W3Lanka: Praja.lk Backup

අද පැවැත්වෙන බස්නාහිර හා දකුණු පළාත් සභා මැතිවරණය ජාතික මෙන් ම ජාත්‍යන්තර වැදගත්කමකින් ද යුක්ත ය. මෙහිදී ජනතාවට එක්කෝ ආණ්ඩුවට සුවිසල් වැඩි ඡන්දයක් ලබා දී ආණ්ඩුවේ ප්‍රතිපත්ති අනුමත කරන්නට පුළුවන. ඒ කියන්නේ ආණ්ඩුවේ ජාත්‍යන්තර හුදකලාභාවය, දූෂිතභාවය, ජාතිවාදය, මානව හිමිකම් කෙරෙහි තිබෙන නො සැලකිල්ල, ප්‍රජාතන්ත්‍ර විරෝධීභාවය හා ඒකාධිපති පවුල්වාදය නැවත අනුමත කරන්නට පුළුවන. ආණ්ඩුවට ඒ ජනවරමින් ඔකඳ වී තව තවත් ජාත්‍යන්තරව හුදකලා වන අන්දමේ ක්‍රියාමාර්ග ගන්නට පුළුවන. රටේ ඉතිරි සාරයක් ඇත්නම් එය ද සූරා කන්නට පුළුවන. ජාතික හෙළ උරුමය, බොදු බල සේනා වැනි අන්තවාදී සංවිධානවල පදයට නටමින් ජාතික ප්‍රශ්නය ආගම් ප්‍රශ්නයක් දක්වා ම අවුල් කරන්නට පුළුවන. ප්‍රජාතන්ත්‍රවාදයට සමච්චල් කරන්නට පුළුවන. යන යකා කොරහත් බිඳගෙන ම යන්නා සේ මහා ජන මර්දනයකට වුව මෙම ජනවරම යොදා ගන්නට ආණ්ඩුවට හැකියාව ලැබෙනු ඇත. මේ ඡන්දයෙන් ආණ්ඩුව ජය ගන්නට තිබෙන ඉඩකඩ වැඩි ය. මැතිවරණයේදී තරගය තිබෙන්නේ එක්සත් ජනතා නිදහස් සන්ධානයත්, විපක්ෂයත් අතර නො වේ. ආණ්ඩුවත්, විපක්ෂයත් අතර ය. ආණ්ඩුව සමස්ත රාජ්‍ය බලයමත්, මහජන මුදලුත් ඡන්දයට යොදවා තිබේ. එහෙව්...

මේ දිනවල 13වන ආණ්ඩුක්‍රම ව්‍යවස්ථා සංශෝධනය ඉවත් කළයුතු බවට හා පළාත් සභා අහෝසි කළයුතු බවට උද්ඝෝෂණයක් මතු කර ගැනීමට උත්සාහයක් තිබේ.  වෘත්තීය විප් ලව වාදියකු ලෙස ජවිපෙ තුළ සිටි විමල් වීරවංශ දැන් වෘත්තීය දේශපාලකයකු ලෙස මහනායක හිමිවරුන් පවා හමුවෙමින් 13වන ආණ්ඩුක්‍රම ව්‍යවස්ථා සං ශ ෝධනයට එ රෙහි ව මතු කරගන ්නට උත්සාහ කරන සිංහල ජාතිවාදී රැල්ලේ මුදුනෙන් සිය බල යාත්‍රාව තබාගැනීමට උත්සාහයක් දරමින් සිටියි. ඒ අරුතින් ඔහු මේ වනවිට චම්පික රණවක පවා පසුබස්වා ඇති බව පෙනේ.  හෙළ උරුමයේ බහුවිධ නායකයන් අතර ආරාවුල්, වියවුල් නිසා තනි ගමනක් යන විමල්ට එතරම් තරගයක් එල්ලවී නැත.  ජවිපෙ අභ්‍යන්තරයේ පසුගිය සමයේ සිදුවූ හැලහැප්පීම් හමුවේ දැන් ජවිපෙ වමටත්, දකුණටත් දෙකටම නැති නෝමෑන් ඒරියාවක අතරමංව හිඳියි. පෙරටුගාමී පක්ෂය උත්සාහ කරමින් සිටින්නේ ප්‍රමාණ යෙන් ල ොකු හිරු කණ්ඩායමක් වන්නටය.  මේ සියල්ල මධ්‍යයේ 13වන ආණ්ඩුක්‍රම ව්‍යවස්ථා සංශෝධනය යළි මාතෘකාව බවට පත් වී තිබේ. එදා මෙන්ම අදත් එයට දැඩි ලෙස පක්ෂපාතී ස්ථාවරයක සිටින බව පෙනෙන්නේ සමසමාජ, කොමියුනිස්ට් පක්ෂ පමණි.  පළාත් සභා හඳුන්වා දුන් 19...

