W3Lanka: Praja.lk Backup

(2010 ජුලි 10,  W3Lanka )  එක්සත් ජාතීන්ගේ ලේකම් බෑන් කී මුන්ගේ කමිටුවට එරෙහි සටන අවසන් වන්නේ ජයග්‍රහණයෙන් හෝ මරණයෙන් පමණක්‌ බවත් ඉන් එපිට කිසිදු විසඳුමක්‌ අවශ්‍ය නැති බවත් ඊයේ කී විමල් අද උපවාසය අවසන් කළේ ය. ඒ බෑන් කී මූන් කමිටුව ඉවත් කර ගත් නිසා නොවේ. රජයේ නිල පුවත් ඒජන්සිය වන ලංකා පුවත් පවසන පරිදි මෙයට හේතු වී ඇත්තේ ජාතියේ ආඩම්බරකාර තාත්තාට විමල්ගේ දුව ගැන ඇති වූ දාරක ස්නේහයයි. ජනාධිපති මහින්ද රාජපක්‍ෂ මහතා ඊයේ(09) රාත්‍රියේ විමල් වීරවංශ අමාත්‍යවරයාගේ නිවසට දුරකථන ඇමතුමක් ලබාදී තිබෙනවා. මේ දුරකථන ඇමතුමට අඬමින් පිළිතුරු දුන් විමල් වීරවංශ මහතාගේ බිරිඳ ඉල්ලා සිටියේ “විමල්ව කෙසේ හෝ බේරා දෙන්න‍” යනුවෙන්. මඳ වේලාවක් වීරවංශ මහතා ආරම්භ කර ඇති උපවාසය පිළිබඳ කතා කරමින් සිටි ජනාධිපතිතුමන්ට විමල් වීරවංශ මහතාගේ බිරිඳ පැවසුවේ “සර් දුවත් ඉන්නවා, දුවත් හොඳටම අඬනවා, තාත්තා කන්නේ නැති නිසා එයත් අද රෑ ඉදලා කන්නේ නැහැ කියන” බවයි. ජනාධිපතිතුමා ඒ මොහො‍තේ විමල්ගේ දියණියටද දුරකථනය ඔස්සේ කතා කර තිබෙනවා. එවිට දියණියද හඩා වැලපෙමින් “තාත්තිව හෙට දවල් කෑමට ගෙදර එක්කරගෙන එන්න” යනුවෙන් ජන...

(2010 ජුලි 09,  W3Lanka )  එක්සත් ජාතීන්ගේ සංවර්ධන ව්‍යාපෘතියේ කොළඹ කාර්යාලය වසා දමා ඇත. නේවාසික සම්බන්ධීකාරක Neil Buhne උපදෙස් සඳහා නිව්යෝක් වෙත කැඳවා තිබේ. ඇමති විමල් වීරවංශ එක්සත් ජාතීන්ගේ කොළඹ කාර්යාලය ඉදිරිපිට මාරාන්තික උපවාසයක ය. එක්සත් ජාතීන් ඔහුට බයේ ලේකම්ගේ කමිටුව අකුළා ගන්නා බවක් පෙනෙන්නට නැත. අපේ අසහාය දේශප්‍රේමී විමල් වීරවංශට මැරෙන්නට දෙන්න බැරි ය. ආණ්ඩුව වහා මැදිහත් විය යුතු ය. නම්බු පිටින් විමල්ට තැඹිලි වතුර බොන්නට ක්‍රමයක් වහා සකස් කළ යුතු ය.  ආණ්ඩුවට මෙසේ කරන්නට පුළුවන. රාජ්‍ය නොවන සංවිධාන ඉත්තකු ලවා පෙත්සමක් ගොනු කරවා මෙම උපවාසය නතර කරන්නැයි අධිකරණ නියෝගයක් ගත හැකි ය.  ත්‍රෛනිකායික මහ නායක හිමිවරුන්ට කියා උපවාසය නවත්වන්නැයි ඉල්ලා සිටිය හැකි ය.  නො කළ හැක්කක් නොමැත. එහෙත් ඉක්මන් කළ යුතු ය. මේ සුන්දර රූපය දිරන්නට ඉඩ නො දිය යුතු ය. නම දිරුවත් රූපය නො දිරිය යුතු ය.  You may also like to read our English blog   Lanka Polity

