W3Lanka: Praja.lk Backup

කාලයක් මං සතිපතා පත්තරේක කර්තෘකමක් කළා. ඒ පත්තරේ කරපු කණ්ඩායම ඔවුන්ගේ ඉතිහාසයෙන් මා ඉරේස් කර දමන්නට කැමති ගතානුගතික වාමාංශිකයන් පිරිසක් නිසා මං පත්තරේ නම කියන්නෙ නැහැ.  මේ ළඟදි මට ඒ කණ්ඩායමේ සීලිං අංශය භාරව හිටපු නායකයා හමු වුණා. මෙහෙම කිව්වාම ඔබ අහයි එහෙම අංශයකුත් තිබුණ ද කියලා. කොහොම වුණත් ඒ සහෝදරයා කළේ නම් ඒ අංශෙ වැඩ විතරයි. මං හිතන්නෙ දැන් එයා ඒ කණ්ඩායමේ ලොක්කෙක්. සීලිං අංශෙන් දේශපාලන මණ්ඩලේට ඇවිත් වෙන්න ඇති. මට කිව්වා මං ‘පොඩි පොඩි කෑලි' පත්තරවලට එහෙම ලියනවා දැකල තියෙනවා කියලා. මට ඉතින් සුවල්ප ආඩම්බරයක්යැ.  මේ පත්තරේ කරන කාලෙ එතන එක් ගෑල්ලමෙක් වැඩ කළා. එයා කළේ ටයිප්සෙටිං. ඒ වැඩේ කරන කෙනා පත්තරේ සතියක ම ලිපි කියවනවානේ. සාමාන්‍යයෙන් පත්තර කර්තෘවරු බොහොම දෙනෙක් තමන්ගෙ පත්තරේ කියවන්නෙ නැහැ. එක වතාවක් මට තර්ජනයක් ආවාම ඒ කාලෙ මං නිදහස් ලේඛකයෙකු ලෙස සතිපතා කොලමක් ලියපු පත්තරේ කර්තෘ අහලා තිබුණා ඒ කවුරුද කියලා.  මං කියන මේ පත්තරේ ටයිප්සෙටිං කළේ මේ ගෑල්ලමයා විතරක් නිසා එයා මුළු පත්තරේ ම ලිපි ටයිප් කරනවා. ඒ කාලෙ ජ්‍යේෂ්ඨ මාධ්‍යවේදී අජිත් සමරනායකත් මේ පත්තරේට සතිපතා කොල...

ඝාතනය වූ තරුණිය මීගමු රෝහලේදී 22 හැවිරිදි ඇඟලුම් සේවිකාවක් දූෂණය කර හයවන මහලෙන් බිමට තල්ලු කර මරා දැමූ බවට චෝදනා ලද සුදර්ශන බාලගේ නම් වෛද්‍යවරයාට මීගමුව මහාධිකරණය විසින් මරණීය දණ්ඩනය නියම කරන ලදී. නඩුවේ ප්‍රධාන සාක්කි වුණේ විද්‍යාත්මක සාක්කි හා සුළු සේවිකාවක විසින් දෙන ලද සාක්කියයි. වෛද්‍යවරයා කිසිවකු හාඩ්බෝඩ් එකක් මත තබා ඇදගෙන යනු දුටු බවට එම සේවිකාව සාක්කි දුන්නා ය. විත්තිකරු නඩුව අවසානයේදී තීන්දුව ප්‍රකාශ කිරීමට පෙර කළ ප්‍රකාශයේ කොටසක් මෙසේ ය: මට විරද්ධව පොලිසිය බොරු සාක්‍ෂි ගෙතුවා. වසර 7 ක්‌ මම දුක්‌ වින්දා. මෙම සිද්ධියට අදාළ ඝාතකයන් දැනටමත් මීගමුව රෝහල තුළ සිටිනවා . විත්තිය වෙනුවෙන් පෙනී සිටි ජ්‍යෙෂ්ඨ නීතිඥ ශ්‍රී ලාල් ප්‍රනාන්දු නඩුව අවසානයේදී මෙසේ ඉල්ලා සිටියේ ය: විත්තිකරු මරදන්කඩවල වැනි ග්‍රාමීය පරිසරයක උපත ලබා නිදහස්‌ අධ්‍යාපනයේ පිහිටෙන් වෛද්‍ය උපාධිය ලබා වෛද්‍යවරයකු වුණා. විත්තිකරු හැමදාම පෙනී සිටියේ මිනිස්‌ ජීවිත බේරන්න මිස මිනිස්‌ ජීවිත නැති කරන්න නොවෙයි. මොහු කුඩා දැරියකගේ පියෙක්‌. මව විශ්‍රාමික ගුරුවරියක්‌. එහෙත් කුරිරු ඉරණම විසින් විත්තිකරු මෙවැනි අවාසනාවන්ත ඉ...