ආණ්ඩුව පළාත් සභා ක්‍රමය අහෝසි කරන්න යනවා යයි අද දිවයින සිය මුල්පුවතේ කියා තිබේ. ජ්‍යේෂ් ඨ ඇමතිවරයකු කීවා යයි කියා කියන මෙය අතේ රෝලක් වන්න පුළුවන. එහෙත්, මෙය දිවයිනේ මුල් පුවත ලෙස දැමීම පිටුපස ආණ්ඩුවේම ලොක්කකුගේ ගේමක් තිබෙන්නට පුළුවන.  පසුගිය දිනවල ඇමති බැසිල්ගේ දිවිනැගුම වැඩපිලිවෙළට උදැල්ලක් වැටුණේ මේ පළාත් සභා ක්‍රමය නිසාය. පළාත් සභා ඔස්සේ සීමිත බලතල ප්‍රමාණයක් විමධ්‍යගත වී තිබේ. ඇමති මණ්ඩලය සමග හෝ බලය බෙදාගැනීමට අකැමැති ඒකාධිපති පවුල් පාලනයකට පළාත්වලට බලය බෙදන 13වන ආණ්ඩුක්‍රම ව්‍යවස්ථා සංශෝධනය ඇහේ රොඩ්ඩක් වීම තේරුම් ගතහැකි තත්වයකි. 13වන ආණ්ඩුක්‍රම ව්‍යවස්ථා සංශෝධනය ගෙන ආවේ 1987 ඉන්දු-ලංකා ගිවිසුමට අනුවයි. එහෙයින් පළාත් සභා අහෝසි කිරීම වනාහි දැනටත් ඉන්දියාව සමග ඇදගෙන සිටින කොක්ක තවත් වකුටු කරගැනීමකි.  මෙය සිදුවුණත්, නැතත් මේ වෙලාවේ ආණ්ඩුවට එහෙම කොක්කක් අවශ්‍ය වී තිබේ. හේතුව, රටේ ආර්ථික ප්‍රශ්න උග්‍රවීම හා පීඩනය හමුවේ ජනතාව ආණ්ඩුවට එරෙහිවීම වළක්වාගත හැක්කේ මෙවැනි ක්‍රියාමාර්ගයක් ඔස්සේ බැවිනි.  මේ වනවිට ඊනියා සිංහල බෞද්ධ ජාතික ව්‍යාපාර‍යේ නායකයෝ ඒකාධිපති පවුල් පාල...

පසුගිය දිනවල අති විශාල මහජන මුදල් වියදමක් කරමින් මහ ඇමති සමුළුවක් ඇඹිලිපිටියේදී පැවැත්විණි. ලේඛකයා නිදහස් මාධ්‍යකරුවකු ලෙස ප්‍රවෘත්ති සපයන එක් ඉංග්‍රීසි පුවත් වෙබ් අඩවියකට මෙම සමුළුව පිළිබඳ වාර්තාවක් යොමු කළේ ය. රජයට පක්ෂපාතී එම වෙබ් අඩවියේ සංස්කාරකවරයා එම ප්‍රවෘත්තිය ප්‍රතික්ෂේප කර තිබුණේ එය නො වැදගත් සිද්ධියක් බවට සටහනක් තබමිනි. (Not a significant event) බලාගෙන ගියාම ඇත්ත ය. මේ සමුළුවේදී ගෙන තිබෙන වැදගත් ම තීරණය දිනමිණ පුවත්පත වාර්තා කරන්නේ මෙසේ ය: ඉරිදා සහ පසළොස්වක පොහෝ දිනවල දහම් අධ්‍යාපනය අනිවාර්ය කිරීමේ නව නීති සම්පාදනය කර ක්‍රියාත්මක කිරීමට සියලුම පළාත් සභා ප්‍රධාන ඇමැතිවරු තීරණය කරති. ඉඩම් බලතල හා පොලිස් බලතල පිළිබඳ මධ්‍යම රජය සමඟ පළාත් සභාවලට කිසිදු ගැටලුවක් නැතැයි ප්‍රධාන ඇමැතිවරු අවධාරණය කරන බව ද දිනමිණේ තවත් පුවතක කියැවේ. ප්‍රශ්න කොයින් ද? පිඟන් බි‍ඳෙන්නේ පිඟන් හෝදන අය අතින් නොවැ. 2008දී ලංකාවේ ජාතීන්ගේ ප්‍රශනයට විසඳුම් ලෙස ගෙන එන ලද පළාත් සභා ක්‍රමය අද පත් වී ඇති තත්වය කදිමට ප්‍රකාශ කරන අවස්ථාවකි, මහ ඇමති සමුළුව. අද ඵළාත් සභා කරන ප්‍රධාන කාර්යය මේ මහ ඇමති සමුළුව ප...

