2019-04-23

තව්හීද් ජමාත් ත්‍රස්තවාදය සමග වැසෙන ශ්‍රී ලංකාවේ ප්‍රජාතාන්ත්‍රික අවකාශය

ශ්‍රී ලංකාවේ සිදු වූ බෝම්බ ප්‍රහාර මාලාව පසුපස සිටින බලවේග දැන් හෙළිදරව් වෙමින් සිටිති. ඇතැම් සියදිවි නසාගත් බෝම්බකරුවන් හඳුනාගෙන තිබේ. ‍සියලු තොරතුරු ඉතා කෙටි කලකින් මාධ්‍ය මගින් හෙළිදරව් වනු ඇත. (ලිපිය දැන්වීමෙන් පසු දිගට කියවන්න)
Media and Social Entrepreneur
ශ්‍රී ලංකාවේ ප්‍රහාර මාලාව පසුපස ශක්තිමත් ජාත්‍යන්තර ජාලයක් ක්‍රියාත්මක වීමට වඩා සිදුවන්නේ දේශීය ජාලයක ක්‍රියාත්මක වීමකි. දැනට අප දන්නා තොරතුරු අනුව මෙම ප්‍රහාර මාලාව සිදු කළ ජාතික තව්හීද් ජමාත් සංවිධානය සමග සම්බන්ධ ඇතැම් පුද්ගලයන් අපනයන ව්‍යාපාර හා සම්බන්ධ ඉතා ධනවත් අයයි. නිදසුනක් ලෙස දෙමටගොඩ මහවිල ප්‍රදේශයේ නිවසකදී අත්අඩංගුවට ගත්, 2015 මහ මැතිවරණයේ ජවිපෙ ජාතික ලැයිස්තුවේ සාමාජිකයකු වූ ඊබ්‍රාහිම් නමැත්තා වටිනාකම් එකතු කළ තඹ අපනයන ව්‍යාපාරිකයෙකු බව වාර්තා වේ. ඔවුන් යෙදී සිටි ව්‍යාපාරය අති විශාල ලාභ ලබන ව්‍යාපාරයකි. මෙම පුද්ගලයාගේ පුතුන් දෙදෙනෙකු මරාගෙන මැරෙන බෝම්බකරුවන් ලෙස ක්‍රියා කර තිබෙන අතර, එම නිවසේ පිපිරවීමෙන් මිය ගිය අය ද එම පවුලේ අයයි.
ඔවුන් දැඩි ලෙස අන්තවාදී පිරිසක් වන අතර, කෆීර් ලෙස සැලකෙන මුස්ලිම් නොවන සෙසු දෘෂ්ටිකයන් විනාශ කරමින් ආගමේ නාමයෙන් දිවි පිදීමෙන් ස්වර්ගයට යා හැකි යයි විශ්වාස කරන පිරිසකි.
කුඩා කුඩා පල්ලි තැන් තැන්වල අටවාගෙන සම්ප්‍රදායික මුස්ලිම් පල්ලියට ද අභියෝග කරමින් සිටින ජාතික තව්හීද් ජමාත් මෙන් ම ශ්‍රී ලංකා තව්හීද් ජමාත් ද සිගරැට්, මත්පැන්, මත්ද්‍රව්‍ය ආදියට එරෙහි දැඩි ක්‍රියාමාර්ග ගැනීම වැනි බාල, බොළඳ ක්‍රියාමාර්ග හරහා මුස්ලිම් සමාජයේ උපයා ගන්නා ජනප්‍රියත්වය භාවිතා කරන්නේ අන්තවාදී අදහස් ප්‍රචාරණයට හා ඒ වෙත ජනයා හරවා ගැනීමටයි. නිදසුනක් ලෙස වයස අවුරුදු අටේ පමණ දැරියන් විවාහ කරගැනීමේ හා වයස අවුරුදු 12 පමණ වන දැරියන් සමග සංසර්ගයේ යෙදීමේ අවස්ථාව ලබා දෙන මුස්ලිම් විවාහ පනත සංශෝධනය කිරීමට සම්ප්‍රදායික මුස්ලිම් සමාජයට ඉඩ නොදෙන ප්‍රධාන බලවේගයක් වන්නේ මෙකී අන්තවාදී සංවිධානයි. ඔවුන්ට මැදපෙරදිගින් විශාල වශයෙන් මුදල් ද ලැබේ.
සම්ප්‍රදායික මුස්ලිම් භක්තිකයන් කාතන්කුඩි වැනි ඈත ප්‍රදේශවලින් පැමිණ කොළඹත් රටත් අවුල් කරන මෙකී අන්තවාදී කල්ලි වනසා දැමීමේ වගකීම සෙසු සමාජය බෙදාහදාගත යුතු ය.
භයානක ම කාරණය වන්නේ මෙම ප්‍රහාරකයන් බුද්ධි අංශ විසින් නමින් ම හඳුනාගෙන තිබියදීත්, ඔවුන්ව වළක්වන්නට ආරක්ෂක අංශ අසමත් වීමයි.
ත්‍රස්තවාදය සම්බන්ධයෙන් දැඩි නීති අවශ්‍ය වන්නේ එවැනි සංදර්භයක් තුළයි. මූලිකව ම ත්‍රස්තවාදීන්ගේ මානව හිමිකම්වලට සමාජය ගරු කළ යුතු සීමාවක් තිබේ. එසේම, ත්‍රස්තවාදයට ප්‍රජාතන්ත්‍රවාදය අදාළ කරගත නොහැකි බව ද කිව යුතු ය.
මෙම ත්‍රස්තවාදීන් ප්‍රහාරය සැලසුම් කරමින් සිටියදී, ඔවුන්ගේ කුමන්ත්‍රණයේ මූලික මට්ටමේදීමත් ඔවුන් අත්අඩංගුවට ගෙන රඳවා තැබීමේ හැකියාව තිබිණි. එවැනි අවස්ථාවකදී මානව හිමිකම් පිළිබඳ ගැටලු මතු වීම වළක්වා ගත නොහැකි ය. වඩා දැඩි ත්‍රස්ත මර්දන නීති අවශ්‍ය වන්නේ එවැනි සංදර්භයන්හිදී ය. සියලු සාක්ෂි සහිතව ක්‍රියාමාර්ග ගන්නට බලා සිටීමේ අවස්ථාව ත්‍රස්තවාදය විසින් නීතියට ලබාදෙන්නේ නැත. එවැනි නීති රාමුවක් තුළට ත්‍රස්තවාදය නොවන වෙනත් දේ ද ඇතුළත් කරන්නට හැකියාව ලැබීම ද වළක්වන්නට බැරි දෙයකි. උදාහරණයක් ලෙස ඉහත කී ත්‍රස්තවාදීන් ඔවුන්ගේ කුමන්ත්‍රණයේ මුල් අදියරේදී අත්අඩංගුවට ගත් ආකාරයට ම කුමන්ත්‍රණකරුවන් නොවන පිරිසක් ද අත්අඩංගුවට ගෙන රඳවා තබා ගත හැකි ය.
