W3Lanka: Praja.lk Backup

මේ ඔහු මෙන් ම ඔබ හෝ මා හෝ ද වන්නට පුළුවන අටවන ශ්‍රේණියේ පාසල් දරුවකු යයි කියන්නේ තවමත් කොට කලිසම් අඳින, තනිව සිය කටයුතු කර ගැනීම පුහුණු වන එකෙකි. මට මතක හැටියට තනිවම බයිසිකලය පැදගෙන මතුගම නගරයට එන්නට මට ද පුළුවන් වුණේ ඒ වයසේදී ය. අපේ ජීවිත සමග බස්වල තිබුණු සම්බන්ධය ගැන මම මින් පෙර 'සිලෝන් ටකරං බස්' ලිපියේ ලිව්වෙමි. අටේ ංතියේ හෝ නමයේ පංතියේ ඉන්න කා‍ලේ එක් සති අන්තයක මම මට පිටුපසින් එන බසයකට කලින් යාම සඳහා වේගයෙන් බයිසිකලය පැද්දෙමි. ඒ කාලයේ තිබුණු ලොරි එහෙම එතරම් වෙගයෙන් ධාවනය නොවූ ඒවා බැවින් සුළඟට ආවරණය වෙමින් ඒ පසුපස බයිසිකල් පැදීමට පුළුවන්කම තිබිණි. ඇතැම් පුරුදුකාරයෝ එක් අතකින් ලොරියේ එල්ලී වේගයෙන් බයිසිකලය පදවන්නට සමත් වූ හ. එය අතිශය අනතුරුදායක වූමුත් ත්‍රාසජනක ය. ආපසු කතාවට..... මම කෙතරම් වේගයෙන් පැද්දත් බසය මා ඉස්සර කර යාම වළක්වන්නට බැරි විය. බසය මා ඉස්සර කරද්දීත් මම වේගයෙන් එය පදිමින් සිටියෙමි. බසයේ පාපුවරුවේ මිනිසුන් එල්ලී ආ බව මම නො දුටුවෙමි. එසේ එල්ලී ආ අය මගේ ඇඟේ වැදීමෙන් මම පාරෙන් ඉවතට විසි වී වැටුණෙමි. වාසනාවට මා වැටුණේ පස් ගොඩකට ය. අට ශ්‍රේණියේ ළමයකු එසේ කා...

(2010 ජුනි 28,  W3Lanka )  කුරුණෑගල, දැදුරුඔය පාලම අසලදී ඊයේ සිදු වූ හදිසි අනතුරෙන් එක ම ගමේ එකම පවුලේ කුඩා දරුවන් දෙදෙනකු ඇතුළු සත්දෙනෙකු ඉතා කණගාටුදායක අන්දමින් මිය ගොස්, තවත් සත්දෙනෙකු තදබල ලෙස තුවාල ලබා තිබේ. කුරුණෑගල, උහුමීය ප්‍රදේශයේ සඳගල නම් පිටිසර ගමේ පදිංචිකරුවන් පිරිසක් වන මේ පිරිස අනතුරට පත් වූයේ ඔවුන්ගේ වෑන් රිය හා ගැටුණු පොහොර පටවාගෙන ගමන් කළ කන්ටේනර් රථයේ රියදුරුට නින්ද යාම නිසා බව පොලිස් පරීක්ෂණවලදී හෙළි වී ඇති බව ඇතැම් මාධ්‍ය පවසයි. 2007 අප්‍රේල් මස ගාලු පාරේදී බියර් රැගත් ට්‍රක් රියක් මගී බස් රියක ගැටී ගිනි ගැනීමෙන් බර වාහනයේ රියැදුරු ඇතුලු 20දෙනෙක් පිළිස්සී මිය ගිය හ. ත්‍රිරෝද රියැදුරන්ගේ හා පෞද්ගලික බස් රියැදුරන්ගේ නො සැලකිලිමත් රිය පැදවීම් පිළිබඳ බොහෝ දෙනෙකු කතා කර ඇතිමුත්, භාණ්ඩ ප්‍රවාහනයේ යෙදෙන හා දිවයින පුරා සිදු වන විවිධ සංවර්ධන කටයුතු සඳහා ගල්, වැලි ආදිය ගෙන යන බර වාහනවල රියැදුරන්ගේ නො සැලකිලිමත් රිය පැදවීම් පිළිබඳ ප්‍රමාණවත් අවධානයක් යොමු වී නැත.  මෙම වාහනවල දැවැන්තකම නිසා අනතුරකදී ඔවුන් තුවාල ලබනවාට වඩා ඔවුන් නිසා මාර්ග භාවිතා කරන සෙ...

