W3Lanka: Praja.lk Backup

අධිවේගී මාර්ගයෙහි ගමන් කරමින් තිබූ මෝටර් රථයෙන් බැස අවට සිරි නරඹමින් සිටි සහකාර කථිකාචාර්යවරයෙකු කිලෝ මීටර් අසූව කණුව අසලදී පෙරේදා (15) සවස අත්අඩංගුවට ගත් බව දක්‌ෂිණ අධිවේගී මාර්ග කොට්‌ඨාසය කියයි. බද්දේගම පිවිසුම් පොලිස්‌ මුරපළේ නිලධාරීන් විසින් සැකකාර පුද්ගලයා අධිවේගී මාර්ගයෙහි පයින් ගමන් කරද්දී අත්අඩංගුවට ගෙන ප්‍රශ්න කිරීමේදී කොළඹ සිට මෝටර් රථයෙන් පැමිණෙන අතර බද්දේගම පිවිසුම් මාර්ගය නොපෙණුනු සෙයින් මෝටර් රථය ගාල්ල දෙසට යවා පිටවීම සඳහා පා ගමනින් පැමිණි බව ඔහු ප්‍රකාශ කර ඇත. දිවයින පුවත්පතින් උපුටා ගත් මෙම ප්‍රවෘත්ති ඛන්ඩයේ වරදතරු විශ්ව විද්‍යාල ආචාර්යවරයතු බව හුවා දැක්වීම විශ්ව විද්‍යාල ගුරුවරුන්ට අපහාස කිරීමේ චේතනාවෙන් කරන ලද්දකැයි කෙනෙකුට තර්ක කළ හැකි ය. ඒ වුණාට මෙහෙම එකකුත් ඇත. මෙම සිද්ධියෙන් විශ්ව විද්‍යාල ආචාර්යවරුන් පිළිබඳ යම් කිසි කරුණක් සංකේතාත්මකව පැවසේ. අධිවේගී මාර්ගයේ පිටවීම් ස්ථාන පිළිබඳව දැනුවත් කිරීමේ පුවරු අදාළ පිටවීම් ස්ථානයට කිලෝමීටර ගණනාවකට පෙර සවි කර තිබේ. විශ්ව විද්‍යාල ආචාර්යවරුන්ගේ කියවීමේ කුසලතා දුර්වල මට්ටමක ඇත. ඔවුන් දක්ෂ සටහන් කට පාඩම් කිරීමට හා තවත් අ...

අධිවේගී මාර්ගයේ දොඩන්ගොඩ සිට කොට්ටා‍වට ගියෙමි.  පාර පුරා බලු කුණු ය. මෙතෙක් කරදරයක් නැතිව ජීවත් වූ පාරට මේ මොනවා වී ඇද්දැයි බල්ලෝ කල්පනා කරනවා ඇත.  ලේඛකයා සිය කුඩා කාරය අධිවේගී මාර්ගයේ යා හැකි උපරිම වේග සීමාව වන පැයට කිලෝ මීටර 100ට ආසන්නයෙන් පැදෙව්වේ ය. බොහෝ වාහන ඔහු ඉස්සර කර ගියේ ය.  එක් කාරයක් ගිය වේගය අඩු තරමේ පැයට කිලේ මීටර 180ක්වත් විය හැකි ය.  අධිවේගී මාර්ගයට ඇතුළු වන හා පිට වන වේලාවන් ප්‍රවේශ පත්‍රයේ සටහන් වන නිසා අධිවේගයෙන් රිය පැදවූවන් පහසුවෙන් අල්ලා ගත හැකි ය.  කොහොම ගියත්, මාකුඹුරෙන් හයිලෙවල් පාරට වැටුණු පසු යා යුත්තේ ඉබි ගමනෙනි.  පාරේ එන අතර මග කුඩු වී ගිය ඉබි සිරුරක් දුටුවෙමි. ඉබ්බන්ට ඉතින් නම් කිසි දාක පාරෙන් එහා පැත්තේ වලේ සිටින ඉබ්බියන් සොයා යන්නට ලැබෙන්නේ නැත.  මේ ලිපියට ඔබ කැමති නම් වෙන අයත් එක්කත් බෙදා ගන්න

