W3Lanka: Praja.lk Backup

රට වේගයෙන් අරාජිකත්වයක් වෙත තල්ලු වෙමින් තිබේ. එය නිරූපණය වන පැති කීපයක් තිබේ. රටේ පැහැදිලි දේශපාලන නායකත්වයක් නැත. ජනාධිපතිවරයා හා අගමැතිවරයා කටයුතු කරන්නේ ඒකීය ධාරණාවකින් නො වන බව පැහැදිලි ය. ඔවුන් අතර සාකච්ඡා, අවබෝධතා හා සම්මුති ඇති බවක් නො පෙනේ. විශේෂයෙන් ම අගමැතිවරයාගේ ගජමිතුරු කල්ලිය කටයුතු කරන ආකාරය ගැන දැඩි විවේචනයක් තිබේ. එය වනාහි රට හෝ ආණ්ඩුව හෝ තමන්ගේ පක්ෂය හෝ ගැන සිතා කටයුතු කිරීමක් නො වේ. ඒ වෙනුවට මෙම ගජමිතුරු කල්ලිය සිටින්නේ මනෝ රාජ්‍යයක ය. බලය රැක ගැනීමේ හෝ උවමනාවක් ඔවුන්ට ඇති බවක් නො පෙනෙන අතර කටයුතු කරන්නේ සිහිනෙන් ඇවිදින්නන් සේ ය. අගමැතිවරයාගේ මූලිකත්වයෙන් දියත් කර ඇති ආර්ථික හා සමාජ ප්‍රතිසංස්කරණ ක්‍රියාවලිය රජය කඩා වැටීම වළක්වා ගැනීම සඳහා මේ මොහොතේ අවශ්‍ය ඒවා ය. එහෙත්, තමන් කරන්නේ කුමක් ද යන්න පිළිබඳව මුලින් තමන්ගේ පක්ෂය සමග ද, දෙවනුව ආණ්ඩුවේ හවුල්කාර පක්ෂය සමග ද සාකච්ඡා කළ යුතු ය. ඉන් පසු ඒ පිළිබඳ ජනතාව අතර යහපත් සංවාදයක් ඇති කර ගත යුතු ය. ඒ කිසිවක් කිරීමේ උවමනාවක්වත්, හැකියාවක්වත් අගමැති වටා සිටින පිරිසට නැත. ජනාධිපතිවරයාගේ මූලික ගැටලුව වන්නේ දෘෂ්ටියක් න...

ගෙල කපා මරා දමන ලද දයා පතිරණගේ මළ සිරුර  සයිටම් ප්‍රධාන විධායක නිලධාරිගේ රියට වෙඩි තැබීමේ ‘කුමන්ත්‍රණය' ගැන අප නම් කිසිවක් දන්නේ නැත. එහෙත්, ඒ ගැන සියල්ල දන්නා බව කියමින් ඇතැමෙක් පුවත්පත් සාකච්ඡා ද පවත්වති. දන්නා අය සාක්ෂි ඇතිව සිදු වූ සිද්ධිය ගැන විමර්ශන අංශවලට තොරතුරු දන්වන්න. මේ ගැන දේශපාලනිකව නම් අපට කීමට තිබෙන්නේ මස් කටවල් වෙනුවට තුවක්කු කටවල් කතා කිරීම ආරම්භ වී තිබෙන බවයි. මේ යෙදුම සම්බන්ධයෙන් මා අපගේ පැරණි දේශපාලනික මිතුරකුට ණයගැති ය. අප එම දේශපාලන කණ්ඩායමෙන් කැඩී වෙනම වැඩ කිරීම ආරම්භ කළ අවස්ථාවේදී එම පුද්ගලයා කීවේ මෙසේ මස් කටින් කතා කරන්නට සිදු වී තිබෙන්නේ උතුරෙහිදී මෙන් තුවක්කු කටින් කතා නො කරන නිසා බවයි.  හොරාට කලින් කෙසෙල් කැන වැට පනින කතාව ඔබ අසා තිබේ ද? මෙම වෙඩි තැබීම පිළිබඳ විවිධ ප්‍රකාශ පුවත්පත් සාකච්ඡා හා සමාජ මාධ්‍ය ඔස්සේ කරන අය ගැන මම නම් විමසිල්ලෙන් සිටිමි. වෙඩිල්ලේ උණුසුම යන්නටත් පෙර තීන්දු දෙන්නට තිබෙන හදිසිය මට නම් සැක සහිත ය.  සිදුවීම් හුදකලාව ගත නො හැකි ය. දෙමළ ජාතික සන්ධානයේ යාපනය දිස්ත්‍රික් පාර්ලිමේන්තු මන්ත්‍රී එම්.ඒ. සුමන්තිරන් මරා ද...

