W3Lanka: Praja.lk Backup

බොදු බල සේනාව ඉදිරි මහ මැතිවරණයට තරග කරන බව නිවේදනය කළේ ය. එය කිසි සේත් ම පුදුමයට කාරණයක් නො වේ. හැංගි හැංගි වෙස් බඳින්නේ නොබෝ දිනකින් එළියට එන්නට බව නො දැන සිටියේ කවුරු ද?  හාමුදුරුවරුන් පාර්ලිමේන්තුව ආදී මහජන නියෝජිත සභාවලට පත් වීමට මැතිවරණවලට තරග නො කරන බව ද ගලගොඩඅත්තේ ඥානසාර භික්ෂුව පැවසී ය. මෙය ඔය කියන තරම් හොඳ දෙයක් නො වේ. ප්‍රජාතන්ත්‍රවාදී මහජන නියෝජිතායතන ඉක්මවා ගිය ආගමික සුපිරි සභාවක් ගැන මොවුන් සිහින දකිනවා විය හැකි ය.  අනෙක් වැදගත් කාරණය ඥානසාර භික්ෂුව සිය නායකයා ගැන කියූ කතන්දරයයි. අප නම් අනුමාන කරන්නේ මේ කියන්නේ ගෝඨාභය රාජපක්ෂ ගැන ය කියා ය.  ඔහු හෝ වෙනත් කවුරු හෝ බොදු බල සේනා නායකයා රජ කරන්නට බොදු බල සේනාව ගන්නා ක්‍රියාමාර්ග ප්‍රජාතන්ත්‍රවාදී රාමුව තුළ සිදු වන්නේ ද යන්න ගැන ජනතාව පමණක් නොව පාලකයින් පවා අවදියෙන් සිටිය යුතු බව අපි පෙන්වා දෙන්නෙමු. මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ...

ඥානසාරට මහනදම් පිරීම හැර බැරි වෙනත් දෙයක් නැත. ඔන්න දැන් වෘත්තීය සමිතිත් හදන්න හදනවාලු. වෘත්තීය සමිති ගැන ඥානසාරට උපදෙස් දී තිබෙන්නේ මුරුත්තෙට්ටුවේ ආනන්ද හෙද නිලධාරිවරයා ය. ඔහු වනාහි ලංකාවේ වෘත්තීය සමිති ව්‍යාපාරය බාලා තම්පෝටත් වඩා හොඳින් කොම්පැනිකරණය කළ මුට්ටි කාසි ජාවාරම්කාරයෙකි. බාලා තම්පෝ නම් දක්ෂ ලෙස හාම්පුතුන් සමග කේවෙල් කරමින් තම සාමාජිකයන්ට හිමිකම් ලබා දුන්නේ ය. එහෙත්, හෙද නිලධාරි ආනන්ද යනු දේශපාලන බත්ගොට්ටෙක් පමණි.  ඥානසාරට තම ආදායම් මාර්ග චිරස්ථායී කර ගැනීමට ඕනෑ වී තිබෙන බව පෙනේ. මුට්ටි කාසි ජාවාරම ඒ සඳහා අත්දුටු ප්‍රත්‍යක්ෂ එකක් බව එහි නියැලී සිටින අය දනිති. සියලු කුණු බේරුවල් බොක්කට මෙන් මේකත් රිංගන්නේ රාජ්‍ය සේවයට ම ය. එහි සිටින උන්මත්තකයන් පිරිසක් කූට්ටාලි කරගෙන තවත් නාඩගමක් නටන්නට කරන මේ සූදානමින් රජයේ සේවකයෝ පරිස්සම් විය යුතු ය.  මෙන්න ප්‍රවෘත්තිය: බෞද්ධ ප්‍රතිපත්ති මත පදනම්ව බොදු බල සේනා සංවිධානයට අනුබද්ධ වෘත්තීය සමිති ස්‌ථාපිත කිරීමට එම සංවිධානය තීරණය කර තිබේ. ඒ අනුව එහි මුල් පියවර ලෙස එම සංවිධානයේ මහ ලේකම් රාජකීය ...

