ගබ්සාව නීත්‍යානුකූල කළ යුතුයි – ජවිපෙ මන්ත්‍රී විජිත හේරත්

ගබ්සාව නීත්‍යානුකූල කළ යුතු බව ජනතා විමුක්ති පෙරමුණේ දේශපාලන මණ්ඩල සභික සහ පාර්ලිමේන්තු මන්ත්‍රී විජිත හේරත් පසුගිය 27දා කොළඹ ගලදාරි හෝටලයේදී ශ්‍රී ලංකා වෛද්‍ය සංගමය සහ එක්සත් ජාතීන්ගේ ජනගහන අරමුදල විසින් සංවිධානය කරන ලද ‘සැලසුම් නොකළ ගැබ්ගැනීම්’ පිළිබඳ සම්මන්ත්‍රණයකදී පැවසුවේ ය.
(ලිපිය දැන්වීමෙන් පසු නැවතත්)
Sinhala Tamil English Translations and Content Writing
මෙය ජනතා විමුක්ති පෙරමුණ විසින් මෑත වකවානුවේදී ප්‍රකාශ කරමින් සිටින රැඩිකල් ප්‍රතිපත්තිමය ස්ථාවර අතර කැපී පෙනෙන පියවරකි. මෙම සම්මන්ත්‍රණය අමතමින් විජිත හේරත් විසින් කරන ලද කතාව පහත දැක්වේ.
“මිනිසා පාලිත සමාජයක් බිහිකරගන්නා නිසා. එහි නීති රීති, සමාජ සම්මුති, ආගමික මතවාද, සංස්කෘතික වෙනස්කම් ආදිය තිබෙනවා. පවුල නම් කුටුම්බයට කලින් ප්‍රාථමික සාමූහික සමාජය පසු වුණා. ඒ මාතෘ මූලික සමාජයේ පිරිමි හා කාන්තාවන් පොදුවේ ලිංගිකව හැසිරුණා. වර්තමාන පවුල අනිවාර්යයෙන් සැලසුම් සහගත විය යුතුයි. ආර්ථිකයට, සමාජයට වගේ ම පවුලටත් සැලසුම අත්‍යවශ්‍ය දෙයක්. සැලසුම් සහගතබවක් තිබේ නම් ගබ්සාව පිළිබඳ ප්‍රශ්නය පැනනගින්නේ නැහැ. පවුල් සැලසුම ඔස්සේ අපට ගබ්සාව නම් ප්‍රශ්නය විසඳාගන්නට පුළුවන්. අපේ රට වැනි දුප්පත්කම, සංස්කෘතික දුප්පත්කම, නූගත්කම, ආගමික බලපෑම, ලිංගික අධ්‍යාපනයේ ගැටලු ආදිය ඇති පසුගාමී සමාජයකදී මේ සමාජ ගැටලුවලට පිළිතුරු සපයන්නට ඉහත සියලු ක්ෂේත්‍රවල දුප්පත්කම නැති කළ යුතුයි. සංවර්ධනය කියන්නේ භෞතික සංවර්ධනය විතරක් නෙමෙයි. මානව සංවර්ධනයත් සමග සමාජය පාලිත, දියුණු සමාජයක් බවට පත් වෙනවා. එහිදී අවශ්‍ය නම්, සමාජමය හේතු නිසා සැලසුම් නොකළ පිළිසිඳගැනීම් ඇති වන අවස්ථාවලදී ගබ්සා අවශ්‍යතාව පැනනගිනවා නම් එයට නීත්‍යානුකූලව ඉඩ දිය යුතුයි. අයර්ලන්තයේ ජනමත විචාරණයක් තිබුණා, එහිදී ගබ්සාව අනුමත වුණා. එමගින් නවීන තාක්ෂණය ඔස්සේ විකෘති දරුවන් බිහිවීම වළක්වා ගන්නටත් පුළුවන්. එවැනි දරුවන් බිහිවීම සමාජයට, මව්පියන්ට බරක්. මවට වේදනාවක්. දයාවෙන් පිරුණු ඇත්ත මාතෘත්වයෙන් පිරුණු සමාජයක් බිහිකරන්නට අවශ්‍ය නම්, සැලසුම්සහගත, අවශ්‍ය නම් ගබ්සාවත් නීත්‍යානුකූල කළ තත්වයකට යා යුතු තමයි අපේ දේශපාලන දැක්ම.”

Comments

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා