Posts

Showing posts from September, 2019

රාජ්‍ය සේවයේ හා දේශපාලනයේ යථාර්ථය හෙළිකරන කෘෂිකර්ම බිල්ඩිම

Image
September 17, 2019   admin   Agriculture   Governance අජිත් පැරකුම් ජයසිංහ කෘෂිකර්ම අමාත්‍යාංශය වෙනුවෙන් ඩී.පී. ජයසිංහ ටුවර්ස් ඇන්ඩ් ට්‍රාන්ස්පෝට් සමාගමෙන් කුලියට ගොඩනැගිල්ලක් ලබාගැනීම වත්මන් රජය සමයේ විශේෂ අවධානයට ලක් වූ මහජන මුදල් නාස්තියකි. ඒ සම්බන්ධ වගකීම දේශපාලකයන් හා නිලධාරීන් එකිනෙකා අතින් අත පාස් කරමින් සිටින බව පෙනේ. එවකට කෘෂිකර්ම ඇමති දුමින්ද දිසානායක ජනාධිපති කොමිසම හමුවේ සාක්ෂි දෙමින් වගකීම අගමැති රනිල් වික්‍රමසිංහට පැවරූ අතර, අගමැතිවරයා සාක්ෂි දෙමින් එහි වගකීම කෘෂිකර්ම ඇමති හා ජනාධිපතිවරයා වෙත පවරන ලදී. සත්‍ය තත්වය වන්නේ මෙහි වගකීම කිසිදු දේශපාලකයකු හෝ රාජ්‍ය නිලධාරියකු විසින් නොගැනීමයි. සෑම අයෙකු ම පවසන්නේ ගනුදෙනුවට අදාළව තමන්ගේ වගකීම නීත්‍යානුකූලව ඉටු කර තිබෙන බවයි. මෙම විමර්ශනයෙන් පැහැදිලි වන ප්‍රධාන කාරණය වන්නේ මහජන මුදල් සම්බන්ධයෙන් මේ කිසිවකු වගවීමට සූදානම් නැති බවයි. මේ දක්වා රජය මෙම ගොඩනැගිල්ල වෙනුවෙන් රු. බිලියන 2.1ක් හෙවත් රු. කෝටි 210ක් වැය කර ඇති බව හෙළි විය. මෙම ගොඩනැගිල්ල කුලියට ගැනීමේ විචක්ෂණභාවය පිළිබඳ විගණකාධිවරයා විසින් කර තිබෙන ප්‍රශ්න කි

මෛත්‍රීපාල ජනාධිපති; සජිත් අගමැති වෙන, එජාප වනසන ගේම් පැලෑන මෙන්න

Image
September 16, 2019   admin   News   Politics ජනාධිපති මෛත්‍රීපාල සිරිසේන ජනාධිපතිවරණයට නියත වශයෙන් ම තරග කරන බව අපගේ විශ්ලේෂණය අනුව පෙනේ. ඔහු එහිදී අංශ දෙකක උපායමාර්ගයක් දියත් කරමින් සිටියි. පළමු අංශයේදී ශ්‍රී ලංකා පොදුජන පෙරමුණ සමග සාකච්ඡා කරමින් කල්මරන බව පෙනේ. එහෙත්, එහිදී ඔහුට ජනාධිපති හෝ අගමැති අපේක්ෂකත්වයන් නොලැබෙන බව නියත ය. කතානායක වැනි පදවියකින් ඔහු තෘප්තිමත් වන බවක් නොපෙනේ. මේ අතර ඔහු බැරෑරුම් ලෙස උත්සාහ කරමින් සිටිනුයේ එක්සත් ජාතික පක්ෂයේ සජිත් පාර්ශ්වය සමග සම්මුතියකට එළැඹ, සජිත්ට අගමැති ධුරය පොරොන්දු වෙමින් ජනාධිපති ලෙස තරග කිරීමටයි. ඒ වෙනුවෙන් ඔහු සජිත් අගමැති ලෙස පත් කිරීමට පවා සූදානමින් පසුවන මුත්, සජිත් පක්ෂය කඩාගෙන ගොස් අගමැති පදවිය ලබාගැනීමට කැමැත්තක් දක්වන්නේ නැත. සජිත් පාර්ශ්වය සමග එක් වී මෛත්‍රීපාල, මහරාජා සමාගමේ සහ මලික් සමරවික්‍රමගේ මුල්‍ය අනුග්‍රහයෙන් සහ මංගල සමරවීරගේ මූලෝපායික සැලසුම් අනුව යමින් එක්සත් ජාතික පක්ෂයේ බලය අල්ලාගැනීමේ සියුම් මෙහෙයුමක් මේ වන විට දියත් කර තිබේ. එය සාර්ථක වුවත්, අසාර්ථක වුවත්, එක්සත් ජාතික පක්ෂය භේදභින්න කර, දුර්වල කර,