ඊයේ කොළඹ සමාජය හා සාමයික කේන්ද්‍රයේ පැවති අතුරුදහන් වූවන්ගේ පවුල් සාමාජිකයන්ගේ රැස්වීම කඩාකප්පල් කිරීමට පැමිණි අයුතු ජනරාශියට නායකත්වය දුන් අගුලාදල්ලේ ජිනානන්ද භික්ෂුව පවසන්නේ මරා දැමුණ දෙමළ කොටි සංවිධානයේ සාමාජිකයන් අතුරුදහන් පුද්ගලයන් හැටියට සැලකිය නොහැකි බවයි. මෙම තර්කය අනුව ගි‍යහොත් 1989 කැරැල්ලේදී ජවිපෙ සාමාජිකයන් කියමින් මරා දමන ලද භික්ෂූන් ඇතුළු සිංහල පුද්ගලයන් ද අතුරුදහන් වූවන් යයි සැලකිය නො හැකි ය. මෙම තර්කය වැරදි ය. නීති විරෝධී ය. ස්වාභාවික යුක්ති ධර්මයට පටහැණි ය. මානව විරෝධී ය. බුදු දහමට නම් කොහෙත් ම ගැලපෙන්නේ නැත. එහෙත් මෙවැනි භික්ෂූන් අදහන්නේ බුදුන්ගේ බුදු දහම නො වන නිසා ඒ ගැන කතා කර වැඩක් නැත.  මේ තර්කය අතිශය භයානක ය. එය පිළිගතහොත් අනාගත ආණ්ඩුවක් විසින් මේ භික්ෂූන් ද අතුරුදහන් කර මෙවැනි ම තර්කයක් මතු කරන්නට ඉඩ තිබේ.  තමන්ට ඕනෑ අන්දමින් මිනිසුන් මරා දමා ඉන් පසු ඔවුන් කැරැලිකරුවන් නිසා මරා දැමුවා යයි කියන්නට බැරි ය. එක පැත්තකින් මේ මරා දමන ලද මිනිසුන් කැරැලිකරුවන් යයි කිසිදු ආකාරයකට ඔප්පු කර නැත. ඔවුන් මරා දැමුව බවවත් පිළි ගෙන නැත.  ලෝක ඉතිහාසය යනු...

**** Read: Hail Gotabhaya Rajapaksa, but prevention is better than cure ලංකාවේ වෛරී ප්‍රකාශනයේ රජු වන්නේ ගලගොඩඅත්තේ ඥානසාර භික්ෂුවයි. ඔහු නායකත්වය දෙන බොදු බල සේනා සංවිධානය විසින් පළමු වරට සිංහල බෞද්ධ ත්‍රස්තවාදයක් ලොවට හඳුන්වා දෙන ලදී. පහත ඇති වීඩියෝවේ තිබෙන වෛරී ප්‍රකාශ හැරුණු විට, ගලගොඩඅත්තේ ඥානසාර කොම්පඤ්ඤවීදිය පොලිසියේදී ම වටරැක විජිත භික්ෂුව ගැන කීවේ ඔහු තමන් සොයමින් සිටි ගොදුරක් බවයි. ගොදුරු ගිලින්නේ මාංශභක්ෂක සත්තු බව අපි කවුරුත් දනිති. මිනිසුන් ගොදුරු කර ගන්නේ ම්ලේච්ඡයෝ ය. බොදු බල සේනාව බිහි වී තවම වසරක් නැත. මේ වන විට එය ත්‍රස්තවාදී සංවිධානයක් ලෙස නම් කරනු ලැබ හමාර ය. ජීවිත හයක් බිලි ගත්, නිවාස හා දේපල රැසක් විනාශ කල වර්ගවාදී කෝලාහලයක නිර්මාතෘන් වී ද හමාර ය. බොදු බල සේනාවට මෙතරම් වේගවත් ගමනක් යන්නට ජොහොර් එක ලැබුණු ආකාරය විමසා බලන විට අවධානයට ලක් විය යුතු කරුණක් වෙත ඇස යොමු වේ. අපි සාමාන්‍යයෙන් කුමන්ත්‍රණ න්‍යායට ඇල්මක් දක්වන්නේ නැත. එහෙත්, බොදු බල සේනා නායකයන් මේ තරම් වයින් වෙන්නේ නෝර්වේ රටට ගොස් එහිදී දෙමළ ඩයස්පෝරාව සහ එල්.ටී.ටී.ඊ. කොටස් සමග සාකච්ඡා කර ආවාට පසු ය. ...

