොත්තු සහගත තත්වයක් ලෙස යෝජනා කළ හැකි ය. (සංවාදයට විවෘතයි)

2019-04-26

තව්හීද් ජමාත් ත්‍රස්තවාදයට එරෙහි යුද්ධය හා සම්ප්‍රදායික මුසල්මානුවා

අජිත් පැරකුම් ජයසිංහ

අරාබි බසින් තව්හිද් යන්නෙන් අදහස් වන්නේ දෙවියන්ගේ ඒකත්වයයි. එනම්, දෙවියන් යනු තමන් අදහන දෙවියන් පමණක් බවයි. ජමාත් යනු සභාවයි. ජාතික තව්හිද් සභාව නම් සංවිධානය ශ්‍රී ලංකාවේ සිදු වූ බෝම්බ ප්‍රහාර මාලාවට වගකිව යුතු බව මේ වන විට හෙළිදරව් වී තිබේ. එසේම, එහි නායකයා ද තවත් නායකයන් පිරිසක් ද සියදිවි නසාගන්නා බෝම්බකරුවන් ලෙස ක්‍රියාත්මක වී තිබේ. (ලිපිය දැන්වීමෙන් පසු දිගට කියවන්න)
ශ්‍රී ලංකාවේ ප්‍රහාර මාලාව පසුපස ශක්තිමත් ජාත්‍යන්තර ජාලයක් ක්‍රියාත්මක වීමට වඩා සිදුවන්නේ දේශීය ජාලයක ක්‍රියාත්මක වීමකි. දැනට අප දන්නා තොරතුරු අනුව මෙම ප්‍රහාර මාලාව සිදු කළ ජාතික තව්හීද් ජමාත් සංවිධානය සමග සම්බන්ධ ඇතැම් පුද්ගලයන් අපනයන ව්‍යාපාර හා සම්බන්ධ ඉතා ධනවත් අයයි. නිදසුනක් ලෙස දෙමටගොඩ මහවිල ප්‍රදේශයේ නිවසකදී අත්අඩංගුවට ගත්, 2015 මහ මැතිවරණයේ ජවිපෙ ජාතික ලැයිස්තුවේ සාමාජිකයකු වූ ඊබ්‍රාහිම් නමැත්තා වටිනාකම් එකතු කළ තඹ අපනයන ව්‍යාපාරිකයෙකුගේ පියා බව වාර්තා වේ. එම ව්‍යාපාරය අති විශාල ලාභ ලබන ව්‍යාපාරයකි. මෙම පුද්ගලයාගේ පුතුන් දෙදෙනෙකු මරාගෙන මැරෙන බෝම්බකරුවන් ලෙස ක්‍රියා කර තිබෙන අතර, එම නිවසේ පිපිරවීමෙන් මිය ගිය අය ද එම පවුලේ අයයි. එකී තඹ ව්‍යාපාරිකයා ද සියදිවි නසාගැනීමේ බෝම්බකරුවකු වන්නට ඇත්දැයි සැකයක් තිබේ. මෙම පිරිස් ඉතා ධනවත් පමණක් නොව, පුළුල් සම්බන්ධතා ජාලයක් ද නඩත්තු කළ අයයි.
ශ්‍රී ලංකා තව්හිද් සභාව නමින් තවත් මෙවැනි ම අන්තවාදී මුස්ලිම් සංවිධානයක් තිබේ. තවත් මෙවැනි අන්තවාදී ආගමික කල්ලි ද තිබේ. මෙවැනි ආගමික කල්ලි හතු පිපෙන්නාක් සේ බිහිවන්නට සවුදි අරාබියෙන් ඔවුන්ට ලැබෙන ආධාර ද හේතු වේ. මෙම කල්ලි විසින් ශුද්ධ වූ කුරානයේ පාඨ විවිධාකාරයෙන් අර්ථ නිරූපණය කරනු දැකිය හැකි ය.
නිදසුනක් ලෙස, කුරානයෙන් මුස්ලිම් ජාතික පිරිමින් සහ කාන්තාවන් හට පෙන්වා දෙන්නේ විනීත ලෙස හැඳපැළඳිය යුතු බවයි. ඒ අනුව, පිරිමින් නාභියේ සිට දණහිස දක්වා ප්‍රදේශය ආවරණය කිරීම අනිවාර්ය ය. කාන්තාවන් ඥාති නොවන හෝ විවාපත් නොවූ පිරිමින් ඉදිරියේ සිය මුහුණ, දෑත් හා පාද හැරුනුකොට ශරීරයේ සියලු ප්‍රදේශ ආවරණය කළ යුතු ය. මේ ගැන විවාදයක් පවතී. කාන්තාවන් ඇස් පවා වේලයකින් ආවරණය වන පරිදි බුර්කා නමින් ස්ත්‍රී හිංසක ඇඳුමක් ඇඳිය යුතු ය යන්න ප්‍රවර්ධනය කරන ප්‍රධාන පිරිස මෙවැනි ආගමික කල්ලි ය. 
