කියාගන්නට බැරි සිහින
අජිත් පැරකුම් ජයසිංහ
දකින සමහර
රසම රසබර
සිහින සිත් තුළ රැව්නැගේ
ගීතයක් සේ
මීවිතක් සේ
සිහිනයෙන් සුවඳක් දැනේ
ඇසේ පතුලේ
ගැඹුරු අඳුරක
ඒ සිහින තැවරී තිබේ
සුළඟකින් කම්පිත තතක් සේ
සිහින රහසින්
හද ගැසේ
මිහිරකුත් අහිමි වූ දුකකුත්
සිහින සිතුවිලි
මත රැඳේ
රසම රස
සමහර සිහින ගැන
ගොලුව හදවත ඉකිගැසේ
සිහිනයට පමණයි සිහින හිමි
යථාවට
ඇහැරෙමු ප්‍රියේ
Comments
Post a Comment
මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.