දක්ෂිණ අධිවේගී මාර්ගය අද විවෘත වේ. එක්සත් ජාතික පක්ෂ ලෝක බැංකුව සමග එක්ව 'යළි පුබුදමු ශ්‍රී ලංකා' වැඩසටහන යටතේ යෝජනා කරන ලද මෙම ගාස්තු අය කරන අධිවේගී මාර්ගය සඳහා මුදල් යෙදවීම පිණිස විදේශ ආයෝජකයන් සොයා ගැනීම මුල් ඉලක්කය විය. එහෙත්, එය සාර්ථක වූයේ නැත. අධිවේගී මාර්ගය හදන්න අවසානයේදී සිදු වූයේ රජයට ම ය. මෙම දැවැන්ත  ව්‍යපෘතිය ආරම්භ කිරීමේ හා ඒ සඳහා විශාල වශයෙන් මුදල් ණයට ගනිමින් එය අවසන් කිරීමේ ධෛර්යය තිබුණේ ජනාධිපති මහින්ද රාජපක්ෂට ය. මේ පාර හැදීම තුළ දැවැන්ත වංචා රැසක් සිදු වූ බව පාර ආසන්නයේ ජීවත් වන බල්ලෝ පවා දනිති. ඔප්පු වී නැත. ඔප්පු වන්නට පරීක්ෂණ පැවැත්විය යුතු ය. පරීක්ෂණ පැවැත්විය යුත්තේ මහජනයා නොව ඒ සඳහා මහජන මුදලින් පවත්වාගෙන යනු ලබන ආයතන විසිනි. කොට්ටාව මාකුඹුරේ සිට ගාල්ල පින්නදූව දක්වා දක්ෂිණ ලංකා අධිවේගී මාර්ගය ඉදිකිරීමට රජය වැය කර ඇති මුදල රුපියල් බිලියන 77කි. ඉඩම් අත්පත් කර ගැනීම සඳහා වැය කළ මුදල වන රුපියල් බිලියන 4.7 ක් ක් ද මෙයට ඇතුළත් ය. මෙම මාර්ගය නිසා ඉවත් කරන ලද මිනිසුන් සිය ජීවිත නැවත ගොඩනඟා ගැනීම සඳහා වැය කළ මුදල පිළිබඳ තක්සේරුවක් මෙයට ඇතුළත් වන්න...

චීනය ලංකාවට මාර හිතවත් රටකැයි ලංකාවේ සමහරු සිතති.  චීනය සමාජවාදී රටකැයි ද තවත් සමහරු සිතති. චීනය මේ එකක්වත් නො ව මොන පාදඩයා සමග හෝ බිස්නස් කර ලාභ ගන්නට උත්සාහ කරන තවත් එක් පාදඩ ජාවාරම්කාර රාජ්‍යයකි.  චීනය ලංකාවට සෙට් වන්නේ කුණට කුණ සෙට් වන ඕනැම කුණු ගොඩක් බේරුවල් බොක්කට යයි කියන න්‍යාය අනුව ය.  චීනය ලංකාවේ සංවර්ධනයට ආධාර කරන බව කියනු ලැබේ. එහෙත් සිදු වන්නේ චීනය සිය අතිරික්ත ප්‍රාග්ධනයෙන් ලංකාවට පොලියට ණය දී ලාභ ලැබීමයි.  ණය දීමේදී පණවන කොන්දේසි අනුව, ඉදිකිරීම් ව්‍යාපෘතිවල කොන්ත්‍රාත්තුව ද චීනයට ම දිය යුතු ය. එයින් චීනයේ සමගම්වලට ව්‍යාපාර අවස්ථා ද එරට ශ්‍රමිකයන් කොටසකට රැකියා ද ලැබේ.  චීනය පමණක් නොව, ඉන්දියාව ද වෙනත් රටවල් ද කරන්නේ එයයි.  දැන් ලංකාව ද මාලදිවයින මේ අන්දමින් සූරා කන්නට උත්සාහ කරයි. ඒ සාක් සමුළුව වෙනුවෙන් මාලදිවයිනේ පාරක් හැදීමෙනි. මාලදිවයිනේ මිනිස්සු වැඩියෙන් ගමන් බිමන් යන්නේ බෝට්ටුවලින් නිසා කමක් නැත. පහත පළ වන්නේ අද දිවයින පුවත්පතෙන් උපුටා ගත් චීන වික්‍රමයකි.   රුපියල් බිලියන අනූවක්‌ පමණ වැය කරමින් ඉදි කෙර...