මුහුණ සම්පූර්ණයෙන් ම පවා ආවරණය කරන බුර්කා සහ ඇස් ආවරණය කරන නිකාබ් හැරුණුකොට හිජාබ්, ෂයිලා වැනි විනීත මුස්ලිම් කාන්තා ඇඳුම් තිබේ.
වයස අවුරුදු අටේ පමණ දැරියන් විවාහ කරගැනීමට ඉඩ දෙන හා වයස අවුරුදු 12 පමණ වන දැරියන් සමග ලිංගික සංසර්ගයට ඉඩ දෙන ශ්‍රී ලංකාවේ මුස්ලිම් විවාහ නීතිය සංශෝධනය කිරීම සම්බන්ධයෙන් මුස්ලිම් සමාජය තුළ දස වසරකට වැඩි කාලයක් තිස්සේ තිබෙන සාකච්ඡාව ඉදිරියට යන්නට ඉඩ නොදෙන ප්‍රධාන බලවේග ද මෙකී අන්තවාදීහු ය.
මෙවැනි ඉස්ලාම් අන්තවාදයන් වහාබිවාදයන් ලෙස හැඳින්වේ. වහාබිවාදය මොහොමඩ් ඉබ්න් අබ්ද් අල් වහාබ් විසින් 18වන සියවසේදී ආරම්භ කරන ලද ඔවුන් විසින් වඩාත් ශුද්ධ ලෙස හා මුල් ඉස්ලාමය ලෙස සැලකූ ඉස්ලාම් ප්‍රවණතාවකි. සම්ප්‍රදායික මුස්ලිම්වරුන් කෆීර් හෙවත් ඇදහිලිවන්තයන් නොවන අය ලෙස නම් කිරීමේ අන්තවාදී ප්‍රවණතාව ඔහුගේ සමයේ පටන් ම පැවති එකකි.
වර්තමානය වන විට වහාබිවාදය ලොව පුරා පැතිර තිබේ. පොදු යාඥා මෙහෙයන්ට සහභාගි වීම, රැවුල නොකැපීම හා දුම් නොබීම වහාබිවාදීන් විසින් ප්‍රවර්ධනය කරනු ලබන ඇවතුම් තුනකි. අල් ක්වයිඩා, අයිඑස්, බෝකෝ හරාම් වැනි ලොව ප්‍රචණ්ඩ ම වහාබි කල්ලි අතරට ශ්‍රී ලංකාවේ තව්හිද් ජමාත් ද ඉදිරියේ එකතු වීමට ඉඩ තිබේ. එනි නායකයන් ම සියදිවි නසාගැනීමේ බෝම්බකරුවන් වීමත්, කෆීර් හෙවත් ඉස්ලාම් බැතිමතුන් නොවන සෙසු පිරිස් ඝාතනය කිරීමෙන් ස්වර්ගය වෙත යාමට කටයුතු කළ පුද්ගලයන් පිරිසක් වීමත් හේතුවෙන් වහාබි අන්තවාදීන් අතර ඔවුන් වන්දනීය චරිත බවට පත් වීමේ ඉඩක් තිබේ.
වහාබිවාදය ලොව පුරා මෙතරම් පැතිර යන්නට හේතුව වන්නේ මුස්ලිම් ප්‍රජාව අතර තිබෙන මහා බෙදීමක් වන සුන්නි – ෂියා බෙදීමයි. මෙම බෙදීම මුල්කාලීන බෙදීමකි. ක්‍රිස්තු වර්ෂ හත්වන සියවසේදී මොහොමඩ් නබිතුමාගේ අභාවයත් සමග අලි ඔහුගේ නිල අනුප්‍රාප්තිකයා ලෙස පිළිගත් පිරිස ෂියා මුස්ලිම්වරු වෙති. ෂියා මුස්ලිම්වරුන් බලවත් වන්නේ ඉරානය, ඉරාකය, බහරේන් වැනි රටවලයි. ලොව පුරා බහුතර මුස්ලිම්වරු සුන්නිවරු ය. ශ්‍රී ලංකාවේ අති බහුතරය සුන්නි මුස්ලිම් ය. ෂියා මුස්ලිම්වරුන්ට එරෙහිව කටයුතු කිරීමේදී වඩා සටන්කාමී වන වහාබි නිකායන්ට සවුදි අරාබිය විශාල වශයෙන් ආධාර කරයි. ඒ අන්දමින් ම ඉරානය ද ෂියා කල්ලිවලට ආධාර කරයි.
