W3Lanka: Praja.lk Backup

(2009 නොවැම්බර් 12 - W3Lanka )  ඕස්ට්‍රේලියා ගුවන් විදුලියේ වැඩසටහනකට සහභාගි වෙමින් එක්සත් ජාතීන්ගේ ශ්‍රී ලංකා තානාපති පාලිත කොහොන පවසන්නේ ඕස්ට්‍රේලියාවට පළා යන ලාංකිකයන් මෙරටින් තල්ලු කරන සාධකවලට වඩා ඇත්තේ ඕස්ට්‍රේලියාවට ඔව්නු ඇදී යන සාධක බවයි.  "ඔවුන් ඇත්තෙන් ම ලංකාවෙන් පළා යන්නේ නම් යමකු ඇසිය යුත්තේ ඔව්න් සැතපුම් 22ක් ඈතින් ඇති ඉන්දියාවට පළා නො යන්නේ මන්ද යන්නයි" යි පවසන කොහොන කියන්නේ මේ මිනිසුන් ඕස්ට්‍රේලියාවට පළා යන්නේ එරට වඩා යහපත් ජීවිතයක් අපේක්ෂාවෙන් බවයි. පාලිත කොහොන යනු මීට කලකට පෙර එසේ ඕස්ට්‍රේලියාවට ලංකාවෙන් ඇදී ගිය එරට පුරවැසියෙකි. කලක් එක්සත් ජාතීන්ගේ සංවිධානයේ සේවය කළ ඔහු මහින්ද රාජපක්ෂ ජනාධිපතිවරයාගේ හිතවත්කම නිසා ලංකාවේ විදේශ අමාත්‍යංශයේ ලේකම් ධුරයට පත් වී දේශප්‍රේමියකු බවට පත් විය. ඉන්දුනීසියානු මුහුදු සීමාවේදී ඕස්ට්‍රේලියාව විසින් අත්අඩංගුවට ගෙන රැකවරණ ඉල්ලීම් සලකා බැලීම සඳහා ඉන්දුනීසියාවේ රැඳවීම පිණිස යවා තිබෙන, දැනට මාසයකට ආසන්න කාලයක් තිස්සේ ඕස්ට්‍රේලියානු රේගු නෞකාවෙන් බැසීම ප්‍රතික්ෂේප කරමින් සිටින ලාංකිකයන් 78දෙනා පිළිබඳව කොහොන පවසන්නේ එසේ...

(2009 නොවැම්බර් 05 - W3Lanka ) නීතිවිරෝධී ලෙස බහුදින ධීවර යාත්‍රාවකින් ඕස්ට්‍රේලියාව බලා පිටත්වීමට සූදානම්ව සිටි 40දෙනෙකුගෙන් 12දෙනෙකු එය සංවිධානය කළ පුද්ගලයා හා බහුදින යාත්‍රාව රහස් පොලීසියේ පුද්ගලයන් නීති විරෝධී ලෙස විදේශගතවීම් වැළැක්වීමේ අංශයේ පොලිස් කණ්ඩායමක් විසින් අත්අඩංගුවට ගෙන තිබේ. අත්අඩංගුවට ගන්නා විට යාත්‍රාවේ ඩීසල් ලීටර් 6586 ක් පුරවා තිබි ඇත. මෙම කා්ර්යය මෙහෙයවූ කටුනේරිය ප්‍රදේශයේ පුද්ගලයකුගෙන් පොලිසිය මේවන විට පුළුල් ලෙස ප්‍රශ්න කරයි. ඔහු 1997 සහ 2002 වර්ෂවලදී ද මෙලෙසම නීති විරෝධී ලෙස පුද්ගලයින් රැගෙන ඕස්ට්‍රේලියාවට ගොස් ඇති බව අනාවරණය වී ඇතැයි පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති නිමල් මැදිවක මහතා දිනමිණ ට කීය. අත්අඩංගුවට ගත් සැකකරුවන්ගෙන් අටදෙනෙකු මඩකළපුව පෙරියකල්ලාර් ප්‍රදේශයේ පදිංචිකරුවන් බව ද ඔහු කීය.  මේ අතර ඕස්ට්‍රේලියාව ලංකාවෙන් එරටට සිදු වන නීතිවිරෝධී සංක්‍රමණ පිළිබඳ කටයුතු කිරීම සඳහා විශේෂ නියෝජිතයකු ලෙස හිටපු මහ කොමසාරිස් ජෝන් මැකාති පත් කර ඇත. ඔහු ළඟදී ම ලංකාවට පැමිණීමට නියමිත ය.  මීට දින කීපයකට පෙර ලාංකිකයන් රැගත් එක් බෝ...