2015ට සාපේක්ෂව රජයේ සේවක වැටුප් දෙගුණයකින් වැඩි වෙලා – විශ්වවිද්‍යාල අනධ්‍යයන සේවක වෘත්තීය සමිති කියති

Image
September 16, 2019   admin   Governance   Politics   Uncategorized මේ දිනවල විශ්වවිද්‍යාල අනධ්‍යයන සේවකයන් ද වර්ජනයේ ය. සුපුරුදු පරිදි මූලික හේතුව වැටුප් විෂමතා ය. එසේ නොමැතිව වැටුප් මඳකම නොවේ. රසවත් ම කාරණය වන්නේ 2015ට සාපේක්ෂව රජයේ සේවකයන්ගේ වැටුප් 100%කට වඩා ඉහළ ගොස් ඇති බව ද අනධ්‍යයනය වෘත්තීය සමිති විසින් පෙන්වා දීමයි. ඔවුන් කියන්නේ තමන්ගේ වැටුප වැඩි වුණේ 90%ක පමණ ප්‍රමාණයකින් නිසා තමන්ට අසාධාරණයක් සිදු වී ඇති බවයි. ඒ ගැන විශ්වවිද්‍යාල වෘත්තීය සමිති ඒකාබද්ධ කමිටුවේ සම සභාපති ධම්මික එස්. ප‍්‍රියන්ත පසුගියදා මාධ්‍යවලට මෙසේ පැවසී ය. 2015 ට සාපේක්ෂව 2020 වන විට රාජ්‍ය සේවයේ වැටුප 107.7%කින් වැඩි වෙලා. ඒ වගේම ව්‍යවස්ථාපිත මණ්ඩලවල වැටුප 2015 ට සාපේක්ෂව 2020 දී 107.7%කින් වැඩි වෙලා. නමුත් විශ්වවිද්‍යාල සේවයේ වැටුප 2015 ට සාපේක්ෂව 2020 වන විට 92%කින් පමණයි වැඩි වෙන්නේ. මේ අනුව විශ්වවිද්‍යාල සේවයේ වැටුප් කප්පාදු කිරීමට ලක්කරලා තියෙනවා. ඒ වගේම අපි මතක් කරන්න ඕනෑ, 2015 වන විට රාජ්‍ය සේවයේ වැටුපට වඩා විශ්වවිද්‍යාල සේවයේ වැටුප 20.6%කින් ඉහළින් තිබුණේ.  Adapted from praja.lk අත

ලංකාවේ ගිනස් වාර්තා රජු වූ කුමාර් ආනන්දන්

Image
September 16, 2019   admin   People   Sports අජිත් පැරකුම් ජයසිංහ කුමාර් ආනන්දන් යනු 1960, 70 දශකවලදී තරුණ හදවත් කුල්මත් කළ ශ්‍රී ලාංකික වීරයෙක්. මේ ක්‍රීඩාශීලී යෞවනයා ගිනස් වාර්තා කිහිපයක් ම තැබූවෙක්. වෛද්‍ය රුවන් එම්. ජයතුංග ඔහු පිළිබඳ මතකය ෆේස්බුක්හි අවදි කිරීමත් සමග ඔහු ගැන දන්නා බොහෝදෙනෙකු විවිධ කරුණු ගෙනහැර දක්වා තිබුණා. වසර 1962දී, වයස අවුරුදු 18දී කුමාර් ආනන්දන් පෝක් සමුද්‍ර සන්ධිය හරහා පිහිනුවා. ඔහු එය කළේ ඊට පෙර මුලින්ම එසේ පිහිනා එම වාර්තාව තැබූ ඔහුගේ මාමා වන මුරුගපිල්ලෙයි නවරත්නස්වාමිට ගෞරව පිණිසයි. 1954දී වැල්වැටිතුරෙයි සිට දකුණු ඉන්දියාවේ කැලිමියර් තුඩුවට පිහිනීමට නවරත්නස්වාමිට පැය 28ක් ගතවුණා. ඔහුගේ මෙම වීර ක්‍රියාවට දෙරටේ අගමැතිවරුන් වූ ජෝන් කොතලාවල, ජවහර්ලාල් නේරු වගේ ම එලිසබෙත් රැජිනත් සුබපැතුවා. 1962දී මේ පිහිනීම ම කරන්නට කුමාර් ආනන්දන්ට පැය 42ක් ගතවුණා. වයස අවුරුදු 27ක් වෙද්දී, 1971දී ඔහු පෝක් සමුද්‍ර සන්ධිය හරහා ඉන්දියාවට පිහිනා ආපසු පැමිණ ගිනස් වාර්තාවක් පිහිටෙව්වා. ඔහුට ඒ වෙනුවෙන් පැය 51ක් ගතවුණා. කුමාර් ආනන්දන් අපූරු ගිනස් වාර්තා ගණනාවක් ම පි