විමුක්ති ජයසුන්දරගේ චත්‍රක් (බිම්මල / හත්ත) අගනා චිත්‍රපටයකි. එය කතාවක් ලෙස කදිමට ගොඩනගා තිබේ. එහි සෞන්දර්යාත්මක සියුම් තැන් එමට ය. ඒවා රසබර ය. වෙන වෙන ම කතා කරන්නට බොහෝ දේ එහි තිබේ. චත්‍රක් සිනමාත්මක අතින් ද උසස් ය. චත්‍රක් චිත්‍රපටයේ වස්තු විෂය වන්නේ සංවර්ධනයයි. සංවර්ධනය හේතුවෙන් ජීවිතයෙන් අවතැන් වන ජනයාගේ පරාරෝපණයේ කතාව එහි කදිමට නිරූපණය කර තිබේ. ඉන්ද්‍රජාලික යථාර්ථවාදය ද වර්තමානයේ එක්තරා ජනප්‍රිය හා ප්‍රබුද්ධ විලාසිතාවකි. චත්‍රක් චිත්‍රපටයේ මුල් අර්ධය තුළ නිරූපණය වන සුදු සමැති දේශ සීමාරක්ෂක සෙබළා එවැනි අධි යථාර්ථවාදී රංගනයකි. එය චිත්‍රපටයේ ප්‍රධාන චරිතය වන නාගරික ජීවිතයෙන් පළා ගොස් වනගත ජීවිතයක් ගෙවන මානසික රෝගියාගේ මනසේ නිර්මිත භ්‍රාන්තියක් විය හැකි ය. එහෙත්, අධි යථාර්ථවාදය කලාත්මක වන්නේ කතා සංදර්භය තුළින් නිරායාසයෙන් පැන නැගි විටයි. එවැනි අවස්ථාවකට උදාහරණයක් ද චිත්‍රපටයේ අවසානයේ තිබේ. ඒ ගොඩනැගිල්ලේ ඉහළ සිට පහළට වැටී මිය ගිය ගෘහ නිර්මාන ශිල්පියා ඔහුගේ සේවකයා කියන කතාවක් අසා ‘බොරුකාරයා' යි කියන ජවනිකාව තුළයි. මෙම අවසානය දුටු මට මජීඩ් මජිඩිගේ කලර් ඔෆ් පැරඩයිස් චිත්‍රපටයේ...

විසඳුම්  ලංකාවේ උසස් අධ්‍යාපනය සම්බන්ධයෙන් මේ මොහොතේ ඇති වී තිබෙන සංවාදය මා නම් අර්ථකථනය කර ගන්නේ පෞද්ගලික අධ්‍යාපනය අවශ්‍ය ද, නැද්ද කියන තැනින් නෙමෙයි. මා මෙය ගන්නේ අධ්‍යාපනය ලැබීමට අවශ්‍යතාව ඇති අයට බාධාවකින් තොරව අධ්‍යාපනය වෙත ප්‍රවේශ වීමේ අධ්‍යාපනික නිදහස අවශ්‍ය ද නැද්ද කියන තැනිනුයි. උසස් අධ්‍යාපනය වෙළඳපොළකරණයට ලක් කළ යුතු ද කියන ප්‍රශ්නයේදි මට නම් කියන්නට තිබෙන්නේ අවශ්‍යතාව අනුව අධ්‍යාපනය ලැබීමේ නිදහස තිබෙනවා නම්, එය වෙළඳපොළකරණය විය යුතු නැති බවයි. අනෙක් පැත්තෙන්, තමන් ලබා ගන්නා අධ්‍යාපනය වෙනුවෙන් ගුරුවරුන් හා වෙනත් සේවා සපයන්නන්ට ගෙවීම් කිරීම අධ්‍යාපනය වෙළඳපොළකරණයක් නෙමෙයි. වර්තමානයේදී නිදහස් අධ්‍යාපනය ලෙස හැඳින්වෙන, රජය විසින් තෝරා ගත් පිරිසකට පමණක් මහජන මුදලින් අධ්‍යාපනය ලබා දීමත් වෙළඳපොළ එක්ක සම්බන්ධයි. මන්ද, ඒ වරප්‍රසාදිත පිරිසගේ අධ්‍යාපනය වෙනුවෙන් සේවා සපයන්නන්ට ගෙවීම සඳහා මේ රටේ පොදු මහජනතාවගෙන් බදු අය කර ගන්නේ සිල්ලර කඩය, මාළු මාකට් එක වැනි තැන්වලදීයි. වරප්‍රසාදිත පිරිසකට නොමිළේ ලැබෙන නිදහස් අධ්‍යාපනය වෙනුවෙනුත් මේ රටේ මහජනතාව ගෙවනවා. ඒ නිසා නිදහස් ය කියන දේටත්...

