W3Lanka: Praja.lk Backup

දින නියමයක් නොමැති රැඳවියන් නිසා බන්ධනාගාර තුළ තදබදය වැඩිවී ඇති බව බන්ධනාගාර කොමසාරිස් ජනරාල් චන්ද්‍රරත්න පල්ලේගම මහතා පැවසූ බව සිරස වාර්තා ක‍ළේය. ඔහු පැවසූ පරිදි ඇතැම් රැඳවියන් වසර 10ක පමණ කාලයක සිට එලෙස බන්ධනාගාරය තුළ කාලය ගෙවා දමති. මේ වන විට බන්ධනාගාර තුළ දින නියමයක් නොමැති රැඳවියෝ 5,000කට අධික සංඛ්‍යාවක් සිටිති. දින නියමයක් නොමැති රැඳවියන් වෙනුවෙන් දිනකට රුපියල් ලක්ෂ 13 අධික මුදලක් වැය කිරීමට සිදුව ඇති බන්ධනාගාර කොමසාරිස් ජනරාල්වරයා සඳහන් කළේය. බන්ධනාගාර කොමසාරිස් ජනරාල්වරයා පැවසුවේ, නීතිපති දෙපාර්තුමේන්තුවේ ඊයේ පැවැති සාකච්ඡාවකදී මෙම තත්ත්වය පිළිබඳව නිතීපතීවරයා ද දැනුවත් කළ බවය. මෙහි දින නියමයක් නොමැති රැඳවියන් යයි කියන්නේ කාටද? මොවුහු එක්කෝ ඇප නොදී නඩු දින නියමයක් නැතිව කල් දැමූ අය විය යුතුය. නැතිනම්, ඇප නොදී නඩු කල් දමමින් හෝ නැතිනම් නඩුත් නැතිවම සිරගත කරගෙන සිටින මිනිසුන් විය යුතුය. ඇතැමෙකුට ඇප නියම කළත් ඇප තැබීමට කෙනෙකු නැතිවා වෙන්නට පුළුවන. කෙසේ හෝ වේවා, අධිකරණයෙන් වැරදිකරු නොකර සැකකරුවන් මෙතරම් පිරිසක් වසර 10ක් පමණ කාලයක‍් රඳවාගෙන සිටිනවානම් එතැන රටේ...

(2010 මැයි 04 -  W3Lanka )  ලෝක පුවත්පත් නිදහස් දිනය සමරමින් ත්‍රස්තවාදය වැළැක්වීමේ පනත යටතේ විසි වසත සිර දඬුවමකට ලක්ව සිටි ඉංග්‍රීසි බසින් ලියූ දෙමළ මාධ්‍යවේදියකු වන ජේ. එස්. තිස්සනායගම් ජනාධිපති සමාව යටතේ නිදහස් කිරීම ජාතික සංහිඳියාව ගොඩනඟා ගැනීමේ හා ප්‍රජාතන්ත්‍රවාදය ස්ථාපිත කිරීමේ ලා ඉවහල් කර ගත හැකි සාධනීය පියවරක් ලෙස අපි අගය කරමු. තිස්සනායගම් දණ්ඩනයට ලක් කරනු ලැබුවේ දෙමළ අරගලයට හිතවත් ජනමාධ්‍ය මර්දනය කිරීමේ හා මාධ්‍යවේදීන් බියවැද්දීමේ පියවරක් වශයෙනි. මහින්ද රාජපක්ෂ පාලනය ඔහු නිදහස් කරනු ලබන්නේ පශ්චාත් යුදකාලීන ලංකාවේ සිය ප්‍රජාතන්ත්‍රවාදීභාවය ප්‍රදර්ශනය කිරීමට හා ඒ ඔස්සේ බටහිර සමග යාළු වීමටත් අහිමි වූ ජී.එස්.පී. ප්ලස් බදු සහන ආදිය ලබා ගැනීමටත් ආදියටයි.  ආණ්ඩුවේ යුදමය කටයුතු විවේචනය කළ මාධ්‍යවේදීන් ගණනාවක් ම යුද සමයේ මරා දමන ලද අතර තවත් අය අත්අඩංගුවට ගැනීම හා අඩන්තේට්ටමට ලක් කිරීම දිගට ම සිදු විය.  විපක්ෂ ජනාධිපති අපේක්ෂක සරත් ෆොන්සේකාගේ බල ව්‍යාපෘතිය සමග සම්බන්ධකම් තිබුණු මාධ්‍යවේදීහු පිරිසක් ද මර්දනයට ලක් වූහ.  තිස්සනායගම් ...

