W3Lanka: Praja.lk Backup

(2011 අප්‍රේල් 06,   W3Lanka )  2011 වසරේ ලංකාවේ ආරක්ෂක වියදම රු. බිලියන 215කට අධික ය. එනම්, එක් පුරවැසියකු වෙනුවෙන් ආරක්ෂක වියදම රු.10,750කි. එහෙත්, මේ රටේ මිනිසුන්ට තිබෙන ආරක්ෂාව කුමක් ද? අප්‍රේල් 03දා කලුතර පොලිසියට නුදුරේදී මහජන මුදලින් පඩි කන ගුවන් හමුදාවේ හා පොලිස් විශේෂ කාර්ය බලකායේ රැළක් තමන්ට පඩි ගෙවන මහජනයාට පහර දී තුවාල කර දේපලවලට ද හානි කළ හ. මේ අතර, පසුගියදා ජනාධිපතිවරයා විසින් විවෘත කරන ලද පෑලියගොඩ මාළු වෙළඳ සංකීර්ණය කප්පම්කරුවන්ගේ රජදහනක් වී තිබේ. ආරක්ෂාවට යයි කියා නහය ළඟට ම සන්නද්ධ වී සිටින පොලිසිය හා හමුදා දේශපාලකයන් ආරක්ෂා කරන්නට උන් පසුපස දුවද්දී පෑලියගොඩ මාළු වෙළඳපොළට ආරක්ෂාව දෙන්නට දේශපාලන අනුග්‍රහය ලබන මැරවර කල්ලි දෙකක් ස්වේච්ඡාවෙන් ඉදිරිපත් වී ඒ සඳහා කප්පම් ඉල්ලති. ඇත්තෙන් ම කියනවා නම් මාළු වෙළෙන්දන්ට ආරක්ෂා වීමට සිදු වී තිබෙන්නේ මේ ආරක්ෂකයන්ගෙනි. ආරක්ෂක ලේකම් දෙවියනි ඔබ කොහිද? මේ ලිපියට ඔබ කැමති නම් වෙන අයත් එක්කත් බෙදා ගන්න

( 2011 ජනවාරි 12,  W3Lanka )  කැලණිය පළාතේ කොළ කොඩි, රතු කොඩි දැමිය නොහැකි යෑයි මහජන සම්බන්ධතා ඇමැති මර්වින් සිල්වා කැලණියේ නාරම්මිතිය ප්‍රදේශයේ පැවැති උත්සවයක්‌ අමතා ප්‍රකාශ කර ඇත. ඒ කියන්නේ ආණ්ඩුවත් එක්ක කූට්ටාලි වී සිටින වාසුදේව නානායක්කාර හා සමසමාජ, කොමියුනිස්ට් පක්ෂවලට ද කැලණියේ රතු කොඩි නො දැමිය හැකි බවයි. කැලණිය හරහා දුම්රිය ගමනාගමනය කරන විට ද මොන හේතුවක් නිසා හෝ කොළ කොඩි, රතු කොඩි නො ඔසවන්නට දුම්රිය දෙපාර්තමේන්තුව ද වග බලා ගත යුතු ය. දන්නවනේ, නැතිනම් සිදු වන්නේ සුදු කොඩි ඔසවන්නට ය. Bookmark, remember easily and come again   www.w3lanka.com

ලු ( 2010 ඔක්තෝබර් 28,  W3Lanka )   අන්තර් විශ්ව විද්‍යාල ශිෂ්‍ය බල මණ්ඩලයේ අත්තනෝමතික ක්‍රියාකාරීත්වය කෙරෙහි දැඩි විරෝධය පළ කරමින් සරසවි සිසුන්ගේ මවුපියන් ප්‍රමුඛ කැලණිය ප්‍රදේශවාසීහු කැලණිය විශ්වවිද්‍යාලය ඉදිරිපිටදී ඊයේ (27) උද්ඝෝෂණයක නිරත වූ බව අද දිනමිණ වාර්තා කර තිබේ. මේ මවුපියන් ප්‍රමුඛ කැලණිය ප්‍රදේශවාසීන්ගේ හැසිරීම දැක බලා ගන්නට අවශ්‍ය නම් ඩේලි මිරර් පුවත්පතේ මෙම වීඩියෝව බලන්න. ඔවුන් අම්මලා, තාත්තලා වන්නට පුළුවන. එහෙත්, ඔවුන් කී දෙනෙකු සරසවි සිසුන්ගේ අම්මලා, තාත්තලා ද යන්න සොයා බැලිය යුතු ය. 'කාගෙ ද මේ බලවේගේ - මර්වින්ගේ බලවේගේ' යන සුපුරුදු සටන් පාඨය කටින් පිට වීම වළක්වා ගත නො හැකි මෙම බීමත් මැරවර පිරිස සරසවි සිසුවකුට අඩන්තේට්ටම් කරන ආකාරය අද පුවත්පත් රැසක පළ වූ ඡායාරූපවලින් පෙනේ. මෙම උද්ඝෝෂණයේදී ගැහැනුන් පිරිසක් කලහකාරී ලෙස හැසිරෙන ආකාරය හා සරසවි සිසුවකුට අඩන්තේට්ටම් කරන ආකාරය දැක ගත හැකි ය. ඒ අතරින් එක් ගැහැනියක වන්නේ දිනමිණට අනුව 'එම අවස්ථාවට සහභාගි වූ බියගම කාන්තා සංවිධානයේ සාමාජිකා බිමල්කා පොත්තෙවෙලයි.' දිනමිණ කියන අන්දමින් නම් 'ප්‍රදේශයේ ජන...