(2011 ජුලි13,   W3Lanka )   පළාත් සභා ක්‍රමය හේතුවෙන් සිදුවූයේ ගමේ සිටි රස්‌තියාදු පිරිස්‌වලට ප්‍රාඩෝ හිමිවීම පමණක්‌ බව ඇල්ලේ ගුණවංශ හිමි ඊයේ පුවත්පත් සාකච්ඡාවක් පවත්වමින් දේශනා කළ හ. එම කියමන ජාතික හෙළ උරුමයෙන් හා ජාතික නිදහස් පෙරමුණෙන් පළාත් සභාවලට ගිය අයට ද අදාළ විය යුතු යයි අපි විශ්වාස කරමු.  ඇල්ලේ හිමි මෙසේ පවසන අතර අලුතෙන් යොවුන් පාර්ලිමේන්තුවක් ද ලබන 16දා පිහිටුවීමට ආණ්ඩුව කටයුතු කර තිබේ. පසුගිය දෙසැම්බරයේදී ඡන්ද පවත්වන ලද මෙම යොවුන් පාර්ලිමේන්තුව අද රැස් වෙයි, හෙට රැස් වෙයි කිය කියා සිටි නමුත් රැස් යන තෙක් රැස් වුණේ නැත. මංගල රැස්වීම ජනාධිපතිතුමන්ගේ ප්‍රධානත්වයෙන් පවත්වන බව මුල සිට ම කියැවුණත්, ජුලි 16දා රැස්වීම පවා පැවැත්වෙන්නේ කතානායක චමල් රාජපක්ෂගේ මූලිකත්වයෙනි. යොවුන් පාර්ලිමේන්තුව ඇමති ඩලස් අලහප්පෙරුමගේ ව්‍යායාමයකි.  ඇල්ලේ ගුණවංශ හිමියන්ගේ දේශනාව පැවැත්වුණ පුවත්පත් සාකච්ඡාව කැඳවා තිබුණේ ජාතික සංවිධාන එකමුතුව නම් ලාහ විසිනි. මෙය නියෝජනය කරන පුද්ගලයන් ම සංවිධාන වන අතර දේශාභිමානී ව්‍යාපාරය ඇල්ලේ ගුණවංශ හිමියන්ගේ සංවිධානයයි. මොනවා වුණත් එතුමන්ගේ...

(2010 අප්‍රේල් 20 -  W3Lanka  )  මෙතෙක් කල් උස්සාගෙන ගිය ජාතිවාදී සටන් පාඨ මහින්ද රාජපක්ෂ ජනාධිපති විසින් පැහැර ගැනීමෙන් පසු ලංකාවේ මිනිසුන් උසිගන්වා ගන්නට වීසි කරන්නට පොල් ලෙල්ලක්වත් නැති තත්වයට පත් වී සිටින ජනතා විමුක්ති පෙරමුණ නැවත වතාවක් බලය බෙදීම නම් පිදුරු ගහේ එල්ලීමට සැරසෙමින් සිටින බව ලංකා ටෲත් නම් ජවිපෙ හොරණෑවේ දැන් දැන් පළ වන පුවත්වලින් හෙළි වේ. පහත දැක්වෙන්නේ ලංකා ටෲත් මල්ලෙන් බළලා එළියට පනින හැටියි: ආණ්ඩුවට කලින් ‘වහ’ දැන් ‘රස’ වෙයි .....................මෙම ප්‍රවෘත්ති සාකච්ඡාවේදී ආර්.සම්පන්දන් මහතා පැවසුවේ “ඒකීය රාජ්‍යයක් තුළ පිළිගත හැකි විසඳුමක් ලබා දෙන්නේ නම් තමන් ‍වත්මන් ආණෟඩුවට සහය දීමට සූදානම්” යනුවෙනි. මෙහිදී සම්පන්දන් මහතා වැඩිදුරටත් පවසා ඇත්තේ “උතුරු නැගෙනහිර වෙනත් කිසිදු දෙමළ පක්ෂයන් එක මන්ත්‍රී ධූරයක් හෝ ලබා‍ගෙන නෑ. ඒකෙන් පේනව දෙමළ ජනතාව පිළිගන්නේ අපිව විතරයි කියල” යනුවෙනි. කෙසේ වෙතත් අද හෝ හෙට ආණ්ඩු පක්ෂ නියෝජිතයින් හා දෙමළ ජාතික සන්ධාන මන්ත්‍රීවරුන් සමඟ මෙම සාකච්ඡාව පැවැත්වෙන අතර, මෙහිදී ආණ්ඩුවට සහය දීමේ පොරොන්දුව මත ආණ්ඩු පාර්ශ‍...