(2010 පෙබරවාරි 01- W3Lanka )  රහස් පොලීසියේ අත්අඩංගුවේ සිටින ප්‍රබල ත්‍රස්තවාදී නායකයකු වන කේ. පී. හෙවත් කුමාරන් පද්මනාදන් නමැත්තා සම්බන්ධයෙන් සිදුකරන රහසිගත පරීක්ෂණ මාධ්‍ය මඟින් හෙළිකර එම පරීක්ෂණවලට බාධාවන අයුරින් කටයුතු සිදු කිරීමේ චෝදනාව යටතේ ‘ලංකා’ ඉරිදා පුවත්පතේ ප්‍රකාශනය වළක්වා, අධිකරණ නියෝග ලැබෙන තෙක් මුද්‍රණය කිරීම තහනම් කොට ප්‍රධාන කාර්යාලයට පෙරේදා (30) දින සිට මුද්‍රා තබා ඇති බව අද දිනමිණ පුවත්පත වාර්තා කරයි. ලංකා පුවත්පත පවත්වාගෙන යන ජනතා විමුක්ති පෙරමුණ පසුගිය කාලය මුළුල්ලේ ම ත්‍රස්තවාදය වැළැක්වීමේ පනත හා හදිසි නීතිය යොදාගෙන දෙමළ ජනයා මර්දනය කිරීම අනුමත කළේ ය. දැන් දෙමළ පීඩිත ජනයාගේ සටන්කාමී දේශපාලන ව්‍යාපාරය වූ දෙමළ ඊලාම් විමුක්ති කොටි සංවිධානය යුදමය වශයෙන් පරාජය වී හමාර ය. අවස්ථාව උදා වී ඇත්තේ සිංහල පීඩිත ජනයාගේ සටන්කාමී ව්‍යාපාරය වන ජවිපෙටයි. මේ මීට මාස කීපයකට පෙර අප විසින් පළ කරන ලද ලිපියක උපුටා ගැනීමකි. දෙමළුන් දැඩි මර්දනයකට ලක් වෙද්දී ලංකාවේ රාජ්‍යය සමග ජවිපෙ කෑ දීගයේ හා දික්කසාදයේ ප්‍රේම-වෛර සම්බන්ධයේ රස බලමින් මර්දනයට පුළුනෙන් කොට්ට තනා තිබුණු උණු...

(2010 ජනවාරි 11 -W3Lanka) අදහස් ප්‍රකාශනයේ යෙදීම හේතුවෙන් අධිකරණය විසින් විසි වසරකට සිර ගත කරන ලද දෙමළ මාධ්‍යවේදී ජේ.එස්. තිස්සනායගම් අද අධිකරණය විසින් ඇප මත නිදහස් කරන ලදී. කොටි සංවිධානය සමග සම්බන්ධතා පැවැත්වීය යන චෝදනාව මත අත්අඩංගුවට ගනු ලැබූ වෘත්තීය සගයින් වූ ජසිහරන් හා වලර්මදී බැලීමට ත්‍රස්ත විමර්ශන දෙපාර්තමේන්තුව වෙත ගිය අවස‍්ථාවේදී 2008 මාර්තු මස අත්අඩංගුවට ගන්නා ලද තිස්සනායගම්ට එරෙහිව ත්‍රස්තවාදය වැළැක්වීමේ පනත යටතේ නඩු පවරන ලද අතර 2009 අගෝස්තු 31 දින ඔහු බරපතල වැඩ සහිතව විසි වසරකට සිරගත කරන ලදී.