ත්‍රස්ත මර්දන නීතිවලට විරුද්ධ අයට එසේ විරුද්ධ වීමට මානව හිමිකම් පදනමක් තිබේ. එහෙත්, ත්‍රස්තවාදය මානව හිමිකම්වලට ගරු කරන්නේ නැත. එහෙයින් ත්‍රස්තවාදය සම්බන්ධයෙන් තිරශ්චීන අන්දමින් කටයුතු කරන්නට සිදුවීම මානව හිමිකම් ගැටලුවක් බවට පත් කර නොගත යුතු ය. රජය හෝ ආරක්ෂක අංශ මෙම මර්දන නීති දේශපාලනික හා පෞද්ගලික වාසි සඳහා භාවිතා කිරීම වැළැක්වීම සඳහා ප්‍රතිපාදන ත්‍රස්ත මර්දන නීතිවල ඇතුළත් විය යුතු ය. එසේම, ඒ සම්බන්ධ සමාජ විචක්ෂණභාවයක් ද තිබිය යුතු ය.
අත්‍යවශ්‍ය සේවාවන්ට බාධා කිරීම ත්‍රස්තවාදය ලෙස සැලකිය හැකි බවට ගෙන ආ ප්‍රතිපාදන වාමාංශිකයන්ගේ විශේෂ විරෝධයට හේතු විය. එයට හේතුව එමගින් ඉල්ලීම් දිනාගැනීම සඳහා වැඩ වර්ජනය කිරීම යොදාගැනීමට ඇතැම් ශ්‍රම කණ්ඩායම්වලට තිබෙන හිමිකම උල්ලංඝනය වෙනවා ය යන අදහසයි. මෙතැනදී ද සැලකිලිමත් විය යුතු කාරණයක් තිබේ. ත්‍රස්තවාදය ආයුධ සන්නද්ධව මෙන් ම නිරායුධව ද ක්‍රියාත්මක විය හැකි ය. ඇතැම් දෘෂ්ටිවාදීමය අන්තවාදයන් අදහන අය ද ජිහාඩ් කල්ලි වැනි ම වේ. ඔවුන් කඩාකප්පල්කාරිත්වය සඳහා ශිෂ්‍ය හා කම්කරු අරගල භාවිතා කරන බවට පසුගිය සමයේ ශ්‍රී ලංකාවේ අත්දැකීම්වලින් වුව ද වටහා ගත හැකි ය. ආර්ථික ඉල්ලීම් දිනාගැනීම සඳහා වන උද්දේශනයේදී විචක්ෂණ අන්දමින් වර්ජනය පාවිච්චි කිරීම හා කඩාකප්පල්කාරිත්වය සඳහා එය යොදාගැනීම අතර වෙනස සලකුණු කිරීමේ වගකීම රජයට මෙන් ම වෘත්තීය සමිතිවලට ද තිබේ. මෙහිදී ද වැදගත් වන්නේ සමාජ විචක්ෂණභාවයයි.
සමස්තයක් ලෙස, ත්‍රස්ත මර්දන උපක්‍රමවලදී නීතිය සීමාසහිත මෙවලමකි. එහෙත්, එය ත්‍රස්ත මර්දන මෙහෙයුම් සඳහා බාධාකාරී නොවීම මූලික අවශ්‍යතාවකි. එසේම, ත්‍රස්ත මර්දනයේ සීමා නිර්ණය කිරීම සඳහා නීති වැදගත් ය. එය විශේෂයෙන් ම රජයේ, පොලිසියේ හා ආරක්ෂක අංශවල ත්‍රස්ත මර්දන ක්‍රියාමාර්ගවල සීමා නිර්ණය කිරීම සඳහා නීති වැදගත් වේ.
මෙම ප්‍රහාර මාලාවත් සමග ශ්‍රී ලංකාව නව යුගයකට පිවිස තිබේ. එය සුසමාදර්ශීය වෙනසකි. 2015 සිට විවෘත වූ ප්‍රජාතාන්ත්‍රික අවකාශය මේ සමග වසා දමනු ලැබේ. ලංකාවේ සෑම මට්ටමක ම දේශපාලන, ආගමික, වෘත්තික, ශිෂ්‍ය, මාධ්‍ය ආදී ස්ථර රැසක් විසින් විවෘත වූ ප්‍රජාතාන්ත්‍රික අවකාශය නින්දිත ලෙස අපහරණය කරන ලදී. එමගින් එය තාර්කික ලෙස අන්තයක් කරා යමින් තිබුණු අතර, මෙම බෝම්බ ප්‍රහාර මාලාව හේතුවෙන් එම අවසානය වඩාත් ඉක්මන් විය.
සිද්ධිමය වශයෙන් මෙම ත්‍රස්තවාදය අවසන් නැත. එය ආරම්භයක් පමණි. මරාගෙන මැරුණු ජාතික තව්හීද් ජමාත් සංවිධානයේ නායකයා ඇතුළු සෙසු අය විසින් තවත් විශාල පිරිසකට වැරදි අනුප්‍රාණයක් සපයා තිබේ. මෙම අලුත් මරාගෙන මැරෙන දේශපාලනයේ අනුනාදය ලෙහෙසියෙන් මැකී නොයනු ඇත.
කණගාටුදායක ම කාරණය වන්නේ ශ්‍රී ලංකාවේ තාවකාලික ප්‍රජාතාන්ත්‍රික අවකාශය වැසී යන්නේ බරපතල සාමය කඩවීමක් ද සමග වීමයි. සාමය ස්ථාවර කිරීම සඳහා ලැබුණු අවස්ථාව අප විසින් අත්හැර දමා තිබේ. දේශපාලනය ගැන අලුතින් ම සිතන්නට සිදු වී තිබේ.