(2009 ඔක්තෝබර්  23 - W3Lanka ) පළාත් ආණ්ඩුකාරවරුන්ගේ 12 වැනි සම්මේලනය හෙට (24දා) යාපහුව පැරඩයිස් හෝටලයේදී ආරම්භ කෙරේ.සම්මේලනය සඳහා බස්නාහිර පළාත් ආණ්ඩුකාර අලවි මව්ලානා, මධ්‍යම පළාත් ආණ්ඩුකාර ටිකිරි කොබ්බෑකඩුව, වයඹ පළාත් ආණ්ඩුකාර තිස්ස ආර් බලල්ලේ, උතුරු මැද පළාත් ආණ්ඩුකාර කරුණාරත්න දිවුල්ගනේ, ඌව පළාත් ආණ්ඩුකාර නන්ද මැතිව්, සබරගමු පළාත් ආණ්ඩුකාර පි‍්‍රයන්ත ජානක බණ්ඩාර, නැඟෙනහිර පළාත් ආණ්ඩුකාර රියර් අද්මිරාල් මොහාන් විජේවික්‍රම, උතුරු පළාත් ආණ්ඩුකාර පී. ඒ. චන්ද්‍රසිරි සහ දකුණු පළාත් ආණ්ඩුකාර කුමාරි බාලසූරිය මහත්ම මහත්මීහු සහභාගි වීමට නියමිතය. ප්‍රධාන වශයෙන් ම ජාතීන්ගේ ප්‍රශ්නයට විසඳුම් ලෙස ගෙන ආ පළාත් සභා ක්‍රමය තුළ ජනාධිපතිවරයා විසින් පත් කරනු ලබන මධ්‍යම ආණ්ඩුව නියෝජනය කරන ආණ්ඩුකාර තනතුර බොහෝ දුරට ඡනදයෙන් පත් වූ පළාත් සභාවේ බලය ඉක්මවා නො යන නාමමාත්‍රික තනතුරක් බවට පත් විය යුතු වුව ද, බලය බෙදීමට විරුද්ධ වත්මන් පාලකයන් යටතේ පළාත් පාලනයේ බලවත් ම පුද්ගලයන් වී තිබෙන්නේ ආණ්ඩුකාරවරු ය. ඡන්දයෙන් පත් වන පළාත් සභාවල සම්මත කර ගනු ලබන නීති සඳහා අවසාන අනුමැතිය ලබා දීමේ බලය ඇති ආණ්ඩුකාරව...

(අගෝස්තු 16, 2009 - W3Lanka) රජය විසින් බස්නාහිර පළාත් සභා‍වේ ආණ්ඩු පක්ෂයේ හා විපක්ෂයේ මන්ත්‍රීනට චීනයේ පිං සවාරියක් පිරිනමා තිබේ. මෙම පිං සවාරිය ප්‍රතික්ෂේප කර ඇත්තේ ජවිපෙ පළාත් සභා මන්ත්‍රීන් තිදෙනා පමණි. එජාපෙ, ජානිපෙ, හෙළ උරුමය, බස්නාහිර ජනතා පෙරමුණ, මුස්ලිම් කොංග්‍රසය ආදී දූෂණය‍, නාස්තිය ගැන බෙහෙවින් කතා කරන පක්ෂවල පළාත් සභා මන්ත්‍රීන් කවුරුත් මෙම සවාරිය පිළිගෙන තිබේ. මන්ත්‍රීන් 101ක් සඳහා වූ මෙම නව දින විනෝද චාරිකාව සඳහා පළාත් සභාව විසින් දරනු ලබන වියදම රු. කෝටි තුනකට අධික වේ. රෝසි සේනානායකගේ නායකත්වයෙන් ‍මන්ත්‍රීන් 24කගෙන් යුත් එක් කොටසක් දැනටමත් පිටත්ව ගොස් ඇති අතර, ඔවුන් ආ පසු සෙසු පිරිස යති. රජය කියන්නේ මෙය අත්‍යවශ්‍ය අධයයන චාරිකාවක් බවයි. බලය බෙදීමට විරුද්ධ වත්මන් පාලනය විසින් බලය බෙදීමේ ක්‍රමයක් නැති චීනයෙන් උගන්වනවා ඇත්තේ බලය නොබෙදා සිටින ආකාරය විය හැකි ය.