සිරියාවේ තිබෙන ගැටුම පසුපස ෂියා – සුන්නි බෙදීම තිබෙන ආකාරය නිදසුනකි. ඉරානය, හිස්බුල්ලා සටන්කරුවන් සහ ෂියා අතුරු හමුදා ෂියා මූලික රජයට උපකාර කළ අතර අයිඑස් වැනි සුන්නි ජිහාඩ් කල්ලි ඉලක්ක කළේ ෂියාවරුන් හා ඔවුන්ගේ ආගමික ස්ථානයි.
ශ්‍රී ලංකාවේ වහාබි කල්ලිවලට ද සවුදි අරාබියෙන් දැවැන්ත අරමුදල් ලැබෙන අතර, ඒවායින් විශාල සුබසාධන ව්‍යාපෘති ද දියත් වේ. වහාබි කල්ලි බලවත් වීමට එය ප්‍රධාන හේතුවකි. මෙම කල්ලි අතර පවතින තරගකාරිත්වය වැඩිදුරටත් අන්තවාදය දිරිගන්වයි. මේ අතර, මුස්ලිම්වරුන්ගේ පූජනීය වන්දනා ස්ථානය වන මක්කමෙහි වහාබිවරුන්ට තිබෙන බලය හා සවුදි අරාබි බලය හමුවේ ශ්‍රී ලංකාවේ සම්ප්‍රදායික මුස්ලිම් විද්වතුන් පවා පසුබැස තිබේ.
මුල් කාලයේදී වහාබි ආගමික භාවිතාවන් හා අභිචාර හේතුවෙන් මුස්ලිම් පල්ලිවල සම්ප්‍රදායික මුස්ලිම්වරුන් සහ වහාබිවරුන් අතර ගැටුම් පවා ඇති වූ මුත් මේ වන විට වහාබි භාවිතාවන් ප්‍රධාන ධාරාවේ පල්ලිවල ද බාධාවකින් තොරව සිදු වේ. සම්ප්‍රදායික මුස්ලිම් විද්වතුන් නිහඬ කිරීමට එක් ප්‍රධාන හේතුවක් වන්නේ සවුදි අරාබිය අමනාප කරගැනීමට හා මක්කම වන්දනා අවස්ථා අහිමි කරගැනීමට තිබෙන බියයි. අනෙක් පැත්තෙන් මේ වන විට වහාබි අන්තවාදීන් විසින් සම්ප්‍රදායික මුස්ලිම් සමාජය ප්‍රාණ ඇපයට ගෙන තිබේ. ඔවුන්ට එරෙහිව කට ඇරීමට පවා මුස්ලිම් විද්වතුන් අතර බියක් පැන නැගී තිබේ.
මුස්ලිම් අන්තවාදී ත්‍රස්තවාදයට මුහුණ දීමේදී සම්ප්‍රදායික මුස්ලිම් භක්තිකයා වෙන් කරගැනීම හා ඔවුන් ආරක්ෂා කරමින් අන්තවාදීන්ට පහර දීම ඉතා වැදගත්. අගක් මුලක් නොදැන තැන තැන මුස්ලිම් මිනිසුන්ට පහර දෙන සෙසු ආගමික අන්තවාදීන් තමයි මේ වෙලාවේ මුස්ලිම් අන්තවාදීන්ට ලොකුම උදව්ව කරන්නේ. ඔවුහු සම්ප්‍රදායික මුස්ලිම් ජනයා අන්තවාදීන් තුරුලට තල්ලු කරති.
වහාබි ත්‍රස්තවාදයට දේශපාලන විසඳුම් දීමේ අවශ්‍යතාවක් නැත. එය වනාහි සෙසු සියලු ආගමිකයන් හා නිරාගමිකයන් කෆීර් හෙවත් දෙවියන් විශ්වාස නොකරන්නන් ලෙස සලකා මරා දමන අන්තවාදයක් නිසා එයට ඇත්තේ ඉතා පැහැදිලිව ම මිලිටරි විසඳුමක් ම පමණි. එහෙත්, මෙය ඉතා පරිස්සමෙන් කළ යුත්තකි.
(සති අග ලංකා පුවත්පතේ ද පළ පළ වීමට නියමිත ලිපියක් බව කරුණාවෙන් සලකන්න.)
(Cover Photo: AP Photo/Eranga Jayawardena)

