W3Lanka: Praja.lk Backup

ජිනීවාහි සිදු වන දෙය පිළිබඳ සාමාන්‍ය නිරීක්ෂණයක් ඔස්සේ දැකිය හැකි තත්වයක් වන්නේ මේ වන විට සිදු වන ක්‍රියාවලිය පිළිබඳ ලංකාවේ ආණ්ඩුව මෙන් ම දෙමළ ඩයස්පෝරාවත් අතෘප්තිමත් බවයි.  දෙමළ ඩයස්පෝරාවට අවශ්‍ය ලංකාවේ ආණ්ඩුවට පමණක් එරෙහිව යුද අපරාධ පිළිබඳ ජාත්‍යන්තර පරීක්ෂණයක් සිදු කර රජයේ හා හමුදාවේ නායකයන්ට එරෙහිව උපරිම පියවර ගන්නට ය.  ලංකාවේ ආණ්ඩුවට අවශ්‍ය නීතියෙන් බේරී සිටීමටයි. තමන් අතින් සිදු වූ වැරදි පිළිබඳ සොයා බලනවාට ලංකාව අකැමැති ය.  එහෙත්, මේ දෙක ම සිදු වන්නේ නැත. යුද අපරාධ පිළිබඳ පරීක්ෂණයක් සිදු වනවා නම් සිදු වන්නේ ආණ්ඩුවට මෙන් ම කොටි සංවිධානයට ද එරෙහිව ය. එසේ සිදු විය යුතු ය.  එසේම, දෙමළ ඩයස්පෝ‍රාවට අවශ්‍ය අරාජික තත්වය එක්සත් ජාතීන්ගේ සංවිධානයේ මැදිහත්වීමෙන් ලංකාවේ නිර්මානය කර ගන්නට ද බැරි ය. ජාත්‍යන්තර සංවිධාන කටයුතු කරන්නේ බලවත් රටවල උවමනාවන්ට පමණක් නො වේ. එක්සත් ජාතීන්ගේ සංවිධානය සම්බන්ධ ක්‍රියාවලි තුළ ප්‍රජාතන්ත්‍රවාදය, මානව හිමිකම් ආරක්ෂා කිරීම, යහපාලනය, සංවර්ධනය, දිළිඳුකම දුරලීම, පරිසරය ආරක්ෂා කිරීම වැනි ලංකාව ද එකඟ වී තිබෙන ජාත්‍යන්තර සම්මුති රැසක්...

(2011 මාර්තු 11,  W3Lanka )  මේ පොලිස් වික්‍රමයකි. මේ වීඩියෝවේ සිටින මන්ද මානසික පුද්ගලයාගේ අත තලවකැලේ පොලිසියේ නිලධාරීන් විසින් කඩා බිඳ දමා ඇත්තේ කඩයකින් මුදල් නො ගෙවා ෆැන්ටා බෝතලයක් බිව් වරදටයි. මේ ලිපියට ඔබ කැමති නම් වෙන අයත් එක්කත් බෙදා ගන්න

(2010 මාර්තු 05- W3Lanka )  ලංකාවේ යුද කාලයේ සිදු වූ මානව හිමිකම් උල්ලංඝනය වීම් පිළිබඳ ස්වාධීන පරීක්ෂණයක් පැවැත්විය යුතු බව එක්සත් ජාතීන්ගේ මානව හිමිකම් මානව හිමිකම් මහ කොමසාරිස් නවී පිල්ලෛ නැවත වතාවක් අවධාරණය කර ඇත.  සෑම පාර්ශ්වයකින් ම සිදු වූ බරපතල මානව හිමිකම් උල්ලංඝනයන් පිළිබඳව පරීක්ෂා කළ යුතු බව ද, ජාත්‍යන්තර ප්‍රජාවට ඒ සඳහා ලංකාවට උපකාර කළ හැකි බව ද ඇය පැවසුවා ය.  ඇය මෙම අවධාරණය කිරීම කළේ ජිනීවාහිදී දැන් පැවැත්වෙමින් තිබෙන එක්සත් ජාතීන්ගේ මානව හිමිකම් සභාවේ සැසි වාරයේදී වාර්ෂික වාර්තාව ඉදිරිපත් කරමිනි.  ඇය මෙසේ පැවසුවාය:  “I am convinced that Sri Lanka should undertake a full reckoning of the grave violations committed by all sides during the war, and that the international community can be helpful in this regard.”  