වටරැක විජිත නාටකය අවසන් බව එහි අධ්‍යක්ෂ ගලගොඩඅත්තේ ඥානසාර භික්ෂුව නිවේදනය කරයි.  එහෙත්, ඊයේ එහි උද්වේගකර ජවනිකාවක් ඊයේ කර්මාන්ත හා වානිජ අමාත්‍යාංශයේදී පැවැත්විණි. එහි ප්‍රධාන චරිතය රඟපෑ බෞද්ධ භික්ෂුවගෙන් ඥානාසාර හාමුදුරුවෝ පරිස්සම් විය යුතු ය. මන්ද, ඔහුට බ්‍රේක් ඇත්තේ ම නැත. මේ දවස්වල ලංකාවේ බෞද්ධ නායකයකු වෙන්නට තිබෙන හොඳ ම සුදුසුකම එයයි. වටරැක විජිත හිමි ඔහුට අහු වුණා නම් සම්බෝල හදන හැටි ද ලෝකයට පෙන්වන්නට ඉඩ තිබිණි.   හැබැයි, මුදා හරින ලද සුනඛ සේනාව ගැන ඥානසාර හාමුදුරුවන්ට ම දැන් දැන් බිය ඇති වී තිබේ. අර චීවරධාරියා පොලිස් ලොක්කකුට ගහන්න පනින හැටියට සිවුර නැතිනම් අනිවාර්යයෙන් ම ආයුධ පෙන්නන්නට යන්නට ලැබෙනවා නිසැක ය.  හැබැයි සාදු, මේකත් මතක තියා ගන්න. අපි, ඔහෙලා වගේ මිනිස්සු රාශියක් අසූනමයේදී ටයර් උඩ යවපු කට්ටියක් මේගොල්ලෝ. සිවුරට තිබෙන ගෞරවයේ තරම ඒ දවස්වල දැකගන්න ඇතිනේ.  සිවුරට මුවා වෙලා නටන නැටිලි දැන් නම් ඕවර් යන්න ඔන්න මෙන්න බව කරුණාවෙන් සලකන්න. තමුන්නැහෙලා කනකොට ඒකෙත් මානව හිමිකම් පාර්ශ්වය කතා කරන්න වෙන්නේ අපට ම ය. හැබැයි සාදු, ඔය වාසුලා වගේ නෙමෙය...