ජනාධිපතිවරණය තනියෙන් දිනන්නට එජාපට බැහැ – අගමැති

Image
September 15, 2019   admin   News   Politics එක්සත් ජාතික පක්ෂයට හිමි ඡන්ද පදනමින් පමණක් ජනාධිපතිවරණය ජයග්‍රහණය කළ නොහැකි බැවින් සුළු ජාතික, සිවිල් සමාජ, අලුත් ඡන්ද, පාවෙන ඡන්ද ආදී වෙනත් ඡන්ද පදනම් දිනාගන්නා ආකාරය පිළිබඳ එජාප ජනාධිපති අපේක්ෂකත්වය බලාපොරොත්තු වන අය සැලසුම් ඉදිරිපත් කළ යුතු බව අගමැති හා එජාප නායක රනිල් වික්‍රමසිංහ සිවිල් සමාජ, පුරවැසි හා වෘත්තීය සමිති නියෝජිතයන් කණ්ඩායම් දෙකක් සමග අද දින පවත්වන ලද සාකච්ඡාවලදී පැවසී ය. සිවිල් සමාජ කණ්ඩායම් කීපයක් සමග අගමැතිවරයා අද දින සාකච්ඡා පැවැත්වී ය. ජනාධිපතිවරණය ජයග්‍රහණය කිරීමට අවශ්‍ය ඡන්ද ලක්ෂ 64ක පමණ ප්‍රමාණය ලබාගැනීම එක්සත් ජාතික පක්ෂයට තනිව කළ නොහැක්කක් බව ද ඒ සඳහා අවශ්‍ය බලවේග දිනාගත යුතු බව ද ඔහු පෙන්වා දුන්නේ ය. එජාප ජනාධිපති අපේක්ෂකත්වය සඳහා රනිල් වික්‍රමසිංහ ඉදිරිපත් වන්නේ ද යන්න සම්බන්ධයෙන් සිවිල් සමාජ කණ්ඩායම් විසින් මතු කරන ලද ප්‍රශ්නයට අගමැතිවරයා නිශ්චිත පිළිතුරක් ලබා දුන්නේ නැත. මේ අතර, එජාප ජනාධිපති අපේක්ෂකත්වය බලාපොරොත්තු වන සජිත් ප්‍රේමදාස පාර්ශ්වය ද ජනාධිපතිවරණය ජයග්‍රහණය කිරීම සඳහා අවශ්‍ය ඡන්ද පදනම්