2019-04-21

SERIES OF MASSIVE EXPLOSIONS IN COLOMBO ON EASTER SUNDAY; LARGE NUMBER OF DEATHS

At least six bomb blasts were reported in Sri Lanka on Easter Sunday. Video evidence from a church in Negambo showed apparently dead or seriously injured. At least three of these blasts have taken place in Christian churches.
They are Kochchikade St. Anthony’s church in Colombo city, Katuwapitiya St. Sebastian’s Church in Negambo and another church in Batticaloa. Eyewitnesses reported massive damage. Death toll is expected to raise to scores and over 100 injured persons have been admitted to hospitals.
More blasts are reported from several hotels in Colombo. Unconfirmed reports said the blasts had taken place at Shangrila and Kingsbury hotels in Colombo.
(Cover photo: Katuwapitiya St. Sebastian’s Church in Negambo)

SOCIAL MEDIA PARTIALLY BLOCKED; ANOTHER AFTERNOON BLAST IN SRI LANKA

Hours after the series of bomb attacks in Sri Lanka in the morning of Easter Sunday, another explosion was reported in a hotel near National Zoological Gardens at Dehiwala, south of Colombo city. At least two persons have died. (Update: Reports around 3 p.m. said another blast has taken place at a housing scheme in Dematagoda in Colombo city)
Sri Lankan government Minister Mano Ganeshan tweeted, “A week before, my Ministerial Security Division (MSD) officers had been warned by their Division on two suspected suicide bombers in Colombo targeting politician,” several hours after the attacks that killed over 175 persons and injured more than 400 people.
Meanwhile, a letter was shared in social media widely by the anti-government elements and the racists claiming it was a directive by police to the VIP security divisions. The letter which the government sources declines as fake points finger towards an ethno-religious group for planning terrorist attacks.
Opposition Leader Mahinda Rajapaksa also tweeted “It is absolutely barbaric to see such violent attacks on such a holy day. Whoever is behind these attacks must be dealt with immediately. My thoughts and prayers are with the families that lost loved ones and all of Sri Lanka.”
Government announced security had tightened and urged people to moan calmly.