ඡායාරූප දිවයිනෙනි සිලි බෑග් එකක් කකුලේ පැටලී තිබේ ද? වටරැක විජිත හිමි දේශපාලනික වශයෙන් පරිණත භික්ෂුවක් නො වේ. එහෙත්, කුමන හෝ පදනමකින් ඔහු කරමින් සිටින්නේ ඉතාම අභියෝගාත්මක කාර්යයකි.  ඔහු අභියෝග කරන්නේ බලවත් මැරවර හමුදාවක් හා ත්‍රස්ත සංවිධානයක් ලෙස ලෝක මට්ටමේ 'කීර්තියක්' ඇති බොදු බල සේනාවට ය. එය කරන්නේ ද තනිවම ය.  ඔහු පිටුපසින් මුදල් යහමින් ඇති රාජ්‍ය නොවන සංවිධාන ඇති බවක් නො පෙනේ. එසේ ම, ජිනීවා දක්වා ඔහුව ඔසවාගෙන යා හැකි අය ද නැත. අඩු තරමේ බටහිර රටක දේශපාලන රැකවරණ ලබා ගැනීමට උදව් කරන්නට කෙනෙකු පවා නැත.  ඔහු තවමත් උත්සාහ කරන්නේ ජන පදනම මත සිටිමින් සිය අරගලය පවත්වාගෙන යන්නට ය. එහෙත්, එය පහසු නැත. බොදු බල සේනාව ඔහුට එරෙහිව මුළු බලය ම යොදා සටනට පිවිස තිබේ. හේතුව, භික්ෂු බලවේගය තුළ සිය මැරවර ආධිපත්‍යය නො නැසී පවත්වාගෙන යන්නට ගලගොඩඅත්ත නිකායට තිබෙන උවමනාවයි.  වටරැක විජිත පරාජය වනු ඇත. එහෙත්, ඔහු පරදින්නේ හොඳ සටනක් දී ය. ඔහු ජෝක් එකක් කර පෙන්වන්නට දිවයින ඇතුළු ජාතිවාදී මාධ්‍ය දරන උත්සාහය පැරදවිය යුතු ය.   මේ ලිපිය වෙන අයත් එක්කත් බෙදා ගන්න. උපුටා ගන්නවා නම...

බොදු බල සේනා ප්‍රධාන විධායක නිලධාරි දිලන්ත විතානගේ විසින් සිය ජීවිතාරක්ෂාව පතා ජනාධිපති මහින්ද රාජපක්ෂ වෙත යවා තිබෙන ලියුම ඉතා වැදගත් ලේඛනයකි. එය විසින් හෙළිදරව් කරනු ලබන්නේ ලංකාවේ පවතින ආණ්ඩු‍වේ යථාර්ථයයි. ආණ්ඩුව ගැන මෙතෙක් කල් මේ කාරණා කිව්වේ දේශද්‍රෝහීන් යයි නම් කෙරුණු පුද්ගලයෝ ය. මේ වනාහි සිංහල ජාතිවාදියකුගේ ඇසින් යථාර්ථය විමසන කදිම පර්යේෂණ පත්‍රිකාවකි. මෙම නීරස ලිපිය උඩින් පල්ලෙන් කියවූ මට පහත සඳහන්කාරණා ටික සඳහන් කරන්නට සිත් විය. බොදු බල සේනා සංවිධානය විසින් කරමින් සිටින්නේ බටහිර හා දෙමළ ඩයස්පෝරාවේ කොන්ත්‍රාත්තුවක් බව අපි මුල සිට ම කීවෙමු. විශේෂයෙන් ම මෑත කාලයේදී ඔවුන් දිගින් දිගට ම කළේ බටහිර පන්දු රකින්නන් සිටි තැන්වලට උඩ පන්දු එල්ල කිරීමයි.  බොදු බල සේනාව සිය අති ධාවනකාරී බල දේශපාලන උපායමාර්ගයන් තුළ පාලක පවුලේ විභේදනයන් අැති කරන්නට යාම ඇත්තෙන් ම දැළි පිහියෙන් කිරි කෑමක් විය. දැන් ඔවුන් භුක්ති විඳින්නේ එහි ආදීනව විය හැකි ය.  බොදු බල සේනා ප්‍රධාන විධායක නිලධාරිවරයා විසින් මතු කරනු ලබන කාරණා තුළින් රනිල් වික්‍රමසිංහ පාලන සමය තුළ පැවති ප්‍රජාතන්ත්‍රවාදී වටපිටාව හ...

