W3Lanka: Praja.lk Backup

දෙමළ ජාතික සන්ධානයේ නායක ආර්. සම්බන්ධන් හෙට ජනාධිපති මහින්ද රාජපක්ෂ හමුවෙයි.  ඔවුන් සාකච්ඡා කරන්නට නියමිතව ඇත්තේ නැගෙනහිර පළාත් සභා ආණ්ඩුවේ පාලනයට දෙමළ ජාතික සන්ධානය සම්බන්ධ වන ආකාරයයි.  අද පවතින තත්වය තුළ, ආණ්ඩුවට සම්බන්ධයක් නැති මහජන නියෝජිතයන්ගෙන් මහජනතාවට පලක් ප්‍රයෝජනයක් නැත. ඔවුන්ට ඈත ගමක පාරක් කොංක්‍රීට් කරදෙන්නටවත් බැරිය. මුස්ලිම් කොංග්‍රසය ආණ්ඩුව සමග කේවෙල් කර තමන්ට වාසි ලබාගනිද්දී දෙමළ ජාතික සන්ධානය එසේ නොකරන්නේ ඇයිද යන ප්‍රශ්නකිරීම ඇති විය. කරුණා අම්මාන්ලා, පිල්ලෙයන්ලා, දේවානන්දාලා වැනි දෙමළ ප්‍රතිගාමීන්ට සමාජ පිළිගැනීමක් ඇතිවන්නේද මෙම සංදර්භය තුළයි. ඉතින් මෙතෙක් පිටතින් සිට කළ නිරීක්ෂක භූමිකාවට තිත තබන්නට දැන් දෙමළ ජාතික සන්ධානය සූදානම් වෙමින් සිටියි. ඔව්හිද ආණ්ඩුව සමග සම්මුතිගත වනු ඇත. මේ වනාහි දෙමළ ඊලාම්වාදයේ තීරණාත්මක පරාජයක් බව පිළිගන්නට සිදුවනු ඇත.  ලංකාවේ දෙමළ ප්‍රජාතන්ත්‍රවාදී දේශපාලනය ඩයස්පෝරාවේ පාලනයෙන් මුළුමනින්ම ගිලිහී යමින් තිබේ. එය සිදු වන්නේ ලංකාවේ දෙමළ ජනතාව ජීවත්වන පොළවේ යථාර්ථයන් අනුවය.  උතුරු නැගෙනහිර පළාත්වල ජීවත් වන දෙමළ ජනයාට ...

නැගෙනහිර පළාතේ දෙමළ මුස්ලිම් සන්ධානයක හැදෙන්නට ඔන්න, මෙන්න තත්වයකට ගොස් අකුරණ මුස්ලිම් ජාතිකයකු වූ ඇමති රාවුෆ් හකීම් නිසා එය වළක්වා ගැනීමට ජනාධිපති මහින්ද රාජපක්ෂ සමත් වී තිබේ.  එකම බස කතා කරන එකම ජාතික මූලයක් සහිත මෙම ජනවර්ග දෙකේ ප්‍රධාන දේශපාලන පක්ෂ දෙක වන ශ්‍රී ලංකා මුස්ලිම් කොංග්‍රසය හා දෙමළ ජාතික සන්ධානය අතර මැතිවරණ සන්ධානයක් ගොඩනැඟුනානම් එය ඓතිහාසික දේශපාලන සන්ධානයක් වනු ඇත. දෙමළ හා මුස්ලිම් ජනවර්ගයන් අතර යහපත් සම්බන්ධයක් නැති මුත්, සෙස දේශපාලනසන්ධානය එවැන්නක පදනමක් වන්නට ඉඩ තිබිණි.  මෙම පක්ෂ දෙක අතර සන්ධානයකට මුල පිරුණේ නෝර්වීජියානු මැදිහත්වීමකින් බව දි අයිලන්ඩ් පුවත්පත පවසයි. එහි සත්‍ය අසත්‍යභාවය කෙසේ වෙතත්, එවැනි සන්ධානයක දේශපාලන වැදලත්කම ‍දෙමළ ජාතික සන්ධානය හෝ ශ්‍රී ලංකා මුස්ලිම් කොංග්‍රසය පවා බැරෑරුම් ලෙස ගත් බවක් දක්නට නො ලැබිණි.  මෙම සන්ධානය බිහි වූවා නම් බොහෝ දුරට නැගෙනහිර පළාතේ බලය එම සන්ධානයට හිමි වන්නට තිබිණි.  ශ්‍රී ලංකා මුස්ලිම් කොංත්‍රසය මුලදී මහ ඇමතිකම, ඇමති තනතුරු දෙකක් හා බෝනස් මන්ත්‍රීකම් තුනෙන් එකක් දෙන්නේ නම් පමණක් ප්‍රධා...

