W3Lanka: Praja.lk Backup

රාගම රෝහලේ සේවකයන් කාට හරි පහර දෙන්නට දොරවල් කඩමින් රැස් කන දර්ශනයක් හා හෙදියක යයි අනුමාන කළ හැකි අයෙක් තමන්ට පහර දෙමින් ඇති බව කියන වීඩියෝවක් ඊයේ සමාජ ජාල ඔස්සේ සංසරණය වෙමින් තිබිණි. එම වීඩියෝවේ ම තුවාල ලැබූ හෙදියක් ට්‍රොලියක තබා තල්ලු කරන දර්ශනයක් ද දක්නට ලැබිණි.  රාගම රෝහලේ වින්නඹුවරියන්ට හෙදියන් පහර දී ඇති බවට ද චෝදනාවක් එල්ල වේ. ඔවුන් ද රෝහල්ගතව ඇති බව වාර්තා වේ.  මේ අතර රජයේ වෛද්‍ය නිලධාරීන්ගේ සංගමයට හා එහි සාමාජිකයකු වන රෝහල් අධ්‍යක්ෂවරයාට ගැටුම ඇවිළවීම හා පක්ෂපාතීව කටයුතු කිරීම සම්බන්ධ චෝදනා එල්ල වී තිබේ‍. එකම ආයතනයක වැඩ කරන ශ්‍රමිකයන් ‍පිල් බෙදී මෙසේ ගුටි ඇන ගන්නා තත්වයක් ඇති වීම ඇත්තෙන් ම ආණ්ඩුවට ඉතා හොඳ තත්වයකි. සෞඛ්‍ය ඇමතිවරයා නිහඬව තොපි කෙළ ගනිල්ලා යි බලා සිටින්නේ ඒ නිසා ය.  පවතින තත්වය තුළ සියලු දෙනා එකතු වී වැඩි වැටුප් වෙනුවෙන් අරගල කරනවා වෙනුව‍ට අත්සන් කරන පොත, අනෙකාට වැටුප් වැඩි කරන එකට විරෝධය හා වෘත්තීය පුහුණුවීම් වැනි කාරණා සම්බන්ධයෙන් මරා ගන්නා තත්වයක් නිර්මානය වීම ආණ්ඩුවට කෙතරම් ආශිර්වාදයක් ද? මෙවැනි ම තත්වයක් දේශපාලන ක්ෂේත්‍රය තුළ ද ඇ...

මේ වන විට දියත් වෙමින් තිබෙන හෙදියන්ගේ වැඩ වර්ජනය වෘත්තීය අරගලයක් ලෙස තේරුම් ගැනීම පිළිබඳ ැටලු තිබේ. එය වනාහි වැටුප් ප්‍රශ්නයක් මුල් කරගෙන කරන වර්ජනයක් නොවේ. එහි අරමුණ අලුතින් සේවයට එක් වන හෙදියන්ට සිය මූලික පුහුණුවේ කොටසක් ලෙස සූතිකාගාර පුහුණුව ලබා ගැනීමයි. වර්ජනය කරමින් සිටින හෙදියන්ට මෙම වර්ජනයෙන් තමන් මුහුණ දෙන සැබෑ ගැටලු කිසිවක් විස‍ඳෙන්නේ නැත.  වැටුප්, අතිකාල දීමනා, අනතුරු දීමනා, නිල ඇඳුම් දීමනා ආදිය ප්‍රමාණවත් නොවීම, අධික ලෙස වැඩ කරන්නට සිදු වීම, රාත්‍රී සේවා මුර කරන හෙදියන් සඳහා විවේක කාමර ආදී ගැටලු රාශියක් තිබියදී, ඒ සියල්ල පසෙක තබා තමන්ගේ තත්වය පිළිබඳ ව්‍යාජ සටන් පාඨයක් මත සමස්ත හෙද ප්‍රජාව ම පාහේ එකාවන්ව නැගී සිටින ස්වභාවයක් දක්නට ලැබේ.  මෙම නැගී සිටීමේදී හෙද නිලධාරීන්ගේ මහා අනෙකා වී තිබෙන්නේ ඔවුන්ගේ හිමිකම් අවුරාගෙන සිටින ආණ්ඩුව හෝ එසේ හිමිකම් අැහිරීම සඳහා ආණ්ඩුවට සේවය කරන මුරුත්තෙට්ටුවේ ආනන්ද හිමි වැනි හොරිකඩ වෘත්තීය සමිති නායකත්වය නො වේ. මෙහිදී අනෙකා වී තිබෙන්නේ වින්නඹුවරියන් හා රජයේ වෛද්‍ය නිලධාරීන්ගේ සංගමයයි.  හෙද හෙදියන් වැටුප් ශ්‍රමිකයන් ලෙස තමන්...