එක්සත් ජාතීන්ගේ සංවිධානයේ ලේකම් බෑන් කී මූන් ලංකාවට පැමිණි අවස්ථාවේ ගන්නා ලද මෙම ඡායාරූපයේ සිටින පුද්ගලයන්ගේ ශරීර භාෂාව ගැන ඔබ සිතන්නේ කුමක්ද?  විමල්ගේ මුහුණේ ඇති බයාදුකමට හේතුව කුමක්ද?  අතට අත දී ඇති අන්දම බලන්න. පළමු හමුවේදී අත් දෙකින් ම අල්ලා අතට අත දෙන්නෝ ව්‍යාජ පුද්ගලයෝ ය. විමල් එසේ කරන්නට ගොස් අතරමග නැවතී හෝ පමා වී හෝ ඇත.   ජාතියේ ආඩම්බර තාත්තාගේ මුහුණේ ඇත්තේ අනුකම්පාවකි.   බෝගොල්ලාගම හිනා වෙන්නේ ඇයි?  You may also like to read our English blog   Lanka Polity

(2010 ජුලි 07,  W3Lanka )  සතුරා විසින් වට කර ගත්තේ යයි හැ‍ඟෙන කල බොහෝ රුසියානුවන්ට සැබෑ මානසික සහනයක් දැනේ. දේශපාලකයන්ට එය වගකීම්වලින් පළා යාම සඳහා මාර්ගයක් ලෙස පාවිච්චි කළ හැකි ය. ටික කලකට ඉහතදී පුවත්පත් කලාවේදියකු සමග කළ සාකච්ඡාවක් මට සිහිපත් වේ. කියුබාව ඇමරිකානු නාවික හමුදා විසින් වටකිරීමට භාජනය වී සිටි සමයේ කියුබානු කැබිනට් රැස්වීමක‍ට සවන් දුන් මෙම පුවත්පත් කලාවේදියා වාර්තා කළ පරිදි ජනේලයෙන් පිටත ඈත සිතිජයේ එක දිගට නතර කර තිබුණු එක්සත් ජනපද යුද නැව් දෙසට ඇඟිල්ල දිගු කළ ෆිදෙල් කැස්ත්‍රෝ මෙසේ කීවේ ය. "උන් ගියොත් එහෙම අපට මේවා කාඩ්බෝඩ්වලින් හරි හදා ගන්න වෙනවා." -මොස්කව්හි ලෙවාඩා මධ්‍යස්ථානයේ ජ්‍යේෂ්ඨ පර්යේෂක, සමාජ විද්‍යාඥ ඇලෙක්සේයි ලෙවින්සන් ප්‍රභාකරන් වෙල්ලිමුල්ලිවයික්කාල්හිදී අවසන් සටනින් පැරදුණ දවසේ සිට ලංකාවේ ආණ්ඩුවට සතුරකුගේ පුරප්පාඩුවක් තිබේ.  දෙමළ ඩයස්පෝරාව සතුරා ලෙස පෙන්නන්නට දැරූ උත්සාහය සාර්ථක වූයේ නැත. එකක්, දෙමළ ඩයස්පෝරාවේ රුද්‍රකුමාරන් වැනි නායකයන්ගේ රූපය ම වුව සිංහලයන් තුළ බියක් ඇති කිරීමට තරම් නොවේ. ඩයස්පෝරාවේ සිටින කොටින් යයි කියන සෙසු පූසන් ඡාය...

