W3Lanka: Praja.lk Backup

( 2010 සැප්තැම්බර් 11,  W3Lanka )  පශ්චාත් යුද කාලින ලංකාවේ ආරක්ෂක විධිවිධාන සැකසෙමින් තිබෙන්නේ මහේක්ෂ ස්වරූපී ප්‍රචණ්ඩ ප්‍රතිරෝධයන්ට මුළු ඉඩකඩ ම ඇවිරෙන අන්දමින් ය. මෙහි මුලික ලක්ෂණයක් වන්නේ දුපත වෙනත් ගොඩබිම් හා අනියමින් සම්බන්ධ කර ගනිමින් යුද්ධෝපකරණ හා මිනිසුන් එහා මෙහා ගෙන යාම වැළැක්වීම පිණිස නාවික හමුදාව ශක්තිමත් කිරීමයි. මේ වන විට නාවික හමුදාව සිය වයඹදිග මූලස්ථානය පුත්තලමේ සිට වඩා උතුරින් පිහිටි මුල්ලිකුලම් වෙත ගෙන ගියේ ද ඉනිදියාවට වඩා ආසන්න කලාපයේ සාමුද්‍රික ක්‍රියා දැඩි පාලනයකට ලක් කිරීමේ අරමුණිනි. යුද්ධයේ අවසානයෙන් පසු මිළ දී ගත් ඊශ්‍රායාලයේ නිෂ්පාදිත වේග ප්‍රහාරක යාත්‍රා හයක් දැන් නාවික යාත්‍රා අතරට එක් වෙමින් තිබේ. කොටි සංවිධානය දේශීය වශයෙන් ද ප්‍රතිසංවිධානය වෙමින් ඇති බවට අනුමාන කළ හැකි සාධක තිබේ. නිදසුනක් ලෙස ජනාධිපතිවරයා බදුල්ලේ සංචාරය කළ සමයේ එහි ඔත්තු බැලීමේ යෙදී සිටි බවට සැක පිට දෙමළ පුද්ගලයන් දෙදෙනෙකු අත්අඩංගුවට ගත් බව ආරක්ෂක අංශ වාර්තා කළේ ය. සන්නද්ධ ක්‍රියාකාරකම් පවත්වාගෙන යාම සඳහා කොටි සංවිධානය තමිල්නාඩු ප්‍රාන්තය භාවිතා කිරීමට උත්සාහ ගනිමින් ඇති බ...

(2009 නොවැම්බර් 30 - W3Lanka ) ත්‍රිකුණාමලය කොඩ් බේ ධීවර වරාය නාවික හමුදා කඳවුරේ සෙබළුන් පිරිසක් සමග ගැටුමක් ඇති කර ගැනීමෙන් පසු හිටිවනම අතුරුදහන් වූ සිංහල තරුණයකුගේ මිනිය වෙරළට ගොඩගැසීමේ සිද්ධිය පිළිබඳ විශේෂ රහස් පොලිස් පරීක්ෂණයක් ආරම්භ වන බව පොලිස් ආරංචි මාර්ග පවසයි.  මෙම තරුණයා සමග ගැටුණු නාවික හමුදා සෙබළුන් තිදෙනෙකු මේ වන විට ‍මෙම තරුණයා මරා දැමීම සම්බන්ධයෙන් සැක පිට අත්අඩංගුවට ගෙන තිබේ.  බහුදින යාත්‍රා මුරකරුවකු වන කේ.එච්. සමන්ත කුමාර නම් වන මෙම තරුණයා කොඩ් බේ ධීවර වරායේ බහු දින යාත්‍රා මුරකරුවෙකි. ඔහුගේ මරණය සම්බන්ධයෙන්ප්‍රදේශයේ ජනතාව නාවික හමුදාවට එරෙහිව උද්ඝෝෂණය කරයි. 

(2009 නොවැම්බර් 03 - W3Lanka ) ලංකාවේ නාවික හමුදාවත් සමග චීන ජාතිකයන් සිටින බවට දකුණු ඉන්දියාවේ රාමනාදපුරම් ධීවරයන් කර ඇති ප්‍රකාශත් සමග ඉන්දීය මාධ්‍ය අවධානය ඒ කෙරෙහි යොමු වී තිබේ.  ලංකාවේ නාවික හමුදාව ගැඹුරු මුහුදේදී තමනට පහර දුන් බව පවසන මෙම ධීවරයෝ එහිදී ලංකාවේ නාවික හමුදාව සමග එම නිල ඇඳුමෙන් සැරසුණු චීන හැඩරුව ඇති අය සිටින බව ද පවසා තිබේ.  මෙම ප්‍රකාශ තහවුරු වී නැතිමුත් ජනමාධ්‍ය විසින් මෙම තත්වය ඉන්දීය ජාතික ආරක්ෂාවට තර්ජනයක් විය හැකි බව පෙන්වා දී තිබේ. චීනයත් ඉන්දියාවත් අතර කලාපීය ආධිපත්‍යය වෙනුවෙන් බල අරගලයක් ඇත. 1962දී දේශසීමා ප‍්‍රශ්නයක් මත චීනය ඉන්දියාව සමග යුද වැදුණේය.  ඉන්දීය උපායික විශේෂඥයන් වර්තමානයේදී පෙන්වා දෙන්නේ අනාගත ගැටුම්වල සැබෑ රණබිම වන්නේ ඉන්දීය උප මහාද්වීපය වටා ඇති මුහුද බවයි.  ලෝකයේ සමුද්‍ර වෙළඳාමෙන් අඩක් පමණ සිදු වන්නේ ඉන්දීය සාගරය හරහායි. එයට මුහුණ ලා පිහිටි රටවල් ලෝකයේ තෙල් සම්පත්වලින් 60%කට වඩා සහ ගෑස් සංචිතවලින් තුනෙන් දෙකකට උරුම කියති. විශේෂයෙන්ම අප‍්‍රිකාවෙන් සිය රටට අවශ්‍ය දැවැන්ත තෙල් සහ ස්වාභාවික සම්පත් සැපයුම තහවුරු කරගැ...