මාතලේ රෝහලේ වෛද්‍යවරයෙක් බෙහෙත් ගැනීමට බාහිර රෝගී අංශයට පැමිණි පස්හැවිරිදි පිරිමි දරුවකුට පයින් ගැසීම ගැන මව කළ පැමිණිල්ල මත පොලිසිය හා සෞඛ්‍ය දෙපාර්තමේන්තුව විසින් පරීක්ෂණ ආරම්භ කර තිබේ.  වෛද්‍යවරයාට කුකුළු කේන්තියක් ගොස් තිබෙන්නේ පෝලිමේ සිටි දරුවා වෛද්‍යවරයාගේ කාමරයේ හාඩ්බෝඩ් බිත්තියට හේත්තු වූ හෝ තට්ටු කළ නිසා යයි කියැවේ.  දරුවන්ට පහර දීම පාසල්වල නම් සාමාන්‍ය දෙයකි. එහෙත්, මේ දරුවා පෙර පාසල් වයසේ සිටින අයෙකි. පෙර පාසල්වල එවැනි පහරදීම් සිදු වන්නේ නැත. රෝහල්වල නම් වැඩිහිටියකුට හෝ සාමාන්‍යයෙන් පහර දෙන්නේ නැත. මේ වෛද්‍යවරයා එසේ පහර දෙන්නට ඇත්තේ තමන් පාලනය කර ගැනීම පිළිබඳ ගැටලුවක් නිසා විය හැකි ය.  වෛද්‍යවරයෙක් යනු සමාජයේ වෙනත් වෘත්තිකයකු වැනි ම අයෙකි. එහෙයින් එවැන්නන් අතින් මෙවැනි වැරදි සිදු වීම සාමාන්‍ය තත්වයකි. ඒ සම්බන්ධයෙන් දඬුවම් කිරීම අත්‍යවශ්‍ය ය. මාධ්‍ය ඒ පිළිබඳ ප්‍රසිද්ධ කිරීම ද නරක දෙයක් නො වේ. මන්ද, එවැනි තත්වයන් පාලනය කිරීමට ඒවා ඉවහල් වන බැවිනි.  එහෙත්, ලංකාවේ වෛද්‍යවරු කියන්නේ පෞද්ගලීකරණය නිසාත්, අධිකතර සමාජ උන්නතිකාමය නිසාත් බැට කන පිරිසක් බව අප...