(2009 ඔක්තෝබර්  21 - W3Lanka ) ලංකාවේ නීතිය හා සාමය ආරක්ෂා කිරීමට සිටින පොලිසිය මෙන් ම රට ආරක්ෂා කිරීමට සිටින හමුදාව ද රටේ නීතියට ගරු කිරීමෙන් ආදර්ශවත් විය යුතු මුත්, මහ මාර්ගයේදී මේ දෙපිරිස ම මාර්ග නීති තුට්ටුවකට නො තකති.  අද අළුයම කුරුණෑගල තෝරයායේදී අධි වේගයෙන් ධාවනය වූ යුද හමුදා මෝටර් රථයක් මාර්ගය අයිනේ නැවතුම් පහන් නො දල්වා නවතා තිබූ පොලිස් ට්‍රක් රියක ගැටීමෙන් මෝටර් රියේ ගමන් කළ හමුදා නිලධාරියකු මරුමුවට පත් වී තවත් නිලධාරීන් තිදෙනෙක් තුවාල ලැබූහ. මිය ගිය හමුදා නිලධාරිවරයා මඩු ප්‍රදේශය භාර ආඥාපති කර්නල් දුමින්ද අමරසේකරයි. මිය යන විට ඔහු 43වන වියේ පසු විය. ඔහු දරු තිදෙනෙකුගෙන් සමු ගන්නා පියෙකි.

(2009 ඔක්තෝබර්  13 - W3Lanka ) 1984 මෝටර් රථවාහන පනතින් සංශෝධිත 224වන වගන්තිය යටතේ මාර්ගයේ කහ ඉරි ඇඳ ඇති තැනින් පාර මාරු නොවී තම ජීවිතයට අනතුරක් ඇති විය හැකි ආකාරයට පාර පැනීම දඬුවම් ලැබිය හැකි වරදක් බව ඔබ දන්නවාද? දැනට ක්‍රියාත්මක නොවන මෙම නීතිය ක්‍රියාත්මක කිරීම සඳහා පොලිසිය සූදානම් වෙමින් සිටියි. එහි එක් පියවරක් ලෙස ඊ‍යේ උදෑසන කුරුණෑගල නගරයේ සිදු කරන ලද දෙපැයක මෙහෙයුමකදී ‍නො නිසි පරිදි මාර්ගය හරහා ගිය 200ක් අත්අඩංගුවට ගෙන අවවාද කර නිදහස් කර තිබේ. වරද කර හසු වූ අයගෙන් වැඩි පිරිසක් රජයේ සේවකයන් වු බව ද කුරුණෑගල පොලිසිය පවසයි. ලංකාවේ ජනයාට මාර්ග විනයක් ඇත්තේ ම නැති අතර, කහ ඉරි පෙනි පෙනී පාර පනින ඔවුහු පදික වේදිකාවල ඉඩ තිබියදීත් මහ පාරේ ගමන් කරති. පදික වේදිකා නැති මාර්ගවල වම් පැත්තෙන් යති. කහ ඉර උඩින් යද්දී පවා ආරක්ෂාකාරී ලෙස එය නො කරති.  මේ වැරදිවලට දඬුවම් කළ හැකි නීති ඇති බවවත් රටේ ජනයා නො දනිති.