අවිහිංසාවාදී බුදු හිමියන් දෙසූ දහමක් අදහන බව කියන බහුතරයකින් සමන්විත ලංකාවේ ජනතාව එල්ලුම් ගස ගැන මාර ඇල්මක් දක්වති. රටේ ලොකු අපරාධයක් (මහජන මුදල් මංකොල්ලකෑම හැර) සිදු වූ ගමන් රජයේ මාධ්‍ය එල්ලුම් ගහ ගැන ලියා ජනතාවට ටොපියක් දෙයි. ජනතාව මාර ආසාවෙන් ඒ ටොපිය තලු මරයි.  පාසල්වල පැවැත්වෙන අධ්‍යාපනික ප්‍රදර්ශනවල පවා දැන් එල්ලුම් ගසේ ආකෘති ප්‍රදර්ශනය කෙරේ. එම ස්ථාන ප්‍රදර්ශනවලදී වැඩියෙන් ම නරඹන තැන් ය. එල්ලුම් ගස ගැන මේ උනන්දුව පසුපස ජාතිවාදීන් විසින් උත්කර්ෂයට නංවන ලද අදහස්වලින් උත්තේජනය ලද ම්ලේච්ඡත්වය, වනචාරිත්වය හා පර පීඩා කාමුකත්වය ඇති බව අපේ අදහසයි.  ලංකාවේ රාජ්‍ය නිලධාරීහු ද දේශපාලකයන් තරමට ම මාධ්‍යවලට පෙරේත ය. ඒ නිසා ඇතැම්හු එල්ලුම් ගස ද කොටස් වශයෙන් මාධ්‍යවලට විකුණා තමන්ගේ නම් ප්‍රසිද්ධ කර ගැනීමට මාන බලති.  කෙසේ වුවත්, එල්ලුම් ගසට ලොල් ලංකාවේ අළුගෝසුවන්ට දිනමිණේ පළ වූ පුවත බලාපොරොත්තු සහගත වනු ඇත.  අළුගෝසුවනි, සහතික සූදානම් කර ගන්න.  අලුගෝසු තනතුරට අයදුම්පත් ලබන සතියේ බුද්ධිකා ඉඹුලාන පුරප්පාඩු වී ඇති ‘අලුගෝසු’ තනතුරට අයදුම්පත් කැඳවීම ලබන සතියේදී සිදු කිරී...

මරණ දඬුවමට ලොල් ලංකාවේ ජනතාව ඉතා ප්‍රිය කරන රැකියාවක් බව මාධ්‍ය වාර්තා අනුව පෙනෙන‘අලුගෝසු’ යන රැකියාවේ නම වෙනුවට සුදුසු නමක් මහජනතාව වෙතින් විමසීමට බන්ධනාගාර දෙපාර්තමේන්තුව තීරණය කර තිබේ. ඒ අනුව, අපි ද මේ සඳහා සුදුසු නම් කීපයක් මෙසේ ප්‍රසිද්ධියේ ම‍ යෝජනා කරන්නෙමු. මරණ දඬුවමට පක්ෂ බොහෝ දෙනා සිතන්නේ එයින් රටේ නීතිය හා සාමය ආරක්ෂා වනු ඇතැයි කියා ය. ඒ නිසා අළුගෝසුවාට 'නීති ආරක්ෂක' හෝ 'සාමාරක්ෂක' කියා නමක් දාන්නට පුළුවන. ලංකාවේ මරණ දඬුවමට පක්ෂ බොහෝ දෙනා අවිහිංසාවාදීන් වන බැවින් අළුගෝසුවාට 'අහිංසක' කියා නමක් දමන්නට ද පුළුවන. එහෙත්, අපට අහිංසක පෙරේරා කියා වාමාංශික මිත්‍රයෙක් සිටියි. ඔහු මෙයට විරුද්ධ වන්නට පුළුවන. බෞද්ධ සාහිත්‍යයේ අහිංසක අංගුලිමාල වී තිබෙන නිසා එහෙනම් අංගුලිමාල කියා කියන්නට පුළුවන. ලංකාවේ මිනිසුන් හමුවේ වැඩියෙන්ම යක්ෂාරෝපණය වූ දේශපාලන ප්‍රතිරූපය ප්‍රභාකරන් බැවින් හා ඔහු ද එකී යක්ෂාරෝපණයට කැමැත්තක් දැක්වූ බැවින් ඒ නම දමන්නට ද පුළුවන. එහෙත්, එයින් ලංකාවේ ජාතික ප්‍රශ්නය තවත් අවුල් විය හැකි ය. එසේ නම්, කොහොම හරි ඒ නම ම දමමු යයි ජාතික හෙළ උරුමය උ...