ලංකාවේ සංචාරක කර්මාන්තයට රු. බිලියන 10ක් ආදායම් ගෙනා ආෂුරා මුබාරකා

Image
September 15, 2019   admin   People   Religion අජිත් පැරකුම් ජයසිංහ ර ට­වල් 40ක බෝරා මුස්ලිම් නියෝජිතයන් 21,000කගේ සහභාගිත්වයෙන් 2019 වාර්ෂික බෝරා ගෝලීය සම්මේ­ල­නය සැප්තැ­ම්බර් මස 01 වනදා සිට 10 වනදා දක්වා කොළ­ඹ බම්බලපිටියේ ප්‍රධාන බෝරා පල්ලියේදී පැවැත්වුණා. එයින් ලංකාවේ සංචාරක කර්මාන්තයට දැවැන්ත ගැම්මක් ලැබුණා. මෙම සමුළුවෙන් ලංකාවට රු. බිලියන10ක ආදායමක් ලැබුණු බව ශ්‍රී ලංකා සංචාරක සංවර්ධන අධිකාරියේ සභාපති කිෂූ ගෝමස් පවසනවා. මෙම සමුළුව පැවැත්වුණ සමයේදී කොළඹ හෝටල් සහ සුපිරි නිවාසවල නවාතැන් ගාස්තු 20% සිට 80% දක්වා ඉහළ ගොස් තිබෙනවා. ඔවුන් කාමර 3000කට වැඩි ප්‍රමාණයක රැඳී සිටියා. සමුළුවෙන් පසුව බොහෝ සංචාරකයන් ආපසු ගොස් තිබෙන අතර, පිරිසක් ශ්‍රී ලංකාවේ ප්‍රදේශවල සංචාරය කරමින් සිටියා. ඇතැම් අන්තවාදී සංවිධාන මෙම සංචාරකයන්ට තර්ජන, හිරිහැර කිරීමට ඉදිරිපත් වූ අතර, රජය එම තත්වයන් පාලනය කරගැනීමට සමත් වුණා. එහෙත්, ඇතැම් තැන්වලදී අන්තවාදී දේශද්‍රෝහීන් ඔවුන්ට හිරිහැර, බාධා කරන ආකාරය වීඩියෝ කරගනිමින් ප්‍රචාරය කිරීමෙන් ලංකාවේ සංචාරක කර්මාන්තයට කැළැල් ඇති කිරීමට සමත් වුණා. අෂරා මුබාරකා

පාසල්වල උගන්වන දේ අතරට වැසිකිළි භාවිතය වැනි සනීපාරක්ෂක කාරණාවලටත් ප්‍රමුඛතාව දෙනවා නම්

Image
September 14, 2019   admin   Health   Life ඊශා කප්පරගේ 1980 වන විටත් ලංකාවේ බාල්දි වැසිකිලි තිබුණා. ගාල්ලේ රිච්මන්ඩ් හංදියේ තිබුණා වල වැසිකිළියක්. ගාල්ලෙ ටවුන් එකෙත් එකක් තිබුණා මතකයි. මෙහි මළ එකතුවන්නේ වැසිකිළි ලෑල්ල යටින් තබා ඇති විශාල බාල්දියකට. එකතුවන මළ ද්‍රව්‍ය ඉවත් කිරීම පිණිස දෙමළ මිනිසුන් විසින් කර තබාගෙන යනු මා දැක තිබෙනවා. ඔවුන් හැඳින්වුණේ සක්කිලි නමින්. එකල පවා බොහෝ නිවෙස්වල තිබුනේ වල වැසිකිළි. ගම්බද මේ තත්ත්වය වැඩිපුර තිබුණා. නිවෙස් දෙක තුනකට එක වැසිකිළියයි තිබුණෙ. අද වගේ පෞද්ගලික පවුල් ඒකක නොතිබුණු ඒ යුගයේ එකම මූලයකින් පැවත එන නෑදෑයින් පිරිසක් මහ ගෙදර අවටම නිවෙස් තනා⁣ගෙන වාසය කරන විට පොදු ළිඳ, පොදු වැසිකිළිය තමයි තිබුණේ. වැසිකිළි ගොස් සබන් යොදා අත සේදීම කළේ නැහැ. වැසිකිළි ගොස් සේදීමට වතුර ගත්තෙත් අත්හැර දමන ලද ළිඳක, වළක තිබූ අපිරිසිදු වතුර. කිරි හට්ටියක්, කැඩුණු බාල්දියක්, ප්ලාස්ටික් බූලියක් වැනි යමකුයි එයට භාවිතා කළේ. වර්තමාන ලංකා⁣ව කෙතරම් සෞඛ්‍යවත්දැයි සිතෙන්නේ මේවා කල්පනාවට ගන්නකොටයි. ලංකාවේ අද වැසිකිළියක් නැති නිවසක් නැති තරම්. කුඩා දරුවෙකු පවා දන්නව

ජීවය තිබිය හැකි අලුත් ග්‍රහලෝකය ගැන විස්තර

Image
September 14, 2019   admin   Science බර්ටි රණවීරගේ වෙනත් ග්‍රහ ලෝකවල ජීවීන් සිටින්නේදැයි මිනිසා විසින් කරන ලද සොයා බැලීම් සාර්ථක කරන්නට ඉඩ තිබෙන, ජීවය පැවතිය හැකි ග්‍රහ ලොවක් ඉතිහාසයේ පළමු වරට විද්‍යාඥයන් හඳුනාගෙන ඇති බව පසුගිය සතියේ වාර්තා වුණා. සෞරග්‍රහ මණ්ඩලයට එපිටින් තිබෙන එය සොයාගෙන තිබෙන්නේ University College London හි විද්‍යාඥයන් පිරිසකි . එහි ජලය සහ ජීවත්විය හැකි පරිසරයක් ඇතැයි සිතනවා. එහි වායුගෝලයෙහි ජලවාෂ්ප ඇති බව විද්‍යාඥයන් හඳුනාගෙන තිබෙනවා. K2-18b යනුවෙන් හඳුන්වන එම ග්‍රහ ලෝකය පිහිටා තිබෙන්නේ පෘථිවියේ සිට ආලෝක වර්ෂ 110ක් දුරිනි. ජීවින්ගේ පැවැත්මට සුදුසු උෂ්ණත්වයක් එහි තිබෙන බව විද්‍යාඥයෝ කියති. එම ග්‍රහ ලෝකය පෘථිවිය මෙන් දෙගුණයක් විශාල වන අතර ස්කන්ධය අපගේ ලෝකය මෙන් අටගුණයකි . එම ග්‍රහ ලෝකයට එයට ආලෝකය සපයන තාරකාව වන K2-18 වටා යාමට දින 33ක් ගත වෙනවා. (අපට දින 365 කී.) මෙම ග්‍රහ ලෝකය පිහිටා තිබෙන්නෙ තාරකාවට ආසන්නයේ වන මුත්, එම තාරකාව red dwarf හෙවත් රතු අඟුටුමිට්ටකු නිසා එයින් නිකුත් වෙන රශ්මියේ ප්‍රබලතාව අඩුයි. ඒ නිසා මෙම ග්‍රහ ලෝකය පිහිටා තිබෙන්නේ ජීවය

වත්කම්, බැරකම් හා ජඩකම්

Image
September 14, 2019   admin   Governance   Law   Politics අජිත් පැරකුම් ජයසිංහ (2019 සැප්තැම්බර් 14 ලංකා පුවත්පතේ ද පළ වේ) දේශපාලකයන්ගේ වත්කම් සහ බැරකම් මහජනයාට ඉතා වැදගත් ය. මාණ්ඩලික ශ්‍රේණිවලට අයත් රජයේ ඉහළ නිලධාරීන්ගේ වත්කම්, බැරකම් ඊටත් වඩා වැදගත් ය. එහෙත්, අප ඒ ගැන එතරම් අවධානයක් යොමු කරන්නේ නැත. අප සිතන්නේ වඩා දූෂිත දේශපාලකයන් ය කියා ය. එසේ වන්නට පුළුවන. එහෙත්, දේශපාලකයන් සංඛ්‍යාව පාර්ලිමේන්තුවේ නම් 225කි. ඔවුන්ගේ ගණන සීමිත ය. ඉහළ රාජ්‍ය නිලධාරීන් සංඛ්‍යාව දසදහස් ගණනකි. ඔවුන්ගේ වත්කම්, බැරකම් කෙරෙහි මීට වඩා අවධානය යොමු විය යුතු බව ලංකාවේ මහජනයා ප්‍රමාණවත් තරම් වටහාගෙන නැත. වැඩි අවධානයක් යොමු වන්නේ දේශපාලකයන්ට ය. එයට හේතුව, ලංකාවේ දේශපාලනය යනු මහජන මුදල් ගසාකන ඉල්ලමක් වී ඇති බැවිනි. දේශපාලකයන් හැසිරෙන්නේ ඔවුන් විශාල මහජන සේවාවක් කරන්නා සේ ය. තැන් තැන්වල පීත්ත පටි කපමින්, කතා පවත්වමින් දුවන ඔවුන් වෙනුවෙන් මහජන මුදලින් වරප්‍රසාද රැසක් සැපයේ. තීරු බදු රහිත වාහන යනු ඒ අතරින් ප්‍රධාන ඉල්ලමකි. හිටපු පළාත් සභා මන්ත්‍රීන් 418කට තීරු බදු සහන යටතේ ඩොලර් 35,000ක් දක්වා වටිනා වාහ

අෂ්ට ගරු ධර්ම අදටත් වලංගු ද?