(2010 ජුලි 06,  W3Lanka ) එක්සත් ජාතීන්ගේ මහ ලේකම් බෑන් කී මූන් විසින් පත් කර ඇති ලංකාවේ වගවීම හා සම්බන්ධ කාරණා පිළිබඳ ඔහුට උපදෙස් දීම සඳහා වූ කමිටුවට විරෝධය පළ කිරීම සඳහා දැවැන්ත, ප්‍රචණ්ඩකාරී උද්ඝෝෂණයක් අද ආණ්ඩුව විසින් කොළඹදී පවත්වන ලදී.  පාලක රාජපක්ෂ පවුලේ ළඟ ම හිතවතකු හා ප්‍රබල ඇමතිවරයකු වන නිවාස හා ඉදි කිරීම් ඇමති විමල් වීරවංශ එක්සත් ජාතීන්ගේ කොළඹ කාර්යාලය ඉදිරිපිට ප්‍රචණ්ඩව හැසිරෙන ආකාරය කැමරාගත වී තිබේ.  උද්ඝෝෂණය සංවිධානය කර තිබුණේ ජාතික නිදහස් පෙරමුණේ නමින් වුව ද එයට ආණ්ඩුවේ පූර්ණ අනුග්‍රහය ලැබී ඇති අන්දම දක්නට ලැබිණි.  ජාතික නිදහස් විසින් මීට දින කීපයකට පෙර කරන ලද ශපථ කිරීම අනුව යමින් විමල් වීරවංශ විසින් මෙහෙයවන ලද උද්ඝෝෂණකරුවන් විසින් එක්සත් ජාතීන්ගේ කාර්ය මණ්ඩලය ප්‍රාණ ඇපයට ගෙන තිබුණු අතර ඔවුන්ට පිට වී යාම පිණිස විදේශ අමාත්‍යංශයේ ලේකම් රොමේෂ් ජයසිංහට හා පොලිසියට මැදිහත් වන්නට සිදු විය.   එක්සත් ජාතීන්ගේ කොළඹ කාර්යාලය ඉදිරිපිට මාරාන්තික උපවාසයක් පැවැත්වීමට ද සැලසුම් කර තිබෙනු දක්නට ලැබිණි.  මෙම ක්‍රියාව එක්සත් ජාතීන්‍ වෙතින් තදබල ප...

(2010 ජුනි 08,  W3Lanka )  පසුගිය දිනෙක රාමචන්ද්‍ර සහෝදරයා විසින් පළ කර තිබුණු අදහසක් මෙසේයි:  දැන් රාජපක්ෂ රෙජිමය නව ලිබරල් මාදිලිය දෙස හැරිල ඉන්න බව පැහැදිලියි.මේ සංවර්ධන මාදිලිය දකුණු අමෙරිකානු රටවල පට්ට ගහපු එකක් බවත් ඒවා ඇතුලෙ ඒ රටවල සිදුවුන ආශ්චර්ය කොයිවගේ එකක්ද කියලත් අපි දන්නව.මෙය දිලින්දන් හා පීඩිතයන් තවදුරටත් සමාජ කවයේ මුල්ලකට තල්ලු කරල දාන සුළුතරයකගේ මනදොල පිනවන මාදිලියක්ය යන්න ගැන ( කවර නිකායකට අයත් වුවත්) වාමාංශිකයන් අතර පොදු එකගතාවක් තියනව කියල මම හිතනව. මගේ ප්‍රශ්නය - රාජපක්ෂගේ මේ දේශපාලන ව්‍යාපෘතිය ඉදිරියේ වාමාංශික කොටස් ( මෙතන මම වම කියන වචනය ඉතාම ලිහිල් තේරුමකින් යොදාගන්නෙ) ගන්න ඕ‍නෙ කියල ඔබ කල්පනා කරන ප්‍රායෝගික ආස්ථානය මොකක්ද? උදා-ජලය බහුජාතික සමාගම් වලට විකුණන්න යනවා නම් සමහරු කියන විදිහට ඒක ධනවාදී "ප්‍රගතිශීලි" පියවරක්ය කියල පිලිගැනීමද?නැත්නම් ඒකට එරෙහිව ඉන් පීඩාවට පත්වන කොටස් වෙනුවෙන් පෙනී සිටීමද? මේවා ධනවාදී ප්‍රගතිශීලි පියවර නම් "ප්‍රගතිශීලි" වැඩවලට වාමාංශිකයන් විරුද්ධ විය යුත්තේ ඇයි? මේකෙ තර්කානුකූල අන්තය වෙන්නෙ ධනේශ්වර ප්‍ර...

