W3Lanka: Praja.lk Backup

පහත පළ වන්නේ අග විනිසුරු ධුරය හොබවමින් සිටි මොහාන් පීරිස් ඉවත් කිරීම හා සම්බන්ධ නීතිමය පසුබිම පැහැදිලි කරමින් අගමැති රනිල් වික්‍රමසිංහ විසින් 2015 ජනවාරි 30දා පාර්ලිමේන්තුවේදී කරන ලද විශේෂ ප්‍රකාශයයි. අග විනිසුරු ඉවත් කිරීමේ ක්‍රියාවලිය වැරදි යයි තර්ක කරන අය කරුණාකර මෙහි ඇති නීතිමය කාරණා සම්බන්ධයෙන් අවධානය යොමු කරමින් අදහස් දක්වන්න. මෙම ඉවත් කිරීම දේශීය අධිකරණයකදී මෙන් ම ජාත්‍යන්තරව ද අභියෝගයට ලක් කරන්නට පුළුවන. නැතිනම් වීදියේ ප්‍රශ්න කරන්නට වුව ද පුළුවන. එවැනි ක්‍රියාමාර්ගයකට යන ලෙස අපි සංවාද ලැදි මොහාන් පීරිස් හිතවාදීන්ගෙන් ඉල්ලා සිටිමු. මොහාන් පීරිස් වෙනුවෙන් පෙනී සිටි අය අතර දක්ෂිණාංශික විමල් වීරවංශගේ සිට අති වාමාංශිකයන් දක්වා පිරිස් සිටි බැවින් ඔවුන් මේ නීති තර්කය ගැන අවධානය යොමු කරනු ඇතැයි සිතමි. අපට තේරෙන අන්දමින් නම් ශිරානි පැන්නීමේ තදියමකින් සිටි පිරිස අතින් බරපතල තාක්ෂණික දෝෂයක් සිදු වී ඇති අතර, වත්මන් ආණ්ඩුව පාවිච්චි කර තිබෙන්නේ එයයි. එය නීතියේ සිදුරකින් රිංගීමක් බව ඇත්තකි.  එය හොඳ දෙයක් නො වේ. එහෙත්, ධනේශ්වර නීතියේ ස්වභාවය එයයි. දෝෂාභියෝග ක්‍රියාවලිය ද එවැනි ම ද...

එදා අග විනිසුරු නිවස ඉදිරිපිට කිරිබත් කෑ රිලවුනි, දැන් ගූ කාපියව්! අද ලාංකීය ඉතිහාසයේ සුවිශේෂ දවසකි. නීති විරෝධී දෝෂාභියෝගයකින් හිටපු අග විනිසුරු ශිරානි බණ්ඩාරනායක බලයෙන් පහ කර ජනාධිපති මහින්ද රාජපක්ෂ විසින් එම තනතුරට පත් කරන ලද ඔහුගේ අන්තේවාසිකයකු වූ මොහාන් පීරිස් අද දින පන්නා දමන ලදී.  මේ වනාහි මහජන බලයෙන් අධිකරණයේ ස්වාධීනත්වය තහවුරු කරන ලද, ලෝක ඉතිහාසයේ සුවිශේෂ අවස්ථාවකි. එහි නීත්‍යානුකූලභාවය පිළිබඳ තර්ක තිබිය හැකි ය. නීති විරෝධී අන්දමින් පත් වූවෙක් එළවා දැමීමට අලුතෙන් නීති අවශ්‍ය නැත. මන්ද, එම පත්වීම ම නීති විරෝධී වන හෙයිනි. සමස්ත දෝෂාභියෝග ක්‍රියාවලිය ම නීති විරෝධී ය. පක්ෂග්‍රාහී ය. එමගින් සැකකරුවකුට සාධාරණ නඩු විභාගයකට මුහුණ දීමට තිබුණු මූලික මානව හිමිකම උල්ලංඝනය කරන ලදී. එය නිවැරදි කළ යුතු ය. එම ක්‍රියාවලියට අනුකූලතාව දැක්වූ වත්මන් ජනාධිපතිවරයා එය නිවැරදි කිරීමට පියවර ගැනීම සුවිශේෂ ය. හරියට අර ඔහු ග්‍රාමසේවක ලෙස ඉල්ලා අස්වීම භාර දුන් දිසාපති ඔස්ටින් ප්‍රනාන්දුව නැවත ඔහු ජනාධිපති වී ආණ්ඩුකාර පදවියකට පත් කරනවා වගේ ම ය. ශිරානි බණ්ඩාරනායක පිරිසිදු අග විනිසුරුවරියකැයි...