(2009 නොවැම්බර් 04 - W3Lanka ) දියුණු රටවල රැකවරණය සොයන ශ‍්‍රී ලාංකිකයන්ගේ අනතුරුදායක මුහුදු ගමන් පිළිබඳ ලෝක අවධානය යොමු වන සිද්ධියක් පසුගියදා  ඕස්ටේ‍්‍රලියාවේ කොකෝස් දූපත ආසන්නයේදී සිදු විය. ලංකාවේ සිට  ඕස්ටේ‍්‍රලියාව බලා ගමන් කරමින් සිටි සිය ගණනක් ජනයා රැගත් නැව් දෙකක් ඉන්දුනීසියානු රජය විසින් අත්අඩංගුවට ගැනීමෙන් පසු 39දෙනෙකුගෙන් යුත් ශ‍්‍රී ලාංකික පිරිසක් විසින් ඉන්දුනීසියාව මගහැර කෙළින් ම  ඕස්ටේ‍්‍රලියාව වෙත යන අනතුරුදායක ගමනකට මුල පුරා තිබේ. එහෙත්,  ඕස්ටේ‍්‍රලියාවට වයඹ දෙසින් පිහිටි එරටට අයත් කොකෝස් දූපත්වලට කිලෝමීටර් 650ක් පමණ ව්‍යඹදිග මුහුදේදී මෙම පිරිස රැගත් යාත‍්‍රාව අනතුරට පත් වී තිබේ. එම යාත‍්‍රාව විසින්  ඕස්ටේ‍්‍රලියානු බලධාරීන් වෙත අනතුරු සංඥා රැසක් නිකුත් කර තිබේ. කොකෝස් දූපත් පිහිටා ඇත්තේ දළ වශයෙන් ලංකාව හා  ඕස්ටේ‍්‍රලියාව අතර මැද හරියේ ය. තායිවාන ට්‍රෝලර් යාත‍්‍රාවක් මෙම අනතුරු සංඥා ලැබ එහි යන විටත් යාත‍්‍රාව හො`දින් තිබී ඇත. එහි පතුලේ සිදුරකින් වතුර කාන්දු වෙමින් තිබුණු බව කියැවේ. එහෙත් මේ මොහොතේ අනතුරට පත් යාත‍්‍රාව පෙරළී ඇත. ඒ වන ...