Sri Lanka Telecom has meanwhile apparently blocked Facebook, You Tube, Viber and Whatapp. Groups based on these platforms were clearly visible organizing for hate campaigns and violence.
Meanwhile, Sri Lanka media reported that famous culinary trainer Shantha Mayadunne and her daughter Nisanga Mayadunne had passed away in the bomb attack at Shangrila Hotel Colombo where they had visited with the family. They had shared on social media, a family photo while dining.
She was a famous culinary demonstrator on television and published her first cookery book ‘Rasa Bojun’ in 2001.
She is an Advanced Diploma holder from “Wilton School of Cake Making and Decorating” Chicago, USA.  
Meanwhile, National Blood Bank was brimming with people who had come to donate blood and the authorities had to request the donors to stop arriving at the Blood Bank as sufficient stocks had been collected already.
(Cover photo: Shantha Mayadunne’s family photo shared immediately before the blast at Shangrila Hotel)

විඩාපත් මං වගේ – මල් බිසෝ වැන්නී – යුග දෙකක ගී දෙකක අසිරිය

ඊශා කප්පරගේ

යුග දෙකක නිර්මාණය වුණ මේ ගී දෙකේ අපූරු සමානත්වයක් තිබෙනවා කියා මට හිතෙනවා. ඒක පෞද්ගලික රුචිකත්වයක් විතරක් වෙන්නත් පුළුවන්. ඔබ ඒ ගැන සිතන්නේ කුමක්ද කියා දැනගන්නට කැමතියි.
පළමු ගීය සී.ටී. ප්‍රනාන්දු ගැයූ තරමක් පැරණි ගීයක්.
දෙවන ගීය රූනි ගයන සමනල සංධ්වනිය චිත්‍රපටයේ මෙම ගීතයයි.
ඒ සමානත්වය මූලිකව ම තිබෙන්නේ තනුවේ, සංගීතයේ හා ගායනයේයි. පද මාලාවන්ගේත් යම් සමානත්වයක් නැත්තෙ නැහැ. හැබැයි, මූලික ම සමානත්වය තියෙන්නේ ගී දෙකෙන් මවන රසයේ කියායි මට හිතෙන්නේ. හැබැයි මේ යුග දෙකක ගී දෙකක්. සමනල සංධ්වනියේ ගීයට සී.ටී. ප්‍රනාන්දුගේ ගීයෙන් ආභාසයක් ලැබෙන්නට නැතුව ඇති පැහැදිලිවම.
මුල් ගීයේ පද මෙසේයි:
සුනිල වරලස මුදන්නී
දෙදන දක්වා හෙලන්නී
සුවඳ විහිදා යවන්නී
මහද පුබුදන්නී
මල් බිසෝ වැන්නී
 
උපුල් බැල්මෙන් බලන්නී
දෙබැම දේදුනු නගන්නී
කොපුල් තල රතු කරන්නී
මහද පුබුදන්නී
මල් බිසෝ වැන්නී
 
ලයෙහි රන්තුඩු දරන්නී
දෑතෙ ඇත්දල රකින්නී
උරසලා පා නගන්නී
මහද පුබුදන්නී
මල් බිසෝ වැන්නී
 
ගායනය – සී.ටී.ප්‍රනාන්දු
ගී තනුව – ස්ටැන්ලි පීරිස්
ගී පද – කරුණාරත්න අබේසේකර
දෙවන ගීයේ පද මෙසේයි:
ගගන සරන්නට කියා
සිඳුණු අත්තටු හඬයි
දිරාපත් කොළ ති‍බේ
විඩාපත් මං වගේ //

කදෝ කිමි රුපු වගේ
රැයට ඉඩ දී යමී
කල් කුසුම් ගෙනෙනා
සුවඳ සුළඟක් වී එමී
ඒ වුණත් සුහදේ
විඩාපත් මං වගේ///

සමනලුන් යන මගේ
සිහින විසිරී ගියේ
බිඳුණු සිත්ගෙනෙනා
මිහිරි ගීයක් වී එමී
ඒ වුණත් සුහදේ
විඩාපත් මං වගේ ///
පද රචනය: ජයන්ත චන්ද්‍රසිරි
සංගීතය: දර්ශන රුවන් දිසානායක
ගායනය: ඉන්දික රුවන්