ලංකාවේ සෞඛ්‍ය ක්ෂේ්ත්‍රය තරම් අධ්‍යාපනික කුහකත්වයක් සහිත අංශයක් ලොව තවත් තිබේ ද යන්න සැක සහිත ය. එහි සියලු වෘත්තිකයෝ පට්ට කුහකයෝ ය.  ඔවුන්ට වැදගත් දෙය වන්නේ තමන් ‍ඉගෙන ගන්නා දෙය නො ව අනුන් ඉගෙන ගන්නා දෙයයි. මෙහි සිටින වෘත්තිකයෝ තමන් දන්නා දෙයක් වෙනත් අය ඉගෙන ගනීවි යයි දැඩි බියකින් පෙළෙති.  මොවුන සමාන වන්නේ පරණ තාලේ ගරාජ් බාස්ලාට ය. ඉස්සර ගරාජ් බාස්ලා වාහනයක ටයිමිං තියන්නට පෙර ගෝලයාව බුලත් විටක් ගෙන ඒම සඳහා කඩයට යැව්වේ ගෝලයා එය ඉගෙන ගැනීම වළක්වන්නට ය.  මෙවැනි වෘත්තීය කුහකත්වයක් සෞඛ්‍ය ක්ෂේත්‍රය තුළ ඇති වීමට හේතුව කුමක්ද? වෙනත් වෘත්තීය ශ්‍රේණි සංවර්ධනය වෙනවාට මෙම ක්ෂේත්‍රයේ සිටින අය විරුද්ධ ඇයි?  අපට වැටහෙන පරිදි නම් මෙහි තිබෙන්නේ වෘත්තීය ධුරාවලි පිළිබඳ ගැටලුවකි. වෙනත් වෘත්තීය ශ්‍රේණියක් සංවර්ධනය වුවහොත්, ඔවුන් ධුරාවලිය තුළ ඉහළ යනු ඇතැයි බියක් මෙම වෘත්තිකයන් තුළ තිබේ. මෙහි ඇති නරකම පැත්ත වන්නේ වෘත්තීය ශ්‍රේණි අතර විෂමතා පුළුල් කර ගැනීමට තිබෙන කැමැත්තයි. තමන්ගේ වෘත්තීය ශ්‍රේණිය ඉහළ නංවා ගන්නා ගමන් සෙසු වෘත්තීය ශ්‍රේණි තමන්ට සාපේක්ෂව තව තවත් පහළට ඇද දැමීමේ කු...

වෛද්‍යවරයකුගේ නොසැලකිල්ල නිසා නීති ශිෂ්‍යාවකට අත අහිමිවීම පිළිබඳ ඇති වී තිබෙන පොදු සංවාදය ‍හේතුවෙන් මෙම සටහන තබමි. අදාළ වරද සිදුකළ වෛද්‍යවරයා පරීක්ෂණ මණ්ඩලය හමුවේ කළ ප්‍රකාශයක් දිවයින පුවත්පතේ පළවී තිබිණි. ඒ මෙසේය: "නීති ශිෂ්‍යා අචලා ප්‍රියදර්ශනී මෙනෙවියගේ කැඩුණු අතට ප්ලාස්‌ටර් ඔෆ් පැරිස්‌ බදාමය දැමුවේ ඇගේ අතට අහිතක්‌ කිරීමේ අරමුණ ඇතිව නොවෙයි. එයින් අහිතකර බලපෑමක්‌ සිදුවුණා නම් ඒක ඒ ළමයාගේ වෙලාව වෙන්න ඇති. මෙහෙම අවාසනාවන්ත සිද්ධියකට මුහුණ දෙන්න මට සිදුවූයේ මගේ වෛද්‍ය ජීවිතයේ ප්‍රථම අවස්‌ථාවටයි. ඒක මගේ වෙලාව වෙන්න ඇති..." පිළිතුර ඉතා සරළය. එම සරළ පිළිතුර විසින් වෛද්‍යවරයා හා රෝගියා අතර සම්බන්ධයේ යථාර්ථයද සරළ ලෙස නිරූපණය කරයි. රෝගීන්ගේ ප්‍රතිචාර හා පැමිණිලි පිළිබඳ වෛද්‍යවරුන් සැලකිලිමත් වීම අත්‍යවශ්‍යය. සෞඛ්‍ය සේවය රෝගියා කේන්ර්‍ද්‍රීය වන එකක් මිස වෛද්‍යවරයා කේන්ද්‍රීය වන එකක් නොවිය යුතුය. මෙම ලියන්නා විසින් මීට පෙරද වෛද්‍ය වෘත්තිය හා අදාළ දේශපාලනික විවේචනයක් මතු කරගන්නා ලදී. එවැනි අවස්ථාවලදී වෛද්‍යවරුන් වෙනුවෙන් පෙනී සිටි පිරිස් ප්‍රතිචාර දැක්වූයේ ත්‍රස්තවාදී ස්වරූපයකි...