සයිටම් හෙවත් මාලබේ පෞද්ගලික වෛද්‍ය විද්‍යාලය වෙනුවෙන් පෙනී සිටින්නට අපට කිසිම උවමනාවක් නැති බව මුලින් ම කිව යුතුයි. එහෙත්, අධ්‍යාපනයේ නිදහස වෙනුවෙන් පෙනී සිටින අප අවධානය යොමු කරන්නේ ග්‍රාහකයාගේ අන්තය වෙතයි. එනම්, අධ්‍යාපනය ලබන්නට අවශ්‍යතාව තිබෙන අයට ඒ සඳහා ඇති ප්‍රවේශ අවස්ථා වැඩි කළ යුතුයි. මේ ලියන මට මගේ දරුවකු ලක්ෂ 120ක් ගෙවා පෞද්ගලික වෛද්‍ය විද්‍යාලයකට යවන්නට බැරි බව ඇත්ත. ඒත්, මේ රටේ එහෙම යවන්නට පුළුවන් මව්පියන් ඉන්නවා. ලක්ෂ 120ක ආයෝජනය පාඩුවක් නො වන බව දන්නා නිසා ඔවුන් එය කරනවා. මෙතැන තිබෙන්නේ සරළ ව්‍යාපාරික තර්කනයක්. ඉතින් ඇති හැකි ව්‍යාපාරිකයන් මේ ආයෝජනය කරන එකෙන් සමාජයට හානියක් වෙනවා ද? වෛද්‍ය ක්ෂේත්‍ර‍ය කියන්නේ අමුතුවෙන් වානිජකරණය විය යුතු අංශයක් නෙමෙයි. උසස් පෙළ දක්ෂ ලෙස සමත් වන සිසුන්ට වෛද්‍ය උපාධියක් ලබන්නට තිබෙන අවස්ථාව අහිමි වෙලා නැති සමාජවාදී සංදර්භය වෙනස් නො වී පවත්වා ගනිමින් ධනවත් පිරිස්වලට මේ ධනවත් වෘත්තීන්ගේ සුදුසුකම් මෙරටදී ම ලබා ගන්නට පහසුකම් සැලසීම එතරම් නරක දෙයක් වන්නේ කොහොම ද? ධනේශ්වර සමාජය කියන්නේ විෂමතා නැති කළ හැකි සමාජයක් නෙමෙයි. අප උත්සාහ කළ යුත්තේ විෂමතා...