යුද අපරාධ කතිකාව මැදින් යුද අපරාධකරුවන් බලය දෙසට

අජිත් පැරකුම් ජයසිංහ

වසර 2008දී අල්ලා ගන්නා ලද ශ්‍රී ලාංකික හමුදා සොල්දාදුවන් 15දෙනෙකුගේ ආරක්ෂාව භාරව සිටීම, ඔවුන් ඝාතනය කරන ස්ථානයකට ප්‍ර‍වාහනය කිරීම සහ ඝාතනයෙන් පසුව ඔවුන්ගේ මළසිරුරු පුළුස්සා දැමීමට උදව් කිරීම සහ තවත් සිද්ධියකදී සොල්දාදුවන් 13දෙනෙකුට වෙඩි තබා දෙදෙනෙකු මරා දැමීම සහ ඉතිරි 11දෙනා මරාදැමීමට උත්සාහ කිරීම යන චෝදනා යටතේ, වර්තමානයේ ජර්මනියට පළාගොස් සිටින හිටපු කොටි සටන්කරුවකුට එරෙහිව නඩු පැවරීමට ජර්මන් රජය කටයුතු කර තිබේ. (ලිපිය දැන්වීමෙන් පසු දිගටම කියවන්න)
Media and Social Entrepreneur
37හැවිරිදි පුද්ගලයකු වන සිවදීබන් බී. ලෙස මාධ්‍යවල වාර්තාගත වන මෙම 37හැවිරිදි පුද්ගලයාට එරෙහිව විදේශ ත්‍ර‍ස්ත සංවිධානයක සාමාජික වීම, යුද අපරාධ, මිනිස් ඝාතන හා මරාදැමීමට උත්සාහ කිරීම සම්බන්ධයෙන් චෝදනා ගොනු කර තිබේ.
මෙම නඩුව ඉතා වැදගත් ය. එහෙත්, අපරාධය සිදු වූ රටෙන් බැහැර ස්ථානයකදී සිදු වන මෙම නඩු විභාගය සාර්ථක කරගැනීම ඉතා දුෂ්කර ය. මූලික විමර්ශන සිදු නොවීමේ පදනම මත මෙම පුද්ගලයාට පහසුවෙන් නිදහස ලබාගත හැකි වනු ඇත. එහෙත්, එම නඩු පැවරීම සංකේතාත්මකව වැදගත් ය.
වසර 2007දී, ඇමරිකා එක්සත් ජනපදයේ පුරවැසියකු වූ ගෝඨාභය රාජපක්ෂ ශ්‍රී ලංකාවේ ආරක්ෂක ලේකම් ධුරය දරන ලද සමයේෙදී, ඔහුගේ නියමය පරිදි අත්අඩංගුවේ තබාගන්නා ලද පුද්ගලයකු හිංසනයට ලක් කිරීම සම්බන්ධයෙන් එම පුද්ගලයා විසින් ගෝඨාභය රාජපක්ෂට එරෙහිව එක්සත් ජනපදයේදී නඩු පැවරීම ද, 2008දී අධිආරක්ෂක කලාපයකදී සිය පියා ඝාතනය කිරීම සම්බන්ධයෙන් ලසන්ත වික්‍ර‍මතුංග මාධ්‍යවේදියාගේ දියණිය වන අහිම්සා වික්‍ර‍මතුංග විසින් ගෝඨාභය රාජපක්ෂට එරෙහිව එක්සත් ජනපදයේදී නඩු පැවරීම ද එවැනි ම සංකේතාත්මක වශයෙන් වැදගත් නඩු පැවරීම් දෙකකි.
කොටි සටන්කරුවාට එරෙහිව පවරා තිබෙන නඩුව මෙන් ම ගෝඨාභය රාජපක්ෂට එරෙහිව පවරා තිබෙන නඩු ද ඇත්ත වශයෙන් ම යුද්ධය හා සම්බන්ධ ඒවා ය. මාධ්‍යකරුවකු ඝාතනය කිරීම යුද්ධය සමග සම්බන්ධ වන්නේ කෙසේ ද යන්න යම් කෙනෙකුගේ විමසීමට ලක් විය හැකි ය.
යුද ජයග්‍ර‍හණය සහ යුද අපරාධ අතර ඇත්තේ ගසට පොත්ත සේ දැඩිව බද්ධ වූ සම්බන්ධයකි. යුද ජයග්‍ර‍හණයට යුද අපරාධවලින් වෙන් කර ගැනීම දියෙන් කිරි වෙන් කර ගන්නා බව කියන හංසයෙකුටවත් බැරි බව අපේ අදහසයි. යුද්ධය දිගින් දිගට ඇදී ගියත්, කුමන හෝ ආකාරයක ජයග්‍ර‍හණයක් කවුරු හෝ ලැබුවත්, අනිවාර්යයෙන් ම ඒ පසුපස යුද අපරාධ තිබේ. යුද්ධයේ කාලීන හා භූගෝලීය පැතිරීම අනුව යුද අපරාධවල විස්තීර්ණභාවය ද වැඩි වේ. එබැවින්, මෙවැනි නඩු පැවරීම්වල තිබෙන්නේ හුදු සංකේතාත්මකභාවය පමණි. යුක්තිය පසිඳලීමේ යාන්ත්‍ර‍ණයන්ට හසු කරගැනීමට බැරි තරමට ශ්‍රී ලංකාවේ යුද අපරාධ පරිමාණය විශාල ය.
ශ්‍රී ලංකාවේ පැවති යුද්ධය වැනි එකක් ජයගැනීමට නම්, නීතිමය රාමුවට පිටින් ක්‍රීඩා කිරීමට අනිවාර්යයෙන් ම සිදු වේ. රජය, කොටි සංවිධානය පමණක් නොව, රජය, අධිකරණය, ජනමාධ්‍ය වැනි සිවිල් අවකාශයන් පවා යුද්ධය සම්බන්ධයෙන් කටයුතු කළේ නීතිමය රාමුව තුළ නොවේ. ඇතැම් මාධ්‍යකරුවන් පවා යුද අපරාධවලට සම්බන්ධ ය. එහෙත්, ලසන්ත වික්‍ර‍මතුංග මරා දමන්නේ එවැනි හේතුවක් මත නොවේ. ඔහු මරා දමන්නේ මහින්ද, ගෝඨාභය, බැසිල් වැනි යුද්ධයේ දේශපාලන, මිලිටරි හා ආර්ථික සෙන්පතියන් තිදෙනාගේ නීති විරෝධී ක්‍රියා ප්‍ර‍ජාතාන්ත්‍රික හා සිවිල් අයිතිවාසිකම් පදනමින් ප්‍ර‍ශ්න කිරීම නිසා ය.
යුද්ධයේ ජයග්‍ර‍හණය සඳහා මහින්දගේ දේශපාලනික ජනප්‍රියත්වය, ගෝඨාභයගේ කෘරත්වය, බැසිල්ගේ දූෂණ යන කාරණා තුන ම ඉවහල් වූ බව අප අමතක නොකළ යුතු ය. සිය ග්‍ර‍හණයට නතු කරගත් ශ්‍රී ලංකාවෙන් රාජපක්ෂ පවුල ලැබූ ප්‍රමෝදය හා යුද්ධය ජයගැනීම යන දෙක එකිනෙකින් වෙන් කළ නොහැකි තරමට සම්බන්ධ ය. යුද ජයග්‍ර‍හණයට ආසිරි පතමින් යුද අපරාධවලට එරෙහිව පෙනී සිටීම කළ නොහැක්කේ එහෙයිනි. එය බල්ලන් සමග දඩයම් කරමින් හාවුන් සමග දිවීම වැනි දෙයකි. ඉන්දියාව, ඇමරිකා එක්සත් ජනපදය මෙන් ම යුරෝපා සංගමයේ ජර්මනිය වැනි රටවල් ද කරමින් සිටින්නේ එයයි. යුදමය විනාශය වැළැක්වීමට තීරණාත්මක බලපෑමක් නොකිරීම ඔස්සේ මෙම රටවල් ශ්‍රී ලංකාවේ යුද්ධයට අනුබල දුන්නෝ ය.
ශ්‍රී ලංකාවේ පශ්චාත් යුද සාමය තුළ දැකිය හැකි ප්‍ර‍ධාන ලක්ෂණයක් වන්නේ යුද අපරාධ චෝදනා ස්ථාවර සාමයකට කරන බලපෑමයි. සාමය ස්ථාවර වීම සඳහා දේශපාලන විසඳුමක් අවශ්‍ය බව ඇත්ත ය. එහෙත්, ගැටුම් විරහිතව පැවතීමත් එක්තරා දුරකට සාමයකි. නිත්‍ය හෝ තාවකාලික හෝ වන එකී සාමයට පවා මෙකී යුද අපරාධ චෝදනා බාධාවක් වී තිබේ.
යුද්ධය සම්බන්ධයෙන් වගවීමක් ඉල්ලා සිටීම නූතන මානව හිමිකම්, සිවිල් අයිතිවාසිකම් හා ප්‍ර‍ජාතන්ත්‍ර‍වාදී සංකල්ප සමග අනුගත විය හැකි ය. එහෙත්, සිදු නොවන වගවීමක් වෙනුවෙන් දිගින් දිගට ම ඇදි ඇදී යන උද්දේශනයක් යනු විහිළුවකි. මේ සම්බන්ධ දේශීය පමණක් නොව, ජාත්‍යන්තර උද්දේශනයන් විසින් ද කැපී පෙනෙන ප්‍ර‍ගතියක් අත්පත් කරගෙන නැත. විධිමත් විමර්ශනයක් හෝ සත්‍ය කොමිෂමක් වැනි කිසිවක් යුද්ධයේ අවසානයෙන් දස වසරකට පසුව පවා සිදු වී නැත. එසේම, වින්දිතයන් වෙනුවෙන් වන්දි ගෙවීම වැනි අවම ක්‍රියාමාර්ග හෝ ප්‍ර‍මාණවත් පරිදි සිදු වී නැත.
භයානක ම කාරණය වන්නේ යුද අපරාධ සම්බන්ධ කතිකාව දැඩි ලෙස දේශපාලනීකරණය වීමයි. එහි ප්‍ර‍තිඵලයක් ලෙස සමාජයේ දිගුකලක් තිස්සේ තිබුණු ජාති, ආගම් ආදී බෙදීම්වලට අමතරව මේ වන විට බලයෙන් පහකර සිටින යුද අපරාධකරුවන් නැවත බලයට ගෙන ඒමට පක්ෂ හා විරුද්ධ පිරිස් ලෙස ද සමාජය බෙදී අන්තවලට තල්ලු වෙමින් තිබේ. මෙය සිංහල හා දෙමළ යන බෙදීම තුළ වෙන වෙන ම දැකිය හැකි ය.
යුද අපරාධ සම්බන්ධ කතිකාව වෘත්තීයකරණය වීම අනෙක් බරපතල ප්‍ර‍ශ්නයයි. වෙනත් වචනවලින් කියන්නේ නම්, යුද අපරාධ පිළිබඳ උද්දේශනය රස්සා, ආදායම් මාර්ග, විදේශ චාරිකා ආදිය සම්බන්ධ වෘත්තීය ක්‍රියාවලියක් බවට පත් වී තිබේ. එය කෙතරම් ආන්තික ද යත්, මේ වන විට දේශපාලන විසඳුමක් පිළිබඳ කතිකාව මුළුමනින් ම යටපත් වී ඇති ආකාරයක් ද දැකිය හැකි ය. සිවිල් සමාජය මේ කරමින් සිටින්නේ කුමක් ද?

2019-04-18

FIRST EVER OFF SEASON SRIPADA PILGRIMAGE

Chandra Jayasinghe (Read in Sinhala here>>)

On November 23, 1993, Anura Thanthilage – the producer, Nisitha Warnasuriya – the cameraman, Asoka Bulathsinhala – the lighting technician, Anurasiri – the engineering assistant and I, a trainee recording technician commenced the journey on WFR van driven by Galagedara to produce a special documentary on behalf of national television Sri Lanka Rupavahini Corporation. It was on visiting Sripada mountain off season. Our mission was to report information and facts in concern to Sripada area out of season on contrary to the season in which hundred thousands of pilgrims worship Siripa. (Article continued after the ad)
Media and Social Entrepreneur
We reached Palabaddala temple via Gilimale, Ratnapura and spent first night in the preaching hall of the temple. There, we arranged polythene covers to protect our recording equipment from rain.
We started to climb Sri Pada Mountain after religious offerings at Palabaddala Temple. Four more villagers joined our team to assist us for cooking and carrying our luggage. the climb was slow. We were filming everything.
The next night was at Lihinihela Ambalama . The cook and the helpers prepared us a hot dinner added with lot of spices such as chilies in order to keep us warm in the chilly weather. That was my first night out after I joined the national television which I spent in such a freezing cold. The cold was so unbearable that all of us shivered out the night. We wanted to put up a fire but the helpers opposed due to imminent threat from the tigers.
We proceeded ahead slowly through the slippery footpaths overcoming the difficulties. While shooting, we were soaked in the torrential showers. We spent that night at Heramitipana Ambalama.
On 26th, we proceeded from Heramitipana to Siripa Maluwa (compound). The steps on the path towards Mahagiridamba were unstable. We climbed Mahagiribamda amidst heavy showers and howling winds, trying hard to get as much footage we could capture.
Keeping our instrument protective in the cellophane bags, we entered into Siripa Maluwa at dusk soaked to the bones in rain water and shivering like fish out of water. All of us fell asleep lying huddled on a mat in a small hut at the Maluwa.
Early in the morning on 27th, the off season pilgrims worshiped Siripa after cleaning the compound. Dolosmahe pahana, the lamp supposed to be lit through out all 12 months was lit. Smoke of incense sticks was blown away fast in the winds. We rang the bells on top of the hill.
Thus, a team of Sri Lanka Rupavahini Corporation was able to film the first television programme off the season on the Sripada mountain.
Conclusion……..
Also, it was the first time I climbed the Sripada Mountain. As an amateur, I was supposed to wear white clothes, to bathe in the icy cold waters of the River Seetha Gangula and to do stitching at Getthampana. However, I did not have time to do any of them. From that day onward I have climbed the mountain a number of times. The majority of such instances were for producing television programmes for Sri Lanka Rupavahini Corporation.
I am an official pilgrim of Sripada.
(Translated by Rajendra Wijesinghe)
Adapted from praja.lk