(2010 මැයි 01 -  W3Lanka )   මෙම රූපාවලියේ කැපී පෙනෙන ම නොපැමිණි තැනැත්තා (notable absentee) නම් කරන්න.

(2010 අප්‍රේල් 22 -  W3Lanka  )  ජනාධිපතිතුමා හොඳ ය. නරක එතුමා වටේ සිටින අයයි. එහෙත්, වටේ සිටින රාජපක්ෂ පවුලේ අයත් හොඳ ය. නරක රාජපක්ෂ පවුලේ අය නොවන වටේ සිටින සෙසු අයයි.  මේ අය කරන නරක ජනාධිපතිතුමා දන්නේ නැත. දන්නවා නම් එවැනි දේ කරන්නට දෙන්නේ නැත. එතුමා සමග කතා කළ විට ප්‍රශ්න ඉබේ ම බේරුම් වේ. එතුමා සමග කතා කළ විට ප්‍රශ්න බේරුම් නොවුණත් කම් නැතැයි සිතේ. වටේ ඉන්න රාජපක්ෂලා නොවන අනෙක් හෙංචයියෝ කිච වෙති. එය ම මදැයි!  මුසම්මිල්ට ජාතික ලැයිස්තු මන්ත්‍රීකමක් නොදීම ගැන විමල් වීරවංශ පෙරමුණේ නායක විමල් වීරවංශ බනින්නට කෙනෙකු සොයාගෙන තිබේ. ඒ එක්සත් ජනතා නිදහස් සන්ධානයේ ලේකම්, අනේ පව්, සුසිල් ප්‍රේමජයන්තයි. මේ ඔක්කොට ම වැරදිකාරයා සුසිල් ප්‍රේමජයන්තයි. ‘‘මහ මැතිවරණයට පෙර ජාතික ලැයිස්තුවට ජාතික නිදහස් පෙරමුණේ දෙදෙනෙකු ඇතුළත් කළා. ඒ දෙන්නටම මන්ත‍්‍රීකම් දෙන්න එක්සත් ජනතා නිදහස් සන්ධානය එකග වුණා. කලින් කිව්ව නම් අපට දෙන්න පුළුවන් එකයි කියල එහෙනම් අපි ලැයිස්තුවට එක් අයෙක් දාල අනිත් කෙනා තරගයට දානවා. පහුගිය විසි වෙනිදා රෑ බැසිල් රාජපක්‍ෂ, සුසිල් පේ‍්‍රම්ජයන්ත, ඩලස් අලහප්පෙරුම...