( 2010 සැප්තැම්බර් 01,  W3Lanka )  කැලනිය ප්‍රාදේශීය ලේකම් කාර්යාලයේදී මන්ත්‍රී මර්වින් සිල්වා කළ ගස්‌ බැඳීම තමන් හා ප්‍රාදේශීය සභා මන්ත්‍රීවරයෙකු එක්‌ව ඩෙංගු මර්දනය සම්බන්ධයෙන් කළ රඟපෑමක්‌ බවට එම සිද්ධියට මුහුණපෑ සමෘද්ධි සංවර්ධන නිලධාරියා සහ ප්‍රාදේශීය සභා මන්ත්‍රීවරයකු දිවුරුම් පෙත්සම් දෙකක්‌ විනය කමිටුවට ලබා දී තිබෙන නිසා දැන් ශ්‍රී ලංකා නිදහස් පක්ෂය ඔහු විනය පරීක්ෂණයෙන් නිදහස් කර නැවත  කැලනියආසන සංවිධායක ධුරය ලබා දී ඇත.  ජනාධිපතිවරයා නුදුරු අනාගතයේදී ම මොහු නැවත නියෝජ්‍ය ඇමති තනතුරේ හෝ ඇතැම් විට කැබ්නට් ඇමති ධුරයක පිහිටුවීමට ඉඩ තිබේ.  ජංගම දුරකථන ඔස්‌සේ ප්‍රචාරය කළ අසභ්‍ය වීඩියෝ දර්ශන සඳහා පෙනී සිටි තරුණ තරුණියන් හැට දෙනකු අත්අඩංගුවට ගැනීමට පියවර ගෙන ඇතැයි ළමා හා කාන්තා කාර්යාංශයේ ප්‍රකාශකයෙක්‌ පසුගිය "දිවයින ඉරිදා සංග්‍රහය"ට පවසා තිබිණි.  අසභ්‍ය වීඩියෝ දර්ශන සඳහා පෙනී සිටීම කියන්නේ ද රංගනයකි. ඒ රංගනය තහනම් බව මෙම පුවත අනුව පෙනේ. ඒවා තහනම් කරන්නට ඇත්තේ ඒවා බලා මිනිසුන් යම් අනර්ථකාරී හැඟීමක් ඇති කර ගන්නා නිසා වන්නට පුළුවන.  කැලනියේ මර්...

ඡායාරූපයේ සිටින රැචල් කොරි නම් 21 හැවිරිදි ඇමරිකානු ජාතික ක්‍රියාකාරිනිය පලස්තීන ජනාවාස වැනසීම සඳහා ඉදිරියෙන් පැමිණෙන ඊශ්‍රායල් බුල්ඩෝසරයට එරෙහිව නැඟී සිට එය විසින් යට කර මරා දමනු ලැබුවා ය.  (2010 අගෝස්තු 03,  W3Lanka )  දරුවකු අසනීප වූ නිසා බව කියා ඩෙංගු මර්දන ශ්‍රමදානයට සහභාගි නොවූ කැලනිය ප්‍රාදේශීය ලේකම් කාර්යාලයේ සුළුතර මුස්ලිම් ජාතික සමෘද්ධි නිලධාරියකු වන මොහොමඩ් ඉෂාම් මහතා ආචාර්ය මර්වින්තුමාගේ නියෝග මත ගස් බැන්දේ ඔහුගේ ම සහෝදර 'පිරිමි' නිලධාරියෙකි. සෙසු 'පිරිමි' වට වී මෙම සාපරාධී ක්‍රියාව නැරඹූ හ. ඡායාරූප ගත්ත හ. තම ජීවිතය නො තකා මෙම අශිෂ්ට, අවනීතික ක්‍රියාවට විරුද්ධ වන්නට කොන්දක් තිබූ එක් අයෙක් හෝ එහි සිටි බව දක්නට ලැබිණි. ඒ ගැහැනියකි. පිරිමි හා ගැහැනු ගැන ස්ත්‍රීවාදී කතිකාවේ ගැඹුරු දාර්ශනික විග්‍රහයක් ජීවිතයෙන් සටහන් කළ නාඳුනන වීර සොයුරිය ඔබට අපගේ උපහාරය! කැලනියෙන් ආරම්භ වන පහළ මට්ටමේ රජයේ සේවකයන් ඇතුළු පීඩිතයන් ගස් බැඳීමේ සියඹලා ආණ්ඩුවේ පොල්කටු උසාවිය පරාජය කරන්නට හැකි වන්නේ ඔබ වැනි ගැහැනුන්ගේ ශක්තියෙනි.  You may also like to ...