ඉන්දුනීසියාවේ ජනාධිපතිවරණයෙන් ‘කෞශල්‍යතන්ත්‍රවාදී’ ජොකොවි ජය ගනී

අජිත් පැරකුම් ජයසිංහ

ඉන්දුනීසියානු ජනාධිපති ජෝකෝ විඩෝඩෝ හෙවත් ජොකොවි ඔහුගේ ප්‍රතිවාදී අපේක්ෂකයා වන හිටපු හමුදා ජනරාල්වරයකු වන ප්‍රොබෝවෝ සුබියැන්ටෝ පරදා 2019 අප්‍රේල් 17දා පැවති ජනාධිපතිවරණය ජයගෙන දෙවන වරට ද තේරී පත් වී තිබේ. කෙසේ වෙතත්, ඔහුගේ ඡන්ද ප්‍රතිශතය අපේක්ෂා කළ තරම් ඉහළ එකක් නොවන බව ද වාර්තා වේ.
විඩෝඩෝ ආර්ථිකය මැනැවින් කළමනාකරණය කරමින්, උද්ධමනය පහළ තබා ගනිමින්, ආර්ථික වර්ධන වේගය ද ස්ථාවර කරගෙන රට පාලනය කළේ ය. ඔහු අතින් පරාජය වුණේ 1998දී මහජන උද්ඝෝෂණ මගින් බලයෙන් පහ කරන ලද හිටපු ජනාධිපති සුහර්තෝ‍ගේ දියණියගේ ස්වාමි පුරුෂයායි. ඔහු ව්‍යාපාරිකයෙක්. එසේම හිටපු හමුදා නිලධාරියෙක්. ඔහුට එරෙහිව තිබෙන යුද අපරාධ චෝදනා නිසා ඔහු ඇමරිකා එක්සත් ජනපදය වැනි රටවල නිල නො වන ගමන් තහනමකට ලක් වී සිටින අයෙක්.  (ලිපිය දැන්වීමෙන් පසු දිගට ම කියවිය හැකි ය.)
Media and Social Entrepreneur
ලොව විශාලතම මුස්ලිම් ජනගහනය වෙසෙන රට වන ඉන්දුනීසියාවේ ජනාධිපති ධුරයට 2014දී තේරී පත්වීමේදී පටන් ම ඔහුට නැගුණු චෝදනාවක් වූයේ ඔහු ක්‍රිස්තියානුවකු බවයි. ඔහු ඉස්ලාම් ආගමිකයකු වුව ද, දැඩි ආගමික භක්තියක් ප්‍රදර්ශනය කරන අයෙකු නොවේ. තත්වය තුලනය කිරීම සඳහා ඔහු විසින් පත් කරගෙන තිබෙන උප ජනාධිපතිවරයා දැඩි මතධාරී මුස්ලිම් ජාතිකයෙකි. ඔහු ඉස්ලාමික නීති ක්‍රියාත්මක කිරීම, සමලිංගිකත්වය තහනම් කිරීම හා ඇතැම් ඉස්ලාම් ආගමික සංවිධාන තහනම් කිරීම පිළිබඳ කතා කරයි.
දූපත් 17,000ක් ඇති ඉන්දුනීසියාවේ මිලියන 187ක් වන ලියාපදිංචි ඡන්දදායකයන් අතරින් 80%ක් පමණ ඡන්දය ප්‍රකාශ කර තිබේ. ඉතිහාසයේ පළමු වරට, මෙවර එකවර මැතිවරණ පහක් පැවැත්විණි. ඒ අතර ජාතික ව්‍යවස්ථාදායක සභාව, පළාත්, ප්‍රාදේශීය හා පළාත් පාලන මැතිවරණ තිබේ.
ජොකොවි ඉතා දිළිඳු පැල්පත් සමාජයකින් පැවත එන කෙනෙක්. ජනාධිපති පදවියට පත් වන්නට පෙර ඔහු ජකර්තාහි ආණ්ඩුකාරවරයා වුණා. 
ඉන්දුනීසියාව වේගයෙන් වර්ධනය වන ආර්ථිකයක් හිමි රටක්. එහෙත්, ජනගහණය අතින් ලොව සිව්වන ස්ථානයේ සිට ඉන්දුනීසියායේ මිලියන 100ක් ජනයා දිනකට ඩොලර් දෙකකට අඩු ආදායමකින් ජීවත් වන දිළින්දෝයි.
ජොකොවිගේ පාලනය තුළ ද හමුදා බලය, නිලධාරිවාදය, මර්දනය ආදිය මුළුමනින් ම නැති වී ගියේ නැහැ.
ජොකොවි බලයට පත් වූ අලුත කතාබහට ලක් වුණ සංකල්පයක් තමයි කෞශල්‍යතන්ත්‍රවාදය.
මෙරිටෝක්‍රසි කියන්නේ ලංකාවේ සුලබව භාවිතා වන වදනක් නොවෙයි. මෙම වදන සෑදී තිබෙන්නේ ‘උපයනවා’ යන අරුත දෙන ලතින් mereō නම් වදන හා පැරණි ග්‍රීක් බසින් බිඳී ආ ‘බලය’ ‍හෝ ‘ශක්තිය’ ‍හෝ අරුත් ගන්වන  cracy ය වදන එක් වීමෙනුයි. එවිට මෙහි අරුත උපයා ගත් ශක්තිය වැන්නක්. 
අපි democracy කියන වචනය ප්‍රජාතන්ත්‍රවාදය කියා පරිවර්තනය කරන නිසා මා මේ මෙරිටෝක්‍රසි කියන වදනට යෝජනා කරන්නේ කෞශල්‍යතන්ත්‍රවාදය යන වචනයයි. 
කෞශල්‍යතන්ත්‍රවාදයෙන් අරුත් ගැන්වෙන්නේ කුසලතා මත තේරී පත් වූ නියෝජිතයන්ගේ පාලනය යන්නයි. 
ඉන්දුනීසියාවේ සුහර්තෝ පවුලෙහි නියෝජිතයා වන ජනාධිපති අපේක්ෂක සුබියැන්ටෝ ද ජාතිකවාදය, දේශප්‍රේමය, ආගම්වාදය, හමුදා බලය ආදිය ප්‍රවර්ධනය කරන කෙනෙක්. එහෙත්, මෙවරත් ඔහු පරාජය වීම කලාපීය දේශපාලන ප්‍රවණතාවලදී කැපී පෙනෙන ලක්ෂණයකි.