බෝගම්බර සහ වැලිකඩ බන්ධනාගාරවල අළුගෝසු පුරප්පාඩු දෙකක්‌ පවතින බව බන්ධනාගාර කොමසාරිස් පවසයි. සම්ප්‍රදායිකව අළුගෝසුකම කළ පවුල්වල කිසිවකු මෙම තනතුරු සඳහා අයදුම් කර නැති බව ද වාර්තා වේ. ලංකාවේ මරණ දඬුවම නිල වශයෙන් ද ක්‍රියාත්මක කළ යුතු යයි උද්ඝෝෂණය කරන අයට දැන් මේ සඳහා අයදුම් කළ හැකි ය. මරණ දඬුවමට පක්ෂ විශාල පිරිසක් සිටින නිසා සමහර විට තරග විභාගයක් පවා පවත්වන්නට සිදු වනවා ඇත. මරණ දඬුවම නියමව සිටින කාන්තාවන් 4 ක්‌ ඇතුළු 357ක් එල්ලා මැරීමේ වාසනාව ඔබට ද හිමි වන්නට පුළුවන. වහා අයදුම් කරන්න. මේ ලිපියට ඔබ කැමති නම් වෙන අයත් එක්කත් බෙදා ගන්න

(2011 පෙබරවාරි 24,  W3Lanka )  පාලකයන්ට දැන් එල්ලුම් ගහකුත් වවා ගන්නට ඕනෑ වෙලා ය. ලංකාවට  අඩුව ඇත්තේ එපමණක් වගේ ය. ඒ අනුව, බන්ධනාගාර අමාක්‍යංශය විසින් පවත්වන ලද සමීක්ෂණයක ප්‍රතිඵල අමාත්‍යංශයේ ලේකම් විසින් ජනාධිපතිට දැනුම් දෙනු ලැබ අද දිනමිණේ ද මහ ඉහළින් පළ කර තිබේ. ඒ අනුව,.රටේ පවතින අපරාධරැල්ල මැඩ පැවැත්වීමට එල්ලුම් ගහ නැවත ක්‍රියාත්මක කිරීමට ශ්‍රී ලංකාවේ ජනතාවගෙන් සියයට අසූ අටක් කැමැත්ත ප්‍රකාශ කර ඇතැයි පුනරුත්ථාපන හා බන්ධනාගාර ප්‍රතිසංස්කරණ අමාත්‍යාංශය සඳහන් කරයි. රටේ පවතින අපරාධරැල්ල මැඩ පැවැත්වීමට එල්ලුම්ගහ නැවත ක්‍රියාත්මක කළ යුතු බව පුනරුත්ථාපන හා බන්ධනාගාර අමාත්‍යාංශය විසින් සිදු කළ සමීක්ෂණයකදී ජනතාවගෙන් වැඩි පිරිසක් මෙසේ අදහස් දක්වා තිබේ. මරණ දඬුවමට ලක් කරන ලද 334 දෙනෙක් මේ වන විට බන්ධනාගාරවල සිටිති. පසුගිය දිනවල  ලංකාවේ නඩු විභාගවලින් තොර මරණීය දණ්ඩනයක් ක්‍රියාත්මක විය. ඒ අනුව, තෝරා ගත් අපරාධකරුවන් පිරිසක් එක දිගට ම අත්අඩංගුවට ගෙන ඝාතනය කරන ලදී. ඒ ඔවුන් අත්අඩංගුවෙන් පැන යන්නට තැත් කළ බව කියමිනි. ඒ ඝාතන මාලාවෙන් පසුවත් රටේ අපරාධ රැල්ල අඩු ...