Photo courtesy: 33000.lk බොදු බල සේනාවට සම්බන්ධ හාමුදුරු කෙනෙක් කොට කලිසම් ඇඳ නිරූපිකාවක් සමග ගිටාර් ගැහුවා ය කියා මේ දිනවල ලොකු හා හූවක් තිබේ.  කිසිදු ආගමක් නො අදහන මට හාමුදුරුවරුන් ගැන ආගමික භක්තියක් නැත. තමන්ට වඳින්නැයි ඔවුන් මට බල කරලාත් නැත. සම්මාදමේ එන හාමුදුරුවරු පුටුවල සුදු රෙදි එළන තෙක් බලා ඉන්න එකට නම් මම කැමති නැත.  බොදු බල සේනාව යනු ආගමික සංකේත භාවිතා කරන සටන්කාමී දේශපාලන සංවිධානයක් මිස ආගමික සංවිධානයක් නො වේ. කොටින් ම සිවුර යනු මේ සේනාවේ නිල ඇඳුම වැනි දෙයකි. ඒ නිසා එහි සිටින හාමුදුරුවරුන්ගෙන් ආගමික සිල්වත්කම් බලාපොරොත්තු වීම තේරුමක් රහිත ය. දේශපාලන ක්‍රියාධරයන් පිරිසක් ලෙස ඔවුන් සතුටින් තැබීම ඇත්තෙන් ම මේ සමාජයට හිතකර දෙයකි. තුරුණු වියේ හැඟීම්වලින් ආස්වාදය ලැබීමට ඔවුන්ට ඉඩ දිය යුතු ය.  ආදරය සිර කර තබන මේ සමාජයේ ඇති සියලු අගතීන් පිටු දැකිය යුතු ය. ආදරය, නිදහස විඳින මිනිසුන් අගය කළ යුතු ය.  මා සිතන්නේ ජනමාධ්‍ය විසින් ප්‍රශ්න කරමින් තිබෙන්නේ බොදු බල සේනාවේ දෙබිඩි පිළිවෙතයි. ඒ කියන්නේ අනුන්ට පීඩනය පතුරුවමින් තමන් ෆන් ගැනීමේ තිබෙන කුහකත්වයයි....

Politically බොදු බල සේනාව තහනම් කරන්නැයි ඉල්ලා පෙත්සමක් අත්සන් කරමින් තිබේ. මම නම් එයට අත්සන් කරන්නේ නැත. බොදු බල සේනාව තහනම් කරනවාට මම නම් විරුද්ධ ය.  බොදු බල සේනාව බිහි වන්නේ කුමන සංදර්භයක් තුළ ද යන්න අප විසින් තේරුම් ගත යුතුව තිබේ.  කොටි සංවිධානය බිහි වන්නේ සිංහලයන්ගේ රාජ්‍ය ජාතිවාදයට ප්‍රතිචාරාත්මක ව්‍යාපාරයක් ලෙසයි. ඒ කියන්නේ සිංහලයන් සිය රාජ්‍ය බලය භාවිතා කරමින් දිගින් දිගට ම දෙමළ ජනයාට එල්ල කරන ලද ප්‍රහාරවලට ප්‍රතිචාරාත්මකවයි. කොටි සංවිධානය වේගයෙන් වර්ධනය වන්නට පටන් ගත්තේ 1983න් පසු ය.  කොටි සංවිධානය අතිශය ප්‍රචණ්ඩ ව්‍යාපාරයක් වූ අතර එය හමුවේ රාජ්‍යය යම් තරමකට අසරණ විය. එයට තව දුරටත් සිංහල ජාතිවාදී රාජ්‍යයක් ලෙස පැවතීම අසීරු විය. රාජ්‍යයට ප්‍රජාතන්ත්‍රවාදී වන්නට බල කොරිණි. එහෙත්, කොටි සංවිධානය එසේ ප්‍රජාතන්ත්‍රවාදී වීමට සූදානම් වූ‍යේ නැත. නිදසුනක් ලෙස අපි 2002 සිට පැවති සටන් විරාම සමය ගනිමු. රජය නිල වශයෙන් ප්‍රහාර එල්ල කිරීමෙන් වැළකී සිටියත්, කොටි සංවිධානය එසේ කළේ නැත. කොටි ආරක්ෂක බුද්ධි අංශය හා ඩග්ලස් ‍දේවානන්ද, කේතීෂ්වරන් ලෝගනාදන්, ලක්ෂ්මන් කදිරගාමර්...