අපි සව්දිය පුරමු වෙබ් පිටුවෙහි 2016 අගෝස්තු 7දා පළ වූ ලිපියකි.  ලංකාවේ උසස් අධ්‍යාපනයේ ඉදිරි ගමන ගැන සංවාදය ආයෙත් ඉදිරියට ඇවිත්. ‘යමු’ කණ්ඩායමේ චන්දන ප්‍රසන්න, නිදහස් හෙවත් නොමිලේ අධ්‍යාපනය ලබා දීමට එරෙහි කඳවුරේ තර්ක ඉතා ම තදින් ‘දැනෙන්න’ ඉදිරිපත් කරලා තියෙනවා. සුපුරැදු පරිදි ඊට එරෙහි ප්‍රතිචාර වැඩියෙන් ම එල්ල වෙන්නේ පුද්ගලික අපහාස හැටියට. මේ අපහාස සහ බැණ වැදීම් පෙන්නුම් කරන වැදගත් ම දේ ‘නොමිලේ’ දෙන උසස් අධ්‍යාපනය වෙනුවෙන් පෙනී සිටින බොහෝ අයට, ඒ පැත්තට තිබිය හැකි තර්ක හෝ ඒවාට එන සැබෑ විරෝධතා ගැන ඇති දැවැන්ත නො වැටහීම. හරියට ම නම් සයිටම් ආයතනයේ අර්බුදය සහ පෞද්ගලික අධ්‍යාපනය පිළිබඳ රැල්ල අපේ උසස් අධ්‍යාපනයේ ඇති සැබෑ ප්‍රශ්න තීරණාත්මක විදිහට එළියට දාලා තියෙනවා. නමුත් ඇත්තට ම ප්‍රශ්නය මොකක්ද කියලා හඳුනා ගන්නවට වඩා අන්තවාදී කඳවුරැ දෙකක් අතර ගිනි ඇවිලෙන තරගයක් විදිහටයි අද අධ්‍යාපනය පිළිබඳ මේ සංවාදය පවතින්නේ. ජයග්‍රහණය වෙනුවෙන් යම් යම් සැබෑ තොරතුරු යටපත් කිරීම, නො තකා හැරීම වගේ ම, විකෘති කිරීමත් දෙපැත්තෙන් ම කෙරෙනවා. ප්‍රශ්නයක් දැනෙන විදිහට එළියට ගේන්න නිතර ම අන්තවාදය හොඳ විදිහක් වුණ...

පෙරටුගාමී සමාජවාදී පක්ෂයේ දෙවන ජාතික සමුළුව අද පැවැත්වේ. මේ දිනවල පුනරුද ව්‍යාපාරය හා සිවිල් සමාජ සංවිධාන ජාලයක් ද වෙන වෙනම සංවිධානගත වීමේ, ජාලගත වීමේ වේගවත් වැඩසටහන් දෙකක් ඉදිරියට ගෙන යමින් සිටියි. පෙරටුගාමී සමාජවාදී පක්ෂය හා ජනතා විමුක්ති පෙරමුණ අතර තරගයක් තිබෙන බව පැහැදිලිව නිරීක්ෂණය කළ හැකියි. ඔවුන් දෙගොල්ලන් ම එසේ නැතැයි කියනු ඇත. තව තව අය අතරත් එවැනි තරග තිබෙනවා විය හැකි ය. පෙරටුගාමී සමාජවාදී පක්ෂයේ සමුළුවේ තේමාව වැදගත් ය. පන්තියට පක්ෂයක්.  කුමන පන්තියට ද?  කලක් රාජ්‍ය නොවන සංවිධාන ව්‍යාපාරිකයකුව සිටි ආචාර්ය සුමනසිරි ලියනගේ පවා කතා කරන්නේ කම්කරු පන්තිය ගැන ය. හිටි හැටියේ ඔහු කම්කරු නායකයකු ලෙස රූපාන්තරණය වී තිබෙන ආකාරය පෞද්ගලික විශ්වවිද්‍යාලයක ප්‍ර‍ධානියකු වී සිටිමින් පෞද්ගලික විශ්වවිද්‍යාලවලට එරෙහිව උද්ඝෝෂණ කරන්නකු බවට පත් වීම තරම් ම විසුුළු සහගත ය.  මාක්ස්ගේ විග්‍ර‍හය අනුව මූලික වශයෙන් පංති දෙකක් හඳුනාගත හැකියි. ඒ පාලක හා පාලිත වශයෙනි. ලංකාවේ නම් පාලක පංතිය කවුරු ද? බොහෝ දෙනෙකු කියන්නා සේ අති සරළ ලෙස ධනපති පංතිය යයි කියන්නට පුළුවන. එහෙත්, එය එසේ ද? ...

