මෛත්රීපාල සිරිසේන ජේ.ආර්.ටත් එහා ගිය තීන්දුවක: හැබැයි නිවේදනයේ කර්තෘ අඥාතයි
( 2010 නොවැම්බර් 10, W3Lanka ) ලෙඩ නිවාඩු දමමින් රෝහල්වල සේවයට වාර්තා නොකළ හෙද නිලධාරින් සියලූ දෙනා සේවය අතහැර ගියා සේ සලකා කටයුතු කිරීමට සෞඛ්ය අමාත්යංශය තීරණය කර ඇති බව අද සවස ජනමාධ්ය ප්රකාශ කර ඇත. මෙම ප්රවෘත්තියේ විශේෂ ලක්ෂණය වන්නේ මෙම නිවේදනය නිකුත් කළ නියමිත පුද්ගලයකු නැති වීමයි. හෙද නිලධාරීන් සේවය හැර ගියා සේ සලකන බව පවසන්නේ සෞඛ්ය ඇමති මෛත්රීපාල සිරිසේන ද? නැතිනම් සෞඛ්ය අමාත්යංශයේ ලේකම් අතුල කහඳ ලියනගේ ද නැතිනම්, අද දින සියලූම හෙද කාර්ය මණ්ඩල නිවාඩු අවංලගු කිරීමට තීරණය කළ බව කලින් නිවේදනය කළ සෞඛ්ය සේවා අධ්යක්ෂ ජනරාල් වෛද්ය අජිත් මෙන්ඩිස් ද? නිවේදනයේ කර්තෘ අඥාත ය. රජයේ හෙද නිලධාරීන්ගේ සංගමය වනාහි අද වන විට හෙද සේවයේ වඩාත් ම සක්රිය සංවිධානයයි. එහෙත්, තවමත් වැඩි ම සාමාජිකත්වයක් ඇත්තේ මුරුත්තෙට්ටුවේ ආනන්ද හිමියන් නායකත්වය දෙන රාජ්ය සේවා එක්සත් හෙද සංගමයටයි. දැනට කලක සිට ම ආනන්ද හිමි ආණ්ඩුවට කඩේ යමින් හොරිකඩකම්වල යෙදෙමින් සිටියි. හෙද සේවයේ වෘත්තීය සමිති බලය සඳහා මෙම සංගම් දෙක අතර තියුණු තරගයක් තිබෙන අතර හෙද ඉල්ලීම් නො තකා හරිමින් දිගින් දිගට ම ආණ්ඩුවට කඩ...