2019-04-23

තව්හීද් ජමාත් ත්‍රස්තවාදය සමග වැසෙන ශ්‍රී ලංකාවේ ප්‍රජාතාන්ත්‍රික අවකාශය

ශ්‍රී ලංකාවේ සිදු වූ බෝම්බ ප්‍රහාර මාලාව පසුපස සිටින බලවේග දැන් හෙළිදරව් වෙමින් සිටිති. ඇතැම් සියදිවි නසාගත් බෝම්බකරුවන් හඳුනාගෙන තිබේ. ‍සියලු තොරතුරු ඉතා කෙටි කලකින් මාධ්‍ය මගින් හෙළිදරව් වනු ඇත. (ලිපිය දැන්වීමෙන් පසු දිගට කියවන්න)
Media and Social Entrepreneur
ශ්‍රී ලංකාවේ ප්‍රහාර මාලාව පසුපස ශක්තිමත් ජාත්‍යන්තර ජාලයක් ක්‍රියාත්මක වීමට වඩා සිදුවන්නේ දේශීය ජාලයක ක්‍රියාත්මක වීමකි. දැනට අප දන්නා තොරතුරු අනුව මෙම ප්‍රහාර මාලාව සිදු කළ ජාතික තව්හීද් ජමාත් සංවිධානය සමග සම්බන්ධ ඇතැම් පුද්ගලයන් අපනයන ව්‍යාපාර හා සම්බන්ධ ඉතා ධනවත් අයයි. නිදසුනක් ලෙස දෙමටගොඩ මහවිල ප්‍රදේශයේ නිවසකදී අත්අඩංගුවට ගත්, 2015 මහ මැතිවරණයේ ජවිපෙ ජාතික ලැයිස්තුවේ සාමාජිකයකු වූ ඊබ්‍රාහිම් නමැත්තා වටිනාකම් එකතු කළ තඹ අපනයන ව්‍යාපාරිකයෙකු බව වාර්තා වේ. ඔවුන් යෙදී සිටි ව්‍යාපාරය අති විශාල ලාභ ලබන ව්‍යාපාරයකි. මෙම පුද්ගලයාගේ පුතුන් දෙදෙනෙකු මරාගෙන මැරෙන බෝම්බකරුවන් ලෙස ක්‍රියා කර තිබෙන අතර, එම නිවසේ පිපිරවීමෙන් මිය ගිය අය ද එම පවුලේ අයයි.
ඔවුන් දැඩි ලෙස අන්තවාදී පිරිසක් වන අතර, කෆීර් ලෙස සැලකෙන මුස්ලිම් නොවන සෙසු දෘෂ්ටිකයන් විනාශ කරමින් ආගමේ නාමයෙන් දිවි පිදීමෙන් ස්වර්ගයට යා හැකි යයි විශ්වාස කරන පිරිසකි.
කුඩා කුඩා පල්ලි තැන් තැන්වල අටවාගෙන සම්ප්‍රදායික මුස්ලිම් පල්ලියට ද අභියෝග කරමින් සිටින ජාතික තව්හීද් ජමාත් මෙන් ම ශ්‍රී ලංකා තව්හීද් ජමාත් ද සිගරැට්, මත්පැන්, මත්ද්‍රව්‍ය ආදියට එරෙහි දැඩි ක්‍රියාමාර්ග ගැනීම වැනි බාල, බොළඳ ක්‍රියාමාර්ග හරහා මුස්ලිම් සමාජයේ උපයා ගන්නා ජනප්‍රියත්වය භාවිතා කරන්නේ අන්තවාදී අදහස් ප්‍රචාරණයට හා ඒ වෙත ජනයා හරවා ගැනීමටයි. නිදසුනක් ලෙස වයස අවුරුදු අටේ පමණ දැරියන් විවාහ කරගැනීමේ හා වයස අවුරුදු 12 පමණ වන දැරියන් සමග සංසර්ගයේ යෙදීමේ අවස්ථාව ලබා දෙන මුස්ලිම් විවාහ පනත සංශෝධනය කිරීමට සම්ප්‍රදායික මුස්ලිම් සමාජයට ඉඩ නොදෙන ප්‍රධාන බලවේගයක් වන්නේ මෙකී අන්තවාදී සංවිධානයි. ඔවුන්ට මැදපෙරදිගින් විශාල වශයෙන් මුදල් ද ලැබේ.