Image
September 13, 2019   admin   Religion අජිත් පැරකුම් ජයසිංහ මෙහෙණි සසුන ආරම්භ වූයේ අද වැනි බිනර පොහෝ දිනක ය. නාවලපිටියේ අනුරාධා සුදම්මිකා ථෙරනිය යනු බෞද්ධ භික්ෂුනියකි. ඇය ශ්‍රී ජයවර්ධනපුර විශ්වවිද්‍යාලයේ කථිකාචාර්යවරියක ද වන්නී ය. “මම 2010 වසරේ උපසම්පදා වෙනතුරු දසසිල් මාතාවක්. මගේ උපසම්පදාවෙන් පස්සේ සිල්මාතා සංගමය නඩුවක් ගොනු කළා උපසම්පදාව එපා කියලා. මට මෙහෙණියක් ලෙස හැඳුනුම්පතක් තියනවා. ඉන්පසු උපසම්පදා වූ භික්ෂුණීන්ට හැඳුනුම්පත් දුන්නේ නැහැ. එහෙම හැඳුනුම්පතක් නැති පන්දාහක් පමණ ඉන්නවා. අපි මේ රටේ පුරවැසියෝ. ඉස්ලාම්, කතෝලික, හින්දු පූජක පක්ෂවලට ඒ වටිනාකම දෙනවා නම් බෞද්ධ මෙහෙණිවරුන්ට ඒ අවස්ථාව දෙන්න බැරි ඇයි?” ( මූලාශ්‍ර‍ය ) බුදු සසුන තුළ මෙහෙණි සසුන ආරම්භ වන්නේ බුදුන් වැඩ වෙසෙද්දී තරමක් පසුකාලීනව ය. මහණ වීම සඳහා මුලින් ම අවසර ඉල්ලා සිටියේ යශෙෘ්ධරා දේවියයි. දෙවනුව අවසර ඉල්ලුවේ බුදුන් ළඟ පැවිද්ද ලද ශාක්‍ය, කෝලිය කුමාරවරුන් 500දෙනෙකුගේ කුමාරිකාවෝ ය. තුන්වන වර සිදුහත් කුමරුගේ සුළුමව වූ ප්‍ර‍ජාපතී ගෝතමිය අවසර ඉල්ලුවා ය. මෙම අවස්ථා තුනෙහිදී ම බුදු හිමියෝ අවසර දීම ප්‍ර‍තික්ෂේප කළත

නාමල් රාජපක්ෂට අලුතෙන් ලැබෙන අපූරු නෑයෝ

Image
September 12, 2019   admin   Events   Life Newsවලින් එහා ප්‍රවෘත්ති දැනගන්න අපේ ෆේස්බුක් පිටුවට එක්වන්න.  මෙතන ක්ලික් කරන්න>> විපක්ෂ නායක සහ හිටපු ජනාධිපති මහින්ද රාජපක්ෂගේ දෙටු පුත් නාමල් රාජපක්ෂ විවාහ වී සිටින මනාලිය රාජපක්ෂ පාලන සමයේ ඇති වූ තර්ජන නිසා ශ්‍රී ලංකාවෙන් ස්වයංව පිටුවහල් වී සිටින ශ්‍රී ලාංකික පුවත්පත් කලාවේදී යුවලකගේ සමීප ඥාතියෙකි. ඒ අතර ඇය මාධ්‍යවේදී ලසන්ත වික්‍රමතුංග ඝාතන පරීක්ෂණවලදී නම සඳහන් වූ හිටපු පොලිස්පතිවරයකුගේ ද සමීප ඥාතියෙකි.  (Read the translation of this article here>>) නාමල්ගේ මනාලිය ලිමිනි වීරසිංහගේ මව අරුණි වික්‍රමරත්නයි. ඇය ශ්‍රී ලංකාවේ සිටි දක්ෂ ක්‍රීඩිකාවකි. ආනමඩුව හිටපු මන්ත්‍රී, ලේඛකයකු, පරිවර්තකයකු සහ ඉංග්‍රීසි ගුරුවරයකු වූ සද්ධාතිස්ස වඩිගමංගාව ලිමිනිගේ පවුලේ මහත් ගෞරවයට පාත්‍ර වී සිටින අරුණිගේ මාමා කෙනෙකි. නිකෝස් කසන්සාකිස් ගේ ‘Zorba the Greek’ කෘතිය ‘සෝර්බා නම් ග්‍රීකයා’ මැයෙන් සිංහලට නැගුවේ සද්ධාතිස්ස වඩිගමංගාවයි. සද්ධාතිස්ස වඩිගමංගාව සද්ධාතිස්ස වඩිගමංගාව මහතාගේ දියණියක වන ජනමාධ්‍යවේදිනී ලේඛිකා සහ දේවිකා වඩිගමංගාව ව

