ජාතික ප්රශ්නයට විසඳුම් සෙවීමේ පැරණි ක්රීඩාව යළි ඇරඹේ | Going round and round the ethnic problem of Sri Lanka
(2010 මැයි 03 - W3Lanka ) ලංකාවේ ජාතික ප්රශ්නය විෂයෙහි 2005 සිට තමන් කළ පැරණි ක්රීඩාවක් නැවත වරක් කිරීමට සාක් සමුළුව අතරතුරදී ලංකාවේ හා ඉන්දියාවේ රාජ්ය නායක දෙපළ එකඟ වී තිබේ. ක්රීඩාව මෙසේ ය. ජාතීන්ගේ ප්රශ්නයට විසඳුම් සෙවීම සඳහා කමිටුවක් පත් කරනු ලැබේ. කලින් ක්රීඩාවේදී එම කමිටුවට නම තැබුවේ සර්ව පාක්ෂික නියෝජිත කමිටුව කියා ය. ආණ්ඩුවේ ඇමති මණ්ඩලයේ සිටින වැඩකට ම නැති ඇමති තෝරා එහි සභාපති ලෙස පත් කරනු ලැබේ. එම කමිටුව විසින් විසඳුම් යෝජනා කිරීම සඳහා විද්වත් කමිටුවක් පත් කරනු ලැබේ. මේ කමිටුවලට සාකච්ඡා 200ක් පමණ පැවැත්වීමට සිදු වේ. සතියට එක ගණනේ පැවැත්වුවත් මේ සදහා වසර හතරක් ගත වේ. කමිටුවේ වාර්තාව ජනාධිපතිට ඉදිරිපත් කළ පසු එයට සිදු වූ දේ සොයාගැනීමට තවත් දෙවසරක් පමණ ගත වේ. දෙයියනේ කියලා ඒ වෙනකොට මෝඩ දෙමළ ජනයා තව ප්රභාකරන් කෙනෙක් මතු කර ගතහොත් විසඳුම් ක්රියාවලිය නවත්වා නැවත ත්රස්තවාදයට එරෙහි යුද්ධයක් ආරම්භ කළ හැකිය. මේ අතර, මන්මෝහන් සිං නාකි වන අතර රාහුල් ගාන්ධි වයසින් මුහුකුරා වැඩෙයි. එවිට දෙමල ජනයාගේ ප්රශ්නය විසඳීම සදහා ඔහ...