සම්ප්‍රදායික මුස්ලිම් භක්තිකයන් කාතන්කුඩි වැනි ඈත ප්‍රදේශවලින් පැමිණ කොළඹත් රටත් අවුල් කරන මෙකී අන්තවාදී කල්ලි වනසා දැමීමේ වගකීම සෙසු සමාජය බෙදාහදාගත යුතු ය.
භයානක ම කාරණය වන්නේ මෙම ප්‍රහාරකයන් බුද්ධි අංශ විසින් නමින් ම හඳුනාගෙන තිබියදීත්, ඔවුන්ව වළක්වන්නට ආරක්ෂක අංශ අසමත් වීමයි.
ත්‍රස්තවාදය සම්බන්ධයෙන් දැඩි නීති අවශ්‍ය වන්නේ එවැනි සංදර්භයක් තුළයි. මූලිකව ම ත්‍රස්තවාදීන්ගේ මානව හිමිකම්වලට සමාජය ගරු කළ යුතු සීමාවක් තිබේ. එසේම, ත්‍රස්තවාදයට ප්‍රජාතන්ත්‍රවාදය අදාළ කරගත නොහැකි බව ද කිව යුතු ය.
මෙම ත්‍රස්තවාදීන් ප්‍රහාරය සැලසුම් කරමින් සිටියදී, ඔවුන්ගේ කුමන්ත්‍රණයේ මූලික මට්ටමේදීමත් ඔවුන් අත්අඩංගුවට ගෙන රඳවා තැබීමේ හැකියාව තිබිණි. එවැනි අවස්ථාවකදී මානව හිමිකම් පිළිබඳ ගැටලු මතු වීම වළක්වා ගත නොහැකි ය. වඩා දැඩි ත්‍රස්ත මර්දන නීති අවශ්‍ය වන්නේ එවැනි සංදර්භයන්හිදී ය. සියලු සාක්ෂි සහිතව ක්‍රියාමාර්ග ගන්නට බලා සිටීමේ අවස්ථාව ත්‍රස්තවාදය විසින් නීතියට ලබාදෙන්නේ නැත. එවැනි නීති රාමුවක් තුළට ත්‍රස්තවාදය නොවන වෙනත් දේ ද ඇතුළත් කරන්නට හැකියාව ලැබීම ද වළක්වන්නට බැරි දෙයකි. උදාහරණයක් ලෙස ඉහත කී ත්‍රස්තවාදීන් ඔවුන්ගේ කුමන්ත්‍රණයේ මුල් අදියරේදී අත්අඩංගුවට ගත් ආකාරයට ම කුමන්ත්‍රණකරුවන් නොවන පිරිසක් ද අත්අඩංගුවට ගෙන රඳවා තබා ගත හැකි ය.
ත්‍රස්ත මර්දන නීතිවලට විරුද්ධ අයට එසේ විරුද්ධ වීමට මානව හිමිකම් පදනමක් තිබේ. එහෙත්, ත්‍රස්තවාදය මානව හිමිකම්වලට ගරු කරන්නේ නැත. එහෙයින් ත්‍රස්තවාදය සම්බන්ධයෙන් තිරශ්චීන අන්දමින් කටයුතු කරන්නට සිදුවීම මානව හිමිකම් ගැටලුවක් බවට පත් කර නොගත යුතු ය. රජය හෝ ආරක්ෂක අංශ මෙම මර්දන නීති දේශපාලනික හා පෞද්ගලික වාසි සඳහා භාවිතා කිරීම වැළැක්වීම සඳහා ප්‍රතිපාදන ත්‍රස්ත මර්දන නීතිවල ඇතුළත් විය යුතු ය. එසේම, ඒ සම්බන්ධ සමාජ විචක්ෂණභාවයක් ද තිබිය යුතු ය.