ජාත්‍යන්තර ප්‍රජාව හමුවේ හිටපු අග විනිසුරු ශිරාණි බණ්ඩාරනායක වරදකාරියක් කර පෙන්වීමට රජයේ උත්සාහයක් පවතින බව නීතිවේදීන්ගේ එකමුතුව කියයි. අගවිනිසුරුවරියට එරෙහි දෝෂාභියෝග ක්‍රියාදාමය සාධාරණීකරණය කිරීම එහි අරමුණ බවයි, නීතිවේදීන්ගේ එකමුතුව පවසන්නේ. මේ අනුව හිටපු අග විනිසුරු ශිරාණි බණ්ඩාරනායකට එරෙහිව අපරාධ පරීක්ෂණයක් ආරම්භ කිරීමේ උත්සාහයක් ඇතැයි නීතිවේදීහු පවසනවා. එම උත්සාහය ශ්‍රී ලංකාවේ නීතියේ ආධිපත්‍යයට කෙරෙන බලපෑම තවත් උත්සන්න කිරීමක් ලෙසින් විග්‍රහ කරන නීතිවේදීහු, එය වහාම අත්හිටුවන මෙන් ආණ්ඩුවට බල කරනවා. හිටපු අග විනිසුරු ශිරාණි බණ්ඩාරනායකට එරෙහි දෝෂාභියෝග ක්‍රියාදාමය නීති විරෝධී බව ශ්‍රේෂ්ඨාධිකරණය සහ අභියාචනාධිකරණය තීන්දු තළා. එම තීන්දුවලට එරෙහිව පෙත්සම් ඉදිරිපත් වී තිබෙනවා. මමත් හිතන්නේ දොෂාභියෝග ක්‍රියාවලිය වැරදියි. ඒත්, හිටපු අග විනිසුරුවරිය බැලූ බැල්මටම බලය අනිසි ලෙස භාවිතා කරමින් දූෂිත ගනුදෙනු කීපයක යෙදී තිබෙනවා. ඒවා පිළිබඳ අධිකරණ ක්‍රියාමාර්ග ගැනීමේ කිසිදු වරදක් මම නම් දකින්නේ නැහැ. මේ අය මේ දූෂණවල යෙදුනේ තමන් ආණ්ඩුවට කඩේ යන නිසා හා තමන්ට තිබුණු බලය නිසා තමන්ට විරුද්ධව...

අගවිනිසුරුතුමිය වැරදිකාරිය බව ඉන්ස්ටන්ට් පාර්ලිමේන්තු තේරීම් කාරක සභාව විසින් තීන්දු කර තිබේ.  එයනම් පට්ට ජෝක් නඩු විභාගයකි. ඒ වුණාට ඒ නඩුව පාර්ලිමේන්තු ස්ථාවර නියෝගවලට අනුකූලය. ඒවා ව්‍යවස්ථාවට අනුකූලය. එතකොට නියම ජෝක් එක මේ ව්‍යවස්ථාවය. ඕක ඉතින් අමුත ුවෙන් කියන්නට ඕනෑ නැත. ජනතා පරමාධිපත්‍ය ය ේ මුදුන් මල්කඩ කීවාම ඇතිය. ලංකාවේ පොඩිමිනිස්සුන්ට පටලවනු ලබන රථවාහන වැරදි, ඩෙංගු වැරදි වැනි සුළු වැරදි සම්බන්ධ නඩු අහන්නේත් ඔය විදියටම බව හා ඒවායේ පරම අරමුණ නීතිඥයන් හා ආණ්ඩුව මහජනයාගෙන් දඩමුදල් ගසාකෑම පමණක් බව අගවිනිසුරුතුමියනි ඔබ දන්නවාද?  කොහොමවුණත්, දොෂාභියෝගයට එ‍රෙහි අරගලය මහින්ද රාජපක්ෂ ආණ්ඩු වෙන් චාන්ස් නැති හා මදි අයට එජාප ආණ්ඩුවක් තල්ලුකරගැනීමටත්, ප්‍රජාතන්ත්‍රවාදය සඳහා වූ රාජ්‍ය නොවන සංවිධානවලට සල්ලි ටිකක් පොම්ප කරගැනීමටත්, මොනවා හෝ කිරීම අරමුණු කරගත් අපේ වාමාංශික සහෝදරයන්ට ටික කලක් පිකටිං, පෙළපාලිවල රස්තියාදුවෙමින් උගුර ලේ රහකරගනිමින් ස්වපීඩක ආස්වාදයක් ලබන්න ටත් අවස්ථාවක් ලබාදෙනු ඇත. ඕනෑනම්, ම ේ අලකලංචි අලුත් චින්තනයක් මුවහත් කරගන්නට හා සංවාද ප ෝෂණය කරගන්නටත් ය ොදාගන...

ඔබ මේ ඒ කාධිපති පවුල් පාලනයට කැමති නැත. එහෙත්, මේ පාලනය පෙරළා දැමීම සඳහා ජනතාව සමග බලමුළුගැන්වෙන්න සුදුසු සංකේතීය නායකත්වයක් දැ නට සිටින විපක්ෂ ද ේශපාල කයන් අතර ඔබට පෙනෙන්න නැද්ද?  ඔබ සොයමින් සිටි‍න්නේ පවත්නා දූෂිත ක්‍රමය වෙනස් කිරීම සඳහා කටයුතු කරනු ඇතැයි විශ්වාසය තැබිය හැකි, සාපේක්ෂව නිර්මල චරිතයක්ද?  ඔන්න රාජපක්ෂ පවුලම එවැනි නමක් යෝජනා කර තිබේ.  ශිරානි බංඩාරනායක.  නායකත්ව ප්‍රතිරූපය ගොඩනැඟීම හා වැඩපිළි වෙල සැකසීම පොදු විපක්ෂ නායකත්වය සතුය. මේ ලිපියට ඔබ කැමති වුණත්, අකැමැති වුණත් වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න -->