රජයේ වෛද්‍ය නිලධාරීන්ට රු. 29,000ක ප්‍රවාහන දීමනාවක් ගෙවීමට රජය එකඟ වී ඇති බව රජයේ වෛද්‍ය නිලධාරීන්ගේ සංගමය පවසයි. කලින් ඔවුන්ට රු. 15,000ක ප්‍රවාහන දීමනාවක් ගෙවනු ලැබූ අතර එය රු. 14,000කින් වැඩි කර තිබේ. ඒ ඔවුන්ට ලබා දෙන තීරු බදු රහිත මෝටර් රථවලින්  වැඩට එන්නට ය. සෙසු රජයේ සේවකයෝ ආයතන තුළ පදිංචි වූ අය නො වෙති. ඔවුහු ද බස්වල, කෝච්චිවල, මෝටර් සයිකල්වල, කාර්වල වැඩට එන්නෝ වෙති. පහළ පංතික රජයේ සේවකයන් පාවිච්චි කරන මෝටර් සයිකල් හා කාර් ආදියේ මිළ පසුගිය දිනවල අධික ලෙස ඉහළ ගිය බව කවුරුත් දනිති.  වෛද්‍යවරුන්ට ලබා දීමට එකඟ වී ඇති ප්‍රවාහන දීමනා වැඩි කිරීම රජයේ සේවකයන්ගේ ආරම්භක මූලික වැටුපට වඩා වැඩි බව ගුරු සංගම් පෙන්වා දෙති. මෙවැනි තෝරා ගත් රජයේ සේවකයන්ට පමණක් ඉහළ වැටුප් වැඩිවීම් හා වරප්‍රසාද ලබා දීමට රජය කටයුතු කරන්නේ ඇයි ද යන්න අපගේ විමසීමට ලක් විය යුතු ය.  තමන්ගේ වෘත්තීය ශක්තිය නිසා හා තමන් ඉතා වැදගත්, අත්‍යවශ්‍ය සේවාවක් නිසා තමන්ට මෙවැනි අවස්ථාවත් හිමි වන බව ඇතැම් වෛද්‍යවරු සිතති. තමන්ගේ වෘත්තීය අයිතිවාසිකම් ගැන තමන් සටන් නො කරන්නේ මන්දැයි ඔවුහු සෙසු රජයේ සේවකයන්ගෙන්...

(2011 ජුනි 21,   W3Lanka )   මාරාන්තික ඩෙංගු රෝගය බෝකරන මදුරුවන් විනාශ කිරීම සඳහා සාර්ථක විසඳුමක්‌ ලෙස හඳුනාගෙන ඇති බී.ටී.අයි. බැක්‌ටීරියාව ශ්‍රී ලංකාව තුළ භාවිත කිරීමට අදාළ අනුමැතිය ලබාදීම ඩෙංගු මර්දන ව්‍යාපාරය විසින් ප්‍රමාද කරන බව විශ්වාස කටයුතු ආරංචි මාර්ග සඳහන් කරන බව අද දිවයින පුවත්පත වාර්තා කරයි. පසුගිය කාලයේ ලංකාවේ සෞඛ්‍ය අමාත්‍යංශය මෙම බී.ටී.අයි. බැක්‌ටීරියාව භාවිතා කිරීම පිළිබඳ රටේ මහා ප්‍රචාරයක් කළේ ය. බී.ටී.අයි. බැක්‌ටීරියාව කියුබාවෙන් ආනයනය කරන බව කියමින් කලක් නැටූ සෞඛ්‍ය බලධාරීහු ඉන් පසු එය මේ රටේ නිපදවන බව කියමින් ඩෙඟා නැටූ හ. ඉන් පසු බී.ටී.අයි. ගැන කතා අඩු විය. ඒ ඇයි? බී.ටී.අයි. යනු Bacillus Thuringiensis Israelensis යන වදන් තුනේ මුලකුරුවලින් සැදුණු acronym එකක් හෙවත් සංකේත නාමයකි. එහෙත් සෞඛ්‍ය බලධාරීන්ට එය Big Ticket Item එකක් හෙවත් අධික ලාභ ලැබිය හැකි සිල්ලර භාණ්ඩයක් නො වීම බී.ටී.අයි. ගැන කතා ගොළු වීමට හේතු වූ බව අපේ නිරීක්ෂණයයි. කියුබාවෙන් බැක්ටීරියාව ගෙන්වීම දිගට ම කරගෙන යන්නට නො ලැබුණේ ඊට වඩා බෙහෙවින් අඩු නිෂ්පාදන පිරිවැයකින් ලංකාවේ නිපදවන්න‍ට හැක...