(2010 ජනවාරි 25 -W3Lanka) ජනාධිපතිවරණයේ විපක්ෂ අපේක්ෂක සරත් ‍ෆොන්සේකාට සහාය දැක්වීම පිණිස ලංකාවට පැමිණ සිටි ලයනල් බෝපගේ ආපසු දිවයිනෙන් පිටත්ව යද්දී බලධාරීන් විසින් පැය දෙකක් රඳවාගෙන ප්‍රශ්න කළ බව ප්‍රජාතන්ත්‍රවාදී ජනතා සන්ධානයේ ප්‍රකාශකයෙක් පැවසීය.  1971 කැරැල්ලේ ක්‍රියාකාරිකයකු ලෙස වසර ගණනක් අත්අඩංගුවේ සිට නිදහස්ව පැමිණි ලයනල් බෝපගේ 1982 දක්වා ජනතා විමුක්ති පෙරමුණේ ප්‍රධාන ලේකම් ධුරය දැරිය.  ඔහු කලක සිට පදිංචිව සිටින්නේ ඕස්ට්‍රේලියාවේ ය. ලංකාවේ දේශපාලනය පිළිබඳ උනන්දුවකින් කටයුතු කරන ඔහු නිතර ඒ පිළිබඳ විශ්ලේෂණ ඉදිරිපත් කරන්නෙකි.

(2009 ඔක්තෝබර්  24 - W3Lanka ) ලංකාවේ යුද අපරාධ සිදු වී ද යන්න තහවුරු කර ගැනීම සඳහා ඊශ්‍රායලයේ ගාසාහි පසුගිය වසරේ සිදු වූ ප්‍රහාරවලදී සිදු වූ මානව හිමිකම් කඩවීම පිළිබඳ එක්සත් ජාතීන්ගේ පරීක්ෂණය වැනි පියවරක් අවශ්‍ය බව එක්සත් ජාතීන්ගේ මානව හිමිකම් කොමිෂමේ ප්‍රකාශක රූපට් කොල්විල් පවසයි. ඔහු මෙම ප්‍රකාශය කළේ ඇමරිකා එක්සත් ජනපද රාජ්‍ය දෙපාර්තමේන්තුව විසින් කොංග්‍රසය වෙත භාර දෙන ලද වාර්තාවක යුද්ධයේ අවසාන භාගයේ සිදු වූ යුද අපරාධ පිළිබඳව මතු කර දැක්වීමෙන් දිනකට පසුවයි. රජයේ හමුදා සිවිල් වැසියන් ඉලක්ක කර ෂෙල් ප්‍රහාර එල්ල කිරීම හා කොටි සංවිධානය ළමා සොල්දාදුවන් බඳවා ගැනීම පිළිබඳව එහි සඳහන් වේ.  ඊට දින කීපයකට පෙර බ්‍රිතාන්‍ය විදේශ ලේකම් ඩේවිඩ් මිලිබෑන්ඩ් සහ ජාත්‍යන්තර සංවර්ධනය පිළිබඳ දෙපාර්තමේන්තුවේ රාජ්‍ය ලේකම් ඩග්ලස් ඇලෙක්සැන්ඩර් නිවේදනයක් නිකුත් කරමින් ඉල්ලා සිටියේ යුරෝපා සංගමය ජී.එස්.පී. ප්ලස් බදු සහනය ලංකාවට ලබා දීම හා අදාළව නිකුත් කර තිබෙන වාර්තාවේ සොයාගැනීම්වලට ප්‍රතිචාර ලෙස ජාත්‍යන්තර මානව හිමිකම් ප්‍රඥප්ති අනුව කටයුතු කරන ලෙසයි.