(2010 ජනවාරි 10 -W3Lanka) බොරැල්ල නව මැගසීන් බන්ධනාගාරයේ හදිසි නීති රෙගුලාසි යටතේ සහ ත‍්‍රස්තවාදය වැලැක්වීමේ පනත යටතේ රදවාගෙන සිටින දේශපාලන සිරකරුවන් 96 දෙනෙකු විසින් ජනවාරි 05 වනදා ආරම්භ කරන ලද උපවාසය මේ වන විට අනුරාධපුරය, ති‍්‍රකුණාමලය, යාපනය, බුස්ස හා මීගමුව බන්ධනාගාර හා රැඳවුම් කඳවුරු වෙත ද පැතිර තිබේ. උපවාසයේ නිරතව සිටින කොටි සැකකරුවන්ගේ ප‍්‍රධාන ඉල්ලීම වී ඇත්තේ තමනට නඩු පවරන ලෙස හෝ චෝදනා නොමැතිනම් නිදහස් කරන ලෙසය. ආහාර හා ජලය වර්ජනය කර ඇති උපවාසකරුවන්ගෙන් කීපදෙනෙකුගේම තත්වය බරපතල වීම නිසා මේ වන විට රෝහල්ගත කර තිබේ. මෙම දේශපාලන සිරකරුවන් බොහෝ දෙනෙකු වසර ගණනාවක් තිස්සේ නඩු නොමැතිව රඳවා සිටින අයයි. රජය පසුගිය සමයේ භාර වූ කොටි නායකයන් දෙදෙනෙකු ඇප මත මුදා හරින ලදී. පොලිස් නිලධාරීන් හා හමුදා නිලධාරීන් සිය ගණන් මරා දැමීම හා නිරායුධ සිංහල හා මුස්ලිම් වැසියන් සිය ගණනින් මරා දැමීම පිළිබඳ වග කිව යුතු ඇතැම් කොටි නායකයන්ට ඇමති පදවි ද පිරිනමා තිබේ. නඩු නොපැවරිය නොහැකි කරුණක් සොයා ගත නොහැකිහදිසි නීතිය, ත්‍රස්තවාදය වැළැක්වීමේ පනත යටතේ පවා මෙම රැඳවියන්ට අදාළ නීතිමය ක්‍රියාමාර්ග ග...

(2009 දෙසැම්බර් 10 - W3Lanka ) අද ජගත් මානව හිමිකම් දිනයයි. ලෝකය මානව හිමිකම් කෙරෙහි අවධානය යොමු කරන අද දින පවා ලක්ෂ ගණනක් දෙමළ අවතැන් වූවෝ කළ වරදක් නොමැතිව නිදහස සීමා කරන ලද රජයේ රැඳවුම් කඳවුරුවල ගාල් වී සිටිති.  චෝදනා සම්බන්ධයෙන් නීතියෙන් දඬුවම් ලබා නො දුන් ප්‍රධාන වශයෙන් දෙමළ ජාතිකයන් වන සැකකරුවන් දස දහස් ගණනක් සිරගතව සිටිති.  ජනතාවගේ තොරතුරු දැනගැනීමේ අයිතිය ලබා දීමට වෙහෙසුණු ජනමාධ්‍යකරුවන් ඝාතනය කළ අය නිදැල්ලේ ය. තමන් එම ඝාතන පිළිබඳ තොරතුරු දැන සිටි බව රජයේ ඉහළ නිලධාරීහු ප්‍රසිද්ධියේ ප්‍රකාශ කරති.  ජනමාධ්‍යවේදීන් රැසක් රටින් පළා ගොසිනි. සෙසු අය ස්වයං වාරණ පනවාගෙන සිටිති. දෙමළ මාධ්‍යවේදී ජේ.එස්. තිස්සනායගම් විසි වසරකට සිර ගත කර තිබේ.  ත්‍රස්තවාදය වැළැක්වීමේ මුවාවෙන් අවනීති ස්ථාපිත කර තිබේ. යුද්ධය මුවාවෙන් හදිසි නීතිය සාමාන්‍ය නීතිය බවට පත් කර ඇත.  මෙකී කාරණා තේමා කරගෙන මානව හිමිකම් ක්‍රියාකාරිකයන්ගේ උද්ඝෝෂණයක් අද දවල් 12ට කොළඹ ලිප්ටන් වටරවුමේදී පැවැත්වේ.