(2010 ජුලි 29,  W3Lanka )  වරක් වැන්දොත් උපන්දා සිට කළ පව් නැති වන බව කියන කැලනියට වර්තමානයේ අධිගෘහිතව සිටින ............ (සුදුසු වචනයක් යොදා හිස්තැන පුරවා ගන්න) විසින් ක්‍රියාත්මක කරනු ලබන සියඹලාණ්ඩුව අලුත් නීතියක් ක්‍රියාත්මක කිරීමට යයි. මීට පෙර මෙම ප්‍රදේශයේ මත් පැන් අලෙවිය තහනම් කෙරුණ අතර දැන් කැලනියේ ජනතාව බඩේ අමාරුවකටවත් අරක්කු මූඩියෙන් එකක්වත් කටේ තියන්නේ නැත. එදා අරක්කු, කසිප්පු, කුඩු විකුණා ලාභ ඉපැයූ ඇතැමෙක් දැන් හිඟා කන බව කැලනියෙන් වාර්තා වේ. අහෝ දුකකි! කැලනියේ අලුත් ම යුද්ධය ඩෙංගු මදුරුවාට එරෙහිව ලු. ප්‍රදේශයේ මින් ඉදිරියට ඩෙංගු රෝගය වැළඳී කවර අයෙකු හෝ මිය ගියහොත් එම මරණය පිළිබඳව ප්‍රදේශයේ ග්‍රාමසේවා නිලධාරියා, සමෘද්ධි නිලධාරියා, සෞඛ්‍ය නිලධාරියා සහ ප්‍රාදේශීය සභාපති වරයා ඇතුළු නිලධාරීන් මුළුමනින් වගකිව යුතුව ඇතැයි ද එම මරණකරුගේ නිවස ඉදිරිපිටට මොවුන් ගෙන ගොස්‌ ඩෙංගු පිළිබඳව සැලකිලිමත් නොවීම සම්බන්ධව ගස්‌ බඳින බව ද මානව හිමිකම් නීති තමාට අවශ්‍ය නැති බව ද තමාට අවශ්‍ය වී ඇත්තේ ඩෙංගු උවදුරුවලින් මිනිසුන් බේරාගැනීම බව ද මහා මාර්ග නියෝජ්‍ය ඇමැති මර්වින් සිල්වා ...

(2010 අප්‍රේල් 26 -  W3Lanka  )  අභිනව ජනමාධ්‍ය නියෝජ්‍ය ඇමති ලෙස පත් වී සිටින මර්වින් සිල්වා අප්‍රේල් 08 දින පැවති මහ මැතිවරණයෙන් විශාල මනාප ප්‍රමාණයක් ලබාගෙන ජයග්‍රහණය කිරීමෙන් පසු ඔහු නියෝජනය කරන කැලනිය ආසනයේ මත්පැන් අලෙවි කිරීම තහනම් කර ප්‍රදේශයේ සාරධර්ම පිළිබඳ අදහස් රාශියක් දැක්වූයේ ය.  එම තහනම අතරතුර ද කැලනිය ප්‍රදේශයේ නීති විරෝධී මත්පැන් අලෙවිය ගජරාමෙට සිදු විය. බැහැරින් අරක්කු ගෙන ඒමට යන මිනිසුන්ගෙන් ත්‍රිරෝද රියදුරන්ට හයර් වැඩි වී තිබුණු බව ද වාර්තා වේ. ඇතැම් ත්‍රිරෝද රියදුරෝ ජනමාධ්‍යවලට අදහස් දක්වමින් මර්වින් සිල්වා මන්ත්‍රීගේ ක්‍රියාව මහ ඉහළින් අගය කළහ. දැන් එකී මත්පැන් තහනම ඉවත් කර තිබේ. ඒ අනුව රජයට බදු ගෙවන මත්පැන්හල් මෙන් ම බදු නොගෙවා කැලනිය විහාරය සමීපයේ දේශපාලන බලයෙන් පවත්වාගෙන යන මත්පැන්හල් ද, හොර මත්පැන්හල් ද දැන් විවෘත ය.  මර්වින් සිල්වා මන්ත්‍රීවරයා කළ කතාවලට කුමක් සිදු වූයේදැයි නොදනිමු.  දැන් ඉතින් වැඩේ හරි යයි සිතූ බේබදු සැමියාගෙන් ගුට් කන ගැහැනුන්ට හා සැමියා හීනියට අඩියක් ගැසූ දාට ඇති සැප නොලැබීම යාවිදැයි දුක් වූ ගැහැනුන්ට...