අත්‍යවශ්‍ය සේවාවන්ට බාධා කිරීම ත්‍රස්තවාදය ලෙස සැලකිය හැකි බවට ගෙන ආ ප්‍රතිපාදන වාමාංශිකයන්ගේ විශේෂ විරෝධයට හේතු විය. එයට හේතුව එමගින් ඉල්ලීම් දිනාගැනීම සඳහා වැඩ වර්ජනය කිරීම යොදාගැනීමට ඇතැම් ශ්‍රම කණ්ඩායම්වලට තිබෙන හිමිකම උල්ලංඝනය වෙනවා ය යන අදහසයි. මෙතැනදී ද සැලකිලිමත් විය යුතු කාරණයක් තිබේ. ත්‍රස්තවාදය ආයුධ සන්නද්ධව මෙන් ම නිරායුධව ද ක්‍රියාත්මක විය හැකි ය. ඇතැම් දෘෂ්ටිවාදීමය අන්තවාදයන් අදහන අය ද ජිහාඩ් කල්ලි වැනි ම වේ. ඔවුන් කඩාකප්පල්කාරිත්වය සඳහා ශිෂ්‍ය හා කම්කරු අරගල භාවිතා කරන බවට පසුගිය සමයේ ශ්‍රී ලංකාවේ අත්දැකීම්වලින් වුව ද වටහා ගත හැකි ය. ආර්ථික ඉල්ලීම් දිනාගැනීම සඳහා වන උද්දේශනයේදී විචක්ෂණ අන්දමින් වර්ජනය පාවිච්චි කිරීම හා කඩාකප්පල්කාරිත්වය සඳහා එය යොදාගැනීම අතර වෙනස සලකුණු කිරීමේ වගකීම රජයට මෙන් ම වෘත්තීය සමිතිවලට ද තිබේ. මෙහිදී ද වැදගත් වන්නේ සමාජ විචක්ෂණභාවයයි.
සමස්තයක් ලෙස, ත්‍රස්ත මර්දන උපක්‍රමවලදී නීතිය සීමාසහිත මෙවලමකි. එහෙත්, එය ත්‍රස්ත මර්දන මෙහෙයුම් සඳහා බාධාකාරී නොවීම මූලික අවශ්‍යතාවකි. එසේම, ත්‍රස්ත මර්දනයේ සීමා නිර්ණය කිරීම සඳහා නීති වැදගත් ය. එය විශේෂයෙන් ම රජයේ, පොලිසියේ හා ආරක්ෂක අංශවල ත්‍රස්ත මර්දන ක්‍රියාමාර්ගවල සීමා නිර්ණය කිරීම සඳහා නීති වැදගත් වේ.
මෙම ප්‍රහාර මාලාවත් සමග ශ්‍රී ලංකාව නව යුගයකට පිවිස තිබේ. එය සුසමාදර්ශීය වෙනසකි. 2015 සිට විවෘත වූ ප්‍රජාතාන්ත්‍රික අවකාශය මේ සමග වසා දමනු ලැබේ. ලංකාවේ සෑම මට්ටමක ම දේශපාලන, ආගමික, වෘත්තික, ශිෂ්‍ය, මාධ්‍ය ආදී ස්ථර රැසක් විසින් විවෘත වූ ප්‍රජාතාන්ත්‍රික අවකාශය නින්දිත ලෙස අපහරණය කරන ලදී. එමගින් එය තාර්කික ලෙස අන්තයක් කරා යමින් තිබුණු අතර, මෙම බෝම්බ ප්‍රහාර මාලාව හේතුවෙන් එම අවසානය වඩාත් ඉක්මන් විය.
සිද්ධිමය වශයෙන් මෙම ත්‍රස්තවාදය අවසන් නැත. එය ආරම්භයක් පමණි. මරාගෙන මැරුණු ජාතික තව්හීද් ජමාත් සංවිධානයේ නායකයා ඇතුළු සෙසු අය විසින් තවත් විශාල පිරිසකට වැරදි අනුප්‍රාණයක් සපයා තිබේ. මෙම අලුත් මරාගෙන මැරෙන දේශපාලනයේ අනුනාදය ලෙහෙසියෙන් මැකී නොයනු ඇත.
කණගාටුදායක ම කාරණය වන්නේ ශ්‍රී ලංකාවේ තාවකාලික ප්‍රජාතාන්ත්‍රික අවකාශය වැසී යන්නේ බරපතල සාමය කඩවීමක් ද සමග වීමයි. සාමය ස්ථාවර කිරීම සඳහා ලැබුණු අවස්ථාව අප විසින් අත්හැර දමා තිබේ. දේශපාලනය ගැන අලුතින් ම සිතන්නට සිදු වී තිබේ.