(2009 ඔක්තෝබර්  07 - W3Lanka ) ඊයේ දකුණු පළාතේ සිදු වූ මාර්ග අනතුරු දෙකකින් පාරේ ගමන් කරමින් සිටි කුඩා දරුවන් දෙදෙනෙක් මිය ගියහ. වැලිගමදී කෝපයට පත් ජනතාව බස් රියක් ගිනි තැබූහ. මෙම දේශප්‍රේමී ක්‍රියාවෙන් සිදු වන එක ම දෙය ලංකාවට විදේශ විනිමය ප්‍රමාණයක් අහිමි වීම හා පොදු ප්‍රවාහන සේවාවල තදබදය තවත් ටිකක් වැඩි වීම පමණි.  මාර්ග අනතුරු සම්බන්ධයෙන් බොහෝ විට බැනුම් අසන්නේ බස් රියදුරෝයි. විශේෂයෙන් ම පෞද්ගලික බස් රියදුරන් තරගකාරී ලෙස මාර්ග නීති නො තකා බස් ධාවනය කරන බව ප්‍රසිද්ධ කාරණයකි. මහජනයාට තවත් කරදරයක් වන්නේ දේශපාලකයන්ගේ පවනට බඳු වේගයෙන් ඉගිලෙන රිය පෙළයි. ධර්ම රාජ්‍යයට මග පෙන්වන එක් පාර්ලිමේන්තු මන්ත්‍රී භික්ෂුවකගේ වාහනයට කහ ඉර මතදී යට වී කැලනිය විශ්වවිද්‍යාලයේ සේවකයෙකු මිය ගියේ නොබෝදා ය. මේ අතරතුර අවධානයෙන් ගිලිහෙන කාරණයක් වන්නේ පාරේ ගමන් කරන්නන් කෙතරම් විනයගරුක ද යන්නයි. පදික වේදිකා නොමැති මාර්ගවල පයින් යන විට වම් පැත්තෙන් යා යුතු බව ලාංකිකයන් දන්නවා ද, ඔවුන් එම නීතියට කෙතරම් ගරු කරනවා ද යන්න නිරීක්ෂණය කරන්නට අවශ්‍ය නම් දැන් පාරට බැස බලන්න.  ලංකාවේ ජනයා වාහනයක යන වි...

(2009 සැප්තැම්බර් 15 - W3Lanka) ලංකාවේ මාර්ග අනතුරු නිසා වසරකට මිය යන පුද්ගලයන් සංඛ්‍යාව 200 - 300 අතර වන බව ද, තවත් 50,000ක් පමණ දෙනා තුවාල වන බව ද සෞඛ්‍ය අමාත්‍යංශ ආරංචි මාර්ග පවසයි.  මේ එක් තුවාලකරුවකු සුව කිරීම සඳහා සාමාන්‍යෙයන් රු. මිලියනයේ සිට මිලියන දහය දක්වා වැය වන බැවින් රෝගියා රජයේ රෝහලකින් ප්‍රතිකාර ලැබුවද එම මුදල වාහන හිමියාගෙන් අය කර ගැනීම සඳහා නීති සම්පාදනය කිරීමට රජය තීරණය කර තිබේ. ලංකාවේ මිනිස්සු පාරේ පයින් යන විට වාහනවලට වෛර කරති. වාහනයක යන විට පාරේ යන මිනිසුන්ට වෛර කරති. පයින් යන්නෝ යා යුත්තේ දකුණු පැත්තේය යන නීතිය තුට්ටුවකට මායිම් නොකරති. ඔවුන් කහ ඉරි උඩින් යන්නේ අප්පාගේ බූදලය පරිහරණය කරන්නා සේ ය. කහ ඉරි අසල සවි කළ මාර්ග සංඥා කීපයක් කොළඹ හා ප්‍රධාන නගරවල තිබේ. ඒවායේ කොළ සංඥා එළ දැල්වෙනතුරු බලා සිටින්නට බැරි තරම් හදිස්සිකාරයන් වාහනවලට ඔරව ඔරවා කහ ඉරෙන් පාර පනින්නේ වාහන පදවන්නන් අමාරුවේ දමමිනි.වාහන පදවන්නෝ ද කහ ඉර ගණන් ගන්නේ නැත. බස් රියදුරෝ කහ ඉරි සීමා තුළ බස් නවත්වා සෙනඟ නංවති; බස්වති. කහ ඉරි අසලදී වාහන ඉස්සර කිරීම තහනම් බව බොහෝ රියදුරෝ නොදනිති. ලංකාවේ නග...