මහ බැංකු බැඳුම්කර සිද්ධිය යනු මේ වන විට දේශපාලකයන්ට හා මාධ්‍යවලට හිතෙන හිතෙන හැටියට විකුණාගත හැකි දෙයක් බවට පත් වී තිබේ. සාමාන්‍ය ජනතාවට මේ මහේක්ෂ ආර්ථික කාරණා තේරෙන්නේ නැත. මෙම කරුණු ඔවුන්ට තේරෙන බසින් සරළව කියා දීම මාධ්‍යවල කාර්යයි. මෙතැන සිදු වූ සිදු වීම වන්නේ මෙයයි: මහ බැංකුව 12.5%ක ස්ථිර පොළියට තිස් අවුරුදු කාලයක් තුළ ගෙවීම පිණිස රු. බිලියනයක් අවශ්‍ය බව ප්‍රාථමික මුල්‍ය වෙළඳපොළට දැනුම් දුන්නේ ය. එහෙත්, අවසානයේදී, අසාමාන්‍ය අන්දමට කටයුතු කරමින්, රජය රු. බිලියන 10ක් ම ණයට ගත් අතර එයින් රු. බිලියන පහක් ම රජයට ණයට දුන්නේ එවකට මහ බැංකු අධිපති අර්ජුන් මහේන්ද්‍ර‍න්ගේ බෑණා වන අර්ජුන් ඇලෝසියස්ට අයත් පර්පෙචුවල් ට්‍රෙෂරීස් සමාගමයි. මෙම ගනුදෙනුවෙන් පර්පෙචුවල් ට්‍රෙෂරීස් අධික ලාභයක් ලබන්නේ ඒ වන විට ද්විතීයක වෙළඳපොළේ රු. 120කට පමණ විකිණිය හැකි වූ රු. 100 බැඳුම්කර රු. 91 බැගින් මිළ දී ගන්නට හැකි වීමෙනි. එය අති දැවැන්ත ලාභයකි. මහ බැංකු බැඳුම්කර නිකුතුවෙහිදී රජයට පාඩුවක් සිදු වී තිබේ. අර්ජුන් ඇලෝසියස්ගේ සමාගම දැවැන්ත ලාභයක් ලබා තිබේ. එම සමාගමට එවැනි දැවැන්ත ලාභයක් ලබා ගැනීමට හැකි වුණේ ඇලෝසිය...

ලංකාව තිබෙන්නේ මේ වගේ හාදයන්ට මැදි වෙලා ය    අඩුවෙන් වැඩ කර වැඩියෙන් වැටුප් හා වරප්‍රසාද බලාපොරොත්තු වන ලක්ෂ 15ක මධ්‍යම පංතිකයන්ගෙන් සමන්විත, අකාර්යක්ෂම ඊනියා සුබසාධන සේවාවන් මත සිය පැවැත්ම සාධාරණීකරණය කර ගන්නා රාජ්‍ය අංශය ලංකාවේ ආර්ථික දේහය මත ඇති දැවැන්ත ම පිළිකාව බව අප මීට කලිනුත් පෙන්වා දුන්නෙමු. ලංකාවේ ජනතාවගේ ජීවිත කාලකණ්ණි කරන බදු හා ණයවලට මූලික හේතුව මෙම අකාර්යක්ෂම රාජ්‍ය යන්ත්‍රයට පොම්ප කරන්නට සිදු වී තිබෙන මහජන මුදල් කන්දරාවයි. සමස්තයක් ලෙස ම රාජ්‍ය සේවය ජන පීඩක ය. ඉහළ රාජ්‍ය නිලධාරීන් දේශපාලකයන් තරමට ම හෝ ඊටත් වඩා දූෂිත ය. තීරු බදු රහිත වාහන, විදේශ සංචාර වැනි වරප්‍රසාද රැසක් ද දේශපාලකයන් සේ ම ඔවුහු මහජන මුදලින් භුක්ති විඳිති. ඇත්ත වශයෙන් ම, ජනතාව වැඩියෙන් ම පීඩාවට පත් වන්නේ ප්‍රමාණාත්මකව දේශපාලකයන් සංඛ්‍යාවට වඩා වැඩි මෙම ස්ථරය විසින් කරනු ලබන දූෂණ හා ඔවුන්ගේ අකාර්යක්ෂමතාව හේතුවෙනෙි. එහෙත් ඔවුහු දේශපාලකයන්ට මුවා වී සිය සොරකම් වසාගෙන සිටිති. රාජ්‍ය නිලධාරීන්ගේත්, දේශපාලකයන්ගේත් කුහකකම හොඳින් නිරූපණය කරන අවස්ථාවකි, පෙබරවාරි මාසයේදී ගැසට් කිරීමට නියමිත බව කියන ජ...