(මෙම සිද්ධියට අදාල අපගේ ගවේෂණාත්මක වාර්තාව ඉංග්‍රීසි බසින් මෙතැනින් කියවන්න ) ගාල්ලේ, පිලානේ පිහිටි මෙත් සෙවණ මධ්‍යස්ථානයෙන් වහාම ඉවත්වන ලෙස ගාල්ල අතිරේක මහේස්ත්‍රාත් ගුණේන්ද්‍ර මුණසිංහ මහතා ජී. ඥානසාර හිමි ඇතුළු බොදු බළ සේනා සංවිධානයටට අද (29) නියෝග කර ඇත. බටගොඩ ගමගේ අසංක අමරසිරි නමැති අය විසින් ගොනු කරන ලද පෙත්සමක් විභාග කළ විනිසුරුවරයා එම තීන්දුව දී ඇත. බොදු බලසේනාවේ මහ ලේකම් ජී. ඥානසාර හිමි, ඇඹිලිපිටියේ විජිත හිමි, විතාරන්දෙණියේ නන්ද හිමි සහ ලිට්ල් ස්මයිල් ඇසෝසියේෂන් නමැති රාජ්‍ය නොවන සංවිධානය වග උත්තර කරුවන් කරමින් පෙත්සම පවරා තිබිණි. තමන්ට අයිති අක්කර 3 ක ඉඩම හා අදාළ දේපල 2012 දෙසැම්බර් 16 දා බොදු බල සේනා සංවිධානය විසින් බලහත්කාරයෙන් අත්පත්කර ගෙන ඇති බව සඳහන් කරමින්, පෙත්සම්කරු 2013 පෙබරවාරි 14 දා අධිකරණයට අදාල නඩුව ඉදිරිපත් කර තිබේ. ඒ අතර, බොදු බල සේනා සංවිධානය පසුගිය මාර්තු මස 09දා තමාට හිමි ඉඩමේ තිබු ගොඩනැගිල්ල 'මෙත් සෙවන' ලෙස නම් කොට ආරක්ෂක ලේකම්වරයා එහි ගෙන්වා එහි අධ්‍යාපන මධ්‍යස්ථානයක් ආරම්භ කල බව අමරසිරි පවසයි. අප මෙම සිද්ධිය පිළිබඳ කළ අධ්‍යයනයේ වාර්තාව ...

බොදු බල සේනාව වේවැල්වලින් සන්නද්ධ වීමට තීරණය කර තිබේ. බුදු තෙමඟුල සැමරෙන වෙසක් සමයේ බොදු බල සේනාවේ අය වේවැල් අරගෙන වීදි සරනු ඇති බව දන්වා තිබේ. ඒ උත්සව පවත්වන සමාජය වෙනුවෙන් සමාජ ශෝධක භූමිකාවක් ලෙස පෙන්වමිනි. මේ වේවැල් සෙල්ලම අලුත් දෙයක් නොවේ. වෙසක් කාලයට විකිණෙන භාණ්ඩ අතර වේවැල් ද තිබේ යයි සිතමි. 1992දී පුනරුත්ථාපන කොමසාරිස් ජනරාල් කාර්යාංශය විසින් වෙසක් උත්සවය වෙනුවෙන් කොළඹ පවත්වන ලද පහන් කූඩු තරගයකට සහභාගි වීම පිණිස නුවර සිට කොළඹට දුම්රියෙන් පැමිණෙද්දී මා දුටු දර්ශනයක් වන්නේ ‍දුම්රියේ පාපුවරුවේ පැමිණි මදාවි කොල්ලන් කීපදෙනෙක් වේවැල්වලින් දුම්රිය මාර්ගය අයිනේ සිටි අයට පහර දීමයි. දුම්රිය අද්දර පාරේ පයින් යන මිනිසකු හිටි හැටියේ හිසට වැදුණු වේවැල් පාරකින් වේදනාවෙන් ඇඹරුණ අයුර ඒ කොල්ලන්ට මහත් විනෝදයක් විය. වේවැල් කසාය තිත්ත ය. ගුරුවරු වැනි වේවැල් කසාය දෙන අය හැමදාමත් එයින් පරපීඩාකාමී සතුටක් ලබති. 2011 වෙසක් දිනයේ අත්දැකීම් කීපයක් ‍අපි එදා ලියා තැබුවෙමු. කියවන්න: ආගම යනු උත්සව පවත්වන්නන්ට නිමිති සපයන දෙයකි හෙන්රි ස්ටීල් ඕල්කට්ගේ ආගමික පුනර්ජීවන ව්‍යාපාරය ඔස්සේ බුදු දහම ක්‍රිස්තිය...

