W3Lanka: Praja.lk Backup

චිත්‍ර ශිල්පී සමීර කළුපහන වාසු සහෝදරයාගේ ආලේඛ්‍ය චිත්‍රයක් නිර්මානය කරමින්  (2011 ජුනි 23,   W3Lanka )   මහින්ද රාජපක්ෂ ජනාධිපතිවරයාගේ උපදේශකවරයකු බවට පත් වන තෙක් අපි වාසුදේව සහෝදරයා සමග බොහෝ දේශපාලන ක්‍රියාකාරකම්වල යෙදුනෙමු. මෑතදී අගලවත්තේ පැවති කොල්වින් ආර්. ද සිල්වා සමරු සම්මන්ත්‍රණයකට පැමිණි ඔහු කොල්වින්ගේ වෘත්තීය සමිති නායකත්වය පිළිබඳ කතාවක් කරනු ලේඛකයා අසා සිටියේ ය. ඉස්සර මෙන් රැස්වීමෙන් පසු වාසු සහෝදරයා සමග කතා කරන ඇල්මක් ලේඛකයාට ඇති වූයේ නැත. ජනාධිපති උපදේශක ලෙස වැටුප් ගන්නා මුත්, ජනාධිපති ඔහුගෙන් ගන්නා උපදෙසක් නැති බව දන්නෝ දනිති. එහෙත්, ජනාධිපති උපදේශක හැඳුනුම්පත පෙන්නූ විට වාසු සහෝදරයාට බලය ඇත්තන්ගෙන් වෙනදාට වඩා සැලකිලි ලැබිණි. එහෙයින්, වාසු සහෝදරයාගේ ජනාධිපති උපදේශකකම පසුගිය භීෂණ සමයේදී වාමාංශිකයන්ට, සිවිල් සමාජ ක්‍රියාකාරිකයන්ට, ජනමාධ්‍යකරුවන්ට, දෙමළ මිනිසුන්ට පිළිසරණක් සැපයීම සඳහා ‍භාවිතා වූ අවස්ථා බොහෝ තිබේ. වාසු සහෝදරයා ජනාධිපති උපදේශක බලය පාවිච්චි කර මුදල් හම්බ කරන්නට ඇතැයි අපි නො සිතමු. ඡන්දවලට වියදම් කරන්නට යමක් සොයා ගන්නට නම් ඇත. වමේ පක්ෂයකින්...

මගේ ස්ථාවරය වුණේ කලාව යථාර්ථය ජය ගැනීමේ භාවිතයක් කියන එකයි. මිනිසා, මානව සමාජය ඇතුළු සොබාදහම ජය ගැනීම සඳහා කරන විප්ලවීය මැදිහත්වීමෙන් තමා කලාව ඇතුළු අධ්‍යාත්මික සංස්කෘතික උරුමය ගොඩනැඟෙන්නෙ. මහාචාර්ය ගම්ලත් ඊට එරෙහි ව කියා සිටියේ කලාවෙන් යථාර්ථය ජයගන්න බැරි බවයි.. එය ජයගත හැක්කේ විප්ලවයෙන් හා යථාර්ථය වෙනස් කිරීමේ භාවිතයෙන් බවත් ඔහු කියා සිටියා. ඒක අපෝහක භෞතිකවාදයට ප්‍රතිපක්ෂ යාන්ත්‍රික භෞතිකවාදී ආස්ථානයක් හැටියටයි මා දකින්නේ. කොහොම වුණත් අදටත් අපි දෙන්නාගේ ස්ථාවරවල වෙනසක් සිදු වී නැති බවයි පෙනෙන්නේ. මහාචාර්ය පියසීලි විජේගුණසිංහ (සිළුමිණ 2009-08-30) ( 2010 සැප්තැම්බර් 25,  W3Lanka ,  ප‍්‍රදීප් ජයරත්න )   දහ අට සන්නිය නටා පේ වීමට මත්තෙන් පියසීලී මෙලොවින් සමුගෙන තිබිණි. වාසුට එලෝ මෙලෝ නැති ස්ථාවරයක් ගැනීමට ධෛර්යය ලැබුණේ ඒ නිසාදෝයි මට නොයෙක් වර සිතුණි. ලාංකීය දේශපාලනයේ හෘදය සාක්ෂිය ලෙස, වරක් නිර්මාල් විසින් වාසුව හඳුන්වා දෙන විට එම අදහස සමඟ යහමින් එකඟ වීමට එවකට මට හේතු ගණනාවක්ම තිබුණේය. දේශපාලන වේදිකාව අත් නොහැර සතුරු- මිතුරු කඳවුර අතර බෙදීම දිය කරමින් නව බෙදීම් නිර්...