(2011 මාර්තු 20,   W3Lanka )   කොළඹ නගරයේ පවත්වාගෙන යන හෝටල් හා ආපනශාලාවලින් ලබාගත් ආහාර සාම්පල් පරීක්‍ෂණයට භාජන කිරීමෙන් අනතුරුව ඉන් 18% ක විෂබීජ මිශ්‍රව තිබූ බවට රජයේ සෞඛ්‍ය දෙපාර්තමේන්තුව හෙළි කර ඇති බව අද දිවයින වාර්තා කරයි. හෝටල්වල පිළියෙල කරන ආහාර මිලදී ගන්නා පාරිභෝගිකයන්ගේ සෞඛ්‍ය ආරක්‍ෂාව සහතික කිරීම සඳහා සෑම හෝටලයක්‌ම නිතර පරීක්‍ෂාවට භාජන කිරීමට දෙපාර්තමේන්තුව තීරණය කර ඇති බව ද, හෝටල් හා ආපනශාලා පවත්වාගෙන යැමට බලපත්‍ර නිකුත් කිරීමේදී ජනතාවගේ සෞඛ්‍යය ආරක්‍ෂා වන පරිදි ක්‍රියා කළ යුතු බවට දැඩි කොන්දේසි මාලාවක්‌ පැනවීමට ද දෙපාර්තමේන්තුව තීරණය කර ඇති බව දිවයින පවසයි. අපිරිසිදු ආහාර ‍අලෙවි කළ කොළඹ හෝටල් 100 කට එරෙහිව නඩු පැවරීමට කොළඹ මහ නගර සභාව පියවර ගෙන ඇති බව එහි මහජන පරීක්ෂක ඩබ්ලිව්.ජී.කරුණාතිලක මහතා අද ඊතලය වෙබ් අඩවියට පවසා ඇත. හෝටල් සේවකයන් අතර ක්‍ෂය රෝගය වැනි බෝවන රෝගවලින් පෙළෙන අය සිටිනවාද යන්න සොයා බැලීමට සෑම දෙනෙක්‌ම දැඩි පරීක්‍ෂාවට භාජන කිරීමට පියවර ගන්නා බව ද සෞඛ්‍ය දෙපාර්තමේන්තුව පවසයි. කොළඹ නගරයේ හෝටල් සේවකයන් විශාල පිරිසකට සෙංගමාලය සහ ක්ෂය රෝගය වැළ...