(2010 ජුලි 14,  W3Lanka )  ඉදි වෙමින් තිබෙන කොට්ටාව - ගොඩගම හෙවත් කොළඹ - මාතර අධිවේගී මාර්ගයේ දුර කිලෝ මීටර 120කි. 2011 අගදි ඉදි කර අවසන් වන බව කියන මෙම අධිවේගී මාර්ගයේ, එයට යට වූ ඉඩ කඩම්, දේපල හා ව්‍යාපාරවල වටිනාකම ද සමග ම සමස්ත වියදම රු. බිලියන 85ක් හෙවත් කෝටි 8500කි. ඒ අනුව එක් කිලෝ මීටරයක් ඉදි කරන්නට යන වියදම රු. කෝටි 71කි. එනම් එක් මීටරයක් හැදීමට යන වියදම රු. 710,000කි. මේ පාර ඉදි කර තිබෙන්නේ ලංකාවේ පරම්පරා ගණනාවක් උගසට තබා ණය ගැනීමෙනි. එසේ ගන්නා ලද විදේශ ණයෙන් වැඩි කොටසක් මාර්ගය ඉදි කළ චීන සමාගම ලාභය ලෙස සිය රට ගෙන යන ලදී. තව විශාල පංගුවක් දේශීය දූෂකයන්ගේ මඩියට ගියේ ය. කලුතර දිස්ත්‍රික්කයේ එක් ඇමතිවරයෙක් සිය ඡන්ද දායකයන් මෙම කොන්ත්‍රාත්කරු ළඟ සේවයට යොදවන්නේ එකී ශ්‍රමිකයාට ගෙවිය යුතු වැටුපෙන් කොටසක් තමන් වෙත ලැබෙන අන්දමින් බව මෙම දේශපාලකයාට ඡන්දය දෙන ඡන්දදායකයෝ හොඳින් දනිති. මෙම මාර්ගයේ වාහන දුවන්නට පටන් ගන්නත් පෙර පාලමක් හිස මතට කඩා වැටී තරුණයකු මිය යාමෙන් පසු දක්‌ෂිණ ලංකා අධිවේගී මාර්ගයේ මාතර ගොඩගම සිට ඇල්පිටිය කුරුඳුගහ හැතැප්ම දක්‌වා ඉදිකොට ඇති ආරක්‌කු ...

(2009 ජුලි 17) දකුණු අධිවේගී මාර්ගයේ කොන්ත්‍රාත්කරුවන් පාලම් සාදා ඇත්තේ නිසි ප්‍රමිතියෙන් තොරව දුර්වල අන්දමින් බව වාර්තා වේ. ඉදි කර තිබෙන පාලම් 73කින් 40%ක් හෙවත් පාලම් 30ක් කඩා දමා නැවත සෑදීමට සිදු වන බව කියන්නේ මෙම ව්‍යාපෘතියේ ජ්‍යේෂ්ඨ කාර්ය භාර නිලධාරි එස්. මහේන්ද්‍රන් ය.  ඔහු මේ බව පැවසුවේ මෙම අපරාධයට වගකිව යුතු ඔහුත්, මහාමාර්ග ඇමති ටී.බී. ඒකනායකත්, තවත් රජයේ නිලධාරීන් රැසකුත් සහභාගි වී සිටි ප්‍රගති සමාලෝචන රැස්වීමකදීයි.  ගාල්ල දිස්ත්‍රික්කයේ පෝද්දල, නරාවල, කෙහොඹලාදෙනිය ප්‍රදේශයේදී ඉදිවෙමින් පවතින දක්ෂිණ අධිවේගී මාර්ගයේ පාලමක් හදිසියේ කඩාවැටීමෙන් පුද්ගලයකු මරුමුවට වැටීමත් සමඟ කොන්ත්‍රාත්කරුවන්ගේ ඉදිකිරීම්වල ප්‍රමිතිය පිළිබඳ බරපතල සැක සංකා මතු වී තිබේ.   මෙම ව්‍යාපෘතියේ කොන්ත්‍රාත්කරුවන් හා ඇතැම් දේශපාලකයන් අතර හරස් ගනුදෙනු සිදු වූ බවද, ගොඩනැගිලි ද්‍රව්‍ය සොරකම් කෙරුණේ කන්ටේනර් ගණනින් බව ද  ව්‍යාපෘතියේ සේවයේ නියුතු කම්කරුවෝ පවසති. මෙම මාර්ග සැලසුම හා ඉදි කිරීම් මුල සිටම අක්‍රමවත් විය. මුලදී මෙය සැලසුම් කෙරුණේ මංතීරු දෙකේ මාර්ගයක් ලෙසයි. වේගය පැයට කි...