(2010 අප්‍රේල් 17 -  W3Lanka )  ගම්පහ දිස්ත්‍රික් ජනතාව විසින් අති විශාල මනාප සංඛ්‍යාවකින් පාර්ලිමේන්තුවට පත් කර ගන්නා ලද ආචාර්ය මර්වින් සිල්වා කැලනිය ආසනයේ මත්පැන් විකිණීම තහනම් කිරීමේ විශේෂ නියෝගයක් නිකුත් කර ශබ්ද විකාශන මගින් එය දැනුම් දී තිබේ. මත්පැන් විකිණීම සඳහා රජය විසින් බලපත්‍ර ලබා දී ඇති බාර්වලට ද මේ තහනම අදාල බව ආචාර්ය මර්වින් කියයි. මේවා දකින අපට නම් බොන්නේ නැතුවත් සූර්ය. මහින්දානන්ද සිල්වා හිටපු ඇමති කැලනියේ හිටියා නම් චූලෝදර, මහෝදර සටනේ අලුත් පිටපත බලා ගන්නට තිබිණි. 1987-89 කාලයේ ජවිපෙ කැරැල්ල අතරතුරදී ද මෙවැනි නියෝග නිකුත් කරන ආණ්ඩුවක් ක්‍රියාත්මක විය. එම නියෝග නොපිළිපැද්ද අයගේ කටවල් කැපීම, අත-පය කැපීම, ලයිට් කණුවල බැඳ තැබීම, වෙඩි තබා මළ මිනී ප්‍රදර්ශනය කිරීම වැනි දඬුවම් ලැබිණි. එකල ජනතාව ඒ ආණ්ඩුවට කීවේ සියඹලාණ්ඩුව කියාය. දැන් කැලනියට සියඹලාණ්ඩුවක් ලැබී තිබේ. මර්වින් සිල්වා ජනාධිපතිකමට පත් කර ගත්තා නම් රට ම සියඹලාණ්ඩුවක් කර ගන්නට පුළුවන.

(2009 නොවැම්බර් 14 - W3Lanka ) සිය ඉල්ලා අස් වීම ප්‍රකාශයට පත් කිරීමෙන් පසු කැලනි රජ මහා විහාරය වැඳ පුදා ගැනීමට ගිය හිටපු හමුදාපති ජනරාල් සරත් ෆොන්සේකාට පිරිසක් දමා හූ කියවූ කැලනියේ මැර දේශපාලනඥයාට මට්ටුවක් කිරීමට ජනාධිපතිවරයා තීරණය කර ඇති බව විශ්වාස කටයුතු ආරංචි මාර්ගවලින් දැන ගන්නට තිබේ.  ඡන්ද සටන්වල වාසි අවාසි බලා, අනාගත පාලකයන් වීමට ඉඩ ඇති අපේක්ෂකයන්ගේ දෙපා නමැඳ පක්ෂපාතිත්වයන් මාරු කිරීමේ සම්ප්‍රදායක් අනුගමනය කරන මෙම දේශපාලකයා ‍එළඹෙන මැතිවරණවලදී පිල් මාරු කිරීම වළක්වා ගැනීම පිණිස ද, ඔහුගේ මැර ක්‍රියා නිසා රජයට ඇති වී තිබෙන අපකීර්තිය ඔහු පිටින් ම යවා අත සෝදා ගැනීමට ද රාජ්‍ය නායකයන් තීරණය කර ඇති බව ද දැනගන්නට ඇත. මෙම දේශපාලකයාට එරෙහිව ක්‍රියාමාර්ගයකට එළඹීම රජයේ ජනප්‍රියත්වය ඉහළ නැංවීමට හේතු වන බවට උපදෙස් ජනාධිපතිවරයාට ලැබී තිබේ. ඒ අනුව, ඔහුට එරෙහිව ක්‍රියාමාර්ග ගැනීම සඳහා අවස්ථාවක් ලැබෙන තෙක් ජනාධිපතිවරයා බලා සිටින බව ද පසුගිය සමයේ අසන්නට ලැබිණි.  මෙම දේශපාලකයා බොහෝ නීති විරෝධී ක්‍රියාවලට සම්බන්ධ අයෙකු වන අතර පසුගිය සමය පුරා ම ඔහුට රාජ්‍ය අනුග්‍රහය ලැබිණි.