(2009 නොවැම්බර් 04 - W3Lanka ) ඕස්ටේ‍්‍රලියාව බලා යාත‍්‍රා කරමින් සිටියදී එරට නාවික හමුදාව විසින් සුමාත‍්‍රා දිවයින අසලදී දෙසතියකට පමණ පෙර අත්අඩංගුවට ගෙන ඉන්දුනීසියාව වෙත එවා තිබෙන ශ‍්‍රී ලාංකික සරණාගතයන් 78දෙනා ඔවුන් දැනට සිටින ඕෂනික් වයිකිං  ඕස්ටේ‍්‍රලියානු රේගු නෞකාවෙන් බැසීම ප‍්‍රතික්ෂේප කර වෛද්‍ය ප‍්‍රතිකාර පවා එපා කියමින්, සියදිවි නසා ගන්නා බවට තර්ජනය කරමින් තමන් ඉන්දුනීසියාවේ රැඳවීමට ගෙන ඇති තීරණයට විරෝධය පාති. මෙම සරණාගත පිරිස දැන් ඉන්දුනීසියාව හා  ඕස්ටේ‍්‍රලියාව අතර රාජ්‍ය තාන්ත‍්‍රික ප‍්‍රශ්නයක් වී තිබේ.  ඕස්ටේ‍්‍රලියානු අගමැති කෙවින් රඩ් හා ඉන්දුනීසියානු ජනාධිපති සුසිලෝ බැන්බැන් අතර ගිවිසුමක් අනුව මෙම පිරිස ඉන්දුනීසියාවේ රඳවා ඔවුන්ගේ රැකවරණ ඉල්ලීම් සලකා බැලීමට  ඕස්ටේ‍්‍රලියාව පියවර ගෙන ඇත්තේ ඒ හරහා ඉන්දුනීසියාවේ සිරගෙවල්වල කටුක තත්වයන් හේතුවෙන් මෙවැනි සංක‍්‍රමණ අධෛර්යය කිරීමේ බලාපොරොත්තුවෙනි. එහෙත් දැන් ඉන්දුනීසියාවෙන් ද මෙම පිරිස භාර ගැනීම ප‍්‍රතික්ෂේප වෙමින් ඇති අතර ඔවුන් භාර ගැනීමට එරෙහිව එරට උද්ඝෝෂණ ද පවතී. එම පිරිස භාර ගැනීම ඉන්දුනීසියානු දූපත්...

(2009 ඔක්තෝබර්  27 - W3Lanka )  ලංකාවේ සිට ඕස්ට්‍රේලියාව බලා පළා යමින් සිටියදී බෝට්ටුව කැඩී අනතුරට පත්ව සිටියදී ඕස්ට්‍රේලියානු නාවික හමුදාව විසින් සුමාත්‍රා අසලදී බේරාගෙන රැකවරණ ඉල්ලීම් සලකා බැලීම පිණිස ඉන්දුනීසියාව වෙත ආපසු හරවා එවන ලද ලාංකික සරණාගතයන් 78දෙනෙකුගෙන් යුත් පිරිස භාර ගැනීම ඉන්දුනීසියානු දූපත් ආණ්ඩුකාරවරයකු විසින් ප්‍රතික්ෂේප කර තිබේ.  ඉන්දුනීසියාව සරණාගතයන් ගොඩබෑම සඳහා ඇති භූමියක් නො වන බව ඔවුන් බැස්වීම සඳහා සැලසුම් කර ඇති කිජැං වරාය පිහිටි රියාවු දූපතේ ආණ්ඩුකාර ඉස්මෙත් අබ්දුල්ලා පවසන්නේ ජනාධිපති නියෝගයක් ලැබෙන තුරු තමන් මෙම පිරිස භාර නො ගන්නා බවයි. ඕස්ට්‍රේලියාවට පළා යන සංක්‍රමණිකයන්ගේ රැකවරණ ඉල්ලීම් සගා බැලීම පිණිස ඔවුන් මෙසේ ඉන්දුනීසියාවට යවන්නේ දෙරටේ රජයන් අතර ළඟදී එළඹි ගිවිසුමක් අනුවයි.  ඉන්දුනීසියාව සහ ඕස්ට්‍රේලියාව ලාංකික සරණාගතයන් පිළිබඳ අං පටලවා ගනිද්දී ලංකාවෙන් මිනිසුන් පළා යන තත්වයක් නිර්මානය කළ මෙරට පාලකයන් මේ කිසිවක් නො දන්නවා සේ තොපට ඕනැ දෙයක් කර ගනියව් කියා කර බා ගෙන සිටීම ලංකාවේ රාජ්‍ය තාන්ත්‍රික දක්ෂකමකට වඩා තමන්ගේ ජනයා පිළිබඳ...