(2010 අප්‍රේල් 09 -  W3Lanka )  මෙම ඡායාරූපය අද දිනමිණ වෙබ් අඩවියේ පළ වන්නේ "ජාතික නිදහස් පෙරමුණේ නායක විමල් වීරවංශ මහතා ඡන්දය ප්‍රකාශ කිරීම සඳහා මාලබේ පිට්ටුගල ශ්‍රී ප්‍රදර්ශනාරාම විහාරස්ථානයට පැමිණි අවස්ථාව" යන හැඳින්වීම සහිතවයි. පසුගිය ජනාධිපතිවරණයේදී විමල් වීරවංශට ඡන්ද හිමිකම නොතිබුණු බව මාධ්‍ය වාර්තා කළහ. ඔහු ද ඒ බව ප්‍රතික්ෂේප කළේ නැත. මහ මැතිවරණයේදී යොදා ගනු ලැබුවේ ද ජනාධිපතිවරණයේදී යොදා ගනු ලැබූ ඡන්ද හිමි නාම ලේඛනයම ය. එසේ නම්, විමල් ඡන්දය දෙන්නට පැමිණ ඔහුට ඡන්දය නැති බව දැනගෙන ආපසු යන්නට ඇත.  ඡායාරූපය විකෘති කළේ අප නොව දිනමිණ වෙබ් අඩවිය විසින් ම බව කරුණාවෙන් සලකන්න. 

(2010 මාර්තු 30- W3Lanka  )  පක්‍ෂ ප්‍රතිපත්ති ප්‍රකාශය හා ප්‍රතිපත්තිමය කරුණු පිළිබඳ විවෘත රූපවාහිනි සජීව සංවාදයකට එන ලෙස එක්සත් ජාතික පක්‍ෂ මහ ලේකම් තිස්ස අත්තනායක මහතාට අභියෝග කරන බව එක්සත් ජනතා නිදහස් සන්ධානයේ මහලේකම් සුසිල් ප්‍රේම ජයන්ත මහතා ප්‍රකාශ කර තිබේ. කොළඹ දිස්ත්‍රික්කයෙන් ඡන්දය ඉල්ලන ජනාධිපතිගේ සහයෝගය ලැබෙන විමල් වීරවංශ වැනි අය හමුවේ මනාප පොරය පරාජය වීමේ අනතුරට මුහුණ දී සිටින මේ අසරණ ඇමතිවරයාට පිහිට වීම තිස්ස අත්තනායකට කළ හැකි මහා සේවාවකි. මක් නිසාද යත් මෙම විවාදය මුවාවෙන් ප්‍රේම ජයන්තට අමතර මාධ්‍ය ප්‍රචාරයක් ලබා ගත හැකි ය. තිස්සගේ නායකයා ඔහු ජාතික ලැයිස්තුවට දා දුන් නමුත් සන්ධානයේ ලේකම් වෙලාත් සුසිල්ට එහෙම චාන්ස් එකක් නොලැබිණි. ඒ චාන්ස් එක ලැබුණේ ශ්‍රී ලංකා නිදහස් පක්ෂයේ ලේකම්කමට කෙළ හළමින් සිටින ඩලස් අලහප්පෙරුමටයි. ඒ මදිවාට දැන් ලොක්කා කින්නේ මනාපවලින් පරදින එවුන්ට ජාතික ලැයිස්තුවෙන් අවස්ථාව නොදෙන බවයි. පැරදුණොත් ප්‍රේම ජයන්තට වන්නේ ආපසු අලුත්කඩේ යන්නයි. ඒ මදිවාට රජ ගෙදර පරවියා වන විමල් වීරවංශ ද ඊයේ පෙරේදා කොට්‌ටාව, මාකුඹුර, මැතිවරණ ශ්‍රවණාගාරයේ පැවති ...