(2009 ඔක්තෝබර්  06 - W3Lanka ) විසි වසරකට සිරගෙට නියම කරන ලද මාධ්‍යවේදී ජේ.එස්. තිස්සනායගම්ට දිරිමත් සහ ආචාර ධාර්මික පුවත්පත්කලාව වෙනුවෙන් වන පළමු පීටර් මැක්ලර් ජාත්‍යන්තර සම්මානය පිරිනැමීම නිමිත්තෙන් පැවැත්වෙන ප්‍රණාම උළෙල ඔක්තෝබර් 7දා පස්වරු 3ට කොළඹ විහාරමහාදේවි උද්‍යානය අසල ජේ.ආර්. ජයවර්ධන කේන්ද්‍රයේදී පැවැත්වේ.  දෙසුම් වෘත්තීය සමිති නායක බාලා තම්පෝ, නීතිඥ එස්. ජී. පුංචිහේවා, නීතිඥ කේ. ඩබ්ලිව්. ජනරංජන හා මාධ්‍යවේදී එම්. ඒ. එම්. නිලාම් විසිනි.  ත්‍රස්ත විරෝධී නීතියක් යටතේ දඬුවම් ලද ප්‍රජාතන්ත්‍රවාදී ලෝකයේ පළමු මාධ්‍යවේදියා වන ජේ. එස්. තිස්සනායගම්ට දිරිමත් සහ ආචාර ධාර්මික පුවත්පත්කලාව වෙනුවෙන් වන පළමු පීටර් මැක්ලර් සම්මානය පිරිනැමීම ගෝලීය මාධ්‍ය සංසදය සහ දේශසීමා නැති මාධ්‍යවේදියෝ සංවිධානයේ එක්සත් ජනපද ශාඛාව විසින් ඔක්තෝබර් 02දා වොෂිංටන්හි ජාතික මාධ්‍ය සමාජයේදී සිදු කරන ලදී. ඔහු වෙනුවෙන් ඔහුගේ බිරිඳ එම සම්මානය භාර ගත්තාය. මෙම සම්මානය පිරිනැමීමේ නිල උත්සවයේ ප්‍රධාන දේශනය පවත්වනු ලැබුවේ වොෂිංටන් පෝස්ට් පුවත්පතේ විධායක සංස්කාරක මාකස් බ්‍රවුච්ලිය.  2009දී ආරම්භ කර...

(2009 සැප්තැම්බර් 11 - W3Lanka) විශාල වශයෙන් ඝාතන සිදු වූ 1989 වකවානුවේදී ප්‍රජාතන්ත්‍රවාදී අයිතිවාසිකම් සුරැකීමේ ව්‍යාපාරය විසින් ඝාතනයට ලක් වූවන් 200කගේ නාමලේඛනයක් සකස් කළ බව ද, එම නාම ලේඛනයට නම් බොහොමයක් ලබා දුන්නේ මහින්ද රාජපක්ෂ නම් අයෙකු බව ද, මෙකී මහින්ද රාජපක්ෂ පසුව මෙම ලේඛනය ජිනීවාහි එක්සත් ජාතීන් වෙත රැගෙන යමින් සිටියදී කටුනායකු ගුවන් තොටුපළේදී එම ලේඛන අත්අඩංගුවට ගනු ලැබුවේ ත්‍රස්තවාදය වැළැක්වීමේ පනත යටතේ බව ද ප්‍රකට මානව හිමිකම් ක්‍රියාකාරික නීතිඥ එස්.ජී. පුංචිහේවා ඊයේ (10) පැවසීය.  ඔහුවැඩිදුරටත් පැවසුවේ එදා එම ලේඛන සිංහල බසින් ඉංග්‍රීසියට පරිවර්තනය කර දුන්නේ දැන් විසි වසරක සිර දඬුවමකට ලක් වී සිටින ජේ.එන්. තිස්සනායගම් බවයි.  තිස්සනායගම් හා ත්‍රස්තවාදය වැළැක්වීමේ පනත පිළිබඳව ඊයේ මරදානේ සමාජ හා සාමයික කේන්ද්‍රෙය් පැවති සම්මන්ත්‍රණයකදී පුංචිහේවා මහතා මේ බව පෙන්වා දුන්නේය.