2019-04-21

SERIES OF MASSIVE EXPLOSIONS IN COLOMBO ON EASTER SUNDAY; LARGE NUMBER OF DEATHS

At least six bomb blasts were reported in Sri Lanka on Easter Sunday. Video evidence from a church in Negambo showed apparently dead or seriously injured. At least three of these blasts have taken place in Christian churches.
They are Kochchikade St. Anthony’s church in Colombo city, Katuwapitiya St. Sebastian’s Church in Negambo and another church in Batticaloa. Eyewitnesses reported massive damage. Death toll is expected to raise to scores and over 100 injured persons have been admitted to hospitals.
More blasts are reported from several hotels in Colombo. Unconfirmed reports said the blasts had taken place at Shangrila and Kingsbury hotels in Colombo.
(Cover photo: Katuwapitiya St. Sebastian’s Church in Negambo)

SOCIAL MEDIA PARTIALLY BLOCKED; ANOTHER AFTERNOON BLAST IN SRI LANKA

Hours after the series of bomb attacks in Sri Lanka in the morning of Easter Sunday, another explosion was reported in a hotel near National Zoological Gardens at Dehiwala, south of Colombo city. At least two persons have died. (Update: Reports around 3 p.m. said another blast has taken place at a housing scheme in Dematagoda in Colombo city)
Sri Lankan government Minister Mano Ganeshan tweeted, “A week before, my Ministerial Security Division (MSD) officers had been warned by their Division on two suspected suicide bombers in Colombo targeting politician,” several hours after the attacks that killed over 175 persons and injured more than 400 people.
Meanwhile, a letter was shared in social media widely by the anti-government elements and the racists claiming it was a directive by police to the VIP security divisions. The letter which the government sources declines as fake points finger towards an ethno-religious group for planning terrorist attacks.
Opposition Leader Mahinda Rajapaksa also tweeted “It is absolutely barbaric to see such violent attacks on such a holy day. Whoever is behind these attacks must be dealt with immediately. My thoughts and prayers are with the families that lost loved ones and all of Sri Lanka.”
Government announced security had tightened and urged people to moan calmly.