(2009 ජුලි 10) හිටපු අග විනිසුරු සරත් එන්. සිල්වා විශ්‍රාම ගොස් මසක් ගත වනවාත් සමගම බොහෝ පුද්ගලයෝ ඔහු විසින් දෙන ලද නඩු තීන්දු සංශෝධනය කරගැනීම සඳහා ක්‍රියාමාර්ගවලට එළඹෙමින් සිටිති.  අලුත්ම සිද්ධියේදී රජයේ කිසිදු තනතුරක් භාර නොගන්නා බවට පොරොන්දු වෙමින් තමන් ඉදිරිපත් කළ දිවුරුම් ප‍්‍රකාශය බලරහිත කරන ලෙස ඉල්ලා මුදල් අමාත්‍යංශයේ හිටපු ලේකම් ආචාර්ය පී. බී. ජයසුන්දර ඉදිරිපත් කළ මෝසම ජූලි මස 14 වැනි අඟහරුවාදා අගවිනිසුරු අශෝක ද සිල්වා ප‍්‍රමුඛ ති‍්‍රපුද්ගල විනිසුරු මඬුල්ලක් ඉදිරියේ සලකා බැලීමට ශ්‍රේෂ්ඨාධිකරණය තීරණය කැර ඇත.  මැරයින් සර්විසස් නඩු තීන්දුවෙන් අනතුරුව දුන් අධිකරණ නියෝගයක් මත රජයේ තනතුරු භාරනොගන්නා බවට පී. බී. ජයසුන්දර ශ්‍රේෂ්ඨාධිකරණයට පොරොන්දු වෙමින් දිවුරුම් ප‍්‍රකාශයක් ඉදිරිපත් කළේය.  මුදල් අමාත්‍යංශයේ සහ භාණ්ඩාගාරයේ ලේකම් ධූර භාරගන්නා ලෙස ජනාධිපතිවරයා කළ ඉල්ලීම පිළිගැනීමට බාධාවක් වන බැවින් එම දිවුරුම් ප‍්‍රකාශය ඉවත් කරන ලෙස ඉල්ලා ජයසුන්දර ශ්‍රේෂ්ඨාධිකරණයට මෙම මෝසම ඉදිරිපත් කර ඇත. ශ්‍රේෂ්ඨාධිකරණය 2008 ජුලි 21දා තීන්දු කළේ ලංකා මැරයින් සර්විසස් සමාගම...

(2009 ජුලි 02) දෙමළ ඊලාම් විමුක්ති කොටි සංවිධානය පරදවා ලබා ගත් ජයග්‍රහණය තිරසාර සාමයක් බව‍ට පත් කර ගැනීමට නම් ලංකාවේ රජය වහා අධිකරණය ප්‍රතිසංස්කරණය කළ යුතු බව ජාත්‍යන්තර අර්බුද කණ්ඩායම (International Crisis Group) නම් ලොව පිළිගත් බුද්ධිමය සංවිධානය පවසයි. ජනවාර්ගිකත්වය නොසලකා සියලු දෙනාට සාධාරණත්වය ලබා දීමෙහි ලා ලංකාවේ අධිකරණය අසමත් බව එම සංවිධානයේ නවතම ප්‍රතිපත්ති වාර්තාවක් පෙන්වා දෙයි. කල් පවත්නා ජාතික සංහිඳියාවක් ඇති කර ගත හැක්කේ මානව හා ව්‍යවස්ථාමය හිමිකම් පූර්ණව ප්‍රතිෂ්ඨාපනය කළහොත් පමණක් බව එම වාර්තාව කියයි. අධිකරණය ජනාධිපති හා ව්‍යවස්ථාදායකයේ බලතල පරීක්ෂාවට ලක් කරන ව්‍යූහයක් ලෙස කටයුතු කරනවා වෙනුවට දෙමළ ජනයා දේශපාලනිකව දුරස්ථ කිරීමට කටයුතු කර ඇති බව කණ්ඩායමේ ආසියානු වැඩසටහන් අධ්‍යක්ෂ රොබට් ටෙම්ප්ලර් පවසයි. හිටපු අග්‍ර විනිශ්චයකාරවරයා යටතේ ශ්‍රේෂ්ඨාධිකරණ තීන්දු මගින් සිංහල ජාතිකවාදී බලවේග අතර අන්තවාදීන් ශක්තිමත් වූ බව හේ පවසයි. අර්බුද සමනය කරනවා වෙනුවට අධිකරණය නීතියේ පාලනය බිඳ දමා වාර්ගික ආතති උත්සන්න කළ බවද, සමාජය මිලිටරීකරණය වීම වැළැක්වීමට හෝ සුළුතර ප්‍රජාවන්ගේ අයිතිවා...