බොදු බල සේනාව විසින් කරමින් සිටිනු ලබන දේශපාලනය වනාහි අමුතු දෙයක් නොවේ. සීමාන්තික උන්නතිකාමීන් වූ පහළ පංතිකයන් දේශපාලන හිනිපෙතේ ඉහළ ඒම සඳහා ඉතිහාසය පුරාම ජාතිවාදය වපුරා තිබේ. කේ.එම්.පී. රාජරත්නගේ හෝ ඊටත් පෙර සිට චම්පික රණවක, විමල් වීරවංශ හරහා ගලගොඩඅත්තේ සාදු දක්වා සම්බොඩීස් බවට පත් වූ මෙවැනි නෝබොඩීස් පිළිබඳ උදාහරණ ඕනෑතරම් සොයා ගත හැකිය. මොවුහු අවංක ජාතිවාදීහුවත් නොවෙති. ඔවුන් ව‍ටා එක් රැස් වන මධ්‍යම පංතික පිරිස්ද සෝබනකාර දෙබිඩි චරිත වෙති. ඒ නිසා වියට්නා‍මයේ ක්වාන් ඩක් භික්ෂුව වැනි අය‍ හෝ යාපනයේ තිලීපන් වැනි අය කවදාවත් මොවුන් අතරින් බිහි වන්නේ නැත. බොදු බල සේනාව ඇතුළු ජාතිවාදී සංවිධාන මෙහෙයවෙන්නේ උන්නතිකාමී පුද්ගලයන් අතර ඇති බලය සඳහා වූ තරගකාරිත්වය මතයි. ඒ සමගම ජාතිවාදය සාධාරණීකරණය කිරීම සඳහා ඔවුන් අතර කිසියම් අවබෝධයක්ද තිබේ. බොදු බල සේනාවට මහනුවර රැස්වීම කරන්නට ජාතික හෙළ උරුමය විසින් ස්ථානය වෙන් කර දීම සිදු වන්නේ මේ අවබෝධය තුළයි. බොදු බල සේනාව සිය ආරක්ෂාව හා බලය වෙනුවෙන් ආණ්ඩුව සමග සිටින බව පැහැදිලිය. ආණ්ඩුවද ජාතිවාදී ව්‍යාපාර සිය පාලනය තුළ තබා ගැනීමට වගබලාගෙන තිබේ. නිදසුනක් ල...