Sri Lanka Telecom has meanwhile apparently blocked Facebook, You Tube, Viber and Whatapp. Groups based on these platforms were clearly visible organizing for hate campaigns and violence.
Meanwhile, Sri Lanka media reported that famous culinary trainer Shantha Mayadunne and her daughter Nisanga Mayadunne had passed away in the bomb attack at Shangrila Hotel Colombo where they had visited with the family. They had shared on social media, a family photo while dining.
She was a famous culinary demonstrator on television and published her first cookery book ‘Rasa Bojun’ in 2001.
She is an Advanced Diploma holder from “Wilton School of Cake Making and Decorating” Chicago, USA.  
Meanwhile, National Blood Bank was brimming with people who had come to donate blood and the authorities had to request the donors to stop arriving at the Blood Bank as sufficient stocks had been collected already.
(Cover photo: Shantha Mayadunne’s family photo shared immediately before the blast at Shangrila Hotel)

විඩාපත් මං වගේ – මල් බිසෝ වැන්නී – යුග දෙකක ගී දෙකක අසිරිය

ඊශා කප්පරගේ

යුග දෙකක නිර්මාණය වුණ මේ ගී දෙකේ අපූරු සමානත්වයක් තිබෙනවා කියා මට හිතෙනවා. ඒක පෞද්ගලික රුචිකත්වයක් විතරක් වෙන්නත් පුළුවන්. ඔබ ඒ ගැන සිතන්නේ කුමක්ද කියා දැනගන්නට කැමතියි.
පළමු ගීය සී.ටී. ප්‍රනාන්දු ගැයූ තරමක් පැරණි ගීයක්.
දෙවන ගීය රූනි ගයන සමනල සංධ්වනිය චිත්‍රපටයේ මෙම ගීතයයි.
ඒ සමානත්වය මූලිකව ම තිබෙන්නේ තනුවේ, සංගීතයේ හා ගායනයේයි. පද මාලාවන්ගේත් යම් සමානත්වයක් නැත්තෙ නැහැ. හැබැයි, මූලික ම සමානත්වය තියෙන්නේ ගී දෙකෙන් මවන රසයේ කියායි මට හිතෙන්නේ. හැබැයි මේ යුග දෙකක ගී දෙකක්. සමනල සංධ්වනියේ ගීයට සී.ටී. ප්‍රනාන්දුගේ ගීයෙන් ආභාසයක් ලැබෙන්නට නැතුව ඇති පැහැදිලිවම.
මුල් ගීයේ පද මෙසේයි:
සුනිල වරලස මුදන්නී
දෙදන දක්වා හෙලන්නී
සුවඳ විහිදා යවන්නී
මහද පුබුදන්නී
මල් බිසෝ වැන්නී
 
උපුල් බැල්මෙන් බලන්නී
දෙබැම දේදුනු නගන්නී
කොපුල් තල රතු කරන්නී
මහද පුබුදන්නී
මල් බිසෝ වැන්නී
 
ලයෙහි රන්තුඩු දරන්නී
දෑතෙ ඇත්දල රකින්නී
උරසලා පා නගන්නී
මහද පුබුදන්නී
මල් බිසෝ වැන්නී
 
ගායනය – සී.ටී.ප්‍රනාන්දු
ගී තනුව – ස්ටැන්ලි පීරිස්
ගී පද – කරුණාරත්න අබේසේකර
දෙවන ගීයේ පද මෙසේයි:
ගගන සරන්නට කියා
සිඳුණු අත්තටු හඬයි
දිරාපත් කොළ ති‍බේ
විඩාපත් මං වගේ //

කදෝ කිමි රුපු වගේ
රැයට ඉඩ දී යමී
කල් කුසුම් ගෙනෙනා
සුවඳ සුළඟක් වී එමී
ඒ වුණත් සුහදේ
විඩාපත් මං වගේ///

සමනලුන් යන මගේ
සිහින විසිරී ගියේ
බිඳුණු සිත්ගෙනෙනා
මිහිරි ගීයක් වී එමී
ඒ වුණත් සුහදේ
විඩාපත් මං වගේ ///
පද රචනය: ජයන්ත චන්ද්‍රසිරි
සංගීතය: දර්ශන රුවන් දිසානායක
ගායනය: ඉන්දික රුවන්