77 වියේදීත් යව්වනයන් අතර හිට් වුණ වික්ටර් (‘හිතින් යන අය’ ගී රස විමසුම)

Image
September 12, 2019   admin   Music වික්ටර් රත්නායක කියන්නෙ දිගුකාලයක් තිස්සේ බැබළෙන තාරකාවක්. ඔහුට දැන් වයස 77යි. ඒ වයසෙදිත් යව්වනයන් අතර හිට් වෙන අලුත් ගීයක් ගයන්නට දායක වෙන්නට ලැබෙන එක විරල අවස්ථාවක්. වික්ටර්ගේ හඬ සහ ගායන කෞශල්‍යය පසුගිය කාලයේ වියපත් වුණ බව බොරුවක් නෙමෙයි. ලතා වල්පොල වගේ මහළු වියේදීත් ඒ ගායනා පෞරුෂය එහෙමම රැකගන්නට වාසනාව හැමෝටම ලැබෙන්නෙ නැහැ. එය සාමාන්‍ය තත්වයක්. ඒ නිසා වියපත් වෙනකොට කරන අලුත් නිර්මාණවල දැඩි සීමා දකින්නට ලැබෙනවා. ඒ විතරක් නෙමෙයි, තරුණ කාලේ කරන ලද ගායනාවල එදා තිබුණු ජීවය වුණත් දැන් මවන්නට අමාරුයි. වික්ටර්ගේ මේ ගීයේ රහස වික්ටර් අලුත් පරපුරේ තරුණයන් සමග මුසුවෙන්නට තිබුණු එඩිතරකමයි. එයින් වික්ටර් ද තරුණ වී තිබෙන බව පෙනෙනවා. පන්සල්, ජාතිවාදී ව්‍යාපාර එක්ක සාමාන්‍ය උපාසක වෘතයකට තල්ලු වෙමින් සිටි වික්ටර් මෑතදී සිය ජීවිතය සම්බන්ධයෙන් රැඩිකල් තෝරාගැනීමක් කරමින් තිරිහන් වුණා. ජීවිතයේ තෝරාගැනීම් වෙනුවෙන් වැඩිහිටියන්ට තිබෙන නිදහස ගැන කතාකරන්න වික්ටර් ආදර්ශයක් සැපයුවා. ඒ වෙනුවෙන් සමාජය ඔහුට ස්තුතිවන්ත විය යුතුයි. දිල්ෂාන් පතිරත්නගේ පදමාලාවේ එතරම

GOTA AND MAHINDA WILL FIGHT OVER EVERY BIT OF POWER AT THE COUNTRY’S EXPENSE – THE ECONOMIST

Image
September 12, 2019   admin   English   International The Economist international magazine says it seems that Gota and Mahinda will fight over every bit of power at the country’s expense. “Mahinda, the oldest brother, is a sun king, his chair in his meeting room a hand-span wider than the others. He says the post of prime minister will be the crucial one in government. Across town, Gota argues for a strong executive presidency,” says the magazine The Economist published these views in an article appeared in the Asia section of the print edition under the headline “Forward to the past”. Describing about Gotabaya Rajapaksa’s past, the international magazine says, “Gota wanted credit for winning the war, and bridled at claims of war crimes. He ran the security services during the era of white-van terror. He had a foul temper and a threatening tongue.” The magazine mentions, “Both Basil and Mahinda are frank enough, when asked, to admit that Gota needs to keep talking about po