(2009 නොවැම්බර් 05 - W3Lanka ) සවුදි අරාබියේ ජෙඩා නගරයේදී ශ්‍රී ලාංකික ගෘහ සේවිකාවක සහ තවත් පිරිමියෙකු ඊයේ හිස ගසා දමා මරණයට පත් කළ බව එරට අභ්‍යන්තර කටයුතු අමාත්‍යංශය නිවේදනය කළේය.  මෙම කාන්තාව හලීමා අබ්දෙල්කාදර් ලෙස පිරිමියා 'බංඩාර් නිකර්' වැනි නමකින් ද හඳුන්වා තිබේ. මෙ ලාංකික පිරිමියා තවත් ඉන්දියානුවකු සමග සවුදි කාන්තාවකගේ නිවසට හොරෙන් ඇතුළු වී එම කාන්තාවගේ හුස්ම හිර කර මරා දමා මුදල් හා රන් ආභරණ කොල්ල කා ඇති බව වාර්තා පවසයි. එම නිවසේ සේවය කළ ශ්‍රී ලාංකික ගෘහ සේවිකාව ඔවුනට උපකාර කර ඇති බව කියැවේ. මෙම පුද්ගලයන්ට සාධාරණ නඩු විභාගයක් ලබා ගැනීමට හෝ ඔවුන් ලංකාවේදී දණ්ඩනයට ලක් කිරීම සඳහා මෙරටට ලබා ගන්නට මෙවැනි දුප්පත් සංක්‍රමණික ශ්‍රමිකයන්ගෙන් රටේ දෙවන ප්‍රධාන විදේශ විනිමය උත්පාදන මාර්ගය සලසා ගන්නා ලංකාව කිසිදු පියවරක් ගත්තේදැයි දැනගන්නට නැත. ලංකාවට විදේශ විනිමය උපයා දෙන සංක්‍රමණික කම්කරුවන්ගෙන් අඩකට වඩා ස්ත්‍රීහු වෙති. ඔවුන් සේවා ස්ථානවලදී හිංසනයට ලක් වූ අවස්ථා රැසක් වාර්තා වී තිබේ. එහෙත් එම ක්‍රියා සිදු කළවුන්ට එරෙහිව නීතිය ක්‍රියාත්මක වූයේ නැති තරම් ය. සවුදි ආරබිය මේ වසරේ...

(2009 ජුලි 16) අධිකරණ ඇමති මිලින්ද මොරගොඩ මරණ දඬුවම ක්‍රියාත්මක කිරීමෙහි ලා උනන්දුවකින් කටයුතු කරන බව වාර්තා‍ වේ.  මරණ දඬුවම ක්‍රියාත්මක කිරීම කෙසේ වෙතත්, ඒ පිළිබඳ ප්‍රවෘත්තියක් මතු කර ගැනීම ප්‍රවෘත්ති හිඟ මෙම අවධියේදී ඇමතිවරයාට ජනමාධ්‍යවල වැජඹීමට අවස්ථාවක් ලබා දෙයි. මේ වන විට මරණ දඬුවම නියම වූ පුද්ගලයන් 200ක් පමණ බන්ධනාගාරවල සිටිති.  ලංකාවේ සිදු වන අපරාධ සම්බන්ධයෙන් සැක පිට අත්අඩංගුවට ගනු ලබන පුද්ගලයන්ගෙන් දඬුවම් ලබන්නේ සියයට හතරක් පමණ සුළු පිරිසකි.  පසුගිය කාලයේ සිදු වූ දේශපාලන පසුබිමක් සහිත ඝාතන, පැහැරගෙන යාම්, හිංසන සහ කප්පම් ගැනීම් ආදිය සම්බන්ධයෙන් සැකකරුවන් අත්අඩංගුවට ගෙන ඇත්තේ සහ නඩු පවරා ඇත්තේ ඉතාම කලාතුරකිනි. මෙම අපරාධවලට සම්බන්ධ පුද්ගලයෝ නීතියෙන් බේරී නිදහස භුක්ති විඳිති.  ඇතැම් දරුණු අපරාධ සම්බන්ධයෙන් අත්අඩංගුවට ගත් පුද්ගලයන් අධිකරණයට ඉදිරිපත් කිරීමට පෙර විවිධ ආකාරයෙන් මරණයට පත් වීමද මේ වන විට සුලබ සිද්ධියකි. ජනාධිපති මහින්ද රාජපක්ෂ සිටින්නේ අධිකරණ ඇමති මිලින්ද මොරගොඩගේ ස්ථාවරයට සපුරා වෙනස් ස්ථාවරයක බව පෙනේ. සිය සැමියාගේ අනියම් භාර්යාව හා ඇගේ...