මැතිවරණ ව්‍යාපාරයේදී වූ පොරොන්දුවක් ඉටු කරමින් ඇමරිකා එක්සත් ජනපද ජනාධිපති ඩොනල්ඩ් ට්‍ර‍ම්ප් පසුගිය සඳුදා අන්තර්-ශාන්තිකර හවුල්කාර වෙළඳ ගිවිසුම අවලංගු කිරීමේ විධායක තීන්දුවකට අත්සන් කළා. ඒ සමග ම එක්සත් ජනපදය සිය ආසියාතික හවුල්කාර රාජ්‍යයන්ගෙන් ඈත් වීම ආරම්භ කරනවා. අන්තර්-ශාන්තිකර හවුල්කාරිත්වය යනු ශාන්තිකර සාගරයට මායිම් වන රටවල් 12ක් අතර බදු කපාහැරීමට, වෙළඳාම දිරිගැන්වීමට සහ ආර්ථික ප්‍ර‍තිපත්ති හා නීති සම්බන්ධයෙන් සමීප සම්බන්ධතා ගොඩනගා ගැනීමට ඉවහල් වන සම්මුතියකි. එය ලෝකයේ ආර්ථිකයෙන් 40%ක් තරම් විශාල කලාපයක්. මිලියන 800ක් වන එහි ජනගහණය යුරෝපා සංගමයේ ජනගහණය මෙන් දෙගුණයක්. ජපානය, මැලේසියාව, වියට්නාමය, සිංගප්පූරුව, බෘනයි, ඕස්ට්‍රේලියාව, නවසීලන්තය, කැනඩාව, මෙක්සිකෝව, චිලී හා පේරු මේ රටවල් 12 අතර තිබෙනවා. වසර 2016 පෙබරවාරි මස අත්සන් කරන ලද මෙම ගිවිසුම මේ වන විට ජපානය විසින් ක්‍රියාත්මක කර තිබෙනවා. එක්සත් ජනපදය මෙයට අත්සන් කළත්, රිපබ්ලිකන් බහුතරයකින් සමන්විත කොංග්‍ර‍සයේදී මෙය සම්මත වුණේ නැහැ. එහෙත්, එක්සත් ජනපදය මෙම පුළුල් සන්ධානයේ වැදගත් හවුල්කරුවෙක් වුණා. හිටපු ජනාධිපති බරක් ඔබාමා මෙය...

නවතම ආර්ථික හා මුල්‍ය අපරාධ විමර්ශන විශේෂඥවරයා බැඳුම්කර වංචාව වනාහි නීතියේ සිදුරුවලින් රිංගා ගහන ලද දැවැන්ත ගේමකි. එය අලුත් දෙයක් නො වේ. හිටපු මහ බැංකු අධිපති අජිත් නිවාඩ් කබ්රාල් ද මේ ගේමෙහි ඔස්තාද් කෙනෙකි. එන්ට්‍ර‍ස්ට්, ෆස්ට් කැපිටල්, පර්පෙචුවල් ට්‍රෙෂරීස් වැනි මුල්‍ය සමාගම් පසුපස ඔහුගේ ද සෙවණැල්ල තිබේ. රජයට ණය දීම මේ වන විට ලංකාවේ මුල්‍ය වෙළඳපොළේ ප්‍ර‍ධාන ම ව්‍යාපාරයයි. සුළු හා මධ්‍ය පරිමාණ කර්මාන්තයක් ආරම්භ කරන්නට ව්‍යවසායකයෙකුට ණයක් ගැනීම පහසු නැත. බැංකු හා මුල්‍ය ආයතන මහජනතාවට සුළු පොළියක් ගෙවා ලබා ගන්නා තැන්පතු ඍජුව හා වක්‍ර‍ව රජයට ණය දීමට යොදා ගනියි. මේ රජය කෙතරම් පිළලයක් ද යන්න අමුතුවෙන් කියන්නට උවමනා නැත. මහේක්ෂ ආර්ථික තලයේදී රජයේ ණය ගැනීම් කාලයක් තිස්සේ ම සිදු වෙමින් තිබුණේ පාරදෘෂ්‍ය ලෙස නො වේ. මෙය පුළුල් පදනමකින් විමර්ශනය කර සියලු වගඋත්තරකරුවන් නීතිය ඉදිරියට ගෙන ආ යුතු ය. හිටපු මහ බැංකු අධිපතීන් මෙන් ම මහ බැංකුවේ නිලධාරීන් රැසක් ද මේ අතරට වැටේ. ඒ වෙනුවෙන් ජනාධිපති කොමිෂමක් පත් කිරීම යුක්තියුක්ත ය. 2015 පෙබරවාරි බැඳුම්කර නිකුතුව සම්බන්ධයෙන් මූලික ගැටලු මතු වන්නේ අර...