( 2011 ජනවාරි 06,  W3Lanka )   බීමත්කම නිසා රෝගී වන පුද්ගලයන්ගෙන් මුදල් අයකර ගැනීමේ යෝජනාව ක්‍රියාත්මක කිරීමේ ප්‍රථම අදියර ලෙස බීමත්ව හදිසි අනතුරුවලට ලක්වන රෝගීන්ගෙන් රෝහල් බිල අය කර ගන්නා චක්‍රලේඛය ඉදිරි සති දෙක තුළදී නිකුත් කරන බව සෞඛ්‍ය ඇමැති මෛත්‍රීපාල සිරිසේන පවසයි. හදිසි අනතුර සිදුවීමට හේතුව බීමත්කම යැයි වෛද්‍යවරයා තීරණය කළොත් එම රෝගියාට ප්‍රතිකාර ලබාදෙන රෝහල් බිල මෙසේ අයකර ගනියි. මෙම ලේඛකයා මත්පැන් බොන්නේ කලාතුරකිනි. එහෙත්, නො බොන නිසා තමන් බොන මිනිසුන්ට වඩා විශිෂ්ටයකු යයි ලේඛකයා නො සිතයි.  එබැවින් ආණ්ඩුවට අධික ලෙස බදු ගෙවමින් බොන අපේ සහෝදරයින් වෙනුවෙන් ලේඛකයා ඇමතිවරයා වෙත ප්‍රශ්න කීයක් යොමු කරන්නට කැමති ය.  පිළිතුරු සති දෙකකින් නිකුත් වන චක්‍රලේඛයේ තිබෙනවා නම් ප්‍රමාණවත් ය.  හදිසි අනතුර සිදුවීමට හේතුව බීමත්කම යැයි වෛද්‍යවරයා තීරණය කළොත්, එම තීරණය අභියෝගයට ලක් කරන්නට රෝගියාට ඇති අයිතියට ගරු කරන්නේ කෙසේ ද?  ප්‍රතිකාර කිරීමට පෙර සාධාරණ තීන්දුවක් තහවුරු කර ගන්නට රෝගියාට ඇති අයිතියට ගරු කරනවා ද?  හදිසි අනතුරට හේතුව බීමත්කම ...

( 2010 ඔක්තෝබර් 20,  W3Lanka )   ලබන අවුරුද්දේ මහා යුද්ධයක් ඇති වන බවට හෙට අනිද්දා ම ලංකාවේ ජ්‍යෝතිෂකාරයන්, පේනකාරයන් ආදීන් අනාවැකි කියන්නට පටන් ගත්තොත් පුදුම විය යුතු නැත. හේතුව, 2011 වසර සඳහා රජය විසින් ඊයේ ඉදිරිපත් කරන ලද අයවැය ඇස්තමේන්තුව අනුව ආරක්ෂාව වෙනුවෙන් රු. බිලියන 215කට වඩා වෙන් කර තිබීමයි. 2010 වසරේ ආරක්ෂක වියදම රු. බිලියන 202කි. මහා ම යුද්ධය පැවති 2009 වසර සඳහා ද ආරක්ෂාව වෙනුවෙන් වෙන් කෙරුණේ රු. බිලියන 177කි. ආරක්ෂක වියදම් වැඩි වන අනුපාතයන්ගෙන් සෙසු වියදම් වැඩි වේ ද? 2010 වසරේ සෞඛ්‍ය වියදම රු. බිලියන 53ක් වූ අතර 2010 වසරේ එය රු. බිලියන 62කි. 2010 වසරේ සාමාන්‍ය අධ්‍යාපනයට වියදම රු. බිලියන 27කි. 2011දී එය රු. බිලියන 31කි. යුද්ධය නිමා වීමෙන් පසුව පවා ලංකාවේ ආණ්ඩුව මෙතරම් මුදලක් ආරක්ෂාවට වෙන් කරන්නේ ඇයි? රට අනාරක්ෂිත නිසා ද? පාලකයන් අනාරක්ෂිත නිසා ද?  ආරක්ෂාවට මෙතරම් මුදලක් වෙන් කළත් ගැහැනියකුට, දරුවකුට මේ රටේ ආරක්ෂාවක් තිබේ ද?  Bookmark, remember easily and come again   www.w3lanka.com