අනුග්‍රහය සම්පත් අත්තටගේ ජාතිවාදය කියන්නේඉතාම පහසුවෙන් හදන්න පුළුවන් කෑමක් වගේ දෙයක්. ඕනෑම කෙනෙකුට මහගන්න පුළුවන් ඇඳුමක් වගේ දෙයක්. ඕනෑම පහත‍් මිනිහෙකුට වීරයෙක් වන්න පුළුවන් දැක්මක්.  මේක හරි සරළයි. අපි අතර ඕනැ තරම් ඉන්නේ තමන් අනෙක් අයට වඩා මාර ශ්‍රේෂ්ඨ පොරක්ය කියා සිතාගෙන ඉන්න අය. පවුල්වල මේ වගේ අය ඉන්නවා. උන් අනෙක් අයගේ අවස්ථා පැහැර ගන්නවා. සැමියා බි රිඳට වඩා උසස් යයි කියා තත්වයක් ඇති කරගෙන බිරිඳව සූරා කනවා. සහෝදරයෝ තමන් උසස් යයි කියලා තත්වයක් නිර්මානය කරගෙන එක බඩවැල කඩාගෙන උපන් සහෝදරියන්ගෙන් පවුලේ දේපල ටික පැහැර ගන්නවා. ප ොදු සමාජ ය ේ ඉන්න මේ වගේ අය අනෙක් මිනිසුන්ව පාගනවා. ‍දේශපාලනයට යනවා. අනෙක් මිනිසුන්ව පමණක් න ො වෙයි රටත් සූරා කනවා. රජයේ ආයතනවල, පෞද්ගලික ආයතනවල සේවය කරන මෙවැනි අය තමන්ගෙන් සේවය ලබාගන්න එන අයට හරි සේවාවක් සපයන්නේ නැහැ. සගයන්ව කපා ගෙන යන්න උත්සාහ කරනවා. නිතරම තමන්ගේ ශ්‍රේෂ්ඨත්වය ගැන කතා කරමින්, අනුන්ගේ නුගුණ ගැන කියමින් තමන්ට නිසි තැන නොලැබෙන බව කියමින් කෙඳිරිගාමින්, හරි හැටි වැඩක් පලක් නොකර ඉන්න මිනිසුන් සමාජයේදී ඔබ ඕනෑ තරම් දැක ඇති. ඉතින් අපි ...

හලාල් ප්‍රශ්නය සම්බන්ධයෙන් ජමියතුල් උලමා සංවිධානය කර තිබෙන අලුත් යෝජනාව සාකච්ඡාවට භාජනය කළ යුතුය. හලාල් සහතිකය ලබාගත් භාණ්ඩ මුස්ලිම් පාරිභෝගිකයන්ට පමණක් විකුණන්නැයි ජමියතුල් උ ල මා සංවිධානය ඉල්ලා සිටියි.  දැන් බෝලය ඇත්තේ නිෂ්පාදකයන් අතේය. නිෂ්පාදන හලාල් කිරීම සඳහා ගිය වියදම හලාල් ලකුණ සහිත නිෂ්පාදනවලට එකතු කළ හැකිය. මෙතෙක් ඒ වියදම සියලු භාණ්ඩ අතර බෙදී ගිය නිසා දැන් හලාල් සහතිකය නැති භාණ්ඩ අනිවාර්යයෙන්ම මිළ අඩු විය යුතුය.  මේ ලාභය මුස්ලිම් නොවන පාරිභෝගිකයන්ට ලැබෙන්නේ බොදු බල සේනා සංවිධානයට පිං සිදු වන්නටය.  බොදු බල සේනාවට බඩු මිළ අඩු කිරීමේ පුණ්‍යකර්මය දිගටම කරගෙන යාම සඳහා තවත් යෝජනාවක් ඉදිරිපත් කරමු. දැන් මේ ඇතැම් භාණ්ඩවල මිළට වෙළඳ ප්‍රචාරණය සඳහා ගිය වියදම්ද ඇතුළත්ය. බොහෝ බෞද්ධයෝ වෙළඳ දැන්වීම් බලන්නට කැමති නැත. එහෙත් ඔවුන් මතද මේ වෙළඳ දැන්වීම්වල පිරිවැය පටවා තිබේ. දැන් බොදු බල සේනාවට පුළුවන්නම් මේ වෙළඳ දැන්වීම් සඳහා යන වියදම ඒවා බලන අය මත පමණක් පැටවෙන ක්‍රමයක් හදන්නට ඒවා නොබලන අයට අඩු මිළට භාණ්ඩ දෙන්නට පුළුවන. ඒ කියන්නේ වෙළඳ දැන්වීම් බලන අය මිළ දී ගන්නා භාණ්ඩවලට...