( 2010 සැප්තැම්බර් 09,  W3Lanka )   තම මව් බස පරිහරණය කිරීමට නො දත් පුද්ගලයකු විසින්  ඉතා දුර්වල සිංහල භාෂාවකින් ලියා ඇති පහත පළ වන ලේඛනය ඓතිහාසික වශයෙන් වැදගත් වේ. මක් නිසාද යත්, මෙය ලියූ කලක් අපගේ ගෞරවයට පාත්‍රව සිටි වාසුදේව නානායක්කාර නම් ‍වාම ලිබරල්වාදියාගේ දේශපාලනික මරණ සහතිකය ලෙස සැලකිය හැකි බැවිනි. මෙතැන් සිට අප දකින ශරීරයේ කලින් සිටි වාසුදේවගේ රැවුලවත් නැති බව මෙම ලේඛනය දෙස් දෙයි. අප විසින් ඉස්මතු කර දක්වන කොටස් කෙරෙහි ඔබගේ අවධානය යොමු කරන්න. රතු අකුරෙන් දක්වා ඇති වගන්තිය විශේෂ ය. ඉතිහාසයක් පුරා මානව හිමිකම්, සාධාරණත්වය හා ප්‍රජාතන්ත්‍රවාදය වෙනුවෙන් පෙනී සිටි  මෙම වයෝවෘද්ධ වාමාංශිකයා තම මතයට විරුද්ධ වූ සිය පාක්ෂිකයන්, තමන් පවා බියෙන් යටත් වන ඒකාධිපති මර්දන යන්ත්‍රයට පාවා දෙන නින්දිත ආකාරය බලන්න.  18 වෙනි ව්‍යවස්ථා සංශෝධනය සහ ප‍්‍රජාතන්ත‍්‍රවාදී වාමාංශික පෙරමුනේ ස්ථාවරය ජනාධිපතිතුමාගේ ධුරකාලයේ සීමාවත් ඉවත් කිරීමත්, ස්වාධීන කොමිෂන් සභා පත් කිරීම සඳහා සම්මත කර ගෙන  තිබූ නීතිය බලරහිත කිරීමත් 18 වෙනි ව්‍යවස්ථා සංශෝධනයේ හරයයි. ජනාධිපති ආණ්ඩු ක‍්‍රම ...

මාක්ස්, එංගල්ස්, ලෙනින් මුත්තේ ඇන්.ඇම්,  එස්. ඒ. වික්‍රමසිංහ තාත්තේ කොහිද දැන් ඔබ ඇත්තේ  මෙන්න ඔබ හැදූ පක්ෂ තත්තේ පිනට දුන් තනතුරුවල පුටු රත් කරන පස්සවල අතින් කන කටවල අසික්කිතකම ඇත‍ කේක්වල   ඒකාධිපතියන් ඔසවා තබන නිවටුන්  කියූ නරිවාදං පෙරේ උන් රෙදි පල්ලෙන් ඉතිහාසය මත පහරන බළලුන්ට කළ අවිනීතකම බැරි වෙයි වහගන්ට නැත, තවමත් පමා නැත නිවැරදි වන්ට සිත එඩි වඩා සොයුරනි පෙරටම එන්ට   You may also like to read our English blog   Lanka Polity