( 2010 ඔක්තෝබර් 16,  W3Lanka )  වැටුප් විෂමතා වැඩි කරන ලෙස රජයේ වෛද්‍ය නිලධාරීන්ගේ සංගමය විසින් කරන ලද ඉල්ලීමට විරෝධය පළ කරමින් අපි සටහනක් තැබුවෙමු. එය මෙසේ ය: රජයේ වෛද්‍ය නිලධාරීන්ගේ සංගමයට අභියෝගයක් | A challenge to Government Medical Officers' Association of Sri Lanka සමාජ විෂමතා අවම කිරීම සඳහා කටයුතු කිරීම ඕනෑම සමාජවාදියකුගේ ප්‍රතිපත්තියයි. ලංකාව විසින් අනුගමනය කරනු ලබන රටක් වන චීනයේ පවා මේ වනවිට ප‍්‍රකාශයට පත්වී ඇති නව පස්-වස් සැලැස්මෙන් එරට ආර්ථික වර්ධනය තවදුරටත් ඉහළ නැංවීමට වඩා ඇති නැති පරතරය අවම කිරීම සඳහා අවධානය යොමු කර ඇත. එහෙත්, වෛද්‍යවරයාත්, අඩු අධ්‍යාපන මට්ටමක සිටින සනීපාරක්ෂක කම්කරුවාත් යන දෙදෙනා ම එක ම මිනුම් දණ්ඩකින් මැනීම සමාජවාදය යයි අපි නො සිතන්නෙමු.  ලිපිය ලිවීමේදී බලාපොරොත්තු වූ අන්දමින් ම වෛද්‍යවරුන් පරළ වී, නන් දොඩවන්නට පටන් ගෙන ඇති බව ලිපියට ලැබී ඇති ප්‍රතිචාර කියවා බලන විට පෙනේ. අප මෙම බ්ලොගයෙන් රටේ විවිධ වෘත්තීන්හි යෙදෙන කණ්ඩායම් දැඩි ලෙස විවේචනය කර තිබේ. අපගේ වැඩි ම විවේචනයට ලක් වූයේ දේශපාලකයෝ, පොලිස් නිලධාරීහු, මාධ්‍යකරුවෝ හා ...

( 2010 ඔක්තෝබර් 13,  W3Lanka )  රජයේ වෛද්‍ය නිලධාරීන්ගේ සංගමයට අපි අභියෝගයක් කරන්නට කැමැත්තෙමු. එය ඉතා සරළ එකකි. අහඹු ලෙස තෝරා ගත් සාමාන්‍ය වෛද්‍යවරයකුගේ හෝ විශේෂඥ වෛද්‍යවරයකුගේ හෝ වැටුප් පතක් හෙවත් pay slip එකක් ප්‍රසිද්ධ කරන්න. එවිට අපට ඔවුන් සත්‍ය වශයෙන් ම මසකට මහජන මුදලින් කීයක් වැටුප් හා දීමනා ලෙස ලබා ගන්නවා ද යන්න හරියට දැන ගත හැකි වනු ඇත.  මන්ද,  ලබන අයවැයෙන් රජයේ වෛද්‍යවරයකුගේ මාසික වැටුප රුපියල් ලක්‌ෂ දෙකක්‌ කිරීමට පියවර ගන්නැයි රජයේ වෛද්‍ය නිලධාරීන්ගේ සංගමය ජාතික වැටුප් කොමිසමෙන් ඉල්ලීමක් කර තිබේ. මෙය වෛද්‍යවරයකුගේ අවම ආරම්භක වැටුප විය යුතු යයි සිතමු. මෙම වැටුප් වැඩි කිරීම පිළිබඳ අපගේ කිසිදු විරෝධයක් නැත. විරෝධය ඇත්තේ වැටුප් විෂමතා වැඩි කරන්නැයි කරන ඉල්ලීමට ය.  මෙරට රාජ්‍ය සේවයේ සනීපාරක්‌ෂක කම්කරුවකුගේ මාසික වැටුප රුපියල් 11,700 ක්‌ වන විට සාමාන්‍ය වෛද්‍යවරයෙකුගේ වැටුප රුපියල් 26,000 ක්‌ හා විශේෂඥ වෛද්‍යවරයකුගේ වැටුප රුපියල් 42,000 ක්‌ වන බව පෙන්වා දෙන වෛද්‍ය නිලධාරීන්ගේ සංගමය  මෙම තත්ත්වය මත සෞඛ්‍ය අමාත්‍යංශයේ ඉහළම විධායක නිලධාරිවරයා වන සෞඛ්‍ය...