(2011 ජුනි 11,   W3Lanka )   1990දී, එවකට ජනාධිපති ආර්. ප්‍රේමදාස හා දෙමළ ඊලාම් විමුක්ති කොටි සංවිධානය අතර සාකච්ඡා පැවැත්වෙමින් තිබියදී, ජනාධිපති විසින් පොලිස්පති ෆ්‍රෑන්ක් ද සිල්වා හරහා ලබා දෙන ලද නියෝගයකට අනුව කොටි සංවිධානයට යටත් වූ පොලිස් නිලධාරීන් 600ක් දෙනා කොටින් විසින් මරා දමා අදට 21 වසරකි. 1990 ජුනි මස රජයේ නියෝගය අනුව ආයුධ බිම තබා යටත් වූ මෙම සිංහල හා මුස්ලිම් ජාතික පොලිස් නිලධාරීන් කොටි සංවිධානය විසින් කල්කුඩා පරණ පොලිසිය හා කල්කුඩා ජැටිය අසලදී මරා දමන ලද බව කියැවේ. පොලිස්පති ෆ්‍රෑන්ක් සිල්වා විසින් යුද සන්නිවේදන උපකරණ මාර්ගයෙන් මෙම යටත් වීමේ නියෝගය ලබා දුන් පසු එවකට කොටි සංවිධානයේ නැගෙනහිර පළාතේ සන්නද්ධ නායක කරුණා අම්මාන් ද සන්නිවේදන මාර්ග ඔස්සේ කතා කර, පොලිස් ස්ථානයේ සුදු කොඩියක් ඔසවා යටත් ව පැමිණෙන පොලිස් භටයන්ට අම්පාර සිට ආරක්ෂිතව නිවෙස් කරා යාමට පහසුකම් සලස්වා ඇති බව පැවසූ බව එදා යටත් නො වී පණ බේරා ගත් පොලිස් නිලධාරීහු පවසති. එහෙත්, පසුගියදා උගත් පාඩම් කොමිෂම හමුවේ සාක්කි දුන් කරුණා අම්මාන් පැවසුවේ මෙම පොලිස් නිලධාරීන්ගේ ඝාතනයට වගකිව යුත්තේ කොටි නායක ප්...

(2009 දෙසැම්බර් 16 - W3Lanka ) දෙසැම්බර් 14 වැනිදා උදෑසන 8.30 සිට 15දා උදෑසන 8.30 දක්වා පැය විසිහතර ඇතුළත මඩකලපුව දිස්ත‍්‍රික්කයට මිලිමීටර 241.7ක වර්ශාපතනයක් ලැබී  ඇත. වායුගෝලයේ ඇති වූ අවපීඩන තත්වය නිසා ඇදහැලූණු අධික වැසි හේතුවෙන් නැගෙනහිර පළාතේ පවුල් 82,312ක් පීඩාවට පත්ව ඇතැයි ආපදා කළමනාකරණ මධ්‍යස්ථානය පවසයි. වැසි සමග ඇතිවූ අකුණු සැර වැදීම් නිසා අම්පාර තිරක්කාමනු ප‍්‍රදේශයේ එක් පුද්ගලයෙක් මියගොස් ඇත. ගංවතුර තත්වය නිසා නැගෙනහිර පළාතේ පුද්ගලයින් රැසක් අවතැන්ව සිටින අතර වැඩිම අවතැන් පිරිසක් මඩකලපුව දිස්ත‍්‍රික්කයෙන් වාර්තාවෙයි. මඩකලපුව දිස්ත‍්‍රික්කයේ පවුල් 330ක පුද්ගලයින් 779දෙනෙක් අවතැන්ව සිටින අතර ත‍්‍රිකුණාමලය දිස්ත‍්‍රික්කයේ පවුල් 123ක් අවතැන්ව සිටී. ගංවතුර තත්වය වැඩියෙන්ම බලපා ඇති මඩකලපුව දිස්ත‍්‍රික්කයේ පවුල් 76,511 ක්, ත‍්‍රිකුණාමලය දිස්ත‍්‍රික්කයේ පවුල් 5392ක් හා අම්පාර දිස්ත‍්‍රික්කයේ පවුල් 409ක් ගංවතුරින් පීඩාවට පත්ව තිබෙන බව ආපදා කළමනාකරණ ම්‍යස්ථානය පවසයි.  මඩකලපුව දිස්ත‍්‍රික්කයේ නිවාස 92 ක් පූර්ණ වශයෙන් හානියට පත්ව ඇති අතර නිවාස 1033කට අර්ධ හානි ස...