(2010 අප්‍රේල් 11 -  W3Lanka )  මහ මැතිවරණයට තරග කළ පැරණි වාමාංශික පක්ෂවලට ආසන තුනක් හිමි වි තිබේ.  රත්නපුර දිස්ත්‍රික්කයෙන් තරග කළ ප්‍රජාතන්ත්‍රවාදී වාමාංශික පෙරමුණේ වාසුදේව නානායක්කාර ද, මාතර දිස්ත්‍රික්කයෙන් තරග කළ කොමියුනිස්ට් පක්ෂයේ චන්ද්‍රසිරි ගජධීර ද, කැගල්ල දිස්ත්‍රික්කයෙන් තරග කළ සමසමාජ පක්ෂයේ වයි.ඒ. පද්මසිරි ද පාර්ලිමේන්තුවට තේරී පත් වී සිටිති.  පැරණි වමේ පක්ෂ සන්ධානයක් ලෙස එක්සත් ජනතා නිදහස් සන්ධානයට එක් වූ අතර ඔවුන් කොළඹ දිස්ත්‍රික්කයේදී සහාය දැක්වූ මහජන එක්සත් පෙරමුණේ දිනේෂ් ගුණවර්ධන ද පාර්ලිමේන්තුවට තේරී පත් වී සි‍ටියි. සමසමාජ පක්ෂයේ තිස්ස විතාරණ හා කොමියුනිස්ට් පක්ෂයේ ඩිව් ගුණසේකර ජාතික ලැයිස්තුවෙන් පාර්ලිමේන්තුවට පත් වීමට නියමිත ය. 

(සැප්තැම්බර් 25, 2009 - W3Lanka) වරාය අධිකාරියට හිමි ඉඩමක් ජෝන් කීල්ස් සමාගමට පැවරීමේදී රජයට පාඩු සිදු කිරීමේ චෝදනාවට වරදකරු වී ලක්ෂ පහක වන්දියක් ගෙවූ මුදල් අමාත්‍යංශයේ හිටපු ලේකම් ආචාර්ය පී.බී. ජයසුන්දර ළඟදීම යළි එම තනතුරට පත් වනු ඇති බව විශ්වාස කටයුතු ආරංචි මාර්ග පවසයි.  හිටපු අග විනිසුරු සරත් එන්. සිල්වාගේ ඇණවුම පරිදි ඉදිරියේදී කිසිදු රජයේ තනතුරක් භාර නොගන්නා බවට ජයසුන්දර විසින් ශ්‍රේෂ්ඨාධිකරණයට ඉදිරිපත් කරන ලද දිවුරුම් පෙත්සම ඉල්ලා අස් කර ගැනීමට ඉඩ දීමට ඊයේ ඔහුගේ ඉල්ලීමක් සලකා බැලූ ශ්‍රේෂ්ඨාධිකරණයේ සත් පුද්ගල විනිසුරු මඬුල්ලක් විසින් බහුතර කැමැත්ත මත එකඟත්වය පළ කරන ලදී. අග්‍ර විනිශ්චයකාර අසෝක ද සිල්වා විසින් සභාපතිත්වය හොබවන ලද මෙම විනිසුරු මඬුල්ලේ ආචාර්ය ශිරානි තිලකවර්ධන විනිසුරුවරිය පමණක් මෙම තීන්දුවට එකඟ නොවූවාය.  යළිත් මුදල් අමාත්‍යංශ ලේකම් ධුරය භාර ගන්නා ලෙස ජනාධිපති මහින්ද රාජපක්ෂ තමන්ගෙන් ඉල්ලා ඇති බව ජයසුන්දර ශ්‍රේෂ්ථාධිකරණයට ඉදිරිපත් කරන ලද මෝසමේ සඳහන් කරයි.  ජයසුන්දර ජනාධිපති මහින්ද රාජපක්ෂගේ සමීප හිතවතකු වන අතර ඔහු වරදකරු වූ මානව හිමිකම් නඩුව ගොනු...