(2009 ඔක්තෝබර්  27 - W3Lanka ) ලාංකික දෙමළ ජාතිකයන් සිය ගණනින් බෝට්ටුවලින් ඕස්ට්‍රේලියාවට හා කැනඩාවට පළා යමින් සිටියදී බලධාරීන්ට හමු වීමත් සමග ලංකාවේ රජය දෙමළ ජනයාට සලකන ආකාරය පිළිබඳ ලෝක අවධානය යොමු වෙමින් පවතී.  ඕස්ට්‍රේලියාව විසින් එරටට ගොඩබැසීමට ඉඩ නොදී හරවා එවන ලද 78දෙනෙකුගෙන් යුත් බහුතරය දෙමළ වන පිරිසක් ආහාර වර්ජනයක් ආරම්භ කර පසුව එය නතර කළ අතර ඔවුන්ව ඉන්දුනීසියාවේ රැඳවුම් කඳවුරක් වෙත ගෙන යාමට නියමිත ය.ඕස්ට්‍රේලියාව මේ මාසයේදී 250ක ලාංකික දෙමළ ජාතිකයන් සහිත තවත් නැවක් මෙසේ ම ඉන්දුනීසියාවට හරවා එවන ලදී. තමන් ලංකාවට ආපසු එවනු ඇතැයි බියෙන් මෙම ඇතැම් සරණාගතයෝ බෝට්ටුවෙන් මුහුදට පැන්න බව ද ඇතැම් මාධ්‍ය වාර්තා කළේය. ඇතැම් ජාත්‍යන්තර මාධ්‍ය පවසන පරිදි මෙකී පුද්ගලයෝ ලංකාවේ අනාථයන් රඳවා සිටින කඳවුරුවලින් පළා ආ අය වෙති. මෙම සිද්ධිය හා සම්බන්ධව ප්‍රකාශයක් කරන ඕස්ට්‍රේලියාවේ ග්‍රීන් පක්ෂයේ නායක, සෙනෙට් සභික බොබ් බ්‍රවුන් දෙමළ ජනයාට නිසි ලෙස සැලකීම සඳහා බල කිරීම පිණිස ලංකාවට එරෙහිව සම්බාධක පණවන ලෙස ඉල්ලා සිටියේය. කෙසේ වෙතත්, ඕස්ට්‍රේලියානු අගමැති කෙවින් රඩ්ගේ රජය මෙම පළා එන්නන්...

(2009 සැප්තැම්බර් 22 - W3Lanka) ලක්ෂ තුනක් පමණ වන කඳවුරුවල රඳවාගෙන සිටින දෙමළ සරණාගතයන් නිදහස් කරන ලෙස බලපෑම් කිරීම සඳහා එක්සත් ජාතීන්ගේ මහ ලේකම්ගේ සරණාගත අයිතිවාසිකම් පිළිබඳ දූත වෝල්ටර් කලින් බදාදා ලංකාවට පැමිණීමට නියමිතය.  ලංකාවේ ප්‍රශ්නය නිසි පරිදි මෙහෙයවූයේ නැති බවට එක්සත් ජාතීන්ගේ මහ ලේකම්වරයා වෙත බටහිර ජාතීන් වෙතින් චෝදනා එල්ල වී තිබේ.  ලංකාවේ නායකයන් සමග සාකච්ඡා කරන කලින් අනාථ කඳවුරු බැලීමට යාමට ද නියමිතය. කොටි නායකත්වය සමූලඝාතනය කර යුද්ධය අවසන් කිරීමට පෙර පසුගිය අප්‍රේල් මාසයේදී ද වෝල්ටර් කලින් ලංකාවට පැමිණියේය. ගිය සතියේ එක්සත් ජාතීන්ගේ දේශපාලන ප්‍රධානි ලින් පැස්කෝ ද ලංකාවේ චාරිකා කළේය. අනාථයන් යළි පදිංචි කිරීම පිළිබඳව රජය හා එක්සත් ජාතීන්ගේ මහ ලේකම් බෑන් කී මූන් අතර මැයි මාසයේ ඇති වූ එකඟත්වය අනුව යන ප්‍රමාණවත් වේගයකින් රජය කටයුතු නොකරන බව කී පැස්කෝ යුද්ධයේ අවසන් සමයේ රජයේ හමුදා අතින් සිදු වූ සීමාව ඉක්මවා යාම් පිළිබඳ සත්‍යය සෙවීමේ යාන්ත්‍රණයක් සැකසීමේ අවශ්‍යතාව ද අවධාරණය කළේය.