(2010 මාර්තු 12- W3Lanka )   මව්බිමේ පංචායුධය විමල් වීරවංශගේ අලුත්ම පෝස්ටරයේ සඳහන් වන්නේ 'රටට එකක් දෙන්න' කියා ය. එනම් මනාප තුනෙන් එකක් විමල්ට දෙන්න කියා ය.  විමල්ට දෙන එක රටට ය.  අනෙක් දෙක මොනවාට ද?  සමහර සන්ධාන ලොක්කන් ඉල්ලා සිටින පරිදි මහින්දට තව දුරටත් කෙළෙහි ගුණ දැක්වීම පිණිස නාමල් බේබි වැනි මහින්දගේ කේන්ද්‍රීය පවුලේ කෙනෙකු ඡන්දය ඉල්ලන්නේ නැතිනම් එක් මනාපයක් එකෙකුටවත් නොදී මහින්ද වෙනුවෙන් ඉතිරි කර තබා ගත හැකි ය.  අනෙක දෙන්නට එකෙක් සොයා ගත යුත්තේ පරිස්සමෙනි. ඒ ඡන්දය ලබා ගන්නා එකා ලවා ළමයා ඉස්කෝලෙට දමා ගත හැකි විය යුතු ය. පවුලේ එකෙකුට රස්සාවක් ලබා ගත හැකි විය යුතු ය. ස්ථාන මාරුවක් හදා ගත හැකි විය යුතු ය. වැරැද්දක් කර පොලිසියෙන් අල්ලා ගත් විට පොලිසියට ටෙලිෆෝන් කර ෂේප් කර දෙන්නෙක් විය යුතු ය. පවුලේ මළ ගෙයක් වූ විට ඡන්ද කාලයකදී නොවූවත් ඇවිත් ඔලුව දමා යන්නකු විය යුතු ය.  අනාගතයේදී බස් එකක අසුනක් ලබා ගැනීමට පවා මන්ත්‍රී දැන අඳුනාගෙන සිටිය යුතු විය හැකි බැවින් තුන්වන මනාපය දෙන්නේ කාටදැයි පරිස්සමෙන් කල්පනා කර බැලිය යුතු ය. 

(2010 මාර්තු 01- W3Lanka )   ලංකාවේ මොන්ස්ටර් රාජපක්ෂ පාලනය අද සිය එක් අතක් බ්‍රිතාන්‍ය මහ කොමසාරිස් කාර්යාලය ඉදිරිපිට එරටට එරෙහිව උද්ඝෝෂණය කරන්නට යැවූ අතර විදේශ කටයුතු අමාත්‍යංශය නම් තවත අතක් පවසන්නේ එම විරෝධතාව රජය සම්බන්ධ නැති පෞද්ගලික කාර්යයක් බවයි. කොහොමද රාජ්‍ය තාන්ත්‍රික ඥානය! විරෝධතාවට නායකත්වය දුන් ජනාධිපතිගේ දකුණු අත වන් විමල් වීරවංශ බ්‍රිතාන්‍යයට පලු පැලෙන්නට බැන වැදී මහ කොමසාරිස් කාර්යාලයට වීරෝදාර ගමනින් පිවිස විරෝධතා ලිපියකුත් භාර දී යන්නට ගියේ ගේට්ටුව හරහා බ්‍රිතාන්‍ය අගමැති ගෝඩන් බ්‍රව්න් හා විදේශ ලේකම් ඩේවිඩ් මිලිබෑන්ඩ් කොටි ඇඳුමින් සැරසී සිටින ඡායාරූපයක් සහිත පුවරුවක් ද සවි කර තබා ය. පසුගිය බදාදා බ්‍රිතාන්‍ය පාර්ලිමේන්තු නිවසේදී පැවැත්වුණු ලෝක දෙමළ සංසදයේ ආරම්භක දේශනය පැවැත්වූයේ බ්‍රිතාන්‍ය විදේශ ලේකම් ඩේවිඩ් මිලිබෑන්ඩ් විසිනි. මෙය ලංකාවේ රජයේ දැඩි විරෝධයට තුඩු දුන්නේය. බ්‍රිතාන්‍ය අගමැති ගෝඩන් බ්‍රව්න් රැස්වීමෙන් පසු ලෝක දෙමළ සංසදයේ නියෝජිත පිරිසක් හමු වි සාකච්ඡා කළේය. බලය බෙදා ගැනීම සඳහා අවශ්‍ය ව්‍යවස්ථා ප්‍රතිසංස්කරණ කරන ලෙස මෙම සමුළුවේදී...